Top
Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_rightഇ​ല​ക്​​ഷ​ൻ ബോ​ണ്ട്​:...

ഇ​ല​ക്​​ഷ​ൻ ബോ​ണ്ട്​: കോ​ട​തി നി​രാ​ശ​പ്പെ​ടു​ത്തി

text_fields
bookmark_border
editorial on electoral bond
cancel


തെ​ര​ഞ്ഞെ​ടു​പ്പി​​​െൻറ പ​വി​ത്ര​ത​യെ​യും ആ​ധി​കാ​രി​ക​ത​യെ​യും ത​ക​ർ​ക്കാ​ൻപോ​ന്ന ഇ​ല​ക്​​ട​റ​ൽ ബോ​ണ്ട്​ പ​ദ്ധ​തി ത​ൽ​ക്കാ​ല​ത്തേ​ക്ക്​ സ്​​റ്റേ ചെ​യ്യാ​ൻപോ​ലും ത​യാ​റാ​കാ​തി​രു​ന്ന​തു​വ​ഴി സം​ശു​ദ്ധ ജ​നാ​ധി​പ​ത്യം ഉ​റ​പ്പു​വ​രു​ത്താ​നു​ള്ള ഒ​ര​വ​സ​രം കൂ​ടി ന​ഷ്​​ട​പ്പെ​ടു​ത്തു​ക​യാ​ണ്​ സു​പ്രീം​കോ​ട​തി ചെ​യ്​​ത​ത്.

ഇ​പ്പോ​ൾ ന​ട​ക്കു​ന്ന അ​സം​ബ്ലി തെ​ര​ഞ്ഞെ​ടു​പ്പു​ക​ളു​മാ​യി ബ​ന്ധ​പ്പെ​ട്ട്​ ഏ​പ്രി​ൽ ഒന്നു മു​ത​ലു​ള്ള ബോ​ണ്ടു​ക​ൾ സ്​​റ്റേ ചെ​യ്യ​ണ​മെ​ന്ന അ​സോ​സി​യേ​ഷ​ൻ ഫോ​ർ ഡെ​മോ​ക്രാ​റ്റി​ക്​ റൈ​റ്റ്​​സ്​ എ​ന്ന സം​ഘ​ട​ന​യു​ടെ ഹ​ര​ജി​യി​ലാ​ണ്​ തീ​ർ​പ്പ്. ഇ​തി​ന്​ പ​റ​ഞ്ഞ ന്യാ​യ​ങ്ങ​ൾ (2018ലും 2019​ലും ബോ​ണ്ട്​ വി​ത​ര​ണം ത​ട​സ്സ​മി​ല്ലാ​തെ ന​ട​ന്നു, ഇ​തി​​​െൻറ ഗു​ണ​ഭോ​ക്താക്ക​ൾ ഭ​ര​ണ​ക​ക്ഷി മാ​ത്ര​മ​ല്ല എ​ന്നി​വ) വി​ചി​ത്ര​മാ​ണ്​; മാ​ത്ര​മ​ല്ല, തെ​ര​ഞ്ഞെ​ടു​പ്പ്​ ക​മീ​ഷ​​​െൻറയും റി​സ​ർ​വ്​ ബാ​ങ്കിെൻറയും ഗൗ​ര​വ​പ്പെ​ട്ട ആ​ശ​ങ്ക​ക​ൾ ക​ണ​ക്കി​ലെ​ടു​ത്ത​താ​യി തോ​ന്നു​ന്നു​മി​ല്ല.

