വി​ദ്യാ​ർ​ഥി​ക​ളു​ടെ ബ​സ് ചാ​ർ​ജ് കൂ​ട്ടി​യാ​ലും ഇ​ല്ലെ​ങ്കി​ലും

സം​സ്ഥാ​ന​ത്ത് സ്വ​കാ​ര്യ ബ​സ് ചാ​ർ​ജ് വ​ർ​ധി​പ്പി​ക്കാ​ൻ ത​ത്ത്വ​ത്തി​ൽ തീ​രു​മാ​നി​ച്ചു​ക​ഴി​ഞ്ഞു. എ​ത്ര​യാ​വും വ​ർ​ധ​ന എ​ന്ന കാ​ര്യ​മേ അ​റി​യാ​നു​ള്ളൂ. നി​ര​ക്കു​വ​ർ​ധ​ന വി​ഷ​യ​ത്തി​ൽ അ​നു​കൂ​ല തീ​രു​മാ​നം സ്വ​കാ​ര്യ ബ​സ് ഉ​ട​മ പ്ര​തി​നി​ധി​ക​ൾ​ക്ക് ഉ​റ​പ്പു​ന​ൽ​കി​യ ഗ​താ​ഗ​ത​മ​ന്ത്രി ആ​ൻ​റ​ണി രാ​ജു ഇ​തു​സം​ബ​ന്ധ​മാ​യ ജ​സ്​​റ്റി​സ് രാ​മ​ച​ന്ദ്ര​ൻ ക​മീ​ഷ​നു​മാ​യി ച​ർ​ച്ച​യും ക​ഴി​ഞ്ഞു. ഇ​നി മു​ഖ്യ​മ​ന്ത്രി​യു​മാ​യി ച​ർ​ച്ച​യു​ണ്ടെ​ങ്കി​ലും ചാ​ർ​ജ് വ​ർ​ധ​ന നീ​ക്ക​ത്തി​ൽ​നി​ന്ന് പി​ന്നാ​ക്കം​പോ​കാ​ൻ ഇ​ട കാ​ണു​ന്നി​ല്ല.

കോ​വി​ഡ് ലോ​ക്ഡൗ​ണി​നു​ശേ​ഷം സാ​മൂ​ഹി​ക അ​ക​ലം ഉ​റ​പ്പാ​ക്കാ​ൻ യാ​ത്ര​ക്കാ​രു​ടെ എ​ണ്ണം പ​രി​മി​ത​പ്പെ​ടു​ത്തി​യ ഘ​ട്ട​ത്തി​ൽ നി​ര​ക്കു​വ​ർ​ധ​ന വ​രു​ത്തി​യ​താ​ണ്. പി​ന്നീ​ട് ബ​സു​ക​ൾ നി​റ​ഞ്ഞ് ഓ​ടാ​ൻ തു​ട​ങ്ങി​യെ​ങ്കി​ലും നി​ര​ക്ക് പ​ഴ​യ​പ​ടി​യാ​ക്കി കു​റ​ച്ചി​ല്ല. ലോ​ക്ഡൗ​ൺ ഏ​റ്റ​വും പ്ര​തി​കൂ​ല​മാ​യി ബാ​ധി​ച്ച മേ​ഖ​ല​ക​ളി​ൽ ഒ​ന്ന് എ​ന്ന നി​ല​യി​ൽ പൊ​തു​ജ​നം അ​ക്കാ​ര്യ​ത്തി​ൽ വി​ട്ടു​വീ​ഴ്ച ചെ​യ്തു. ഇ​ന്ധ​ന​വി​ല യാ​തൊ​രു നി​യ​ന്ത്ര​ണ​വു​മി​ല്ലാ​തെ വ​ർ​ധി​ക്കു​ന്നു​വെ​ന്ന ന്യാ​യ​ത്തി​നു മു​ന്നി​ൽ ഇ​നി അ​ടി​ച്ചേ​ൽ​പി​ക്കു​ന്ന നി​ര​ക്കു​വ​ർ​ധ​ന​യും മി​ണ്ടാ​തെ അം​ഗീ​ക​രി​ച്ചു​കൊ​ടു​ക്ക​ലേ സാ​ധാ​ര​ണ​ക്കാ​രാ​യ ബ​സ് യാ​ത്രി​ക​ർ​ക്ക് മാ​ർ​ഗ​മു​ള്ളൂ. ഇ​ല്ലെ​ങ്കി​ലും നി​ര​ക്കു​വ​ർ​ധ​ന ച​ർ​ച്ച​ചെ​യ്യു​മ്പോ​ൾ യാ​ത്ര​ക്കാ​രു​ടെ ഭാ​ഗം പ​റ​യാ​ൻ ആ​രു​മു​ണ്ടാ​വാ​റു​മി​ല്ല​ല്ലോ.

