സ്വാ​മി​നാ​ഥ​ൻ എ​ന്ന ഹ​രി​ത സ്മ​ര​ണ

മു​ഴു​പ്പ​ട്ടി​ണി​യും പോ​ഷ​കാ​ഹാ​ര​ക്കു​റ​വും അ​തി​ദാ​രു​ണ​മാ​യ ദു​ര​ന്ത​ത്തി​ലേ​ക്കു ന​യി​ച്ചേ​ക്കു​മെ​ന്ന ഭീ​ഷ​ണി നി​ല​നി​ന്ന സ്വ​ത​ന്ത്ര ഇ​ന്ത്യ​യെ ഭ​ക്ഷ്യ​സു​ര​ക്ഷ​യി​ലേ​ക്കു കൈ​പി​ടി​ച്ചു​യ​ർ​ത്തി​യ വി​പ്ല​വ​കാ​രി എ​ന്ന നി​ല​യി​ലാ​കും ഇ​ന്ന​ലെ അ​ന്ത​രി​ച്ച പ്ര​മു​ഖ കൃ​ഷി​ശാ​സ്ത്ര​ജ്ഞ​ൻ ​ഡോ. ​എം.​എ​സ്.​ സ്വാ​മി​നാ​ഥ​ൻ ഓ​ർ​മി​ക്ക​പ്പെ​ടു​ക. 1947ൽ ​രാ​ജ്യം രാ​ഷ്ട്രീ​യ സ്വാ​ത​ന്ത്ര്യ​ത്തി​ലേ​ക്ക്​ പി​ച്ച​വെ​ച്ച​ത്​ ഭ​ക്ഷ്യ​ക്ക​മ്മി​യു​ടെ അ​മി​ത​ഭാ​ര​വു​മാ​യാ​ണ്. അ​ര​വ​യ​ർ അ​ന്ന​ത്തി​ന്​ ഇ​റ​ക്കു​മ​തി​യെ ആ​ശ്ര​യി​ക്കേ​ണ്ട ഘ​ട്ട​മാ​യി​രു​ന്നു അ​ത്. ആ ​നി​ല​യി​ൽ​ത്ത​ന്നെ മു​ന്നോ​ട്ടു​നീ​ങ്ങി​യാ​ൽ എ​ഴു​പ​തു​ക​ളോ​ടെ കൂ​ട്ട പ​ട്ടി​ണി​മ​ര​ണ​ത്തി​ലേ​ക്കാ​യി​രി​ക്കും ഇ​ന്ത്യ ചെ​ന്നെ​ത്തു​ക എ​ന്ന മു​ന്ന​റി​യി​പ്പു​ക​ൾ വി​ക​സി​ത രാ​ജ്യ​ങ്ങ​ൾ ന​ൽ​കി​​ക്കൊ​ണ്ടേ​യി​രു​ന്നു. ഈ ​ഭീ​ഷ​ണി​യെ മ​റി​ക​ട​ന്നും ഭ​ക്ഷ്യ​ധാ​ന്യോ​ൽ​പാ​ദ​ന​ത്തി​ൽ സ്വ​യം​പ​ര്യാ​പ്ത​ത കൈ​വ​രി​ച്ചും​ സാ​മ്പ​ത്തി​ക സ്വാ​ത​ന്ത്ര്യം നേ​ടി​യെ​ടു​ക്കു​ക​യാ​യി​രു​ന്നു ഇ​ന്ത്യ​യു​ടെ സ്വ​പ്നം. ആ ​സ്വ​പ്ന​ത്തി​ന്​ ഹ​രി​ത വി​പ്ല​വ​ത്തി​ലൂ​ടെ സാ​ക്ഷാ​ത്​​കാ​രം ന​ൽ​കി​യെ​ന്ന​താ​ണ്​ മ​​ങ്കൊ​മ്പ്​ സാം​ബ​ശി​വ​ൻ സ്വാ​മി​നാ​ഥ​ൻ എ​ന്ന മ​ല​യാ​ളി​ക്ക്​ ച​രി​ത്ര​ത്തി​ലി​ടം നേ​ടി​​ക്കൊ​ടു​ത്ത​ത്. സ്വാ​മി​നാ​ഥ​ൻ ത​ന്നെ ചൂ​ണ്ടി​ക്കാ​ണി​ച്ച​തു​പോ​ലെ, ആ​ഗോ​ള വി​ക​സ​ന​ത്തി​നെ​ന്ന പേ​രി​ൽ അ​മേ​രി​ക്ക കൊ​ണ്ടു​ന​ട​ത്തു​ന്ന യു.