പ്ര​തീ​ക്ഷ ത​ക​ർ​ക്കു​ന്ന പ്ര​തി​പ​ക്ഷ ഭി​ന്ന​ത

ജാ​തി​സെ​ൻ​സ​സ് വി​ഷ​യ​ത്തി​ൽ മു​ൻ യു.​പി മു​ഖ്യ​മ​ന്ത്രി​യും സ​മാ​ജ്‍വാ​ദി പാ​ർ​ട്ടി അ​ധ്യ​ക്ഷ​നു​മാ​യ അ​ഖി​ലേ​ഷ് യാ​ദ​വ് കോ​ൺ​ഗ്ര​സി​നെ​തി​രെ രം​ഗ​ത്തു​വ​രു​ക​യും ആ​വ​ശ്യ​മു​ന്ന​യി​ക്കു​ന്ന കോ​ൺ​ഗ്ര​സ് നേ​താ​വ് രാ​ഹു​ൽഗാ​ന്ധി​യെ പ​രി​ഹ​സി​ക്കു​ക​യും ചെ​യ്തി​രി​ക്കു​ന്നു. പ്ര​തി​പ​ക്ഷ മു​ന്ന​ണി​യാ​യ ഇ​ൻ​ഡ്യ സ​ഖ്യ​വും പ്ര​ധാ​ന​മാ​യും കോ​​ൺ​ഗ്ര​സും ജാ​തി​സെ​ൻ​സ​സ് ഒ​രു തെ​ര​ഞ്ഞെ​ടു​പ്പ് അ​ജ​ണ്ട​യാ​യി ഉ​യ​ർ​ത്തി​ക്കൊ​ണ്ടു വ​രു​ന്ന​തി​നി​ട​യി​ലാ​ണ് അ​ഖി​ലേ​ഷി​ന്റെ വി​മ​ർ​ശ​ന​വും പ​രി​ഹാ​സ​വും. ഏ​റെ​ക്കാ​ലം രാ​ജ്യം ഭ​രി​ച്ച കോ​ൺ​ഗ്ര​സി​ന്റെ ഭൂ​ത​കാ​ല​ത്തെ​യും അ​ഖി​ലേ​ഷ് വെ​റു​തെ വി​ട്ടി​ട്ടി​ല്ല. മ​ധ്യ​പ്ര​ദേ​ശ് നി​യ​മ​സ​ഭ തെ​ര​​​ഞ്ഞെ​ടു​പ്പി​ൽ സീ​റ്റ് ധാ​ര​ണ സം​ബ​ന്ധി​ച്ച ച​ർ​ച്ച​ക​ൾ പൊ​ളി​ഞ്ഞ​താ​ണ് അ​ഖി​ലേ​ഷി​ന്റെ​യും സ​മാ​ജ്‍വാ​ദി പാ​ർ​ട്ടി​യു​ടെ​യും വി​മ​ർ​ശ​ന​ങ്ങ​ൾ​ക്കു പി​ന്നി​ൽ. വി​മ​ർ​ശ​നം ഇ​ൻ​ഡ്യ മു​ന്ന​ണി​യി​ലെ അ​സ്വാ​ര​സ്യ​ങ്ങ​ൾ കൂ​ടു​ത​ൽ പു​റ​ത്തു​കൊ​ണ്ടു​വ​ന്നി​രി​ക്കു​ക​യാ​ണ്.

