നി​യ​ന്ത്ര​ണം വ​ന്യ​മൃ​ഗ​ങ്ങ​ൾ​ക്കും തെ​രു​വു​നാ​യ്ക്ക​ൾ​ക്കും മ​തി​യോ?

തെ​രു​വു​നാ​യ്ക്ക​ളു​ടെ പ​രാ​ക്ര​മം നാ​ടി​ന്റെ സ​ക​ല കോ​ണു​ക​ളി​ലും ജീ​വി​തം ദു​രി​ത​പൂ​ർ​ണ​മാ​ക്കു​ന്നു​ണ്ട്. വ​യോ​ധി​ക​രും വീ​ട്ടി​നു​ള്ളി​ലെ തൊ​ട്ടി​ലി​ൽ കി​ട​ക്കു​ന്ന കു​ഞ്ഞു​ങ്ങ​ളും വ​രെ തെ​രു​വു​നാ​യ്ക്ക​ളാ​ൽ ക​ടി​ച്ചു​കീ​റ​പ്പെ​ടു​ന്നു. നാ​യ്പ്പേ​ടി​യി​ൽ പ​ല​രും പ്ര​ഭാ​ത ന​ട​ത്തം ഉ​പേ​ക്ഷി​ച്ചു, അ​വ​മൂ​ലം സം​ഭ​വി​ക്കു​ന്ന വാ​ഹ​നാ​പ​ക​ട​ങ്ങ​ളും അ​തി​ലെ മ​ര​ണ​സം​ഖ്യ​യും നാ​ൾ​ക്കു​നാ​ൾ പെ​രു​കി വ​രു​ന്നു.

വ​ന്യ​മൃ​ഗ​ങ്ങ​ൾ വി​ത​ക്കു​ന്ന ഭീ​തി നാ​ളു​ക​ളാ​യി മ​ല​യോ​ര-​വ​നാ​തി​ർ​ത്തി മേ​ഖ​ല​ക​ളു​ടെ ഉ​റ​ക്കം ന​ഷ്ട​പ്പെ​ടു​ത്തി​ക്കൊ​ണ്ടേ​യി​രി​ക്കു​ന്നു. നി​ത്യ​വൃ​ത്തി​ക്ക് വ​ക​തേ​ടി ഇ​റ​ങ്ങി​യ അ​ത്താ​ഴ​പ്പ​ട്ടി​ണി​ക്കാ​രാ​യ ആ​ദി​വാ​സി​ക​ളു​ൾ​പ്പെ​ടെ​യു​ള്ള തൊ​ഴി​ലാ​ളി​ക​ളും ആ​ന​യു​ടെ ച​വി​ട്ടേ​റ്റും പു​ലി​യു​ടെ ക​ടി​യേ​റ്റും ജീ​വ​ന​റ്റ നി​ല​യി​ലാ​ണ് ല​യ​ങ്ങ​ളി​ൽ തി​രി​ച്ചെ​ത്തു​ന്ന​ത്. കാ​ടി​റ​ങ്ങി​വ​ന്ന മൃ​ഗ​ങ്ങ​ൾ കാ​ർ​ഷി​ക​വി​ള​ക​ൾ ന​ശി​പ്പി​ക്കു​ന്ന​തി​നെ​ക്കു​റി​ച്ചു​ള്ള സ​ങ്ക​ട​ങ്ങ​ൾ പ​റ​ഞ്ഞാ​ൽ തീ​രി​ല്ല. ഇ​തി​നെ​തി​രാ​യി ജ​നം നി​ര​ന്ത​രം ആ​വ​ലാ​തി​പ്പെ​ട്ടു​കൊ​ണ്ടി​രി​ക്കു​ന്നു. ഞ​ങ്ങ​ളും ഭൂ​മി​യു​ടെ അ​വ​കാ​ശി​ക​ളാ​ണ്, മ​നു​ഷ്യ​ർ​ക്കും ഈ ​മ​ണ്ണി​ൽ ജീ​വി​ക്ക​ണ​മെ​ന്ന് അ​ധി​കാ​രി​ക​ളെ തെ​ര്യ​പ്പെ​ടു​ത്തു​ന്നു. ക​ണ്ട​മാ​ത്ര​യി​ൽ വെ​ടി​വെ​ച്ചു കൊ​ല്ലാ​നു​ള്ള അ​നു​മ​തി തേ​ടു​ന്നു.

