Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_rightനീ​തി തേ​ടു​ന്ന​ത്...

നീ​തി തേ​ടു​ന്ന​ത് ഗൂ​ഢാ​ലോ​ച​ന​യാ​കു​മോ?

text_fields
bookmark_border
നീ​തി തേ​ടു​ന്ന​ത് ഗൂ​ഢാ​ലോ​ച​ന​യാ​കു​മോ?
cancel

'അ​ത്യ​ന്തം നി​ർ​ഭാ​ഗ്യ​ക​രം' എ​ന്ന വി​ശേ​ഷ​ണം​പോ​ലും തീ​ർ​ത്തും അ​പ​ര്യാ​പ്ത​മാ​യി​പ്പോ​കു​ന്ന ഒ​ന്നാ​ണ് സ​കി​യ ജാ​ഫ​രി​യു​ടെ ഹ​ര​ജി ത​ള്ളി​ക്കൊ​ണ്ട് സു​പ്രീം​കോ​ട​തി ന​ൽ​കി​യി​രി​ക്കു​ന്ന വി​ധി. 2002ലെ ​ഗു​ജ​റാ​ത്ത് വം​ശ​ഹ​ത്യ​ക്കി​ടെ അ​ഹ്മ​ദാ​ബാ​ദി​ലെ ഗു​ൽ​ബ​ർ​ഗ് സൊ​സൈ​റ്റി​യി​ൽ ആ​ക്ര​മി​ക​ൾ ന​ട​ത്തി​യ കൂ​ട്ട​ക്കൊ​ല​യി​ൽ സ​കി​യ​യു​ടെ ഭ​ർ​ത്താ​വ് ഇ​ഹ്സാ​ൻ ജാ​ഫ​രി ഉ​ൾ​പ്പെ​ടെ 69 പേ​ർ കൊ​ല്ല​പ്പെ​ട്ടി​രു​ന്നു. കൂ​ട്ട​ക്കൊ​ല​യി​ൽ അ​ന്ന​ത്തെ ഗു​ജ​റാ​ത്ത് മു​ഖ്യ​മ​ന്ത്രി ന​രേ​ന്ദ്ര മോ​ദി അ​ട​ക്കം 63 ഉ​ന്ന​ത​രു​ടെ പ​ങ്ക് അ​ന്വേ​ഷി​ക്ക​ണ​മെ​ന്ന ഹ​ര​ജി​യാ​ണ് കോ​ട​തി നി​രാ​ക​രി​ച്ചി​രി​ക്കു​ന്ന​ത്. മു​മ്പ് സു​പ്രീം​കോ​ട​തി നി​യോ​ഗി​ച്ച പ്ര​ത്യേ​ക അ​ന്വേ​ഷ​ണ​സം​ഘം (എ​സ്.​ഐ.​ടി) മോ​ദി​ക്കും മ​റ്റു​ള്ള​വ​ർ​ക്കും ക്ലീ​ൻ​ചി​റ്റ് ന​ൽ​കി​യ റി​പ്പോ​ർ​ട്ട് ശ​രി​വെ​ച്ചു​കൊ​ണ്ട് ജ​സ്റ്റി​സു​മാ​രാ​യ ഖ​ാൻ​വി​ൽ​ക​ർ, ദി​നേ​ശ് മ​ഹേ​ശ്വ​രി, ര​വി​കു​മാ​ർ എ​ന്നി​വ​ര​ട​ങ്ങു​ന്ന ബെ​ഞ്ച് വി​ധി​ച്ചു. ഗു​ജ​റാ​ത്ത് വം​ശ​ഹ​ത്യ​യി​ൽ ഭ​ര​ണ​കൂ​ട​ത്തി​ന്റെ നി​സ്സം​ഗ​ത​യും വീ​ഴ്ച​യു​മൊ​ന്നും ഗൂ​ഢാ​ലോ​ച​ന​ക്ക് തെ​ളി​വ​ല്ല. വം​ശ​ഹ​ത്യ​യി​ലെ ഗൂ​ഢാ​ലോ​ച​ന​യെ​പ്പ​റ്റി ഇ​നി​യൊ​രു അ​ന്വേ​ഷ​ണം ആ​വ​ശ്യ​മി​ല്ല; മ​തി​യാ​യ അ​ന്വേ​ഷ​ണം ന​ട​ത്തി​യ​ശേ​ഷം എ​സ്.​ഐ.​ടി ന​ൽ​കി​യ റി​പ്പോ​ർ​ട്ട് അം​ഗീ​ക​രി​ക്കു​ന്നു-​കോ​ട​തി പ​റ​ഞ്ഞു. ഇ​രു​പ​ത്​ വർ​ഷ​മാ​യി സ​കി​യ ജാ​ഫ​രി ന​ട​ത്തി​വ​ന്ന നി​യ​മ​പോ​രാ​ട്ട​ത്തി​ന് കോ​ട​തി ഇ​ങ്ങ​നെ അ​ന്ത്യം​കു​റി​ക്കു​മ്പോ​ൾ, നീ​തി ന​ട​പ്പാ​യി​ല്ലെ​ന്ന തോ​ന്ന​ലാ​ണ് ബാ​ക്കി​നി​ൽ​ക്കു​ന്ന​ത്. അ​തി​ശ​ക്ത​രാ​യ ഉ​ന്ന​ത​ർ​ക്കെ​തി​രെ ഒ​രു വ​യോ​ധി​ക ന​ട​ത്തി​യ പോ​രാ​ട്ട​ത്തി​ൽ, ജു​ഡീ​ഷ്യ​റി​യു​ടെ നീ​തി​ബോ​ധം ത​ന്നെ​യും പ​രി​ശോ​ധി​ക്ക​പ്പെ​ടു​ക​യാ​ണെ​ന്ന് നി​രീ​ക്ഷി​ക്ക​പ്പെ​ട്ടു. ഒ​ടു​വി​ൽ സു​പ്രീം​കോ​ട​തി​വി​ധി രാ​ജ്യ​ത്തി​ന് ന​ൽ​കു​ന്ന സ​ന്ദേ​ശം ആ​ശ്വാ​സ​ക​ര​മാ​യി​ല്ല.

ഗൗ​ര​വ​മേ​റി​യ കേ​സി​ൽ, നീ​തി​യു​ടെ താ​ൽ​പ​ര്യം സം​ര​ക്ഷി​ച്ചു​വെ​ന്ന് ബോ​ധ്യ​പ്പെ​ടു​ത്തു​ന്ന​താ​യി​രു​ന്നി​ല്ല എ​സ്.​ഐ.​ടി​യു​ടെ അ​ന്വേ​ഷ​ണം. ഇ​ക്കാ​ര്യം എ​ടു​ത്തു​പ​റ​ഞ്ഞു​കൊ​ണ്ടാ​യി​രു​ന്നു സ​കി​യ​യു​ടെ ഹ​ര​ജി. ഗു​ൽ​ബ​ർ​ഗ് സൊ​സൈ​റ്റി കൂ​ട്ട​ക്കൊ​ല​യെ​പ്പ​റ്റി മു​ഖ്യ​മ​ന്ത്രി അ​ഞ്ചു​മ​ണി​ക്കൂ​ർ അ​റി​യാ​തി​രു​ന്ന​തെ​ങ്ങ​നെ, സ്ഥ​ലം സ​ന്ദ​ർ​ശി​ക്കാ​ൻ അ​ദ്ദേ​ഹം അ​ഞ്ചു​ദി​വ​സ​മെ​ടു​ത്ത​തും ഇ​ര​ക​ളെ പാ​ർ​പ്പി​ച്ച