മ​ഹാ​മാ​രിക്കാ​ല​ത്തെ മ​നു​ഷ്യ​സ്​​നേ​ഹി​ക​ൾ

ലോ​കാ​േ​രാ​ഗ്യ സം​ഘ​ട​ന ക​ഴി​ഞ്ഞ ദി​വ​സം​വ​രെ സ്​​ഥി​രീക​രി​ച്ച ക​ണ​ക്ക​നു​സ​രി​ച്ച്​ 31 ല​ക്ഷ​ത്തി​ൽ​പ​രം മ​നു​ഷ്യ​രാ​ണ്​ കോ​വി​ഡ്​ 19 മ​ഹാ​മാ​രി​യി​ൽ ലോ​ക​ത്താ​കെ ജീ​വ​ൻ വെ​ടി​ഞ്ഞ​ത്. പ​തി​നാ​ല​ര കോ​ടിയിലേറെയാ​ളു​ക​ളാ​ണ്​ കോ​വി​ഡി​​ന്‍റെ പി​ടി​യി​ല​മ​ർ​ന്ന​ത്​ എ​ന്നും ഡ​ബ്ല്യു.​എ​ച്ച്.​ഒ പു​റ​ത്തു​വി​ട്ട ക​ണ​ക്കു​ക​ളി​ലു​ണ്ട്. അ​ങ്ങ​നെ നോ​ക്കു​േ​മ്പാ​ൾ ഈ ​നൂ​റ്റാ​ണ്ടി​ലെ ഏ​റ്റ​വും മാ​ര​ക​വും സം​ഹാരരുദ്രവുമായ വ്യാ​ധി എ​ന്നു​ത​ന്നെ കൊ​റോ​ണ​യെ വി​ശേ​ഷി​പ്പി​ക്കേ​ണ്ടി​വ​രും. ഒ​രു വ​ർ​ഷ​ത്തി​ല​ധി​ക​മാ​യി മാ​ന​വ​കു​ല​ത്തെ​യാ​കെ വേ​ട്ട​യാ​ടി​ക്കൊ​ണ്ടി​രി​ക്കു​ന്ന കോ​വി​ഡി​നെ ഇ​നി​യും ത​ള​ക്കാ​നാ​യി​ട്ടി​ല്ലെ​ന്നു മാ​ത്ര​മ​ല്ല സ​ർ​ക്കാ​റു​ക​ളും അ​ത്യാ​ധു​നി​ക വൈ​ദ്യ​ശാ​സ്​​ത്ര​വും ലോ​കാ​രോ​ഗ്യ സം​ഘ​ട​ന​യും കി​ണ​ഞ്ഞു​ശ്ര​മി​ച്ചി​ട്ടും ഇ​ര​ട്ടി ശ​ക്തി​യി​ൽ വ്യാ​പ​നം സം​ഹാ​ര​താ​ണ്ഡ​വ​മാ​ടു​ക​യാ​ണ്. ലോ​ക രാ​ഷ്​​്ട്രങ്ങൾ ഒ​റ്റ​ക്കെ​ട്ടാ​യി നേ​രി​ടാ​ൻ സ​ന്ന​ദ്ധ​രാ​യാ​ൽ മാ​ത്ര​മേ സ​മീ​പ​ഭാ​വി​യി​ലെ​ങ്കി​ലും കോ​വി​ഡി​നെ പി​ടി​ച്ചു​കെ​ട്ടാ​ൻ സാ​ധി​ക്കൂ എ​ന്ന മു​ന്ന​റി​യി​പ്പു​ക​ൾ ഉ​ത്ത​ര​വാ​ദ​പ്പെ​ട്ട കേ​ന്ദ്ര​ങ്ങ​ളി​ൽ നി​​ന്നെ​ല്ലാം മു​ഴ​ങ്ങി​ക്കൊ​ണ്ടി​രി​ക്കു​ന്ന പ​ശ്ചാ​ത്ത​ലം ഇ​താ​ണ്. ഫ​ല​പ്ര​ദ​മെ​ന്ന്​ തെ​ളി​യി​ക്ക​പ്പെ​ട്ട​തും പൂ​ർ​ണാ​ർ​ഥ​ത്തി​ൽ തെ​ളി​യി​ക്ക​പ്പെ​ടാ​ത്ത​തു​മാ​യ വാ​ക്​​സി​നു​ക​ൾ വി​വി​ധ രാ​ജ്യ​ങ്ങ​ളി​ൽ സ​ർ​ക്കാ​ർ ആ​ഭി​മു​ഖ്യ​ത്തി​ലും അ​ല്ലാ​തെ​യും പ്ര​യോ​ഗി​ക്ക​പ്പെ​ടു​ന്നു​ണ്ടെ​ങ്കി​ലും പ്ര​ശ്​​ന​പ​രി​ഹാ​ര​ത്തി​​ന്‍റെ വ​ക്കു​തൊ​ടാ​ൻ ഇ​നി​യും സാ​ധ്യ​മാ​യി​ട്ടി​ല്ലെ​ന്നാ​ണ്​ ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്.

