ക​പി​ൽ സി​ബ​ലി​നെ ക​ള​ഞ്ഞ​ത​ല്ലേ?

തെ​ര​ഞ്ഞെ​ടു​പ്പു​ക​ൾ ഓ​രോ​ന്നു ക​ഴി​യും​തോ​റും നി​യ​മ​നി​ർ​മാ​ണ സ​ഭ​ക​ളി​ലെ പ്രാ​തി​നി​ധ്യ​വും പ്ര​വ​ർ​ത്ത​ക​രു​ടെ അം​ഗ​ബ​ല​വും ശു​ഷ്കി​ച്ചു​വ​രു​ന്ന കോ​ൺ​ഗ്ര​സ് പാ​ർ​ട്ടി​ക്ക് പ്ര​സ​ക്തി ന​ഷ്ട​പ്പെ​ട്ടി​ട്ടി​ല്ല എ​ന്ന പ്ര​തീ​തി പ​ക​ർ​ന്നി​രു​ന്ന​ത് അ​തി​ന്റെ അ​ഖി​ലേ​ന്ത്യ സാ​ന്നി​ധ്യ​വും പ്ര​ഖ്യാ​പി​ത​മാ​യ മ​തേ​ത​ര നി​ല​പാ​ടി​നൊ​പ്പം ചേ​ർ​ന്നു​നി​ൽ​ക്കു​ന്ന വി​ട്ടു​വീ​ഴ്ച​യി​ല്ലാ​ത്ത ചെ​റു​പ​റ്റം നേ​താ​ക്ക​ളു​മാ​യി​രു​ന്നു. പ്ര​ഭാ​വകാ​ല​ത്ത് മു​ഖ്യ​മ​ന്ത്രി പ​ദ​വി​യും പ്ര​ദേ​ശ് കോ​ൺ​ഗ്ര​സ് അ​ധ്യ​ക്ഷപ​ദ​വും കേ​ന്ദ്ര​മ​ന്ത്രി​സ്ഥാ​ന​വു​മെ​ല്ലാം ആ​സ്വ​ദി​ച്ചി​രു​ന്ന ഖ​ദ​ർ​ധാ​രി​ക​ളി​ൽ പ​ല​രും ശ​ത്രു​പാ​ള​യ​ങ്ങ​ൾ​ക്കു​മു​ന്നി​ലെ ത​ണ്ണീ​ർ​പ​ന്ത​ലു​ക​ളി​ൽ ഊ​ഴം​കാ​ത്തു​നി​ൽ​ക്ക​വെ ദു​ർ​ബ​ല​മാ​യ പാ​ർ​ട്ടി​യെ പ്ര​തി​രോ​ധി​ക്കു​ക എ​ന്ന ദു​ർ​ഘ​ട ദൗ​ത്യം നി​റ​വേ​റ്റി​യി​രു​ന്ന​ത് ഈ ​നേ​താ​ക്ക​ളാ​ണ്. അ​ക്കൂ​ട്ട​ത്തി​ലെ പ്ര​ധാ​ന പേ​രു​ക​ളി​ലൊ​ന്നാ​യ ക​പി​ൽ സി​ബ​ൽ പാ​ർ​ട്ടിവി​ട്ട് ഇ​റ​ങ്ങി​പ്പോ​യി​രി​ക്കു​ന്നു. കോ​ൺ​ഗ്ര​സി​ലെ കു​ടും​ബ​വാ​ഴ്ച​യെ​യും വീ​ഴ്ച​ക​ളി​ൽ​നി​ന്ന് പാ​ഠം​പ​ഠി​ച്ച് തി​രു​ത്താ​നു​ള്ള വൈ​മു​ഖ്യ​ത്തെ​യും മു​ച്ചൂ​ടും വി​മ​ർ​ശി​ച്ച​തി​ന് വി​മ​ത​ർ എ​ന്നു പേ​രു​ദോ​ഷം കേ​ട്ട ജി23 ​സം​ഘ​ത്തി​നൊ​പ്പ​മാ​യി​രു​ന്നു​വെ​ങ്കി​ലും കോ​ൺ​ഗ്ര​സി​ൽ​നി​ന്ന് സി​ബ​ൽ അ​ട​ർ​ന്നു​പോ​കു​മെ​ന്ന് നേ​താ​ക്ക​ളോ പ്ര​വ​ർ​ത്ത​ക​രോ എ​തി​രാ​ളി​ക​ളോ​പോ​ലും ക​രു​തി​യി​രു​ന്ന​ത​ല്ല. എ​ന്നാ​ൽ, ക​പി​ൽ സി​ബ​ലി​നെ​പ്പോ​ലൊ​രാ​ൾ ഒ​പ്പ​മു​ണ്ടാ​ക​ണ​മെ​ന്ന് ഒ​രു നി​ർ​ബ​ന്ധ​വു​മി​ല്ലെ​ന്ന് ഉ​ന്ന​ത നേ​തൃ​ത്വം, കൂ​ടു​ത​ൽ കൃ​ത്യ​മാ​യി പ​റ​ഞ്ഞാ​ൽ ജ​ൻ​പ​ഥ് പ​ത്താം ന​മ്പ​റി​ൽ പാ​ർ​ക്കു​ന്ന കു​ടും​ബ​വും പാ​ർ​ട്ടി​യി​ലെ പ​രി​ചാ​ര​ക​രും തീ​രു​മാ​നി​ച്ചി​രു​ന്നു. കോ​ൺ​ഗ്ര​സി​നെ ന​വീ​ക​രി​ച്ച് 2024ലെ ​പൊ​തു​തെ​ര​ഞ്ഞെ​ടു​പ്പി​ൽ ബി.​ജെ.​പി​ക്കെ​തി​രെ ശ​ക്ത​മാ​യ ചെ​റു​ത്തു​നി​ൽ​പ്പും തി​രി​ച്ചു​വ​ര​വും സാ​ധ്യ​മാ​ക്കാ​നു​ള്ള ആ​ലോ​ച​ന​ക​ൾ​ക്കാ​യി ഈ​മാ​സം മ​ധ്യ​ത്തി​ൽ ഉ​ദ​യ്പൂ​രി​ൽ സം​ഘ​ടി​പ്പി​ച്ച ത്രി​ദി​ന ചി​ന്താ​ശി​ബി​ര​ത്തി​ൽ​നി​ന്ന് സി​ബ​ലി​നെ അ​ക​റ്റിനി​ർ​ത്തി​യ​തും അ​തു​കൊ​ണ്ടു​ത​ന്നെ. ജി23 ​സം​ഘ​ത്തി​ലു​ണ്ടാ​യി​രു​ന്ന, ഗു​ലാം​ന​ബി ആ​സാ​ദ്, ആ​ന​ന്ദ്ശ​ർ​മ, മ​നീ​ഷ് തി​വാ​രി, ഭൂ​പീ​ന്ദ​ർ ഹൂ​ഡ തു​ട​ങ്ങി​യ 'വി​മ​ത'​നേ​താ​ക്ക​ൾ​ക്കെ​ല്ലാം വി​വി​ധ സ​മി​തി​ക​ളി​ൽ ഇ​ടം ന​ൽ​കാ​ൻ ത​ക്ക വി​ശാ​ല​ത പു​ല​ർ​ത്തി​യ​പ്പോ​ൾ സി​ബ​ലി​നെ ശി​ബി​ര​വേ​ദി​യി​ലേ​ക്കു​പോ​ലും ക്ഷ​ണി​ച്ച​തേ​യി​ല്ല. അ​ദ്ദേ​ഹം ഉ​ന്ന​യി​ച്ച വി​മ​ർ​ശ​ന​ങ്ങ​ൾ അ​ത്ര​മാ​ത്രം അ​ലോ​സ​ര​പ്പെ​ടു​ത്തി എ​ന്ന​തു മാ​ത്ര​മ​ല്ല, പാ​ർ​ട്ടി​യു​ടെ അ​ക​ത്ത​ള​ത്തി​ൽ​നി​ന്നു​ള്ള എ​തി​ർ​ശ​ബ്ദ​ങ്ങ​ളോ​ടു പോ​ലും സ​ഹി​ഷ്ണു​ത പു​ല​ർ​ത്താ​ൻ കോ​ൺ​ഗ്ര​സി​ന്റെ ഉ​ന്ന​ത നേ​തൃ​ത്വം ത​രി​മ്പ് ത​യാ​റ​ല്ലെ​ന്ന​തി​ന്റെ ദൃ​ഷ്ടാ​ന്ത​മാ​യി​രു​ന്നു ആ ​ഒ​ഴി​ച്ചു​നി​ർ​ത്ത​ൽ.

