ര​ണ്ടാമൂഴ​ത്തി​ലെ ഡോ​ണ​ൾ​ഡ്​ ട്രം​പ്​

അ​മേ​രി​ക്ക​യു​ടെ 47-ാമ​ത്തെ പ്ര​സി​ഡ​ന്‍റാ​യി എ​ഴു​പ​ത്തെ​ട്ടു​കാ​ര​നാ​യ ഡോ​ണ​ൾ​ഡ്​ ട്രം​പ്​ തി​ങ്ക​ളാ​ഴ്ച സ​ത്യ​പ്ര​തി​ജ്ഞ ചെ​യ്ത്​ അ​ധി​കാ​ര​മേ​റ്റു. ഒ​ന്നാം ട്രം​പ് കാ​ല​ത്തി​ൽ നി​ന്നു ര​ണ്ടാ​മൂ​ഴം ഭി​ന്ന​മാ​യി​രി​ക്കു​മോ എ​ന്ന കാ​ര്യ​ത്തി​ൽ അ​ത്യ​സാ​ധാ​ര​ണ​ത്വ​ങ്ങ​ളൊ​ന്നും പൊ​തു​വേ പ്ര​തീ​ക്ഷി​ക്ക​പ്പെ​ടു​ന്നി​ല്ല. പു​തു​ഭ​ര​ണ​ത്തി​ന്‍റെ ഉ​ദ്​​ഘാ​ട​ന​ത്തി​നു മു​ന്നോ​ടി​യാ​യി ഞാ​യ​റാ​ഴ്​​ച ത​ല​സ്ഥാ​ന​ത്തെ ക്യാ​പി​റ്റ​ൽ വ​ൺ അ​റീ​ന​യി​ൽ സം​ഘ​ടി​പ്പി​ച്ച ‘മേ​ക്​ അ​​മേ​രി​ക്ക ഗ്രേ​റ്റ്​ എ​ഗ​ൻ’ (മാ​ഗാ) വി​ക്ട​റി റാ​ലി​യെ അ​ഭി​സം​ബോ​ധ​ന ചെ​യ്ത് നി​യു​ക്ത പ്ര​സി​ഡ​ന്‍റ്​ ന​ട​ത്തി​യ പ്ര​ഖ്യാ​പ​ന​വും അ​തു ശ​രി​വെ​ച്ചു-​ഒ​ന്നാ​മൂ​ഴ​ത്തി​ന്‍റെ ചു​വ​ടു​പി​ടി​ച്ചു​ള്ള ശ​ക്ത​മാ​യ ര​ണ്ടാ​മൂ​ഴം എ​ന്നു​ത​ന്നെ. ‘നീ​ണ്ട നാ​ലു​വ​ർ​ഷ​ത്തെ അ​മേ​രി​ക്ക​ൻ അ​ധഃ​പ​ത​നം’ അ​വ​സാ​നി​പ്പി​ച്ച്​ ഏ​റ്റ​വും മി​ക​ച്ച ആ​ദ്യ​ദി​ന​വും ആ​ദ്യ ആ​​ഴ്ച​യും യു.​എ​സ്​ പ്ര​സി​ഡ​ന്‍റു​മാ​രു​ടെ ​ ച​രി​ത്ര​ത്തി​ലെ അ​നി​ത​ര​സാ​ധാ​ര​ണ​മാ​യ ആ​ദ്യ നൂ​റു​ദി​ന​ങ്ങ​ളും ജ​ന​ത​ക്ക്​ സ​മ്മാ​നി​ക്കു​മെ​ന്നാ​യി​രു​ന്നു​ ട്രം​പി​ന്‍റെ മു​ഖ്യ​വി​ളം​ബ​രം. അ​മേ​രി​ക്ക​ൻ ക​രു​ത്തി​ന്‍റെ​യും ​ഐ​ശ്വ​ര്യ​ത്തി​ന്‍റെ​യും അ​ന്ത​സ്സി​ന്റെ​യും അ​ഭി​മാ​ന​ത്തി​ന്റെ​യും പു​തു​യു​ഗ​മാ​ണ്​ തു​ട​ങ്ങു​ന്ന​തെ​ന്നും അ​ദ്ദേ​ഹം പ്ര​ഖ്യാ​പി​ച്ചു.

രാ​ജ്യ​ഭ​ര​ണ​മേ​റു​ന്ന ആ​ദ്യ​ദി​ന​ത്തി​ൽ അ​മേ​രി​ക്ക​ൻ ​പ്ര​സി​ഡ​ന്‍റു​മാ​ർ പ​ര​മ്പ​രാ​ഗ​ത​മാ​യി പു​റ​ത്തി​റ​ക്കാ​റു​ള്ള എ​ക്സി​ക്യൂ​ട്ടി​വ്​ ഓ​ർ​ഡ​റു​ക​ൾ ​ട്രം​പ്​ ചി​ട്ട​പ്പെ​ടു​ത്തി​യ​തും അ​മേ​രി​ക്ക​ൻ, വെ​ള്ള ദേ​ശീ​യ മേ​ധാ​വി​ത്വ​ത്തി​ന്‍റെ പ്ര​ഖ്യാ​പി​ത ന​യ​ങ്ങ​ളി​ലൂ​ന്നി​യാ​ണ്. ആ​ദ്യ​ഭ​ര​ണ​ത്തി​ലെ​ന്ന പോ​ലെ യു.​എ​സ്​-​മെ​ക്സി​കോ അ​തി​ർ​ത്തി​യി​ൽ നു​ഴ​ഞ്ഞു​ക​യ​റ്റം ത​ട​യു​ന്ന നി​യ​മ​മാ​ണ്​ അ​തി​ലൊ​ന്ന്. അ​തു​വ​ഴി മു​സ്​​ലിം ഭൂ​രി​പ​ക്ഷ രാ​ജ്യ​ങ്ങ​ളി​ൽ നി​ന്നു​ള്ള​വ​ർ​ക്ക്​ യാ​ത്രാ​നി​രോ​ധ​നം ഏ​ർ​പ്പെ​ടു​ത്തി​യ​തും പു​നഃ​സ്ഥാ​പി​ക്ക​പ്പെ​ടും. പ​രി​സ്ഥി​തി സു​ര​ക്ഷ​യു​ടെ കാ​ര​ണം പ​റ​ഞ്ഞ് ​ബൈ​ഡ​ൻ ഭ​ര​ണ​കൂ​ടം ത​ട​ഞ്ഞു​​വെ​ച്ച ആ​ഭ്യ​ന്ത​ര ഊ​ർ​​ജോ​ൽ​പാ​ദ​ന പ​ദ്ധ​തി​ക​ൾ വീ​ണ്ടും കൊ​ണ്ടു​വ​രു​ന്ന​താ​ണ്​ മ​റ്റൊ​രു ഓ​ർ​ഡ​ർ. ക​ഴി​ഞ്ഞ ത​വ​ണ ഭ​ര​ണം​പി​ടി​ക്കാ​നു​ള്ള ശ്ര​മം പ​രാ​ജ​യ​പ്പെ​ട്ട​ ഇ​ച്ഛാ​ഭം​ഗ​ത്തി​ൽ ക്യാ​പി​റ്റോ​ൾ ഹി​ൽ പി​ടി​ച്ച​ട​ക്കാ​ൻ ന​ട​ത്തി​യ ആ​ക്ര​മ​ണ​വു​മാ​യി ബ​ന്ധ​പ്പെ​ട്ട്​ കു​റ്റം ചു​മ​ത്ത​പ്പെ​ട്ട 1500 ഓ​ളം പേ​രു​ടെ കു​റ്റ​മു​ക്തി​യാ​ണ്​ മ​റ്റൊ​ന്ന്. അ​ങ്ങ​നെ, തീ​വ്ര വ​ല​തു​പ​ക്ഷ ദേ​ശീ​യ​ത​യും വെ​ള്ള വം​ശീ​യ​ത​യും സ​മം​ചേ​ർ​ത്ത ട്രം​പി​സം കൂ​ടു​ത​ൽ സ​ജീ​വ​മാ​ക്കാ​നു​ള്ള യ​ത്ന​ങ്ങ​ളു​മാ​യാ​ണ്​ ര​ണ്ടാം പു​റ​പ്പാ​ട്​ എ​ന്ന്​ വ്യ​ക്ത​മാ​യി​ക്ക​ഴി​ഞ്ഞു. അ​തി​നി​ണ​ങ്ങു​ന്ന ഭ​ര​ണ​നേ​തൃ​നി​ര​യെ​യും ​ക​ണ്ടെ​ത്തി​യി​ട്ടു​ണ്ട്. 