ഞെ​രു​ക്കം പ്ര​ക​ടം; വേ​ണം, പ്ലാ​ൻ ബി

കേ​ര​ള ജ​ന​ത​ക്ക് വ​ലി​യ ആ​ശ്വാ​സ​ക​ര​മാ​യൊ​രു വാ​ർ​ത്ത പ​ങ്കു​വെ​ക്കു​ന്നു​വെ​ന്ന ആ​മു​ഖ​ത്തോ​ടെ​യാ​ണ്, ധ​ന​കാ​ര്യ​മ​ന്ത്രി കെ.​എ​ൻ. ബാ​ല​ഗോ​പാ​ൽ ഇ​ന്ന​ലെ ബ​ജ​റ്റ് പ്ര​സം​ഗം ആ​രം​ഭി​ച്ച​ത്. സ​മീ​പ വ​ർ​ഷ​ങ്ങ​ളി​ൽ സം​സ്ഥാ​ന സ​ർ​ക്കാ​റി​നെ ബാ​ധി​ച്ച രൂ​ക്ഷ​മാ​യ ധ​ന​ഞെ​രു​ക്ക​ത്തി​ന്റെ തീ​ക്ഷ്ണ​മാ​യ ഘ​ട്ട​ത്തെ കേ​ര​ളം അ​തി​ജീ​വി​ച്ചി​രി​ക്കു​ന്നു​വെ​ന്ന​താ​യി​രു​ന്നു ആ ​വാ​ർ​ത്ത. ഓ​ർ​ക്ക​ണം, ര​ണ്ടാം പി​ണ​റാ​യി സ​ർ​ക്കാ​റി​ന്റെ അ​വ​സാ​ന സ​മ്പൂ​ർ​ണ ബ​ജ​റ്റാ​ണി​ത്; ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്കു​ള്ള തെ​ര​ഞ്ഞെ​ടു​പ്പി​ന് തൊ​ട്ടു​മു​ന്നേ​യു​ള്ള ബ​ജ​റ്റും. സ്വാ​ഭാ​വി​ക​മാ​യും, ജ​ന​പ്രി​യ പ്ര​ഖ്യാ​പ​ന​ങ്ങ​ളും പു​തി​യ സ​മീ​പ​ന​ങ്ങ​ളു​മെ​ല്ലാ​മാ​യി​രി​ക്കും ആ​രും പ്ര​തീ​ക്ഷി​ക്കു​ക. ക്ഷേ​മ പെ​ൻ​ഷ​ൻ വ​ർ​ധ​ന, സ​ർ​ക്കാ​ർ ജീ​വ​ന​ക്കാ​ർ​ക്കും പെ​ൻ​ഷ​ൻ​കാ​ർ​ക്കും കൂ​ടു​ത​ൽ ആ​നു​കൂ​ല്യ​ങ്ങ​ൾ, പു​തി​യ ശ​മ്പ​ള പ​രി​ഷ്ക​ര​ണ ക​മീ​ഷ​ൻ പ്ര​ഖ്യാ​പ​നം, വ​യ​നാ​ട് ദു​ര​ന്ത പു​ന​ര​ധി​വാ​സ​ത്തി​നാ​യി ഇ​തി​ന​കം പ്ര​ഖ്യാ​പി​ക്ക​പ്പെ​ട്ട​തി​നു പു​റ​മെ​യു​ള്ള ആ​ശ്വാ​സ പ​ദ്ധ​തി​ക​ൾ, സം​സ്ഥാ​ന​ത്തി​ന്റെ സ​മ്പ​ദ്ഘ​ട​ന​യെ​യും വി​ക​സ​​ന​ത്തെ​യും ത്വ​രി​ത​പ്പെ​ടു​ത്തു​ന്ന പു​തി​യ പ​ദ്ധ​തി​ക​ളു​ടെ പ്ര​ഖ്യാ​പ​നം തു​ട​ങ്ങി​യ കാ​ര്യ​ങ്ങ​ൾ സാ​മ്പ​ത്തി​ക​സ്ഥി​തി മെ​ച്ച​പ്പെ​ട്ട സ്ഥി​തി​ക്ക് ഉ​ണ്ടാ​വേ​ണ്ട​താ​യി​രു​ന്നു. പ​ക്ഷേ, ബ​ജ​റ്റ് പ്ര​സം​ഗം മു​ഴു​വ​നാ​യ​പ്പോ​ൾ പൊ​തു​വി​ൽ നി​രാ​ശ​യാ​ണ് ഫ​ലം. മേ​ൽ​പ​റ​ഞ്ഞ വി​ഷ​യ​ങ്ങ​ളി​ലൊ​ന്നും കാ​ര്യ​മാ​യ പ്ര​ഖ്യാ​പ​ന​ങ്ങ​ളൊ​ന്നു​മി​ല്ല; മ​റി​ച്ച്, ക്ഷേ​മ പെ​ൻ​ഷ​നു​ക​ളി​ലും മ​റ്റു​മു​ള്ള കു​ടി​ശ്ശി​ക സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കു​മെ​ന്ന വാ​ഗ്ദാ​ന​ങ്ങ​ളു​ടെ ആ​വ​ർ​ത്ത​നം മാ​ത്രം. ധ​ന​മ​ന്ത്രി​യു​ടെ ‘ആ​ശ്വാ​സ​വാ​ർ​ത്ത’​ക്കു​മ​പ്പു​റം, സം​സ്ഥാ​ന​മി​പ്പോ​ഴും സാ​മ്പ​ത്തി​ക പ്ര​തി​സ​ന്ധി​യി​ൽ ഉ​ഴ​ലു​ക​യാ​ണെ​ന്ന കൃ​ത്യ​മാ​യ സൂ​ച​ന​ത​ന്നെ​യാ​ണ് അ​ദ്ദേ​ഹ​ത്തി​ന്റെ പ്ര​ഖ്യാ​പ​ന​ങ്ങ​ള​ത്ര​യും. അ​ത​ല്ലാ​യി​രു​ന്നു​വെ​ങ്കി​ൽ, മേ​ൽ​സൂ​ചി​പ്പി​ച്ച വി​ഷ​യ​ങ്ങ​ളി​ലെ​ങ്കി​ലും ചി​ല ജ​ന​പ്രി​യ പ്ര​ഖ്യാ​പ​ന​ങ്ങ​ളു​ണ്ടാ​കേ​ണ്ട​താ​യി​രു​ന്നു. എ​ന്ന​ല്ല, ധ​ന​പ്ര​തി​സ​ന്ധി​യി​ൽ​നി​ന്ന് മു​ക്ത​മാ​യി​ക്കൊ​ണ്ടി​രി​ക്കു​ന്നു​വെ​ന്ന വാ​ദ​ത്തെ സാ​ധൂ​ക​രി​ക്കു​ന്ന ഒ​ന്നും ബ​ജ​റ്റ് പ്ര​സം​ഗ​ത്തി​ൽ​നി​ന്ന് വാ​യി​ച്ചെ​ടു​ക്കാ​നു​മാ​കു​ന്നി​ല്ല. മ​റു​വ​ശ​ത്താ​ക​ട്ടെ, സം​സ്ഥാ​ന​ത്തി​ന്റെ സാ​മ്പ​ത്തി​ക സ്ഥി​തി മെ​ച്ച​പ്പെ​ടു​ത്താ​നു​ള്ള ഉ​ത്ത​ര​വാ​ദി​ത്തം സാ​ധാ​ര​ണ​ക്കാ​രി​ൽ കെ​ട്ടി​വെ​ക്കും​വി​ധ​ത്തി​ൽ വി​വി​ധ വി​ഭാ​ഗ​ങ്ങ​ളി​ൽ നി​കു​തി വ​ർ​ധ​ന ഏ​ർ​പ്പെ​ടു​ത്തു​ക​യും ചെ​യ്തി​രി​ക്കു​ന്നു.

