ഇ.​ഡി വി​ധി: തി​രി​ച്ച​ടി​ക്കി​ട​യി​ലും തീ​രാ​ത്ത സ​മ​സ്യ​ക​ൾ

എ​ൻ​ഫോ​ഴ്‌​സ്‌​മെ​ന്‍റ്​ ഡ​യ​റ​ക്ട​റേ​റ്റ് (ഇ.​ഡി) മേ​ധാ​വി​യു​ടെ കാ​ലാ​വ​ധി 2021 ന​വം​ബ​ർ മു​ത​ൽ മൂ​ന്നു പ്രാ​വ​ശ്യം നീ​ട്ടി ന​ൽ​കി​യ കേ​ന്ദ്ര​സ​ർ​ക്കാ​ർ ഉ​ത്ത​ര​വു​ക​ൾ അ​സാ​ധു​വാ​ക്കി ചൊ​വ്വാ​ഴ്ച സു​പ്രീം​കോ​ട​തി പു​റ​പ്പെ​ടു​വി​ച്ച വി​ധി വാ​ർ​ത്ത​പ്രാ​ധാ​ന്യം നേ​ടി​യി​രു​ന്നു. എ​ന്നാ​ൽ, അ​തി​നേ​ക്കാ​ൾ ശ്ര​ദ്ധേ​യ​മാ​യ​ത് സേ​വ​ന​കാ​ലാ​വ​ധി നീ​ട്ടു​ന്ന​തി​ന് പ​ശ്ചാ​ത്ത​ല​മൊ​രു​ക്കാ​ൻ 2021ൽ ​ഇ​റ​ക്കി​യ സ്റ്റാ​റ്റ്യൂ​ട്ട​റി ഭേ​ദ​ഗ​തി​ക​ൾ സാ​ധു​വാ​ണെ​ന്നു കോ​ട​തി തീ​ർ​പ്പാ​ക്കി​യ​താ​ണ്. ആ​ദ്യ​ത്തേ​ത് ച​ട്ട​ങ്ങ​ൾ പാ​ലി​ക്കു​ന്ന​തി​ൽ കോ​ട​തി​യു​ടെ ക​ർ​ശ​ന നി​ല​പാ​ടാ​യി​രു​ന്നെ​ങ്കി​ൽ ര​ണ്ടാം ഭാ​ഗ​ത്തി​ൽ കൂ​ടു​ത​ൽ മു​ഴ​ച്ചു​നി​ൽ​ക്കു​ന്ന​ത് നീ​തി​യു​ടെ താ​ൽ​പ​ര്യ​ങ്ങ​ൾ​ക്കും അ​ന്വേ​ഷ​ണ ഏ​ജ​ൻ​സി​ക​ളു​ടെ പ്ര​വ​ർ​ത്ത​ന സ്വാ​ത​ന്ത്ര്യ​ത്തി​നും ഉ​ണ്ടാ​കു​ന്ന ക്ഷീ​ണ​മാ​ണ്. നി​ല​വി​ലെ ഇ.​ഡി മേ​ധാ​വി​യാ​യ എ​സ്.​കെ. മി​ശ്ര​യു​ടെ കാ​ലാ​വ​ധി നീ​ട്ടി​യ​ത് തെ​റ്റാ​ണെ​ന്നും എ​ന്നാ​ൽ, നി​ർ​ണാ​യ​ക അ​ന്വേ​ഷ​ണ​ങ്ങ​ളു​ടെ ത​ൽ​സ്ഥി​തി ക​ണ​ക്കി​ലെ​ടു​ത്ത് ജൂ​ലൈ 31 വ​രെ അ​ദ്ദേ​ഹ​ത്തി​ന് തു​ട​രാ​മെ​ന്നു​മാ​ണ് കോ​ട​തി പ​റ​ഞ്ഞ​ത്. 