പാ​ർ​ട്ടി ഭ​രി​ക്കു​ന്ന എ​ല്ലാ സം​സ്ഥാ​ന​ങ്ങ​ളി​ലും ജാ​തി സെ​ൻസ​സ് ന​ട​ത്താ​ൻ ഒ​ക്ടോ​ബ​റി​ൽ ചേ​ർ​ന്ന കോ​ൺ​ഗ്ര​സ് പ്ര​വ​ർ​ത്ത​ക​സ​മി​തി തീ​രു​മാ​ന​മെ​ടു​ത്തി​രു​ന്നു. ഭ​ര​ണ​ത്തി​ലെ​ത്തി​യാ​ൽ ജാ​തി സെ​ൻ​സ​സ് ന​ട​ത്തു​മെ​ന്ന് ഈ​മാ​സം തെ​ര​ഞ്ഞെ​ടു​പ്പ് ന​ട​ക്കു​ന്ന അ​ഞ്ചു സം​സ്ഥാ​ന​ങ്ങ​ളി​ലെ​യും പാ​ർ​ട്ടി പ്ര​ക​ട​ന​പ​ത്രി​ക​ക​ളും വാ​ഗ്ദാ​നം ചെ​യ്യു​ന്നു. വ​ർ​ഗീ​യ ധ്രു​വീ​ക​ര​ണ​വും ജ​ന​വി​രു​ദ്ധ കോ​ർ​പ​റേ​റ്റ് അ​നു​കൂ​ല ന​യ​ങ്ങ​ളും​കൊ​ണ്ട് സം​ഘ്പ​രി​വാ​ർ ന​യി​ക്കു​ന്ന ഭ​ര​ണ​കൂ​ടം രാ​ജ്യ​ത്തി​ന്റെ അ​ടി​ത്ത​റ​യി​ള​ക്ക​വെ ഇ​ന്ത്യ​യു​ടെ ഭാ​വി​യി​ൽ ആ​ശ​ങ്ക​പ്പെ​ടു​ന്ന ഏ​റെ​പ്പേ​രും ഏ​റെ ആ​ഗ്ര​ഹ​പൂ​ർ​വം കാ​ത്തി​രു​ന്ന ഒ​ന്നാ​ണ് പ്ര​തി​പ​ക്ഷ ക​ക്ഷി​ക​ളു​ടെ ഐ​ക്യം. ജ​ന​ങ്ങ​ളു​ടെ പ്ര​തീ​ക്ഷ​യെ സാ​ക്ഷാ​ത്ക​രി​ക്കാ​നെ​ന്നോ​ണം ദേ​ശീ​യ ത​ല​ത്തി​ലോ സം​സ്ഥാ​ന​ങ്ങ​ളി​ലോ ശ​ക്ത​മാ​യ സാ​ന്നി​ധ്യ​മു​ള്ള 26 പാ​ർ​ട്ടി​ക​ൾ പ​ല​വു​രു ഒ​രു​മി​ച്ചി​രി​ക്കു​ക​യും ‘ഇ​​ന്ത്യ​​ൻ നാ​​ഷ​​ന​​ൽ ഡെ​​വ​​ല​​പ്​​​മെ​​ന്‍റ​​ൽ ഇ​​ൻ​​ക്ലൂ​​സി​​വ്​ അ​​ല​​യ​​ൻ​​സ്’​ എ​ന്ന ‘ഇ​ൻ​ഡ്യ’ മു​ന്ന​ണി രൂ​പ​വ​ത്ക​രി​ക്കു​ക​യും ചെ​യ്തു. പ്ര​​തി​​പ​​ക്ഷ​ ന്യൂ​​ന​​പ​​ക്ഷ ​പി​​ന്നാ​​ക്ക വേ​​ട്ട​​യാ​​ട​​ൽ ന​ട​ത്തു​ന്ന, രാ​ജ്യ​ത്തി​ന് അ​പ​ക​ട​ക​ര​മാ​യ രാ​ഷ്ട്രീ​യം പി​ൻ​പ​റ്റു​ന്ന​ ബി.