കൗ​മാ​ര​ക്ക​ലി: ശി​ക്ഷ മാ​ത്ര​മ​ല്ല പ​രി​ഹാ​രം

‘കൂ​ടു​ത​ൽ ദു​ര​ന്ത​ങ്ങ​ൾ​ക്ക് കാ​ത്തു​നി​ൽ​ക്കാ​തെ ഈ ​നി​മി​ഷം​മു​ത​ൽ തി​രു​ത്ത​ലി​ന് ത​യാ​റാ​വു​ക’ എ​ന്ന് ഈ ​പം​ക്തി​യി​ൽ എ​ഴു​തി ദി​വ​സ​ങ്ങ​ൾ​ക്ക​കം ഇ​താ മ​റ്റൊ​രു കൗ​മാ​ര കൊ​ല​പാ​ത​ക വാ​ർ​ത്ത​കൂ​ടി സം​സ്ഥാ​നം കേ​ൾ​ക്കേ​ണ്ടി​വ​ന്നി​രി​ക്കു​ന്നു. വെ​ഞ്ഞാ​റ​മൂ​ട് കൂ​ട്ട​ക്കൊ​ല ആ​വ​ശ്യ​പ്പെ​ട്ട അ​ടി​യ​ന്ത​ര ശ്ര​ദ്ധ കൂ​ടു​ത​ൽ ജാ​ഗ്ര​ത​യോ​ടെ, കൂ​ടു​ത​ൽ വേ​ഗം വേ​ണ​മെ​ന്നാ​ണ് താ​മ​ര​ശ്ശേ​രി​യി​ൽ​നി​ന്ന​ട​ക്കം കേ​ൾ​ക്കു​ന്ന ദാ​രു​ണ​വാ​ർ​ത്ത​ക​ൾ സൂ​ചി​പ്പി​ക്കു​ന്ന​ത്. സ്കൂ​ൾ വി​ദ്യാ​ർ​ഥി​ക​ൾ ത​മ്മി​ലു​ണ്ടാ​യ ക​ശ​പി​ശ​ക്ക് പി​ന്നാ​ലെ സം​ഘം ചേ​ർ​ന്ന് ചെ​യ്ത അ​ക്ര​മം ഒ​രു വി​ദ്യാ​ർ​ഥി​യു​ടെ മ​ര​ണ​ത്തി​ൽ ക​ലാ​ശി​ച്ചു. കാ​മ്പ​സു​ക​ളി​ലും പു​റ​ത്തു​മാ​യി കൗ​മാ​ര​പ്രാ​യ​ക്കാ​ർ ന​ട​ത്തു​ന്ന ഹിം​സ​യു​ടെ വേ​ലി​യേ​റ്റം വ്യാ​പ​ക​വും ഭീ​തി​ദ​വു​മാ​യി​രി​ക്കു​ന്നു. ഷ​ഹ​ബാ​സ് എ​ന്ന പ​തി​ന​ഞ്ചു​കാ​ര​നെ കൊ​ന്ന​ത് ആ​ക​സ്മി​ക​മാ​യ​ല്ല; കൃ​ത്യ​മാ​യി പ​രി​പാ​ടി​യി​ട്ടാ​യി​രു​ന്നു. അ​ടു​ത്ത​കാ​ല​ത്ത് ന​ട​ന്ന സ്കൂ​ൾ-​ക​ലാ​ല​യ അ​ക്ര​മ​ങ്ങ​ളു​ടെ ചെ​റു​ചി​ത്ര​മാ​യി ഞ​ങ്ങ​ൾ ഇ​ന്ന​ലെ ​പ്ര​സി​ദ്ധ​പ്പെ​ടു​ത്തി​യ സം​ഭ​വ​ങ്ങ​ളും കാ​ണി​ക്കു​ന്ന​ത്, കൊ​ല​പാ​ത​ക​ത്തി​ലേ​ക്കെ​ത്തി​യി​ല്ലെ​ങ്കി​ൽ പോ​ലും ഹിം​സാ​ത്മ​ക​മാ​യ ഒ​രു ഉ​ന്മാ​ദം കൗ​മാ​ര​മ​ന​സ്സു​ക​ളെ വ​ല്ലാ​തെ ആ​വേ​ശി​ക്കു​ന്നു​ണ്ട് എ​ന്നു​ത​ന്നെ. പാ​ല​ക്കാ​ട് ജി​ല്ല​യി​ൽ മൂ​ക്ക് ത​ക​ർ​ന്ന സ്വ​കാ​ര്യ ഐ.​ടി.​ഐ വി​ദ്യാ​ർ​ഥി, മ​ല​പ്പു​റം ജി​ല്ല​യി​ൽ സ​ഹ​പാ​ഠി ക​ത്തി​കൊ​ണ്ട് കു​ത്തി​യ 16കാ​ര​ൻ, വ​യ​നാ​ട് ജി​ല്ല​യി​ൽ ക​ത്രി​ക​കൊ​ണ്ട് പ​രി​ക്കേ​റ്റ പ​ത്താം ക്ലാ​സു​കാ​ര​ൻ, എ​റ​ണാ​കു​ളം ജി​ല്ല​യി​ൽ സ​ഹ​പാ​ഠി​ക​ളി​ൽ​നി​ന്നേ​റ്റ ശാ​രീ​രി​ക, മാ​ന​സി​ക പീ​ഡ​ന​ങ്ങ​ൾ സ​ഹി​ക്കാ​നാ​വാ​തെ ജീ​വ​നൊ​ടു​ക്കി​യ ഒ​മ്പ​താം ക്ലാ​സു​കാ​ര​ൻ തു​ട​ങ്ങി​യ​വ​ർ ഒ​രേ​ത​ര​മെ​ന്ന് തോ​ന്നി​ക്കു​ന്ന കൗ​മാ​ര ഉ​ന്മാ​ദ​ത്തി​ന്റെ ഇ​ര​ക​ളാ​ണ്. മ​റ്റു ജി​ല്ല​ക​ളി​ലു​മു​ണ്ട് സ​മാ​ന​മാ​യ സം​ഭ​വ​ങ്ങ​ളും പ്ര​വ​ണ​ത​ക​ളും. ഇ​ത് സ​മൂ​ഹ​ത്തി​ൽ മൊ​ത്തം പ​ട​രു​ന്ന കു​റ്റ​വാ​സ​ന​യു​ടെ ഭാ​ഗ​മാ​യി കാ​ണാ​മെ​ങ്കി​ലും മു​മ്പി​ല്ലാ​ത്ത​വി​ധം രൗ​ദ്ര​മാ​കു​ന്ന കൗ​മാ​രം പ്ര​ത്യേ​ക പ​രി​ഗ​ണ​ന അ​ർ​ഹി​ക്കു​ന്നു​ണ്ട്.

