ധനക്കമ്മിക്ക് പരിഹാരം ല​ഹ​രി സാ​മ്രാ​ജ്യ വി​ക​സ​ന​മോ?

പാ​ല​ക്കാ​ട്ടെ എ​ല​പ്പു​ള്ളി​യി​ൽ ബ്രൂ​വ​റി സ്ഥാ​പി​ക്കാ​ൻ പ​ഞ്ചാ​ബി​ലെ വ​ൻ മ​​ദ്യ​വ്യ​വ​സാ​യി ദീ​പ് മ​ൽ​ഹോ​ത്ര​യു​ടെ ഉ​ട​മ​സ്ഥ​ത​യി​ലു​ള്ള ഒ​യാ​സി​സ് ക​മേ​ഴ്സ്യ​ൽ പ്രൈ​വ​റ്റ് ലി​മി​റ്റ​ഡി​ന് കേ​ര​ള​ത്തി​ലെ ഇ​ട​തു മു​ന്ന​ണി സ​ർ​ക്കാ​ർ അ​നു​മ​തി ന​ൽ​കി​യ​താ​ണ് ഏ​താ​നും ദി​വ​സ​ങ്ങ​ളാ​യി സം​സ്ഥാ​ന​ത്തെ ചൂ​ടേ​റി​യ വി​വാ​ദ വി​ഷ​യം. ഡ​ൽ​ഹി മു​ൻ മു​ഖ്യ​മ​ന്ത്രി​യും ആ​പ് ചെ​യ​ർ​മാ​നു​മാ​യ അ​ര​വി​ന്ദ് കെ​ജ്രി​വാ​ള​ട​ക്കം പ്ര​തി​ചേ​ർ​ക്ക​പ്പെ​ട്ട പ്ര​മാ​ദ​മാ​യ മ​ദ്യ അ​ഴി​മ​തി​ക്കേ​സി​ലെ പ്ര​തി​ക​ളി​ലൊ​രാ​ൾകൂ​ടി​യാ​ണ് ദീ​പ് മ​ൽ​ഹോ​ത്ര. ഹ​രി​യാ​ന, പ​ഞ്ചാ​ബ്, രാ​ജ​സ്ഥാ​ൻ, മ​ധ്യ​പ്ര​ദേ​ശ്, യു.​പി മു​ത​ലാ​യ സം​സ്ഥാ​ന​ങ്ങ​ളി​ൽ പ​ട​ർ​ന്നു​കി​ട​ക്കു​ന്ന മ​ദ്യ സാ​മ്രാ​ജ്യാ​ധി​പ​ന് ടെൻഡർ പോ​ലും വി​ളി​ക്കാ​തെ മ​ദ്യോ​ൽ​പാ​ദ​ന ഫാ​ക്ട​റി​ക്ക് അ​നു​മ​തി ന​ൽ​കി​യ​തി​ൽ വ​ൻ അ​ഴി​മ​തി ന​ട​ന്നി​ട്ടു​ണ്ടെ​ന്നാ​ണ് പ്ര​തി​പ​ക്ഷ ആ​രോ​പ​ണ​ങ്ങ​ളി​ലൊ​ന്ന്. മ​റ്റൊ​ന്ന് മ​ദ്യ​ഫാ​ക്ട​റി സ്ഥാ​പി​ത​മാ​യ സം​സ്ഥാ​ന​ങ്ങ​ളി​ൽ വ​ൻ​തോ​തി​ൽ ഭൂ​ഗ​ർ​ഭ​ജ​ലം ഊ​റ്റി​യ​തി​ന്റെ പേ​രി​ൽ പ്ര​തി​ക്കൂ​ട്ടി​ലാ​യ ഒ​യാ​സി​സ് ക​മ്പ​നി​ക്ക്, അ​തൊ​ന്നും പ​രി​ഗ​ണി​ക്കാ​തെ ലൈ​സ​ൻ​സ് ന​ൽ​കി​യ​താ​ണ്. ദ​ശ​ല​ക്ഷ​ക്ക​ണ​ക്കി​ന് ലി​റ്റ​ർ ഭൂ​ഗ​ർ​ഭ ജ​ലം ഊ​റ്റി​യ​തി​ന്റെ പേ​രി​ൽ ആ​ദി​വാ​സി​ക​ൾ ഉ​ൾ​പ്പെ​ടെ​യു​ള്ള സാ​മാ​ന്യ ജ​നം കു​ടി​വെ​ള്ള ക്ഷാ​മം