Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_rightഗസ്സയിൽ വെടിയൊച്ച...

ഗസ്സയിൽ വെടിയൊച്ച നില​ക്കു​േമ്പാൾ

text_fields
bookmark_border
Madhyamam edit-Gaza ceasefire
cancel




പതിനൊന്നു ദിവസം നീണ്ട ആക്രമണത്തിനു ശേഷം ഗസ്സയിൽ വെടിനിർത്താൻ ഇസ്രായേലും പ്രത്യാക്രമണത്തിനു വിരാമമിടാൻ ഫലസ്​തീനിലെ ചെറുത്തുനിൽപു പ്രസ്ഥാനം ഹമാസും തീരുമാനിച്ചതോടെ പശ്ചിമേഷ്യയിൽ തൽക്കാലം പുകയടങ്ങുമെന്നു കരുതാം. ഇൗജിപ്​തി​െൻറയും ഖത്തറി​െൻറയും മാധ്യസ്ഥ്യത്തിലുള്ള 'നിരുപാധിക ഉഭയകക്ഷി' വെടിനിർത്തലിന്​ വ്യാഴാഴ്​ച ഇസ്രായേലി​െൻറ സുരക്ഷ കാബിനറ്റ്​ ഏകകണ്​ഠമായി അംഗീകരിച്ചു. വെള്ളിയാഴ്​ച പുലർച്ചയോടെ വെടിനിർത്തൽ നിലവിൽ വന്നതായി ഹമാസും ഫലസ്​തീൻ ഇസ്​ലാമിക്​ ജിഹാദും അറിയിച്ചു. 65 പിഞ്ചുകുഞ്ഞുങ്ങളും 39 സ്​ത്രീകളുമടക്കമുള്ള 232 ഫലസ്​തീൻകാരുടെയും ഇസ്രായേലിൽ ഒരു മലയാളിയടക്കം 12 പേരുടെയും ജീവനെടുക്കുകയും ഗസ്സ എന്ന കൊച്ചു ഫലസ്​തീൻ ഭൂഭാഗത്തെ മരണമുനമ്പാക്കി മാറ്റുകയും ചെയ്​ത, 2014നു ശേഷമുള്ള ഏറ്റവും ക്രൂരമായ രക്തച്ചൊരിച്ചിലിനാണ്​​ ഇ​സ്രായേൽ അന്ത്യം കുറിച്ചിരിക്കുന്നത്​. അന്താരാഷ്​ട്ര സമ്മർദത്തി​െൻറ ഫലമായി ഇസ്രായേൽ ആക്രമണം അവസാനിപ്പിച്ചതിൽ ഗസ്സയിലും ഫലസ്​തീനിൽ മുഴുക്കെയും ആഹ്ലാദം അലയടിച്ചു. അമേരിക്കയും യൂറോപ്യൻ രാഷ്​ട്രങ്ങളും ​െഎക്യരാഷ്​ട്രസഭയും ഇസ്രായേലി​െൻറ ​നിരുപാധിക ​വെടിനിർത്തലി​െന സ്വാഗതം ചെയ്​തിട്ടുണ്ട്​.