പ്ര​ശ്നം വി​ശ​ദ​പ​ഠ​നം ആ​വ​ശ്യ​പ്പെ​ടു​ന്ന​താ​ണെ​ങ്കി​ലും, ചി​ല കാ​ര​ണ​ങ്ങ​ൾ വി​വി​ധ അ​ധ്യാ​പ​ക​രും ര​ക്ഷാ​ക​ർ​ത്താ​ക്ക​ളും വി​ദ​ഗ്ധ​രു​മെ​ല്ലാം പൊ​തു​വാ​യി മു​ന്നോ​ട്ടു​വെ​ക്കു​ന്നു​ണ്ട്. അ​വ​യി​ലൊ​ന്ന്, കൗ​മാ​ര​ക്കാ​ർ അ​നു​ഭ​വി​ക്കു​ന്ന ഒ​റ്റ​പ്പെ​ട​ല​ത്രെ. ഇ​തി​ന്റെ ഹേ​തു​വും ഫ​ല​വു​മാ​ണ് കു​ടും​ബ​ബ​ന്ധ​ങ്ങ​ളി​ലെ ഉ​ല​ച്ചി​ലും വീ​ട​ക​ങ്ങ​ളി​ൽ​നി​ന്നു​ണ്ടാ​കേ​ണ്ട ക​രു​ത​ലി​ന്റെ​യും സ്നേ​ഹ​ത്തി​ന്റെ​യും അ​ഭാ​വ​വും. മ​റ്റൊ​ന്ന്, ലി​ബ​റ​ലി​സ​മെ​ന്ന ഓ​മ​ന​പ്പേ​രി​ൽ പ്ര​ചു​ര​പ്ര​ചാ​രം നേ​ടു​ന്ന അ​മി​ത സ്വാ​ത​ന്ത്ര്യ​മാ​ണ്. കൗ​മാ​ര​പ്രാ​യ​ത്തി​ൽ ആ​ർ​ജി​ക്കേ​ണ്ട ആ​ത്മ​നി​യ​ന്ത്ര​ണ​വും അ​ച്ച​ട​ക്ക​വും ഇ​തി​ന്റെ പേ​രി​ൽ ഇ​ല്ലാ​താ​ക്ക​പ്പെ​ടു​ന്നു. അ​തി​രു​ക​ളും അ​രു​തു​ക​ളും സ​മൂ​ഹ​ത്തി​ന്റെ സ​മാ​ധാ​ന​ത്തി​ന് അ​നി​വാ​ര്യ​മാ​ണെ​ന്ന തി​രി​ച്ച​റി​വ് ന​ഷ്ട​പ്പെ​ട്ട​തോ​ടെ മ​യ​ക്കു​മ​രു​ന്നി​നും സ​മൂ​ഹ​മാ​ധ്യ​മ റീ​ലു​ക​ൾ​ക്കും ഹിം​സ​യു​ടെ കൗ​മാ​ര​ലോ​കം തു​റ​ന്നു​കി​ട്ടി. പ​രു​ക്ക​ൻ യാ​ഥാ​ർ​ഥ്യ​ങ്ങ​ളു​മാ​യു​ള്ള ബ​ന്ധം ന​ഷ്ട​പ്പെ​ടു​ന്ന അ​വ​സ്ഥ​യു​മു​ണ്ട്; ജീ​വി​ത​മെ​ന്തെ​ന്ന കാ​ഴ്ച​പ്പാ​ടി​ൽ ഭൗ​തി​ക പ്ര​മ​ത്ത​ത ക​ട​ന്നു​വ​ന്ന​തോ​ടെ ര​ണ്ട് കാ​ര്യ​ങ്ങ​ൾ സം​ഭ​വി​ച്ചു. ഒ​രു​ഭാ​ഗ​ത്ത് അ​പ​ര​നോ​ടു​ള്ള ക​രു​ണ​യും സ​ഹാ​നു​ഭൂ​തി​യും ന​ഷ്ട​മാ​യി; മ​റു​ഭാ​ഗ​ത്ത് ചെ​റി​യ ആ​ശാ​ഭം​ഗം​പോ​ലും സ​ഹി​ക്കാ​ൻ ക​ഴി​യാ​ത്ത തൊ​ട്ടാ​വാ​ടി​ക​ളാ​യി യു​വ​ത മാ​റി. മു​തി​ർ​ന്ന​വ​രി​ൽ​നി​ന്ന് ല​ഭ്യ​മാ​കേ​ണ്ട ന​ല്ല മാ​തൃ​ക​ക​ക​ൾ വി​ര​ള​മാ​യി​ക്കൊ​ണ്ടി​രി​ക്കു​ന്ന​തും യു​വാ​ക്ക​ളി​ലെ അ​ക്ര​മോ​ത്സു​ക​ത​ക്ക് കാ​ര​ണ​മാ​ണ്. അ​ന്യ​നെ ബ​ല​മു​പ​യോ​ഗി​ച്ചു​പോ​ലും തോ​ൽ​പി​ച്ച് ജ​യി​ക്ക​ലാ​ണ് ല​ക്ഷ്യ​മെ​ന്ന് കാ​മ്പ​സു​ക​ളി​ലെ ക​ക്ഷി​രാ​ഷ്ട്രീ​യ മാ​തൃ​ക​ക​ൾ വി​ദ്യാ​ർ​ഥി​ക​ളോ​ട് പ​റ​യു​ന്നു. കാ​മ്പ​സ് അ​ക്ര​മ​ങ്ങ​ൾ രാ​ഷ്ട്രീ​യ​ത്തി​ന്റെ വി​ലാ​സ​ത്തി​ൽ മ​ഹ​ത്വ​വ​ത്ക​രി​ക്ക​പ്പെ​ടു​ന്നു. ധാ​ർ​മി​ക മൂ​ല്യ​ങ്ങ​ൾ പ​ഠി​ക്കു​ന്ന​തു​പോ​യി​ട്ട് പ​രാ​മ​ർ​ശി​ക്കു​ന്ന​തു​പോ​ലും പി​ന്തി​രി​പ്പ​നാ​ണെ​ന്ന ബോ​ധം കു​ത്തി​വെ​ക്ക​പ്പെ​ടു​ന്നു.

കാ​ര​ണ​ങ്ങ​ൾ ഇ​നി​യു​മു​ണ്ട്; ഏ​റെ​യും സ​ങ്കീ​ർ​ണ​മാ​യ​വ. പ​ക്ഷേ, ഇ​തി​ൽ സ​മൂ​ഹ​ത്തി​ന്റെ​യും പൊ​തു​സം​വി​ധാ​ന​ങ്ങ​ളു​ടെ​യും പ​ങ്ക് നി​ഷേ​ധി​ക്കാ​നാ​വി​ല്ല. ഇ​ന്ന് കൗ​മാ​ര​പ്രാ​യ​ക്കാ​രെ കൊ​ല​ക്കു​റ്റം ചു​മ​ത്തി ത​ട​വി​ലി​ടേ​ണ്ടി​വ​രു​ന്നു​വെ​ങ്കി​ൽ അ​തി​ന്, മു​തി​ർ​ന്ന​വ​രു​ടേ​താ​യ സ​മൂ​ഹ​വും ഉ​ത്ത​ര​വാ​ദി​യാ​ണ്. ചോ​ര​ത്തി​ള​പ്പു​ള്ള പ്രാ​യ​ക്കാ​ർ​ക്ക് ചു​റ്റും കു​റ്റ​ങ്ങ​ൾ സു​ഗ​മ​മാ​യി ചെ​യ്യാ​നു​ള്ള സാ​ഹ​ച​ര്യ​ങ്ങ​ൾ തു​റ​ന്നു​വെ​ച്ച​ശേ​ഷം അ​തി​ൽ കു​ടു​ങ്ങി​പ്പോ​കു​ന്ന​വ​രെ ശി​ക്ഷി​ച്ച​തു​കൊ​ണ്ട് എ​ന്ത് പ്ര​യോ​ജ​നം? സാ​ഹ​ച​ര്യ​ങ്ങ​ൾ ഇ​ല്ലാ​താ​ക്കാ​ൻ ച​ട്ട​ങ്ങ​ളും നി​യ​മ​ങ്ങ​ളും