2016ൽ ​പ്ര​സി​ഡ​ന്‍റ്​ സ്ഥാ​നാ​ർ​ഥി​ത്വ​ത്തി​നു​വേ​ണ്ടി ട്രം​പി​നോ​ട്​ റി​പ്പ​ബ്ലി​ക്ക​ൻ പാ​ർ​ട്ടി​യി​ൽ അ​ങ്കം വെ​ട്ടി​യ മാ​ർ​കോ റൂ​ബി​യോ ആ​ണ്​ സ്​​റ്റേ​റ്റ്​ സെ​ക്ര​ട്ട​റി സ്ഥാ​ന​ത്ത്​ വ​രു​ന്ന​ത്. ഭി​ന്നാ​ഭി​പ്രാ​യ​ങ്ങ​ളൊ​ക്കെ പ​റ​ഞ്ഞു​തീ​ർ​ത്തു, വി​ദേ​ശ​ന​യ​ത്തി​ലു​ട​നീ​ളം ട്രം​പി​ന്‍റെ ലൈ​നി​ൽ കൂ​ടു​ത​ൽ കൂ​റോ​​ടെ നി​ല​യു​റ​പ്പി​ച്ചി​രി​ക്കു​ക​യാ​ണ്​ മാ​ർ​കോ ഇ​പ്പോ​ൾ. 13 ല​ക്ഷം വ​രു​ന്ന അ​​മേ​രി​ക്ക​ൻ സൈ​ന്യ​ത്തി​ന്‍റെ ത​ല​പ്പ​ത്തേ​ക്ക്​ പ്ര​തി​രോ​ധ സെ​ക്ര​ട്ട​റി​യാ​യി കൊ​ണ്ടു​വ​രു​ന്ന​ത്​ പീ​റ്റ​ർ ഹെ​ഗ്​​സെ​ത്​ എ​ന്ന ഫോ​ക്സ്​ ന്യൂ​സ്​ ചാ​ന​ലി​ലെ മു​ൻ അ​വ​താ​ര​ക​നെ​യാ​ണ്. ‘അ​മേ​രി​ക്ക മു​ന്നം’ എ​ന്ന ട്രം​പ്​ മു​ദ്രാ​വാ​ക്യ​ത്തി​ന്‍റെ വ​ക്താ​വാ​ണ്​ എ​ന്ന​താ​ണ്​ പീ​റ്റ​റി​ന്‍റെ മേ​ന്മ. സി.​ഐ.​എ ത​ല​വ​നാ​യി വ​രു​ന്ന ജോ​ൺ റാ​റ്റ്​​ക്ലി​ഫ്, ദേ​ശീ​യ സു​ര​ക്ഷ ഉ​പ​ദേ​ഷ്ടാ​വാ​യി വ​രു​ന്ന ​മി​ഷേ​ൽ വാ​ട്​​സ്, ആ​ഭ്യ​ന്ത​ര സു​ര​ക്ഷാ സെ​ക്ര​ട്ട​റി​യാ​യ ക്രി​സ്റ്റി നോ​യം എ​ന്നി​വ​രും ട്രം​പി​നെ അ​ക്ഷ​രം പ്ര​തി അം​ഗീ​ക​രി​ക്കു​ന്ന​വ​രാ​ണ്.

