രാ​ജ്ഭ​വ​നാ​ണ്; ആ​ർ.​എ​സ്.​എ​സ് കാ​ര്യാ​ല​യ​മ​ല്ല

തീ​വ്ര​ഹി​ന്ദു​ത്വ ആ​ശ​യ​ങ്ങ​ൾ ഉ​ൾ​ക്കൊ​ള്ളു​ന്ന ആ​ർ.​എ​സ്.​എ​സ് ഉ​യ​ർ​ത്തി​പ്പി​ടി​ക്കു​ന്ന ഒ​രു ചി​ഹ്നം കേ​ര​ള ഗ​വ​ർ​ണ​ർ രാ​ജേ​ന്ദ്ര ആ​ർ​ലേ​ക്ക​ർ ഔ​ദ്യോ​ഗി​ക ച​ട​ങ്ങു​ക​ളി​ൽ ആ​വ​ർ​ത്തി​ച്ച് ഉ​പ​യോ​ഗി​ക്കു​ന്ന​ത്, രാ​ജ്യ​ത്തി​ന്റെ മ​ത​നി​ര​പേ​ക്ഷ​ത​ക്കും ഗ​വ​ർ​ണ​ർ പ​ദ​വി​യു​ടെ മ​ഹ​ത്വ​ത്തി​നും നി​ര​ക്കു​ന്ന​ത​ല്ലെ​ന്ന് മാ​ത്ര​മ​ല്ല, നാം ​ഇ​തു​വ​രെ പു​ല​ർ​ത്തി​പ്പോ​രു​ന്ന, ഭ​ര​ണ​ഘ​ട​നാ മൂ​ല്യ​ങ്ങ​ൾ​ക്ക് വി​രു​ദ്ധ​വു​മാ​ണ്. ഗ​വ​ർ​ണ​ർ എ​ന്ന​ത് ഭ​ര​ണ​ഘ​ട​നാ​പ​ര​മാ​യ ചു​മ​ത​ല​യു​ള്ള പ​ദ​വി​യാ​ണ്. വ്യ​ക്തി​പ​ര​മാ​യി രാ​ഷ്ട്രീ​യ നി​ല​പാ​ടു​ക​ളോ മ​ത​പ​ര​മാ​യ വി​ശ്വാ​സ​ങ്ങ​ളോ ഉ​ണ്ടാ​കാ​മെ​ങ്കി​ലും ഔ​ദ്യോ​ഗി​ക​മാ​യി രാ​ജ്യ​ത്തി​ന്‍റെ ഭ​ര​ണ​ഘ​ട​ന മൂ​ല്യ​ങ്ങ​ളെ പ്ര​തി​നി​ധാ​നം ചെ​യ്യേ​ണ്ട, കാ​ത്തു​സൂ​ക്ഷി​ക്കേ​ണ്ട വ്യ​ക്തി​യാ​ണ് അ​ദ്ദേ​ഹം. എ​ന്നാ​ൽ, ത​ന്‍റെ ഭ​ര​ണ​ഘ​ട​നാ പ​ദ​വി ദു​രു​പ​യോ​ഗം ചെ​യ്തു​കൊ​ണ്ട് അ​ദ്ദേ​ഹം ആ​ർ.​എ​സ്.​എ​സ് പ്ര​ചാ​ര​ക​നാ​യി മാ​റു​ന്ന​തി​ന്‍റെ ദൃ​ശ്യം കേ​ര​ളം പ​തി​വാ​യി കാ​ണു​ക​യാ​ണ്. ഓ​രോ ഔ​ദ്യോ​ഗി​ക പ​രി​പാ​ടി​യി​ലും കാ​വി​ക്കൊ​ടി​യേ​ന്തി​യ ‘ഭാ​ര​താം​ബ’​യു​ടെ ചി​ത്രം പ്ര​ദ​ർ​ശി​പ്പി​ക്കു​ന്ന​ത് ഗ​വ​ർ​ണ​റു​ടെ രാ​ഷ്ട്രീ​യ നി​ര​പേ​ക്ഷ​ത​യെ​യും ഭ​ര​ണ​ഘ​ട​നാ​നി​ഷ്ഠ​യെ​യും സം​ബ​ന്ധി​ച്ച സം​ശ​യ​ങ്ങ​ൾ ഉ​യ​ർ​ത്തു​ന്നു. സാ​മൂ​ഹി​ക പ​രി​ഷ്കാ​ര​ത്തി​ന്റെ​യും മ​ത​സ​ഹി​ഷ്ണു​ത​യു​ടെ​യും ശ​ക്ത​മാ​യ ച​രി​ത്ര​മു​ള്ള സം​സ്ഥാ​ന​ത്ത് ഹി​ന്ദു​ത്വ വം​ശീ​യ​ത​യു​ടെ പ്ര​തീ​ക​ത്തി​ന് ഔ​ദ്യോ​ഗി​ക​ത ന​ൽ​കാ​നു​ള്ള ശ്ര​മം ഭ​ര​ണ​ഘ​ട​ന​യു​ടെ ആ​ത്മാ​വി​നോ​ട് കാ​ണി​ക്കു​ന്ന വ​ഞ്ച​ന​യാ​ണ്.

