കേ​ര​ള പൊ​ലീ​സി​ന്​ ഇ​ത്ര 'വീ​ര്യം' വേ​ണോ?

നി​യ​മ​പ്ര​കാ​രം കി​​ട്ടേ​ണ്ട വീ​ടും മ​റ്റ്​ ആ​നു​കൂ​ല്യ​ങ്ങ​ളും അ​ന​ർ​ഹ​ർ കൈ​ക്ക​ലാ​ക്കു​ക​യും ത​നി​ക്ക്​ നി​ഷേ​ധി​ക്ക​പ്പെ​ടു​ക​യും ചെ​യ്​​ത​പ്പോ​ൾ വി​വ​രാ​വ​കാ​ശ നി​യ​മ​മ​നു​സ​രി​ച്ച്​ പോ​രാ​ടാ​നി​റ​ങ്ങി​യ​തോ​ടെ പു​ന​ലൂ​രു​കാ​ര​ൻ രാ​ജീ​വ്​ പൊ​ലീ​സി​​ന്‍റെ ക​ണ്ണി​ലെ ക​ര​ടാ​യി. ഒ​രു പ​രാ​തി​യു​മാ​യി ചെ​ന്ന​പ്പോ​ൾ തെ​ന്മ​ല സ്​​റ്റേ​ഷ​നി​ലെ സി.​ഐ​യു​ടെ വ​ക മ​ർ​ദ​നം. പി​ന്നെ തെ​ളി​വ്​ ന​ശി​പ്പി​ക്കാ​ൻ അ​റ​സ്​​റ്റും പീ​ഡ​ന​വും ഭീ​ഷ​ണി​യും. അ​ന്വേ​ഷ​ണ ഘ​ട്ട​ത്തി​ൽ ക​ള്ള​മൊ​ഴി; റി​പ്പോ​ർ​ട്ട്​ വ​ന്ന​പ്പോ​ൾ അ​തു പൂ​ഴ്​​ത്തി​വെ​ക്ക​ൽ. പാ​വ​ങ്ങ​ളോ​ട്​ കേ​ര​ള പൊ​ലീ​സ്​ പു​ല​ർ​ത്തു​ന്ന ഈ ​സ​മീ​പ​ന​ത്തെ​പ്പ​റ്റി ഒ​ടു​വി​ൽ ഹൈ​കോ​ട​തി​യും രോ​ഷ​ത്തോ​ടെ പ​റ​ഞ്ഞു, ഈ ​പൊ​ലീ​സ്​ മാ​റാ​ൻ പോ​കു​ന്നി​ല്ലെ​ന്ന്.

ഇ​ത്​ ഒ​റ്റ​പ്പെ​ട്ട സം​ഭ​വ​മ​ല്ല എ​ന്ന​തി​നാ​ലാ​ണ്​ കോ​ട​തി​ക്ക്​ ഇ​ത്ര നി​രാ​ശ. ആ​ലു​വ​യി​ൽ ഗൃ​ഹ​പീ​ഡ​ന​ത്തെ​പ്പ​റ്റി പ​രാ​തി പ​റ​യാ​നെ​ത്തി​യ നി​യ​മ​വി​ദ്യാ​ർ​ഥി​നി​യെ പൊ​ലീ​സ്​ അ​ധി​കാ​രി അ​വ​ഹേ​ളി​ക്കു​ന്നു; അ​വ​രു​ടെ ആ​ത്മ​ഹ​ത്യ​ക്കു​റി​പ്പി​ൽ പേ​രു​പ​റ​ഞ്ഞി​ട്ടും മു​േ​മ്പ ആ​രോ​പ​ണ​വി​ധേ​യ​നാ​യി​ട്ടും മൊ​ഫി​യ പ​ർ​വീ​ൻ ജീ​വ​നൊ​ടു​ക്കി​യ സം​ഭ​വ​ത്തി​ൽ ആ ​സി.​ഐ​ക്കെ​തി​രെ ന​ട​പ​ടി വൈ​കു​ന്നു. പ​രാ​തി ന​ൽ​കാ​നെ​ത്തി​യ സ​ഹ​പാ​ഠി​ക​ളെ ക​സ്​​റ്റ​ഡി​യി​ലെ​ടു​ക്കു​ന്നു. ഗു​രു​ത​ര​മാ​യ നീ​തി​നി​ഷേ​ധ​ത്തി​നും കൃ​ത്യ​വി​ലോ​പ​ത്തി​നും പു​റ​മെ, കേ​ര​ള​ത്തി​ലെ പൊ​ലീ​സ്​ സേ​ന​യു​ടെ ദൈ​നം​ദി​ന പ്ര​വ​ർ​ത്ത​ന​ങ്ങ​ളി​ൽ ജ​ന​വി​രു​ദ്ധ​ത പ​തി​വും വ്യാ​പ​ക​വു​മാ​യി​ക്കൊ​ണ്ടി​രി​ക്കു​ക​യാ​ണോ എ​ന്ന ചോ​ദ്യ​വും ഉ​യ​ർ​ന്നി​രി​ക്കു​ന്നു.

കോ​വി​ഡ്​ ച​ട്ടം ലം​ഘി​ച്ചെ​ന്ന പേ​രി​ൽ കൊ​ല്ല​ത്ത്​ അ​ഞ്ചു​തെ​ങ്ങി​ൽ 65 വ​യ​സ്സു​ള്ള മീ​ൻ വി​ൽ​പ​ന​ക്കാ​രി​യു​ടെ മീ​നെ​ല്ലാം വ​ലി​ച്ചു​വാ​രി​യെ​റി​ഞ്ഞ​തും കാ​സ​ർ​കോ​ട്ട്​ വി​ജ​ന​മാ​യ സ്ഥ​ല​ത്ത്​ മാ​സ്​​കി​ട്ട്​ പ​ശു​വി​നെ പു​ല്ല്​ തീ​റ്റാ​ൻ കൊ​ണ്ടു​പോ​യ മ​നു​ഷ്യ​നെ വി​ര​ട്ടി​യ​തും 2000 രൂ​പ പി​ഴ​യി​ട്ട​തു​മെ​ല്ലാം ഒ​രു പൊ​തു പ്ര​വ​ണ​ത​യു​ടെ ഭാ​ഗ​മാ​ണെ​ന്ന്​ സ​മാ​ന​മാ​യ അ​നേ​കം സം​ഭ​വ​ങ്ങ​ൾ സൂ​ചി​പ്പി​ക്കു​ന്നു​ണ്ട്. പൊ​ലീ​സു​കാ​ർ ക​ഠി​ന​മാ​യ സാ​ഹ​ച​ര്യ​ങ്ങ​ളി​ൽ ജോ​ലി ചെ​യ്യേ​ണ്ടി​വ​രു​ന്ന​വ​രാ​ണെ​ന്ന​തി​ൽ ത​ർ​ക്ക​മി​ല്ല. എ​ന്നാ​ൽ, ജ​ന​വി​രു​ദ്ധ​രെ​ന്ന പ്ര​തി​ച്ഛാ​യ അ​വ​രു​ടെ ജോ​ലി എ​ളു​പ്പ​മാ​ക്കു​ക​യ​ല്ല ചെ​യ്യു​ന്ന​തെ​ന്ന​തി​നും ന​മ്മു​ടെ സം​സ്ഥാ​നം സാ​ക്ഷി​യാ​ണ്. മൂ​ന്നു​ത​ല​ങ്ങ​ളാ​ണ്​ ഈ ​പ്ര​ശ്​​ന​ത്തി​നു​ള്ള​ത്. വി​വി​ധ സ്​​റ്റേ​ഷ​നു​ക​ളി​ൽ വി​വി​ധ പൊ​ലീ​സു​കാ​ർ ചെ​യ്​​തു പോ​കു​ന്ന അ​രു​താ​യ്​​മ​ക​ളാ​ണ്​ ഒ​ന്ന്. അ​വ തി​രു​ത്തു​ന്ന​തി​നു​പ​ക​രം അ​വ​യെ ന്യാ​യീ​ക​രി​ക്കു​ന്ന ഭ​ര​ണ​കൂ​ട സം​വി​ധാ​ന​മാ​ണ്​ ര​ണ്ടാ​മ​ത്തേ​ത്. മൂ​ന്നാ​മ​ത്തേ​ത്, അ​ത​ത്​ കാ​ല​ത്തെ സ​ർ​ക്കാ​റു​ക​ൾ സ്വ​ന്തം രാ​ഷ്​​ട്രീ​യ താ​ൽ​പ​ര്യ​ങ്ങ​ൾ​ക്ക്​ പൊ​തു​താ​ൽ​പ​ര്യ​ത്തെ​ക്കാ​ൾ ന​ൽ​കു​ന്ന പ്രാ​ധാ​ന്യം.

