ക​ശ്മീ​രി പ​ണ്ഡി​റ്റു​ക​ൾ വ​ഞ്ചി​ക്ക​പ്പെ​ടു​മ്പോ​ൾ

ക​ന​ൽ​പോ​ലെ സൂ​ക്ഷി​ച്ച മു​സ്‍ലിം​വി​രോ​ധം ആ​ളി​ക്ക​ത്തി​ക്കാ​ൻ ഈ​യി​ടെ സം​ഘ്പ​രി​വാ​ർ ഉ​പ​ക​ര​ണ​മാ​ക്കി​യ​ത് ഒ​രു പ്രോ​പ​ഗ​ണ്ട സി​നി​മ​യെ​യാ​യി​രു​ന്നു. തൊ​ണ്ണൂ​റു​ക​ളി​ൽ താ​ഴ്വ​ര​യി​ൽ ക​ശ്മീ​രി പ​ണ്ഡി​റ്റു​ക​ൾ നേ​രി​ട്ട തീ​വ്ര​വാ​ദി ആ​ക്ര​മ​ണ​ങ്ങ​ളും പ​ലാ​യ​ന​വും സം​ബ​ന്ധി​ച്ച് വ്യാ​ജ ആ​ഖ്യാ​ന​ങ്ങ​ളും ക​ള്ള​ങ്ങ​ളും കു​ത്തി​നി​റ​ച്ച് നി​ർ​മി​ച്ച സി​നി​മ​ക്ക് പ്ര​ധാ​ന​മ​ന്ത്രി​യും കേ​ന്ദ്ര​മ​ന്ത്രി​മാ​രും മു​ഖ്യ​മ​ന്ത്രി​മാ​രും പ്ര​ചാ​ര​ക​രാ​യി. ബി.​ജെ.​പി ഭ​രി​ക്കു​ന്ന എ​ട്ട് സം​സ്ഥാ​ന​ങ്ങ​ൾ നി​കു​തി ഇ​ള​വ് പ്ര​ഖ്യാ​പി​ച്ച​പ്പോ​ൾ സി​നി​മ കാ​ണാ​ൻ ജീ​വ​ന​ക്കാ​ർ​ക്ക് പ​കു​തി ദി​വ​സം അ​വ​ധി ന​ൽ​കി അ​സം സ​ർ​ക്കാ​ർ. കൈ​യ​യ​ച്ചു​ള്ള ഈ ​പ്രോ​ത്സാ​ഹ​നം ല​ക്ഷ്യ​വും ക​ണ്ടു. പ്ര​ദ​ർ​ശ​ന​ശേ​ഷം തി​യ​റ്റ​റു​ക​ളി​ൽ മു​ഴ​ങ്ങി​യ പ്ര​കോ​പ​നം നി​റ​ഞ്ഞ മു​ദ്രാ​വാ​ക്യ​ങ്ങ​ളു​ടെ​യും ക​ലാ​പാ​ഹ്വാ​ന​ങ്ങ​ളു​ടെ​യും തു​ട​ർ​ച്ച​യാ​യി​രു​ന്നു ത​ല​സ്ഥാ​ന ന​ഗ​രി​യി​ലു​ൾ​പ്പെ​ടെ വ​ട​ക്കെ ഇ​ന്ത്യ​യു​ടെ പ​ല ഭാ​ഗ​ങ്ങ​ളി​ലും ക​ർ​ണാ​ട​ക​ത്തി​ലു​മെ​ല്ലാം മാ​ർ​ച്ച്-​ഏ​പ്രി​ൽ മാ​സ​ങ്ങ​ളി​ൽ ന​ട​മാ​ടി​യ മു​സ്‍ലിം വി​രു​ദ്ധ അ​തി​ക്ര​മ​ങ്ങ​ൾ. മു​സ്‍ലിം വി​രോ​ധ​ത്തി​ന് കൊ​ഴു​പ്പു​കൂ​ട്ടാ​ൻ സി​നി​മ​യി​ൽ​നി​ന്ന് മു​റി​ച്ചെ​ടു​ത്ത തു​ണ്ടു​ക​ൾ സ​മൂ​ഹ​മാ​ധ്യ​മ​ങ്ങ​ളി​ലെ കാ​വി​പ്പ​ട ഗ്രൂ​പ്പു​ക​ൾ ഇ​പ്പോ​ഴും പ്ര​ച​രി​പ്പി​ക്കു​ന്നു.

ക​ശ്മീ​രി​ന് പ്ര​ത്യേ​ക​പ​ദ​വി ന​ൽ​കു​ന്ന ഭ​ര​ണ​ഘ​ട​ന​യു​ടെ 370ാം വ​കു​പ്പ് റ​ദ്ദാ​ക്കി​യ​ത് ഭീ​ക​ര​വാ​ദം ത​ട​യാ​നും പ​ണ്ഡി​റ്റു​ക​ളെ തി​രി​ച്ചെ​ത്തി​ക്കാ​നു​മാ​ണെ​ന്ന സ​ർ​ക്കാ​ർ അ​വ​കാ​ശ​വാ​ദ​ത്തെ സി​നി​മ ശ​രി​വെ​ച്ച​പ്പോ​ൾ ബു​ദ്ധി​പ​ര​മോ ച​രി​ത്ര​പ​ര​മോ ആ​യ സ​ത്യ​സ​ന്ധ​ത​യി​ല്ലാ​ത്ത നി​ർ​മി​തി​യാ​ണീ ചി​ത്ര​മെ​ന്ന് താ​ഴ്വ​ര​യി​ൽ താ​മ​സി​ക്കു​ന്ന​വ​രും പ​ലാ​യ​നം ചെ​യ്ത​വ​രു​മാ​യ ക​ശ്മീ​രി പ​ണ്ഡി​റ്റു​ക​ൾ വി​ളി​ച്ചു​പ​റ​ഞ്ഞി​രു​ന്നു. വ്യാ​ജം നി​റ​ഞ്ഞ ഇ​ത്ത​ര​മൊ​രു ആ​ഖ്യാ​ന​ത്തി​നു പി​ന്നി​ൽ കൃ​ത്യ​മാ​യ രാ​ഷ്ട്രീ​യ താ​ൽ​പ​ര്യ​ങ്ങ​ൾ മാ​ത്ര​മാ​ണെ​ന്നും സി​നി​മ ത​ങ്ങ​ളെ കൂ​ടു​ത​ൽ അ​ര​ക്ഷി​ത​ത്വ​ത്തി​ലേ​ക്കാ​ണ് ന​യി​ക്കു​ക​യെ​ന്നു​മു​ള്ള അ​വ​രു​ടെ മു​ന്ന​റി​യി​പ്പ് പ​ക്ഷേ, ക​ലാ​പ​മു​ദ്രാ​വാ​ക്യ​ങ്ങ​ൾ​ക്കി​ട​യി​ൽ മു​ങ്ങി​പ്പോ​യി.

