ബാ​ബ​രി​യെ ഓ​ർ​മി​പ്പി​ക്കു​ന്ന ഗ്യാ​ൻ​വാ​പി കേ​സ്​

ഉ​ത്ത​ർ​പ്ര​ദേ​ശി​ലെ വാ​രാ​ണ​സി​യി​ലു​ള്ള മു​ഗ​ൾ ഭ​ര​ണ​കാ​ല നി​ർ​മി​തി​യാ​യ ഗ്യാ​ൻ​വാ​പി മ​സ്​​ജി​ദ്​ പു​രാ​ത​ന ക്ഷേ​ത്രാ​വ​ശി​ഷ്ട​ങ്ങ​ൾ​ക്കു​മേ​ൽ പ​ടു​ത്തു​യ​ർ​ത്തി​യ​താ​ണോ എ​ന്നു പ​രി​ശോ​ധി​ക്കാ​ൻ ഉ​ത്​​ഖ​ന​നം അ​ട​ക്ക​മു​ള്ള ശാ​സ്ത്രീ​യ സ​ർ​വേ ന​ട​ത്താ​നു​ള്ള നീ​ക്കം സു​പ്രീം​കോ​ട​തി നാ​ളെ വ​രെ ത​ട​ഞ്ഞി​രി​ക്കു​ന്നു. സ​ർ​വേ ന​ട​ത്താ​ൻ ക​ഴി​ഞ്ഞ വെ​ള്ളി​യാ​ഴ്​​ച വാ​രാ​ണ​സി​​യി​​ലെ ജി​ല്ല കോ​ട​തി ആ​ർ​ക്കി​യോ​ള​ജി​ക്ക​ൽ സ​ർ​വേ ഓ​ഫ്​ ഇ​ന്ത്യ​ക്ക്​ നി​ർ​ദേ​ശം ന​ൽ​കി​യ​തി​നെ തു​ട​ർ​ന്ന്​ തി​ങ്ക​ളാ​ഴ്​​ച രാ​വി​ലെ ഏ​ഴി​ന്​ എ.​എ​സ്.​ഐ ഉ​ദ്യോ​ഗ​സ്ഥ​ർ തു​ട​ങ്ങി​വെ​ച്ച സ​ർ​വേ ജോ​ലി​ക​ൾ സു​​പ്രീം​കോ​ട​തി നി​ർ​ത്തി​വെ​പ്പി​ക്കു​ക​യാ​യി​രു​ന്നു. ജി​ല്ല കോ​ട​തി വി​ധി​ക്കെ​തി​രെ അ​ല​ഹ​ബാ​ദ്​ ഹൈ​കോ​ട​തി​യെ സ​മീ​പി​ക്കാ​ൻ മ​സ്​​ജി​ദ്​ ക​മ്മി​റ്റി​ക്ക് ‘ഒ​രു വീ​ർ​പ്പി​ട’ ന​ൽ​കു​ക​യാ​ണെ​ന്ന്​ ചീ​ഫ്​ ജ​സ്റ്റി​സ്​ ഡി.​വൈ. ച​ന്ദ്ര​ചൂ​ഡ്, ​ജ​സ്​​റ്റി​സു​മാ​രാ​യ ജെ.​ബി. പ​ർ​ദി​വാ​ല, മ​നോ​ജ്​ മി​ശ്ര എ​ന്നി​വ​ര​ട​ങ്ങി​യ ബെ​ഞ്ച്​ പ​റ​ഞ്ഞു.

