ക​ർ​സേ​വ​ക്ക് വേ​ദി​യൊ​രു​ക്കു​ന്ന ഫേ​സ്ബു​ക്ക്​

ഏ​താ​നും ദി​വ​സം​മു​മ്പ്, തെ​ര​ഞ്ഞെ​ടു​പ്പ് രാ​ഷ്ട്രീ​യ​ത്തി​ൽ സോ​ഷ്യ​ൽ മീ​ഡി​യ​യു​ടെ ഇ​ട​പെ​ട​ലു​ക​ളെ​ക്കു​റി​ച്ച് കോ​ൺ​ഗ്ര​സ് അ​ധ്യ​ക്ഷ സോ​ണി​യ ഗാ​ന്ധി പാ​ർ​ല​​മെ​ന്റി​ൽ ന​ട​ത്തി​യ പ്ര​സം​ഗം ഗൗ​ര​വ​മാ​യ ച​ർ​ച്ച അ​ർ​ഹി​ക്കു​ന്നു​വെ​ങ്കി​ലും പൊ​തു​വി​ൽ ന​മ്മു​ടെ മാ​ധ്യ​മ​ങ്ങ​ൾ അ​ത് അ​വ​ഗ​ണി​ക്കു​ക​യാ​യി​രു​ന്നു. ഫേ​സ്ബു​ക്ക്, ട്വി​റ്റ​ർ തു​ട​ങ്ങി​യ ന​വ സ​മൂ​ഹ​മാ​ധ്യ​മ​ങ്ങ​ൾ അ​ധി​കാ​രി വ​ർ​ഗ​ത്തി​ന്റെ ഇം​ഗി​ത​ങ്ങ​ൾ​ക്ക​നു​സ​രി​ച്ച് തെ​ര​ഞ്ഞെ​ടു​പ്പു​ക​ളെ ഹാ​ക്ക് ചെ​യ്യു​ന്നു​വെ​ന്നാ​യി​രു​ന്നു ശൂ​ന്യ​വേ​ള​യി​ൽ അ​വ​ത​രി​പ്പി​ച്ച സ​ബ്മി​ഷ​ന്റെ ര​ത്ന​ച്ചു​രു​ക്കം. അ​ഞ്ചു സം​സ്ഥാ​ന​ങ്ങ​ളി​ൽ ന​ട​ന്ന തെ​ര​ഞ്ഞെ​ടു​പ്പ് ഫ​ലം പു​റ​ത്തു​വ​ന്ന് ഏ​റെ ക​ഴി​യും മു​മ്പേ​യാ​യി​രു​ന്നു ഈ ​പ്ര​സം​ഗ​​മെ​ന്ന​തി​നാ​ൽ, അ​ടു​ത്തി​ടെ​യു​ണ്ടാ​യ കോ​ൺ​ഗ്ര​സി​ന്റെ ദ​യ​നീ​യ പ​രാ​ജ​യ​ങ്ങ​ൾ സോ​ഷ്യ​ൽ മീ​ഡി​യ​യു​ടെ ത​ല​യി​ൽ കെ​ട്ടി​വെ​ക്കാ​നു​ള്ള പാ​ർ​ട്ടി അ​ധ്യ​ക്ഷ​യു​ടെ അ​ട​വാ​യി​ട്ടാ​ണ് ഇ​തി​നെ പ​ല ദേ​ശീ​യ​മാ​ധ്യ​മ​ങ്ങ​ളും വി​ല​യി​രു​ത്തി​യ​ത്. അ​തു​കൊ​ണ്ടു​ത​ന്നെ, കാ​ര്യ​മാ​യ മാ​ധ്യ​മ​ശ്ര​ദ്ധ ല​ഭി​ച്ചി​ല്ലെ​ന്നു മാ​ത്ര​മ​ല്ല, ആ ​ഇ​ട​പെ​ട​ലി​ന്റെ പേ​രി​ൽ അ​വ​ർ വി​മ​ർ​ശി​ക്ക​പ്പെ​ടു​ക​യും ഒ​രു​വേ​ള അ​പ​ഹാ​സ്യ​യാ​വു​ക​യും ചെ​യ്തു. വാ​സ്ത​വ​ത്തി​ൽ അ​ങ്ങ​നെ ട്രോ​ളു​ക​ൾ​ക്ക് വി​ധേ​യ​മാ​കേ​ണ്ട ല​ളി​ത​മാ​യൊ​രു വി​ഷ​യ​മ​ല്ല സോ​ണി​യ ഉ​ന്ന​യി​ച്ച​ത്. ത​ന്റെ വാ​ദ​ത്തി​ന് ഉ​പോ​ദ്​​ബ​ല​ക​മാ​യ തെ​ളി​വു​ക​ൾ നി​ര​ത്തി​യു​ള്ള പ്ര​സം​ഗ​മാ​യി​രു​ന്നു അ​ത്. ചി​ല പ്ര​ത്യേ​ക രാ​ഷ്ട്രീ​യ പാ​ർ​ട്ടി​ക​ൾ​ക്കും അ​വ​രു​ടെ നേ​താ​ക്ക​ളു​ടെ സം​സാ​ര​ങ്ങ​ൾ​ക്കും തെ​ര​ഞ്ഞെ​ടു​പ്പു പ്ര​ചാ​ര​ണ​ങ്ങ​ൾ​ക്കു​മെ​ല്ലാം ഫേ​സ്ബു​ക്ക് സ​വി​ശേ​ഷ താ​ൽ​പ​​ര്യ​മെ​ടു​ക്കു​ന്നു​ണ്ടെ​ന്നാ​ണ് അ​ൽ​ജ​സീ​റ​യും ദി ​റി​പ്പോ​ർ​ട്ടേ​ഴ്സ് ക​ല​ക്ടി​വും പു​റ​ത്തു​വി​ട്ട വാ​ർ​ത്ത ഉ​ദ്ധ​രി​ച്ച് സോ​ണി​യ സ​മ​ർ​ഥി​ക്കാ​ൻ ശ്ര​മി​ച്ച​ത്. രാ​ജ്യ​ത്തെ ജ​നാ​ധി​പ​ത്യ സം​വി​ധാ​ന​ത്തെ ത​ക​ർ​ക്കാ​ൻ തീ​ർ​ത്തും ആ​സൂ​ത്രി​ത​മാ​യി ന​വ സ​മൂ​ഹ​മാ​ധ്യ​മ​ങ്ങ​ളി​ൽ ന​ട​ക്കു​ന്ന ശ്ര​മ​ങ്ങ​ൾ​ക്ക് ത​ട​യി​ട​ണ​മെ​ന്നാ​ണ് സോ​ണി​യ ആ​വ​ശ്യ​പ്പെ​ട്ടി​രി​ക്കു​ന്ന​ത്.

ഇ​ത് സോ​ണി​യ​യു​ടെ മാ​ത്രം ആ​രോ​പ​ണ​മ​ല്ല; ന​വ സ​മൂ​ഹ മാ​ധ്യ​മ​ങ്ങ​ളി​ൽ ഇ​ട​പെ​ടു​ന്ന ഏ​തു ഇ​ന്ത്യ​ക്കാ​ര​ന്റെ​യും അ​നു​ഭ​വം ത​ന്നെ​യാ​ണ​ത്. ക​ഴി​ഞ്ഞ​യാ​ഴ്ച​ക​ളി​ൽ അ​ൽ​ജ​സീ​റ പു​റ​ത്തു​വി​ട്ട റി​പ്പോ​ർ​ട്ടു​ക​ൾ ആ ​അ​നു​ഭ​വ​ങ്ങ​ൾ​ക്ക് കൂ​ടു​ത​ൽ ആ​ധി​കാ​രി​ക​ത ന​ൽ​കു​ന്നു​ണ്ട്. പ​ര​സ്യ​ങ്ങ​ൾ സം​ബ​ന്ധി​ച്ച് ​ഫേ​സ്ബു​ക്കി​ന്റെ ന​യം പ​ല​പ്പോ​ഴും ബി.​ജെ.​പി​യ​ട​ക്ക​മു​ള്ള സം​ഘ്പ​രി​വാ​ർ ക​ക്ഷി​ക​ൾ​ക്ക്​ അ​നു​കൂ​ല​മാ​യി​ത്തീ​രു​ന്നു​വെ​ന്ന് പ്ര​സ്തു​ത റി​പ്പോ​ർ​ട്ട് അ​ടി​വ​ര​യി​ടു​ന്നു; തെ​ര​ഞ്ഞെ​ടു​പ്പു​ക​ളി​ൽ ആ ​പ​ര​സ്യ​ങ്ങ​ൾ വ​ലി​യ സ്വാ​ധീ​ന​വും ചെ​ലു​ത്തു​ന്നു​ണ്ട്. 