Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_rightപ്ര​തീ​ക്ഷ​യു​ടെ...

പ്ര​തീ​ക്ഷ​യു​ടെ പു​തു​വ​ർ​ഷം, പോ​രാ​ട്ട​ത്തി​​ൻെറയും

text_fields
bookmark_border
പ്ര​തീ​ക്ഷ​യു​ടെ പു​തു​വ​ർ​ഷം, പോ​രാ​ട്ട​ത്തി​​ൻെറയും
cancel

പു​തി​യൊ​രു വ​ർ​ഷ​ത്തി​​ലേ​ക്ക്​ പ്ര​വേ​ശി​ക്കു​മ്പോ​ൾ, മ​റ്റൊ​രു മ​ഹാ​മാ​രി​യു​ടെ കാ​ർ​മേ​ഘ​ങ്ങ​ളാ​ൽ ലോ​കം ഇ​രു​ൾ​മൂ​ടി​യി​രി​ക്കു​ക​യാ​ണ്. കോ​വി​ഡി​​ൻെറ വ​ക​ഭേ​ദ​മാ​യ ഒ​മി​ക്രോ​ൺ യൂ​​റോപ്പിൽ വ്യാ​പി​ച്ചു​കൊ​ണ്ടി​രി​ക്കു​ന്നു. ദൈ​നം​ദി​ന റി​പ്പോ​ർ​ട്ടു​ക​ളു​ടെ ക​ണ​ക്കു​വെ​ച്ചു​നോ​ക്കു​മ്പോ​ൾ, താ​ര​ത​മ്യേ​ന ന​മ്മു​ടെ രാ​ജ്യം സു​ര​ക്ഷി​ത​മെ​ന്ന്​ തോ​ന്നു​മെ​ങ്കി​ലും ആ​ശ​ങ്ക​യൊ​ഴി​ഞ്ഞു​വെ​ന്ന്​ പ​റ​ഞ്ഞുകൂ​ടാ. ക​ഴി​ഞ്ഞ ര​ണ്ട്​ വ​ർ​ഷ​ങ്ങ​ളി​ലും അ​നു​ഭ​വി​ച്ച​തു​പോ​ലെ, അ​ട​ച്ചു​പൂ​ട്ട​ലി​ൻെറ സൂ​ച​ന​ക​ളാ​ണ്​ ലോ​ക​മെ​ങ്ങും കേ​ട്ടു​കൊ​ണ്ടി​രി​ക്കു​ന്ന​ത്. ഈ ​ആ​ഗോ​ള​ഗ്രാ​മ​ത്തി​ലെ ഏ​തൊ​രു ചെ​റു​ദേ​ശം നി​ശ്ച​ല​മാ​യാ​ൽ​പോ​ലും അ​ത്​ ഭൂ​ഗോ​ള​ത്തെ മു​ഴു​വ​ൻ ബാ​ധി​ക്കു​മെ​ന്നി​രി​ക്കെ, പു​തു​വ​ർ​ഷ​ത്തി​ലും മ​നു​ഷ്യ​ൻെറ മു​ന്നോ​ട്ടു​ള്ള പ്ര​യാ​ണ​ത്തി​ന്​ കൊ​​റോ​ണ വൈ​റ​സ്​ പ്ര​തി​രോ​ധം തീ​ർ​ക്കു​മെ​ന്ന്​ ഏ​താ​ണ്ട്​ ഉ​റ​പ്പാ​യി​രി​ക്കു​ന്നു. പ​ക്ഷേ, ന​മു​ക്ക്​ മു​ന്നോ​ട്ടു​ ഗ​മി​ച്ചേ മ​തി​യാ​കൂ; ആ​ർ​ജി​ച്ച അ​റി​വി​ൻെറ​യും സ്വാ​യ​ത്ത​മാ​ക്കി​യ സാ​​ങ്കേ​തി​ക വി​ദ്യ​​യു​ടെ​യും ബ​ല​ത്തി​ൽ വൈ​കാ​തെ​ത്ത​ന്നെ മ​ഹാ​മാ​രി​യെ പി​ടി​ച്ചു​കെ​ട്ടു​മെ​ന്ന കാ​ര്യ​ത്തി​ൽ സം​ശ​യ​മി​ല്ല. ആ ​വ​ഴി​യി​ൽ ശാ​സ്ത്ര​ലോ​കം ഏ​റെ സ​ഞ്ച​രി​ക്കു​ക​യും ചെ​യ്തി​രി​ക്കു​ന്നു. ഒ​രു​പ​ക്ഷേ, ഈ ​വ​ർ​ഷാ​ന്ത്യ​ത്തോ​ടെ കോ​വി​ഡ്​ ഭീ​തി​യി​ൽ​നി​ന്ന്​ മു​ക്ത​മാ​യൊ​രു ലോ​കം സാ​ധ്യ​മാ​യാ​ലും അ​ത്ഭു​ത​പ്പെ​ടേ​ണ്ട​തി​ല്ല. ആ ​അ​ർ​ഥ​ത്തി​ൽ, ആ​ശ​ങ്ക​ക​ൾ നി​ല​നി​ൽ​ക്കെ​ത്ത​ന്നെ വ​ലി​യ പ്ര​തീ​ക്ഷ​യോ​ടെ​ത്ത​ന്നെ​യാ​ണ്​ ലോ​കം പു​തു​വ​ർ​ഷ​ത്തെ വ​ര​വേ​റ്റി​രി​ക്കു​ന്ന​ത്.