പൊ​ലീ​സി​ൽ​നി​ന്നു​ണ്ടാ​കു​ന്ന മ​നഃ​പൂ​ർ​വ​മോ അ​ല്ലാ​ത്ത​തോ ആ​യ തെ​റ്റു​ക​ൾ തി​രു​ത്താ​തി​രി​ക്കാ​ൻ പ​റ​യു​ന്ന കാ​ര​ണം, പൊ​ലീ​സി​​ന്‍റെ മ​നോ​വീ​ര്യം ത​ക​ർ​ക്ക​രു​ത​ല്ലോ എ​ന്ന​താ​ണ്. മൊ​ഫി​യ പ​ർ​വീ​​ന്‍റെ പ​രാ​തി​യി​ന്മേ​ൽ ഒ​രു മാ​സ​ത്തി​ലേ​റെ​ക്കാ​ലം ച​ട്ട​വി​രു​ദ്ധ​മാ​യി അ​ട​യി​രു​ന്ന പൊ​ലീ​സി​ന്​ ധൈ​ര്യം ന​ൽ​കി​യ​ത്​ ഈ '​മ​നോ​വീ​ര്യ' വാ​ദ​മാ​ണ്. 24 മ​ണി​ക്കൂ​റി​നു​ള്ളി​ൽ കേ​സെ​ടു​ക്കു​ന്ന​തി​നു​പ​ക​രം മാ​സ​ത്തി​ൽ ഏ​റെ സ​മ​യ​വും റൂ​റ​ൽ എ​സ്.​പി, മ​നു​ഷ്യാ​വ​കാ​ശ ക​മീ​ഷ​നു​ക​ൾ എ​ന്നി​വ​ക്ക്​ മൊ​ഫി​യ ന​ൽ​കി​യ പ​രാ​തി​ക​ളും വേ​ണ്ടി​വ​ന്നു ഒ​ന്ന​ന​ങ്ങാ​ൻ. എ​ന്നി​ട്ടും പ​രാ​തി​ക്കാ​രി​യെ പ​ര​സ്യ​മാ​യി അ​ധി​ക്ഷേ​പി​ക്കാ​ൻ പൊ​ലീ​സ്​ മാ​ട​മ്പി​ക്ക്​ കെ​ൽ​പ്പ്​ കൊ​ടു​ത്ത​ത്​ ഇ​പ്പ​റ​ഞ്ഞ 'മ​നോ​വീ​ര്യ'​മാ​ണ്. 2003ലെ ​മു​ത്ത​ങ്ങ സ​മ​ര​ത്തി​ൽ ആ​ദി​വാ​സി​ക​ളോ​ട്​ ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച കെ.​കെ. സു​രേ​ന്ദ്ര​ൻ എ​ന്ന ഡ​യ​റ്റ്​ അ​ധ്യാ​പ​ക​നെ അ​ന്ന​ത്തെ ആ​ൻ​റ​ണി സ​ർ​ക്കാ​റി​​ന്‍റെ പൊ​ലീ​സ്​ ത​ല്ലി​ച്ച​ത​ച്ച​പ്പോ​ൾ അ​തി​നെ രൂ​ക്ഷ​മാ​യി എ​തി​ർ​ത്ത​വ​രാ​ണ്​ ഇ​ന്നു​ഭ​രി​ക്കു​ന്ന​ത്.

