ജ​മ്മു-​ക​ശ്മീ​ർ കേ​സ്​ കോ​ട​തി​യി​ലെ​ത്തു​മ്പോ​ൾ

ജ​മ്മു-​ക​ശ്മീ​രി​ന് പ്രത്യേക പദവി ന​ൽ​കി​യി​രു​ന്ന ഭ​ര​ണ​ഘ​ട​ന​യു​ടെ 370ാം അ​നു​ച്ഛേ​ദം റ​ദ്ദാ​ക്കി​യ നി​യ​മ​ഭേ​ദ​ഗ​തി​യും സം​സ്ഥാ​ന​ത്തെ ജ​മ്മു-​ക​ശ്മീ​ർ, ല​ഡാ​ക് എ​ന്നീ ര​ണ്ടു കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളാ​ക്കി രാ​ഷ്‌​ട്ര​പ​തി ഇ​റ​ക്കി​യ ഉ​ത്ത​ര​വും ചോ​ദ്യം​ചെ​യ്യു​ന്ന 23 ഹ​ര​ജി​ക​ൾ ജൂ​ലൈ 11നു ​പ​രി​ഗ​ണി​ക്കാ​ൻ തി​ങ്ക​ളാ​ഴ്ച സു​പ്രീം​കോ​ട​തി തീ​രു​മാ​നി​ച്ചി​രി​ക്കു​ന്നു. ഇ​തോ​ടെ നാ​ലു​വ​ർ​ഷ​മാ​യി അ​നി​ശ്ചി​ത​ത്വ​ത്തി​ൽ കി​ട​ക്കു​ന്ന സം​സ്ഥാ​ന​ത്തി​ന്‍റെ പ​ദ​വി സം​ബ​ന്ധ​മാ​യ കോ​ട​തി ന​ട​പ​ടി​ക​ൾ ആ​രം​ഭി​ക്കു​ക​യാ​യി. ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡി​നു പു​റ​മെ ജ​സ്റ്റി​സു​മാ​രാ​യ സ​ഞ്ജ​യ് കി​ഷ​ൻ കൗ​ൾ, സ​ഞ്ജീ​വ് ഖ​ന്ന, ബി.​ആ​ർ. ഗ​വാ​യ്, സൂ​ര്യ​കാ​ന്ത് ശ​ർ​മ എ​ന്നി​വ​ര​ട​ങ്ങു​ന്ന പ​ഞ്ചാം​ഗ ഭ​ര​ണ​ഘ​ട​ന ബെ​ഞ്ചാ​ണ് കേ​സ് കേ​ൾ​ക്കു​ക.

2019 ആ​ഗ​സ്റ്റ്​ അ​ഞ്ച്, ആ​റ് തീ​യ​തി​ക​ളി​ൽ രാ​ഷ്‌​ട്ര​പ​തി ഇ​റ​ക്കി​യ ഉ​ത്ത​ര​വും ജ​മ്മു-​ക​ശ്മീ​ർ പു​നഃ​സം​ഘ​ട​ന ആ​ക്ട് 2019ഉം ​പു​നഃ​പ​രി​ശോ​ധ​ന​ക്കു വി​ധേ​യ​മാ​ക്ക​ണ​മെ​ന്ന ഹ​ര​ജി​ക്കാ​രു​ടെ ആ​വ​ശ്യ​ത്തി​ന്മേ​ലാ​ണ് വാ​ദം ന​ട​ക്കേ​ണ്ട​ത്. പ്രാ​ഥ​മി​ക കോ​ട​തി​ന​ട​പ​ടി​ക​ൾ​ക്കു ശേ​ഷം കേ​സ് ആ​ഗ​സ്റ്റി​ൽ തു​ട​ങ്ങാ​നാ​ണ് സാ​ധ്യ​ത. ജ​സ്റ്റി​സ് കൗ​ൾ ഡി​സം​ബ​റി​ൽ വി​ര​മി​ക്കു​ന്ന​തി​നാ​ൽ അ​തി​നു മു​മ്പ് കേ​സി​ൽ തീ​രു​മാ​ന​മു​ണ്ടാ​യേ​ക്കു​മെ​ന്നും ക​രു​ത​പ്പെ​ടു​ന്നു.