2019 ഫെ​ബ്രു​വ​രി മു​ത​ൽ 2020 ന​വം​ബ​ർ വ​രെ​യു​ള്ള 22 മാ​സ​ങ്ങ​ൾ​ക്കി​ടെ ഫേ​സ്ബു​ക്കി​ൽ വ​ന്ന അ​ഞ്ചു ല​ക്ഷ​​ത്തോ​ളം രാ​ഷ്ട്രീ​യ പ​ര​സ്യ​ങ്ങ​ൾ വി​ശ​ക​ല​ന വി​ധേ​യ​മാ​ക്കി​യാ​ണ് അ​ൽ​ജ​സീ​റ റി​പ്പോ​ർ​ട്ട് ത​യാ​റാ​ക്കി​യി​രി​ക്കു​ന്ന​ത്. ഈ ​കാ​ല​ത്താ​ണ് ​ലോ​ക്സ​ഭ​യി​ലേ​ക്കും ഒ​മ്പ​തു സം​സ്ഥാ​ന​ങ്ങ​ളി​ലേ​ക്കു​മു​ള്ള തെ​ര​ഞ്ഞെ​ടു​പ്പു​ക​ൾ ന​ട​ന്ന​ത്. സം​ഘ്പ​രി​വാ​ർ പ്ര​സ്ഥാ​ന​ങ്ങ​ൾ​ക്ക് മ​റ്റു​ള്ള​വ​രേ​ക്കാ​ൾ കു​റ​ഞ്ഞ നി​ര​ക്കി​ലും കൂ​ടു​ത​ൽ അ​ള​വി​ലു​മാ​ണ് പ​ര​സ്യ​ങ്ങ​ൾ​ക്ക് സ്ഥ​ല​വും സ​മ​യ​വും അ​നു​വ​ദി​ച്ച​ത് എ​ന്നി​ട​ത്ത് തു​ട​ങ്ങു​ന്നു ഫേ​സ്ബു​ക്കി​ന്റെ 'ക​ർ​സേ​വ'. മാ​​ത്ര​വു​മ​ല്ല, സം​ഘ്പ​രി​വാ​ർ പ​ര​സ്യ​ങ്ങ​ൾ കൂ​ടു​ത​ൽ ഉ​പ​യോ​ക്താ​ക്ക​ളി​ലെ​ത്താ​ൻ അ​ൽ​ഗോ​രി​ത​ത്തി​ലും ഫേ​സ്ബു​ക്ക്​ കാ​ര്യ​മാ​യ അ​ഴി​ച്ചു​പ​ണി ന​ട​ത്തി​യെ​ന്നും റി​​പ്പോ​ർ​ട്ട് വ്യ​ക്ത​മാ​ക്കു​ന്നു. രാ​ഷ്ട്രീ​യ പാ​ർ​ട്ടി​ക​ൾ​ക്കു​പു​റ​മെ, 'അ​ഭ്യു​ദ​യ​കാം​ക്ഷി​ക​ൾ' ന​ൽ​കു​ന്ന പ​ര​സ്യ​ങ്ങ​ളു​ടെ കാ​ര്യ​ത്തി​ലു​മു​ണ്ട് ഈ ​വി​വേ​ച​നം. ആ ​ഇ​ന​ത്തി​ൽ മാ​ത്രം ബി.​​ജെ.​പി സ്ഥാ​നാ​ർ​ഥി​ക​ളു​ടെ ഫേ​സ്ബു​ക്ക്​ പ​ര​സ്യ​ങ്ങ​ൾ 130 കോ​ടി പേ​ർ വീ​ക്ഷി​ച്ചു​വെ​ന്നാ​ണ് ക​ണ​ക്ക്. ഇ​തൊ​ന്നും കേ​വ​ല പ​ര​സ്യ​ങ്ങ​ളു​മ​ല്ലെ​ന്നോ​ർ​ക്ക​ണം. വം​ശീ​യ വി​ദ്വേ​ഷ​ത്തി​ന്റെ​യും ക​ലാ​പാ​ഹ്വാ​ന​ങ്ങ​ളു​ടെ​യും വി​ഡി​യോ ശ​ക​ല​ങ്ങ​ളാ​ണ് ഫേ​സ്ബു​ക്കി​ലൂ​ടെ 'പ​ര​സ്യ'​മെ​ന്ന വ്യാ​ജേ​ന തു​ട​ർ​ച്ച​യാ​യി പ്ര​വ​ഹി​ച്ചു​കൊ​ണ്ടി​രി​ക്കു​ന്ന​ത്. ഇ​ത്ത​രം പോ​സ്റ്റു​ക​ൾ നീ​ക്കം​ചെ​യ്യ​ണ​മെ​ന്നാ​ണ് ​ന​വ സ​മൂ​ഹ​മാ​ധ്യ​മ​ങ്ങ​ളോ​ട് ഐ.