കോ​ൺ​ഗ്ര​സി​ൽ​നി​ന്ന് നേ​താ​ക്ക​ൾ കൊ​ഴി​ഞ്ഞു​​പോ​കു​ന്ന​ത് ഒ​രു പു​തി​യ കാ​ര്യ​മ​ല്ല, 2014ൽ ​കേ​ന്ദ്ര​ഭ​ര​ണം ന​ഷ്ട​പ്പെ​ട്ട​ശേ​ഷം അ​തൊ​രു നി​ത്യ​സം​ഭ​വ​വു​മാ​യി​രി​ക്കു​ന്നു. കോ​ൺ​ഗ്ര​സ് ടി​ക്ക​റ്റി​ൽ എം.​പി​മാ​രും എം.​എ​ൽ.​എ​മാ​രു​മാ​യ 177 പേ​രും 222 തോ​റ്റ സ്ഥാ​നാ​ർ​ഥി​ക​ളും മോ​ദി സ​ർ​ക്കാ​ർ കേ​ന്ദ്ര​ത്തി​ൽ വ​ന്ന​ശേ​ഷം പാ​ർ​ട്ടിവി​ട്ടു​പോ​യി എ​ന്ന ക​ണ​ക്ക് പാ​ർ​ട്ടി​ത​ന്ത്ര​ങ്ങ​ളു​ടെ പാ​ളി​ച്ച വി​ശ​ദീ​ക​രി​ച്ച് ഏ​താ​നും മാ​സം മു​മ്പ്​ ഒ​രു ദേ​ശീ​യ ദി​ന​പ​ത്ര​ത്തി​ന് ന​ൽ​കി​യ അ​ഭി​മു​ഖ​ത്തി​ൽ സി​ബ​ൽത​ന്നെ വി​ശ​ദീ​ക​രി​ച്ചി​രു​ന്നു. എ​തി​രാ​ളി​ക​ളു​ടെ ശ​ക്തി​യേ​ക്കാ​ളേ​റെ പാ​ർ​ട്ടി അ​ഖി​ലേ​ന്ത്യ നേ​തൃ​ത്വ​ത്തി​ന്റെ തെ​റ്റാ​യ തീ​രു​മാ​ന​ങ്ങ​ളും തെ​റ്റി​ദ്ധ​രി​പ്പി​ക്കു​ന്ന ഉ​പ​ദേ​ശ​ക​രു​ടെ ആ​ധി​ക്യ​വു​മാ​ണ് പ​ല തെ​ര​ഞ്ഞെ​ടു​പ്പു​ക​ളി​ലും കോ​ൺ​ഗ്ര​സി​ന്റെ തോ​ൽ​വി അ​നി​വാ​ര്യ​മാ​ക്കി​യ​ത്. മ​ധ്യ​പ്ര​ദേ​ശി​ൽ ഭ​ര​ണം ക​ള​ഞ്ഞു​കു​ളി​ച്ച​തി​ന്റെ​യും, ക​ർ​ഷ​ക​സ​മ​രം സൃ​ഷ്ടി​ച്ച അ​നു​കൂ​ല സാ​ഹ​ച​ര്യം നി​ല​നി​ൽ​ക്കെ​പോ​ലും പ​ഞ്ചാ​ബി​ൽ അ​ടി​പ​ത​റി​പ്പി​ച്ച​തി​ന്റെ​യും ക്രെ​ഡി​റ്റും മേ​ൽ​പ​റ​ഞ്ഞ​വ​ർ​ക്കാ​ണ്.