സാ​മ്പ​ത്തി​ക ഞെ​രു​ക്കം പ്ര​ക​ട​മെ​ന്ന​തു​പോ​ലെ​ത്ത​ന്നെ അ​തി​ന്റെ കാ​ര​ണ​ങ്ങ​ളും വ്യ​ക്ത​മാ​ണ്. ഒ​ന്നാം പ്ര​തി കേ​ന്ദ്ര സ​ർ​ക്കാ​ർ​ത​ന്നെ. സം​സ്ഥാ​ന​ത്തു​നി​ന്ന് പി​രി​ച്ചെ​ടു​ക്കു​ന്ന നി​കു​തി​പ്പ​ണ​ത്തി​ലെ വി​ഹി​തം ഓ​രോ വ​ർ​ഷ​വും കു​റ​ഞ്ഞു​കൊ​ണ്ടി​രി​ക്കു​ന്നു. പ​ത്താം ധ​ന​കാ​ര്യ ക​മീ​ഷ​ന്റെ കാ​ല​ത്ത് 3.88 ശ​ത​മാ​ന​മാ​യി​രു​ന്ന വി​ഹി​തം പ​തി​ന​ഞ്ചാം ധ​ന​കാ​ര്യ ക​മീ​ഷ​ന്റെ കാ​ല​ത്തെ​ത്തി​യ​പ്പോ​ൾ 1.92 ആ​യി കു​റ​ഞ്ഞു. കേ​ന്ദ്ര ധ​ന ക​മീ​ഷ​ൻ പ്രാ​ദേ​ശി​ക സ​ർ​ക്കാ​റു​ക​ൾ​ക്ക് അ​നു​വ​ദി​ക്കു​ന്ന ഗ്രാ​ന്റി​ലും ക​ടും​വെ​ട്ട് ന​ട​ത്തി. ത​​ദ്ദേ​ശ സ്ഥാ​പ​ന​ങ്ങ​ൾ​ക്കു​ള്ള വി​ഹി​തം 4.54 ശ​ത​മാ​ന​ത്തി​ൽ​നി​ന്ന് 2.68 ശ​ത​മാ​ന​മാ​യി കു​റ​ഞ്ഞി​രി​ക്കു​ന്നു. ജി.​എ​സ്.​ടി​യു​ടെ കാ​ര്യം ഇ​തി​ലും ക​ഷ്ട​മാ​ണ്. ജി.​എ​സ്.​ടി വ​ന്ന​തോ​ടെ, സ്വ​ന്തം നി​ല​യി​ൽ നി​ര​ക്ക് നി​ശ്ച​യി​ച്ച് നി​കു​തി പി​രി​ക്കാ​നു​ള്ള സം​സ്ഥാ​ന​ത്തി​ന്റെ അ​വ​കാ​ശം ഇ​ല്ലാ​താ​യി എ​ന്നു മാ​ത്ര​മ​ല്ല, വ​രു​മാ​ന​ത്തി​ൽ സം​സ്ഥാ​ന​ത്തി​ന് ക​ടു​ത്ത ഇ​ടി​വ് സം​ഭ​വി​ക്കു​ക​യും ചെ​യ്തു. ഈ ​ഇ​ടി​വ് നി​ക​ത്താ​നാ​യി ആ​വി​ഷ്ക​രി​ക്ക​പ്പെ​ട്ട ജി.​എ​സ്.​ടി ന​ഷ്ട​പ​രി​ഹാ​ര സം​വി​ധാ​നം പൂ​ർ​ണ​മാ​യും നി​ല​ച്ചി​ട്ടു​മു​ണ്ട്. ഇ​തി​നെ​ല്ലാം പു​റ​മെ​യാ​ണ്, കേ​ന്ദ്ര ബ​ജ​റ്റി​ലെ സ​മ്പൂ​ർ​ണ അ​വ​ഗ​ണ​ന. ഒ​ര​ർ​ഥ​ത്തി​ലു​ള്ള സാ​മ്പ​ത്തി​ക ഉ​പ​രോ​ധം കേ​ന്ദ്രം