പാ​ഠ​ങ്ങ​ൾ ഇ​നി​യും ബാ​ക്കി

ഒ​ടു​വി​ൽ ആ ​സ​ന്തോ​ഷ വാ​ർ​ത്ത​യെ​ത്തി: 17 ദി​വ​സ​ത്തെ കാ​ത്തി​രി​പ്പി​നു​ശേ​ഷം ഉ​ത്ത​ര​കാ​ശി​യി​ലെ സി​ൽ​ക്യാ​ര തു​ര​ങ്ക​ത്തി​ൽ കു​ടു​ങ്ങി​യ 41 തൊ​ഴി​​ലാ​ളി​ക​ളും സു​ര​ക്ഷി​ത​മാ​യി തി​രി​ച്ചെ​ത്തി​യി​രി​ക്കു​ന്നു. ന​വം​ബ​ർ 12ന് ​അ​പ​ക​ട​മു​ണ്ടാ​യി മ​ണി​ക്കൂ​റു​ക​ൾ​ക്കു​ള്ളി​ൽ തു​ട​ങ്ങി​യ ര​ക്ഷാ​പ്ര​വ​ർ​ത്ത​നം ആ​ശ​ങ്ക​ക​ൾ​ക്കും അ​നി​ശ്ചി​ത​ത്വ​ങ്ങ​ൾ​ക്കും വി​രാ​മ​മി​ട്ട് വി​ജ​യ​ത്തി​ലെ​ത്തി​. ഇ​ത്ര​യും ദി​വ​സം ഇ​രു​ട്ട​റ​യി​ൽ ക​ഴി​ഞ്ഞ തൊ​ഴി​ലാ​ളി​ക​ളെ കാ​ര്യ​മാ​യ പ​രി​ക്കു​ക​ളി​ല്ലാ​തെ ജീ​വി​ത​ത്തി​ലേ​ക്ക് തി​രി​ച്ചു​കൊ​ണ്ടു​വ​രുക ചെ​റി​യ കാ​ര്യ​മ​ല്ല. രാ​ജ്യ​ത്തെ ദേ​ശീ​യ ദു​ര​ന്ത പ്ര​തി​ക​ര​ണ സേ​ന​ (എ​ൻ.​ഡി.​ആ​ർ.​എ​ഫ്)​ ച​രി​ത്ര​ത്തി​ലെ​ത​ന്നെ ഏ​റ്റ​വും ശ്ര​മ​ക​ര​മാ​യ ദൗ​ത്യ​മാ​ണ് വ​ലി​യ പ​രി​മി​തി​ക​ൾ​ക്കിട​യി​ലും വി​ജ​യ​ക​ര​മാ​യി പൂ​ർ​ത്തി​യാ​ക്കി​യ​ത്. ഒരു രാജ്യത്തിൻ്റെ പ്രാർഥനകൾ സഫലമായ ഈ നിമിഷത്തിൽ ​ര​ക്ഷാ​ദൗ​ത്യ​ത്തി​ൽ ഒ​പ്പം നി​ന്ന​വ​രെ മു​ഴു​വ​നും അ​ഭി​വാ​ദ്യം ചെ​യ്യാം.

