ത​ല ത​ക​ർ​ത്ത ക​ല്യാ​ണം

വി​വാ​ഹം സ്വ​ർ​ഗ​ത്തി​ൽ ന​ട​ക്കു​ന്നു എ​ന്നാ​ണ് പ​ഴ​മൊ​ഴി. യു​വ ജീ​വി​ത​ത്തി​ലെ ഏ​റ്റ​വും ആ​ഹ്ലാ​ദ​ക​ര​വും മ​ധു​ര​വു​മാ​യ വ​ഴി​ത്തി​രി​വാ​ണ് വൈ​വാ​ഹി​കജീ​വി​തം എ​ന്ന സ​ങ്ക​ൽ​പ​മാ​ണ് അ​ങ്ങ​നെ​യൊ​രു പ്ര​സ്താ​വം ഉ​ട​ലെ​ടു​ക്കാ​നും പ​ര​ക്കെ പ്ര​ച​രി​ക്കാ​നും കാ​ര​ണം. അ​തു​കൊ​ണ്ടു​ത​ന്നെ, വി​വാ​ഹ​ച്ച​ട​ങ്ങി​നോ​ട​്​ അനു​ബ​ന്ധി​ച്ച് പ​ലവി​ധ​ത്തി​ലു​ള്ള ആ​ഘോ​ഷ​ങ്ങ​ളും സ​ദ്യ​വ​ട്ട​ങ്ങ​ളു​മൊ​ക്കെ വി​വി​ധ ജ​ന​വി​ഭാ​ഗ​ങ്ങ​ളി​ലും നാ​ടു​ക​ളി​ലും ന​ട​പ്പു​ണ്ട്. ക​ല്യാ​ണ​ങ്ങ​ളി​ലെ പ​രി​ധി​വി​ട്ട ആ​ർ​ഭാ​ട​ങ്ങ​ളും ധൂ​ർ​ത്തും ദു​ർ​വ്യ​യ​വും നി​യ​ന്ത്രി​ക്ക​പ്പെ​ടേ​ണ്ട​തി​ന്റെ ആ​വ​ശ്യ​ക​ത പ​ക്വ​മ​തി​ക​ൾ ചൂ​ണ്ടി​ക്കാ​ട്ടാ​റു​ള്ള​തോ​ടൊ​പ്പം സ്വാ​ഭാ​വി​ക​മാ​യ ആ​ഘോ​ഷ​ങ്ങ​ളു​ടെ നേ​രെ ക​ണ്ണു​ചി​മ്മു​ന്ന​തും ജീ​വി​ത​ത്തി​ൽ ഒ​രി​ക്ക​ൽമാ​ത്രം ന​ട​ക്കു​ന്ന, ന​ട​ക്കേ​ണ്ട പ​വി​ത്ര​മാ​യൊ​രു ച​ട​ങ്ങി​ന്റെ ര​സ​ച്ച​ര​ട് പൊ​ട്ടി​ക്കു​ന്ന​തി​ലെ അ​സാം​ഗ​ത്യ​മോ​ർ​ത്താ​ണ്. എ​ന്നാ​ൽ, സം​സ്ഥാ​ന​ത്ത് പൊ​തു​വെ​യും മ​ല​ബാ​ർ മേ​ഖ​ല​യി​ൽ വി​ശേ​ഷി​ച്ചും ക​ല്യാ​ണ​ങ്ങ​ളോ​ട​നു​ബ​ന്ധി​ച്ച് ന​ട​മാ​ടു​ന്ന ആ​ഭാ​സ​ങ്ങ​ളും തോ​ന്ന്യവാ​സ​ങ്ങ​ളും സ​ർ​വ​ റെ​ക്കോ​ഡും ഭേ​ദി​ച്ച് ബോം​​േബ​റി​ലും കൊ​ല​യി​ലുംവ​രെ ക​ലാ​ശി​ച്ചി​രി​​ക്കെ സ​ർ​ക്കാ​റി​ന്റെ​യും സ​മൂ​ഹ​ത്തി​ന്റെ​യും സ​ത്വ​ര​ശ്ര​ദ്ധ വി​ഷ​യ​ത്തി​ലേ​ക്ക് പ​തി​യേ​ണ്ട സ​മ​യം അ​തി​ക്ര​മി​ച്ചി​രി​ക്കു​ന്നു.

ബോം​ബ് നി​ർ​മാ​ണ​വും പ്ര​യോ​ഗ​വും കു​ടി​ൽവ്യ​വ​സാ​യ​മാ​യി മാ​റി​ക്ക​ഴി​ഞ്ഞ ക​ണ്ണൂ​രി​ലാ​ണ് പ​തി​വ് രാ​ഷ്ട്രീ​യ സം​ഘ​ർ​ഷ​ങ്ങ​ളു​ടെ മാ​നം​വി​ട്ട് ക​ല്യാ​ണാ​ഘോ​ഷ​ത്തോ​ട​നു​ബ​ന്ധി​ച്ച് ര​ണ്ടു വി​ഭാ​ഗ​ങ്ങ​ൾ ത​മ്മി​ലു​ണ്ടാ​യ അ​സ്വാ​ര​സ്യ​ങ്ങ​ൾ മൂ​ർ​ച്ഛി​ച്ച് മു​ൻ​കൂ​ട്ടിക്കരു​തി​യ ബോം​ബ് ചെ​റു​പ്പ​ക്കാ​ര​ന്റെ ത​ല​യി​ലെ​റി​ഞ്ഞ് ത​ല​ച്ചോ​ർ ചി​ന്നി​ച്ചി​ത​റു​ന്ന​തി​ലേ​ക്ക് സം​ഭ​വ​ങ്ങ​ളെ എ​ത്തി​ച്ചി​രി​ക്കു​ന്ന​ത്. ക​ണ്ണൂ​രി​ലെ തോ​ട്ട​ട​യി​ൽ ക​ല്യാ​ണ​ത്ത​ലേ​ന്ന് രാ​ത്രി, വ​ര​ൻ മു​മ്പ് താ​മ​സി​ച്ചി​രു​ന്ന പ്ര​ദേ​ശ​ത്തു​നി​ന്നു വ​ന്ന സു​ഹൃ​ത്തു​ക്ക​ൾ ഇ​പ്പോ​ൾ താ​മ​സി​ക്കു​ന്ന വീ​ട്ടി​ലെ​ത്തി​യ​തോ​ടെ പാ​ട്ടു​വെ​ക്കു​ന്ന​തി​നെ​ക്കു​റി​ച്ച് തു​ട​ങ്ങി​യ ത​ർ​ക്ക​ങ്ങ​ൾ മൂ​ർ​ച്ഛി​ച്ച് പോ​ർ​വി​ളി​യി​ലെ​ത്തു​ന്നു. പി​റ്റേ​ന്ന് ഇ​രു​പ​തോ​ളം പേ​ർ ബോം​ബ്​ ഉ​ൾ​പ്പെ​ടെ​യു​ള്ള ആ​യു​ധ​ങ്ങ​ൾ സം​ഘ​ടി​പ്പി​ച്ച് ക​ല്യാ​ണവീ​ട്ടി​ലെ​ത്തി ദ​മ്പ​തി​മാ​ർ വീ​ട്ടി​ലേ​ക്ക് പ്ര​വേ​ശി​ക്കു​ന്ന നേ​രം നോ​ക്കി ​ബോം​ബെ​റി​ഞ്ഞ​തി​നെ തു​ട​ർ​ന്ന് ജി​ഷ്ണു എ​ന്ന യു​വാ​വി​ന്റെ ത​ല ചി​ന്നി​ച്ചി​ത​റി എ​ന്നാ​ണ് പു​റ​ത്തു​വ​ന്ന വാ​ർ​ത്ത​ക​ൾ. ബോം​ബു​ണ്ടാ​ക്കാ​ൻ ത​ലേ​ന്ന് നാ​ലാ​യി​ര​ത്തി​ല​ധി​കം രൂ​പ​യു​ടെ പ​ട​ക്കം വാ​ങ്ങി വേ​ണ്ട​വി​ധം പ​ണി​യെ​ടു​ത്തി​രു​ന്നു എ​ന്നു​മു​ണ്ട് റി​പ്പോ​ർ​ട്ടു​ക​ളി​ൽ.

ബോം​ബു​ണ്ടാ​ക്കി​യ​വ​ൻ ഉ​ൾ​പ്പെ​ടെ മൂ​ന്നു​പേ​ർ പൊ​ലീ​സ് ക​സ്റ്റ​ഡി​യി​ലു​ണ്ട്. ബോം​ബെ​റി​ഞ്ഞ​യാ​ളെ പൊ​ലീ​സ് തി​ര​യു​ക​യാ​ണ്​. കൂ​ടു​ത​ൽ പേ​ർ സം​ഭ​വ​ത്തി​ലു​ൾ​പ്പെ​ട്ടി​ട്ടു​ണ്ടെ​ങ്കി​ലും അ​ന്വേ​ഷ​ണം സ​മ​ഗ്ര​മോ ജാ​ഗ​രൂ​ക​മോ അ​ല്ലെ​ന്ന പ​രാ​തി​ക​ൾ ഉ​യ​ർ​ന്നി​ട്ടു​ണ്ട്. എ​ല്ലാ​വ​രും മാ​ർ​ക്സി​സ്റ്റ് യു​വ​ജ​ന സം​ഘ​ട​ന​യു​മാ​യി ബ​ന്ധ​പ്പെ​ട്ട​വ​രാ​യ​തി​നാ​ൽ പൊ​ലീ​സി​ന്റെ ജാ​ഗ്ര​ത​ക്കു​റ​വ് പ്ര​ക​ട​മാ​ണെ​ന്നും ആ​രോ​പ​ണ​മു​ണ്ട്. പൊ​ലീ​സ് അ​തിജാ​ഗ്ര​ത​യോ​ടെ പ്ര​വ​ർ​ത്തി​ച്ച്​ കു​റ്റ​വാ​ളി​ക​ളെ മു​ഴു​വ​ൻ ക​സ്റ്റ​ഡി​യി​ലെ​ടു​ത്താ​ലും പ​ഴു​ത​ട​ച്ച്​ അ​ന്വേ​ഷ​ണം പൂ​ർ​ത്തീ​ക​രി​ച്ചാ​ലും സ​മാ​ന സം​ഭ​വ​ങ്ങ​ൾ ആ​വ​ർ​ത്തി​ക്കു​ക​യി​ല്ലെ​ന്നു​റ​പ്പി​ക്കാ​നാ​വു​മോ എ​ന്ന​താ​ണ് പ്ര​സ​ക്ത​മാ​യ ചോ​ദ്യം. കാ​ര​ണം വ്യ​ക്ത​മാ​ണ്. ബോം​ബേ​റും മ​ര​ണ​വും ഒ​രു​വേ​ള ആ​ദ്യ സം​ഭ​വ​മാ​യി​രി​ക്കാ​മെ​ങ്കി​ലും ക​ല്യാ​ണവീ​ടു​ക​ളി​ൽ ന​ട​ക്കു​ന്ന വേ​ണ്ടാ​തീ​ന​ങ്ങ​ൾ​ക്ക്​ അ​റു​തിവ​രു​മെ​ന്ന് പ്ര​തീ​ക്ഷി​ക്കാ​ൻ വ​യ്യാ​ത്ത സാ​ഹ​ച​ര്യ​മാ​ണ്.

സ​ക​ല​ ധാ​ർ​മി​കമൂ​ല്യ​ങ്ങ​ളോ​ടും വി​ട​പ​റ​ഞ്ഞ, തോ​ന്നി​യ​പോ​ലെ ജീ​വി​ക്കാ​ൻ വേ​ണ്ട​തി​ല​ധി​കം പ്രോ​ത്സാ​ഹ​നം ല​ഭി​ച്ചുകൊ​ണ്ടി​രി​ക്കു​ന്ന ത​ല​മു​റ​ക​ൾ ആ​സൂ​ത്രി​ത​മാ​യി വ​ള​ർ​ത്ത​പ്പെ​ട്ടു​കൊ​ണ്ടി​രി​ക്കു​ന്നു. അ​ച്ച​ട​ക്ക​മോ ഉ​ത്ത​ര​വാ​ദ​ബോ​ധ​മോ മ​നു​ഷ്യ ജീ​വന് വി​ല​യു​ണ്ടെ​ന്ന വി​ശ്വാ​സ​മോ ഇ​ല്ലാ​ത്ത, പ​ണ​മു​ണ്ടാ​ക്കാ​ൻ എ​ന്ത് ഹീ​ന​മാ​ർ​ഗ​വും സ്വീ​ക​രി​ക്കാ​ൻ മ​ടി​ക്കാ​ത്ത, അ​വ്വി​ധം കൈ​വ​രു​ന്ന പ​ണം ല​ക്കും ല​ഗാ​നു​മി​ല്ലാ​തെ ചെ​ല​വി​ടു​ന്ന, ല​ഹ​രി​യി​ൽ മു​ങ്ങി​ക്ക​ഴി​യു​ന്ന യു​വ​തീയു​വാ​ക്ക​ൾ നി​ർ​ഭാ​ഗ്യ​വ​ശാ​ൽ പ്ര​ബു​ദ്ധ കേ​ര​ള​ത്തി​ൽ അ​പൂർ​വ കാ​ഴ്ച​യ​ല്ല. ക​ല്യാ​ണം പോ​ലു​ള്ള ആ​ഘോ​ഷ സ​ന്ദ​ർ​ഭ​ങ്ങ​ളി​ൽ ഒ​ഴി​ച്ചു​കൂ​ടാ​നാ​വാ​ത്ത ച​ട​ങ്ങാ​യി​രി​ക്കു​ന്നു കൂ​ട്ടം​കൂ​ടി​യു​ള്ള മ​ദ്യ​സേ​വ. ഏ​റ്റ​വു​മൊ​ടു​വി​ൽ കു​പ്പി​ക​ൾ കൈ​യൊ​ഴി​ഞ്ഞ് വി​ല​യേ​റി​യ മ​യ​ക്കു​മ​രു​ന്നു​ക​ൾ മു​ഖ്യ​വി​ഭ​വ​മാ​യ ഡി.