Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_rightകേ​ൾ​ക്കാ​തെ...

കേ​ൾ​ക്കാ​തെ പോ​ക​രു​ത്​ അ​പാ​യ​ത്തി​​െ​ൻ​റ ചൂ​ളം​വി​ളി

text_fields
bookmark_border
Editorial 30-04-2021
cancel




പ​ത്ത് വ​ർ​ഷ​ം മു​മ്പ്, ട്രെ​യി​ൻ യാ​ത്ര​ക്കി​ടെ ക്രൂ​ര​മാ​യി കൊ​ല​ചെ​യ്യ​പ്പെ​ട്ട സൗ​മ്യ എ​ന്ന യു​വ​തി മ​ല​യാ​ളി​ക​ളു​ടെ മ​ന​സ്സിൽ ഇ​പ്പോ​ഴും ഉ​ണ​ങ്ങാ​ത്ത മു​റി​വാ​ണ്. ജോ​ലിക​ഴി​ഞ്ഞ് രാ​ത്രി വീ​ട്ടി​ലേ​ക്ക് തി​രി​ച്ചു​പോ​ക​വെ പാ​സ​ഞ്ച​ർ കോ​ച്ചി​ൽ ഒ​റ്റ​പ്പെ​ട്ടു​പ്പോ​യ സൗ​മ്യ നി​ഷ്ഠു​ര​ത​ക്ക് ഇ​ര​യാ​കു​ക​യാ​യി​രു​ന്നു. തീ​വ​ണ്ടി​യി​ലെ സ്ത്രീ​സു​ര​ക്ഷാ അ​പ​ര്യാ​പ്ത​ത​യെ കു​റി​ച്ച് ഏ​വ​രും ആ​വ​ലാ​തി പൂ​ണ്ടു. ധാ​രാ​ളം പ​രി​ഹാ​ര നി​ർ​ദേ​ശ​ങ്ങ​ൾ വി​വി​ധ മേ​ഖ​ല​ക​ളി​ൽ​നി​ന്നു​യ​ർ​ന്നു. തീ​വ​ണ്ടി​ക​ളി​ൽ സ്ത്രീ​സു​ര​ക്ഷ ഉ​റ​പ്പു​വ​രു​ത്തു​ന്ന​തി​നു​ള്ള നി​യ​മ​നി​ർ​മാ​ണ​ങ്ങ​ളാ​വ​ശ്യ​പ്പെ​ട്ട് പ്ര​തി​ഷേ​ധ​ങ്ങ​ളി​ര​മ്പി. ജ​ന​രോ​ഷം ഭ​യ​ന്ന് ഉ​റ​ക്ക​മു​ണ​ർ​ന്ന അ​ധി​കാ​രി​ക​ൾ സ​ത്വ​ര ന​ട​പ​ടി​ക​ളു​ണ്ടാ​കു​മെ​ന്ന് വാ​ഗ്ദാ​നം ചെ​യ്തു. പ​ക്ഷേ, അ​വ​യെ​ല്ലാം ഏ​ട്ടി​ലൊ​തു​ങ്ങി. അ​തു​കൊ​ണ്ടാ​ണ് ഓ​ർ​ക്കു​മ്പോ​ൾപോ​ലും ഭീ​തി​യു​ണ​രു​ന്ന സൗ​മ്യ​വ​ധ​ത്തി​ന് സ​മാ​ന​മാ​യ ദു​ര​ന്ത​ത്തെ മു​ള​ന്തു​രു​ത്തി​യി​ലെ ആ​ശ എ​ന്ന യു​വ​തി​ക്ക് ഗു​രു​വാ​യൂ​ർ- പു​ന​ലൂ​ർ പാ​സ​ഞ്ച​റി​ൽ പ​ട്ടാ​പ്പ​ക​ലി​ൽ ഒ​രു പ​തി​റ്റാ​ണ്ടി​ന് ശേ​ഷ​വും അ​ഭി​മു​ഖീ​ക​രി​ക്കേ​ണ്ടി​വ​ന്ന​ത്.