ക​ഴി​ഞ്ഞ പ​രി​സ്ഥി​തി ദി​നാ​ഘോ​ഷ​ത്തി​ല്‍ ഈ ​ചി​ത്ര​ത്തി​ന് മു​ന്നി​ല്‍ വി​ള​ക്ക് തെ​ളി​യി​ക്ക​ണ​മെ​ന്ന് രാ​ജ്ഭ​വ​ന്‍ ആ​വ​ശ്യ​പ്പെ​ട്ട​തോ​ടെ കൃ​ഷി​മ​ന്ത്രി പി. ​പ്ര​സാ​ദ് പ​രി​പാ​ടി ബ​ഹി​ഷ്‌​ക​രി​ക്കു​ക​യും പൊ​തു​വി​ദ്യാ​ഭ്യാ​സ വ​കു​പ്പി​ന്റെ നേ​തൃ​ത്വ​ത്തി​ൽ സ്കൗ​ട്ട് ആ​ൻ​ഡ് ഗൈ​ഡ്സി​ന്റെ പ​രി​പാ​ടി​യി​ൽ ഗ​വ​ർ​ണ​ർ ഇ​താ​വ​ർ​ത്തി​ക്കാ​ൻ മു​തി​ർ​ന്ന​തോ​ടെ അ​തി​ൽ പ്ര​തി​ഷേ​ധി​ച്ച് സം​സാ​രി​ച്ച് വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി ഇ​റ​ങ്ങി​പ്പോ​രു​ക​യും ചെ​യ്ത​തോ​ടെ​യാ​ണ് ഈ ​വി​വാ​ദം ക​ത്തി​പ്പ​ട​രാ​ൻ തു​ട​ങ്ങി​യ​ത്. രാ​ജ്ഭ​വ​നി​ലെ പ​രി​പാ​ടി​ക​ളി​ൽ​നി​ന്ന് ഈ ​ചി​ത്രം ഒ​ഴി​വാ​ക്കു​ന്ന പ്ര​ശ്ന​മു​ദി​ക്കു​ന്നി​ല്ലെ​ന്ന് രാ​ജേ​ന്ദ്ര ആ​ർ​ലേ​ക്ക​ർ ധാ​ർ​ഷ്ട്യ​ത്തോ​ടെ അ​വി​ടെ​വെ​ച്ചു​ത​ന്നെ പ്ര​ഖ്യാ​പി​ക്കു​ക​യും ചെ​യ്തു. രാ​ജ്ഭ​വ​നി​ലെ പ​രി​പാ​ടി​ക​ളി​ൽ മാ​ത്ര​മ​ല്ല, പു​റ​ത്തും ഈ ​വി​വാ​ദം ക​ത്തി​ക്കാ​ൻ സം​ഘ്പ​രി​വാ​ർ ഒ​രു​മ്പെ​ടു​ന്നു എ​ന്ന ആ​ശ​ങ്ക​ക്ക് ആ​ക്കം​കൂ​ട്ടു​ക​യാ​ണ് കേ​ര​ള സ​ർ​വ​ക​ലാ​ശാ​ല​യി​ൽ അ​ര​ങ്ങേ​റി​യ മ​ർ​ദ​ന​ങ്ങ​ൾ. ഇ​ന്ത്യ​യു​ടെ ദേ​ശീ​യ​ത​യു​മാ​യി ബ​ന്ധ​മി​ല്ലാ​ത്ത​തും നി​യ​മ​പ​ര​മാ​യ പ​രി​ര​ക്ഷ​യി​ല്ലാ​ത്ത​തു​മാ​യ ഒ​രു കാ​ര്യ​ത്തി​നു​വേ​ണ്ടി ഗ​വ​ർ​ണ​ർ വാ​ശി​പി​ടി​ക്കു​ന്ന​ത് സം​സ്ഥാ​ന​ത്തി​ന്‍റെ സാ​മൂ​ഹി​ക സൗ​ഹൃ​ദ​ത്തെ ക​ലു​ഷി​ത​മാ​ക്കാ​ന​ല്ലാ​തെ മ​റ്റെ​ന്തി​നാ​ണ്?

1896ലെ ​വ​ന്ദേ​മാ​ത​രം ഗാ​നം വ​ഴി രൂ​പ​പ്പെ​ടു​ക​യും ദേ​ശീ​യ പ്ര​ക്ഷോ​ഭ​ങ്ങ​ളി​ലൂ​ടെ ജ​ന​കീ​യ​മാ​ക്ക​പ്പെ​ടു​ക​യും ചെ​യ്ത ഭാ​ര​ത​മാ​താ​വ് എ​ന്ന സ​ങ്ക​ൽ​പ​ത്തി​ൽ​നി​ന്ന് വി​ഭി​ന്ന​മാ​ണ് ഗ​വ​ർ​ണ​ർ രാ​ജ്ഭ​വ​നി​ൽ വെ​ച്ചി​ട്ടു​ള്ള ആ​ർ.​എ​സ്.​എ​സി​ന്‍റെ ഭാ​ര​താം​ബ. ഇ​ന്ത്യ​യു​ടെ ഭൂ​പ​ട​ത്തി​ന് പ​ക​രം അ​തി​ൽ ആ​ലേ​ഖ​നം ചെ​യ്തി​രി​ക്കു​ന്ന​ത് ആ​ർ.​എ​സ്.​എ​സി​ന്റെ സ​ങ്ക​ൽ​പ​ത്തി​ലു​ള്ള ഭാ​ര​ത​മാ​ണ്. കാ​വി വ​സ്ത്ര​മ​ണി​ഞ്ഞ, ഹി​ന്ദു​ദേ​വി​യു​ടെ പ​വി​ത്ര​ത സ​ങ്ക​ൽ​പി​ച്ചി​ട്ടു​ള്ള ചി​ത്ര​ത്തി​ന്‍റെ കൈ​യി​ൽ ഖ​ഡ്ഗ​വും കാ​വി പ​താ​ക​യു​മാ​ണു​ള്ള​ത്. അ​തോ​ടെ അ​ത് മ​ത​പ​ര​മാ​യ അ​ർ​ഥ​ങ്ങ​ളു​ള്ള ഹി​ന്ദു​ത്വ​ത്തി​ന്റെ പ്ര​തീ​ക​മാ​യി​ത്തീ​രു​ക​യാ​ണ്. അ​തു​കൊ​ണ്ടു​ത​ന്നെ ഈ ​ചി​ത്രം ആ​ർ.​എ​സ്.​എ​സ് രു​പ​വ​ത്ക​ര​ണ​കാ​ല​ത്തു​ത​ന്നെ പ്ര​ശ്ന​വ​ത്ക​രി​ച്ച​തും ദേ​ശീ​യ സ​മ​ര​ങ്ങ​ളി​ൽ​നി​ന്ന് ഒ​ഴി​ച്ചു​നി​ർ​ത്ത​പ്പെ​ട്ട​തു​മാ​ണ്.