വി​ദ്യാ​ർ​ഥി​ക​ളു​ടെ ബ​സ് യാ​ത്ര​നി​ര​ക്കും വ​ർ​ധി​പ്പി​ക്കു​മെ​ന്നാ​ണ് അ​റി​യു​ന്ന​ത്. പ​തി​റ്റാ​ണ്ടു​ക​ളാ​യി ബ​സ് ഉ​ട​മ​ക​ൾ പു​റ​ത്തി​റ​ക്കു​ന്ന ഏ​തൊ​രു ഡി​മാ​ൻ​ഡ് നോ​ട്ടീ​സി​ലും ഈ ​ആ​വ​ശ്യം ഉ​ന്ന​യി​ക്കാ​ൻ മ​റ​ക്കാ​റി​ല്ല. മ​റ്റു പ​ല സം​സ്ഥാ​ന​ങ്ങ​ളി​ലും വി​ദ്യാ​ർ​ഥി​ക​ൾ​ക്ക് യാ​ത്ര സൗ​ജ​ന്യ​മാ​ണ്. ഏ​റ്റ​വും വ​ലി​യ ബ​സ് യാ​ത്ര​നി​ര​ക്ക് ഈ​ടാ​ക്കു​ന്ന കേ​ര​ള​ത്തി​ൽ പ​ണ്ടു​മു​ത​ലേ വ​ലു​ത​ല്ലാ​ത്ത ഒ​രു തു​ക വി​ദ്യാ​ർ​ഥി​ക​ളി​ൽ​നി​ന്ന് ഈ​ടാ​ക്കി​പ്പോ​രു​ന്നു. ഇ​ക്കു​റി കു​ടും​ബ​വ​രു​മാ​നം മാ​ന​ദ​ണ്ഡ​മാ​ക്കി വ്യ​ത്യ​സ്ത​മാ​യ നി​ര​ക്ക് ഏ​ർ​പ്പെ​ടു​ത്തു​ന്ന കാ​ര്യ​വും സ​ർ​ക്കാ​ർ ആ​ലോ​ചി​ക്കു​ന്നു​ണ്ട്. ആ​ശ്വാ​സ​ക​ര​മ​ല്ലാ​ത്ത ആ ​നീ​ക്ക​ത്തെ സം​ബ​ന്ധി​ച്ച് വി​ദ്യാ​ർ​ഥി സം​ഘ​ട​ന​ക​ളൊ​ന്നും പ്ര​തി​ക​രി​ച്ചു​ക​ണ്ടി​ല്ല.

വീ​ട്ടി​ൽ​നി​ന്ന് അ​ക​ലെ​യു​ള്ള പൊ​തു വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ പോ​യി പ​ഠി​ക്കു​ന്ന കു​ട്ടി​ക​ളാ​ണ് ഏ​റെ​യും സ്വ​കാ​ര്യ ബ​സു​ക​ളു​ടെ സേ​വ​നം പ്ര​യോ​ജ​ന​പ്പെ​ടു​ത്തു​ന്ന​ത്. സ്വ​ന്ത​മാ​യോ സ്കൂ​ളി​നോ വാ​ഹ​ന​സൗ​ക​ര്യം ഇ​ല്ലാ​ത്ത​വ​ർ; അ​വ​ർ​ക്കു​മേ​ൽ നി​ര​ക്കു​വ​ർ​ധ​ന അ​ടി​ച്ചേ​ൽ​പി​ക്കു​ന്ന​ത് ശ​രി​യാ​യ സ​മീ​പ​ന​മ​ല്ല എ​ന്നു​ത​ന്നെ​യാ​ണ്​ അ​ഭി​പ്രാ​യം. എ​ന്നാ​ൽ, ഇ​പ്പോ​ൾ ഉ​ന്ന​യി​ക്കാ​നു​ള്ള​ത് ഇ​തു​മാ​യി ബ​ന്ധ​പ്പെ​ട്ട മ​റ്റൊ​രു സു​പ്ര​ധാ​ന​വും വേ​ദ​ന​ക​ര​വു​മാ​യ പ്ര​ശ്ന​മാ​ണ്.