പൊ​ലീ​സ് വ്യ​ക്ത​മാ​ക്കു​ന്ന​ത​നു​സ​രി​ച്ച്, കൊ​ച്ചി മു​ള​ന്തു​രു​ത്തി​യി​ൽ​നി​ന്ന് ചെ​ങ്ങ​ന്നൂ​രി​ലെ ജോ​ലി​സ്ഥ​ല​ത്തേ​ക്ക് സ്ഥി​ര​മാ​യി ഇ​തേ ട്രെ​യി​നി​ൽ യാ​ത്രചെ​യ്യു​ന്ന ആ​ശ ക​യ​റി​യ ക​മ്പാ​ർ​ട്മെ​ൻ​റി​ലേ​ക്ക് മ​റ്റൊ​രു കോ​ച്ചി​ലു​ണ്ടാ​യി​രു​ന്ന ആക്ര​മി വ​ണ്ടി വി​ടു​ന്ന​തി​ന് തൊ​ട്ടു​മു​മ്പ്​ ക​യ​റി​പ്പ​റ്റു​ക​യാ​യി​രു​ന്നു. അ​ക​ത്ത് ക​യ​റി​യ ഉ​ട​ൻ വാ​തി​ല​ട​ച്ചു. വ​ണ്ടി​ക്ക് വേ​ഗ​ം കൂ​ടി​യ​തോ​ടെ മൊ​ബൈ​ൽ ത​ട്ടി​യെ​ടു​ത്ത് ദൂ​രെ​െ​യ​റി​ഞ്ഞ് ആ​ഭ​ര​ണ​ങ്ങ​ൾ പി​ടി​ച്ചു​പ​റി​ച്ചു. വീ​ണ്ടും പീ​ഡ​ന​ശ്ര​മ​ങ്ങ​ൾ തു​ട​ർ​ന്ന​തോ​ടെ ര​ക്ഷ​പ്പെ​ടാ​ൻ പാ​തി തു​റ​ന്ന വാ​തി​ലി​ൽ തൂ​ങ്ങി​ക്കി​ട​ക്കു​ക​യും പ്രാ​ണ​ര​ക്ഷാ​ർ​ഥം പു​റ​ത്തേ​ക്ക് ചാ​ടു​ക​യു​മാ​യി​രു​ന്നു യു​വ​തി.