2018 ന​വം​ബ​റി​ൽ നി​യ​മി​ത​നാ​യ ഇ​ന്ത്യ​ൻ റ​വ​ന്യു സ​ർ​വി​സ് ഉ​ദ്യോ​ഗ​സ്ഥ​നാ​യ മി​ശ്ര, ര​ണ്ടു വ​ർ​ഷം പൂ​ർ​ത്തി​യാ​ക്കു​ന്ന 2020 ൽ ​പി​രി​യേ​ണ്ട​താ​യി​രു​ന്നു. എ​ന്നാ​ൽ, കേ​ന്ദ്രം ആ ​സേ​വ​നം ഒ​രു വ​ർ​ഷ​ത്തേ​ക്ക് നീ​ട്ടി. ശേ​ഷം വ​ന്ന പൊ​തു​താ​ൽ​പ​ര്യ ഹ​ര​ജി​ക​ളു​ടെ തീ​ർ​പ്പെ​ന്ന നി​ല​ക്ക് 2021ന​പ്പു​റം അ​ദ്ദേ​ഹം തു​ട​ര​രു​തെ​ന്ന് കോ​ട​തി ഉ​ത്ത​ര​വ് ന​ൽ​കി​യ​താ​ണ്. കേ​ന്ദ്രം ചെ​യ്ത​താ​ക​ട്ടെ, 2018 ലെ ​നി​യ​മ​ന കാ​ലാ​വ​ധി മു​ൻ​കാ​ല പ്രാ​ബ​ല്യ​ത്തോ​ടെ മൂ​ന്നു വ​ർ​ഷ​ത്തേ​ക്കാ​ക്കു​ക​യാ​ണ്. ശേ​ഷം 2021ലും 2022​ലും ഓ​രോ വ​ർ​ഷ​ത്തേ​ക്ക് നീ​ട്ടി ന​ൽ​കി. അ​തി​ന​കം അ​ദ്ദേ​ഹം പെ​ൻ​ഷ​ൻ പ്രാ​യം ക​ട​ക്കു​ക​യും ചെ​യ്തു. ആ​ദ്യ നി​യ​മ​ന​ത്തി​ൽ പെ​ൻ​ഷ​ൻ പ്രാ​യം ക​ഴി​ഞ്ഞാ​ലും ര​ണ്ടു വ​ർ​ഷം പൂ​ർ​ത്തി​യാ​ക്കാ​ൻ പ​റ്റു​മെ​ങ്കി​ലും കോ​ട​തി ഉ​ത്ത​ര​വി​ൽ പ​റ​ഞ്ഞ​ത് നീ​ട്ടി​ന​ൽ​കു​മ്പോ​ൾ അ​പൂ​ർ​വ​വും അ​സാ​ധാ​ര​ണ​വു​മാ​യ സാ​ഹ​ച​ര്യ​ങ്ങ​ളി​ലേ അ​ത് ചെ​യ്യാ​വൂ. അ​ങ്ങ​നെ കേ​ന്ദ്ര​ത്തി​നു വാ​ത്സ​ല്യ​മു​ണ്ടെ​ന്നു നി​രീ​ക്ഷ​ക​ർ​ക്ക് തോ​ന്നു​ന്ന ഒ​രു​ദ്യോ​ഗ​സ്ഥ​ൻ ന​വം​ബ​റി​നു​പ​ക​രം ജൂ​ലൈ അ​വ​സാ​നം പി​രി​യു​മെ​ന്നു സാ​രം. കോ​ട​തി​യു​ടെ ചി​ല ശ​ക്ത​മാ​യ നി​രീ​ക്ഷ​ണ​ങ്ങ​ൾ കൂ​ടി​യാ​യ​പ്പോ​ൾ കേ​ന്ദ്ര​സ​ർ​ക്കാ​റി​ന് തി​രി​ച്ച​ടി​യാ​യി ഈ ​വി​ധി.