ഗ്യാ​ൻ​വാ​പി പ​ള്ളി​യി​ൽ ന​മ​സ്കാ​ര​ത്തി​നെ​ത്തു​ന്ന​വ​ർ അം​ഗ​സ്നാ​നം ചെ​യ്യു​ന്ന ജ​ല​സം​ഭ​ര​ണി (വു​ദു​ഖാ​ന)​യി​ലെ ഫൗ​ണ്ട​ൻ ശി​വ​ലിം​ഗ​മാ​ണെ​ന്ന വാ​ദ​വി​വാ​ദ​ങ്ങ​ളും കോ​ട​തി​വ്യ​വ​ഹാ​ര​ങ്ങ​ളും ന​ട​ന്നു​വ​രു​ന്ന​തി​നി​ടെ​യാ​ണ്​ മ​സ്​​ജി​ദി​ന്‍റെ താ​ഴി​ക​ക്കു​ട​ങ്ങ​ൾ​ക്കു താ​ഴെ​യും ചു​മ​രു​ക​ളും പു​രാ​വ​സ്തു പ​രി​ശോ​ധ​ന​ക്കു വി​ധേ​യ​മാ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ നാ​ലു വ​നി​ത​ക​ൾ വാ​രാ​ണ​സി ജി​ല്ല കോ​ട​തി​യെ സ​മീ​പി​ച്ച​ത്. കേ​സ്​ പ​രി​ഗ​ണി​ച്ച വാ​രാ​ണ​സി ജി​ല്ല കോ​ട​തി ജൂ​ലൈ 21ന്​ ​വെ​ള്ളി​യാ​ഴ്ച വൈ​കീ​ട്ട് 4.30ന്​ ​സ​ർ​വേ​ക്കു നി​ർ​ദേ​ശം ന​ൽ​കി ഉ​ത്ത​ര​വി​ട്ടു. മ​സ്​​ജി​ദ്​ ക​മ്മി​റ്റി​യു​ടെ വ​ക്കീ​ലി​ന് ​​ഉ​ത്ത​ര​വി​ന്‍റെ കോ​പ്പി​പോ​ലും ല​ഭ്യ​മാ​ക്കി​യി​രു​ന്നി​ല്ല. മ​റു​ന്യാ​യം സ​മ​ർ​പ്പി​ക്കാ​നു​ള്ള അ​വ​സ​രം ന​ൽ​കാ​തെ ഉ​ത്ത​ര​വ്​ ന​ട​പ്പാ​ക്കാ​ൻ അ​നാ​വ​ശ്യ​ധി​റു​തി​യാ​ണ്​ അ​ധി​കൃ​ത​ർ കാ​ണി​ച്ച​തെ​ന്ന്​ മ​സ്​​ജി​ദ്​ ക​മ്മി​റ്റി അ​ഭി​ഭാ​ഷ​ക​ൻ ഹു​സേ​ഫ അ​ഹ്​​മ​ദ് സു​പ്രീം​കോ​ട​തി​യെ അ​റി​യി​ച്ചു. ഇ​ത്​ അം​ഗീ​ക​രി​ച്ച്​ സ​ർ​വേ നി​ർ​ത്തി​വെ​ക്കാ​നും മ​സ്​​ജി​ദ്​ ക​മ്മി​റ്റി അ​ല​ഹ​ബാ​ദ്​ ഹൈ​കോ​ട​തി​യി​ൽ അ​പ്പീ​ൽ സ​മ​ർ​പ്പി​ക്കാ​നു​മാ​യി​രു​ന്നു സു​പ്രീം​കോ​ട​തി നി​ർ​ദേ​ശം.