ഫലസ്​തീനി കുടുംബങ്ങളെ ശൈഖ്​ ജർറാഹ് പ്രദേശത്തുനിന്ന്​ നിർബന്ധപൂർവം ആട്ടിയോടിക്കാനുള്ള ​ഇസ്രായേൽ സേനയുടെ ശ്രമമാണ്​ ഇത്തവണ സംഘർഷങ്ങൾക്കു തുടക്കമിട്ടത്​. അതുകൊണ്ടും നിർത്താതെ കഴി​ഞ്ഞ മേയ്​ 10ന്​ ലോക മുസ്​ലിംകൾ വിശുദ്ധമായി പരിഗണിക്കുന്ന അൽഅഖ്​സ പള്ളി ഇസ്രായേൽ സേന കൈയേറി. അന്നു തുടങ്ങിയ സംഘർഷം ഇരുഭാഗത്തെയും സിവിലിയന്മാരെയാണ്​ കൂടുതലായും ബാധിച്ചത്​. ഗസ്സ എന്ന കൊച്ചുമുനമ്പിനെ നിശ്ശേഷം തകർത്തു തരിപ്പണമാക്കാനുള്ള ശ്രമമാണ്​ ആക്രമണത്തിലുടനീളം ഇസ്രായേൽ പുലർത്തിയത്​. അതാണ്​ അമേരിക്കയടക്കമുള്ളവരുടെ അന്തർ ദേശീയ സമ്മർ​ദത്തിനു വഴങ്ങാൻ ഇസ്രായേലിനെ നിർബന്ധിച്ചതും. ഒപ്പം മുൻ അനുഭവങ്ങളിൽനിന്ന്​ വ്യത്യസ്​തമായി ജറൂസലമി​നു നേരെ ​േറാക്കറ്റുകൾ വർഷിച്ച്​ ഹമാസ്​ ഇത്തവണ പ്രത്യാക്രമണം രൂക്ഷമാക്കിയിരുന്നു. അതുവഴിയുണ്ടായ ആൾനാശം ചുരുക്കമെങ്കിലും ഇസ്രായേലിനെ ഞെട്ടിച്ചു. ഒപ്പം ഇസ്രായേലിനകത്തുതന്നെ രൂപം കൊണ്ട വംശീയസംഘർഷങ്ങൾ ഗസ്സയെ ആക്രമിച്ച്​ ആധിപത്യം ഉറപ്പിക്കാനുള്ള ബിന്യമിൻ നെതന്യാഹുവി​െൻറ കണക്കുകൂട്ടലുകൾ തെറ്റിച്ചു. ഇസ്രായേലി​ൽ ശുചീകരണത്തിനും ജറൂസലമിലേതടക്കം നിർമാണ മേഖലയിലും ഫലസ്​തീൻ തൊഴിലാളികൾ പണിയെടുക്കുന്നുണ്ട്. ഇൗ വിഭാഗങ്ങൾ പണിമുടക്കി പ്രതിഷേധത്തിനിറങ്ങിയത്​ ഇസ്രായേലിൽ ഭരണവിരുദ്ധ വികാരമുണർത്തി. തൊഴിലാളികളുടെ പണിമുടക്കുകാരണം നിർ​മാണ മേഖലയിൽ നാലു കോടി യു.എസ്​ ഡോളറി​െൻറ നഷ്​ടമുണ്ടായതായി ഇ​സ്രായേൽ ബിൽഡേഴ്​സ്​ അസോസിയേഷൻ കഴിഞ്ഞ ദിവസം കുറ്റപ്പെടുത്തിയിരുന്നു. ഹമാസി​െൻറ ശക്തിയൊടിക്കാൻ എന്നു പറഞ്ഞു നടത്തിയ ആക്രമണങ്ങളെല്ലാം ഗസ്സയിൽ വൻ സിവിലിയൻനാശത്തിലും സ്വത്തുനഷ്​ടത്തിലുമാണ്​ കലാശിച്ചത്​. എല്ലാം കഴിഞ്ഞും പ്രതിയോഗിയുടെ വിഭവശേഷിയെ സംബന്ധിച്ച തിട്ടവിവരമില്ലാതെ പിൻവലിയാൻ നിർബന്ധിതരായ ഇ​സ്രായേലി​െൻറ നിസ്സഹായത സ്വന്തം മാധ്യമങ്ങൾ തന്നെ വെളിപ്പെടുത്തി​. ഇൗ പ്രതികൂല സാഹചര്യങ്ങളിലാണ്​ ഇസ്രായേൽ പിന്തിരിയാൻ നിർബന്ധിതമായത്​.

