ഇ​ല്ല, ബ​ലി​ക​ഴി​ക്കി​ല്ല കേ​ര​ളം

ക​ഴി​ഞ്ഞ​യി​ടെ പു​റ​ത്തി​റ​ങ്ങി​യ മ​ല​യാ​ള സി​നി​മ​ക​ളി​ലൊ​ന്നി​ൽ ഒ​രു പ്രാ​ദേ​ശി​ക വി​ഷ​യ​ത്തി​ന്റെ മ​റ​വി​ൽ ക​ഥാ​നാ​യ​ക​നെ 'ബ​ലി​ദാ​നി'​യാ​ക്കി മു​ത​ലെ​ടു​ക്കാ​ൻ ത​ക്കം​പാ​ർ​ത്തുന​ട​ക്കുന്ന കാ​വിസം​ഘ​ട​ന നേ​താ​വി​നെ ചി​ത്രീ​ക​രി​ക്കു​ന്നു​ണ്ട്. ആ ​രം​ഗ​ങ്ങ​ൾ രാ​ഷ്​​ട്രീ​യ ആ​ക്ഷേ​പ​മെ​ന്ന് ക​ണ്ട് നാം ​ചി​രി​ച്ചുത​ള്ളി​യെ​ങ്കി​ൽ ക​ഴി​ഞ്ഞ ദി​വ​സം ബ​ലി​ദാ​നം സം​ബ​ന്ധി​ച്ച് കേ​ര​ളം കേ​ട്ട ഒ​രു പ​രാ​മ​ർ​ശം അ​ങ്ങ​നെ ത​മാ​ശ​യാ​യി കാ​ണേ​ണ്ട​ത​ല്ല. എ​ന്തുകൊ​ണ്ടെ​ന്നാ​ൽ, 'രാ​ജ്യ​ത്ത് എ​വി​ടെ​യും ബി.​ജെ.​പി​യി​ൽ പ്ര​വ​ർ​ത്തി​ക്കു​ന്ന​തി​ന് രാ​ഷ്ട്ര​ഭ​ക്തിമാ​ത്രം മ​തി. എ​ന്നാ​ൽ, കേ​ര​ള​ത്തി​ൽ പ്ര​വ​ർ​ത്തി​ക്കു​ന്ന​തി​ന് രാ​ഷ്ട്ര​ഭ​ക്തി, ബ​ലി​ദാ​നം ചെ​യ്യു​ന്ന​തി​നു​ള്ള സ​ന്ന​ദ്ധ​ത, ധീ​ര​ത എ​ന്നീ മൂ​ന്നു കാ​ര്യ​ങ്ങ​ൾ വേ​ണം' എ​ന്ന് സം​സ്ഥാ​ന​ത്തുവ​ന്ന് പ്ര​സം​ഗി​ച്ച​ത് രാ​ജ്യ​ത്തെ ആഭ്യ​ന്ത​ര മ​ന്ത്രി​യാ​ണ്. ഒ​ന്നും കാ​ണാ​തെ ഇ​ത്ത​രം കാ​ര്യ​ങ്ങ​ൾ പ​റ​യു​ന്ന ആ​ള​ല്ല അ​മി​ത് ഷാ​യെ​ന്ന് ബി.​ജെ.​പി നേ​താ​വ് എ​ന്ന നി​ല​യി​ലും സം​സ്ഥാ​ന-കേ​ന്ദ്ര ആഭ്യ​ന്ത​രമ​ന്ത്രി​പ​ദ​ങ്ങ​ളി​ലി​രി​ക്കെ ന​ട​ത്തി​യ പ്ര​വ​ർ​ത്ത​ന​ങ്ങ​ളും നി​രീ​ക്ഷി​ച്ച ആ​ർ​ക്കും ബോ​ധ്യ​മാ​വും. ഒ​ട്ട​ന​വ​ധി രാ​ഷ്ട്രീ​യ സം​ഘ​ട​ന പ്ര​വ​ർ​ത്ത​ക​ർ (ഭൂ​രി​പ​ക്ഷ​വും ഇ​ട​തു​പ​ക്ഷ പ്ര​വ​ർ​ത്ത​ക​ർ) കേ​ര​ള​ത്തി​ൽ സം​ഘ്പ​രി​വാ​ർ ന​ട​ത്തി​യ അ​റുകൊ​ല​ക്കി​ര​യാ​യി​ട്ടു​ണ്ട് എ​ന്ന സ​ത്യം മ​റ​ച്ചു​വെ​ച്ച് ത​ന്റെ പാ​ർ​ട്ടി പ്ര​വ​ർ​ത്ത​ക​ർ അ​പ​ക​ട​ക​ര​മാ​യ സാ​ഹ​ച​ര്യ​ത്തി​ലാ​ണ് പ്ര​വ​ർ​ത്തി​ക്കു​ന്ന​തെ​ന്നും ജീ​വ​ൻ ബ​ലിക​ഴി​ക്കാ​ൻപോ​ലും സ​ന്ന​ദ്ധ​രാ​വ​ണ​മെ​ന്നും ഓ​ർ​മി​പ്പി​ക്കാ​ൻ തി​ര​ഞ്ഞെ​ടു​ത്ത​ത് ബി.​ജെ.​പി​യു​ടെ പ​ട്ടി​കജാ​തി സ​മ്മേ​ള​ന​മാ​ണ്.