അ​മേ​രി​ക്ക​ൻ മ​ഹി​മ​യു​ടെ വീ​ണ്ടെ​ടു​പ്പ്​ എ​ന്ന ട്രം​പി​ന്‍റെ മു​ദ്രാ​വാ​ക്യം പ്ര​യോ​ഗ​ത്തി​ലേ​ക്കു നീ​ങ്ങു​മ്പോ​ൾ പ​ര​മ്പ​രാ​ഗ​ത ബ​ഹു​സ്വ​ര ന​യ​ത്തി​ൽ നി​ന്നു വി​ദേ​ശ​ന​യം, ഏ​ക​പ​ക്ഷീ​യ​ത​യി​ലേ​ക്ക്​ മാ​റു​ക​യാ​ണ്. ധ​ന​വി​നി​മ​യ ബ​ന്ധ​മാ​യി രാ​ഷ്ട്രാ​ന്ത​രീ​യ ബ​ന്ധ​ങ്ങ​ളെ കാ​ണു​ന്ന ട്രം​പ്​ അ​മേ​രി​ക്ക​യു​ടെ സാ​മ്പ​ത്തി​ക താ​ൽ​പ​ര്യ​മാ​ണ്​ ഏ​തു നീ​ക്ക​ത്തി​ലും മു​ന്നി​ൽ കാ​ണു​ന്ന​ത്. ആ​ദ്യ ഊ​ഴ​ത്തി​ൽ നാ​റ്റോ​ക്കെ​തി​രെ രം​ഗ​ത്തു​വ​ന്ന അ​ദ്ദേ​ഹം അ​തി​നു നി​ര​ത്തി​യ ന്യാ​യം അ​മേ​രി​ക്ക മാ​ത്രം പ​ണം ചെ​ല​വി​ട്ട്​ പോ​റ്റു​ന്ന ത​ര​ത്തി​ലേ​ക്ക്​ അ​തു മാ​റു​ന്നു എ​ന്നാ​ണ്. ഇ​റ​ക്കു​മ​തി​ക്ക്​ വ​ർ​ധി​ത തീ​രു​വ ചു​മ​ത്താ​നു​ള്ള നീ​ക്ക​വും സ്വ​ന്തം കീ​ശ​യി​ലേ​ക്കു മാ​ത്രം ക​ണ്ണു​ന​ട്ടാ​ണ്. ദാ​വോ​സി​ൽ ലോ​ക സാ​മ്പ​ത്തി​ക ഉ​ച്ച​കോ​ടി ന​ട​ക്കു​മ്പോ​ഴാ​ണ്​ ട്രം​പി​ന്‍റെ ര​ണ്ടാ​മൂ​ഴ​ത്തി​ലേ​ക്കു​ള്ള സ​ത്യ​പ്ര​തി​ജ്ഞ. വ​ൻ​കി​ട വ്യാ​പാ​ര​ത്തി​നു തു​റ​ന്ന അ​തി​ർ​ത്തി​ക​ൾ, ദേ​ശീ​യ കെ​ട്ടു​പാ​ടു​ക​ൾ​ക്ക​പ്പു​റം ആ​ഗോ​ള​ത​ല​ത്തി​ൽ വി​വി​ധ രാ​ഷ്ട്ര​ങ്ങ​ളി​ലെ അ​തി​സ​മ്പ​ന്ന​ർ​ക്ക്​ സ്വ​പ്ന​ങ്ങ​ൾ സാ​ക്ഷാ​ത്​​ക​രി​ക്കാ​നു​ള്ള പ്ര​ത്യേ​കാ​ധി​കാ​രം തു​ട​ങ്ങി ആ​ഗോ​ള സാ​മ്പ​ത്തി​ക​വേ​ദി കൊ​ണ്ടു​ന​ട​ന്ന ശീ​ത യു​ദ്ധാ​ന​ന്ത​ര ‘ലി​ബ​റ​ൽ മൂ​ല്യ​ങ്ങ​ളെ’​​യൊ​ക്കെ അ​പ്ര​സ​ക്ത​മാ​ക്കി​യാ​ണ്​ ​അ​മേ​രി​ക്ക​യി​ൽ ട്രം​പും യൂ​റോ​പ്യ​ൻ രാ​ജ്യ​ങ്ങ​ളി​ൽ വ​ല​തു​പ​ക്ഷ പോ​പ്പു​ലി​സ്​​റ്റ്​ ഭ​ര​ണ​കൂ​ട​ങ്ങ​ളും ക​ളം നി​റ​ഞ്ഞാ​ടു​ന്ന​ത്. അ​തോ​ടെ ആ​ഗോ​ള രാ​ഷ്ട്രീ​യ, സാ​മ്പ​ത്തി​ക കൂ​ട്ടാ​യ്മ​ക​ൾ​ക്കും ഭം​ഗം വ​രു​ക​യാ​ണ്. രാ​ഷ്ട്ര​ങ്ങ​ളു​ടെ രാ​ഷ്ട്രീ​യ പൊ​തു​വേ​ദി​യാ​യ യു.​എ​ൻ എ​ന്നോ അ​പ്ര​സ​ക്ത​മാ​യി​ക്ക​ഴി​ഞ്ഞു. അ​പ്പോ​ഴും ശ​ക്ത​മാ​യ നി​ല​യി​ൽ തു​ട​ർ​ന്നി​രു​ന്ന ദേ​ശാ​ന്ത​രീ​യ സാ​മ്പ​ത്തി​ക സ്ഥാ​പ​ന​ങ്ങ​ളും സം​വി​ധാ​ന​ങ്ങ​ളും അ​പ്ര​ധാ​ന​മാ​കു​ന്ന നി​ല​യി​ലേ​ക്കാ​ണ്​ സം​ഭ​വ​ങ്ങ​ളു​ടെ പോ​ക്ക്.