ആ​ർ.​എ​സ്.​എ​സ് എ​ന്ന ഹി​ന്ദു​ത്വ സം​ഘ​ട​ന​യു​ടെ ഔ​ദ്യോ​ഗി​ക ചി​ഹ്ന​ത്തെ സ​ർ​ക്കാ​ർ ച​ട​ങ്ങു​ക​ളി​ൽ ഉ​പ​യോ​ഗി​ക്കു​ന്ന​ത് ഗു​രു​ത​ര​മാ​യ വി​ഭാ​ഗീ​യ​ത വ​ള​ർ​ത്താ​നും ജ​ന​ങ്ങ​ൾ​ക്കി​ട​യി​ൽ വൈ​രം ക​ത്തി​ക്കാ​നു​മാ​ണ് ഇ​ട​വ​രു​ത്തു​ക. അ​തി​ലു​പ​രി, മ​ത സാ​മൂ​ഹി​ക വൈ​വി​ധ്യ​ങ്ങ​ളെ നി​ഷേ​ധി​ക്കു​ന്ന ആ​ർ.​എ​സ്.​എ​സി​ന്‍റെ ഏ​കാ​ത്മ​ക സാം​സ്കാ​രി​ക പ്ര​തീ​ക​ത്തി​ന് ഔ​ദ്യോ​ഗി​ക സ്വീ​കാ​ര്യ​ത ല​ഭി​ക്കാ​നു​ള്ള പ​ദ്ധ​തി​ക​ൾ ഭ​ര​ണ​ഘ​ട​ന​യു​ടെ മൂ​ല്യ​ങ്ങ​ളെ തി​രു​ത്തു​ന്ന​തി​ന്‍റെ ഭാ​ഗ​മാ​ണ്. ആ​ർ.​എ​സ്.​എ​സി​ന്‍റെ ഭാ​ര​താം​ബ ചി​ത്ര​പൂ​ജ​ക്ക് വി​ധേ​യ​മാ​കാ​ൻ ത​യാ​റാ​കാ​ത്ത മ​ത, രാ​ഷ്ട്രീ​യ വി​ഭാ​ഗ​ങ്ങ​ളെ അ​പ​മാ​നി​ക്കാ​നും അ​പ​ര​വ​ത്ക​രി​ക്കാ​നും ദേ​ശ​ദ്രോ​ഹി​ക​ളെ​ന്ന് പ്ര​ച​രി​പ്പി​ക്കാ​നു​മു​ള്ള ഗൂ​ഢ​ത​ന്ത്ര​മാ​ണ് കേ​ര​ള​ത്തി​ൽ രാ​ജ്ഭ​വ​നെ മു​ൻ​നി​ർ​ത്തി അ​ര​ങ്ങേ​റു​ന്ന​ത്. അ​ത​നു​വ​ദി​ക്ക​പ്പെ​ടു​ന്ന​ത് കേ​ര​ള​ത്തി​ന്‍റെ സാ​മൂ​ഹി​ക സൗ​ഹൃ​ദ​ത്തി​നു​മേ​ൽ കോ​ടാ​ലി​വെ​ക്കു​ന്ന​തി​ന് തു​ല്യ​മാ​ണ്.