ദ​ലി​തു​ക​ളെ​യും ആ​ദി​വാ​സി-​പി​ന്നാ​ക്ക സ​മു​ദാ​യ​ങ്ങ​ളെ​യും സാ​യു​ധ​വ​ത്ക​രി​ച്ചാ​ണ് ഗു​ജ​റാ​ത്ത്, കണ്ഡ​മാ​ൽ വം​ശ​ഹ​ത്യ​ക​ളു​ൾ​പ്പെ​ടെ രാ​ജ്യ​ത്തി​ന്റെ മ​റ്റു മേ​ഖ​ല​ക​ളി​ൽ സം​ഘ്പ​രി​വാ​ർ അ​വ​രു​ടെ ആ​ക്ര​​മ​​ണോ​ത്സു​ക രാ​ഷ്ട്രീ​യം പ്രാ​വ​ർ​ത്തി​ക​മാ​ക്കി​യ​ത് എ​ന്നി​രി​ക്കെ പ്ര​സം​ഗം ന​ട​ത്താ​ൻ തി​ര​ഞ്ഞെ​ടു​ത്ത വേ​ദി​യും പ്രാ​ധാ​ന്യ​മ​ർ​ഹി​ക്കു​ന്നു. ഏ​താ​നും കൊ​ല്ലം മു​മ്പ് ഓ​ണ​വേ​ള​യി​ൽ വാ​മ​ന​ജ​യ​ന്തി ആ​​ശം​സ നേ​ർ​ന്ന് അ​പ​ഹാ​സ്യ​നാ​യ ഷാ ​അ​തു മ​ന​സ്സിലാ​ക്കി ഈ ​പ്ര​സം​ഗ​വേ​ദി​യി​ൽ ഓ​ണാ​ശം​സ​ക​ൾ അ​റി​യി​ച്ചി​ട്ടു​ണ്ട്. എ​ന്നാ​ൽ, മ​തേ​ത​ര​മാ​യി ചി​ന്തി​ക്കാനും വ​ർ​ഗീ​യ ശ​ക്തി​ക​ളെ ചെ​റു​ത്തു​നി​ൽ​ക്കാ​നു​മു​ള്ള കേ​ര​ള സ​മൂ​ഹ​ത്തി​ന്റെ ക​ഴി​വി​നെ​യും ക​രു​ത്തി​നെ​യും ഇ​ക്കാ​ല​മത്ര​യാ​യി​ട്ടും അ​മി​ത് ഷാ ​മ​ന​സ്സിലാ​ക്കി​യി​ട്ടി​ല്ല എ​ന്ന് ബോ​ധ്യ​പ്പെ​ടു​ത്തു​ന്നു അ​ദ്ദേ​ഹ​​ത്തി​ന്റെ പ​രാ​മ​ർ​ശ​ങ്ങ​ൾ.

