ഇ.​ഡി വ​രു​ത്തു​ന്ന നാ​ണ​ക്കേ​ട്

ലോ​ക അ​ഴി​മ​തി സൂ​ചി​ക​യി​ൽ 96ാം സ്ഥാ​ന​ത്ത് നി​ൽ​ക്കു​ന്ന, ഹൈ​കോ​ട​തി ജ​ഡ്ജി​യു​ടെ വീ​ട്ടി​ൽ​നി​ന്ന് ചാ​ക്ക് ക​ണ​ക്കി​ന് നോ​ട്ടു​കെ​ട്ടു​ക​ൾ ക​ണ്ടെ​ടു​ക്ക​പ്പെ​ടു​ന്ന ഇ​ന്ത്യ​യി​ൽ ഏ​തൊ​രു മേ​ഖ​ല​യി​ൽ അ​ഴി​മ​തി​യാ​രോ​പ​ണ​മു​യ​ർ​ന്നാ​ലും അ​മ്പ​ര​ക്കേ​ണ്ട​തി​ല്ല. എ​ന്നാ​ൽ, കു​റ​ച്ചു വ​ർ​ഷ​ങ്ങ​ളാ​യി രാ​ജ്യ​ത്തെ ഏ​റ്റ​വും പ്ര​ബ​ല​മാ​യ അ​ന്വേ​ഷ​ണ ഏ​ജ​ൻ​സി​യെ​ന്ന് വി​ശ്വ​സി​ക്ക​പ്പെ​ടു​ന്ന സം​സ്ഥാ​ന മു​ഖ്യ​മ​ന്ത്രി​മാ​രെ മു​ത​ൽ മാ​ധ്യ​മ പ്ര​വ​ർ​ത്ത​ക​രെ വ​രെ ജ​യി​ലി​ലാ​ക്കാ​ൻ ശ​ക്തി​യു​ള്ള, ഉ​ന്ന​ത​രു​ടെ സ്വ​ത്ത് ക​ണ്ടു​കെ​ട്ടു​ക​യും ത​ട്ടി​നി​ര​ത്തു​ക​യും ചെ​യ്യു​ന്ന എ​ൻ​​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റ് എ​ന്ന ഇ.​ഡി​ക്കെ​തി​രെ ഉ​യ​ർ​ന്നു വ​രു​ന്ന ആ​രോ​പ​ണ​ങ്ങ​ൾ കേ​ൾ​ക്കു​മ്പോ​ൾ ഞെ​ട്ടാ​തി​രി​ക്കാ​നാ​വി​ല്ല.

ക​ള്ള​പ്പ​ണ​ക്കേ​സു​ക​ൾ അ​ന്വേ​ഷി​ക്കു​ന്ന ഇ.​ഡി​യു​ടെ ഉ​ന്ന​ത​ർ ന​ട​ത്തി​യ ക​ള്ള​ത്ത​രമാ​ണ് ഏ​താ​നും മ​ണി​ക്കൂ​റു​ക​ളാ​യി കേ​ര​ള​മൊ​ന്ന​ട​ങ്കം ച​ർ​ച്ച ചെ​യ്യു​ന്ന​ത്. കേ​സൊ​തു​ക്കാ​ൻ ക​ശു​വ​ണ്ടി വ്യ​വ​സാ​യി​യി​ൽ​നി​ന്ന് ര​ണ്ടു​കോ​ടി രൂ​പ ആ​വ​ശ്യ​പ്പെ​ട്ടെ​ന്ന പ​രാ​തി​യി​ൽ ഇ.​ഡി കൊ​ച്ചി യൂ​നി​റ്റ് അ​സി​സ്റ്റ​ന്റ് ഡ​യ​റ​ക്ട​റെ ഒ​ന്നാം പ്ര​തി​യാ​ക്കി വി​ജി​ല​ൻ​സ് കേ​സെ​ടു​ത്തി​രി​ക്കു​ക​യാ​ണി​പ്പോ​ൾ.