ഒ​രു​പ​ക്ഷേ, ആ​ദ്യ​മാ​യി​​രി​ക്കും രാ​ജ്യ​ത്ത് ഇ​ത്ര​നാ​ൾ നീ​ണ്ടൊ​രു ര​ക്ഷാപ്ര​വ​ർ​ത്ത​നം ന​ട​ക്കു​ന്ന​ത്. അ​ഞ്ചുവ​ർ​ഷം മു​മ്പ് താ​യ്‍ല​ൻ​ഡി​ലെ താം ​ലു​വാ​ങ് ഗു​ഹ​യി​ൽ കു​ടു​ങ്ങി​യ ഫു​ട്ബാ​ൾ ക​ളി​ക്കാ​രാ​യ 12 കു​ട്ടി​ക​ളെ​യും സ​ഹ​പ്ര​വ​ർ​ത്ത​ക​രെ​യും ര​ക്ഷപ്പെ​ടു​ത്തി​യ സം​ഭ​വ​ത്തെ പ​ല അ​ർ​ഥ​ത്തി​ലും ഓ​ർ​മ​പ്പെ​ടു​ത്തി സി​ൽ​ക്യാ​ര​യി​ലെ ‘ഓ​പ​റേ​ഷ​ൻ സി​ന്ദ​ഗി’. ഈ ​താ​ര​ത​മ്യം ര​ണ്ടു ദൗ​ത്യ​ങ്ങ​ൾ ത​മ്മി​ലു​ള്ള സാ​മ്യ​ത​ക​ൾ​കൊ​ണ്ടു മാ​ത്ര​മ​ല്ല, അ​വ ത​മ്മി​ലു​ള്ള വ്യ​ത്യാ​സ​ങ്ങ​ൾ​കൂ​ടി ക​ണ​ക്കി​ലെ​ടു​ത്താ​ണ്. താ​യ്‍ല​ൻ​ഡി​ൽ അ​ന്താ​രാ​ഷ്ട്ര മു​ങ്ങ​ൽ വി​ദ​ഗ്ധ​രു​ടെ​യും മ​റ്റും സ​ഹാ​യ​ത്തോ​ടെ ഒ​മ്പ​തു ദി​വ​സ​മെ​ടു​ത്താ​ണ് മു​ഴു​വ​ൻ ആ​ളു​ക​ളെ​യും ര​ക്ഷ​പ്പെ​ടു​ത്തി​യ​ത്; ഇ​വി​ടെ അ​ത് 17 ​ദി​വ​സ​മെ​ടു​ത്തി​രി​ക്കു​ന്നു. കാ​ലാ​വ​സ്ഥ-​ഭൂ​മി​ശാ​സ്ത്ര സം​ബ​ന്ധി​യാ​യ കാ​ര​ണ​ങ്ങ​ൾ​കൊ​ണ്ട് ഈ ​ഏ​റ്റ​ക്കു​റ​ച്ചി​ലു​ക​ൾ സം​ഭ​വി​ക്കാം. എ​ന്നാ​ൽ, അ​തു മാ​ത്ര​മാ​ണോ ഈ ​​വൈ​ക​ലി​ന് കാ​ര​ണം? വി​ഷ​യ​ത്തെ വ​സ്തു​നി​ഷ്ഠ​മാ​യി സ​മീ​പി​ച്ചാ​ൽ അ​ല്ലെ​ന്നുത​ന്നെ പ​റ​യേ​ണ്ടി​വ​രും. സു​ര​ക്ഷാ​ദൗ​ത്യ​ത്തി​ന്റെ ഏ​കോ​പ​നങ്ങ​ളി​ൽ പ​ലകു​റി പാ​ളി​ച്ച​യു​ണ്ടാ​യി എ​ന്ന​തും ന​മ്മു​ടെ ദു​ര​ന്ത​നി​വാരണ സം​വി​ധാ​ന​ങ്ങ​ളു​ടെ ക്ഷ​മ​ത​യി​ല്ലാ​യ്മ​യും ​ര​ക്ഷാ​പ്ര​വ​ർ​ത്ത​ന​ങ്ങ​ളെ ബാ​ധി​ച്ചു​വെ​ന്ന് സ​മ്മ​തി​ക്കേ​ണ്ടി​വ​രും. സാ​​ങ്കേ​തി​ക​ത്തി​ക​വി​ൽ നാം ​അ​ൽ​പം പി​ന്നി​ലാ​യി എ​ന്ന​തും യാ​ഥാ​ർ​ഥ്യ​മാ​ണ്. അ​​ല്ലാ​യി​രു​ന്നു​വെ​ങ്കി​ൽ, പ​തി​നൊ​ന്നാം നാ​ളി​ലെ​ങ്കി​ലും ആ 41 ​തൊ​ഴി​ലാ​ളി​ക​ൾ പു​റ​ത്തു​വ​ന്നേ​നെ. എ​ന്തു​കൊ​ണ്ട് ഇ​തു​പോ​ലു​ള്ള ന​മ്മു​ടെ സം​വി​ധാ​ന​ങ്ങ​ൾ​ക്ക് വേ​ഗ​ക്കു​റ​വ് സം​ഭ​വി​ക്കു​ന്നു​വെ​ന്ന് ആ​ലോ​ചി​ക്കേ​ണ്ട സ​മ​യം കൂ​ടി​യാ​ണി​ത്.