രാ​ഷ്​​ട്രീ​യ​ക​ക്ഷി​ക​ൾ പ​ണം പി​രി​ക്കു​ന്ന​തി​ന്​ മൂ​ന്നു​ വ​ർ​ഷ​മാ​യി സ്വീ​ക​രി​ച്ചു​വ​രു​ന്ന​താ​ണ്​ ഇ​ല​ക്​​ഷ​ൻ ബോ​ണ്ട്​ രീ​തി. തു​ട​ക്കംമു​ത​ലേ ഇ​തി​നെ​തി​രെ ജ​നാ​ധി​പ​ത്യ വി​ശ്വാ​സി​ക​ൾ രം​ഗ​ത്തു​വ​ന്ന​ത്​ അ​തി​ലെ സ്​​പ​ഷ്​​ട​മാ​യ അ​താ​ര്യ​ത​യും അ​ഴി​മ​തിസാ​ധ്യ​ത​യും കാ​ര​ണ​മാ​ണ്. പ​രി​ധി​യി​ല്ലാ​തെ, വി​ദേ​ശ​ത്തു​നി​ന്ന​ട​ക്കം പേ​ര്​ വെ​ളി​പ്പെ​ടു​ത്താ​ത്ത കോ​ർ​പ​റേ​റ്റ്​ ക​മ്പ​നി​ക​ളി​ൽ​നി​ന്ന്​ രാ​ഷ്​​ട്രീ​യ​പാ​ർ​ട്ടി​ക​ൾ​ക്ക്​ ബോ​ണ്ട്​ സ്വീ​ക​രി​ക്കാ​ൻ ഇ​പ്പോ​ൾ ക​ഴി​യു​ന്നു.

ആ ​നി​ല​ക്ക്​ അ​ഴി​മ​തി​യെ നി​യ​മ​വി​ധേ​യ​മാ​ക്കു​ക​യാ​ണ്​ ബോ​ണ്ട്​ സ​​മ്പ്ര​ദാ​യം ചെ​യ്യു​ന്ന​ത്. വോ​ട്ട്​ ചോ​ദി​ക്കു​ന്ന പാ​ർ​ട്ടി​ക​ൾ​ക്ക്​ എ​വി​ടെ​നി​ന്നെ​ല്ലാം ഫ​ണ്ട്​ ല​ഭി​ക്കു​ന്നു എ​ന്ന​റി​യാ​നു​ള്ള പൗ​ര​​െൻറ അ​വ​കാ​ശം നി​ഷേ​ധി​ക്ക​പ്പെ​ടു​ന്നു എ​ന്ന​ത്​ അ​ടി​സ്ഥാ​ന​പ​ര​മാ​യ ന്യൂ​ന​ത​യാ​ണ്. ര​ണ്ടാ​മ​താ​യി, തെ​ര​ഞ്ഞെ​ടു​പ്പി​ൽ പ​ണാ​ധി​പ​ത്യ​ത്തി​ന്​ വ​ഴി​വെ​ക്കു​ന്നത​ര​ത്തി​ൽ പ​രി​ശോ​ധ​ന​യോ പ​രി​ധി​യോ ഇ​ല്ലാ​തെ​യാ​ണ്​ ബോ​ണ്ട്​ വി​ൽ​പ​ന. ത​ന്നെ​യു​മ​ല്ല, വി​വി​ധ രാ​ഷ്​​ട്രീ​യ​പാ​ർ​ട്ടി​ക​ൾ ത​മ്മി​ൽ അ​വ​സ​ര​സ​മ​ത്വം ഉ​ണ്ടാ​യി​രി​ക്ക​ണ​മെ​ന്ന ത​ത്ത്വം ലം​ഘി​ക്ക​പ്പെ​ടു​ക​യും ഭ​ര​ണ​ക​ക്ഷി​ക്ക്​ ക​ടി​ഞ്ഞാ​ണി​ല്ലാ​ത്ത സ​മ്മ​ർ​ദ​ശേ​ഷി​യും ആ​നു​കൂ​ല്യ​വും കി​ട്ടു​ക​യും ചെ​യ്യു​ന്നു.