ബാ​ങ്ക് വാ​യ്പ​യാ​യി ല​ഭി​ച്ച ര​ണ്ട​ര​ക്കോ​ടി രൂ​പ നി​ക്ഷേ​പ​മാ​യി ക​ണ​ക്കാ​ക്കി വ​ര​വി​ൽ ക​വി​ഞ്ഞ സ്വ​ത്ത് സ​മ്പാ​ദി​ച്ചെ​ന്നാ​രോ​പി​ച്ച് കേ​സെ​ടു​ക്കു​ക​യും ഒ​തു​ക്കി​ത്തീ​ർ​ക്കാ​ൻ ര​ണ്ടു കോ​ടി രൂ​പ കൈ​ക്കൂ​ലി ആ​വ​ശ്യ​പ്പെ​ടു​ക​യും ചെ​യ്തെ​ന്ന ഒ​രു മ​ത​മേ​ല​ധ്യ​ക്ഷ​ന്റെ പ​രാ​തി​യും ഉ​യ​ർ​ന്നു​വ​ന്നി​ട്ടു​ണ്ട്. റെ​യ്ഡ് വി​വ​രം മാ​ധ്യ​മ​ങ്ങ​ൾ​ക്ക് ചോ​ർ​ത്തി​ന​ൽ​കി നാ​ട്ടി​ലാ​കെ കു​റ്റ​വാ​ളി പ​രി​വേ​ഷം സൃ​ഷ്ടി​ക്കു​ക, സ്ത്രീ​ക​ൾ ഉ​ൾ​പ്പെ​ടെ കു​ടും​ബാം​ഗ​ങ്ങ​ളെ വി​വ​സ്ത്ര​രാ​ക്കി നി​ർ​ത്തി ചോ​ദ്യം ചെ​യ്യു​ക, ജ​യി​ലി​ല​ട​ക്കു​മെ​ന്നും പു​റം​ലോ​കം കാ​ണി​ല്ലെ​ന്നും ഭീ​ഷ​ണി​പ്പെ​ടു​ത്തു​ക, ഉ​ദ്യോ​ഗ​സ്ഥ​ർ​ക്ക് പ​ണം ന​ൽ​കി കേ​സി​ൽ​നി​ന്നൊ​ഴി​വാ​കാ​നു​ള്ള ഉ​പ​ദേ​ശ​വു​മാ​യി ഇ​ട​നി​ല​ക്കാ​രെ അ​യ​ക്കു​ക എ​ന്നി​ങ്ങ​നെ ത​നി അ​ധോ​ലോ​ക ഗു​ണ്ടാ​സം​ഘ​ങ്ങ​ളു​ടെ ബ്ലാ​ക്ക്മെ​യി​ലി​ങ് നി​ല​വാ​ര​ത്തി​ലാ​ണ് രാ​ജ്യ​ത്തെ സാ​മ്പ​ത്തി​ക കു​റ്റ​കൃ​ത്യ​ങ്ങ​ളി​ൽ​നി​ന്ന് കാ​ത്ത​രു​ളാ​ൻ നി​യോ​ഗി​ക്ക​പ്പെ​ട്ട സം​ഘം പ്ര​വ​ർ​ത്തി​ക്കു​ന്ന​ത് എ​ന്നാ​ണ് ഇ​ര​ക​ളു​ടെ വെ​ളി​പ്പെ​ടു​ത്ത​ലു​ക​ൾ വ്യ​ക്ത​മാ​ക്കു​ന്ന​ത്. കേ​ര​ള​ത്തി​ലെ ഇ.