രാ​ജ്യ​ത്ത് പ്ര​തി​ദി​നം തീ​വ​ണ്ടി​യാ​ത്ര ചെ​യ്യു​ന്ന 2.3 കോ​ടി​യാ​ളു​ക​ളി​ൽ 46 ല​ക്ഷം പേ​രും വ​നി​ത​ക​ളാ​ണ്. സ്ത്രീ​ക​ൾ​ക്കെ​തി​രാ​യ കു​റ്റ​കൃ​ത്യ​ങ്ങ​ളു​മാ​യി ബ​ന്ധ​പ്പെ​ട്ട് 40 ല​ക്ഷ​ത്തി​ല​ധി​കം പ​രാ​തി​ക​ളാ​ണ​ത്രെ ക​ഴി​ഞ്ഞ അ​ഞ്ച് വ​ർ​ഷ​ത്തി​നു​ള്ളി​ൽ റെ​യി​ൽ​വേ​യു​ടെ ഹെ​ൽ​പ് ലൈ​ൻ ന​മ്പ​റു​ക​ളി​ലേ​ക്ക് വ​ന്ന​ത്. അ​തേ തു​ട​ർ​ന്ന് റെ​യി​ൽ​വേ മ​ന്ത്രാ​ല​യം വി​ഷ​യം ഗൗ​ര​വ​ത്തി​ലെ​ടു​ക്കു​ക​യും വി​ശ​ദ പ​രി​ഹാ​രം തേ​ടു​ക​യും ചെ​യ്തു. ഒ​ടു​വി​ൽ, ക​ഴി​ഞ്ഞ മാ​ർ​ച്ച് 20 ന് ​ട്രെ​യി​നു​ക​ൾ​ക്കു​ള്ളി​ലും റെ​യി​ൽ​വേ പ​രി​സ​ര​ങ്ങ​ളി​ലും സ്ത്രീ​ക​ൾ​ക്കെ​തി​രാ​യ കു​റ്റ​കൃ​ത്യ​ങ്ങ​ൾ ത​ട​യു​ന്ന​തി​നാ​വ​ശ്യ​മാ​യ വി​ശ​ദ​മാ​യ മാ​ർ​ഗ​നി​ർ​ദേ​ശ​ങ്ങ​ൾ മ​ന്ത്രാ​ല​യം പു​റ​ത്തി​റ​ക്കു​ക​യു​മു​ണ്ടാ​യി. ന​ട​പ്പാ​ക്കാ​നാ​യാ​ൽ തീ​വ​ണ്ടി​യാ​ത്ര സു​ര​ക്ഷി​ത​മാ​ക്കാ​നു​ത​കു​ന്ന ധാ​രാ​ളം പ​ദ്ധ​തി​ക​ള​ട​ങ്ങി​യ​താ​ണ് അ​വ. പാ​ർ​ക്കി​ങ്​ ഏ​രി​യ, പ്ലാ​റ്റ്ഫോ​മു​ക​ളു​ടെ അ​റ്റ​ങ്ങ​ൾ, യാ​ർ​ഡു​ക​ൾ, വാ​ഷി​ങ്​ ലൈ​നു​ക​ൾ തു​ട​ങ്ങി​യ ഇ​ട​ങ്ങ​ളി​ലെ​ല്ലാം ശ​രി​യാ​യ പ്ര​കാ​ശ ക്ര​മീ​ക​ര​ണം ഉ​റ​പ്പാ​ക്ക​ണം, വെ​യി​റ്റി​ങ്​ റൂ​മു​ക​ൾ ഡ്യൂ​ട്ടി ഓ​ഫി​സ​ർ മ​ണി​ക്കൂ​റു​ക​ൾ ഇ​ട​വി​ട്ട് പ​രി​ശോ​ധി​ക്ക​ണം, റെ​യി​ൽ‌​വേ പ​രി​സ​ര​ത്ത് ചു​റ്റി​ക്ക​റ​ങ്ങു​ന്ന അ​ന​ധി​കൃ​ത വ്യ​ക്തി​ക​ളെ പ്രോ​സി​ക്യൂ​ട്ട് ചെ​യ്യ​ണം, റെ​യി​ൽ‌​വേ സ്​​റ്റേ​ഷ​ൻ, യാ​ർ​ഡു​ക​ൾ, ട്രെ​യി​നു​ക​ൾ എ​ന്നി​വി​ട​ങ്ങ​ളി​ൽ ക​റ​ങ്ങു​ന്ന സാ​മൂ​ഹി​ക വി​രു​ദ്ധ​ർ, യാ​ച​ക​ർ തു​ട​ങ്ങി​യ​വ​രെ ത​ട​യ​ണം, പ്ലാ​റ്റ് ഫോ​മി​ലേ​ക്കു​ള്ള അ​ന​ധി​കൃ​ത എ​ൻ‌​ട്രി​ക​ൾ‌ / എ​ക്സി​റ്റു​ക​ൾ‌ അ​ട​ക്ക​ണം, വ​നി​താ കോ​ച്ചു​ക​ളു​ടെ സു​ര​ക്ഷാ​നി​രീ​ക്ഷ​ണം ഉ​റ​പ്പാ​ക്കാ​നാ​കും​വി​ധം സി.​സി.​ടി.​വി കാ​മ​റ​ക​ൾ പ്ര​ത്യേ​ക​മാ​യി ഇ​ൻ​സ്​​റ്റാ​ൾ ചെ​യ്യ​ണം, റെ​യി​ൽ​വേ സ്​​റ്റേ​ഷ​ൻ പ​രി​സ​ര​ത്ത് താ​മ​സി​ക്കു​ന്ന ലൈം​ഗി​ക കു​റ്റ​വാ​ളി​ക​ളു​ടെ ഡാ​റ്റാ​ബേ​സ് സൂ​ക്ഷി​ക്ക​ണം, റെ​യി​ൽ‌​വേ സ്​​റ്റേ​ഷ​നു​ക​ളി​ലും ട്രെ​യി​നു​ക​ളി​ലും മ​ദ്യം ക​ഴി​ക്കു​ന്ന​വ​രെ പി​ടി​കൂ​ടി ശി​ക്ഷി​ക്ക​ണം തു​ട​ങ്ങി​യ നി​ർ​ദേ​ശ​ങ്ങ​ളെ​ങ്കി​ലും ന​ട​പ്പാ​യാ​ൽ വ​നി​താ യാ​ത്ര​ക്കാ​രുേ​ട​തു മാ​ത്ര​മ​ല്ല, മു​ഴു​വ​ൻ യാ​ത്ര​ക്കാ​രു​ടെ​യും ഗ​ണ്യ​മാ​യ പ​രാ​തി​ക​ൾ ഇ​ല്ലാ​താ​കും.