കേ​ര​ള​ത്തി​ലെ ഏ​താ​ണ്ടെ​ല്ലാ ഇ​ട​ങ്ങ​ളി​ലും സ്കൂ​ളു​ക​ളി​ലേ​ക്ക് ബ​സ് യാ​ത്ര ചെ​യ്യു​ന്ന വി​ദ്യാ​ർ​ഥി​ക​ൾ അ​നു​ഭ​വി​ക്കു​ന്ന​ത് ക​ടു​ത്ത മ​നു​ഷ്യാ​വ​കാ​ശ​ലം​ഘ​ന​വും അ​വ​ഹേ​ള​ന​വു​മാ​ണ്. ഓ​രോ ബ​സ്​​സ്​​റ്റാ​ൻ​ഡു​ക​ളും സ്കൂ​ളു​ക​ൾ​ക്ക​ടു​ത്ത ബ​സ്​​സ്​​റ്റോ​പ്പു​ക​ളും ദി​നേ​ന ഈ ​അ​വ​ഹേ​ള​ന​ത്തി​ന് വേ​ദി​യാ​കു​ന്നു. ബ​സു​ക​ൾ പു​റ​പ്പെ​ടു​ന്ന സ​മ​യം​വ​രെ അ​ടു​ത്തു​ചെ​ല്ലാ​നോ അ​തി​ന​ക​ത്തു ക​യ​റാ​നോ വി​ദ്യാ​ർ​ഥി​ക​ൾ​ക്ക് അ​നു​മ​തി​യി​ല്ല. കോ​വി​ഡി​നും​മു​േ​മ്പ നിലനിൽക്കുന്നതാ​ണ് ഈ ​സാ​മൂ​ഹി​ക അ​ക​ലം. ജീ​വ​ന​ക്കാ​രു​ടെ സ​മ്മ​തം ല​ഭി​ച്ച് ബ​സി​നു​ള്ളി​ൽ ക​യ​റി​പ്പ​റ്റി​യാ​ൽ​ത​ന്നെ ഒ​ഴി​ഞ്ഞു​കി​ട​ക്കു​ന്ന സീ​റ്റു​ക​ളി​ൽ ഇ​രി​ക്കാ​ൻ അ​നു​വാ​ദ​മി​ല്ല. എ​ന്തെ​ങ്കി​ലും വ​യ്യാ​യ്ക​യി​ൽ യാ​ത്ര​ചെ​യ്യു​ക​യാ​ണെ​ങ്കി​ൽ സീ​റ്റി​ൽ ഇ​രി​ക്കാ​നു​ള്ള സൗ​ക​ര്യം ല​ഭി​ക്കാ​ൻ ഫു​ൾ​ചാ​ർ​ജ് ന​ൽ​കി ടി​ക്ക​റ്റ് എ​ടു​ക്കേ​ണ്ട നി​ർ​ബ​ന്ധാ​വ​സ്ഥ​പോ​ലും ഉ​ണ്ടാ​വു​ന്നു, പ്ര​ത്യേ​കി​ച്ച് പെ​ൺ​കു​ട്ടി​ക​ൾ​ക്ക്.

വി​ദ്യാ​ഭ്യാ​സ/​ഗ​താ​ഗ​ത മ​ന്ത്രി​മാ​രു​ടെ, ബ​സ് ഉ​ട​മ​ക​ളു​ടെ/​ജീ​വ​ന​ക്കാ​രു​ടെ മ​ക്ക​ളു​ടെ, ഇ​ള​യ സ​ഹോ​ദ​ര​ങ്ങ​ളു​ടെ പ്രാ​യ​മു​ള്ള കു​ഞ്ഞു​ങ്ങ​ള​ല്ലേ അ​വ​രെ​ല്ലാം. പ​ഠി​ച്ചു വ​ള​ർ​ന്ന് നാ​ളെ നാ​ടി​െ​ൻ​റ നാ​നാ​കോ​ണു​ക​ളി​ൽ എ​ത്തി​ച്ചേ​രേ​ണ്ട​വ​ർ. രാ​വി​ലെ​യും വൈ​കീ​ട്ടും പ​തി​വാ​യി അ​നു​ഭ​വി​ക്കേ​ണ്ടി​വ​രു​ന്ന ഈ ​അ​പ​മാ​നം അ​വ​രു​ടെ മ​ന​സ്സി​ൽ എ​ത്ര​മാ​ത്രം സ​മ്മ​ർ​ദം സൃ​ഷ്​​ടി​ക്കു​ന്നു​വെ​ന്ന് ആ​ലോ​ചി​ച്ചു​നോ​ക്കി​യി​ട്ടു​ണ്ടോ?