​ടി നി​യ​മം അ​നു​ശാ​സി​ക്കു​ന്ന​ത്. എ​ന്നാ​ൽ, പ്ര​തി​സ്ഥാ​ന​ത്ത് ബി.​ജെ.​പി​യാ​കു​മ്പോ​ൾ നി​യ​മം നോ​ക്കു​കു​ത്തി​യാ​കു​ന്നു​വെ​ന്ന​താ​ണ് അ​നു​ഭ​വം. ലോ​ക്സ​ഭ തെ​ര​ഞ്ഞെ​ടു​പ്പ് കാ​ല​ത്ത് കോ​ൺ​ഗ്ര​സു​മാ​യി ബ​ന്ധ​പ്പെ​ട്ട 687 പോ​സ്റ്റു​ക​ൾ ഫേ​സ്ബു​ക്ക് നീ​ക്കം ചെ​യ്ത​പ്പോ​ൾ ബി.​ജെ.​പി​യു​ടേ​ത് 14 എ​ണ്ണം മാ​ത്ര​മാ​ണ്.

ഫേ​സ്ബു​ക്കി​ന് രാ​ജ്യ​ത്ത് 34​ കോ​ടി ഉ​പ​യോ​ക്താ​ക്ക​ളു​ണ്ടെ​ന്നാ​ണ് ക​ണ​ക്ക്; ഫേ​സ്ബു​ക്കി​ന്റെ ത​ന്നെ ഭാ​ഗ​മാ​യ വാ​ട്സ്​​ആ​പ്​ ഉ​പ​യോ​ഗി​ക്കു​ന്ന​ത് 40 കോ​ടി​യി​ല​ധി​കം പേ​രാ​ണ്. മേ​ൽ സൂ​ചി​പ്പി​ച്ച​വി​ധം, ഈ ​പ്ലാ​റ്റ്ഫോ​മു​ക​ൾ വ്യാ​ജ​വാ​ർ​ത്ത​ക​ളു​ടെ​യും വ​ർ​ഗീ​യ മു​ദ്രാ​വാ​ക്യ​ങ്ങ​ളു​ടെ​യും വി​ള​നി​ല​മാ​കു​മ്പോ​ൾ അ​തി​ന്റെ രാ​ഷ്​​ട്രീ​യ ഗു​ണ​ഭോ​ക്താ​ക്ക​ൾ തീ​ർ​ച്ച​യാ​യും സം​ഘ്പ​രി​വാ​റാ​യി​രി​ക്കും. കാ​ര​ണം, ആ ​പ്ര​സ്ഥാ​ന​ങ്ങ​ളു​ടെ പ്ര​ത്യ​യ​ശാ​സ്ത്രം ത​ന്നെ​യും അ​താ​ണ​​ല്ലോ. ഈ ​സം​ഘ​ത്തോ​ടാ​ണ് ജ​ന​കീ​യ​മാ​യ സോ​ഷ്യ​ൽ മീ​ഡി​യ പ്ലാ​റ്റ്ഫോ​മു​ക​ൾ രാ​ഷ്ട്രീ​യ സൗ​ഹൃ​ദ​ത്തി​നൊ​രു​ങ്ങി​യി​രി​ക്കു​ന്ന​ത്. ഫേ​സ്ബു​ക്കി​ന്റെ ഉ​ള്ള​ട​ക്ക​വും അ​ൽ​ഗോ​രി​ത​വു​മെ​ല്ലാം പൂ​ർ​ണ​മാ​യും സം​ഘ്പ​രി​വാ​റി​ന്റെ കീ​ഴി​ലേ​ക്ക് വ​രു​ന്നു എ​ന്ന​താ​ണ് അ​തി​ന്റെ പ​രി​ണ​തി. അ​തി​പ്പോ​ൾ തെ​ര​ഞ്ഞെ​ടു​പ്പു​ക​ളി​ലും പ്ര​തി​ഫ​ലി​ച്ചു തു​ട​ങ്ങി​യി​രി​ക്കു​ന്നു. ബ്രി​​​​​​ട്ട​​​​​​നി​​​​​​ലെ കേം​​​​​ബ്രി​​​​​​​ജ്​ അ​​​​​​ന​​​​​​ലി​​​​​റ്റി​​​​​ക എ​​​​​​ന്ന ക​​​​​​മ്പ​​​​​​നി​​​​യു​​​​മാ​​​​യി ചേ​​​​ർ​​​​ന്ന്​ അ​​​​മേ​​​​രി​​​​ക്ക​​​​യി​​​​ൽ ട്രം​​​​പി​െ​​​​ൻ​​​​റ വി​​​​ജ​​​​യം ഉ​​​​റ​​​​പ്പാ​​​​ക്കാ​​​​ൻ ഫേ​​​​​​സ്​​​​​​​ബു​​​​​​ക്ക്​ ഇ​​​​റ​​​​ങ്ങി​​​​ത്തി​​​​രി​​​​ച്ച​തും ഇ​​​​ങ്ങ​നെ​യൊ​ക്കെ​ത്ത​ന്നെ​യാ​യി​രു​ന്നു. ഇ​തേ ത​ന്ത്രം പി​​​​ന്നീ​​​​ട്​ ബ്രി​​​​ട്ട​​​​നി​​​​ലും ബ്ര​​​​സീ​​​​ലി​​​​ലും പ​​​​യ​​​​റ്റി. എ​ല്ലാ​യി​ട​ത്തും തീ​വ്ര​വ​ല​തു​പ​ക്ഷ സം​ഘ​ട​ന​ക​ൾ അ​ധി​കാ​ര​ത്തി​ലെ​ത്തു​ക​യും ചെ​യ്തു. അ​തേ രാ​ഷ്ട്രീ​യ​നാ​ട​കം ത​ന്നെ​യാ​ണി​പ്പോ​ൾ ഇ​വി​ടെ​യും ആ​വ​ർ​ത്തി​ച്ചു​കൊ​ണ്ടി​രി​ക്കു​ന്ന​ത്. വ്യാ​ജ​വാ​ർ​ത്ത​ക​ളി​ലൂ​ടെ​യും മ​റ്റും വി​​ദ്വേ​ഷ​ത്തി​ന്റെ​യും അ​പ​ര​വ​ത്ക​ര​ണ​ത്തി​ന്റെ​യും ആ​ക്രോ​ശ​മു​ദ്രാ​വാ​ക്യ​ങ്ങ​ളു​യ​ർ​ത്തു​ക​യാ​ണ് എ​ക്കാ​ല​ത്തും ഫാ​ഷി​സ്റ്റു​ക​ളു​ടെ ശൈ​ലി. ആ ​വ​ഴി​യി​ൽ നി​ര​വ​ധി ക​ലാ​പ​ങ്ങ​ൾ​ക്ക് കോ​പ്പു​കൂ​ട്ടി​യ ഹി​ന്ദു​ത്വ ഫാ​ഷി​സ്റ്റു​ക​ൾ സോ​ഷ്യ​ൽ മീ​ഡി​യ കൂ​ടി അ​ട​ക്കി​ഭ​രി​ക്കാ​ൻ തു​ട​ങ്ങി​യാ​ൽ എ​ന്താ​വും സ്ഥി​തി​യെ​ന്ന് ഊ​ഹി​ക്കാ​വു​ന്ന​തേ​യു​ള്ളൂ. വ​ട​ക്കു കി​ഴ​ക്ക​ൻ ഡ​ൽ​ഹി​യി​ലെ വം​ശീ​യാ​തി​ക്ര​മ​ങ്ങ​ളെ​ല്ലാം ആ ​നി​ല​യി​ൽ ചി​ല സൂ​ച​ന​ക​ളാ​ണ്. ഈ ​സാ​ഹ​ച​ര്യ​ത്തി​ലാ​ണ് സോ​ണി​യ​യു​ടെ ആ​ശ​ങ്ക പ്ര​സ​ക്ത​മാ​കു​ന്ന​ത്. അ​തി​നാ​ൽ, ജ​നാ​ധി​പ​ത്യ​വാ​ദി​ക​ൾ സോ​ണി​യ​യു​ടെ വാ​ദ​ങ്ങ​ളെ ഏ​​റ്റെ​ടു​ക്കാ​ൻ ബാ​ധ്യ​സ്ഥ​രാ​ണ്.