ശാ​സ്ത്ര-​സാ​​ങ്കേ​തി​ക മേ​ഖ​ല​യി​ൽ മ​നു​ഷ്യ​ൻ ആ​ർ​ജി​ച്ച അ​റി​വു​ക​ളാ​ണ്​ കോ​വി​ഡ് പ്ര​തി​രോ​ധം സാ​ധ്യ​മാ​ക്കി​യ​തെ​ന്ന്​ പ​റ​യാ​മെ​ങ്കി​ലും, അ​തു​ മാ​ത്ര​മ​ല്ല അ​തി​നു​പി​ന്നി​ൽ പ്ര​വ​ർ​ത്തി​ച്ച ഘ​ട​ക​ങ്ങ​ളെ​ന്ന്​ തി​രി​ച്ച​റി​യേ​ണ്ടി​യി​രി​ക്കു​ന്നു. ഏ​റെ ദൗ​ർ​ബ​ല്യ​ങ്ങ​ളു​ണ്ടെ​ങ്കി​ലും, മാ​ന​വി​ക മൂ​ല്യ​ങ്ങ​ളി​ൽ അ​ധി​ഷ്ഠി​ത​മാ​യൊ​രു ജ​നാ​ധി​പ​ത്യ​വ്യ​വ​സ്ഥ​യി​ൽ​ ഈ ​ലോ​കം മു​ന്നോ​ട്ടു​ പോ​കു​ന്ന​തു​കൊ​ണ്ടു​കൂ​ടി​യാ​ണ്​ മ​ഹാ​മാ​രി​യി​ൽ​നി​ന്ന്​ താ​ര​ത​മ്യേ​ന എ​ളു​പ്പ​ത്തി​ലു​ള്ള മോ​ച​നം ന​മു​ക്ക്​ സാ​ധ്യ​മാ​യ​ത്. ഈ ​ജ​നാ​ധി​പ​ത്യ സം​വി​ധാ​ന​ത്തി​ന്​ കാ​ര്യ​മാ​യ വി​ള്ള​ലേ​റ്റ ദേ​ശ​ങ്ങ​ളി​ലെ​ല്ലാം കോ​വി​ഡ്​ പ്ര​തി​രോ​ധ​ത്തി​ൽ സാ​​​ങ്കേ​തി​ക വി​ദ്യ അ​മ്പേ തോ​റ്റു​പോ​യ​തും കാ​ണാം. ട്രം​പി​ൻെറ അ​മേ​രി​ക്ക​യും മോ​ദി​യു​ടെ ഇ​ന്ത്യ​യു​മെ​ല്ലാം അ​തി​ൻെറ ല​ക്ഷ​ണ​മൊ​ത്ത ഉ​ദാ​ഹ​ര​ണ​ങ്ങ​ളാ​ണ്. ചി​കി​ത്സാ സൗ​ക​ര്യ​ങ്ങ​ൾ ​വേ​ണ്ടു​വോ​ള​മു​ണ്ടാ​യി​ട്ടും കോ​വി​ഡി​നെ​തി​രെ ഗൂ​ഢാ​ലോ​ച​നാ സി​ദ്ധാ​ന്തം ച​മ​ച്ച്​ ട്രം​പ്​ നോ​ക്കി​നി​ന്ന​പ്പോ​ഴാ​ണ്​ ന്യൂ​യോ​ർ​ക് അ​ട​ക്ക​മു​ള്ള ന​ഗ​ര​ങ്ങ​ൾ ശ​വ​ക്കൂ​ന​ക​ൾ​കൊ​ണ്ട്​ നി​റ​ഞ്ഞ​ത്. ഒ​രു ത​ത്ത്വ​ദീ​ക്ഷ​യു​മി​ല്ലാ​തെ ഫാ​ഷി​സ്റ്റ്​​ ശൈ​ലി​യി​ൽ ലോ​ക്​​ഡൗ​ൺ അ​ട​ക്ക​മു​ള്ള പ്ര​തി​േ​രാ​ധ മാ​ർ​ഗ​ങ്ങ​ൾ അ​വ​ലം​ബി​ച്ച​തോ​ടെ​യാ​ണ്​ കോ​വി​ഡി​ൻെറ തു​ട​ക്ക​ക്കാ​ലം ഇ​ന്ത്യ വ​ലി​യ ദു​ര​ന്ത​ഭൂ​മി​യാ​യി മാ​റി​യ​ത്. ആ ​കെ​ടു​തി​ക​ളി​ൽ​നി​ന്നും ഈ ​ജ​ന​ത ഇ​നി​യും മു​ക്ത​മാ​യി​ട്ടി​ല്ല. എ​ന്ന​ല്ല, കോ​വി​ഡി​നെ​പ്പോ​ലും വം​ശീ​യവി​ദ്വേ​ഷ​ത്തി​ൻെറ മി​ക​ച്ച ഉ​പ​ക​ര​ണ​ങ്ങ​ളാ​യി അ​വ​ത​രി​പ്പി​ക്കു​ന്ന​തി​ലു​മാ​യി​രു​ന്നു മോ​ദി ഭ​ര​ണ​കൂ​ട​ത്തി​ന്​ താ​ൽ​പ​ര്യം. ജ​നാ​ധി​പ​ത്യ​ത്തി​നു​ പ​ക​രം, ഹി​ന്ദു​ത്വ​യു​ടെ ഉ​ന്മാ​ദ രാ​ഷ്ട്രീ​യം തി​ടം​വെ​ച്ച​താ​ണ്​ ഈ ​ദു​ര​ന്തത്തി​ൻെറ​യെ​ല്ലാം അ​ടി​സ്ഥാ​ന കാ​ര​ണ​മാ​യി നി​രീ​ക്ഷി​ക്ക​പ്പെ​ട്ടി​ട്ടു​ള്ള​ത്. കോ​വി​ഡ്​ സൃ​ഷ്ടി​ച്ച അ​പ​ക​ട​ത്തി​ൽ​നി​ന്നും വ​ലി​യ അ​ള​വി​ൽ നാം ​ര​ക്ഷ​പ്പെ​ട്ടു​വെ​ങ്കി​ലും, ഫാ​ഷി​സ​ത്തി​ൻെറ ഉ​ന്മൂ​ല​ന രാ​ഷ്​​ട്രീ​യ​ത്തി​ൻെറ വാ​ൾ ഇ​പ്പോ​ഴും ഈ ​ജ​ന​ത​യു​ടെ ത​ല​ക്കു​മേ​ൽ തൂ​ങ്ങി​യാ​ടു​ക​യാ​​ണ്.