തി​ക​ച്ചും നാ​ട​കീ​യ​മാ​യാ​ണ് 2019 ആ​ഗ​സ്റ്റി​ൽ ജ​മ്മു-​ക​ശ്മീ​ർ സം​സ്ഥാ​ന​ത്തെ മൊ​ത്തം നി​ശ്ച​ല​മാ​ക്കി​യ രാ​ഷ്ട്രീ​യ​നീ​ക്ക​മു​ണ്ടാ​യ​ത്. 2018 ജൂ​ണി​ൽ അ​തു​വ​രെ സം​സ്ഥാ​നം ഭ​രി​ച്ചി​രു​ന്ന ബി.​ജെ.​പി-​പി.​ഡി.​പി സ​ഖ്യ​ത്തി​നു​ള്ള പി​ന്തു​ണ ബി.​ജെ.​പി പി​ൻ​വ​ലി​ക്കു​ക​യും മ​ഹ്ബൂ​ബ മു​ഫ്‌​തി അ​ധി​കാ​ര​ത്തി​ൽ​നി​ന്ന് ഇ​റ​ങ്ങു​ക​യും ചെ​യ്തു. ഏ​താ​നും മാ​സ​ക്കാ​ല​ത്തെ കാ​ത്തി​രി​പ്പി​നു​ശേ​ഷം ഗ​വ​ർ​ണ​ർ സ​ത്യ​പാ​ൽ മാ​ലി​ക് സം​സ്ഥാ​ന നി​യ​മ​സ​ഭ പി​രി​ച്ചു​വി​ട്ടു. ഇ​തി​നി​ട​യി​ൽ കോ​ൺ​ഗ്ര​സും നാ​ഷ​ന​ൽ കോ​ൺ​ഫ​റ​ൻ​സും ചേ​ർ​ന്ന് മ​ന്ത്രി​സ​ഭ​ക്ക് അ​വ​കാ​ശ​വാ​ദം ഉ​ന്ന​യി​ച്ചെ​ങ്കി​ലും കു​തി​ര​ക്ക​ച്ച​വ​ട സാ​ധ്യ​ത ചൂ​ണ്ടി​ക്കാ​ട്ടി ഗ​വ​ർ​ണ​ർ അ​ത് ത​ള്ളി. അ​ന്നു മു​ത​ൽ ഇ​ന്നു​വ​രെ സം​സ്ഥാ​ന​ത്തെ ജ​ന​ങ്ങ​ൾ​ക്ക് അ​വ​രു​ടെ തെ​ര​ഞ്ഞെ​ടു​ത്ത ജ​ന​പ്ര​തി​നി​ധി​ക​ളോ ജ​ന​കീ​യ സ​ർ​ക്കാ​റോ ഉ​ണ്ടാ​യി​ട്ടി​ല്ല. മാ​ത്ര​മ​ല്ല, ജ​മ്മു-​ക​ശ്മീ​രും ല​ഡാ​ക്കും ര​ണ്ടു കേ​ന്ദ്ര ഭ​ര​ണ​പ്ര​ദേ​ശ​ങ്ങ​ളാ​യി ചു​രു​ങ്ങു​ക​യും ചെ​യ്തു. ല​ഡാ​ക്കി​ലാ​വ​ട്ടെ നി​യ​മ​നി​ർ​മാ​ണ​സ​ഭ​യു​മി​ല്ല. ജ​മ്മു-​ക​ശ്മീ​രി​നു സം​സ്ഥാ​ന പ​ദ​വി പു​നഃ​സ്ഥാ​പി​ക്കു​മെ​ന്ന വാ​ക്ക് ഇ​ന്നോ​ളം പാ​ലി​ക്ക​പ്പെ​ട്ടി​ല്ല. തെ​ര​ഞ്ഞെ​ടു​പ്പും നീ​ണ്ടു​പോ​വു​ക​യാ​ണ്. അ​തി​നു മു​ന്നോ​ടി​യാ​യി ന​ട​ക്കേ​ണ്ട മ​ണ്ഡ​ല പു​ന​ർ​നി​ർ​ണ​യ​ത്തി​ൽ ബി.​ജെ.​പി യു​ടെ താ​ല്പ​ര്യ​ത്തി​ന​നു​സ​രി​ച്ച് ഭൂ​രി​പ​ക്ഷ​ത്തി​നു സം​ഖ്യാ​പ​ര​മാ​യ മേ​ൽ​ക്കൈ കി​ട്ടും വി​ധം ജ​മ്മു​വി​ൽ ആ​റും ക​ശ്മീ​ർ താ​ഴ്വ​ര​യി​ൽ ഒ​ന്നും സീ​റ്റ് വ​ർ​ധി​പ്പി​ച്ച് സം​സ്ഥാ​ന​ത്ത്​ ബി.​ജെ.​പി​ക്ക് ഭ​ര​ണ​ക​ക്ഷി​യാ​വാ​നും ല​ഡാ​ക്കി​ൽ ഒ​രു ലോ​ക്സ​ഭ സീ​റ്റ് കി​ട്ടാ​നും വ​ഴി​യൊ​രു​ക്കി​യി​രി​ക്കു​ന്നു. ഇ​തി​നു പു​റ​മെ സം​സ്ഥാ​ന​ത്തൊ​ട്ടാ​കെ അ​ഭി​പ്രാ​യ പ്ര​ക​ട​ന​ത്തി​നു​ള്ള സ​ർ​വ​മാ​ർ​ഗ​ങ്ങ​ളും അ​ട​ച്ചു. സ​വി​ശേ​ഷ പ​ദ​വി റ​ദ്ദു​ചെ​യ്യു​ന്ന​തി​നു​മു​മ്പേ ത​ന്നെ ന​ട​പ്പാ​ക്കി​യ ലോ​ക്ഡൗ​ണും ഇ​ന്റ​ർ​നെ​റ്റ് വി​ച്ഛേ​ദ​ന​വും കാ​ര​ണം ജ​ന​ങ്ങ​ളെ വ​രി​ഞ്ഞു​മു​റു​ക്കി​യ സാ​ഹ​ച​ര്യ​മാ​യി​രു​ന്നു ഏ​റെ​നാ​ൾ. ഇ​ന്‍റ​ർ​നെ​റ്റ്​ നി​രോ​ധം ഘ​ട്ടം​ഘ​ട്ട​മാ​യി നീ​ക്കി​യെ​ങ്കി​ലും പു​റം​ലോ​ക​ത്തി​നു ക​ശ്മീ​രി​ൽ ന​ട​ക്കു​ന്ന​ത് അ​റി​യാ​നോ സ്വ​ദേ​ശി​ക​ൾ​ക്ക് പു​റം​ലോ​കം അ​റി​യാ​നോ മാ​ർ​ഗ​ങ്ങ​ളി​ല്ലാ​യി​രു​ന്നു. ലോ​ക​ത്ത്​ ഏ​റ്റ​വും കൂ​ടു​ത​ൽ സൈ​നി​ക സാ​ന്ദ്ര​ത​യു​ള്ള മേ​ഖ​ല​യെ​ന്ന് അ​റി​യ​പ്പെ​ടു​ന്ന ക​ശ്മീ​രി​ൽ ജ​ന​കീ​യ പ്ര​തി​ഷേ​ധ​ങ്ങ​ൾ​ക്ക് ഇ​ട​മേ​യി​ല്ലെ​ന്നാ​യി​രി​ക്കു​ന്നു.