ഇസ്രായേലി​െൻറ പിൻവാങ്ങൽ തന്ത്രപരവും രാഷ്​ട്രീയവുമായ പരാജയമാ​െണന്ന്​ രാജ്യത്തിനകത്തുനിന്നുതന്നെ വിമർശനമുയർന്നു കഴിഞ്ഞു. 'ഒാപറേഷൻ ഗാർഡിയൻ ഒാഫ്​ വാൾസ്​' എന്നു പേരിട്ടുവിളിച്ച ​ഇസ്രായേൽ ആക്രമണത്തിനു ഹമാസിനെയും അവരുടെ പ്രതിരോധ സംവിധാനങ്ങളെയും അടുത്ത അഞ്ചുവർഷത്തേക്കെങ്കിലും നാമാവശേഷമാക്കുക എന്ന ലക്ഷ്യമായിരുന്നു തെൽഅവീവ്​ നിർണയിച്ചിരുന്നത്​. എന്നാൽ, പതിവിനു വിപരീതമായി ഇസ്രായേലി​െൻറ നൂതനമായ അയേൺ ഡോം പ്രതിരോധ കവചത്തെയും മറികടന്നാണ്​ ഗസ്സയിൽനിന്നുള്ള റോക്കറ്റുകൾ ജറൂസലമിൽ പതിച്ചത്​. ഇസ്രായേലി​െൻറ അസൂയാർ​ഹമെന്നു വിശേഷിപ്പിക്കപ്പെട്ട ഇൻറലിജൻസ്​ പ്രതിരോധ സംവിധാനങ്ങളെ അപ്രസക്തമാക്കാൻ കഴിഞ്ഞതി​െൻറ ആഹ്ലാദപ്രകടനമാണ്​ ​െവടിനിർത്തലിനെ തുടർന്ന്​ ഗസ്സയിലും ഫലസ്​തീനിലും കണ്ടത്​. വൻതോതിലുള്ള ആളപായത്തിന്​ ഇരുപക്ഷത്തും ഇടയാക്കുന്ന മാരകമായ ഒരു സൈനികനീക്കത്തിന്​ ഇസ്രായേലി ജനതയിൽ പകുതിയിലേറെ പേർക്കും സമ്മതമുണ്ടായിരുന്നില്ലെന്നും ത​െൻറ വ്യക്തിനിഷ്​ഠമായ രാഷ്​ട്രീയ താൽപര്യങ്ങൾക്കായി കരുതിക്കൂട്ടിയുണ്ടാക്കിയ ഇപ്പോഴത്തെ ആക്രമണത്തിലൂടെ നെതന്യാഹു, ഉള്ള വിശ്വാസവും കളഞ്ഞുകുളിച്ചെന്നും ​​ഇസ്രായേലി പത്രമായ 'ഹാരെറ്റ്​സ്​' വിമർശിച്ചിരുന്നു. ഇങ്ങനെ ഒ​േട്ടറെ സമ്മർദങ്ങൾക്കൊടുവിൽ ഇസ്രായേൽ പിന്തിരിയ​ു​േമ്പാഴും ഫലസ്​തീനിലെ സമാധാനം ഇനിയും കടങ്കഥയായി തുടരാനാണിട. ഇസ്രായേലിനും ഫലസ്​തീനും സമാധാനപൂർവം സഹവർത്തിക്കാൻ കഴിയുന്ന അന്തരീക്ഷം സൃഷ്​ടിക്കാനുള്ള ശ്രമത്തിലാണ്​ തങ്ങൾ എന്ന്​ അമേരിക്കയും മാധ്യസ്ഥ്യത്തിനു മുതിർന്ന ഇൗജിപ്​തുമൊക്കെ പറയുന്നു. എന്നാൽ, 1948ൽ രാഷ്​ട്രം രൂപം കൊണ്ടതു മുതൽ അധിനിവേശ ഭീകരത നയമായി സ്വീകരിച്ച ഇസ്രായേലിനെ പിടിച്ചുകെട്ടാനും ഫലസ്​തീൻ ജനതക്ക്​ സ്വാതന്ത്ര്യവും ജീവിതവും തിരിച്ചുനൽകാനും ആര്​, എങ്ങനെ മുൻകൈയെടുക്കുമെന്നതാണ്​ ചോദ്യം. ഇപ്പോഴത്തെ വെടിനിർത്തലി​െൻറ താൽക്കാലികാശ്വാ​സവും കെടുത്തുന്ന ആ ചോദ്യത്തിനു മറുപടിയാകു​േമ്പാഴേ ഫലസ്​തീനും ലോകത്തിനും ശാശ്വതസമാധാനം ലഭിക്കൂ.

Show Full Article
TAGS:madhyamam editorial Gaza ceasefire israel attack 
News Summary - Madhyamam editorial 22nd May 2021
Next Story