​എ​സ് എ​യ്ഡ് എ​ന്ന സം​രം​ഭ​ത്തി​ന്‍റെ ഡ​യ​റ​ക്ട​ര്‍ വി​ല്യം ഗോ​ഡ് ആ​ണ്​ ‘ഹ​രി​ത​വി​പ്ല​വം’ എ​ന്ന പ്ര​യോ​ഗ​ത്തി​ന്‍റെ വ​ക്താ​വ്. ഭ​ക്ഷ്യ​ക്ഷാ​മം ഇ​ല്ലാ​താ​ക്കു​ക​യാ​യി​രു​ന്നു ഹ​രി​ത വി​പ്ല​വ​ത്തി​ന്‍റെ മു​ഖ്യ​ല​ക്ഷ്യം. 1970ൽ ​അ​മേ​രി​ക്ക​ൻ വി​ള​ശാ​സ്ത്ര​ജ്ഞ​നാ​യ നോ​ർ​മ​ൻ ബോ​ർ​ലോ​ഗി​നെ ഇ​ന്ത്യ​യി​ലേ​ക്കു ക്ഷ​ണി​ച്ച്​ അ​തി​നു നേ​തൃ​ത്വം ന​ൽ​കു​ക​യാ​യി​രു​ന്നു സ്വാ​മി​നാ​ഥ​ൻ. ഉ​യ​ർ​ന്ന ഉ​ൽ​പാ​ദ​ന ശേ​ഷി​യു​ള്ള വി​ത്തു​ക​ൾ, ട്രാ​ക്ട​റു​ക​ൾ, ജ​ല​സേ​ച​ന സം​വി​ധാ​ന​ങ്ങ​ൾ, കീ​ട​നാ​ശി​നി​ക​ൾ, രാ​സ​വ​ള​ങ്ങ​ൾ എ​ന്നീ ആ​ധു​നി​ക സ​​ങ്കേ​ത​ങ്ങ​ളും രീ​തി​ക​ളും സ്വീ​ക​രി​ച്ച്​ ഇ​ന്ത്യ​യു​ടെ പ​ര​മ്പ​രാ​ഗ​ത കൃ​ഷി​രീ​തി​യെ വ്യാ​വ​സാ​യി​ക രീ​തി​യി​ലേ​ക്ക്​ മാ​റ്റി​പ്പ​ണി​യു​ക​യാ​യി​രു​ന്നു ഹ​രി​ത​വി​പ്ല​വം.

ഡ​ൽ​ഹി​യി​ലെ ജോ​ണ്ടി ഗ്രാ​മ​ത്തി​ൽ തു​ട​ങ്ങി​യ ആ ​പ​രീ​ക്ഷ​ണ​ത്തി​ന്​ പ​ഞ്ചാ​ബ്, ഹ​രി​യാ​ന, പ​ടി​ഞ്ഞാ​റ​ൻ ഉ​ത്ത​ർ​പ്ര​ദേ​ശ്, അ​വി​ഭ​ക്ത ആ​ന്ധ്ര എ​ന്നീ സം​സ്ഥാ​ന​ങ്ങ​ൾ വേ​ദി​യാ​യി. പ​ര​മ്പ​രാ​ഗ​ത വി​ത്തു​ക​ളും വി​ള​രീ​തി​ക​ളു​മെ​ല്ലാം മാ​റ്റി​വെ​ച്ച്​ വി​ദേ​ശ​ത്തു​നി​ന്ന് ഇ​റ​ക്കു​മ​തി ചെ​യ്ത അ​ത്യു​ൽ​പാ​ദ​ന ശേ​ഷി​യു​ള്ളവി​ത്തു​ക​ളും രാ​സ​വ​ള​ങ്ങ​ളും കീ​ട​നാ​ശി​നി​ക​ളും മി​ക​ച്ച ജ​ല​സേ​ച​ന പ​ദ്ധ​തി​ക​ളും ഒ​ത്തു​ചേ​ർ​ന്ന​പ്പോ​ൾ വ​ൻ വി​ള​വെ​ടു​പ്പാ​യി​രു​ന്നു ഫ​ലം. രാ​ജ്യ​ത്തെ ധാ​ന്യ​പ്പു​ര​ക​ൾ നി​റ​ഞ്ഞു​ക​വി​ഞ്ഞു. മി​ച്ച​സം​സ്ഥാ​ന​ങ്ങ​ളി​ൽ​നി​ന്ന് ക​മ്മി​സം​സ്ഥാ​ന​ങ്ങ​ളി​ലേ​ക്ക്​ ധാ​ന്യ​മൊ​ഴു​കി. അ​ത് ശാ​സ്ത്രീ​യ​മാ​യി ജ​ന​ങ്ങ​ളി​ലേ​ക്കെ​ത്തി​ക്കാ​നു​ള്ള പൊ​തു​വി​ത​ര​ണ സം​വി​ധാ​ന​ങ്ങ​ൾ സം​സ്ഥാ​ന​ങ്ങ​ളി​ൽ രൂ​പം​കൊ​ണ്ടു. കൂ​ടു​ത​ല്‍ വി​ള​വു​ന​ല്‍കു​ന്ന വി​ത്തി​ന​ങ്ങ​ള്‍ കൊ​ണ്ടു​വ​ന്ന​തു​കൊ​ണ്ട് കു​റ​ച്ച് ഭൂ​മി​യി​ല്‍നി​ന്ന് കൂ​ടു​ത​ല്‍ ധാ​ന്യ​ങ്ങ​ള്‍ ഉ​ൽ​പാ​ദി​പ്പി​ക്കാ​ന്‍ ന​മു​ക്കാ​യി എ​ന്നു സ്വാ​മി​നാ​ഥ​ൻ ഹ​രി​ത​വി​പ്ല​വ​ത്തെ ഒ​തു​ക്കി​പ്പ​റ​ഞ്ഞു. അ​ത്യു​ൽ​പാ​ദ​ന​ ശേ​ഷി​യു​ള്ള ഗോ​ത​മ്പ്​ വി​ത്തി​ന​ങ്ങ​ൾ വി​ക​സി​പ്പി​ച്ചെ​ടു​ക്കു​ക​യും ഇ​ന്ത്യ​യെ ‘പി​ച്ച​ച്ച​ട്ടി​യി​ൽ​നി​ന്ന്​ അ​പ്പ​ക്കൂ​ട​യി​ലേ​ക്ക്​’ പ​രി​വ​ർ​ത്തി​പ്പി​ക്കു​ക​യും ചെ​യ്ത​തി​ന്​ നോ​ർ​മ​ൻ ബോ​ർ​ലോ​ഗ് പി​ന്നീ​ട്​​ നൊ​ബേ​ൽ സ​മ്മാ​നം നേ​ടി. ലോ​ക ഭ​ക്ഷ്യ അ​വാ​ർ​ഡ്​ അ​ട​ക്ക​മു​ള്ള നി​ര​വ​ധി പു​ര​സ്കാ​ര​ങ്ങ​ൾ സ്വാ​മി​നാ​ഥ​നും ല​ഭി​ച്ചു.

അ​തേ​സ​മ​യം, ഇ​ന്ത്യ​യു​ടെ കൃ​ഷി​രീ​തി​യെ​യും അ​തു​വ​ഴി സ​മ്പ​ദ്​​ഘ​ട​ന​യെ​യും മാ​റ്റി​മ​റി​ച്ച ഹ​രി​ത​വി​പ്ല​വ​ത്തി​ന്‍റെ ദു​ര​ന്ത​ഫ​ല​ങ്ങ​ളും പി​ന്നീ​ട്​ സ്വാ​മി​നാ​ഥ​ൻ ക​ണ്ട​റി​ഞ്ഞു. വി​പ്ല​വ​ത്തി​ന്‍റെ ഏ​റ്റ​വും വ​ലി​യ വി​ജ​യ​ഗാ​ഥ കു​റി​ച്ച പ​ഞ്ചാ​ബി​ൽ​നി​ന്നു ത​ന്നെ​യാ​യി​രു​ന്നു പു​തി​യ പ്ര​തി​സ​ന്ധി​യെ​ക്കു​റി​ച്ച ആ​വ​ലാ​തി ആ​ദ്യ​മു​യ​ർ​ന്ന​ത്. വി​ള മെ​ച്ച​പ്പെ​ടു​ത്താ​ൻ ക​ർ​ഷ​ക​ർ രാ​സ​വ​ള​ങ്ങ​ളും കീ​ട​നാ​ശി​നി​ക​ളും ആ​വ​ശ്യ​ത്തി​ലും ക​വി​ഞ്ഞ്​ ഉ​പ​യോ​ഗി​ച്ച​ത്​ മ​ണ്ണി​നെ ന​ശി​പ്പി​ച്ചു. ജ​ല​സ്രോ​ത​സ്സു​ക​ളെ മ​ലി​ന​മാ​ക്കി. പ​ഞ്ചാ​ബി​ലെ മാ​ൾ​വ കാ​ൻ​സ​ർ ബെ​ൽ​റ്റ്​ ആ​യി മാ​റി. വ​ൻ​തോ​തി​ലു​ള്ള ഭൂ​ഗ​ർ​ഭ ജ​ല​ചൂ​ഷ​ണം പ​ഞ്ചാ​ബ്​ മു​ത​ൽ ആ​ന്ധ്ര വ​രെ ക​ർ​ഷ​ക​രെ ജ​ല​ക്ഷാ​മ​ത്തി​ലേ​ക്ക്​ എ​ത്തി​ച്ചു. വി​ള മോ​ശ​മാ​യി ക​ർ​ഷ​ക​ർ ക​ട​ക്കെ​ണി​യി​ൽ കു​ടു​ങ്ങി. ക​ർ​ഷ​ക ആ​ത്മ​ഹ​ത്യ​ക​ൾ രാ​ജ്യ​ത്താ​ക​മാ​നം പെ​രു​കി. പ​ഞ്ചാ​ബി​ൽ 1980ക​ളി​ൽ വി​ഘ​ട​ന​വാ​ദ​ത്തി​ന്‍റെ ഉ​യി​ർ​പ്പി​നും രാ​ഷ്ട്രീ​യാ​സ്ഥി​ര​ത​ക്കും വ​ഴി​യൊ​രു​ക്കി​യ​തി​ൽ വ​ലി​യ പ​ങ്ക്​ ഹ​രി​ത​വി​പ്ല​വ​ത്തി​നാ​ണ്​ എ​ന്ന​തും സ​ത്യം. ക​ർ​ഷ​ക​രു​ടെ വി​ഷ​മ​സ​ന്ധി​ക്ക്​ പ​രി​ഹാ​രം തേ​ടി ഒ​ടു​വി​ൽ കേ​​ന്ദ്ര​സ​ർ​ക്കാ​ർ സ​മീ​പി​ച്ച​തും സ്വാ​മി​നാ​ഥ​നെ ത​ന്നെ. 2004ൽ ​അ​ദ്ദേ​ഹ​ത്തി​ന്‍റെ നേ​തൃ​ത്വ​ത്തി​ൽ നി​ല​വി​ൽ വ​ന്ന ക​ർ​ഷ​ക​ർ​ക്കാ​യു​ള്ള ദേ​ശീ​യ ക​മീ​ഷ​ൻ 200 നി​ർ​ദേ​ശ​ങ്ങ​ളു​മാ​യി റി​പ്പോ​ർ​ട്ട്​ സ​മ​ർ​പ്പി​ച്ചു. നി​ത്യ​ഹ​രി​ത വി​പ്ല​വ​മാ​ണ്​ ഈ ​പ്ര​ശ്ന​ങ്ങ​ൾ​ക്കു​ള്ള പ​രി​ഹാ​ര​മെ​ന്നാ​യി​രു​ന്നു അ​ദ്ദേ​ഹ​ത്തി​ന്‍റെ മു​ഖ്യ​നി​ർ​ദേ​ശം. പ​ട്ടി​ണി​യു​ടെ​യും പോ​ഷ​കാ​ഹാ​ര​ക്കു​റ​വി​ന്‍റെ​യും സ​മ്പൂ​ർ​ണ നി​ർ​മാ​ർ​ജ​ന​മാ​ണ്​ ത​ന്‍റെ പൂ​ർ​ത്തീ​ക​രി​ക്ക​പ്പെ​ടാ​ത്ത സ്വ​പ്​​ന​മെ​ന്ന്​ സ്വാ​മി​നാ​ഥ​ൻ അ​നു​സ്മ​രി​ച്ചി​ട്ടു​ണ്ട്. രാ​ജ്യ​ത്തെ വ​റു​തി തു​റി​ച്ചു​നോ​ക്കു​ന്ന ഒ​രു സ​ന്നി​ഗ്​​ധ​ഘ​ട്ട​ത്തി​ൽ അ​തി​നു പ​രി​ഹാ​രം ക​ണ്ടെ​ത്തി​യെ​ന്ന​താ​ണ്​ ഡോ. ​സ്വാ​മി​നാ​ഥ​നെ രാ​ജ്യ​ത്തി​നു പ്രി​യ​ങ്ക​ര​നാ​ക്കു​ന്ന​ത്. ന​മ്മു​ടെ കാ​ർ​ഷി​ക സ​മ്പ​ദ്​​ഘ​ട​ന​യും ക​ർ​ഷ​ക​രും കൂ​ടു​ത​ൽ പ്ര​തി​സ​ന്ധി നേ​രി​ടു​ന്ന ഘ​ട്ട​ത്തി​ൽ അ​തി​നു കൂ​ടു​ത​ൽ പ്ര​യോ​ഗ​ക്ഷ​മ​വും ജ​ന​ക്ഷേ​മ​ക​ര​വു​മാ​യ പ​രി​ഹാ​ര​ക്ര​മം രൂ​പ​പ്പെ​ടു​ത്തു​ക​യാ​ണ്​ അ​ദ്ദേ​ഹ​ത്തി​നു ന​ൽ​കാ​വു​ന്ന ഏ​റ്റ​വും ഉ​ചി​ത​മാ​യ അ​ന്തി​മോ​പ​ചാ​രം.