ന​ട​പ്പാ​ക്കു​ന്നു​വെ​ന്ന​ത് 10 വ​ർ​ഷ​മാ​യു​ള്ള കേ​ര​ള​ത്തി​ന്റെ അ​നു​ഭ​വ​മാ​ണ്. ഇ​തി​നെ അ​തി​ജീ​വി​ക്കാ​ൻ ര​ണ്ട് മാ​ർ​ഗ​മേ​യു​ള്ളൂ: ഒ​ന്ന്, ക​ട​മെ​ടു​പ്പാ​ണ്. എ​ന്നാ​ൽ, ക​ട​മെ​ടു​പ്പ് പ​രി​ധി​യി​ലും കേ​​ന്ദ്രം കൈ​വെ​ച്ച​തോ​ടെ, ജി.​എ​സ്.​ടി ഇ​ത​ര നി​കു​തി ഇ​ന​ങ്ങ​ളി​ൽ പ​ര​മാ​വ​ധി പി​ടി​മു​റു​ക്കു​ക എ​ന്ന​തേ മാ​ർ​ഗ​മു​ള്ളൂ. വാ​സ്ത​വ​ത്തി​ൽ, ഈ ​ബ​ജ​റ്റി​ൽ ക​ണ്ട​ത് അ​താ​ണ്. കേ​ന്ദ്ര​ത്തി​ന്റെ സാ​മ്പ​ത്തി​ക ഉ​പ​രോ​ധ​ത്തെ പ്ര​തി​രോ​ധി​ക്കാ​നും അ​തി​ജീ​വി​ക്കാ​നും സ്വ​ന്തം നി​ല​യി​ൽ വ​രു​മാ​നം ക​ണ്ടെ​ത്തു​ക എ​ന്ന​താ​യി​രി​ക്കു​ന്നു സ​ർ​ക്കാ​ർ ന​യം. നി​കു​തി, നി​കു​തി ഇ​ത​ര വ​രു​മാ​നം വ​ർ​ധി​പ്പി​ക്കു​ന്ന​തി​ൽ സ​ർ​ക്കാ​ർ വ​ലി​യ അ​ള​വി​ൽ വി​ജ​യി​ച്ചി​ട്ടു​ണ്ട്. നാ​ല് വ​ർ​ഷം​കൊ​ണ്ട്, നി​കു​തി-​നി​കു​തി​യി​ത​ര വ​രു​മാ​നം 54,000 കോ​ടി​യി​ൽ​നി​ന്ന് ല​ക്ഷം കോ​ടി​യി​ലേ​ക്ക് ഉ​യ​ർ​ത്തു​ക​യാ​ണ് ല​ക്ഷ്യം. ഒ​രു​പ​രി​ധി വ​രെ ഇ​ത് ന​ല്ല​താ​ണ്. പ​ക്ഷേ, കേ​ന്ദ്ര​വി​ഹി​ത​ത്തി​ലു​ണ്ടാ​യി​രി​ക്കു​ന്ന ഇ​ടി​വി​ന്റെ നാ​ലി​ലൊ​ന്ന് മാ​​ത്ര​മാ​ണ് ഈ ​രീ​തി​യി​ൽ പ​രി​ഹ​രി​ക്കാ​നാ​വു​ക. അ​പ്പോ​ഴും ഞെ​രു​ക്കം തു​ട​രു​മെ​ന്ന​ർ​ഥം. അ​ത് പ​രി​ഹ​രി​ക്കാ​ൻ ‘പ്ലാ​ൻ ബി’ ​ന​ട​പ്പാ​ക്കു​മെ​ന്നാ​ണ് ധ​ന​മ​ന്ത്രി ക​ഴി​ഞ്ഞ വ​ർ​ഷ​ത്തെ ബ​ജ​റ്റി​ൽ പ​റ​ഞ്ഞ​ത്. ഈ ​ബ​ജ​റ്റി​ൽ അ​ത്ത​ര​മൊ​രു ബ​ദ​ൽ സം​വി​ധാ​ന​ത്തെ​ക്കു​റി​ച്ച് പ​രാ​മ​ർ​ശ​മേ​തു​മി​ല്ല. മ​റി​ച്ച്, സാ​മ്പ​ത്തി​ക ​പ്ര​തി​സ​ന്ധി​യി​ൽ ക​ഴി​യു​ന്ന സാ​ധാ​ര​ണ​ക്കാ​ര​നു​മേ​ൽ പി​ന്നെ​യും നി​കു​തി​ഭാ​രം കെ​ട്ടി​വെ​ക്കു​ക​യാ​ണ് സ​ർ​ക്കാ​ർ. ഒ​ര​ർ​ഥ​ത്തി​ൽ, ന​മ്മു​ടെ സം​സ്ഥാ​ന​ത്തി​ന്റെ​യും സ​ർ​ക്കാ​റി​ന്റെ​യും ഗ​തി​കേ​ടാ​യി​ട്ടു​കൂ​ടി ഈ ​സാ​ഹ​ച​ര്യ​ത്തെ വി​ല​യി​രു​ത്താ​വു​ന്ന​താ​ണ്. വ​യ​നാ​ട് പു​ന​ര​ധി​വാ​സ പാ​ക്കേ​ജി​ന്റെ കാ​ര്യം​ത​ന്നെ നോ​ക്കൂ. ആ​ഗോ​ള​ത​ല​ത്തി​ൽ റി​പ്പോ​ർ​ട്ട് ചെ​യ്ത ഏ​റ്റ​വും അ​പ​ക​ട​ക​ര​മാ​യ അ​സാ​ധാ​ര​ണ കാ​ലാ​വ​സ്ഥ സം​ഭ​വ​ങ്ങ​ളു​ടെ പ​ട്ടി​ക​യി​ലാ​ണ് വ​യ​നാ​ട് ദു​ര​ന്തം എ​ണ്ണ​പ്പെ​ട്ടി​രി​ക്കു​ന്ന​ത്. പു​ന​ര​ധി​വാ​സ​ത്തി​ന് പ്രാ​ഥ​മി​ക​മാ​യി ആ​വ​ശ്യ​മു​ള്ള​ത് ര​ണ്ടാ​യി​ര​ത്തി​ൽ​പ​രം കോ​ടി രൂ​പ​യാ​ണ്. ഈ ​വ​ക​യി​ൽ കേ​ന്ദ്ര​ത്തി​ൽ​നി​ന്ന് ഒ​രു രൂ​പ പോ​ലും ഇ​തു​വ​രെ കി​ട്ടി​യി​ട്ടി​ല്ല. ഇ​ത്ര​യും തു​ക വ​ക​യി​രു​ത്താ​ൻ സം​സ്ഥാ​ന സ​ർ​ക്കാ​റി​ന് ക​ഴി​യാ​ത്ത സാ​ഹ​ച​ര്യ​ത്തി​ലാ​ണ് പ​ദ്ധ​തി 750 കോ​ടി​യി​ലേ​ക്ക് ചു​രു​ക്കേ​ണ്ടി​വ​ന്ന​ത്. മ​റ്റു മേ​ഖ​ല​ക​ളി​ലും ഇ​തു​ത​ന്നെ​യാ​ണ് സ്ഥി​തി. ഈ ​സാ​ഹ​ച​ര്യ​ത്തി​ൽ, സാ​മ്പ​ത്തി​ക ഞെ​രു​ക്ക​ത്തി​ന്റെ പേ​രി​ൽ സം​സ്ഥാ​ന സ​ർ​ക്കാ​റി​നെ കു​റ്റ​പ്പെ​ടു​ത്തു​ന്ന​തി​ൽ അ​ർ​ഥ​മി​ല്ല. അ​തേ​സ​മ​യം, പ​ല മേ​ഖ​ല​ക​ളി​ലും ആ​സൂ​ത്ര​ണ​ത്തി​ന്റെ അ​ഭാ​വം നി​ഴ​ലി​ക്കു​ന്നു​ണ്ടെ​ന്ന വ​സ്തു​ത മ​റ​ച്ചു​വെ​ക്കാ​നു​മാ​കി​ല്ല.