​ഡി​യു​ടെ അ​വി​ശു​ദ്ധ ഇ​ട​പാ​ടു​ക​ളെ​ക്കു​റി​ച്ച് തു​റ​ന്നു​പ​റ​ച്ചി​ലു​ണ്ടാ​കു​ന്ന​ത് ഇ​പ്പോ​ൾ മാ​ത്ര​മാ​ണെ​ങ്കി​ലും രാ​ജ്യ​ത്തി​ന്റെ മ​റ്റു​പ​ല കോ​ണു​ക​ളി​ലും ഈ ​അ​ന്വേ​ഷ​ണ സം​ഘ​ത്തി​ലെ ഉ​ദ്യോ​ഗ​സ്ഥ​ർ ആ​രോ​പ​ണ വി​ധേ​യ​രാ​യ ഒ​ട്ട​ന​വ​ധി സം​ഭ​വ​ങ്ങ​ൾ മു​മ്പു​മു​ണ്ടാ​യി​ട്ടു​ണ്ട്. അ​ഴി​മ​തി​ക്കേ​സി​ൽ അ​റ​സ്റ്റ് ചെ​യ്യാ​തി​രി​ക്കാ​ൻ പ​ണം ആ​വ​ശ്യ​പ്പെ​ട്ട് കു​പ്ര​സി​ദ്ധ ക്രി​മി​ന​ലാ​യ ലോ​റ​ൻ​സ് ബി​ഷ്‍ണോ​യി​യു​ടെ സം​ഘ​ത്തെ ഇ​റ​ക്കി​യ ഷിം​ല​യി​ൽ ഒ​രു ഇ.​ഡി അ​സി​സ്റ്റ​ന്റ് ഡ​യ​റ​ക്ട​ർ ഈ ​വ​ർ​ഷം സി.​ബി.​ഐ​യു​ടെ പി​ടി​യി​ലാ​യി​രു​ന്നു. മും​ബൈ​യി​ൽ കൈ​ക്കൂ​ലി ന​ൽ​കി​യി​ല്ലെ​ങ്കി​ൽ മ​ക​നെ ക​ള്ള​പ്പ​ണ​ക്കേ​സി​ൽ കു​ടു​ക്കു​മെ​ന്ന് ജ്വ​ല്ല​റി​യു​ട​മ​യെ ഭീ​ഷ​ണി​പ്പെ​ടു​ത്തി​യ ഇ.​ഡി അ​സി​സ്റ്റ​ന്റ് ഡ​യ​റ​ക്ട​റും പി​ടി​യി​ലാ​യി​രു​ന്നു. ഇ.​ഡി, സി.​ബി.​ഐ ഉ​ദ്യോ​ഗ​സ്ഥ​ർ​ക്കെ​തി​രെ വി​വി​ധ സം​സ്ഥാ​ന​ങ്ങ​ളി​ൽ കേ​സു​ക​ളും ഹൈ​കോ​ട​തി​ക​ളി​ൽ​നി​ന്ന് ക​ടു​ത്ത പ​രാ​മ​ർ​ശ​ങ്ങ​ളും ഉ​യ​ർ​ന്നി​ട്ടു​ണ്ട്. ഇ.​ഡി ഭ​യ​ത്തി​ന്റെ അ​ന്ത​രീ​ക്ഷം സൃ​ഷ്ടി​ക്ക​രു​തെ​ന്നും യ​ഥാ​ർ​ഥ​ത്തി​ൽ സം​ഭ​വി​ച്ച കു​റ്റം ആ​ണെ​ങ്കി​ൽ​പോ​ലും അ​ന്വേ​ഷ​ണ​രീ​തി കാ​ര​ണം ഇ.​ഡി നീ​തി​യോ​ടെ​യ​ല്ല കാ​ര്യ​ങ്ങ​ൾ ചെ​യ്യു​ന്ന​ത് എ​ന്ന ധാ​ര​ണ ഉ​ണ്ടാ​വു​മെ​ന്നും ഒ​രു​വേ​ള സു​പ്രീം​കോ​ട​തി​ക്കു​പോ​ലും പ​റ​യേ​ണ്ടി​വ​ന്നു. കേ​ര​ള​ത്തി​ൽ ഉ​യ​ർ​ന്ന​തു പോ​ലെ​യു​ള്ള ആ​രോ​പ​ണ​ങ്ങ​ൾ ഇ.​ഡി ഇ​ട​പെ​ടു​ന്ന കേ​സു​ക​ളെ​യെ​ല്ലാം സം​ശ​യ​നി​ഴ​ലി​ലാ​ക്കി​യി​ട്ടു​ണ്ട്.