നേ​രി​ടേ​ണ്ടിവ​ന്ന​തി​നാ​ൽ വ​ൻ ജ​ന​കീ​യ പ്ര​ക്ഷോ​ഭ​ത്തെ തു​ട​ർ​ന്ന് ബ​ഹു​രാ​ഷ്ട്ര ക​മ്പ​നി​യാ​യ കൊ​ക്ക​ക്കോ​ള​ക്ക് ഫാ​ക്ട​റി പൂ​ട്ടി പോ​വേ​ണ്ടി​വ​ന്ന അ​തേ മേ​ഖ​ല​യി​ൽത​ന്നെ അ​ന്ന് പ്ര​ക്ഷോ​ഭ​ത്തി​ൽ പ​ങ്കാ​ളി​ക​ളാ​യ ഇ​ട​തു​പ​ക്ഷം അ​ധി​കാ​ര​ത്തി​ലി​രി​ക്കെ ഒ​യാ​സി​സ് ക​മ്പ​നി​ക്ക് ച​രി​ത്രം ആ​വ​ർ​ത്തി​ക്കാ​ൻ അ​വ​സ​രം ന​ൽ​കി​യ​തി​ലാ​ണ് പ്ര​തി​ഷേ​ധം.

ഭൂ​ഗ​ർ​ഭ​ജ​ലം ഒ​ട്ടു​മേ ഊ​റ്റു​ന്ന പ്ര​ശ്ന​മേ​യി​ല്ലെ​ന്ന് ആ​ണ​യി​ടു​ന്ന എ​ക്സൈ​സ് മ​ന്ത്രി എം.​ബി. രാ​ജേ​ഷ് മ​ല​മ്പു​ഴ ഡാ​മി​ൽനി​ന്നു​ള്ള വെ​ള്ള​മാ​ണ് മ​ദ്യ​വാ​റ്റ് ക​മ്പ​നി​ക്ക് ന​ൽ​കാ​ൻ പോ​കു​ന്ന​തെ​ന്ന് പ​റ​യു​ന്നു. പ​ക്ഷേ, വേ​ന​ലി​ൽ ക​ടു​ത്ത ജ​ല​ക്ഷാ​മ​ഭീ​ഷ​ണി​യു​ള്ള പാ​ല​ക്കാ​ട് മ​ല​മ്പു​ഴ​യാ​ണ് മു​ഖ്യ​കു​ടി​വെ​ള്ള സ്രോ​ത​സ്സെ​ന്നി​രി​ക്കെ പ്ര​തി​ദി​നം 10 ല​ക്ഷം ലി​റ്റ​ർ വേ​ണ്ടി​വ​രു​ന്ന മ​ദ്യ​ക്കമ്പ​നി ല​ഭ്യ​മാ​യ എ​ല്ലാ ​സ്രോ​ത​സ്സു​ക​ളി​ൽനി​ന്നും വെ​ള്ള​മൂ​റ്റു​മെ​ന്ന് തീ​ർ​ച്ച. എ​ല്ലാ​റ്റി​നു​മു​ള്ള സ​ർ​ക്കാ​റി​ന്റെ മ​റു​പ​ടി 640 ​പേ​ർ​ക്ക് പ്ര​ത്യ​ക്ഷ​മാ​യും 2000 പേ​ർ​ക്ക് പ​രോ​ക്ഷ​മാ​യും സ്വ​കാ​ര്യ ക​മ്പ​നി തൊ​ഴി​ൽ ല​ഭ്യ​മാ​ക്കു​മെ​ന്ന അ​വ​കാ​ശ​വാ​ദ​മാ​ണ്. എ​ന്നാ​ൽ, ഏ​റ്റ​വും കു​റ​ഞ്ഞ വേ​ത​നംകൊ​ണ്ട് തൃ​പ്തി​പ്പെ​ടു​ന്ന, സ്വ​കാ​ര്യ ക​മ്പ​നി​ക​ൾ ലാ​ഭം മാ​ത്രം മു​ന്നി​ൽ ക​ണ്ട് ഇതര ​സം​സ്ഥാ​ന​ക്കാ​രെ ഇ​റ​ക്കു​മ​തി ചെ​യ്യു​ന്ന സാ​ഹ​ച​ര്യ​ത്തി​ൽ മ​​ന്ത്രി ന​ൽ​കു​ന്ന വാ​ഗ്ദാ​നം വെ​റും