തെ​ര​ഞ്ഞെ​ടു​പ്പു റാ​ലി​ക​ളി​ൽ ക​ശ്മീ​രി​നെ മ​റ​യാ​ക്കി വ​ർ​ഗീ​യ ധ്രു​വീ​ക​ര​ണം വ്യാ​പി​പ്പി​ക്കു​ക​യും പ്ര​ത്യേ​ക പ​ദ​വി റ​ദ്ദാ​ക്കു​ക​യും കൂ​ടു​ത​ൽ സൈ​നി​ക​വ​ത്ക​രി​ക്കു​ക​യും അ​ടി​സ്ഥാ​ന പൗ​രാ​വ​കാ​ശ​ങ്ങ​ൾ പോ​ലും നി​ഷേ​ധി​ക്കു​ക​യും ചെ​യ്തു​വെ​ന്ന​ല്ലാ​തെ കേ​ന്ദ്ര​ഭ​ര​ണം ല​ഭി​ച്ച് എ​ട്ടു വ​ർ​ഷ​മാ​യി​ട്ടും ഭീ​ക​ര​വാ​ദം ഇ​ല്ലാ​താ​ക്കി സ​മാ​ധാ​നം പു​നഃ​സ്ഥാ​പി​ക്കാ​ൻ ഒ​രു നീ​ക്ക​വും ബി.​ജെ.​പി ന​ട​ത്തി​യി​ട്ടി​ല്ല. നി​ര​വ​ധി നി​ര​പ​രാ​ധി​ക​ളു​ടെ ജീ​വ​ൻ പൊ​ലി​ഞ്ഞു​കൊ​ണ്ടി​രി​ക്കു​ന്നു. ഈ ​മാ​സം 12ന് ​ബ​ഡ്​​ഗാം ജി​ല്ല​യി​ലെ ച​ദൂ​ര​യി​ലു​ള്ള റ​വ​ന്യൂ ഓ​ഫി​സി​ൽ ഇ​ര​ച്ചു​ക​യ​റി​യാ​ണ് സ​ർ​ക്കാ​ർ ഉ​ദ്യോ​ഗ​സ്ഥ​നാ​യ രാ​ഹു​ൽ ഭ​ട്ടി​നെ ഭീ​ക​ര​ർ വെ​ടി​വെ​ച്ചു​കൊ​ന്ന​ത്. പ്ര​ധാ​ന​മ​ന്ത്രി​യു​ടെ​യും ആ​ഭ്യ​ന്ത​ര​മ​ന്ത്രി​യു​ടെ​യും അ​വ​കാ​ശ​വാ​ദ​ങ്ങ​ൾ​ക്കി​ട​യി​ൽ ക​ശ്മീ​രി പ​ണ്ഡി​റ്റു​ക​ൾ​ക്കെ​തി​രെ ഈ ​വ​ർ​ഷം ന​ട​ക്കു​ന്ന മൂ​ന്നാ​മ​ത്തെ ഭീ​ക​രാ​ക്ര​മ​ണം. കേ​ന്ദ്ര​സ​ർ​ക്കാ​റി​ന്റെ പ്ര​ത്യേ​ക തൊ​ഴി​ൽ​പ​ദ്ധ​തി പ്ര​കാ​രം 2010ൽ ​താ​ഴ്വ​ര​യി​ലേ​ക്ക് മ​ട​ങ്ങി വ​ന്ന​യാ​ളാ​ണ് രാ​ഹു​ൽ. അ​ഞ്ചു ല​ക്ഷം രൂ​പ​യും അ​വ​കാ​ശി​ക്ക് നാ​ലാം ഗ്രേ​ഡ് ജോ​ലി​യും ന​ഷ്ട​പ​രി​ഹാ​ര​മാ​യി ന​ൽ​കാം എ​ന്ന സ​ർ​ക്കാ​റി​ന്റെ വാ​ഗ്ദാ​നം അ​ദ്ദേ​ഹ​ത്തി​ന്റെ കു​ടും​ബം നി​ര​സി​ച്ചു. മാ​ത്ര​മ​ല്ല, ജീ​വ​ന് സു​ര​ക്ഷ ന​ൽ​കാ​ൻ ക​ഴി​യി​ല്ലെ​ന്നാ​കി​ൽ ത​ങ്ങ​ളു​ടെ രാ​ജി സ്വീ​ക​രി​ക്ക​ണ​മെ​ന്ന് സ​ർ​ക്കാ​ർ ജീ​വ​ന​ക്കാ​രാ​യ 350 ഓ​ളം ക​ശ്മീ​രി പ​ണ്ഡി​റ്റു​ക​ൾ ല​ഫ്. ഗ​വ​ർ​ണ​ർ മ​നോ​ജ് സി​ൻ​ഹ​യോ​ട് ആ​വ​ശ്യ​പ്പെ​ടു​ക​യും ചെ​യ്തു.