വി​വി​ധ ഏ​ജ​ൻ​സി​ക​ൾ പു​റ​ത്തു​വി​ട്ട ക​ണ​ക്കു​ക​ൾ പ്ര​കാ​രം, തു​ര​ങ്ക ദു​ര​ന്തം ന​ട​ന്ന ഉ​ത്ത​രാ​ഖ​ണ്ഡി​ൽ ഈ ​വ​ർ​ഷം മാ​ത്രം ആ​യി​ര​ത്തി​ല​ധി​കം മ​ണ്ണി​ടി​ച്ചി​ൽ അ​പ​ക​ട​ങ്ങ​ൾ റി​പ്പോ​ർ​ട്ട് ചെ​യ്തി​ട്ടു​ണ്ട്; അ​തി​ൽ അ​മ്പ​തോ​ളം മ​ര​ണ​ങ്ങ​ളും സം​ഭ​വി​ച്ചു. അ​ഥ​വാ, ഒ​രു ദു​ര​ന്ത മു​ന​മ്പി​ലാ​ണ് സി​ൽ​ക്യാ​ര പോ​ലു​ള്ള വ​മ്പ​ൻ നി​ർ​മാ​ണ​ങ്ങ​ൾ അ​ഭം​ഗു​രം ന​ട​ന്നു​കൊ​ണ്ടി​രി​ക്കു​ന്ന​ത്. മ​റ്റൊ​ര​ർ​ഥ​ത്തി​ൽ, ഏ​തു നി​മി​ഷ​വും പ്ര​തീ​ക്ഷി​ച്ച ഒ​ര​പ​ക​ടം ത​ന്നെ​യാ​യി​രു​ന്നു അ​ത്. മ​റ്റു മ​ല​നി​ര​ക​ളി​ൽ​നി​ന്ന് വ്യ​ത്യ​സ്ത​മാ​യി ഹി​മാ​ല​യ​ൻ മേ​ഖ​ല​ക​ൾ അ​ത്യ​ധി​കം ലോ​ല​മാ​ണെ​ന്നും അ​വി​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് കാ​ര്യ​മാ​യ നി​യ​ന്ത്ര​ണ​ങ്ങ​ൾ വേ​ണ​മെ​ന്നും ഈ ​മേ​ഖ​ല​യി​​ലെ വി​ദ​ഗ്ധ​ർ ആ​വ​ർ​ത്തി​ച്ച് മു​ന്ന​റി​യി​പ്പു ന​ൽ​കി​യ​താ​ണ്. അ​തി​നെ​യെ​ല്ലാം അ​വ​ഗ​ണി​ച്ചാ​ണ് ബ്ര​ഹ്മ​ഖാൽ-​യ​മു​നോ​ത്രി ഹൈ​വേ​യി​ൽ ഏ​താ​ണ്ട് നാ​ല​ര കി​ലോമീ​റ്റ​ർ സി​ൽ​ക്യാ​ര-ദ​ണ്ഡ​ൽ​ഗാ​വ് തു​ര​ങ്ക നി​ർ​മാ​ണം ആ​രം​ഭി​ച്ച​ത്. കേ​ന്ദ്ര സ​ർ​ക്കാ​റി​ന്റെ ചാ​ർ​ധം മ​ഹാ​മാ​ർ​ഗ് പ​രി​യോ​ജ​ന പ​ദ്ധ​തി​യു​ടെ ഭാ​ഗ​മാ​യാണ് ഈ ​പാ​ത നി​ർ​മാ​ണം. ഉ​ത്ത​രാ​ഖ​ണ്ഡി​ലെ പ്ര​ധാ​ന ഹി​ന്ദു തീ​ർ​ഥാ​ട​ന കേ​ന്ദ്ര​ങ്ങ​ളാ​യ യ​മു​നോ​ത്രി, ഗം​ഗോ​ത്രി, കേ​ദാ​ർ​നാ​ഥ്, ബ​ദ​രീ​നാ​ഥ് എ​ന്നീ പ​ട്ട​ണ​ങ്ങ​ളെ ബ​ന്ധി​പ്പി​ക്കു​ന്ന 1000 കി​ലോ​മീ​റ്റ​ർ പാ​ത​യു​ടെ നി​ർ​മാ​ണ​മാ​ണ് ഈ ​പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്. രാ​മ​ക്ഷേ​ത്ര നി​ർ​മാ​ണം പോ​ലെ​ത്ത​ന്നെ, ലോ​ക്സ​ഭ തെ​ര​ഞ്ഞെ​ടു​പ്പി​നു മു​ന്നോ​ടി​യാ​യി മോ​ദിസ​ർ​ക്കാ​റി​ന് അ​ടി​യ​ന്ത​ര​മാ​യി പൂ​ർ​ത്തി​യാ​ക്കേ​ണ്ട മ​റ്റൊ​രു അ​ജ​ണ്ട​കൂ​ടി​യാ​ണി​ത്. അ​തു​കൊ​ണ്ടു​ത​ന്നെ, സ​ർ​വ നി​യ​മ​ങ്ങ​ളും കാ​റ്റി​ൽ​പ​റ​ത്തി​യു​ള്ള​താ​യി​രു​ന്നു ഇ​തി​ന്റെ നി​ർ​മാ​ണ​മ​ത്ര​യും. രാ​ജ്യ​ത്ത് ഒ​രു പാ​ത നി​ർ​മി​ക്കു​മ്പോ​ൾ ഓ​രോ 100 കി​ലോ​മീ​റ്റ​റി​നും പ്ര​ത്യേ​കം പാ​രി​സ്ഥി​തി​കാ​നു​മ​തി വേ​ണ​മെ​ന്നാ​ണ്. അ​തൊ​ന്നും ഈ ​പ​ദ്ധ​തി​ക്ക് ബാ​ധ​ക​മാ​യി​രു​ന്നി​ല്ല. സി​ൽ​ക്യാ​രയിലെ തു​ര​ങ്ക നി​ർ​മാ​ണം ത​ന്നെ​ പ​ദ്ധ​തി​യി​ൽ ​കൂ​ട്ടി​ച്ചേ​ർ​ത്ത​താ​ണ്. തു​ര​ങ്കം വ​ന്നാ​ൽ, 20 കി​ലോ​മീ​റ്റ​ർ ലാ​ഭി​ക്കാ​നാ​കു​മെ​ന്നാ​ണ് പ​റ​യു​ന്ന​ത്. അ​ന്നു​​ത​ന്നെ വി​വി​ധ പ​രി​സ്ഥി​തി സം​ഘ​ട​ന​ക​ളും ഹി​മാ​ല​യ​ൻ മേ​ഖ​ല​യി​ൽ ഗ​വേ​ഷ​ണം ന​ട​ത്തു​ന്ന​വ​രും ഇ​തി​നെ​തി​രെ രം​ഗ​ത്തു​വ​ന്നി​രു​ന്നു; വി​വി​ധ ബ​ദ​ൽ മാ​ർ​ഗ​ങ്ങ​ളും നി​ർ​ദേ​ശി​ക്ക​പ്പെ​ട്ടു. പ​ക്ഷേ, അ​തെ​ല്ലാം ത​ള്ളി​മാ​റ്റി അ​ധി​കാ​രി​ക​ൾ മു​ന്നോ​ട്ടു​പോ​വു​ക​യാ​യി​രു​ന്നു.