ബോ​ണ്ടുവ​ഴി​യു​ള്ള സം​ഭാ​വ​ന​ക​ൾ സ്​​റ്റേ​റ്റ്​ ബാ​ങ്ക്​ ഓ​ഫ്​ ഇ​ന്ത്യ മു​ഖേ​ന​യാ​ണ്​ ന​ൽ​കു​ന്ന​ത്. ആ​രെ​ല്ലാം ഏ​തെ​ല്ലാം പാ​ർ​ട്ടി​ക​ൾ​ക്ക്​ പ​ണം ന​ൽ​കു​ന്നു എ​ന്ന്​ സ​ർ​ക്കാ​റി​ന്​ വി​വ​രം ല​ഭ്യ​മാ​കും എ​ന്നു​കൂ​ടി ഇ​തി​ന​ർ​ഥ​മു​ണ്ട്. സം​ഭാ​വ​ന ന​ൽ​കു​ന്ന​വ​രി​ൽ ഇ​ത്​ ഒ​രു പ​രോ​ക്ഷ സ​മ്മ​ർ​ദ​മാ​കു​ന്നു; എ​തി​ർ​ക​ക്ഷി​ക​ൾ​ക്ക്​ കി​ട്ടാ​നു​ള്ള​ത്​ ത​ട​യാ​നും ഇ​ടം ന​ൽ​കു​ന്നു. ആ​ദ്യ​വ​ട്ട ബോ​ണ്ടു​ക​ളി​ൽ 95 ശ​ത​മാ​ന​വും ബി.​ജെ.​പി​ക്കാ​ണ്​ കി​ട്ടി​യ​തെ​ന്ന ക​ണ​ക്ക്​ ഇ​ത്​ സാ​ക്ഷ്യ​പ്പെ​ടു​ത്തു​ന്നു​ണ്ട്. തു​ട​ർ​ന്നു​ള്ള ബോ​ണ്ടു​ക​ളി​ലും ഇ​തു​ത​ന്നെ സ്ഥിതി. 99 ശ​ത​മാ​ന​ത്തി​ല​ധി​കം ബോ​ണ്ടു​ക​ൾ ഒ​രു​കോ​ടി മു​ത​ൽ 10 ല​ക്ഷം ​വ​രെ​യു​ള്ള തു​ക​ക​ളി​ലാ​ണ്​ വാ​ങ്ങി​യ​തെ​ന്ന ക​ണ​ക്ക്​ മ​റ്റൊ​ന്നു​കൂ​ടി സൂ​ചി​പ്പി​ക്കു​ന്നു: കോ​ർ​പ​റേ​റ്റു​ക​ളാ​ണ്​ യ​ഥേ​ഷ്​​ടം ഇ​ങ്ങ​നെ പ​​ണ​മൊ​ഴു​ക്കു​ന്ന​ത്. ഇ​തി​ന്​ അ​വ​ർ​ക്ക്​ കി​ട്ടു​ന്ന പ്ര​തി​ഫ​ല​മ​ല്ലേ നി​യ​മ​നി​ർ​മാ​ണ​ങ്ങ​ളി​ൽ കാ​ണാ​നാ​കു​ന്ന​ത്​?

തെ​ര​ഞ്ഞെ​ടു​പ്പി​ൽ ക​രി​മ്പ​ണം എ​ത്തു​ന്ന​ത്​ ത​ട​യാ​നെ​ന്ന്​ പ​റ​ഞ്ഞാ​ണ്​ ബോ​ണ്ട്​ സ​​മ്പ്ര​ദാ​യം കൊ​ണ്ടു​വ​ന്ന​തെ​ങ്കി​ലും ഫ​ല​ത്തി​ൽ അ​ത്​ കൂ​ടു​ത​ൽ ഗു​രു​ത​ര​മാ​യ അ​ഴി​മ​തി​ക്കാ​ണ്​ വാ​തി​ൽ തു​റ​ക്കു​ന്ന​ത്. ദാ​താ​ക്ക​ളാ​രെ​ന്ന​ത്​ വെ​ളി​പ്പെ​ടു​ത്തു​ന്നി​ല്ല-​സ​ർ​ക്കാ​റി​ന്​ അ​ത​റി​യാ​ൻ വ​ഴി​യു​ണ്ട്​; പ്ര​തി​പ​ക്ഷ​ത്തി​നോ ജ​ന​ങ്ങ​ൾ​ക്കോ അ​റി​യി​ല്ല. വി​ദേ​ശ​ത്തു​നി​ന്ന്​ ക​ട​ലാ​സ്​ ക​മ്പ​നി​ക​ൾ​ക്കുവ​രെ ക​ള്ള​പ്പ​ണ​മൊ​ഴു​ക്കാ​ൻ ക​ഴി​യും-​ന​ൽ​കു​ന്ന​ത്​ ഭ​ര​ണ​ക​ക്ഷ​ി​ക്കെ​ങ്കി​ൽ എ​ല്ലാം സു​ര​ക്ഷി​ത​മാ​ണുതാ​നും.