വീ​ൺവാ​ക്കാ​വു​ന്ന​താ​ണ് സാ​ഹ​ച​ര്യ​മെ​ന്ന് വ്യ​ക്ത​മാ​ണ്. ഇ​ക്കാ​ര്യ​ത്തി​ലൊ​ന്നും സ​ർ​ക്കാ​ർ ഇ​ട​പെ​ടു​ന്ന പ്ര​ശ്ന​മേ​യി​ല്ല. ആ​രെ​ന്ത് പ​റ​ഞ്ഞാ​ലും ക​ടു​ത്ത ധ​ന​ക്ക​മ്മി നേ​രി​ടു​ന്ന സ​ർ​ക്കാ​ർ, പൊ​തു​ഖ​ജ​നാ​വി​നും പാ​ർ​ട്ടി​ക്കും പാ​ർ​ട്ടി​യെ ന​യി​ക്കു​ന്ന വ്യ​ക്തി​ക​ൾ​ക്കും ഒ​രു​പോ​ലെ ലാ​ഭ​ക​ര​മാ​യ മ​ദ്യ​ക്ക​മ്പ​നി ഇ​ട​പാ​ടി​ൽനി​ന്ന് പി​ന്തി​രി​യു​മെന്ന് പ്രതീക്ഷിക്കാൻ വയ്യ. മ​ദ്യ​ക്ക​മ്പ​നി സ്ഥാ​പി​ക്കേ​ണ്ട എ​ല​പ്പു​ള്ളി പ​ഞ്ചാ​യ​ത്ത് എ​തി​ർ​ത്താ​ലും സ​ർ​ക്കാ​റും പാ​ർ​ട്ടി​യും അ​ത് മ​റി​ക​ട​ക്കു​മെ​ന്ന് തീ​ർ​ച്ച.

മൗ​ലി​ക പ്ര​ശ്നം ഇ​ട​തു​മു​ന്ന​ണി സ​ർ​ക്കാ​റി​ന്റെ മ​ദ്യ​ന​യ​മാ​ണെ​ന്ന് കാ​ണാ​തി​രു​ന്നി​ട്ട് കാ​ര്യ​മി​ല്ല. മ​ദ്യ​നി​രോ​ധന​മ​ല്ല, മ​ദ്യ​വ​ർ​ജ​ന​മാ​ണ് ന​യം എ​ന്ന് വി​ജ്ഞാ​പ​ന​മി​റ​ക്കി 2016ൽ ​അ​ധി​കാ​ര​ത്തി​ലേ​റി​യ പി​ണ​റാ​യി സ​ർ​ക്കാ​ർ ആ​ണ്ടോ​ടാ​ണ്ട് മ​ദ്യ​ന​യം പു​തു​ക്കു​മ്പോ​ഴൊ​ക്കെ മ​ദ്യ​വ്യ​വ​സാ​യ​ത്തി​ന് പ​ര​മാ​വ​ധി ഊ​ന്ന​ൽ ന​ൽ​കു​ന്ന​താ​ണ് അ​നു​ഭ​വ​സ​ത്യം. മു​ൻ യു.​ഡി.​എ​ഫ് സ​ർ​ക്കാ​റി​ന്റെ ബാ​ർ നി​യ​ന്ത്ര​ണം അ​പ്പാ​ടെ അ​വ​സാ​നി​പ്പി​ച്ചു​കൊ​ണ്ട് 200 ബാ​റു​ക​ൾ​ക്കുകൂ​ടി ലൈ​സ​ൻ​സ് ന​ൽ​കി​യ എ​ൽ.​ഡി.​എ​ഫ് സ​ർ​ക്കാ​ർ കാ​ണ​ക്കാ​ണെ സ്വ​കാ​ര്യ ക്ല​ബു​ക​ൾ​ക്കുകൂടി ലൈ​സ​ൻ​സ് ന​ൽ​കി. 