നി​യ​ന്ത്ര​ണമി​ല്ലാ​തെ പ​ട​രു​ന്ന ഇ​സ്‍ലാ​മോ​ഫോ​ബി​യ

ഇ​ക്ക​ഴി​ഞ്ഞ വെ​ള്ളി​യാ​ഴ്ച അ​ഥ​വാ മാ​ർ​ച്ച് 15 അ​ന്താ​രാ​ഷ്ട്ര ഇ​സ്‍ലാ​മോ​ഫോ​ബി​യ വി​രു​ദ്ധ ദി​ന​മാ​യി​രു​ന്നു. മു​സ്‌​ലിം​ക​ൾ​ക്കെ​തി​രെ വ​ർ​ധി​ച്ചു​വ​രു​ന്ന വി​ദ്വേ​ഷ​വും വി​വേ​ച​ന​വും അ​തി​ക്ര​മ​വും ചെ​റു​ക്കു​ക​യാ​ണ് യു.​എ​ൻ പൊ​തു​സ​ഭ ഏ​ക​ക​ണ്ഠ​മാ​യി അം​ഗീ​ക​രി​ച്ച പ്ര​മേ​യ​ത്തി​ന്റെ അ​ടി​സ്ഥാ​ന​ത്തി​ൽ ആ​രം​ഭി​ച്ച ദി​നാ​ച​ര​ണം കൊ​ണ്ടു​ദ്ദേ​ശി​ക്കു​ന്ന​ത്. അ​തി​ന്റെ ഭാ​ഗ​മാ​യി ലോ​ക പ്ര​ശ​സ്ത​മാ​യ പ​ല യൂ​നി​വേ​ഴ്സി​റ്റി​ക​ളി​ലും സി​മ്പോ​സി​യ​ങ്ങ​ളും ഓ​ൺ​ലൈ​ൻ-​ഓ​ഫ്​​ലൈ​ൻ ച​ർ​ച്ച​ക​ളും ബോ​ധ​വ​ത്ക​ര​ണ കാ​മ്പ​യി​നു​ക​ളും ന​ട​ന്നു. കേ​ര​ള​ത്തി​ലെ സാ​ഹോ​ദ​ര്യ-​പൗ​രാ​വ​കാ​ശ പ്ര​വ​ർ​ത്ത​ക​രി​ൽ ചി​ല​ർ നോ​മ്പെ​ടു​ത്തും ഇ​ഫ്താ​ർ സം​ഘ​ടി​പ്പി​ച്ചു​മാ​ണ് വേ​ട്ട​യാ​ട​പ്പെ​ടു​ന്ന മു​സ്‍ലിം സ​മു​ദാ​യ​ത്തോ​ട് ഐ​ക്യ​ദാ​ർ​ഢ്യ​മ​റി​യി​ച്ച​ത്. സ​മൂ​ഹ മാ​ധ്യ​മ പോ​സ്റ്റു​ക​ൾ​ക്ക​പ്പു​റം കാ​ര്യ​മാ​യ പ്ര​ചാ​ര​ണ​ങ്ങ​ളി​ല്ലാ​തെ ന​ട​ത്തി​യ നോ​മ്പ് ആ​ഹ്വാ​ന​വും അ​തീ​വ ല​ളി​ത​മാ​യ മ​ട്ടി​ൽ സം​ഘ​ടി​പ്പി​ച്ച ഇ​ഫ്താ​റു​ക​ളും പ്ര​സ​രി​പ്പി​ക്കു​ന്ന സ​ന്ദേ​ശ​ത്തി​ന്റെ വ്യാ​പ്തി വ​ലു​താ​ണ്, ആ​വേ​ശ​ക​ര​വും അ​തി​ലു​പ​രി ആ​ശ്വാ​സം പ​ക​രു​ന്ന​തു​മാ​ണ്. എ​ന്നാ​ൽ, ഇ​ത് ഇ​ന്ത്യ​യു​ടെ, തീ​രെ കു​റ​ഞ്ഞ​പ​ക്ഷം കേ​ര​ള പൊ​തുസ​മൂ​ഹ​ത്തി​ൽ വേ​രു​പി​ടി​ച്ച ഇ​സ്‍ലാം​വി​രു​ദ്ധ​ത​യെ ഏ​തെ​ങ്കി​ലും വി​ധ​ത്തി​ൽ അ​ലോ​സ​ര​പ്പെ​ടു​ത്തു​ന്നു​​ണ്ടോ എ​ന്ന് തി​ര​ക്കി​യാ​ൽ ഇ​ല്ലേ​യി​ല്ല എ​ന്ന​താ​വും സ​ത്യ​സ​ന്ധ​മാ​യ ഉ​ത്ത​രം.