ജോ​ലി​യും സു​ര​ക്ഷ​യും വാ​ഗ്ദാ​നം ചെ​യ്താ​ണ് സ​ർ​ക്കാ​ർ ക​ശ്മീ​രി പ​ണ്ഡി​റ്റു​ക​ളെ താ​ഴ്വ​ര​യി​ലേ​ക്ക് തി​രി​ച്ചു​വ​രാ​ൻ പ്രേ​രി​പ്പി​ക്കു​ന്ന​ത്. എ​ന്നാ​ൽ, ബി.​ജെ.​പി നേ​താ​ക്ക​ളു​ടെ ബ​ന്ധു​ക്ക​ളും ഇ​ഷ്ട​ക്കാ​രു​മാ​യ സ​ർ​ക്കാ​ർ ജീ​വ​ന​ക്കാ​ർ​ക്ക് ജ​മ്മു​വി​ലേ​ക്ക് സ്ഥ​ലം മാ​റ്റം ന​ൽ​കി സു​ര​ക്ഷ ഉ​റ​പ്പാ​ക്കു​മ്പോ​ൾ സ്വാ​ധീ​ന​വും പി​ൻ​ബ​ല​വു​മി​ല്ലാ​ത്ത ക​ശ്മീ​രി പ​ണ്ഡി​റ്റു​ക​ൾ​ക്ക് മ​ര​ണ​നി​ഴ​ലി​ലെ ജീ​വി​ത​മാ​ണ് വി​ധി​ച്ചി​രി​ക്കു​ന്ന​തെ​ന്ന് അ​വ​രു​ടെ കൂ​ട്ടാ​യ്മ​ക​ൾ ചൂ​ണ്ടി​ക്കാ​ട്ടു​ന്നു. വി​വ​രാ​വ​കാ​ശ നി​യ​മ​പ്ര​കാ​രം ശേ​ഖ​രി​ച്ച സ്ഥ​ലം​മാ​റ്റ​ത്തി​ന്റെ​യും നി​യ​മ​ന​ത്തി​ന്റെ​യും ക​ണ​ക്കു​ക​ൾ അ​വ​രു​ടെ ആ​രോ​പ​ണം ശ​രി​വെ​ക്കു​ന്നു​മു​ണ്ട്. മ​ട​ങ്ങി വ​ന്ന​വ​ർ മാ​ത്ര​മ​ല്ല, ഭീ​ക​ര​വാ​ദം ശ​ക്തി​രൂ​പം പ്രാ​പി​ച്ച തൊ​ണ്ണൂ​റു​ക​ളി​ൽ​പോ​ലും ക​ശ്മീ​ർ വി​ട്ടു​പോ​കാ​ൻ കൂ​ട്ടാ​ക്കാ​തി​രു​ന്ന പ​ല കു​ടും​ബ​ങ്ങ​ളും നാ​ടു​വി​ടു​ന്ന​തി​നെ​ക്കു​റി​ച്ച് ഇ​പ്പോ​ൾ ആ​ലോ​ചി​ക്കു​ന്നു​വെ​ന്നു വ​രി​കി​ൽ സാ​ഹ​ച​ര്യം അ​ത്യ​ന്തം ഗു​രു​ത​രം ത​ന്നെ. ച​ദൂ​ര കൊ​ല​പാ​ത​ക​ത്തി​ന് ശേ​ഷം ശ്രീ​ന​ഗ​റി​ലെ ലാ​ൽ​ചൗ​ക്കി​ലു​ൾ​പ്പെ​ടെ കേ​ന്ദ്ര​സ​ർ​ക്കാ​റി​നെ​തി​രെ പ​ണ്ഡി​റ്റു​ക​ൾ നി​ര​വ​ധി പ്ര​തി​ഷേ​ധ​ധ​ർ​ണ ന​ട​ത്തി. പ്ര​തി​ഷേ​ധ​ക്കാ​രെ അ​നു​ഭാ​വ​വും ആ​ശ്വാ​സ​വാ​ക്കും കൊ​ണ്ട​ല്ല, ലാ​ത്തി​ച്ചാ​ർ​ജും ക​ണ്ണീ​ർ വാ​ത​ക​വും പ്ര​യോ​ഗി​ച്ചാ​ണ് ഭ​ര​ണ​കൂ​ടം നേ​രി​ട്ട​ത്.