ബാ​ബ​രി മ​സ്​​ജി​ദ്​ ധ്വം​സ​ന​ത്തി​നും തു​ട​ർ​ന്ന് മൂ​ന്നു പ​തി​റ്റാ​ണ്ടോ​ളം നീ​ണ്ട നി​യ​മ​യു​ദ്ധ​ത്തി​നും​ശേ​ഷം അ​യോ​ധ്യ​യി​ൽ രാ​മ​ക്ഷേ​ത്ര​നി​ർ​മാ​ണം പു​രോ​ഗ​മി​ക്കെ നേ​ര​ത്തേ സം​ഘ്​​പ​രി​വാ​ർ അ​ജ​ണ്ട​യി​ലു​ള്ള മ​ഥു​ര, കാ​ശി മ​സ്​​ജി​ദു​ക​ൾ​ക്കു​മേ​ലു​ള്ള അ​വ​കാ​ശ​വാ​ദ​ത്തി​ന് ആ​ക്കം​കൂ​ടു​ക​യാ​ണ്. രാ​ഷ്​​ട്രീ​യ​മാ​യി വി​ഷ​യം ഉ​ന്ന​യി​ക്കു​ന്ന​തി​നു പു​റ​മെ, നി​യ​മ​വ്യ​വ​ഹാ​ര​ങ്ങ​ളി​ലൂ​ടെ ല​ക്ഷ്യം നേ​ടി​​യെ​ടു​ക്കാ​നു​ള്ള ശ്ര​മ​ങ്ങ​ളും പു​രോ​ഗ​മി​ക്കു​ക​യാ​ണെ​ന്ന്​ ഗ്യാ​ൻ​വാ​പി കേ​സ്​ പി​ന്തു​ട​രു​മ്പോ​ൾ വ്യ​ക്ത​മാ​വു​ന്നു. ​പു​രാ​ത​ന ക്ഷേ​ത്രാ​വ​ശി​ഷ്ട​ങ്ങ​ൾ​ക്കു​മേ​ലാ​ണ്​ ഗ്യാ​ൻ​വാ​പി പ​ള്ളി പ​ണി​ത​തെ​ന്ന സം​ഘ്​​പ​രി​വാ​ർ വാ​ദം ബാ​ബ​രി മ​സ്​​ജി​ദി​നു മേ​ലു​ള്ള അ​വ​രു​ടെ അ​വ​കാ​ശ​വാ​ദ​ത്തെ അ​നു​സ്മ​രി​പ്പി​ക്കു​ന്നു​ണ്ട്. പു​തി​യ മ​സ്​​ജി​ദ്​-​മ​ന്ദി​ർ ത​ർ​ക്കം കോ​ട​തി​ക​യ​റു​ന്ന​തി​ന്‍റെ രീ​തി​ക​ൾ പ​രി​ശോ​ധി​ച്ചാ​ലും പ​ഴ​യ ബാ​ബ​രി എ​പ്പി​സോ​ഡു​മാ​യി ​പൊ​രു​ത്ത​ങ്ങ​ൾ കാ​ണാ​നു​ണ്ട്. ഹി​ന്ദു​ദൈ​വ​ങ്ങ​ളു​ടെ ആ​സ്ഥാ​ന​മാ​യ മാ ​ശ്രി​ങ്കാ​ർ ഗൗ​രി സ്ഥ​ൽ എ​ന്ന ഗ്യാ​ൻ​വാ​പി സ​മു​ച്ച​യ​ത്തി​ന​കം നി​ർ​വി​ഘ്നം ആ​രാ​ധ​ന​ക്ക്​ വി​ട്ടു​ത​ര​ണ​മെ​ന്ന്​ ആ​വ​ശ്യ​പ്പെ​ട്ട്​ രേ​ഖ പ​ഥ​ക്, മ​ഞ്ജു വ്യാ​സ്, സീ​ത സാ​ഹു, ല​ക്ഷ്​​മി​ദേ​വി എ​ന്നി​വ​ർ 2021 ആ​ഗ​സ്റ്റി​ൽ കോ​ട​തി​യി​ൽ കേ​സ്​ ഫ​യ​ൽ​ചെ​യ്തു. 