അ​വി​ഹി​ത​മാ​യ തെ​ര​ഞ്ഞെ​ടു​പ്പ്​ ഇ​ട​പാ​ടു​ക​ൾ​ക്ക്​ നി​യ​മ​സാ​ധു​ത ന​ൽ​കാ​നാ​ണ്​ കേ​ന്ദ്രം 2016ലെ​യും 2017ലെ​യും ധ​ന​കാ​ര്യ ബി​ല്ലു​ക​ൾ പാ​സാ​ക്കി​യെ​ടു​ത്ത​ത്. ഭ​ര​ണ​ക​ക്ഷി​ക്ക്​ ഭൂ​രി​പ​ക്ഷ​മി​ല്ലാ​ത്ത രാ​ജ്യ​സ​ഭ​യെ മ​റി​ക​ട​ക്കു​ന്ന​തി​നു​വേ​ണ്ടി ജ​ന​പ്രാ​തി​നി​ധ്യനി​യ​മ​ത്തി​ലെ ഭേ​ദ​ഗ​തി അ​ട​ക്കം ധ​ന​കാ​ര്യ ബി​ല്ലാ​യി അ​വ​ത​രി​പ്പി​ക്കു​ക​യാ​യി​രു​ന്നു. ഇ​ങ്ങ​നെ ചു​ളു​വി​ൽ പാ​സാ​ക്കി​യെ​ടു​ത്ത നാ​ലു​ ഭേ​ദ​ഗ​തി​ക​ളും ഭ​ര​ണ​ക​ക്ഷി​ക്ക്​ അ​നു​കൂ​ല​മാ​യും അ​ധാ​ർ​മി​ക​മാ​യും തെ​ര​ഞ്ഞെ​ടു​പ്പ്​ ഫ​ണ്ട്​ ഒ​ഴു​ക്കാ​ൻ സൗ​ക​ര്യം ന​ൽ​കു​ന്നു.

വി​ദേ​ശ ക​മ്പ​നി​ക​ൾ​ക്ക്​ അ​വ​രു​ടെ ഇ​ന്ത്യ​യി​ലു​ള്ള കീ​ഴ്​​ക​മ്പ​നി​ക​ൾ മു​ഖേ​ന സം​ഭാ​വ​ന ന​ൽ​കാ​ൻ പ​റ്റും​വി​ധം വി​ദേ​ശ സം​ഭാ​വ​നനി​യ​മം മാ​റ്റി; ക​മ്പ​നി​ക​ൾ രാ​ഷ്​​ട്രീ​യ​ക​ക്ഷി​ക​ൾ​ക്ക്​ ന​ൽ​കു​ന്ന സം​ഭാ​വ​ന വാ​ർ​ഷി​കലാ​ഭ​ത്തി​​െൻറ ഏ​ഴ​ര ശ​ത​മാ​ന​ത്തി​ൽ കൂ​ട​രു​തെ​ന്ന നി​ബ​ന്ധ​ന എ​ടു​ത്തു​ക​ള​ഞ്ഞു; സം​ഭാ​വ​ന ന​ൽ​കു​ന്ന ക​മ്പ​നി​ക​ൾ രാ​ഷ്​​ട്രീ​യ​ക​ക്ഷി​ക​ൾ​ക്ക്​ ന​ൽ​കു​ന്ന സം​ഭാ​വ​ന​ക​ൾ വെ​ളി​പ്പെ​ടു​ത്ത​ണ​മെ​ന്ന നി​ബ​ന്ധ​ന നീ​ക്കി; ഇ​തി​നെ​ല്ലാം പു​റ​മെ സു​താ​ര്യ​ത​യി​ല്ലാ​ത്ത ഇ​ല​ക്​​ട​റ​ൽ ബോ​ണ്ട്​ രീ​തി​ക്കാ​യി റി​സ​ർ​വ്​ ബാ​ങ്ക്​ നി​യ​മ​വും മാ​റ്റി. ഇ​തി​ലെ അ​പ​ക​ട​ത്തെ​പ്പ​റ്റി ഇ​ല​ക്​​ഷ​ൻ ക​മീ​ഷ​നും റി​സ​ർ​വ്​ ബാ​ങ്കും മു​ന്ന​റി​യി​പ്പ്​ ന​ൽ​കി​യ​താ​ണ്​; അ​ത്​ കോ​ട​തി​യെ​യും അ​റി​യി​ച്ച​താ​ണ്.