രാ​ജ്യ​ത്തി​ന്റെ മ​റ്റെ​ല്ലാ ഭാ​ഗ​ങ്ങ​ളി​ലും മുസ്‍ലിം​ക​ളും ക്രൈ​സ്ത​വ​രും ഉ​ൾ​പ്പെ​ടെ​യു​ള്ള ന്യൂ​ന​പ​ക്ഷ സ​മു​ദാ​യ​ങ്ങ​ൾ, ദ​ലി​തു​ക​ൾ, മ​നു​ഷ്യാ​വ​കാ​ശ പ്ര​വ​ർ​ത്ത​ക​ർ എ​ന്നി​വ​ർ​ക്കുനേ​രെ ഏ​ക​പ​ക്ഷീ​യ അ​തി​ക്ര​മ​ങ്ങ​ൾ അ​ഴി​ച്ചു​വി​ടു​ക​യും ആ ​വി​ദ്വേ​ഷ സാ​ഹ​ച​ര്യം മു​ത​ലാ​ക്കി വോ​ട്ടും അ​ധി​കാ​ര​വും പി​ടി​ച്ചെ​ടു​ക്കു​ക​യും ചെ​യ്യു​ന്ന ബി.​ജെ.​പി കേ​ര​ള​ത്തി​ലും അ​തെ​ല്ലാം കി​നാ​വു കാ​ണു​ന്നു​ണ്ടെ​ങ്കി​ലും സാ​ധി​ക്കാ​തെ പോ​കു​ന്നു. പ​ണ​വും വ​ർ​ഗീ​യ ത​ന്ത്ര​ങ്ങ​ളും ക​ണ​ക്ക​റ്റ് ഒ​ഴു​ക്കി​യി​ട്ടും അ​മി​ത് ഷാ ​നേ​രി​ട്ടെ​ത്തി റോ​ഡ് ഷോ ​ന​യി​ച്ചി​ട്ടും കൈ​പ്പി​ടി​യി​ലൊ​തു​ങ്ങി എ​ന്ന് ക​രു​തി​യ മ​ണ്ഡ​ല​ങ്ങ​ളി​ൽ പോ​ലും ബി.​ജെ.​പി തോ​റ്റ​മ്പി​യെന്നതോ​ർ​ക്കു​ക. കേ​ര​ളം വ​ല്ലാ​തെ മാ​റി​യെ​ന്നും മോ​ശ​മാ​യെ​ന്നും അ​തിക​ഠി​ന​മാ​യി വി​ശ്വ​സി​ക്കു​ന്ന ദോ​ഷൈ​ക​ദൃ​ക്കു​ക​ൾ​ക്കുപോ​ലും നി​ഷേ​ധി​ക്കാ​നാ​വി​ല്ല വ​ർ​ഗീ​യ രാ​ഷ്​​ട്രീ​യ​ത്തെ അ​ധി​കാ​ര​ത്തി​ൽനി​ന്ന് അക​റ്റി നി​ർ​ത്താ​ൻ അ​ന്നും ഇ​ന്നും മ​ല​യാ​ളി പു​ല​ർ​ത്തി​വ​രു​ന്ന നി​ഷ്ഠ. ​ന​വോ​ത്ഥാ​ന നാ​യി​കാ​നാ​യ​ക​രും, രാ​ഷ്ട്രീ​യ-​സ​മു​ദാ​യ സം​ഘ​ട​ന​ക​ളും എഴുത്തുകാരും കലാപ്രവർത്തകരും മു​ത​ൽ സാ​ധാ​ര​ണ​ക്കാ​രാ​യ മ​ത-​​മ​തേ​ത​ര വി​ശ്വാ​സി​ക​ളും ഒ​രു​പാ​ട് പ്ര​യ​ത്നി​ച്ച് ഉ​രു​വ​പ്പെ​ടു​ത്തി​യ മ​ന​സ്സാ​ണി​ത്. അ​മ്പ​ല​മു​റ്റ​ത്ത് ന​ട​ത്തി​യ മാ​ര​കാ​യു​ധ പ​രി​ശീ​ല​ന​ത്തെ എ​തി​ർ​ത്ത​തി​ന്റെ പേ​രി​ൽ ആ​ർ.​എ​സ്.​എ​സു​കാ​ർ വെ​ട്ടി​ക്കൊ​ല​പ്പെ​ടു​ത്തി​യ ക്ഷേ​ത്ര​ക​മ്മി​റ്റി അം​ഗ​ങ്ങ​ൾ ഉ​ൾ​പ്പെ​ടെ​യു​ള്ള മ​നു​ഷ്യ​രു​ടെ ര​ക്തംവീ​ണ മ​ണ്ണാ​ണി​ത്. വി​ദ്വേ​ഷ പ്ര​ചാ​ര​ണ​ങ്ങ​ൾ​ക്കും കു​ത​ന്ത്ര​ങ്ങ​ൾ​ക്കും സ്വാ​ഭാ​വി​ക​മാ​യും സ​മൂ​ഹ​ത്തി​ൽ താ​ൽ​ക്കാ​ലി​ക സ്വാ​ധീ​നം സൃ​ഷ്ടി​ക്കാ​നാ​യേ​ക്കും, പ​ക്ഷേ, അ​മി​ത് ഷാ​യും സം​ഘ​വും കൊ​തി​ക്കു​ന്ന മാ​റ്റം വ​രു​ത്താ​നാ​വി​ല്ല ത​ന്നെ.