2022 ഏ​പ്രി​ൽ എ​ട്ടി​ന്​ വാ​രാ​ണ​സി സീ​നി​യ​ർ ഡി​വി​ഷ​ൻ സി​വി​ൽ ജ​ഡ്ജി ര​വി​കു​മാ​ർ ദി​വാ​ക​ർ, കോ​ട​തി നി​യ​മി​ക്കു​ന്ന ഒ​രു ക​മീ​ഷ​ൻ കാ​ശി വി​ശ്വ​നാ​ഥ ക്ഷേ​ത്ര-​ഗ്യാ​ൻ​വാ​പി മ​സ്​​ജി​ദ്​ സ​മു​ച്ച​യം സ​ർ​വേ ന​ട​ത്ത​ണ​മെ​ന്നും അ​തി​ന്‍റെ വി​ഡി​യോ സ​ഹി​ത​മു​ള്ള റി​പ്പോ​ർ​ട്ട്​ കോ​ട​തി​യി​ൽ സ​മ​ർ​പ്പി​ക്ക​ണ​മെ​ന്നും ഉ​ത്ത​ര​വി​ട്ടു. അ​ടു​ത്ത മാ​സം ര​ണ്ടാം വാ​ര​ത്തി​ൽ ന​ട​ന്ന സ​ർ​വേ മേ​യ്​ 16ന്​ ​അ​വ​സാ​നി​ക്കെ​യാ​ണ്​ അം​ഗ​സ്നാ​ന ജ​ല​സം​ഭ​ര​ണി​യി​ലെ ഫൗ​ണ്ട​ൻ, ശി​വ​ലിം​ഗ​മാ​ണെ​ന്ന അ​വ​കാ​ശ​വാ​ദ​മു​യ​രു​ന്ന​ത്.

പ​ള്ളി​യി​ലെ വു​ദു​ഖാ​ന​യി​ൽ ക​ണ്ടെ​ത്തി​യ ശി​വ​ലിം​ഗ​വു​മാ​യി ബ​ന്ധ​പ്പെ​ട്ട്​ ശാ​സ്ത്രീ​യ സ​ർ​വേ​യും കാ​ർ​ബ​ൺ ഡേ​റ്റി​ങ്ങും ന​ട​ത്ത​ണ​മെ​ന്നാ​വ​ശ്യ​പ്പെ​ട്ട്​ ക​ഴി​ഞ്ഞ വ​ർ​ഷം ഒ​ക്​​ടോ​ബ​ർ 14ന്​ ​മു​ൻ പ​രാ​തി​ക്കാ​ർ വാ​രാ​ണ​സി ജി​ല്ല കോ​ട​തി​യെ സ​മീ​പി​ച്ചി​രു​ന്നെ​ങ്കി​ലും ആ​വ​ശ്യം നി​ര​സി​ക്ക​പ്പെ​ട്ടു. തു​ട​ർ​ന്ന്​ അ​വ​ർ അ​ല​ഹ​ബാ​ദ്​ ഹൈ​കോ​ട​തി​യെ സ​മീ​പി​ച്ചു. ക​ഴി​ഞ്ഞ മേ​യ്​ 12ന് ​പ​രാ​തി​ക്കാ​രു​ടെ ആ​വ​ശ്യം അം​ഗീ​ക​രി​ച്ച്​ ‘ശാ​സ്ത്രീ​യ സ​ർ​വേ’​ക്ക്​ ഉ​ത്ത​ര​വി​ട്ടു. സ​ർ​വേ വാ​രാ​ണ​സി ജി​ല്ല ജ​ഡ്ജി​യു​ടെ ​മേ​ൽ​നോ​ട്ട​ത്തി​ലാ​യി​രി​ക്ക​ണ​മെ​ന്നും എ.​എ​സ്.