ര​ണ്ടു പ​തി​റ്റാ​ണ്ട്​ നീ​ണ്ട നി​യ​മ​പോ​രാ​ട്ട​ത്തി​നൊ​ടു​വി​ൽ കോ​ട​തി സു​രേ​ന്ദ്ര​ന്​ അ​ഞ്ചു​ല​ക്ഷം രൂ​പ ന​ഷ്​​ട​പ​രി​ഹാ​രം ന​ൽ​കാ​ൻ വി​ധി​ച്ചു. ഇ​പ്പോ​ൾ അ​തു കൊ​ടു​ക്കാ​തി​രി​ക്കാ​ൻ അ​തി​ലും കൂ​ടു​ത​ൽ ചെ​ല​വി​ട്ട്​ അ​പ്പീ​ലി​ന്​ പോ​യി​രി​ക്കു​ന്നു പി​ണ​റാ​യി സ​ർ​ക്കാ​ർ. ഭ​ര​ണ​ത്തി​ലെ​ത്തി​യ​പ്പോ​ൾ ജ​ന​താ​ൽ​പ​ര്യ​ത്തെ​ക്കാ​ൾ പൊ​ലീ​സി​​ന്‍റെ മ​നോ​വീ​ര്യ​മാ​ണ്​ വ​ലു​ത്​ എ​ന്ന്​ ക​ണ്ടെ​ത്തി​യെ​ന്ന​ർ​ഥം. വ​യ​നാ​ട്​ സ്വ​ദേ​ശി ശ്യാം ​ബാ​ല​കൃ​ഷ്​​ണ​നെ മാ​വോ​വാ​ദി മു​ദ്ര​കു​ത്തി ക​സ്​​റ്റ​ഡി​യി​ൽ പീ​ഡി​പ്പി​ച്ച​തി​ന്​ വി​ധി​ച്ച ന​ഷ്​​ട​പ​രി​ഹാ​രം ​െകാ​ടു​ക്കാ​തി​രി​ക്കാ​നും അ​തി​ലേ​റെ ചെ​ല​വി​ട്ട്​ സു​പ്രീം​കോ​ട​തി​യി​ൽ കേ​സ്​ ന​ട​ത്തു​ന്ന​തും 'വീ​ര്യം 'നി​ല​നി​ർ​ത്താ​ൻ. സു​ൽ​ത്താ​ൻ ബ​ത്തേ​രി​യി​ൽ, കാ​റോ​ടി​ക്കാ​ന​റി​യാ​ത്ത ദീ​പു എ​ന്ന ആ​ദി​വാ​സി യു​വാ​വി​നെ കാ​ർ മോ​ഷ​ണ​ക്കേ​സി​ൽ അ​റ​സ്​​റ്റ്​ ചെ​യ്​​ത പൊ​ലീ​സി​നും ഈ '​വീ​ര്യ'​ത്തി​​ന്‍റെ ബ​ല​മാ​ണു​ള്ള​ത്.