ഭ​ക്ഷ​ണ ല​ഭ്യ​ത​യി​ല്ലാ​ത്ത​തും രോ​ഗ​ങ്ങ​ളും മ​റ്റു ചി​ല ജീ​വ​ശാ​സ്ത്ര പ്ര​ശ്ന​ങ്ങ​ളു​മാ​ണ് മ​നു​ഷ്യ​ർ​ക്കു​നേ​രെ പാ​ഞ്ഞു​ക​യ​റാ​നും ക​ടി​ച്ചു​കീ​റാ​നും നാ​യ്ക്ക​ളെ​യും വ​ന്യ​മൃ​ഗ​ങ്ങ​ളെ​യും പ്രേ​രി​പ്പി​ക്കു​ന്ന​ത്. എ​ന്നാ​ൽ, അ​വ​ർ ര​ണ്ടു​കൂ​ട്ട​ർ മാ​ത്ര​മാ​ണോ മ​നു​ഷ്യ​കു​ല​ത്തി​ന്റെ നി​ല​നി​ൽ​പി​നും സ​മാ​ധാ​ന ജീ​വി​ത​ത്തി​നും ഭീ​ഷ​ണി? ആ​ഗോ​ള​ത​ല​ത്തി​ൽ അ​ന്ത​മി​ല്ലാ​തെ ന​ട​ക്കു​ന്ന യു​ദ്ധ​ങ്ങ​ളും ശി​ശു​ഹ​ത്യ​ക​ളും വം​ശീ​യ ഉ​ന്മൂ​ല​ന​ങ്ങ​ളു​മെ​ല്ലാം ത​ൽ​ക്കാ​ലം മാ​റ്റി​വെ​ക്കാം. മൃ​ഗ​ങ്ങ​ളു​ടെ ഉ​പ​ദ്ര​വ​ങ്ങ​ളി​ൽ നി​ന്ന് മ​നു​ഷ്യ​ർ​ക്ക് ര​ക്ഷ​തേ​ടു​ന്ന ന​മ്മ​ൾ ക​ഴി​ഞ്ഞ ഏ​താ​നും ദി​വ​സ​ങ്ങ​ളി​ൽ കേ​ര​ള​ത്തി​ൽ മാ​ത്രം ന​ട​ന്ന ന​ര​ഹ​ത്യ​ക​ളു​ടെ ക​ണ​ക്കെ​ടു​ക്കാ​ൻ ശ്ര​മി​ച്ചാ​ൽ ക​ല​ണ്ട​റി​ലെ ഓ​രോ അ​ക്ക​വും ചി​ത​റി​ത്തെ​റി​ച്ച ചോ​ര​യാ​ൽ ചു​വ​ന്നു​കി​ട​ക്കു​ന്ന​തു കാ​ണാം. വാ​ഹ​ന​ത്തി​ന് വ​ഴി​മാ​റി​ക്കൊ​ടു​ത്തി​ല്ല എ​ന്ന കു​റ്റ​ത്തി​നാ​ണ് ഒ​രു കു​ടും​ബ​ത്തി​ന്റെ പ്ര​തീ​ക്ഷ​യാ​യി​രു​ന്ന ചെ​റു​പ്പ​ക്കാ​ര​നെ, നാ​ട്ടി​ലെ നി​യ​മ​വും സു​ര​ക്ഷ​യും ഉ​റ​പ്പു​വ​രു​ത്തു​ന്ന​തി​നാ​യി പൊ​തു​ഖ​ജ​നാ​വി​ൽ​നി​ന്ന് ശ​മ്പ​ളം പ​റ്റു​ന്ന ഉ​ദ്യോ​ഗ​സ്ഥ​ർ വാ​ഹ​ന​മി​ടി​ച്ചു​ക​യ​റ്റി ഞെ​രി​ച്ചു കൊ​ന്ന​ത്. വാ​ഹ​നാ​പ​ക​ട​ങ്ങ​ൾ​ക്കു​പു​റ​മെ റോ​ഡു​ക​ളി​ൽ മ​റ്റൊ​രു ഭീ​ഷ​ണി​യാ​യി മാ​റി​യി​രി​ക്കു​ന്നു സൈ​ഡ് കൊ​ടു​ക്കാ​ത്ത​തി​ന്റെ​യും ഉ​ര​സ​ലി​ന്റെ​യും പേ​രി​ൽ ന​ട​ക്കു​ന്ന സം​ഘ​ട്ട​ന​ങ്ങ​ൾ. വ​നാ​തി​ർ​ത്തി ക​ട​ന്ന് വേ​ലി​യും മ​തി​ലും ത​ക​ർ​ത്ത് വീ​ട്ടു​വ​ള​പ്പി​ൽ പ​രാ​ക്ര​മം