സി​നി​മ​യു​ടെ പ്ര​ചാ​ര​ണ​വേ​ള​യി​ൽ പ​ണ്ഡി​റ്റു​ക​ളു​ടെ പേ​രി​ൽ ബി.​ജെ.​പി ഉ​ന്ന​ത​ർ ഒ​ഴു​ക്കി​യ ക​ണ്ണു​നീ​ർ വ്യാ​ജ​മാ​യി​രു​ന്നു​വെ​ന്ന് ഈ ​നി​ല​പാ​ട് കൂ​ടു​ത​ൽ വ്യ​ക്ത​മാ​ക്കു​ന്നു. ക​ശ്മീ​രി പ​ണ്ഡി​റ്റു​ക​ളു​ടെ ദു​ര​വ​സ്ഥ ത​ങ്ങ​ളു​ടെ വ​ർ​ഗീ​യ അ​ജ​ണ്ട ന​ട​പ്പാ​ക്കാ​നും ധ്രു​വീ​ക​ര​ണം ശ​ക്തി​പ്പെ​ടു​ത്തി വോ​ട്ടു​റ​പ്പി​ക്കാ​നു​മു​ള്ള ചീ​ട്ടു മാ​ത്ര​മാ​യാ​ണ് അ​വ​ർ കാ​ണു​ന്ന​ത്. ക​ശ്മീ​രി​ന്റെ സ​മാ​ധാ​ന​മോ നി​ര​പ​രാ​ധി​ക​ളു​ടെ ജീ​വ​നോ വ​ർ​ഗീ​യ ഫാ​ഷി​സ്റ്റ് ഭ​ര​ണ​കൂ​ടം ആ​ഗ്ര​ഹി​ക്കു​ന്നി​ല്ല. അ​വി​ടത്തെ ജ​ന​ങ്ങ​ൾ​ക്കി​ട​യി​ലു​ള്ള പ​ര​സ്പ​ര വി​ശ്വാ​സം ദു​ർ​ബ​ല​പ്പെ​ടു​ത്തു​ന്ന​തി​ലാ​ണ് വ​ർ​ഗീ​യ ശ​ക്തി​ക​ളു​ടെ​യും ഭീ​ക​ര​സം​ഘ​ട​ന​ക​ളു​ടെ​യും ശ്ര​ദ്ധ. അ​വ​ർ ല​ക്ഷ്യം സാ​ധ്യ​മാ​ക്കി മു​ന്നോ​ട്ടു നീ​ങ്ങും തോ​റും ഇ​ന്ത്യ എ​ന്ന ആ​ശ​യ​മാ​ണ് ദു​ർ​ബ​ല​പ്പെ​ടു​ക. ഭീ​ക​ര​വാ​ദി​ക​ളു​ടെ​യോ സ​ർ​ക്കാ​റി​ന്റെ​യോ ക​നി​വി​നു കാ​ത്തു​നി​ൽ​ക്കാ​തെ പ​ണ്ഡി​റ്റു​ക​ളു​ടെ സു​ര​ക്ഷ​ക്കാ​യി സം​സാ​രി​ക്കാ​ൻ താ​ഴ്വ​ര​യി​ലെ ജ​ന​ങ്ങ​ളും സ​മാ​ധാ​ന​കാം​ക്ഷി​ക​ളാ​യ രാ​ജ്യ​ത്തെ ഓ​രോ മ​നു​ഷ്യ​രും മു​ന്നോ​ട്ടു വ​രേ​ണ്ട സ​മ​യ​മാ​ണി​ത്.