ദു​രി​താ​ശ്വാ​സ കേ​ന്ദ്ര​ത്തി​ലെ​ത്താ​ൻ ഒ​രു​മാ​സ​മെ​ടു​ത്ത​തും എ​ന്തു​കൊ​ണ്ട്, ഗോ​ധ്ര​യി​ൽ ക​ത്തി​ക്ക​പ്പെ​ട്ട ട്രെ​യി​ൻ കോ​ച്ച് പ​രി​ശോ​ധി​ക്കേ​ണ്ട ഫോ​റ​ൻ​സി​ക് വി​ദ​ഗ്ധ​രെ വി​ളി​ക്കാ​ൻ ര​ണ്ടു​മാ​സം വൈ​കി​യ​തെ​ങ്ങ​നെ, വം​ശ​ഹ​ത്യാ ദി​ന​ങ്ങ​ളി​ലെ ഫോ​ൺ​വി​ളി​ക​ളു​ടെ രേ​ഖ​ക​ൾ പ​രി​ശോ​ധി​ക്കു​ന്ന​തി​ൽ പൊ​ലീ​സ് വീ​ഴ്ച​വ​രു​ത്തി​യ​തെ​ന്തു​കൊ​ണ്ട് തു​ട​ങ്ങി​യ ചോ​ദ്യ​ങ്ങ​ൾ എ​സ്.​ഐ.​ടി ഉ​ന്ന​യി​ക്കാ​തി​രു​ന്ന​ത് ചൂ​ണ്ടി​ക്കാ​ണി​ക്ക​പ്പെ​ട്ടി​രു​ന്നു. എ​ന്നാ​ലി​പ്പോ​ൾ ഭ​ര​ണ​വീ​ഴ്ച​യൊ​ന്നും ഗൂ​ഢാ​ലോ​ച​ന​ക്ക് തെ​ളി​വ​ല്ലെ​ന്ന സു​പ്രീം​കോ​ട​തി നി​രീ​ക്ഷ​ണം അം​ഗീ​ക​രി​ക്കു​ന്ന​തോ​ടെ ഒ​രു ഗൂ​ഢാ​ലോ​ച​ന​ക്കും ഇ​നി തെ​ളി​വു​ണ്ടാ​വു​ക സാ​ധ്യ​മ​ല്ലാ​തെ വ​രു​ക​യ​ല്ലേ ചെ​യ്യു​ക? നി​ർ​ണാ​യ​ക​മാ​യ തെ​ളി​വു​ക​ൾ എ​സ്.​ഐ.​ടി അ​വ​ഗ​ണി​ച്ചു എ​ന്നും ഫോ​ണു​ക​ള​ട​ക്കം സു​പ്ര​ധാ​ന തെ​ളി​വു​ക​ൾ പി​ടി​ച്ചെ​ടു​ക്കാ​തി​രു​ന്ന​ത് വെ​റും വീ​ഴ്ച​യ​ല്ലെ​ന്നും ഹ​ര​ജി​ക്കാ​രി വാ​ദി​ച്ചു. സാ​ക്ഷി​മൊ​ഴി​ക​ളെ​പ്പ​റ്റി തു​ട​ര​ന്വേ​ഷ​ണം ന​ട​ന്നി​ല്ലെ​ന്നും ചൂ​ണ്ടി​ക്കാ​ട്ടി. എ​സ്.​ഐ.​ടി റി​പ്പോ​ർ​ട്ട് ശ​രി​യ​ല്ലെ​ന്ന അ​വ​രു​ടെ വാ​ദ​ത്തി​ന് മ​റു​പ​ടി​യാ​യി​ട്ടാ​വാം കോ​ട​തി, ഇ​തേ എ​സ്.​ഐ.​ടി അ​ന്വേ​ഷി​ച്ച മ​റ്റു കേ​സു​ക​ളി​ൽ പ്ര​ശ്ന​മൊ​ന്നു​മി​ല്ല​ല്ലോ എ​ന്ന് നി​രീ​ക്ഷി​ച്ച​ത്.