സ്വ​ത​ന്ത്ര അ​ന്വേ​ഷ​ണ സം​വി​ധാ​ന​ങ്ങ​ളാ​യ ഇ.​ഡി​യെ​യും സി.​ബി.​ഐ​യു​മെ​ല്ലാം ഈ ​നി​ല​യി​ലേ​ക്ക് അ​ധഃ​പ​തി​പ്പി​ച്ച​ത് കേ​ന്ദ്ര ഭ​ര​ണ​കൂ​ട​മാ​ണെ​ന്ന് പ​റ​യാ​തി​രി​ക്കാ​നാ​വി​ല്ല. സ്വ​ത​ന്ത്ര​മാ​യ​ല്ല, കേ​ന്ദ്ര​ഭ​ര​ണ​ക​ക്ഷി​യു​ടെ സ​മ്പൂ​ർ​ണ നി​യ​ന്ത്ര​ണ​ത്തി​ലാ​ണ് ഈ ​സം​ഘം കേ​സെ​ടു​ക്കു​ക​യും റെ​യ്ഡു​ക​ളും ​അ​ന്വേ​ഷ​ണ​വും മു​ന്നോ​ട്ടു​കൊ​ണ്ടു​പോ​വു​ക​യും ചെ​യ്യു​ന്ന​ത്. ഭ​ര​ണ​കൂ​ട​ത്തി​ന് ഇ​ഷ്ട​മി​ല്ലാ​ത്ത മു​ഖ്യ​മ​ന്ത്രി​മാ​ർ ഉ​ൾ​പ്പെ​ടെ രാ​ഷ്ട്രീ​യ നേ​താ​ക്ക​ളെ മു​ത​ൽ ജീ​വ​കാ​രു​ണ്യ സം​ഘ​ങ്ങ​ളെ വ​രെ ഇ.​ഡി ഉ​ന്ന​മി​ടു​ന്നു​ണ്ട്. ഝാ​ർ​ഖ​ണ്ഡ് മു​ഖ്യ​മ​ന്ത്രി ഹേ​മ​ന്ത് സോ​റ​ൻ, ഡ​ൽ​ഹി മു​ഖ്യ​മ​​ന്ത്രി​യാ​യി​രു​ന്ന അ​ര​വി​ന്ദ് കെ​ജ്രി​വാ​ളും മു​ൻ ഉ​പ​മു​ഖ്യ​മ​ന്ത്രി മ​നീ​ഷ് സി​സോ​ദി​യ​യും ഉ​ൾ​പ്പെ​ടെ നി​ര​വ​ധി ആം ​ആ​ദ്മി പാ​ർ​ട്ടി നേ​താ​ക്ക​ൾ, ബം​ഗാ​ൾ, ത​മി​ഴ്നാ​ട്, മ​ഹാ​രാ​ഷ്ട്ര, കേ​ര​ളം എ​ന്നി​വി​ട​ങ്ങ​ളി​ലെ ബി.​ജെ.​പി ഇ​ത​ര പാ​ർ​ട്ടി നേ​താ​ക്ക​ൾ തു​ട​ങ്ങി​യ​വ​രെ കേ​സി​ൽ കു​ടു​ക്കാ​നും അ​റ​സ്റ്റ് ചെ​യ്യാ​നും അ​മി​ത​മാ​യ ആ​വേ​ശ​മാ​ണ് ഇ.​ഡി പ്ര​ക​ടി​പ്പി​ച്ചു​പോ​രു​ന്ന​ത്. ചോ​ദ്യം ചെ​യ്യ​ലി​നി​ടെ ചി​ല നേ​താ​ക്ക​ളു​ടെ പേ​രു​ക​ൾ​പ​റ​യാ​ൻ നി​ർ​ബ​ന്ധി​ച്ച സം​ഭ​വ​ങ്ങ​ളു​ണ്ട്. ക​ള്ള​പ്പ​ണ​ക്കേ​സി​ൽ കു​റ്റ​പ​ത്രം ല​ഭി​ച്ച നേ​താ​ക്ക​ൾ പാ​ർ​ട്ടി മാ​റി ഭ​ര​ണ​ക​ക്ഷി​ക്കൊ​പ്പം ചേ​ർ​ന്നാ​ൽ സ​ക​ല പാ​പ​ങ്ങ​ളും പൊ​റു​ത്ത് ക്ലീ​ൻ​ചി​റ്റ് ല​ഭി​ക്കു​ന്ന വി​ചി​ത്ര സാ​ഹ​ച​ര്യ​വും നി​ല​വി​ലു​ണ്ട്. അ​തേ​സ​മ​യം, കൊ​ട​ക​ര