ക​ള​മ​ശ്ശേ​രി​യി​​ൽ യ​ഹോ​വ സാ​ക്ഷി​ക​ളു​ടെ പ്രാ​ർ​ഥ​നാ സ​മ്മേ​ള​ന വേ​ദി​യി​ൽ ഭീ​ക​രാ​ക്ര​മ​ണം ന​ട​ത്തി നി​ര​വ​ധി പേ​ർ​ക്ക് ജീ​വ​ഹാ​നി വ​രു​ത്തി​യ പ്ര​തി അ​ന്നേ​ദി​വ​സം ത​ന്നെ കു​റ്റം ഏ​റ്റു​പ​റ​ഞ്ഞ് കീ​ഴ​ട​ങ്ങി​യ​തി​ൽ നി​രാ​ശ​യും സം​ശ​യ​വും പ്ര​ക​ടി​പ്പി​ച്ച മ​ന​സ്സു​ക​ൾ ഇ​സ്‍ലാ​മോ​ഫോ​ബി​യ​യു​ടെ ഉ​ൽ​പാ​ദന​ കേ​ന്ദ്ര​ങ്ങ​ളാ​ണ്. അ​ത്ത​ര​മൊ​രു അ​നി​ഷ്ട​സം​ഭ​വം ന​ട​ന്ന​യു​ട​നെ മു​സ്‍ലിം യു​വാ​ക്ക​ളെ പി​ടി​ച്ചു കൊ​ണ്ടു​പോ​യി ത​ട​ങ്ക​ലി​ൽ വെ​ക്കു​ന്ന​തും, അ​ത് റി​പ്പോ​ർ​ട്ട് ചെ​യ്യു​ന്ന മാ​ധ്യ​മ പ്ര​വ​ർ​ത്ത​ക​രെ ​കേ​സി​ൽ കു​ടു​ക്കു​ന്ന​തു​മാ​യ പൊ​ലീ​സി​ങ്ങും ഇ​സ്‍ലാ​മോ​ഫോ​ബി​യ​യു​ടെ പ്ര​ക​ട​മാ​യ ഉ​ദാ​ഹ​ര​ണ​മാ​ണ്.

ഇ​പ്പ​റ​ഞ്ഞ​ത് കേ​ര​ള​ത്തി​ലാ​ണെ​ങ്കി​ൽ ച​ന്ദ്ര​ഗി​രി​പ്പു​ഴ​ക്ക് വ​ട​ക്കോ​ട്ട് മു​സ്‍ലിം​ക​ളോ​ടു​ള്ള വെ​റു​പ്പും വി​ദ്വേ​ഷ​വും ജീ​വി​ത​ശൈ​ലി​യു​ടെ ഭാ​ഗ​മാ​യ മ​ട്ടി​ലാ​ണ് കാ​ര്യ​ങ്ങ​ൾ. ര​ണ്ടാ​ഴ്ച മു​മ്പ്​ രാ​ജ്യ​ ത​ല​സ്ഥാ​ന ന​ഗ​രി​യാ​യ ഡ​ൽ​ഹി​യി​ലെ ഇ​ന്ദ​ർ​ലോ​കി​ൽ ഒ​രു വെ​ള്ളി​യാ​ഴ്ച ഉ​ച്ച​ക്ക് പ​ള്ളി​യി​ൽ ഇ​ടം തി​ക​യാ​തെ റോ​ഡി​ലേ​ക്കി​റ​ങ്ങിനി​ന്ന് ന​മ​സ്കാ​രം നി​ർ​വ​ഹി​ച്ച വി​ശ്വാ​സി​ക​ളെ പൊ​ലീ​സു​കാ​ര​ൻ ബൂ​ട്ടി​ട്ടു ച​വി​ട്ടു​ന്ന കാ​ഴ്ച ലോ​കം ക​ണ്ടു. കു​റ​ച്ചു വ​ർ​ഷ​ങ്ങ​ളാ​യി, പ്ര​ത്യേ​കി​ച്ച് റ​മ​ദാ​ൻ മാ​സ​ങ്ങ​ളി​ൽ ജ​റൂ​സ​ല​മി​ലെ മ​സ്ജി​ദു​ൽ അ​ഖ്സാ​യി​ൽ ന​മ​സ്കാ​രം നി​ർ​വ​ഹി​ക്കു​ന്ന വി​ശ്വാ​സി​ക​ൾ​ക്കുനേ​രെ ഒ​രു പ്ര​കോ​പ​ന​വു​മി​ല്ലാ​തെ അ​തി​ക്ര​മം അ​ഴി​ച്ചു​വി​ടു​ന്ന ഇ​സ്രാ​യേ​ലി