കേ​ര​ള​ത്തി​ൽ ആ​ഭ്യ​ന്ത​ര വ​കു​പ്പ്​ മു​ഖ്യ​മ​ന്ത്രി​യാ​ണ്​ കൈ​കാ​ര്യം ചെ​യ്യു​ന്ന​ത്. സ​ഖ്യ​ക​ക്ഷി​യാ​യ സി.​പി.​ഐ​പോ​ലും ഇ​പ്പോ​ൾ തു​റ​ന്നെ​തി​ർ​ക്കാ​ൻ ത​ക്ക വീ​ഴ്​​ച​ക​ളാ​ണ്​ പൊ​ലീ​സി​ൽ​നി​ന്ന്​ ഉ​ണ്ടാ​യി​രി​ക്കു​ന്ന​ത്. തി​രു​ത്ത​ൽ പൊ​ലീ​സ്​ സം​വി​ധാ​ന​ത്തി​​ന്‍റെ ഭാ​ഗ​മാ​ക്കു​ന്ന​തി​നു​പ​ക​രം നി​ല​വി​ലു​ള്ള സം​വി​ധാ​നം തു​ട​രു​ന്നു എ​ന്ന​താ​ണ്​ അ​ടി​സ്ഥാ​ന പ്ര​ശ്​​നം. ഭ​ര​ണ​കൂ​ട​ത്തി​​ന്‍റെ മ​ർ​ദ​നോ​പ​ക​ര​ണ​ങ്ങ​ളെ ന്യാ​യീ​ക​രി​ക്കാ​ൻ ഇ​ട​തു​പ​ക്ഷ​ത്ത്​ ചി​ല​രെ​ങ്കി​ലും പ​ഠി​ച്ചി​രി​ക്കു​ന്നു. ഇ​തി​നെ​ക്കാ​ൾ ഭ​യാ​ന​ക​മാ​ണ്, രാ​ഷ്​​ട്രീ​യ നേ​ട്ട​ത്തി​നാ​യി പൊ​ലീ​സ്​ സം​വി​ധാ​ന​ത്തെ ദു​രു​പ​യോ​ഗം ചെ​യ്യാ​നു​ള്ള പ്ര​വ​ണ​ത. പൊ​ലീ​സി​​ന്‍റെ പ്ര​വ​ർ​ത്ത​ന​ങ്ങ​ളി​ൽ ഭ​ര​ണ​പ​ക്ഷ ഇ​ട​പെ​ട​ലി​ന​പ്പു​റം സ​ങ്കു​ചി​ത താ​ൽ​പ​ര്യ​ങ്ങ​ൾ​കൂ​ടി സ്വാ​ധീ​നം ചെ​ലു​ത്തു​ന്ന അ​വ​സ്ഥ​യു​ണ്ട്. കേ​ര​ള പൊ​ലീ​സി​ൽ വ​ർ​ഗീ​യ മ​നഃ​സ്ഥി​തി​ക്കാ​ർ ഉ​ണ്ടെ​ന്ന്​ സി.​പി.​ഐ നേ​താ​വ്​ ആ​നി​രാ​ജ ആ​രോ​പി​ച്ച​ത്​ ഇൗ​യി​ടെ​യാ​ണ്. ആ​ഭ്യ​ന്ത​ര വ​കു​പ്പി​​ന്‍റെ ചു​മ​ത​ല​യു​ള്ള മു​ഖ്യ​മ​ന്ത്രി വി​മ​ർ​ശ​ന​ങ്ങ​ൾ അ​ന്വേ​ഷി​ക്കാ​നും ആ​ത്മ​പ​രി​ശോ​ധ​ന ന​ട​ത്താ​നും ഇ​നി​യെ​ങ്കി​ലും ത​യാ​റാ​കും എ​ന്നു പ്ര​തീ​ക്ഷി​ക്കു​ന്നു. സം​സ്ഥാ​ന​ത്തെ സ​മാ​ധാ​നാ​ന്ത​രീ​ക്ഷ​വും നി​യ​മ​വാ​ഴ്​​ച​യും നി​ല​നി​ർ​ത്താ​ൻ ആ ​ഇ​ട​പെ​ട​ൽ ഏ​റെ ആ​വ​ശ്യ​മാ​യി​രി​ക്കു​ന്നു.