​​ജെ.​​പി​​യെ അ​​ധി​​കാ​​ര​​ത്തി​​ൽ​​നി​​ന്ന്​ പു​​റ​​ത്താ​​ക്കാ​​ൻ പ്ര​​തി​​പ​​ക്ഷം ഒ​​ന്നി​​ച്ചു​​നി​​ൽ​​ക്ക​​ണ​​മെ​​ന്ന താ​​ൽ​​പ​​ര്യ​​മാ​​ണ്​ ത​​ങ്ങ​​ളെ ന​​യി​​ക്കു​​ന്ന​ത്​ എ​ന്നാ​യി​രു​ന്നു പ്ര​​ധാ​ന പ്ര​തി​​പ​​ക്ഷ പാ​​ർ​​ട്ടി നേ​​താ​​ക്ക​​ളെ​​ല്ലാം ഒ​രേ സ്വ​ര​ത്തി​ൽ പ്ര​ഖ്യാ​പി​ച്ച​ത്. തു​ട​ർ​യോ​ഗ​ങ്ങ​ളി​ൽ സീ​റ്റു​വി​ഭ​ജ​ന​ത്തി​ല​ട​ക്കം പ​ര​മാ​വ​ധി വി​ട്ടു​വീ​ഴ്ച എ​ന്ന ത​ത്ത്വം അം​ഗീ​ക​രി​ക്കു​ക​യും ചെ​യ്തു. ഒ​രു​മി​ച്ചു നി​ൽ​ക്കു​ക​യും പ്ര​ഖ്യാ​പ​ന​ങ്ങ​ൾ പ്ര​വൃ​ത്തി​പ​ഥ​ത്തി​ൽ കൊ​ണ്ടു​വ​രു​ക​യും​ ചെ​യ്താ​ൽ ബി.​ജെ.​പി ഭ​ര​ണ​സം​ഘ​ത്തി​ന് ഭീ​ഷ​ണി സൃ​ഷ്ടി​ക്കാ​ൻ മു​ന്ന​ണി​ക്കാ​വും എ​ന്ന് രാ​ഷ്ട്രീ​യ നി​രീ​ക്ഷ​ക​ർ പ്ര​വ​ചി​ച്ചു, അ​ത്ത​ര​മൊ​രു പ്ര​തീ​തി മൂ​ലം ഭ​ര​ണ​മു​ന്ന​ണി നേ​താ​ക്ക​ളും അ​ണി​ക​ളും ഒ​രു​പ​രി​ധി​വ​രെ ആ​ശ​ങ്ക​യി​ലും ആ​ശ​യ​ക്കു​ഴ​പ്പ​ത്തി​ലു​മ​ക​പ്പെ​ട്ട് തു​ട​ങ്ങി​യി​രു​ന്നു. അ​തി​നി​ട​യി​ലാ​ണ് പു​തി​യ ഭി​ന്ന​ത​ക​ൾ. ‘ഇ​ൻ​ഡ്യ’ മു​ന്ന​ണി​യെ​പ്പേ​ടി​ച്ച് ഇ​ന്ത്യ​യു​ടെ പേ​രു​മാ​റ്റാ​ൻ​വ​രെ ഒ​രു​മ്പെ​ട്ട​വ​ർ​ക്ക് തെ​ല്ല് ആ​ശ്വാ​സം പ​ക​രു​ന്ന​താ​ണ് ഈ ​സം​ഭ​വ വി​കാ​സ​ങ്ങ​ൾ.

‘ഇ​ൻ​ഡ്യ’ മു​ന്ന​ണി രൂ​പ​വ​ത്ക​ര​ണ വേ​ള​യി​ലു​ണ്ടാ​യ ആ​വേ​ശ​മൊ​ന്നും നി​ല​വി​ൽ കാ​ണു​ന്നി​ല്ലെ​ന്ന​ത് വ​സ്തു​ത​യാ​ണ്. അ​ക്കാ​ര്യം ബി​ഹാ​ർ മു​ഖ്യ​മ​ന്ത്രി നി​തീ​ഷ് കു​മാ​ർ തു​റ​ന്നു​പ​റ​യു​ക​യും ചെ​യ്തി​രു​ന്നു. നി​തീ​ഷും ലാ​ലു​വും നേ​രി​ട്ട് കാ​ര്യ​ങ്ങ​ൾ​ക്ക് മേ​ൽ​നോ​ട്ടം വ​ഹി​ക്കു​ന്ന ബി​ഹാ​റി​ലും വ​ർ​ഗീ​യ​വി​രു​ദ്ധ രാ​ഷ്ട്രീ​യ​ത്തി​ന്റെ വി​ജ​യ​ത്തി​നു​വേ​ണ്ടി ഏ​തൊ​രു വി​ട്ടു​വീ​ഴ്ച​ക്കും ഒ​രു​ക്കം കാ​ണി​ക്കു​ന്ന എം.​കെ. സ്റ്റാ​ലി​ന്റെ ത​മി​ഴ്നാ​ട്ടി​ലു​മൊ​ഴി​കെ ഒ​രി​ട​ത്തും ‘ഇ​ൻ​ഡ്യ’ മു​ന്ന​ണി കെ​ട്ടു​റ​പ്പി​ല​ല്ല. മു​ന്ന​ണി യോ​ഗം ക​ഴി​ഞ്ഞ് നേ​താ​ക്ക​ൾ തി​രി​ച്ചെ​ത്തു​മ്പോ​ഴേ​ക്ക് പശ്ചിമബം​ഗാ​ളി​ലെ തൃ​ണ​മൂ​ൽ- കോ​ൺ​ഗ്ര​സ്- സി.​പി.​എം അ​ണി​ക​ൾ ത​മ്മി​ൽ കൂ​ട്ട​ത്ത​ല്ല് തു​ട​ങ്ങി​യി​രു​ന്നു. ഇ​ന്ത്യ ന​ഷ്ട​​പ്പെ​ടു​മെ​ങ്കി​ൽ ​പോ​ട്ടെ, സം​സ്ഥാ​ന​ഭ​ര​ണം മു​ഖ്യം എ​ന്ന​താ​ണ് കേ​ര​ള​ത്തി​ലെ കോ​ൺ​​ഗ്ര​സ്-​സി.​പി.​എം ഘ​ട​ക​ങ്ങ​ളു​ടെ​യും ഉ​ള്ളി​ലി​രി​പ്പ്. അ​ഞ്ചു സം​സ്ഥാ​ന​ങ്ങ​ളി​ൽ ന​ട​ക്കു​ന്ന നി​യ​മ​സ​ഭ തെ​ര​ഞ്ഞെ​ടു​പ്പാ​ണ് നി​ല​വി​ലെ പ്ര​ധാ​ന വി​ഷ​യ​മെ​ന്നും അ​തി​നു​ശേ​ഷം മു​ന്ന​ണി​യി​ലെ പ്ര​ശ്ന​ങ്ങ​ൾ പ​രി​ഹ​രി​ക്കു​മെ​ന്നു​മാ​ണ് കോ​​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ പ​റ​യു​ന്ന​ത്. അ​തേ​സ​മ​യം ഈ ​നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ലും മു​ന്ന​ണി​ക്ക് ഒ​ന്നി​ച്ചു​നി​ൽ​ക്കാ​നാ​യി​ട്ടി​ല്ല. മ​ധ്യ​പ്ര​ദേ​ശി​ൽ സ​മാ​ജ്‍വാ​ദി പാ​ർ​ട്ടി​യു​മാ​യും തെ​ല​ങ്കാ​ന, രാ​ജ​സ്ഥാ​ൻ എ​ന്നി​വി​ട​ങ്ങ​ളി​ൽ സി.​പി.​എ​മ്മു​മാ​യും ധാ​ര​ണ​യി​ലെ​ത്താ​ൻ കോ​ൺ​ഗ്ര​സി​നാ​യി​ല്ല. അ​ത​ത് സം​സ്ഥാ​ന​ങ്ങ​ളി​ലെ നേ​താ​ക്ക​ളു​ടെ താ​ൻ​പോ​രി​മ​യാ​ണ് ഇ​തി​ലെ ത​ട​സ്സ​വും. ​സം​സ്ഥാ​ന തെ​ര​ഞ്ഞെ​ടു​പ്പ് ക​ഴി​യു​​​​മ്പോ​ഴേ​ക്കും മു​ന്ന​ണി ഘ​ട​ക​ക​ക്ഷി​ക​ൾ ത​മ്മി​ലെ ഭി​ന്ന​ത രൂ​ക്ഷ​മാ​യേ​ക്കും എ​ന്ന സ്ഥി​തി​യി​ലേ​ക്കാ​ണ് കാ​ര്യ​ങ്ങ​ളു​ടെ പോ​ക്ക്.