2019ലെ ​ജ​മ്മു-​ക​ശ്മീ​ർ നി​യ​മ​ഭേ​ദ​ഗ​തി​ക​ളു​ടെ സാ​ധു​ത ചോ​ദ്യം​ചെ​യ്യു​ന്ന ഹ​ര​ജി​ക​ൾ പ​രി​ഗ​ണി​ക്കു​ന്ന​തി​ൽ വ​ന്ന കാ​ല​വി​ളം​ബ​ത്തി​ന്‍റെ ബ​ല​ത്തി​ൽ പ​ല ന​ട​പ​ടി​ക​ളും ഇ​തി​ന​കം പൂ​ർ​ത്തി​യാ​യി​ക്ക​ഴി​ഞ്ഞു. കാ​ലം കൊ​ണ്ട് വി​വാ​ദ ന​ട​പ​ടി​ക​ൾ സ്ഥാ​യീ​ക​രി​ക്കു​ന്ന പേ​ശീ​ബ​ല രാ​ഷ്ട്രീ​യ​ത്തി​ന്‍റെ രീ​തി​യി​ലാ​ണി​തെ​ല്ലാം. ജ​മ്മു-​ക​ശ്മീ​രി​നെ സം​ബ​ന്ധി​ക്കു​ന്ന നി​ർ​ണാ​യ​ക പ​രി​ഷ്‌​കാ​ര​ങ്ങ​ൾ ന്യൂ​ഡ​ൽ​ഹി​യി​ലി​രു​ന്ന് കേ​ന്ദ്ര സ​ർ​ക്കാ​ർ ഏ​ക​പ​ക്ഷീ​യ​മാ​യി പാ​സാ​ക്കു​ക​യാ​യി​രു​ന്നു. അ​തും ആ​ഗ​സ്റ്റ്​ അ​ഞ്ചി​ന് രാ​ജ്യ​സ​ഭ​യി​ലും പി​റ്റേ ദി​വ​സം ലോ​ക്സ​ഭ​യി​ലു​മാ​യി ര​ണ്ടു ദി​വ​സം കൊ​ണ്ട് ബി​ൽ സ​മ​ർ​പ്പ​ണ​വും ച​ർ​ച്ച​യും രാ​ഷ്ട്ര​പ​തി​യു​ടെ ഒ​പ്പി​ട്ടു നി​യ​മ​മാ​ക്ക​ലു​മെ​ല്ലാം ന​ട​ന്നു. ഒ​രു ജ​ന​ത​യു​ടെ ഭാ​ഗ​ധേ​യ​വു​മാ​യി അ​ഭേ​ദ്യ​മാ​യി ബ​ന്ധ​പ്പെ​ട്ട നി​യ​മ​നി​ർ​മാ​ണ​ത്തി​ന്‍റെ ക​ഥ​യാ​ണി​ത്.