റെ​യി​ൽ​വേ​യു​ടെ പു​തി​യ സു​ര​ക്ഷാ മാ​ന​ദ​ണ്ഡ​ങ്ങ​ളും പ​ദ്ധ​തി​ക​ളും പു​റ​ത്തി​റ​ങ്ങി ഒ​രു മാ​സം പി​ന്നി​ട്ട​പ്പോ​ഴേ​ക്കും കേ​ര​ള​ത്തി​ൽ യു​വ​തി​ക്കു നേ​െ​ര​യു​ള്ള അ​തി​ക്ര​മം ആ​വ​ർ​ത്തി​ക്ക​പ്പെ​ട്ടി​രി​ക്കു​ന്നു. ഈ ​ഉ​ത്ത​ര​വി​റ​ക്കു​ന്ന വേ​ള​യി​ൽ ആ​ർ.​പി.​എ​ഫ് (റെ​യി​ൽ‌​വേ പ്രൊ​ട്ട​ക്​​ഷ​ൻ ഫോ​ഴ്‌​സ്) ഡ​യ​റ​ക്ട​ർ ജ​ന​റ​ൽ അ​രു​ൺ​കു​മാ​ർ പ​റ​ഞ്ഞ​ത് അ​ടു​ത്ത കാ​ല​ത്താ​യി, ട്രെ​യി​നു​ക​ളി​ലും റെ​യി​ൽ‌​വേ പ​രി​സ​ര​ങ്ങ​ളി​ലും സ്ത്രീ​ക​ൾ​ക്കെ​തി​രാ​യ കു​റ്റ​കൃ​ത്യ​ങ്ങ​ൾ (ബ​ലാ​ത്സം​ഗം ഉ​ൾ​പ്പെ​ടെ) വ​ർ​ധി​ക്കു​ന്ന​ത് ആ​ശ​ങ്ക​ജ​ന​ക​മാ​ണെ​ന്നാ​ണ്. ഈ ​സാ​ഹ​ച​ര്യ​ത്തി​ൽ ഏ​പ്രി​ൽ ആ​ദ്യം മു​ത​ൽ പു​തി​യ നി​ർ​ദേ​ശ​ങ്ങ​ൾ ദ്രു​ത​ഗ​തി​യി​ൽ ഫ​ല​പ്ര​ദ​മാ​യി ന​ട​പ്പാ​ക്കാ​ൻ സോ​ണ​ൽ റെ​യി​ൽ‌​വേ​യി​ലെ എ​ല്ലാ പ്രി​ൻ​സി​പ്പ​ൽ ചീ​ഫ് സെ​ക്യൂ​രി​റ്റി ക​മീ​ഷ​ണ​ർ​മാ​ർ​ക്കും ഉ​ത്ത​ര​വ് ന​ൽ​കി​യി​ട്ടു​ണ്ടെ​ന്നു​മാ​യി​രു​ന്നു. എ​ന്നി​ട്ടും സ്ത്രീ​ക​ൾ​ക്കു നേ​െ​ര​യു​ള്ള കു​റ്റ​കൃ​ത്യ​ങ്ങ​ൾ​ക്ക് കു​റ​വ് വ​രു​ന്നി​ല്ലാ എ​ന്ന​ത് ന​ടു​ക്ക​മു​ള​വാ​ക്കു​ന്നു. എ​ല്ലാ ട്രെ​യി​നു​ക​ളി​ലും വെ​സ്​​റ്റി​ബ്യൂ​ൾ വ​ഴി പ​ര​സ്പ​രം ബ​ന്ധി​പ്പി​ച്ച കോ​ച്ചു​ക​ളാ​ക്ക​ണ​മെ​ന്ന പ​ഴ​യ നി​ർ​ദേ​ശം യ​ഥാ​വി​ധി ന​ട​പ്പാ​ക്കി​യി​രു​െ​ന്ന​ങ്കി​ൽ ആ​ശ​ക്ക് ഈ ​ദു​ർ​ഗ​തി അ​നു​ഭ​വി​ക്കേ​ണ്ടി​വ​രി​ല്ലാ​യി​രു​ന്നു. വ​നി​താ കോ​ച്ചു​ക​ളി​ൽ പൊ​ലീ​സ് സു​ര​ക്ഷ ഉ​റ​പ്പു​വ​രു​ത്ത​ണ​മെ​ന്ന ഉ​ത്ത​ര​വ് കാ​ര്യ​ക്ഷ​മ​മാ​യി​രു​ന്നു​വെ​ങ്കി​ൽ ആക്ര​മി ​ അ​ക​ത്തു ക​യ​റാ​ൻ ധൈ​ര്യ​പ്പെ​ടി​ല്ലാ​യി​രു​ന്നു. ഇ​നി ന​മു​ക്ക് വേ​ണ്ട​ത് ക​ട​ലാ​സി​ലു​റ​ങ്ങു​ന്ന മാ​ർ​ഗ​നി​ർ​ദേ​ശ​ങ്ങ​ള​ല്ല, ഫ​ല​പ്ര​ദ​മാ​യി ന​ട​പ്പാ​ക്കു​ന്ന ഉ​ദ്യോ​ഗ​സ്ഥ​രും സം​വി​ധാ​ന​വു​മാ​ണ്. ആ​ശ​ക്കു​ണ്ടാ​യ അ​ത്യാ​പ​ത്ത് ആ​വ​ർ​ത്തി​ക്കാ​തി​രി​ക്ക​ട്ടെ എ​ന്ന് ആ​ശി​ക്കാം. അ​ങ്ങ​നെ ആ​ഗ്ര​ഹി​ക്കാ​ൻ മാ​ത്ര​മേ ഈ ​കെ​ട്ട​കാ​ല​ത്ത് സാ​ധി​ക്കൂ.

Show Full Article
TAGS:madhyamam editorial woman abuse train rape 
News Summary - Madhyamam editorial 30th April 2021
Next Story