4700 ക​ള്ളു​ഷാ​പ്പു​ക​ളും സം​സ്ഥാ​ന​ത്ത് പ്ര​വ​ർ​ത്തി​ക്കു​ന്നു. സ്കൂ​ളു​ക​ളി​ൽനി​ന്നും ആ​രാ​ധ​നാ​ല​യ​ങ്ങ​ളി​ൽനി​ന്നും 200 മീ​റ്റ​ർ ദൂ​ര​ത്തി​ലേ മ​ദ്യ​ഷാ​പ്പു​ക​ൾ അ​നു​വ​ദി​ക്കൂ എ​ന്ന ന​യം തി​രു​ത്തി 50 മീ​റ്റ​റാ​യി ചു​രു​ക്കി. മ​ദ്യ​ഷാ​പ്പു​ക​ളു​ടെ അ​നു​മ​തി​ക്ക് ത​ദ്ദേ​ശ സ്ഥാ​പ​ന​ങ്ങ​ൾ​ക്കു​ണ്ടാ​യി​രു​ന്ന അ​ധി​കാ​രം റ​ദ്ദാ​ക്കി. എ​ല്ലാ​റ്റി​നും പ​രി​ഹാ​ര​മാ​യി മ​ദ്യ​വ​ർ​ജ​ന ബോ​ധ​വ​ത്ക​ര​ണ​ത്തി​ന് ബ​ജ​റ്റി​ൽ നീ​ക്കി​വെ​ച്ച നി​സ്സാ​ര തു​ക​യും ക​ട​ലാ​സിൽ മാ​ത്രം അ​വ​ശേ​ഷി​പ്പി​ച്ചു. മു​ക്തികേ​ന്ദ്ര​ങ്ങ​ൾ എ​ന്ന പ​രി​പാ​ടി കേ​വ​ലം നോ​ക്കു​കു​ത്തി​യാ​യി.

മ​ദ്യ​നി​രോ​ധനം പ്രാ​യോ​ഗി​ക​മ​ല്ലെ​ന്ന് മാ​​ത്ര​മ​ല്ല, വ്യാ​ജ​മ​ദ്യ ഉ​ൽ​പാ​ദ​നം വ​ർ​ധി​പ്പി​ക്കാ​നും കു​ടി​യ​ന്മാ​ർ കൂ​ടു​ത​ൽ മാ​ര​ക​മാ​യ മ​യ​ക്കു​മ​രു​ന്ന് ഉ​പ​ഭോ​ഗ​ത്തി​ലേ​ക്ക് വ​ഴി​മാ​റാ​നു​മേ ഉ​പ​ക​രി​ക്കൂ എ​ന്ന​താ​യി​രു​ന്നു സ​ർ​ക്കാ​റി​ന്റെ പ്ര​തി​ക​ര​ണ​വും പ്ര​ചാ​ര​ണ​വും. പ​ക്ഷേ, സം​ഭ​വി​ച്ച​തും സം​ഭ​വി​ക്കു​ന്ന​തു​മെ​ന്ത്? ഏ​റ്റ​വു​മൊ​ടു​വി​ൽ മ​യ​ക്കു​മ​രു​ന്നി​ന്റെ അ​ടി​മ​യാ​യ ഏ​ക​മ​ക​ൻ കൂ​ലി​പ്പ​ണി​യെ​ടു​ത്ത് ത​ന്നെ പോ​റ്റി​വ​ള​ർ​ത്തി​യ മാ​താ​വി​നെ വീ​ണ്ടും വീ​ണ്ടും പ​ണം​ചോ​ദി​ച്ച് ഒ​ടു​വി​ൽ 17 ത​വ​ണ വെ​ട്ടി​വെ​ട്ടി ​കൊ​ന്ന സം​ഭ​വം സ​മൂ​ഹ​ത്തി​ന്റെ മ​നഃ​സാ​ക്ഷി​യെ മ​ര​വി​പ്പി​ച്ചി​രി​ക്കു​ക​യാ​ണ്. ഇത് ഒറ്റപ്പെട്ട സംഭവമല്ല. വിദ്യാർഥികളും യുവജനങ്ങളും അഭൂതപൂർവമായി മയക്കുമരുന്ന് വാഹകരും ഉപഭോക്താക്കളും അഡിക്റ്റുകളുമായി മാറിക്കഴിഞ്ഞിരിക്കുന്നു. പൊലീസിനോ എക്സൈസിനോ ജാഗ്രതാ സമിതികൾക്കോ കണ്ടുപിടിക്കാൻ സാധ്യമല്ലാത്തവിധം