ബാ​ലാ​വ​കാ​ശ ക​മീ​ഷ​നും മ​റ്റും സ്വ​മേ​ധ​യാ ഇ​ട​പെ​ടേ​ണ്ട വി​ഷ​യ​മാ​ണി​ത്. ചു​രു​ക്കം ചി​ല വേ​റി​ട്ട മാ​തൃ​ക​ക​ൾ ഇ​ല്ലെ​ന്ന​ല്ല. രാ​വി​ലെ​യും വൈ​കീ​ട്ടും വി​ദ്യാ​ർ​ഥി​ക​ൾ​ക്കു മാ​ത്ര​മാ​യി സ്പെ​ഷ​ൽ ട്രി​പ്​ ന​ട​ത്തു​ന്ന സ്വ​കാ​ര്യ ബ​സി​െ​ൻ​റ വി​ശേ​ഷം 'മാ​ധ്യ​മം' ത​ന്നെ പ്രാ​ധാ​ന്യ​പൂ​ർ​വം പ്ര​സി​ദ്ധീ​ക​രി​ച്ചി​രു​ന്നു. ബ​സ് വി​ടും​വ​രെ ക​യ​റ​രു​ത്, ഇ​രി​ക്ക​രു​ത് തു​ട​ങ്ങി​യ തീ​ട്ടൂ​ര​ങ്ങ​ൾ ഇ​ല്ലാ​ത്ത ഏ​താ​നും ചി​ല ന​ഗ​ര​ങ്ങ​ളും ന​മു​ക്കു​ണ്ട്. എ​ന്നാ​ൽ, ഭൂ​രി​പ​ക്ഷം പ​ട്ട​ണ​ങ്ങ​ളി​ലും മ​റി​ച്ചാ​ണ് അ​വ​സ്ഥ.

നി​ര​ക്ക് കൂ​ട്ടി​യാ​ലും ഇ​ല്ലെ​ങ്കി​ലും വി​ദ്യാ​ർ​ഥി​ക​ളോ​ട് മ​നു​ഷ്യ​ത്വ​പ​ര​മാ​യ നി​ല​പാ​ട് സ്വീ​ക​രി​ക്കാ​ൻ ബ​സ് ഉ​ട​മ​ക​ൾ ആ​ദ്യം ത​യാ​റാ​ക​ണം. അ​ങ്ങ​നെ​യ​ല്ലാ​തെ സ​ർ​വി​സ് ന​ട​ത്താ​ൻ അ​നു​വ​ദി​ക്കി​ല്ലെ​ന്ന് തീ​ർ​ത്തു​പ​റ​യാ​ൻ ഗ​താ​ഗ​ത​മ​ന്ത്രി​യും മു​ന്നോ​ട്ടു​വ​ര​ണം.

കു​ട്ടി​ക​ളു​ടെ മ​ന​സ്സി​നെ മു​റി​വേ​ൽ​പി​ക്കു​ന്ന ഈ ​അ​തി​ക്ര​മം അ​ടു​ത്ത പ്ര​വൃ​ത്തി​ദി​വ​സം​ത​ന്നെ അ​വ​സാ​നി​പ്പി​ക്കാ​ൻ സാ​ധി​ച്ചാ​ൽ അ​ത്ര ന​ല്ല​ത്. മ​നു​ഷ്യ​വ്യ​വ​ഹാ​ര​ങ്ങ​ളി​ൽ മാ​റ്റം വ​രു​ത്താ​തെ സ്കൂ​ൾ യൂ​നി​ഫോം പ​രി​ഷ്ക​രി​ച്ച​തു​കൊ​ണ്ടു മാ​ത്രം സാ​മൂ​ഹി​ക മാ​റ്റ​വും തു​ല്യ​ത​യു​മൊ​ന്നും ഉ​ണ്ടാ​വി​ല്ലെ​ന്നേ.