ഗ​വ​ർ​ണ​ർ എ​ന്ന​ത് പ​രി​മി​തി​യു​ള്ള ഭ​ര​ണ​ഘ​ട​നാ സ്ഥാ​ന​മാ​ണ്. ആ ​പ​രി​മി​തി ആ​ർ​ലേ​ക്ക​ർ തി​രി​ച്ച​റി​യേ​ണ്ട​തു​ണ്ട്. ആ​ദ്ദേ​ഹം ഗ​വ​ർ​ണ​റാ​യി നി​ർ​വ​ഹി​ക്കേ​ണ്ട​ത് ആ​ർ.​എ​സ്.​എ​സി​ന്‍റെ പ്ര​ചാ​ര​ക പ്ര​വൃ​ത്തി​യ​ല്ല. ഭ​ര​ണ​ഘ​ട​ന​യു​ടെ പ​രി​ര​ക്ഷ​യാ​ണ്. വ്യ​ക്തി​പ​ര​മാ​യ വി​ശ്വാ​സ​ങ്ങ​ൾ പ്ര​ച​രി​പ്പി​ക്കാ​നു​ള്ള അ​വ​സ​ര​മ​ല്ല​ത്, ജ​നാ​ധി​പ​ത്യ​ത്തി​ന്റെ കാ​വ​ലാ​ളാ​കാ​നു​ള്ള നി​യ​മ​പ​ര​മാ​യ ചു​മ​ത​ല​യാ​ണ്. ഇ​ന്ത്യ​ൻ ഭ​ര​ണ​ഘ​ട​ന​യു​ടെ സം​സ്ഥാ​ന പ്ര​തി​നി​ധി​യു​ടെ ഓ​രോ ഔ​ദ്യോ​ഗി​ക പ്ര​വൃ​ത്തി​യും മ​ത​നി​ര​പേ​ക്ഷ​ത​യും ജ​നാ​ധി​പ​ത്യ​മൂ​ല്യ​ങ്ങ​ളോ​ട് ഒ​ത്തു​പോ​കേ​ണ്ട​തു​ണ്ട്. ഭ​ര​ണ​ഘ​ട​നാ പ​ദ​വി​യി​ലു​ള്ള വ്യ​ക്തി​യു​ടെ ഔ​ദ്യോ​ഗി​ക ന​ട​പ​ടി വി​ഭാ​ഗീ​യ​ത​ക്കും സം​ഘ​ർ​ഷ​ങ്ങ​ൾ​ക്കും വ​ഴി​യൊ​രു​ക്ക​പ്പെ​ടു​ന്നു​വെ​ങ്കി​ൽ സം​സ്ഥാ​നം അ​തി​നെ ചെ​റു​ത്ത് തോ​ൽ​പി​ച്ചേ പ​റ്റൂ. ചെ​റു​പ്പം​മു​ത​ൽ ആ​ർ.​എ​സ്.​എ​സി​ന്‍റെ പ്ര​ണേ​താ​വാ​ണ് എ​ന്നു​വെ​ച്ച് രാ​ജ്ഭ​വ​നെ സം​ഘ് കാ​ര്യാ​ല​യ​മാ​ക്കാ​നു​ള്ള അ​വ​കാ​ശം അ​ദ്ദേ​ഹ​ത്തി​നി​ല്ല. ഔ​ദ്യോ​ഗി​ക പ​രി​പാ​ടി​ക​ളി​ൽ ഔ​ദ്യോ​ഗി​ക ചി​ഹ്ന​ങ്ങ​ള​ല്ലാ​ത്ത​ത് പ്ര​ദ​ർ​ശി​പ്പി​ക്ക​രു​ത് എ​ന്ന സ​ർ​ക്കാ​ർ തീ​രു​മാ​നം അ​തു​കൊ​ണ്ടു​ത​ന്നെ ശ്ലാ​ഘ​നീ​യ​മാ​ണ്. ഇ​ത് സം​ബ​ന്ധി​ച്ച് പ്ര​തി​പ​ക്ഷം പ്ര​ഖ്യാ​പി​ച്ച പി​ന്തു​ണ, മ​ത​നി​ര​പേ​ക്ഷ​ത​യു​ടെ സം​ര​ക്ഷ​ണ​ത്തി​ൽ ശ​ക്ത​മാ​യ രാ​ഷ്ട്രീ​യ ഐ​ക്യ​മു​ണ്ടെ​ന്ന് വ്യ​ക്ത​മാ​ക്കു​ന്നു. ഭ​ര​ണ​ഘ​ട​ന​യു​ടെ ശ​ബ്ദ​മാ​യി പ്ര​വ​ർ​ത്തി​ക്കേ​ണ്ട ഗ​വ​ർ​ണ​റോ​ട് സം​ഘ്പ​രി​വാ​ർ അ​ജ​ണ്ട​ക​ൾ​ക്ക് രാ​ജ്ഭ​വ​നെ വേ​ദി​യാ​ക്കാ​നാ​വി​ല്ലെ​ന്ന് ഓ​ർ​മ​പ്പെ​ടു​ത്തു​ക​യാ​ണ് ജ​നാ​ധി​പ​ത്യ കേ​ര​ളം.