ഇ.​ഡി, സി.​ബി.​ഐ മേ​ധാ​വി​ക​ളു​ടെ കാ​ലാ​വ​ധി ര​ണ്ടി​ൽ​നി​ന്നു മൂ​ന്നു വ​ർ​ഷ​മാ​യി വ​ർ​ധി​പ്പി​ച്ച്​ പ​ര​മാ​വ​ധി അ​ഞ്ചു കൊ​ല്ലം വ​രെ​യാ​ക്കാ​ൻ കേ​ന്ദ്രം 2021 ന​വം​ബ​റി​ൽ ഓ​ർ​ഡി​ന​ൻ​സ് വ​ഴി നി​യ​മ​ങ്ങ​ൾ ഭേ​ദ​ഗ​തി ചെ​യ്യു​ക​യാ​യി​രു​ന്നു. പാ​ർ​ല​മെ​ന്റി​ന്‍റെ ശൈ​ത്യ​കാ​ല സ​മ്മേ​ള​നം തു​ട​ങ്ങാ​നി​രി​ക്കെ ഓ​ർ​ഡി​ന​ൻ​സ് മാ​ർ​ഗം സ്വീ​ക​രി​ച്ച​തി​ലെ അ​സാം​ഗ​ത്യം പ​ല​രും ചൂ​ണ്ടി​ക്കാ​ട്ടി. ഇ​തി​നെ​തി​രെ സു​പ്രീം​കോ​ട​തി​യി​ൽ വ​ന്ന മൂ​ന്നു ഹ​ര​ജി​ക​ളി​ലാ​ണ് കോ​ട​തി ന​ട​പ​ടി​ക​ളു​ണ്ടാ​യ​ത്. ഈ ​നി​യ​മം പി​ന്നീ​ട് പാ​ർ​ല​മെ​ന്‍റ്​ പാ​സാ​ക്കി​യ​തി​ന്‍റെ സാ​ധു​ത സു​പ്രീം​കോ​ട​തി ത​ള്ളി​യി​ട്ടി​ല്ല. ആ ​അ​വ​കാ​ശം അം​ഗീ​ക​രി​ച്ചു​ത​ന്നെ കോ​ട​തി ഉ​ത്ത​ര​വ് അ​വ​ഗ​ണി​ച്ചു​കൊ​ണ്ടു​ള്ള ന​ട​പ​ടി​ക​ളാ​ണ് പ​ര​മോ​ന്ന​ത കോ​ട​തി റ​ദ്ദ് ചെ​യ്ത​ത്.

സി.​ബി.​ഐ ഡ​യ​റ​ക്ട​റു​ടെ കാ​ലാ​വ​ധി നീ​ട്ടു​ന്ന​തി​നൊ​പ്പം ഇ.​ഡി​യു​ടെ കാ​ര്യ​ത്തി​ൽ അ​തി​ന്‍റെ മാ​തൃ​നി​യ​മ​മാ​യ സെ​ൻ​ട്ര​ൽ വി​ജി​ല​ൻ​സ് ക​മീ​ഷ​ൻ ആ​ക്ടാ​ണ് ഭേ​ദ​ഗ​തി ചെ​യ്ത​ത്. അ​ത​നു​സ​രി​ച്ച് ഓ​രോ വ​ർ​ഷ​ത്തേ​ക്കാ​ണ് സേ​വ​നം നീ​ട്ടാ​ൻ പ​റ്റു​ക. ആ​ക്ട് അ​നു​സ​രി​ച്ച് ഇ.​ഡി ഡ​യ​റ​ക്ട​റെ കേ​ന്ദ്ര സ​ർ​ക്കാ​ർ നി​യ​മി​ക്കു​ന്ന​ത് കേ​ന്ദ്ര വി​ജി​ല​ൻ​സ് ക​മീ​ഷ​ണ​ർ അ​ധ്യ​ക്ഷ​നും വി​ജി​ല​ൻ​സ് ക​മീ​ഷ​ണ​ർ, കേ​ന്ദ്ര ആ​ഭ്യ​ന്ത​ര​മ​ന്ത്രി, കേ​ന്ദ്ര പേ​ഴ്​​സ​ന​ൽ മ​ന്ത്രാ​ല​യ സെ​ക്ര​ട്ട​റി, റ​വ​ന്യു സെ​ക്ര​ട്ട​റി എ​ന്നി​വ​ർ അം​ഗ​ങ്ങ​ളു​മാ​യ ക​മ്മി​റ്റി​യു​ടെ ശി​പാ​ർ​ശ​യ​നു​സ​രി​ച്ചാ​ണ്. സേ​വ​ന​കാ​ലം നീ​ട്ടു​ന്ന​തി​നും ഇ​തേ സ​മി​തി​യാ​ണ് ശി​പാ​ർ​ശ ചെ​യ്യേ​ണ്ട​ത്. സ​മി​തി​യു​ടെ ഘ​ട​ന​യ​നു​സ​രി​ച്ച് ഇ​തി​ൽ കേ​ന്ദ്ര സ​ർ​ക്കാ​റി​ന്‍റെ ഇം​ഗി​തം ന​ട​പ്പാ​ക്കാ​ൻ പ്ര​യാ​സ​മി​ല്ല എ​ന്ന​ത് വ്യ​ക്ത​മാ​ണ്. എ​ന്നാ​ൽ, കാ​ലാ​വ​ധി നീ​ട്ടു​ന്ന​ത് ഒ​രു വ​ർ​ഷ​ത്തേ​ക്ക് മാ​ത്ര​മാ​യ​തി​നാ​ൽ ഓ​രോ വ​ർ​ഷം അ​വ​സാ​നി​ക്കു​മ്പോ​ഴും അ​ത് നീ​ട്ടി​ക്കി​ട്ടാ​ൻ ഉ​ദ്യോ​ഗ​സ്ഥ​ൻ കേ​ന്ദ്ര​ത്തെ തൃ​പ്തി​പ്പെ​ടു​ത്തേ​ണ്ടി വ​രു​ന്ന സാ​ഹ​ച​ര്യം ആ​ർ​ക്കും കാ​ണാ​നാ​വും. ഇ​ട​വി​ട്ടു​ള്ള ഈ ​നീ​ട്ട​ൽ കാ​ര​ണം പ​ദ​വി​യു​ടെ സ്വാ​ത​ന്ത്ര്യ​ത്തി​നു കോ​ട്ടം ത​ട്ടു​മെ​ന്ന​തും വ്യ​ക്ത​മാ​ണ്. പൊ​തു​താ​ല്പ​ര്യ​ഹ​ര​ജി​ക്കാ​രും കോ​ട​തി നി​യ​മി​ച്ച അ​മി​ക്ക​സ് ക്യൂ​റി​യും ഇ​ക്കാ​ര്യം ചൂ​ണ്ടി​ക്കാ​ട്ടി​യി​രു​ന്നു.

കേ​ന്ദ്ര​ത്തി​ന്റെ ആ​ജ്ഞാ​നു​വ​ർ​ത്തി​ക​ൾ ത​ന്നെ ത​ല​പ്പ​ത്ത് വ​രു​ക എ​ന്ന​തി​ന്റെ അ​ർ​ഥം ഭ​ര​ണ​കൂ​ട​ത്തി​ന്റെ രാ​ഷ്ട്രീ​യ ഇ​ച്ഛ​ക​ൾ​ക്ക​നു​സ​രി​ച്ച് കേ​സു​ക​ൾ ര​ജി​സ്റ്റ​ർ ചെ​യ്യാ​നും എ​തി​രാ​ളി​ക​ൾ​ക്ക് പി​ന്നാ​ലെ പോ​വാ​നും അ​ന്വേ​ഷ​ണ ഏ​ജ​ൻ​സി​ക​ൾ നി​ർ​ബ​ന്ധി​ത​രാ​കും എ​ന്നാ​ണ്. നി​യ​മ​ന​ങ്ങ​ൾ​ക്ക് മു​മ്പ് സ​മി​തി​ക​ൾ പ​ശ്ചാ​ത്ത​ലം പ​രി​ശോ​ധി​ക്കും എ​ന്ന​തു​കൊ​ണ്ടു മാ​ത്രം ഇ​തി​ല്ലാ​താ​വു​ക​യി​ല്ല.