സ​മ്പ​ന്ന രാ​ജ്യ​ങ്ങ​ളും എ​ല്ലാ രാ​ജ്യ​ങ്ങ​ളി​ലെ​യും സ​മ്പ​ന്ന​രും വാ​ക്​​സി​നേ​ഷ​നും രോ​ഗ​പ്ര​തി​രോ​ധ സൗ​ക​ര്യ​ങ്ങ​ളും ഫ​ല​പ്ര​ദ​മാ​യി ഉ​പ​യോ​ഗ​പ്പെ​ടു​ത്തു​ന്നു​ണ്ടെ​ങ്കി​ലും മ​ഹാ​ഭൂ​രി​പ​ക്ഷം വ​രു​ന്ന ദ​രി​ദ്ര​ജ​ന​ങ്ങ​ളു​ടെ കാ​ര്യ​ത്തി​ൽ കു​ത്തി​വെ​പ്പോ മ​ഹാ​മാ​രി ബാ​ധി​ത​രാ​യി ക​ഴി​ഞ്ഞ​വ​രു​ടെ ചി​കി​ത്സയോ ഫ​ല​പ്ര​ദ​മാ​യി ന​ട​ക്കു​ന്നി​ല്ല. ഔ​ഷ​ധ​നി​ർ​മാ​ണ​ത്തി​ൽ ലോ​ക രാ​ജ്യ​ങ്ങ​ളു​ടെ മു​ൻ​നി​ര​യി​ൽ ക​ഴി​യു​ന്ന ഇ​ന്ത്യ, കോ​വി​ഡ്​ വ്യാ​പ​ന​ത്തി​​ന്‍റെ പ്ര​ഥ​മ​ഘ​ട്ട​ത്തി​ൽ അ​മേ​രി​ക്ക ഉ​ൾ​പ്പെ​ടെ​യു​ള്ള രാ​ജ്യ​ങ്ങ​ളി​ലേ​ക്ക്​ മ​രു​ന്നു​ക​ൾ ക​യ​റ്റു​മ​തി ചെ​യ്യാ​ൻ ക​ഴി​ഞ്ഞ​തി​ൽ അ​ഭി​മാ​നം കൊ​ള്ളു​ക​യാ​യി​രു​ന്നെ​ങ്കി​ൽ ര​ണ്ടാം ഘ​ട്ട​ത്തി​ൽ പ്രാ​ണ​വാ​യു ല​ഭി​ക്കാ​തെ പി​ട​ഞ്ഞു​മ​രി​ക്കു​ന്ന ഹ​ത​ഭാ​ഗ്യ​രു​ടെ ത​ല​സ്​​ഥാ​ന​മാ​യി മാ​റി​യി​രി​ക്കു​ന്ന ഡ​ൽ​ഹി അ​ട​ക്ക​മു​ള്ള ന​ഗ​ര​ങ്ങ​ളി​ലെ ആ​ശു​പ​ത്രി​ക​ൾ ഓ​ക്​​സി​ജ​നു​വേ​ണ്ടി മു​റ​വി​ളി കൂ​ട്ടു​ന്ന ദൈ​ന്യാ​വ​സ്​​ഥ​യി​ലാ​ണ്. അ​മേ​രി​ക്ക​യും ബ്രി​ട്ട​നും ആ​സ്​​ട്രേ​ലി​യ​യും യു.​എ.