എ​ന്നി​രി​ക്കി​ലും ക​ന​ത്ത ജാ​ഗ്ര​ത പു​ല​ർ​ത്താ​ൻ സ​മ​യ​മാ​യി​രി​ക്കു​ന്നു​വെ​ന്ന് മ​തേ​ത​ര രാ​ഷ്ട്രീ​യ കേ​ര​ള​ത്തി​ന് ല​ഭി​ച്ച മു​ന്ന​റി​യി​പ്പാ​യി​ത്ത​ന്നെ ആ ​പ്ര​സം​ഗ​ത്തെ കാ​ണേ​ണ്ടി​യി​രി​ക്കു​ന്നു. കേ​ര​ള​ത്തി​ൽ സീ​റ്റ് പി​ടി​ക്കാ​ൻ പ​യ​റ്റി​യ അ​ട​വു​ക​ളെ​ല്ലാം വി​ഫ​ല​മാ​യ നി​ല​ക്ക് കൈ​വി​ട്ട ക​ളി​ക​ളി​ലേ​ക്ക് നീ​ങ്ങി​യേ​ക്കു​മെ​ന്ന മു​ന്ന​റി​യി​പ്പ്. ഇ​ന്ത്യ​യി​ലെ മ​റ്റൊ​രു രാ​ഷ്ട്രീ​യ സം​ഘ​ട​ന​ക​ളും ചി​ന്തി​ക്കാ​ൻപോ​ലും അ​റ​യ്ക്കു​ന്ന കു​ത​ന്ത്ര​ങ്ങ​ളാ​ണ് സം​ഘ്പ​രി​വാ​ർ എ​ക്കാ​ല​വും പ​യ​റ്റി​യി​ട്ടു​ള്ള​ത്. 2004ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ൽ നേ​ട്ട​മു​ണ്ടാ​ക്കാ​ൻ ല​ക്ഷ്യ​മി​ട്ട് രാ​ജ്യ​ത്തി​ന്റെ പ​ല ഭാ​ഗ​ങ്ങ​ളി​ൽ സ്ഫോ​ട​ന​ങ്ങ​ൾ സൃ​ഷ്ടി​ക്കാ​നാ​യി ബോം​ബ് നി​ർ​മാ​ണ പ​രി​ശീ​ല​ന ക്യാ​മ്പു​ക​ൾ സം​ഘ​ടി​പ്പി​ച്ചി​രു​ന്നു​വെ​ന്ന് അ​തി​ലെ​ല്ലാം ഭാ​ഗ​മാ​യി​രു​ന്നു​വെ​ന്ന​വ​കാ​ശ​പ്പെ​ടു​ന്ന ഒ​രു മു​ൻ ആ​ർ.​എ​സ്.​എ​സ് പ്ര​വ​ർ​ത്ത​ക​ൻത​ന്നെ സ​ത്യ​വാ​ങ്മൂ​ല​ത്തി​ലൂ​ടെ കോ​ട​തി​യെ അ​റി​യി​ച്ച​ത് ഈ​യി​ടെ​യാ​ണ്. വ​ർ​ഷ​ങ്ങ​ൾ​ക്കുമു​മ്പ് മ​ല​പ്പു​റ​ത്ത് ശ്രീ​കൃ​ഷ്ണ ജ​യ​ന്തി ശോ​ഭ​ായാ​ത്ര​യിലേക്ക് എറിഞ്ഞ് ക​ലാ​പ​മു​ണ്ടാ​ക്കാനായി ബോംബ് നി​ർ​മി​ച്ചു​കൊ​ണ്ടി​രിക്കെ സ്ഫോടനമുണ്ടായി ആ​ർ.​എ​സ്.​എ​സ് പ്ര​വ​ർ​ത്ത​ക​ൻ കൊ​ല്ല​പ്പെ​ട്ട സം​ഭ​വ​മ​റി​യു​ന്ന​വ​ർ​ക്ക് ആ ​വെ​ളി​പ്പെ​ടു​ത്ത​ലി​ൽ ഒ​ട്ടും അ​തി​ശ​യ​വും തോ​ന്നു​ന്നി​ല്ല.

കേ​ര​ളം കാ​ത്തു​പോ​രു​ന്ന മ​തേ​ത​ര പ്ര​തി​ബ​ദ്ധ​ത​യെ ബ​ലിക​ഴി​ക്കി​ല്ലെ​ന്ന് രാ​ഷ്ട്രീ​യ പാ​ർ​ട്ടി​ക​ൾ ഉ​റ​പ്പുപ​റ​യാ​മെ​ങ്കി​ൽ സംഘ്പരിവാർ മെ​ന​യു​ന്ന ത​ന്ത്ര​ങ്ങ​ളൊ​ന്നും മേ​ലി​ലും കേ​ര​ള​ത്തി​ൽ ഫ​ലംകാ​ണി​ല്ല. വ​ർ​ഗീ​യരാ​ഷ്ട്രീ​യ​ത്തി​ന് ബ​ലിന​ൽ​കാ​നു​ള്ള​ത​ല്ല, ഇ​ന്ത്യ എ​ന്ന ആ​ശ​യം നി​ലനി​ർ​ത്തു​ന്ന​തി​ന് വി​നി​യോ​ഗി​ക്കാ​നു​ള്ള​താ​ണ് ന​മ്മു​ടെ ജീ​വി​ത​വും ഊ​ർ​ജ​വു​മെ​ന്ന് ഓ​രോ മ​ല​യാ​ളി​യും മ​ന​സ്സി​ലു​റ​പ്പി​ക്കണമെന്നുമാത്രം.