കോ​ട​തി ന​ട​പ​ടി​ക​ൾ​ക്ക് ഇ​ട​ക്കാ​ല​ത്തു കോ​വി​ഡ് ത​ട​സ്സ​മാ​യെ​ങ്കി​ലും പി​ന്നീ​ടും ന​ട​പ​ടി​ക​ൾ ഉ​ണ്ടാ​യി​ല്ല. ജ​സ്റ്റി​സ് എ​ൻ.​വി. ര​മ​ണ ചീ​ഫ് ജ​സ്റ്റി​സ് ആ​യി​രു​ന്ന​പ്പോ​ൾ ഒ​രി​ക്ക​ൽ കേ​സ് വേ​ഗം പ​രി​ഗ​ണി​ക്കാ​മെ​ന്ന് പ​റ​ഞ്ഞി​രു​ന്നെ​ങ്കി​ലും അ​ദ്ദേ​ഹം പി​രി​യു​ന്ന​തു​വ​രെ അ​തു​ണ്ടാ​യി​ല്ല അ​വ​സാ​ന​മാ​യി ക​ഴി​ഞ്ഞ ഫെ​ബ്രു​വ​രി​യി​ൽ ഹ​ര​ജി​ക്കാ​രു​ടെ അ​പേ​ക്ഷ​യി​ൽ വേ​ഗം ഒ​രു തീ​യ​തി നി​ശ്ച​യി​ക്കാ​മെ​ന്നു ജ​സ്റ്റി​സ് ച​ന്ദ്ര​ചൂ​ഡ് പ​റ​ഞ്ഞെ​ങ്കി​ലും അ​തും ന​ട​ന്നി​ല്ല. ഇ​പ്പോ​ഴാ​ണ് ഒ​രു തീ​യ​തി നി​ശ്ച​യി​ക്കു​ന്ന​ത്. ഈ ​കേ​സി​ൽ ഏ​തൊ​ക്കെ രീ​തി​ക​ളി​ലാ​ണ്​ വാ​ദം ന​ട​ക്കു​ക എ​ന്നും അ​റി​യാ​നി​രി​ക്കു​ന്നേ​യു​ള്ളൂ. അ​ഞ്ചി​ൽ കൂ​ടു​ത​ൽ അം​ഗ​ങ്ങ​ളു​ള്ള വി​ശാ​ല ഭ​ര​ണ​ഘ​ട​ന ബെ​ഞ്ച് കേ​ൾ​ക്ക​ണ​മെ​ന്ന ആ​വ​ശ്യം ഹ​ര​ജി​ക്കാ​ർ ഉ​ന്ന​യി​ച്ചി​രു​ന്നെ​ങ്കി​ലും അ​ത് പ​രി​ഗ​ണി​ക്ക​പ്പെ​ട്ടി​ട്ടി​ല്ല. പി​ന്നാ​ക്ക സം​വ​ര​ണം ചോ​ദ്യം ചെ​യ്ത കേ​സി​ലും അ​തി​നു​മു​മ്പ് ഇ​ന്ദ്രാ സാ​ഹ്നി കേ​സി​ന്‍റെ ഒ​മ്പ​തം​ഗ ബെ​ഞ്ചി​നെ​ക്കാ​ൾ വി​ശാ​ല​മാ​യ ബെ​ഞ്ച് വേ​ണ​മെ​ന്ന വാ​ദം അം​ഗീ​ക​രി​ക്ക​പ്പെ​ട്ടി​രു​ന്നി​ല്ല. മാ​ത്ര​മ​ല്ല, ആ ​അ​ഞ്ചം​ഗ ബെ​ഞ്ചു​ത​ന്നെ ഒ​മ്പ​തം​ഗ ബെ​ഞ്ച് തീ​രു​മാ​നി​ച്ച പ​ല വി​ഷ​യ​ങ്ങ​ളും വ്യ​ത്യ​സ്ത രീ​തി​യി​ൽ തീ​ർ​പ്പാ​ക്കി​യി​ട്ടു​മു​ണ്ട്. ഒ​രു പ്ര​ദേ​ശ​ത്തെ ജ​ന​ത​യു​ടെ ഇ​ച്ഛ​ക്കും ഭ​ര​ണ​കൂ​ട​ത്തി​ന്റെ വാ​ശി​ക്കും ഇ​ട​യി​ലെ സം​ഘ​ർ​ഷ​ങ്ങ​ൾ ഉ​ൾ​പ്പെ​ട്ട കേ​സ് എ​ന്ന നി​ല​യി​ൽ ഒ​രു പ​​ക്ഷേ, ലോ​ക നി​യ​മ​ച​രി​ത്ര​ത്തി​ൽ​ത​ന്നെ സ​വി​ശേ​ഷ​മാ​യ ഒ​ന്നാ​വാം ഈ ​കേ​സ്.