കാ​ലാ​വ​സ്ഥ വ്യ​തി​യാ​നം കേ​വ​ല കെ​ട്ടു​ക​ഥ​യോ അ​ങ്ങ​ക​ലെ​യെ​വി​ടെ​യോ സം​ഭ​വി​ച്ചു​കൊ​ണ്ടി​രി​ക്കു​ന്ന പ്ര​കൃ​തി പ്ര​തി​ഭാ​സ​മോ അ​ല്ലെ​ന്ന് ഓ​ർ​മ​പ്പെ​ടു​ത്തി​ക്കൊ​ണ്ടി​രി​ക്കു​ന്ന അ​നു​ഭ​വ​ങ്ങ​ളി​ലൂ​ടെ​യാ​ണ് നാം ​ഓ​രോ നി​മി​ഷ​വും ക​ഴി​ഞ്ഞു​പോ​കു​ന്ന​ത്. ഈ ​യാ​ഥാ​ർ​ഥ്യ​വു​മാ​യി ബ​ന്ധ​പ്പെ​ടു​ത്തി​വേ​ണം സി​ൽ​ക്യാ​ര​യു​ടെ പാ​ഠ​ങ്ങ​ളെ ഉ​ൾ​കൊ​ള്ളാ​ൻ. ഇ​ന്ത്യ​ൻ ഉ​പ​ഭൂ​ഖ​ണ്ഡ​ത്തി​ലെ കാ​ലാ​വ​സ്ഥ​യെ പൊ​തു​വി​ലും ഉ​ത്ത​രേ​ന്ത്യ​​ൻ കാ​ലാ​വ​സ്ഥ​യെ സ​വി​ശേ​ഷ​മാ​യും സ്വ​ാധീ​നി​ക്കു​ന്ന​തി​ൽ ഹി​മാ​ല​യ​ൻ മ​ല​നി​ര​ക​ൾ​ക്ക് വ​ലി​യ പ​ങ്കു​ണ്ട്. എ​ന്നാ​ൽ, ഈ ​മേ​ഖ​ല​യാ​കെ വി​വി​ധ കാ​ര​ണ​ങ്ങ​ളാ​ൽ നാ​ശോ​ന്മു​ഖ​മാ​യി​ക്കൊ​ണ്ടി​രി​ക്കു​ക​യാ​ണ്. പ്ര​കൃ​തി​യി​ലു​ള്ള മ​നു​ഷ്യ​ന്റെ അ​നാ​വ​ശ്യ കൈ​ക​ട​ത്ത​ൽ ത​ന്നെ​യാ​ണ് അ​തി​ലൊ​ന്ന്. ഒ​രു ത​ത്ത്വ​ദീ​ക്ഷ​യു​മി​ല്ലാ​ത്ത നി​ർ​മാ​ണ പ്ര​വ​ർ​ത്ത​ന​ങ്ങ​ൾ സ്വ​ത​വേ പ്ര​കൃ​തി​ലോ​ല​മാ​യ ഹി​മാ​ല​യ​ത്തി​ന്റെ കാ​ലാ​വ​സ്ഥ താ​ള​ത്തെ ത​കി​ടം മ​റി​ച്ചി​രി​ക്കു​ന്നു. തു​ട​ർ​ച്ച​യാ​യി സം​ഭ​വി​ച്ചുകൊ​ണ്ടി​രി​ക്കു​ന്ന മ​ണ്ണി​ടി​ച്ചി​ലും മ​ല​യി​ടി​ച്ചി​ലും മി​ന്ന​ൽ പ്ര​ള​യ​വും മ​ധ്യേ​ന്ത്യ​യി​ലെ താ​പ​വാ​ത​വു​മെ​ല്ലാം ഇ​തി​ന്റെ ഫ​ല​മാ​യി സം​ഭ​വി​ച്ച​താ​ണ്. അ​തി​ന്റെ​യെ​ല്ലാം തു​ട​ർ​ച്ച​യി​ൽ ത​ന്നെയാണ് തു​ര​ങ്ക​ ദു​ര​ന്ത​ത്തെ​യും കാ​ണേ​ണ്ട​ത്. അ​തി​നെ കേ​വ​ല​മൊ​രു അ​പ​ക​ട​മാ​യി ചു​രു​ക്കാ​നാ​വി​ല്ല. അ​തു​കൊ​ണ്ടു​ത​ന്നെ, കാ​ലാ​വ​സ്ഥ വ്യ​തി​യാ​ന​ത്തെ മു​ൻ​നി​ർ​ത്തി​യു​ള്ള പു​തി​യ പ​രി​സ്ഥി​തി നി​യ​മ​ങ്ങ​ളെ​യും സു​ര​ക്ഷ സം​വി​ധാ​ന​ങ്ങ​ളെ​യു​മെ​ല്ലാം ഓ​ർ​മി​പ്പി​ക്കു​ക​യാ​ണ് സി​ൽ​ക്യാ​ര സം​ഭ​വം. അ​തൊ​രു വ​ലി​യ പാ​ഠ​മാ​യി മാ​റ​ട്ടെ!