നീ​തി​യു​ടെ താ​ൽ​പ​ര്യം സം​ര​ക്ഷി​ക്കാ​ൻ വേ​റെ​യും വ്യ​വ​സ്ഥ​മാ​റ്റ​ങ്ങ​ൾ ഉ​ണ്ടാ​വേ​ണ്ട​തു​ണ്ട്. ശി​പാ​ർ​ശ ചെ​യ്യു​ന്ന സ​മി​തി​ക​ളി​ൽ പ്ര​തി​പ​ക്ഷ​ത്തി​ന് പ്രാ​തി​നി​ധ്യം ന​ൽ​കു​ന്ന​ത് ഒ​ര​തി​രു​വ​രെ പ​ക്ഷ​പാ​തി​ത്വ​മി​ല്ലാ​ത്ത ഉ​ദ്യോ​ഗ​സ്ഥ​രെ പ്ര​തി​ഷ്ഠി​ക്കാ​ൻ സ​ഹാ​യി​ക്കും. ആ ​ത​ത്ത്വ​മ​നു​സ​രി​ച്ചാ​ണ് സി.​ബി.​ഐ ഡ​യ​റ​ക്ട​റെ കേ​ന്ദ്ര സ​ർ​ക്കാ​റി​ന് ശി​പാ​ർ​ശ ചെ​യ്യു​ന്ന സ​മി​തി​യി​ൽ പ്ര​ധാ​ന​മ​ന്ത്രി അ​ധ്യ​ക്ഷ​നും ലോ​ക്​​സ​ഭ പ്ര​തി​പ​ക്ഷ നേ​താ​വ്, സു​പ്രീം​കോ​ട​തി ചീ​ഫ് ജ​സ്റ്റി​സ് എ​ന്നി​വ​ർ അം​ഗ​ങ്ങ​ളും എ​ന്ന വ​കു​പ്പ് വ​രു​ന്ന​ത്. സെ​ൻ​ട്ര​ൽ വി​ജി​ല​ൻ​സ് ഡ​യ​റ​ക്ട​റു​ടെ കാ​ര്യ​ത്തി​ലും അ​ധ്യ​ക്ഷ​നാ​യ പ്ര​ധാ​ന​മ​ന്ത്രി, പ്ര​തി​പ​ക്ഷ നേ​താ​വ്, കേ​ന്ദ്ര ആ​ഭ്യ​ന്ത​ര മ​ന്ത്രി എ​ന്നി​വ​രാ​ണ് രാ​ഷ്‌​ട്ര​പ​തി​ക്ക് ശി​പാ​ർ​ശ ന​ൽ​കു​ന്ന​ത്. ഇ.​ഡി​യു​ടെ കാ​ര്യ​ത്തി​ൽ പ്ര​തി​പ​ക്ഷ​ത്തി​ന് അ​ത്ത​രം ഒ​രു പ​ങ്കി​ല്ല. പ​ങ്ക് ഉ​ള്ളി​ട​ത്തു​ത​ന്നെ ഉ​ദ്യോ​ഗ​സ്ഥ​രു​ടെ ഒ​രു പാ​ന​ൽ സ​മ​ർ​പ്പി​ക്കാ​മെ​ന്ന​തി​നാ​ൽ അ​തി​ൽ സ​ർ​ക്കാ​ർ പ​ക്ഷ​ത്തി​നു താ​ൽ​പ​ര്യ​മു​ള്ള​വ​രും ഉ​ണ്ടാ​വാം. അ​വ​സാ​നം തീ​രു​മാ​ന​വും അ​ത​നു​സ​രി​ച്ചാ​വാം. ഇ​തി​നു പ​ക​രം ശി​പാ​ർ​ശ​ക​ൾ ഐ​ക​ക​​േ​ണ​ഠ്യ​ന​യാ​വ​ണം എ​ന്ന നി​ബ​ന്ധ​ന​യു​ണ്ടാ​യാ​ൽ മാ​ത്ര​മേ ഒ​രു പ​രി​ധി വ​രെ ഇ​തി​നു ത​ട​യി​ടാ​നാ​വൂ. ഇ​ല്ലെ​ങ്കി​ൽ എ​ക്സി​ക്യൂ​ട്ടി​വി​ന് താ​ല്പ​ര്യ​മു​ള്ള​യാ​ളെ ത​ന്നെ തെ​ര​ഞ്ഞെ​ടു​ക്കും. അ​ന്തി​മ​മാ​യി ജ​ന​ത​യു​ടെ ജാ​ഗ്ര​ത​യും തെ​ര​ഞ്ഞെ​ടു​പ്പു​ക​ളി​ലെ സ​മ്മ​തി​ദാ​നാ​ധി​കാ​ര പ്ര​യോ​ഗ​വും​കൊ​ണ്ട് മാ​ത്ര​മേ വ്യ​വ​സ്ഥ​യി​ലെ ദൂ​ഷ്യ​ങ്ങ​ളെ നി​ഷ്കാ​സ​നം ചെ​യ്യാ​നാ​വൂ എ​ന്ന സ​ത്യം നി​ല​നി​ൽ​ക്കു​ന്നു.