മയക്കുമരുന്ന് കടത്തും വിൽപനയും നിർബാധം തുടരുകയാണ്. പിന്തുടർന്നെത്തി പിടികൂടുന്നത് മറികടക്കാൻ പുതിയ വഴികൾ കണ്ടെത്തുന്നു മയക്കുമരുന്ന് ഇടപാടുകാർ. സിനിമലോകത്തും മയക്കുമരുന്ന് സംഘം കടന്നുകയറാൻ ​ ശ്രമിക്കുന്നതായി നേരത്തേ പരാതി ഉയർന്നിരുന്നു. രക്ഷിതാക്കളും വിദ്യാഭ്യാസ സ്ഥാപനാധികൃതരും പൊലീസും മറ്റു ഉദ്യോഗസ്ഥരുമെല്ലാം നിസ്സഹായരായി നോക്കിനിൽക്കേണ്ട അവസ്ഥ. മൊബൈൽ ഫോൺ സർവവ്യാപിയായി തീർന്നിരിക്കെ മയക്കുന്നവർക്കും മയങ്ങുന്നവർക്കും നി​യന്ത്രണങ്ങളെ മറികടക്കാൻ പ്രയാസമേതുമില്ല. ചുരുക്കത്തിൽ, മയക്കുമരുന്ന് വ്യാപനത്തിന് തടയിടാനാണ് മദ്യവ്യാപനമെന്ന സർക്കാർ നിലപാട് സമ്പൂർണ പരാജയമാണ്. രണ്ടും ഒരുപോലെ പടർന്ന് തലമുറകളെയാകെ ഗ്രസിച്ചുകൊണ്ടിരിക്കുന്നു എന്നതാണ് ഭയാനകമായ സത്യം.

സർവശക്തിയും തന്ത്രവും ഉപയോഗിച്ച് നിർമാണവും വിൽപനയും ഉപഭോഗവും തടയുന്നതോടൊപ്പം ആത്മാർഥവും ശക്തവുമായ ബോധവത്കരണമാണ് ലഹരി വിപത്തിനെ പ്രതിരോധിക്കാനുള്ള പോംവഴി. അതേസമയം, മുക്തി പരിപാടി ഫലപ്രദമായി തുടരുകയും വേണം. ‘‘പാർട്ടിക്കാർക്ക് മദ്യപാനം ശീലമുണ്ടെങ്കിൽ വീട്ടിൽവെച്ചായിക്കോ, റോഡിലിറങ്ങി ബഹളമുണ്ടാക്കാൻ പാടില്ല. നാല് കാലിൽ കാണാനോ മദ്യം കുടിക്കാനായി ഏതെ​ങ്കിലും പണക്കാരന്റെ കൂടെ കാണാനോ പാടില്ല’’ എന്നൊക്കെ ഇടതുമുന്നണിയിലെ രണ്ടാമത്തെ മുഖ്യകക്ഷിയുടെ നായകന് സ്വന്തം അണികളെ ഉപദേശിക്കേണ്ടിവരുന്നുവെങ്കിൽ കേരളം നേരിടുന്ന ലഹരി സാമ്രാജ്യ വികസന ഭീഷണി എത്രമാത്രം ഗുരുതരമാണെന്ന് മനസ്സിലാക്കാവുന്നതേയുള്ളൂ.