ഒ​രു വ​ർ​ഷ​ത്തേ​ക്കു​ള്ള ഹ്ര​സ്വ​കാ​ല പ​ദ്ധ​തി​ക​ളും കാ​ൽ നൂ​റ്റാ​ണ്ടു​കാ​ല​ത്തേ​ക്കു​ള്ള ദീ​ർ​ഘ​കാ​ല പ​ദ്ധ​തി​ക​ളു​​മാ​ണ് ബ​ജ​റ്റി​ൽ വി​ഭാ​വ​ന ചെ​യ്തി​രി​ക്കു​ന്ന​ത്. നി​ല​വി​ലെ സാ​മ്പ​ത്തി​ക പ്ര​തി​സ​ന്ധി​യി​ലും ‘ഉ​പ​രോ​ധ’​ത്തി​ലും ഇ​ത് എ​ത്ര​മേ​ൽ പ്രാ​യോ​ഗി​ക​മെ​ന്ന് ക​ണ്ട​റി​യ​ണം. അ​തേ​സ​മ​യം, ഭാ​വി കേ​ര​​ള​ത്തി​ന്റെ ആ​വ​ശ്യ​ങ്ങ​ൾ തി​രി​ച്ച​റി​ഞ്ഞു​ള്ള ഒ​ട്ട​ന​വ​ധി പ​ദ്ധ​തി​ക​ൾ അ​തി​ൽ വാ​യി​ക്കാം. പ​ശ്ചാ​ത്ത​ല സൗ​ക​ര്യ വി​ക​സ​ന​ത്തി​നും അ​ടി​സ്ഥാ​ന വി​ക​സ​ന​ത്തി​നും പു​റ​മെ, കാ​ലാ​വ​സ്ഥാ വ്യ​തി​യാ​ന​വും നി​ർ​മി​ത ബു​ദ്ധി​യും കേ​ര​ള​ത്തി​ന്റെ സ​വി​ശേ​ഷ ജ​ന​സം​ഖ്യ പ​രി​ണാ​മ​വു​മെ​ല്ലാം ബ​ജ​റ്റി​ൽ ക​ട​ന്നു​വ​രു​ന്ന​ത് ശു​ഭോ​ദ​ർ​ക്ക​മാ​ണ്. സം​സ്ഥാ​ന​ത്ത് ജ​ന​ന​നി​ര​ക്ക് കു​റ​ഞ്ഞു​വ​രു​ന്ന​തും വ​യോ​ജ​ന​ങ്ങ​ളു​ടെ എ​ണ്ണം വ​ർ​ധി​ക്കു​ന്ന​തും ഭാ​വി കേ​ര​ള​ത്തി​ൽ വ​ലി​യ പ്ര​ത്യാ​ഘാ​ത​ങ്ങ​ൾ​ക്ക് വ​ഴി​വെ​ക്കു​മെ​ന്ന് ഇ​തി​ന​കം​ത​ന്നെ പ​ല പ​ഠ​ന​ങ്ങ​ളും പു​റ​ത്തു​വ​ന്നി​ട്ടു​ണ്ട്. ആ ​മു​ന്ന​റി​യി​പ്പു​ക​ളെ സ​ശ്ര​ദ്ധം അ​ഭി​മു​ഖീ​ക​രി​ക്കാ​നും അ​വ​യെ പു​തി​യ സാ​ധ്യ​ത​ക​ളി​ലേ​ക്ക് പ​രി​വ​ർ​ത്ത​നം ചെ​യ്യാ​നു​മൊ​ക്കെ​യു​ള്ള പ​ദ്ധ​തി​ക​ൾ സ്വാ​ഗ​തം ചെ​യ്യ​പ്പെ​ടേ​ണ്ട​തു​ത​ന്നെ. അ​പ്പോ​ഴും, ഒ​രു ചോ​ദ്യം ബാ​ക്കി​യാ​ണ്: ഈ ​ഞെ​രു​ക്ക​ത്തെ നാം ​എ​ങ്ങ​നെ അ​തി​ജീ​വി​ക്കും? ആ​​ശ്വാ​സ​വാ​ർ​ത്ത​ക​ൾ​ക്കാ​യി ന​മു​ക്ക് കാ​ത്തി​രി​ക്കാം.