ഇ​ന്ത്യ​യെ​യും ഇ​ന്ത്യ​ക്കാ​രെ​യും സം​ബ​ന്ധി​ച്ച്​ ഏ​റെ നി​ർ​ണാ​യ​ക​മാ​ണ്​ 2022. ഗോ​വ, മ​ണി​പ്പൂ​ർ, പ​ഞ്ചാ​ബ്, ഉ​ത്ത​ർ​പ്ര​ദേ​ശ്, ഉ​ത്ത​രാ​ഖ​ണ്ഡ്, ഹി​മാ​ച​ൽ, ഗു​ജ​റാ​ത്ത്​ സം​സ്ഥാ​ന​ങ്ങ​ളി​ൽ അ​സം​ബ്ലി തെ​ര​ഞ്ഞെ​ടു​പ്പ്​ ന​ട​ക്കു​ന്ന​ത്​ ഈ ​വ​ർ​ഷ​മാ​ണ്. ഇ​തി​ൽ പ​ഞ്ചാ​ബ്​ ഒ​ഴി​ച്ച്​ ബാ​ക്കി​യി​ട​ങ്ങ​ളി​ലെ​ല്ലാം എ​ൻ.​ഡി.​എ ആ​ണ്​ ഭ​ര​ണ​ത്തി​ലു​ള്ള​ത്​; യു.​പി, ഗു​ജ​റാ​ത്ത്​ പോ​ലു​ള്ള സം​സ്ഥാ​ന​ങ്ങ​ൾ ഹി​ന്ദു​ത്വ​യു​ടെ രാ​ഷ്ട്രീ​യ പ​രീ​ക്ഷ​ണ​ശാ​ല​ക​ളു​മാ​ണ്. തീ​ർ​ച്ച​യാ​യും ഇ​വി​ട​ങ്ങ​ളി​ലെ ജ​ന​വി​ധി അ​തതു​ സം​സ്ഥാ​ന​ങ്ങ​ളു​ടെ ഭാ​വി​യെ മാ​ത്ര​മ​ല്ല നി​ർ​ണ​യി​ക്കു​ക; ന​മ്മു​ടെ രാ​ജ്യ​ത്തി​ൻെറ ഭാ​ഗ​ധേ​യം​കൂ​ടി പ്ര​തി​ഫ​ലി​ക്കു​മ​തി​ൽ. അ​തു​കൊ​ണ്ടു​ത​ന്നെ, 2024ൽ ​ന​ട​ക്കാ​നി​രി​ക്കു​ന്ന ലോ​ക്സ​ഭാ തെ​ര​ഞ്ഞെ​ടു​പ്പി​ൻെറ റി​ഹേ​ഴ്​​സ​ൽ എ​ന്നോ സെ​മിഫൈ​ന​ൽ എ​ന്നോ വി​ശേ​ഷി​പ്പി​ക്കാ​വു​ന്ന ജ​നാ​ധി​പ​ത്യ​ ഗോ​ദ​യി​ലേ​ക്കു​കൂ​ടി​യാ​ണ്​ പു​തു​വ​ർ​ഷം ന​മ്മെ ന​യി​ക്കു​ന്ന​ത്. പ​ക്ഷേ, തെ​ര​ഞ്ഞെ​ടു​പ്പ്​​ ഗോ​ദ​യു​ണ​രു​മ്പോ​ൾ കേ​ൾ​ക്കു​ന്ന​ത്​ ഹി​ന്ദു​ത്വ​യു​ടെ ആ​ക്രോ​ശ​മു​ദ്രാ​വാ​ക്യ​ങ്ങ​ൾ മാ​ത്ര​മാ​ണ്. പ്ര​ധാ​ന​മ​ന്ത്രി​യ​ട​ക്ക​മു​ള്ള​വ​ർ​ക്ക്​ സം​സാ​രി​ക്കാ​നു​ള്ള​ത്​ രാ​ജ്യ​ത്തി​ൻെറ പു​രോ​ഗ​തി​യെ​ക്കു​റി​ച്ച​ല്ല; മ​റി​ച്ച്, ഗോ ​രാ​ഷ്ട്രീ​യ​ത്തെ​ക്കു​റി​ച്ചും ബാ​ബ​രി ഭൂ​മി​യി​ൽ ഉ​യ​ർ​ന്നു​കൊ​ണ്ടി​രി​ക്കു​ന്ന അ​യോ​ധ്യ​യി​ലെ രാ​മ​ക്ഷേ​ത്ര​ത്തെ​ക്കു​റി​ച്ചെ​ല്ലാ​മാ​ണ്. അ​യോ​ധ്യ​ക്കു​ശേ​ഷം, മ​ഥു​ര​യും കാ​ശി​യു​മൊ​ക്കെ​യാ​യി​രി​ക്കു​ന്നു പ്ര​ചാ​ര​ണ വി​ഷ​യ​ങ്ങ​ൾ. കോ​വി​ഡും ലോ​ക്​​ഡൗ​ണും ഈ ​രാ​ജ്യ​ത്തെ പ​ട്ടി​ണി​യി​ലെ​ത്തി​ച്ച​ത്​ ആ​ർ​ക്കും വി​ഷ​യ​മ​ല്ലാ​താ​യി​രി​ക്കു​ന്നു. ക്ഷേ​മ​രാ​ഷ്ട്ര​ത്തെ​ക്കു​റി​ച്ച ച​ർ​ച്ച​ക​ൾ​ക്കു​ പ​ക​രം, വം​ശീ​യ​വി​ദ്വേ​ഷ​ത്തി​ൻെറ മു​റ​വി​ളി​ക​ൾ ഉ​യ​രു​മ്പോ​ൾ ഈ ​രാ​ജ്യം ഫാ​ഷി​സ​ത്തി​ൻെറ ഭ​ര​ണ​ക്ര​മ​ത്തി​ന്​ പാ​ക​പ്പെ​ട്ടി​രി​ക്കു​ന്നു​വെ​ന്നു ത​ന്നെ മ​ന​സ്സിലാ​ക്ക​ണം.