എ​ന്നാ​ൽ, ബോ​ണ്ട്​ സ​​മ്പ്ര​ദാ​യം തു​ട​രാ​നു​ള്ള ന്യാ​യ​ങ്ങ​ൾ ക​ണ്ടെ​ത്താ​നാ​ണ്​ കോ​ട​തി ശ്ര​മി​ച്ച​തെ​ന്ന്​ തോ​ന്നു​ന്നു. ക​മ്പ​നി​ക​ളും പാ​ർ​ട്ടി​ക​ളും വാ​ർ​ഷി​ക ക​ണ​ക്കു​ക​ൾ പ്ര​സി​ദ്ധ​പ്പെ​ടു​ത്തു​ന്നു​ണ്ടെ​ന്നും അ​വ​യി​ലെ തു​ക​ക​ൾ ഒ​ത്തു​നോ​ക്കി സം​ഭാ​വ​ന ക​ണ്ടെ​ത്താ​മെ​ന്നു​മു​ള്ള വി​ചി​ത്ര​വും അ​ടി​സ്ഥാ​ന​ര​ഹി​ത​വു​മാ​യ വാ​ദംപോ​ലും കോ​ട​തി നി​ര​ത്തി. 2017ലെ ​വി​വാ​ദ ധ​ന​കാ​ര്യ​ ബി​ല്ലു​ക​ൾ നി​യ​മ​മാ​ക്കി​യ​തി​ന്​ പി​ന്നാ​ലെ ഇ​ല​ക്​​ട​റ​ൽ ബോ​ണ്ടു​ക​ൾ​ക്കെ​തി​രാ​യ ഹ​ര​ജി​ക​ൾ കോ​ട​തി​യി​ലെ​ത്തി​യ​താ​ണ്.

ലോ​ക്​​സ​ഭ​യി​ലേ​ക്കും അ​നേ​കം അ​സം​ബ്ലി​ക​ളി​ലേ​ക്കും പി​ന്നീ​ട്​ തെ​ര​ഞ്ഞെ​ടു​പ്പ്​ ന​ട​ന്നി​ട്ടും ഹ​ര​ജി വി​ചാ​ര​ണ​ക്കെ​ടു​ത്തി​ല്ല. അ​പ്പോ​ഴെ​ല്ലാം ബോ​ണ്ടു​ക​ൾ വ​ഴി പ​ണ​മൊ​ഴു​കി. ഇ​പ്പോ​ൾ കോ​ട​തി പ​റ​യു​ന്ന​തോ, അ​ന്നെ​ല്ലാം ത​ട​സ്സ​മി​ല്ലാ​തെ ന​ട​ന്ന സ്ഥിതി​ക്ക്​ ഇ​നി​യെ​ന്തി​ന്​ ത​ട​യ​ണ​​മെ​ന്നും! മു​മ്പ്​ അ​ഴി​മ​തി ന​ട​ന്നെ​ങ്കി​ൽ അ​തു​പോ​ലും അ​ഴി​മ​തി​ക്കാ​ർ​ക്ക്​ അ​നു​കൂ​ല​മാ​യ ന്യാ​യ​മാ​കു​ന്നു ഇ​വി​ടെ. ചീ​ഫ്​ ജ​സ്​​റ്റി​സ്​ ബോ​ബ്​​ഡെ അ​ധ്യ​ക്ഷ​നാ​യ ബെ​ഞ്ച്​ ജ​നാ​ധി​പ​ത്യ വി​ശ്വാ​സി​ക​ളു​ടെ​യും ഇ​ല​ക്​​ഷ​ൻ ക​മീ​ഷ​​െൻറ​യും റി​സ​ർ​വ്​ ബാ​ങ്കി​​െൻറ​യും എ​തി​ർ​വാ​ദ​ങ്ങ​ൾ വാ​യി​ച്ചു​നോ​ക്കു​മെ​ന്നും വൈ​കാ​തെ ബോ​ണ്ട്​ സ​​മ്പ്ര​ദാ​യം നി​രോ​ധി​ച്ച്​ രാ​ജ്യ​ത്തെ ര​ക്ഷി​ക്കു​മെ​ന്നും ആ​ശി​ക്കാ​നേ ഇ​പ്പോ​ൾ ക​ഴി​യൂ.

Show Full Article
TAGS:madhyamam editorial Electoral Bond 
News Summary - madhyamam editorial on electoral Bond
Next Story