അ​പ്പോ​ഴും ഗ​സ്സ സ​മാ​ധാ​ന​ദൗ​ത്യ​ത്തി​ൽ ഇ​സ്രാ​യേ​ലി​നെ ‘വ​ര​ച്ച വ​ര​യി​ൽ നി​ർ​ത്തി​യ’ ട്രം​പി​ന്‍റെ​ അ​സാ​ധാ​ര​ണ​നീ​ക്കം ‘വി​വേ​ക വീ​ണ്ടെ​ടു​പ്പി’​ന്‍റെ സൂ​ച​ന​യാ​ണോ എ​ന്നു ഉ​റ്റു​നോ​ക്കു​ന്നു​ണ്ട്. ഇ​സ്രാ​യേ​ലി​നെ താ​ങ്ങി ന​ടു​വൊ​ടി​യാ​നാ​വി​ല്ല എ​ന്ന തി​രി​ച്ച​റി​വാ​യി ശു​ഭാ​പ്തി​ക്കാ​ർ അ​തി​നെ കാ​ണു​മ്പോ​ൾ ബ​ന്ദി​ക​ളെ​യൊ​ക്കെ വീ​ണ്ടെ​ടു​ത്ത ശേ​ഷം വീ​ണ്ടു​മൊ​രു ന​ശീ​ക​ര​ണാ​ക്ര​മ​ണ​ത്തി​നു​ള്ള ക​ള​മൊ​രു​ക്ക​ലാ​കു​മോ അ​തെ​ന്ന്​ ദോ​ഷൈ​ക​ദൃ​ഷ്ടി​യി​ൽ വീ​ക്ഷി​ക്കു​ന്ന​വ​രു​മു​ണ്ട്. പ്ര​വ​ച​നാ​തീ​ത​നാ​ണ്​ ട്രം​പ്​ എ​ന്ന​തി​നാ​ൽ സാ​ധ്യ​ത ഏ​തു​മാ​കാം. ദൈ​വ​മേ എ​ന്നെ തു​ണ​ക്ക​ണേ എ​ന്ന പ്രാ​ർ​ഥ​ന​യോ​ടെ​യാ​ണ്​ അ​മേ​രി​ക്ക​ൻ പ്ര​സി​ഡ​ന്‍റ്​ സ​ത്യ​പ്ര​തി​ജ്ഞ അ​വ​സാ​നി​പ്പി​ക്കു​ക. ട്രം​പും അ​മേ​രി​ക്ക​യും എ​ങ്ങോ​ട്ട്​ എ​ന്ന ഉ​ദ്വേ​ഗ​ത്തി​ൽ കാ​ത്തി​രി​ക്കു​ന്ന ലോ​ക​ത്തി​ന്‍റെ പ്രാ​ർ​ഥ​ന​യും അ​തു​ത​ന്നെ- ദൈ​വ​മേ, ലോ​ക​ത്തെ കാ​ത്തു​കൊ​ള്ളേ​​ണ​മേ.