ക​ള്ള​പ്പ​ണ​ക്കേ​സു​ൾ​പ്പെ​ടെ കേ​ന്ദ്ര​ഭ​ര​ണ​ക​ക്ഷി പ്ര​തി​സ്ഥാ​ന​ത്ത് വ​ന്ന കേ​സു​ക​ൾ ആ​വി​യാ​ക്കി മാ​റ്റി​യ​തും മ​റ്റാ​രു​മ​ല്ല. ക​ഴി​ഞ്ഞ ര​ണ്ട് ലോ​ക്സ​ഭാ തെ​ര​ഞ്ഞെ​ടു​പ്പു​ക​ളി​ലും നി​ര​വ​ധി നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ലും കേ​ന്ദ്ര​ഭ​ര​ണ മു​ന്ന​ണി​യി​ലെ മു​ഖ്യ​സ​ഖ്യ​ക​ക്ഷി​യെ​ന്ന ക​ണ​ക്കി​ൽ പ്ര​വ​ർ​ത്തി​ച്ചാ​ണ് ഇ.​ഡി പ്ര​തി​പ​ക്ഷ നേ​താ​ക്ക​ളെ​യും അ​വ​ർ​ക്ക് പി​ന്തു​ണ ന​ൽ​കു​ന്ന വ്യ​വ​സാ​യി​ക​ളെ​യും വേ​ട്ട​യാ​ടി​യ​ത്. ഇ.​ഡി​യു​ടെ അ​ന്യാ​യ​ങ്ങ​ൾ​ക്കി​ര​യാ​യ കൂ​ടു​ത​ൽ മ​ല​യാ​ളി​ക​ൾ അ​ടു​ത്ത ദി​വ​സ​ങ്ങ​ളി​ൽ വെ​ളി​പ്പെ​ടു​ത്ത​ലു​മാ​യി വ​രു​മോ അ​തോ ഭ​യ​ത്തി​ൽ മു​ങ്ങി നി​ശ്ശ​ബ്ദ​ത തു​ട​രു​മോ എ​ന്നാ​ണ് ഇ​നി അ​റി​യാ​നു​ള്ള​ത്.

അ​ന്വേ​ഷ​ണ ഏ​ജ​ൻ​സി​ക​ൾ സ്വ​ത​ന്ത്ര​വും സ​ത്യ​സ​ന്ധ​വു​മാ​യി നി​ല​കൊ​ള്ളാ​ത്തി​ട​ത്തോ​ളം ഒ​രു രാ​ജ്യ​ത്തെ അ​ഴി​മ​തി​യി​ൽ​നി​ന്നും മ​റ്റു ക്ര​മ​ക്കേ​ടു​ക​ളി​ൽ​നി​ന്നും സം​ര​ക്ഷി​ക്കു​ക ദു​ഷ്ക​ര​മാ​ണ്. ഏ​ജ​ൻ​സി​ക​ൾ പ​ണം പി​ടു​ങ്ങ​ൽ-​ബ്ലാ​ക്ക്മെ​യി​ലി​ങ് റാ​ക്ക​റ്റി​ന്റെ ഭാ​ഗ​മാ​വു​ക കൂ​ടി​​ചെ​യ്താ​ൽ അ​ഴി​മ​തി സ്ഥാ​പ​ന​വ​ത്ക​രി​ക്ക​പ്പെ​ടു​ക​യും ചെ​യ്യും. അ​ഴി​മ​തി സൂ​ചി​ക​ക​ളി​ൽ രാ​ജ്യ​ത്തി​ന്റെ സ്ഥാ​നം നാ​ണം​കെ​ടു​ത്തു​ന്ന വി​ധം ഇ​നി​യും ഇ​ടി​യും. സ​മ്പൂ​ർ​ണ ശു​ദ്ധീ​ക​ര​ണം കൊ​ണ്ടു​മാ​ത്ര​മേ ഇ​തി​ന് അ​റു​തി വ​രു​ത്താ​നാ​വൂ. കേ​ന്ദ്ര ഭ​ര​ണ​ക​ക്ഷി​യു​ടെ വ​രു​തി​യി​ൽ തു​ട​രു​ന്നി​ട​ത്തോ​ളം കാ​ലം അ​തി​നു​ള്ള സാ​ധ്യ​ത​യും വി​ദൂ​ര​മാ​ണ്.