നി​ല​വി​ൽ ഏ​റി​യും കു​റ​ഞ്ഞു​മാ​ണെ​ങ്കി​ലും ഇ​ന്ത്യ​യി​ൽ എ​ല്ലാ സം​സ്ഥാ​ന​ങ്ങ​ളി​ലും വേ​രു​ക​ളു​ള്ള പാ​ർ​ട്ടി​യാ​ണ് കോ​ൺ​ഗ്ര​സ്. ന​ല്ലൊ​രു ശ​ത​മാ​നം സ്ഥ​ല​ങ്ങ​ളി​ൽ ബി.​ജെ.​പി​യു​മാ​യി നേ​രി​ട്ട് ഏ​റ്റു​മു​ട്ടു​ന്ന​തും ആ ​പാ​ർ​ട്ടി​യാ​ണ്. പ്ര​തി​പ​ക്ഷ​ങ്ങ​ളെ ഒ​ന്നി​ച്ചു​നി​ർ​ത്തേ​ണ്ട​തും മു​ന്നോ​ട്ടു ന​യി​ക്കേ​ണ്ട​തും അ​വ​ർ ത​ന്നെ​യാ​ണ് എ​ന്ന​തി​ൽ സം​ശ​യ​വു​മി​ല്ല. അ​തു​കൊ​ണ്ടു​ത​ന്നെ, പ​ര​മാ​വ​ധി വി​ട്ടു​വീ​ഴ്ച ചെ​യ്യാ​നും ഏ​തു വി​ധേ​ന​യും സം​സ്ഥാ​ന​ങ്ങ​ളി​ൽ മു​ന്ന​ണി സം​വി​ധാ​നം മു​ന്നോ​ട്ടു കൊ​ണ്ടു പോ​കാ​നു​മു​ള്ള ബാ​ധ്യ​ത കോ​​ൺ​ഗ്ര​സി​നു​ണ്ട്. അ​ത് മ​ന​സ്സി​ലാ​കാ​ത്ത​ത് കോ​ൺ​ഗ്ര​സി​നും അ​തി​ന്റെ നേ​താ​ക്ക​ൾ​ക്കു​​മാ​ണെ​ന്നു തോ​ന്നു​ന്നു. ഒ​മ്പ​ത​ര വ​ർ​ഷം നീ​ണ്ട മോ​ദി​ഭ​ര​ണം രാ​ജ്യ​ത്തി​നും ന​മ്മു​ടെ ജ​നാ​ധി​പ​ത്യ​ത്തി​നും ഏ​ൽ​പി​ച്ച പ​രി​ക്കു​ക​ളെ​ക്കു​റി​ച്ച് സാ​ധാ​ര​ണ കോ​ൺ​ഗ്ര​സ് പ്ര​വ​ർ​ത്ത​ക​ർ​ക്കു​ള്ള ബോ​ധ്യ​വും വേ​ദ​ന​യു​മെ​ങ്കി​ലും പാ​ർ​ട്ടി​യു​ടെ ഉ​ന്ന​ത നേ​താ​ക്ക​ൾ ഉ​ൾ​ക്കൊ​ള്ളേ​ണ്ടി​യി​രി​ക്കു​ന്നു. സാ​ധ്യ​ത​ക​ളും ജ​ന​വി​കാ​ര​വും ഇ​നി​യും തി​രി​ച്ച​റി​യാ​തി​രി​ക്കു​ന്ന​ത് പ്ര​തി​പ​ക്ഷം കൂ​ടു​ത​ൽ ശി​ഥി​ല​മാ​കാ​നും രാ​ജ്യം കൂ​ടു​ത​ൽ സം​ഘ്​വ​ത്ക​രി​ക്ക​പ്പെ​ടാ​നു​മേ വ​ഴി​യൊ​രു​ക്കൂ.