സം​വി​ധാ​ന​ങ്ങ​ളും പ്ര​വ​ർ​ത്ത​ന​ക്ഷ​മ​മാ​കേ​ണ്ടി​വ​രും. അ​ക്ര​മോ​ത്സു​ക​ത ഇ​ല്ലാ​താ​ക്കേ​ണ്ടി​വ​രും. മ​ദ്യ​വും ല​ഹ​രി​യും ഔ​ദ്യോ​ഗി​ക​മാ​യി പ്രോ​ത്സാ​ഹി​പ്പി​ക്കു​ന്ന ന​യം മാ​റ്റേ​ണ്ടി​വ​രും. വ​ല്ല​തും സം​ഭ​വി​ച്ച​ശേ​ഷം മാ​ത്രം ഉ​ണ​രു​ന്ന മ​നു​ഷ്യാ​വ​കാ​ശ-​ബാ​ലാ​വ​കാ​ശ ക​മീ​ഷ​നു​ക​ൾ​പോ​ലു​ള്ള സം​വി​ധാ​ന​ങ്ങ​ൾ കൂ​ടു​ത​ൽ ഉ​ത്ത​ര​വാ​ദി​ത്ത​ത്തോ​ടെ സ​മ​ഗ്ര​മാ​യ പ്ര​തി​രോ​ധ പ​ദ്ധ​തി​ക​ൾ ആ​വി​ഷ്‍ക​രി​ക്കേ​ണ്ടി​വ​രും. ത​ക​ർ​ച്ച ക​ണ്ട് പ​ക​ച്ചു​നി​ൽ​ക്കാ​തെ, സി​ദ്ധാ​ന്ത​ങ്ങ​ൾ​ക്ക​പ്പു​റം ജീ​വി​ത​യാ​ഥാ​ർ​ഥ്യ​ങ്ങ​ളു​മാ​യി ചേ​ർ​ന്നു​നി​ൽ​ക്കു​ന്ന പ​രി​ഹാ​ര​ങ്ങ​ൾ തേ​ടു​ക അ​ടി​യ​ന്ത​രാ​വ​ശ്യ​മാ​ണ്. അ​ക്കൂ​ട്ട​ത്തി​ൽ സി​നി​മ​യു​ടെ​യും സ​മൂ​ഹ​മാ​ധ്യ​മ​ങ്ങ​ൾ അ​ട​ക്ക​മു​ള്ള സാം​സ്കാ​രി​ക ആ​യു​ധ​ങ്ങ​ളു​ടെ​യും രാ​ഷ്ട്രീ​യ​ത്തി​ന്റെ​യും പ​ങ്ക് വി​ചാ​ര​ണ ചെ​യ്യ​പ്പെ​ട​ണം. ഒ​പ്പം, ഞ​ങ്ങ​ള​ട​ക്ക​മു​ള്ള മാ​ധ്യ​മ​ങ്ങ​ളും ഗൗ​ര​വ​ത്തി​ലു​ള്ള ആ​ത്മ​പ​രി​ശോ​ധ​ന ന​ട​​ത്തേ​ണ്ട​തു​ണ്ട്. കാ​ര​ണം ഇ​വി​ടെ പ്ര​തി​ക​ൾ ശി​ക്ഷ ഉ​ണ്ടാ​കി​ല്ലെ​ന്ന ഉ​റ​പ്പി​ൽ എ​ന്ത് കു​റ്റ​വും അ​റ​പ്പി​ല്ലാ​തെ ചെ​യ്യാ​ൻ ഒ​രു​മ്പെ​ട്ട കൗ​മാ​രം മാ​ത്ര​മ​ല്ല, അ​വ​രെ ആ ​മ​നോ​ഭാ​വ​ത്തി​ലെ​ത്തി​ച്ച എ​ല്ലാ​വ​രു​മാ​ണ്. ഭ​ര​ണ​കൂ​ട​വും പൗ​ര​സ​മൂ​ഹ​വും വ്യ​ക്തി​ക​ളും സം​ഘ​ട​ന​ക​ളും മു​ൻ​ഗ​ണ​ന​യോ​ടെ അ​ഭി​മു​ഖീ​ക​രി​ക്കേ​ണ്ട പ്ര​ശ്ന​മാ​യി​രി​ക്കു​ന്നു ഇ​ത്.