ഹ​ര​ജി സം​ബ​ന്ധി​ച്ച വി​ധി​യി​ൽ ചോ​ദ്യ​ങ്ങ​ൾ ബാ​ക്കി​യാ​ണ് എ​ന്ന​തി​ന​പ്പു​റം, കേ​സി​ൽ സ​കി​യ​യെ സ​ഹാ​യി​ച്ച ടീ​സ്റ്റ സെ​റ്റ​ൽ​വാ​ദി​നും മ​റ്റു​മെ​തി​രെ കോ​ട​തി ന​ട​ത്തി​യ പ​രാ​മ​ർ​ശം ഞെ​ട്ടി​ക്കു​ന്ന​താ​ണ്. ഉ​ന്ന​ത​രു​ടെ അ​നീ​തി​ക്കും അ​ന്യാ​യ​ത്തി​നു​മെ​തി​രെ കോ​ട​തി​യെ സ​മീ​പി​ക്കേ​ണ്ട​തി​ല്ല എ​ന്ന സ​ന്ദേ​ശം ഇ​തി​നേ​ക്കാ​ൾ ശ​ക്ത​മാ​യി പ​റ​യാ​നാ​കി​ല്ല-​കോ​ട​തി അ​ത് ഉ​ദ്ദേ​ശി​ച്ചി​രി​ക്കി​ല്ലെ​ങ്കി​ലും. ഭ​ര​ണ​കൂ​ട​ത്തി​ന്റെ ശ​ബ്ദ​മാ​യി ഇ​തി​ലും വ്യ​ക്ത​മാ​യി ജു​ഡീ​ഷ്യ​റി​ക്ക് സ്വ​യം അ​ട​യാ​ള​പ്പെ​ടു​ത്താ​നാ​കി​ല്ല-​കോ​ട​തി അ​ത് ഉ​ദ്ദേ​ശി​ച്ചി​രി​ക്കി​ല്ലെ​ങ്കി​ലും. നീ​തി തേ​ടു​ന്ന​വ​ർ​ക്ക് താ​ങ്ങാ​യി നി​ൽ​ക്കു​ന്ന​വ​രെ വേ​ട്ട​യാ​ടാ​ൻ ഭ​ര​ണ​കൂ​ട​ത്തി​ന് വ​ഴി​യൊ​രു​ക്ക​ണ​മെ​ന്നും കോ​ട​തി ഉ​ദ്ദേ​ശി​ച്ചി​രി​ക്കി​ല്ല - പ​ക്ഷേ, ടീ​സ്റ്റ​യെ​യും ആ​ർ.​ബി. ശ്രീ​കു​മാ​റി​നെ​യും സ​ഞ്ജ​യ്ഭ​ട്ടി​നെ​യും ഉ​ന്ന​മി​ട്ട് കേ​ന്ദ്ര ഏ​ജ​ൻ​സി​ക​ൾ ഇ​റ​ങ്ങി​യ​തോ​ടെ സം​ഭ​വി​ക്കു​ന്ന​ത് അ​താ​ണ്. എ​സ്.​ഐ.​ടി​യെ പ്ര​ശം​സി​ച്ച കോ​ട​തി, സ​ർ​ക്കാ​റി​ലെ ഉ​ന്ന​ത​ർ​ക്കെ​തി​രെ സം​സാ​രി​ച്ച​വ​രെ​യാ​ണ് ഗൂ​ഢാ​ലോ​ച​ന​ക്കാ​രാ​യി ക​ണ്ടെ​ത്തു​ന്ന​ത്. അ​വ​രെ പ്ര​തി​ക്കൂ​ട്ടി​ലെ​ത്തി​ക്കു​ക​യാ​ണ് വേ​ണ്ട​തെ​ന്നും പ​റ​യു​ന്നു. ജ​നാ​ധി​പ​ത്യ വി​ശ്വാ​സി​ക​ളും നി​യ​മ​വി​ദ​ഗ്ധ​രും ജു​ഡീ​ഷ്യ​റി ത​ന്നെ​യും ഗൗ​ര​വ​ത്തി​ൽ ആ​ലോ​ച​ന​ക്കെ​ടു​ക്കേ​ണ്ട​താ​ണ് ഈ ​വി​ധി ഉ​യ​ർ​ത്തു​ന്ന ധ്വ​നി​ക​ളും പ്ര​ത്യാ​ഘാ​ത​ങ്ങ​ളും.

Show Full Article
TAGS:Madhyamam Editorial 2002 gujarat genocide 
News Summary - Madhyamam Editorial 27 June 2022
Next Story