​ഇ​യും സൗ​ദി​യും ഉ​ൾ​പ്പെ​ടെ പ​തി​ന​ഞ്ച്​ രാ​ജ്യ​ങ്ങ​ളി​ൽ നി​ന്നു​ള്ള ചി​കി​ത്സ സ​ഹാ​യം ഇ​ന്ത്യ​യി​ലേ​ക്ക്​ പ്ര​വ​ഹി​ക്കാ​ൻ തു​ട​ങ്ങി​യി​രി​ക്കു​ന്നു​െ​വ​ന്ന വാ​ർ​ത്ത ആ​ശ്വാ​സ​ക​ര​മാ​യി​രി​ക്കെ​ത്ത​ന്നെ രാ​ജ്യം അ​ട​ക്കി​ഭ​രി​ക്കു​ന്ന സ​ർ​ക്കാ​റി​​ന്‍റെ അ​ബ​ദ്ധ​ജ​ടില​മാ​യ ന​യ​ങ്ങ​ളും തെ​റ്റാ​യ മു​ൻ​ഗ​ണ​നക്ര​മ​ങ്ങ​ളും വി​വേ​ച​ന​പ​ര​മാ​യ സ​മീ​പ​ന​ങ്ങ​ളും ആ​ഭ്യ​ന്ത​ര​രം​ഗ​ത്ത്​ മാ​ത്ര​മ​ല്ല, ആ​ഗോ​ള​ത​ല​ത്തി​ലും ക​ടു​ത്ത വി​മ​ർ​ശ​ന​ങ്ങ​ൾ നേ​രി​ടു​ക​യാ​ണ്. സ്വ​കാ​ര്യ വാ​ക്​​സി​ൻ-​ഓ​ക്​​സി​ജ​ൻ-​മ​രു​ന്ന്​ ഉ​ൽ​പാ​ദ​ന വി​ത​ര​ണ ക​മ്പ​നി​ക​ളു​ടെ താ​ൽ​പ​ര്യ​ങ്ങ​ളാ​ണ്​ സാ​മാ​ന്യ ഇ​ന്ത്യ​ക്കാ​ര​​ന്‍റെ സു​ര​ക്ഷ​യേ​ക്കാ​ൾ സ​ർ​ക്കാ​റി​ന്​ പ​രി​ഗ​ണ​ന​യെ​ന്ന്​ വ​സ്​​തു​നി​ഷ്​​ഠ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്നു​ണ്ട്.

ആ​ധു​നി​ക കാ​ല​ഘ​ട്ട​ത്തി​ൽ മു​ൻ ഉ​ദാ​ഹ​ര​ണ​ങ്ങ​ളി​ല്ലാ​ത്ത ഒ​രു മ​ഹാ​മാ​രി​ക്കു മു​ന്നി​ൽ നി​സ്സ​ഹാ​യ​രാ​യി നി​ൽ​ക്കു​േ​മ്പാ​ഴെ​ങ്കി​ലും 135 കോ​ടി ജ​ന​ങ്ങ​ളു​ടെ പ്രി​യ നാ​ടി​ന്​ നി​സ്വാ​ർ​ഥ​ത​യും സേ​വ​ന മ​നോ​ഭാ​വ​വും സൗ​മ​ന​സ്യ​വും സ​ർ​വോ​പ​രി മ​നു​ഷ്യ​സ്​​നേ​ഹ​വും പ്ര​ക​ടി​പ്പി​ക്കാ​ൻ ക​ഴി​യേ​ണ്ട​ത​ല്ലേ എ​ന്ന ചോ​ദ്യ​മാ​ണ്​ ഈ​യ​വ​സ​ര​ത്തി​ൽ ഉ​യ​രേ​ണ്ട​ത്. പ്ര​ള​യം വ​രു​േ​മ്പാ​ൾ പാ​മ്പും തേ​ളും പ​ഴു​താ​ര​യും പ​ര​സ്​​പ​രം ആ​ക്ര​മി​ക്കാ​തെ ഒ​രു​മി​ച്ച്​ നീ​ന്തി ക​ര​പ​റ്റാ​ൻ ശ്ര​മി​ക്കു​ന്ന​ത്​ കാ​ണാ​റു​ണ്ട്. നാം ​മ​നു​ഷ്യ​ർ​ക്ക്​ ഈ ​ജീ​വി​ക​ളു​ടെ സം​ഘ​ബോ​ധം പോ​ലു​മി​ല്ലെ​ന്നു വ​രു​ന്ന​ത്​ ല​ജ്ജാ​ക​രം എ​ന്നു ത​ന്നെ പ​റ​യ​ണം. കൊ​ള്ളലാ​ഭം കൊ​യ്​തും കോ​വി​ഡ്​ നി​യ​ന്ത്ര​ണ ച​ട്ട​ങ്ങ​ൾ ലം​ഘി​ച്ചും ലം​ഘ​ന​ത്തി​​ന്‍റെ പേ​രി​ൽ പ​ര​സ്​​പ​രം പ​ഴി​ച്ചും എ​ങ്ങ​നെ അ​വ​സ​രം മു​ത​ലാ​ക്കാ​മെ​ന്ന്​ ചി​ന്തി​ക്കു​ന്ന​വ​ർ താ​ര​ത​മ്യേ​ന കു​റ​വാ​ണ്​ എ​ന്നു​പോ​ലും പ​റ​യാ​നാ​വി​ല്ല. ഈ ​ഘ​നാ​ന്ധ​കാ​ര​ത്തി​ലാ​ണ്​ മ​നു​ഷ്യസ്​​നേ​ഹ​ത്തി​​ന്‍റെ മ​ഹ​നീ​യ മാ​തൃ​ക കാ​ഴ്​​ച​വെ​ക്കു​ന്ന ഉ​ദാ​ര​മ​ന​സ്​​ക​രു​ടെ ആ​വേ​ശ​ക​ര​മാ​യ വി​വ​ര​ങ്ങ​ൾ പു​റ​ത്തു​വ​ന്നു​കൊ​ണ്ടി​രി​ക്കു​ന്ന​ത്. സ​ർ​ക്കാ​ർ ആ​ശു​പ​ത്രി​ക​ളി​ൽ ഓ​ക്​​സി​ജ​ൻ എ​ത്തി​ച്ചുകൊ​ടു​ത്ത വ​ക​യി​ൽ ത​നി​ക്ക്​ ല​ഭി​ക്കേ​ണ്ട 85 ല​ക്ഷം രൂ​പ റ​​മദാ​നി​ലെ സ​കാ​ത്താ​യി ക​ണ​ക്കാ​ക്കി​യാ​ൽ മ​തി എ​ന്ന്​ തീ​രു​മാ​നി​ച്ചു വി​ട്ടു​കൊ​ടു​ത്ത നാ​ഗ്​​പു​ർ​കാ​ര​ൻ പ്യാ​രി​ഖാ​​ന്‍റെ വേ​റി​ട്ട മാ​തൃ​ക അ​തി​ലൊ​ന്നാ​ണ്. മാ​ത്ര​മ​ല്ല, ആ​വ​ശ്യ​മെ​ങ്കി​ൽ ബ്ര​സ​ൽ​സി​ൽ​നി​ന്ന്​ വ്യോ​മ​മാ​ർ​ഗം ഓ​ക്​​സി​ജ​ൻ ടാ​ങ്ക​റു​ക​ൾ എ​ത്തി​ക്കാ​മെ​ന്ന ഓ​ഫ​ർ കൂ​ടി ഈ ​ട്രാ​ൻ​സ്​​പോ​ർ​ട്ട്​ ക​മ്പ​നി ഉ​ട​മ ന​ൽ​കു​ന്നു.