സേ​നാം​ഗ​ങ്ങ​ളെ ഓ​ർ​മ​പ്പെ​ടു​ത്തു​ന്ന​താ​യി​രു​ന്നു ആ ​ക്രൂ​ര​ചെ​യ്തി. നൂ​റ്റാ​ണ്ടു​ക​ൾമുമ്പ്​ നി​ർ​മി​ച്ച പ​ള്ളി​ക​ൾ ത​ക​ർ​ക്കു​ക​യും അ​ധി​നി​വേ​ശ​ത്തി​നി​ര​യാ​ക്കു​ക​യും ചെ​യ്യു​ക, പു​തി​യ പ​ള്ളി​ക​ൾ പ​ണി​യു​ന്ന​തി​ന് നി​യ​ന്ത്ര​ണ​മേ​ർ​പ്പെ​ടു​ത്തു​ക, പാ​ർ​ക്കു​ക​ളി​ലും മൈ​താ​ന​ങ്ങ​ളി​ലും വെ​ള്ളി​യാ​ഴ്ച​ക​ളി​ൽ ന​മ​സ്കാ​ര​ത്തി​ന് ന​ൽ​കിവ​ന്നി​രു​ന്ന അ​നു​മ​തി നി​ഷേ​ധി​ക്കു​ക എ​ന്നി​ത്യാ​ദി ഹി​ന്ദു​ത്വ ഭ​ര​ണ​കൂ​ട ന​ട​പ​ടി​ക​ളു​ടെ തു​ട​ർ​ച്ച​യാ​ണ് ആ​രാ​ധ​ന നി​ർ​വ​ഹി​ച്ചു കൊ​ണ്ടി​രി​ക്കെ വി​ശ്വാ​സി​ക​ൾ​ക്കെ​തി​രെ ന​ട​ത്തു​ന്ന പൊ​ലീ​സ് അ​തി​ക്ര​മ​വും. എ​ന്താ​യാ​ലും മ​നു​ഷ്യ​ത്വ മ​ര്യാ​ദ​ക​ൾ​ക്കും ഇ​ന്ത്യ​ൻ ഭ​ര​ണ​ഘ​ട​നാ മൂ​ല്യ​ങ്ങ​ൾ​ക്കും ക​ട​ക​വി​രു​ദ്ധ​മാ​യ ഈ ​അ​ന്യാ​യം കാ​ണി​ച്ച പൊ​ലീ​സു​കാ​ര​നെ ത​ള്ളി​പ്പ​റ​യാ​നും സ​സ്​​പെൻഡ്​ ചെ​യ്യാ​നും ഡ​ൽ​ഹി പൊ​ലീ​സ് താ​മ​സം വ​രു​ത്തി​യി​ല്ല എ​ന്ന​ത് ആശ്വാസകരമായി.

വി​ദ്യാ​ഭ്യാ​സ സ്ഥാ​പ​ന​ങ്ങ​ൾ കേ​ന്ദ്രീ​ക​രി​ച്ച് അ​ര​ങ്ങേ​റു​ന്ന അ​തി​രു​വി​ട്ട ഇ​സ്‍ലാംവി​രു​ദ്ധ​ത​യു​ടെ ര​ണ്ട് സം​ഭ​വ​ങ്ങ​ൾ ഈ ​മാ​ർ​ച്ച് മാ​സ​ത്തി​ൽത​ന്നെ പു​റ​ത്തു​വ​ന്നി​രു​ന്നു. രാ​ജ്യ​ത്തി​ന്റെ പ്ര​ധാ​ന​മ​ന്ത്രി​യു​ടെ​യും ആഭ്യ​ന്ത​ര മ​ന്ത്രി​യു​ടെ​യും നാ​ടാ​യ ഗു​ജ​റാ​ത്തി​ൽ നി​ന്നാ​ണത്​. ഗു​ജ​റാ​ത്ത് സ​ർ​വ​ക​ലാ​ശാ​ല ഹോ​സ്റ്റ​ലി​ൽ പ്രാ​ർ​ഥ​ന​ക്ക് അ​നു​വ​ദി​ക്ക​പ്പെ​ട്ട നി​ർ​ദി​ഷ്ട സ്ഥ​ല​ത്ത് റമദാനിലെ നിശാന​മ​സ്കാ​രം (തറാവീഹ്​) നി​ർ​വ​ഹി​ച്ച വി​ദേ​ശ വി​ദ്യാ​ർ​ഥി​ക​ളെ ഹി​ന്ദു​ത്വ​ വംശീയവാദികൾ ക​ട​ന്നു​ക​യ​റി ആ​ക്ര​മി​ച്ച​താ​ണ് അ​തി​ലൊ​ന്ന്. മു​റി​വേ​ൽ​പി​ച്ച് ചോ​ര​​യൊലിപ്പിച്ചി​ട്ടും അ​രി​ശം തീ​രാ​ത്ത അ​ക്ര​മി​ക​ൾ വി​ദ്യാ​ർ​ഥി​ക​ളു​ടെ മു​റി​ക​ളി​ൽ ക​ട​ന്നുക​യ​റി ലാ​പ്ടോ​പ്പു​ക​ളും പ​ഠ​നസാ​മ​ഗ്രി​ക​ളു​മെ​ല്ലാം ത​ല്ലി​ത്ത​ക​ർ​ത്തു. അ​തി​ക്ര​മ​ത്തെ​ക്കു​റി​ച്ച് വി​വ​ര​മ​റി​യി​ച്ച് ഏ​റെ നേ​രം ക​ഴി​​ഞ്ഞു മാ​ത്രം സ്ഥ​ല​ത്തെ​ത്തി​യ പൊ​ലീ​സ് ഭീ​ക​ര​വാ​ദി​ക​ൾ​ക്ക് ആ​യു​ധ​ങ്ങ​ളു​മാ​യി ക​ട​ന്നു​പോ​കാ​നും സൗ​ക​ര്യ​മൊ​രു​ക്കി.

അ​സ​മി​ൽനി​ന്ന് പു​റ​ത്തുവ​ന്ന ദൃ​ശ്യ​ങ്ങ​ളാ​ണ് മ​റ്റൊ​ന്ന്: കൊ​ക്ര​ജാ​ർ ബോ​ഡോ​ലാ​ൻഡ്​ സ​ർ​വ​ക​ലാ​ശാ​ല ച​രി​ത്ര വി​ഭാ​ഗം സം​ഘ​ടി​പ്പി​ച്ച സാം​സ്കാ​രി​ക ഘോ​ഷ​യാ​ത്ര​യി​ൽ സം​സ്ഥാ​ന​ത്തെ വി​വി​ധ സ​മൂ​ഹ​ങ്ങ​ളു​ടെ​യും സ​മു​ദാ​യ​ങ്ങ​ളു​ടെ​യും പ്ര​തീ​ക​ങ്ങ​ൾ ഉ​ൾ​പ്പെ​ടു​ത്തി​യ​പ്പോ​ൾ വ​ട്ട​ത്തൊ​പ്പി​യും താ​ടി​യു​മു​ള്ള ര​ണ്ട് യു​വാ​ക്ക​ളെ കൈ​യാ​മംവെ​ച്ച് പൊ​ലീ​സ് തെ​ളി​ച്ചുകൊ​ണ്ടു​പോ​കു​ന്ന രീ​തി​യി​ലാ​ണ് മു​സ്‍ലിം​ക​ളെ ചി​ത്രീ​ക​രി​ച്ച​ത്.

ഒ​രു ന്യൂ​ന​പ​ക്ഷ മ​തസ​മൂ​ഹ​ത്തെ ഉ​ന്ന​മി​ട്ട് ഇ​ത്ത​രം കൊ​ടി​യ അ​തി​ക്ര​മ​ങ്ങ​ളും സം​ഘ​ടി​ത ദു​ഷ്പ്ര​ചാ​ര​ണ​ങ്ങ​ളും അ​നു​സ്യൂ​തം തു​ട​രു​മ്പോ​ഴും ഒ​രു ക​ണ്ണ​ന​ക്കം കൊ​ണ്ടു​പോ​ലും വി​ല​ക്കാ​ൻ ത​യാ​റാ​വാ​ത്ത ഭ​ര​ണ​കൂ​ട​ങ്ങ​ൾ ത​ന്നെ​യാ​ണ് ഇ​സ്‍ലാ​മോ​ഫോ​ബി​യ​യു​ടെ ഏ​റ്റ​വും വ​ലി​യ സ്പോ​ൺ​സ​ർ​മാ​ർ. വോ​ട്ടു​ലാ​ഭം കൊ​തി​ച്ച് ഇ​തി​നെ​തി​രെ പ്ര​തി​ക​രി​ക്കാ​ൻ വൈ​മ​ന​സ്യം പു​ല​ർ​ത്തു​ന്ന രാ​ഷ്ട്രീ​യ ക​ക്ഷി​ക​ളും ഈ ​ദു​ര​വ​സ്ഥ​യു​ടെ തുല്യ ഉ​ത്ത​ര​വാ​ദി​ക​ളാ​ണ്.