രാ​ജ്യ​സ​ഭ​യി​ലേ​ക്ക് വീ​ണ്ടും ബെ​ർ​ത്ത് ല​ഭി​ക്കി​ല്ലെ​ന്നു ക​ണ്ടാ​ണ് സി​ബ​ൽ വി​ട്ടു​പോ​യ​ത് എ​ന്നാ​ണ് പാ​ർ​ട്ടി​യു​ടെ ന്യാ​യീ​ക​ര​ണ പ​ടു​ക്ക​ൾ നി​ര​ത്തു​ന്ന വാ​ദം. ചാ​ന​ൽ ച​ർ​ച്ച​യി​ലും കോ​ട​തി​യി​ലും വാ​ദി​ച്ച് ക​ത്തി​ക്ക​യ​റു​മെ​ന്ന​ല്ലാ​തെ ഡ​ൽ​ഹി​യി​ലെ വീ​ടി​രി​ക്കു​ന്ന വാ​ർ​ഡി​ൽ​നി​ന്ന് ന​ഗ​ര​സ​ഭ​യി​ലേ​ക്ക് ജ​യി​ച്ചു​ക​യ​റാ​ൻ​പോ​ലും ശേ​ഷി​യി​ല്ലാ​ത്ത​യാ​ളാ​ണ് സി​ബ​ലെ​ന്നും അ​വ​ർ പ​റ​യു​ന്നു. ശ​രി​യാ​യി​രി​ക്കാം, എ​ന്നാ​ൽ, മ​തേ​ത​ര​പ​ക്ഷ​ത്തി​ന്റെ ശ​ബ്ദം നേ​ർ​ത്തു​പോ​വു​ക​യും ഭൂ​രി​പ​ക്ഷ ഹു​ങ്കി​ൽ നി​യ​മ​നി​ർ​മാ​ണ സ​ഭ​ക​ളെ​യും ഭ​ര​ണ​ഘ​ട​ന​യെ​ത്ത​ന്നെ​യും അ​ട്ടി​മ​റി​ക്കാ​ൻ ഹി​ന്ദു​ത്വ പ്ര​ചോ​ദി​ത ഭ​ര​ണ​കൂ​ടം സ​ക​ല ത​ന്ത്ര​ങ്ങ​ളും പ​യ​റ്റു​ന്ന വേ​ള​യി​ൽ അ​തി​നെ​തി​രെ ഉ​റ​ച്ചു​സം​സാ​രി​ക്കാ​ൻ സി​ബ​ലി​നെ​പ്പോ​ലൊ​രാ​ൾ സ​ഭ​യി​ൽ വേ​ണ​മെ​ന്ന​ത് സാ​ദാ മെം​ബ​ർ​ഷി​പ്പു​ള്ള കോ​ൺ​ഗ്ര​സ് അം​ഗ​ങ്ങ​ൾ മു​ത​ൽ കോ​ൺ​ഗ്ര​സ് നി​ല​നി​ന്നു​കാ​ണ​ണം എ​ന്നാ​ഗ്ര​ഹി​ക്കു​ന്ന സ​ക​ല മ​തേ​ത​ര​പ​ക്ഷ​ക്കാ​​രു​ടെ​യും ആ​ഗ്ര​ഹം ത​ന്നെ​യാ​യി​രു​ന്നു. എ​ന്തി​നേ​റെ, ജ​ഹാം​ഗീ​ർ​പു​രി​യി​ലെ നി​ർ​ധ​ന മു​സ്‍ലിം​ക​ളു​ടെ ഒ​റ്റ​മു​റി വീ​ടു​ക​ൾ​ക്കും പീ​ടി​ക​ക​ൾ​ക്കും മേ​ലെ വം​ശീ​യ​വൈ​ര​ത്തി​ന്റെ ബു​ൾ​ഡോ​സ​റു​ക​ൾ ഇ​ര​മ്പി​ക്ക​യ​റ​വെ നി​ശ്ശ​ബ്ദ​മാ​യി, നി​സ്സം​ഗ​മാ​യി നി​ല​കൊ​ണ്ട കോ​ൺ​ഗ്ര​സ് നേ​തൃ​ത്വം നാ​ണം മ​റ​ച്ച​തു​പോ​ലും ബു​ൾ​ഡോ​സ​ർ രാ​ജി​നെ​തി​രെ നി​യ​മ​യു​ദ്ധം ന​ട​ത്തി​യ ജം​ഇ​യ്യ​ത്തു​ൽ ഉ​ല​മാ​യെ ഹി​ന്ദി​നു​വേ​ണ്ടി വ​ക്കാ​ല​ത്ത് പ​റ​ഞ്ഞ ക​പി​ൽ സി​ബ​ൽ ഞ​ങ്ങ​ളു​ടെ ആ​ളാ​ണെ​ന്നു പ​റ​ഞ്ഞു​കൊ​ണ്ടാ​യി​രു​ന്നു​വെ​ന്ന​ത് മ​റ​ക്കാ​നാ​യി​ട്ടി​ല്ല​ല്ലോ.

ഇ​രു​കൈ​യും നീ​ട്ടി സ്വീ​ക​രി​ക്കു​മെ​ന്നു​റ​പ്പു​ണ്ടാ​യി​ട്ടും ത​ന്റെ പ​ഴ​യ പ​ല സ​ഹ​പ്ര​വ​ർ​ത്ത​ക​രെ​യും പോ​ലെ വ​ർ​ഗീ​യ പ​രി​വാ​റി​നോ​ട് രാ​ജി​യാ​വാ​ൻ സി​ബ​ൽ ത​യാ​റാ​യി​ല്ല എ​ന്ന​തി​ൽ ഏ​റ്റ​വു​മ​ധി​കം ആ​ശ്വാ​സം കൊ​ള്ളു​ന്ന​തും സാ​ധാ​ര​ണ കോ​ൺ​ഗ്ര​സ് പ്ര​വ​ർ​ത്ത​ക​രാ​ണ്. സ​മാ​ജ്‍വാ​ദി പാ​ർ​ട്ടി​യു​ടെ പി​ന്തു​ണ​യോ​ടെ​യാ​ണെ​ങ്കി​ലും അ​ദ്ദേ​ഹ​ത്തി​ന്റെ ശ​ബ്ദം പാ​ർ​ല​മെ​ന്റി​ന്റെ ഉ​പ​രി​സ​ഭ​യി​ൽ മു​ഴ​ങ്ങു​​മെ​ന്ന​ത് പ​ക​രു​ന്ന ആ​ഹ്ലാ​ദ​വും ചെ​റു​ത​ല്ല. ഹി​ന്ദു​ത്വ​യോ​ട് സ​ന്ധി​ചെ​യ്യാ​ത്ത, മൃ​ദു​ഹി​ന്ദു​ത്വ​​ത്തെ പു​ൽ​കാ​ൻ വി​സ​മ്മ​തി​ക്കു​ന്ന ശി​ഷ്ടം വ​ന്ന നേ​താ​ക്ക​ളെ​ക്കൂ​ടി ഹൈ​ക​മാ​ൻ​ഡ്​ പാ​ർ​ട്ടി​യി​ൽ​നി​ന്ന് അ​ക​റ്റി​ക്ക​ള​യു​മോ എ​ന്നാ​ണ് അ​വ​രു​ടെ ആ​ശ​ങ്ക. ഏ​റി​യും കു​റ​ഞ്ഞും മ​തേ​ത​ര​പ​ക്ഷം ഒ​ന്നാ​കെ പ​ങ്കു​വെ​ക്കു​ന്നു​ണ്ട് ആ ​ഉ​ത്​​ക​ണ്ഠ.