​ജെ പാ​ർ​ട്ടി​ക​ളാ​ണ് അ​ര​ങ്ങു ത​ക​ർ​ക്കു​ന്ന​ത്. ഇ​തൊ​ക്കെ വേ​ണ്ടി​ട​ത്ത് വേ​ണ്ട​ത്ര സു​ര​ക്ഷി​ത​മാ​യി സം​ഘ​ടി​പ്പി​ക്കാ​ൻ ഒ​ത്താ​ശ സം​ഘ​ങ്ങ​ളു​മു​ണ്ട് യ​ഥേ​ഷ്ടം. വ​ൻ ജ​ന​പി​ന്തു​ണ​യും ആ​സൂ​ത്ര​ണ വൈ​ഭ​വ​വും അ​വ​കാ​ശ​പ്പെ​ടു​ന്ന വി​പ്ല​വ പ്ര​സ്ഥാ​ന​ങ്ങ​ൾ ഇ​ത്ത​രം തി​ന്മ​ക​ൾ​ക്കെ​തി​രെ പോ​രാ​ടു​ന്ന​തി​ൽ ഗൗ​ര​വ​ത​ര​മാ​യ അ​നാ​സ്ഥ​യും അ​ലം​ഭാ​വ​വു​മാ​ണ് കാ​ട്ടു​ന്ന​ത്. 'വ​ർ​ഗീ​യ​ത​ക്കും മ​ത​മൗ​ലി​ക​വാ​ദ​ത്തി​നു​മെ​തി​രെ' ആ​ക്രോ​ശി​ക്കു​ന്ന കൂ​ട്ടാ​യ്മ​ക​ളു​ടെ പ​ത്തി​ലൊ​രം​ശം ശ്ര​ദ്ധ സാ​മൂ​ഹി​ക തി​ന്മ​ക​ൾ​ക്കുനേ​രെ തി​രി​ഞ്ഞി​രു​ന്നെ​ങ്കി​ൽ ക​ല്യാ​ണവീ​ട്ടി​ലെ ക​ണ്ണീ​ര​നു​ഭ​വ​ങ്ങ​ൾ കു​റ​ക്കാ​നെ​ങ്കി​ലും ക​ഴി​യു​മാ​യി​രു​ന്നു.

മാ​ന​വും മ​ര്യാ​ദ​യും സം​സ്കാ​ര​വു​മി​ല്ലാ​ത്ത​വ​രെ മ​ക്ക​ൾ​ക്ക് വ​ര​ന്മാ​രാ​യി വേ​ണ്ടെ​ന്ന് ര​ക്ഷി​താ​ക്ക​ളും അ​ത്ത​ര​ക്കാ​രെ ക​ല്യാ​ണം ചെ​യ്യി​ല്ലെ​ന്ന് പെ​ൺ​കു​ട്ടി​ക​ളും തീ​രു​മാ​നി​ക്കു​ന്ന​തു​വ​രെ വി​വാ​ഹാ​ഘോ​ഷ വേ​ള​ക​ളി​ലും നാ​ടു​ക​ളി​ലും കൂ​ത്താ​ട്ട​ങ്ങ​ൾ തു​ട​രും. അ​ത്ത​ര​മൊ​രു നി​ല​പാ​ടി​ലെ​ത്താ​ൻ യു​വ​തി​ക​ളെ​യും കു​ടും​ബ​ങ്ങ​ളെ​യും പ്രേ​രി​പ്പി​ക്കേ​ണ്ട​ത് സാ​മൂ​ഹി​ക സം​ഘ​ട​ന​ക​ളു​ടെ ഉ​ത്ത​ര​വാ​ദി​ത്ത​മാ​ണ്. വിവാഹ​പ്രാ​യ​ത്തെ​ക്കു​റി​ച്ച് ത​ർ​ക്കി​ക്കു​ന്ന​തി​നു​പ​ക​രം മാ​ന്യോ​ചി​ത​മാ​യ വി​വാ​ഹ​വും സം​സ്കാ​ര സ​മ്പ​ന്ന​മാ​യ ആ​ഘോ​ഷ​ങ്ങ​ളും സം​തൃ​പ്ത​മാ​യ കു​ടും​ബ ജീ​വി​ത​വു​മാ​യി​രി​ക്ക​ട്ടെ ന​മ്മു​ടെ മു​ഖ്യ ചി​ന്താ​വി​ഷ​യം.