​ഐ അ​ധി​കൃ​ത​ർ മേ​യ്​ 22ന്​ ​വി​ചാ​ര​ണ ജ​ഡ്ജി​യു​ടെ മു​ന്നി​ൽ ഹാ​ജ​രാ​യി വേ​ണ്ട നി​ർ​ദേ​ശ​ങ്ങ​ൾ സ്വീ​ക​രി​ക്ക​ണ​മെ​ന്നും ​ഹൈ​കോ​ട​തി നി​ർ​ദേ​ശി​ച്ചു. എ​ന്നാ​ൽ, ഹൈ​കോ​ട​തി നി​ർ​ദേ​ശം ത​ൽ​ക്കാ​ലം ന​ട​പ്പി​ലാ​ക്കേ​ണ്ട​തി​ല്ലെ​ന്നു വി​ധി​ച്ച സു​പ്രീം​കോ​ട​തി ഇ​തി​നെ​തി​രെ കോ​ട​തി​യെ സ​മീ​പി​ച്ച മ​സ്​​ജി​ദ്​ ക​മ്മി​റ്റി​യു​ടെ അ​പ്പീ​ലി​ൽ കേ​ന്ദ്ര, യു.​പി ഗ​വ​ൺ​മെ​ന്‍റു​ക​ളു​ടെ അ​ഭി​പ്രാ​യം തേ​ടി​യി​രി​ക്കു​ക​യാ​ണ്. ഈ ​കേ​സ്​ ശേ​ഷി​ക്കു​ന്ന​തി​നി​ടെ​യാ​ണ്​ സം​ര​ക്ഷി​ത ജ​ല​സം​ഭ​ര​ണി ഭാ​ഗം ഒ​ഴി​കെ​യു​ള്ള മ​സ്​​ജി​ദി​ന്‍റെ മ​റ്റു ഭാ​ഗ​ങ്ങ​ളി​ൽ ഉ​ത്​​ഖ​ന​ന​മ​ട​ക്ക​മു​ള്ള സ​ർ​വേ​ക്ക്​ വാ​രാ​ണ​സി കോ​ട​തി നി​ർ​ദേ​ശം ന​ൽ​കി​യ​ത്. പ​ള്ളി​ക്ക​ക​ത്ത്​ നേ​ര​ത്തേ ക​ണ്ടെ​ടു​ത്ത​തു​പോ​ലു​ള്ള ശി​വ​ലിം​ഗ​ങ്ങ​ളും വി​ഗ്ര​ഹ​ങ്ങ​ളും സ​ർ​വേ​യി​ലൂ​ടെ ക​ണ്ടെ​ത്താ​നാ​കു​മെ​ന്നാ​ണ്​ ഹ​ര​ജി​ക്കാ​രു​ടെ വാ​ദം. നി​ല​വി​ലെ ‘ശി​വ​ലിം​ഗ’​ത്തി​ന്‍റെ കാ​ര്യ​ത്തി​ൽ തീ​ർ​പ്പാ​യാ​ൽ​ത​ന്നെ ആ​രാ​ധ​നാ​മൂ​ർ​ത്തി​യെ സ്വ​ത്ത​വ​കാ​ശ​മു​ള്ള നി​യ​മാ​നു​സൃ​ത വ്യ​ക്തി​ത്വ​മാ​യി അം​ഗീ​ക​രി​ച്ച രാ​മ​ക്ഷേ​ത്ര​വി​ധി​യു​ടെ വ​ഴി​യേ ഗ്യാ​ൻ​വാ​പി​യെ ന​ട​ത്താ​മെ​ന്നാ​ണ്​ സം​ഘ്​​പ​രി​വാ​ർ ക​ണ​ക്കു​കൂ​ട്ട​ൽ. അ​തി​ലേ​ക്കു​ള്ള ആ​ദ്യ​പ​ടി​യാ​ണ്​ മ​സ്​​ജി​ദ്​ സ​മു​ച്ച​യ​​മൊ​ന്നാ​കെ സ​ർ​വേ ന​ട​ത്താ​നു​ള്ള നീ​ക്കം. അ​തി​നെ നീ​തി​ന്യാ​യ കോ​ണി​ലൂ​ടെ നി​ര​പേ​ക്ഷ​വും സ്വ​ത​ന്ത്ര​വു​മാ​യി കൈ​കാ​ര്യം​ചെ​യ്യാ​ൻ സു​പ്രീം​കോ​ട​തി ഇ​ട​പെ​ട​ൽ നി​മി​ത്ത​മാ​കു​മോ എ​ന്നാ​ണ്​ ഏ​വ​രും ഉ​റ്റു​നോ​ക്കു​ന്ന​ത്.