ന​ട​ത്തു​ന്ന വി​ശേ​ഷ​ബു​ദ്ധി​യി​ല്ലാ​ത്ത ജ​ന്തു​ക്ക​ളേ​ക്കാ​ൾ ക്രൂ​ര​മാ​യ രീ​തി​യി​ൽ ഒ​രേ മേ​ൽ​ക്കൂ​ര​ക്ക് കീ​ഴി​ൽ ഒ​രു​മി​ച്ചു താ​മ​സി​ക്കു​ന്ന സാ​ധു മ​നു​ഷ്യ​ർ​ക്കു മേ​ൽ-​മാ​താ​പി​താ​ക്ക​ൾ, സ​ഹോ​ദ​ര​ങ്ങ​ൾ, ജീ​വി​ത പ​ങ്കാ​ളി, ലോ​ക​ത്തി​ന്റെ ക​ള്ള​വും കാ​പ​ട്യ​വു​മ​റി​യാ​ത്ത കു​ഞ്ഞു​ങ്ങ​ൾ എ​ന്നി​ത്യാ​ദി ഒ​രു പ​രി​ഗ​ണ​ന​യും ന​ൽ​കാ​തെ മ​നു​ഷ്യ​ർ അ​തി​ക്ര​മ​ങ്ങ​ൾ ന​ട​ത്തു​ന്ന സം​ഭ​വ​ങ്ങ​ൾ ഓ​രോ ദി​വ​സ​വും പെ​രു​കി​വ​രു​ന്നു. മ​ന​സ്സു​ക​ളെ ഉ​ല​ച്ചു​ക​ള​ഞ്ഞ ആ ​ദു​ര​ന്ത​ങ്ങ​ൾ ഏ​തൊ​ക്കെ​യെ​ന്ന് വീ​ണ്ടും എ​ണ്ണി​പ്പ​റ​യു​ന്നി​ല്ല.

ശാ​ന്ത​ത, ലാ​ളി​ത്യം, സ​ഹ​ജീ​വി സ്നേ​ഹം എ​ന്നി​വ​യെ​ല്ലാം കൈ​മോ​ശ​പ്പെ​ട്ട ന​മ്മ​ൾ മ​നു​ഷ്യ​ർ​ക്കി​ന്ന്​ ക്ഷോ​ഭ​വും കോ​പ​വും പ്ര​ക​ട​ന​പ​ര​ത​യു​മാ​യി​രി​ക്കു​ന്നു പൊ​തു​ഭാ​വ​ങ്ങ​ൾ; അ​വ​ന​വ​നോ​ട് മാ​ത്ര​മാ​യി​രി​ക്കു​ന്നു സ്നേ​ഹം. ഏ​തു​നി​മി​ഷ​വും പൊ​ട്ടി​ത്തെ​റി​ച്ചേ​ക്കാ​വു​ന്ന ബോം​ബു​ക​ളാ​യി വ​ലി​ഞ്ഞു​മു​റു​കി നി​ൽ​ക്കു​ന്നു ഞ​ര​മ്പു​ക​ൾ. കോ​പി​ക്കാ​നും ക്ഷോ​ഭി​ക്കാ​നും സ​ഹ​ജീ​വി​ക്കു മേ​ൽ പാ​ഞ്ഞു​ക​യ​റാ​നും പ്ര​ത്യേ​കി​ച്ച് കാ​ര​ണ​ങ്ങ​ൾ​പോ​ലും വേ​ണ്ട​തി​ല്ലാ​ത്ത സ്ഥി​തി​യാ​ണ്. മ​ദ്യ​വും മ​യ​ക്കു ല​ഹ​രി പ​ദാ​ർ​ഥ​ങ്ങ​ളും സാ​ർ​വ​ത്രി​ക​മാ​യി ല​ഭ്യ​മാ​ണെ​ന്ന​ത് ഈ ​ഭീ​ഷ​ണി​യു​ടെ ആ​ക്കം കൂ​ട്ടു​ന്നു. വ​ഴി​യോ​ര​ത്ത് ക​ണ്ട​പ്പോ​ൾ അ​ഭി​വാ​ദ്യം ചെ​യ്തി​ല്ലെ​ന്ന​തി​ന്റെ പേ​രി​ലാ​ണ് ഈ​യി​ടെ കേ​ര​ള​ത്തി​ൽ ഒ​രു അ​ക്ര​മം ന​ട​ന്ന​ത്, സ​ദ്യ​ക്കി​ടെ സാ​ല​ഡും പ​പ്പ​ട​വും കി​ട്ടി​യി​ല്ലെ​ങ്കി​ൽ​പ്പോ​ലും അ​ടി​പൊ​ട്ടു​മെ​ന്നാ​ണ​വ​സ്ഥ. നാ​ൽ​ക്ക​വ​ല