പു​ണ്യ​മാ​സ​ത്തി​ൽ ദൈ​വ​പ്രീ​തി മാ​ത്ര​മാ​ണ്​ ഈ ​മ​നു​ഷ്യ സ്​​നേ​ഹി കാം​ക്ഷി​ക്കു​ന്ന​ത്. ഒ​രു​വേ​ള ഇ​തി​നേ​ക്കാ​ൾ ഉ​ദാ​ത്ത​മാ​ണ്​ ക​ണ്ണൂ​ർ കു​റു​വ​യി​ലെ ജ​നാ​ർ​ദ​ന​ൻ എ​ന്ന ബീ​ഡി​ത്തൊ​ഴി​ലാ​ളി​യു​ടെ ​മ​ഹാ​മ​ന​സ്​​ക​ത. 150 രൂ​പ​ക്ക്​ കേ​​ന്ദ്ര സ​ർ​ക്കാ​ർ വാ​ങ്ങു​ന്ന അ​തേ വാ​ക്​​സി​ൻ സം​സ്​​ഥാ​ന സ​ർ​ക്കാ​ർ സി​റം ക​മ്പ​നി​യി​ൽ​നി​ന്ന്​ 400 രൂ​പ നി​ര​ക്കി​ൽ വാ​ങ്ങ​ണ​മെ​ന്ന ഉ​ത്ത​ര​വി​ലെ അ​നീ​തി​ക്കെ​തി​രാ​യ വി​മ​ർ​ശം മു​ഖ്യ​മ​ന്ത്രി പി​ണ​റാ​യി വി​ജ​യ​നി​ൽ​നി​ന്ന്​ കേ​ട്ട​പ്പോ​ഴു​ണ്ടാ​യ ധ​ർ​മ​രോ​ഷ​ത്തി​ൽ ആ​രോ​ടും പ​റ​യാ​തെ​യും ആ​ലോ​ചി​ക്കാ​തെ​യും ബാ​ങ്കി​ൽ പോ​യി ത​​ന്‍റെ ആ​കെ സ​മ്പാ​ദ്യ​മാ​യ 2,00,850 രൂ​പ​യി​ൽ​നി​ന്ന്​ ര​ണ്ടു ല​ക്ഷ​വും മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക്​ സം​ഭാ​വ​ന​യാ​യി ന​ൽ​കി​യ ജ​നാ​ർ​ദ​ന​ൻ മ​നു​ഷ്യ​​സ്​​നേ​ഹി അ​​ല്ലെ​ങ്കി​ൽ മ​റ്റാ​രാ​ണ്​ ആ ​പേ​രി​ന്ന​ർ​ഹ​ൻ? ബാ​ങ്ക്​ മാ​നേ​ജ​രും ജീ​വ​ന​ക്കാ​രും ആ​വും​വി​ധം നി​രു​ത്സാ​ഹ​പ്പെ​ടു​ത്തി​യി​ട്ടും ആ ​ബീ​ഡി​ത്തൊ​ഴി​ലാ​ളി ത​​ന്‍റെ നി​ശ്ച​യ​ത്തി​ൽ​നി​ന്ന്​ പി​ന്മാ​റി​യി​ല്ല; സം​ഭ​വ​ത്തി​ന്​ പ​ബ്ലി​സി​റ്റി കൊ​ടു​ക്കാ​നും അ​ദ്ദേ​ഹം വി​സ​മ്മ​തി​ച്ചു എ​ന്നാ​ണ്​ വാ​ർ​ത്ത. ഇ​ത്ത​രം വേ​റി​ട്ട അ​നു​ഭ​വ​ങ്ങ​ളാ​ണ്​ മാ​ന​വി​ക​ത​യി​ൽ വീ​ണ്ടും വീ​ണ്ടും വി​ശ്വാ​സ​മ​ർ​പ്പി​ക്കാ​ൻ ന​മു​ക്ക്​ പ്രേ​ര​ക​മാ​വു​ന്ന​ത്. 2018ലെ​യും 2019ലെ​യും മ​ഹാപ്ര​ള​യ​ങ്ങ​ളു​ടെ കാ​ല​ത്തും കേ​ൾ​ക്കാ​നും കാ​ണാ​നും ഇ​ട​വ​ന്നു കേ​ര​ള​ത്തി​ൽ​നി​ന്ന്​ സ​മാ​ന സം​ഭ​വ​ങ്ങ​ൾ. ജീ​വ​ൻ പ​ണ​യം​വെ​ച്ച്​ പ്ര​ള​യ​ത്തി​ൽ മു​ങ്ങാ​ൻ ​േപാ​വു​ന്ന​വ​രു​ടെ ര​ക്ഷ​ക്കെ​ത്തി​യ മ​ത്സ്യ​ത്തൊ​ഴി​ലാ​ളി​ക​ളു​ടെ മ​ഹ​ത്താ​യ ത്യാ​ഗ​ത്തി​​ന്‍റെ ക​ഥ​ക​ളാ​ൽ നി​റ​ഞ്ഞു അ​ന്ന്​ സമൂ​ഹ മാ​ധ്യ​മ​ങ്ങ​ൾ. കോ​വി​ഡ്​ മ​ഹാ​മാ​രി​യെ പ്ര​തി​രോ​ധി​ക്കു​ന്ന​തി​ലും തു​ര​ത്തു​ന്ന​തി​ലും അ​ത്ത​ര​ക്കാ​രി​ലാ​ണ്​ നാ​ടി​​ന്‍റെ പ്ര​തീ​ക്ഷ.