സം​ഘ​ട്ട​ന​ങ്ങ​ളേ​ക്കാ​ൾ അ​റ​പ്പു​ള​വാ​ക്കും വി​ധ​ത്തി​ലാ​ണ് സൈ​ബ​ർ തെ​രു​വു​ക​ളി​ലെ അ​ധി​ക്ഷേ​പ​ങ്ങ​ളും അ​പ​വാ​ദ പ്ര​ചാ​ര​ണ​ങ്ങ​ളും ആ​ക്ര​മ​ണ​ങ്ങ​ളും. മ​ല​യാ​ള​ക്ക​ര​യു​ടെ സ​ദാ​ചാ​ര-​മാ​നു​ഷി​ക ബോ​ധ​ങ്ങ​ളി​ലും അ​തി​നൊ​പ്പം മാ​ന​സി​കാ​രോ​ഗ്യ നി​ല​യി​ലും സം​ഭ​വി​ച്ചു​കൊ​ണ്ടി​രി​ക്കു​ന്ന ത​ക​ർ​ച്ച​യാ​യി വേ​ണം ഈ ​അ​രു​താ​യ്മ​ക​ളെ വി​ല​യി​രു​ത്താ​നും സം​ബോ​ധ​ന ചെ​യ്യാ​നും. മ​റ്റെ​ല്ലാ സൂ​ചി​ക​ക​ളി​ലും മു​ന്നി​ലെ​ത്താ​ൻ മ​ത്സ​രി​ക്കു​ന്ന ന​മ്മ​ൾ മാ​ന​സി​കാ​രോ​ഗ്യ​വും മാ​നു​ഷി​ക​ത​യും ശ​രി​യാം​വി​ധ​ത്തി​ലാ​ണ്​ എ​ന്നു​റ​പ്പാ​ക്കാ​ൻ ശ്ര​ദ്ധി​ക്കു​ന്നി​ല്ല, അ​ത​ല്ലെ​ങ്കി​ൽ ഈ ​ത​ക​ർ​ച്ച​യെ ബോ​ധ​പൂ​ർ​വം മ​റ​ച്ചു​പി​ടി​ക്കു​ന്നു. നാ​ട് വ​ള​ർ​ത്തി​യെ​ടു​ത്ത സ​ക​ല ന​ന്മ​ക​ളെ​യും അ​ട്ടി​മ​റി​ച്ചു​ക​ള​യു​ന്ന​താ​ണ് ഈ ​അ​നാ​സ്ഥ.

വ​ന്യ​മൃ​ഗ​ങ്ങ​ളു​ടെ വ​ര​വ് ത​ട​യാ​ൻ വൈ​ദ്യു​തി വേ​ലി​യു​ടെ വ്യാ​പ​നം അ​ടു​ത്ത ദി​വ​സ​ങ്ങ​ളി​ൽ ഉ​ണ്ടാ​കു​മെ​ന്ന് കേ​ൾ​ക്കു​ന്നു. അ​ടു​ത്ത മാ​സം തു​ട​ങ്ങാ​നി​രി​ക്കു​ന്ന അ​ധ്യ​യ​ന​വ​ർ​ഷ​ത്തി​ന്റെ ആ​ദ്യ​വാ​ര​ങ്ങ​ളി​ൽ കു​ട്ടി​ക​ൾ​ക്ക് സ​ന്മാ​ർ​ഗ​പാ​ഠ​ങ്ങ​ൾ ചൊ​ല്ലി​ക്കൊ​ടു​ക്കാ​ൻ പ​ദ്ധ​തി ത​യാ​റാ​ക്കി​യി​ട്ടു​ണ്ട് സം​സ്ഥാ​ന വി​ദ്യാ​ഭ്യാ​സ വ​കു​പ്പ്. അ​തെ​ല്ലാം ആ​ശ്വാ​സ​ക​ര​മാ​യ ന​ട​പ​ടി​ക​ൾ ത​ന്നെ. എ​ന്നാ​ൽ, മു​തി​ർ​ന്ന, എ​ന്തി​നും പോ​ന്ന​വ​രെ​ന്ന് സ്വ​യം വി​ശ്വ​സി​ക്കു​ന്ന മ​നു​ഷ്യ​ർ​ക്ക് സ​ന്മാ​ർ​ഗ​വും സ​ദാ​ചാ​ര​വും ആ​രാ​ണ് പ​ഠി​പ്പി​ക്കു​ക? സ​ഹ​ജീ​വി​ക​ളു​ടെ ജീ​വ​നും അ​ഭി​മാ​ന​ത്തി​നും വി​ല​ക​ൽ​പി​ക്കാ​ൻ അ​വ​ർ എ​ന്നാ​ണ് പ​ഠി​ക്കു​ക?