തെ​രു​വു​ക​ളി​ൽ മാ​ത്ര​മ​ല്ല, ജ​നാ​ധി​പ​ത്യ​ത്തി​ൻെറ ശ്രീ​കോ​വി​ലി​ൽ​നി​ന്നും ഹി​ന്ദു​ത്വ വം​ശീ​യ​ത​യു​ടെ ശ​ബ്​​ദ​ങ്ങ​ൾ നി​ര​ന്ത​രമാ​യി ഉ​യ​ർ​ന്നു​വ​രു​ന്നു. ന്യൂ​ന​പ​ക്ഷ വി​ഭാ​ഗ​ങ്ങ​ളു​ടെ ആ​രാ​ധ​നാ​ല​യ​ങ്ങ​ൾ​ക്ക്​ സം​ര​ക്ഷ​ണം ന​ൽ​കി​യി​രു​ന്ന പ്ലേ​സ​സ്​ ഓ​ഫ്​ വ​ർ​ഷി​പ്പ്​ ആ​ക്ട്​ അ​ട​ക്ക​മു​ള്ള നി​യ​മ​ങ്ങ​ൾ എ​ടു​ത്തു​ക​ള​യ​ണ​മെ​ന്ന്​ ബി.​ജെ.​പി അം​ഗ​ങ്ങ​ൾ സ​ഭ​യി​ൽ ആ​വ​ശ്യ​പ്പെ​ട്ട​ത്​ ഒ​ട്ടും യാ​ദൃ​ച്ഛി​ക​മ​ല്ല; സ​മാ​ന്ത​ര​മാ​യി, ഇ​തേ ആ​വ​ശ്യ​വു​മാ​യി ഹി​ന്ദു​ത്വ​സം​ഘ​ട​ന​ക​ൾ കോ​ട​തി​ക​ളെ​യും സ​മീ​പി​ച്ചി​രി​ക്കു​ന്നു. ര​ണ്ടും, അം​ഗീ​ക​രി​ക്ക​പ്പെ​ടു​ന്ന​തോ​ടെ 'നി​യ​മ​പ​ര'​മാ​യി​ത്ത​ന്നെ കാ​ശി​യി​ലെ​യും മ​ഥു​ര​യി​ലെ​യും മ​സ്​​ജി​ദു​ക​ൾ സം​ഘ്​​പ​രി​വാ​ർ കൈ​യ​ട​ക്കും. തെ​രു​വു​ക​ളി​ലെ ഉ​ന്മാ​ദി​ക​ളാ​യ ആ​ൾ​ക്കൂ​ട്ടം പാ​ർ​ല​മെ​ൻറിലും പ്ര​വേ​ശി​ച്ചി​രി​ക്കു​ന്നു​വെ​ന്ന​ർ​ഥം. ആ ​ആ​ൾ​ക്കൂ​ട്ട​മാ​ണ്​ 'ഭ​ര​ണ​ഘ​ട​നാ​പ​ര'​മാ​യി ത​ന്നെ രാ​ജ്യ​ത്തെ വി​റ്റു​തു​ല​ച്ചു​കൊ​ണ്ടി​രി​ക്കു​ന്ന​ത്​; ഇ​ന്ത്യ എ​ന്ന ആ​ശ​യ​ത്തി​ൻെറ ആ​ത്മാ​വി​നെ ത​ച്ചു​ത​ക​ർ​ത്തു​കൊ​ണ്ടി​രി​ക്കു​ന്ന​ത്. എ​ങ്കി​ലും, ന​മു​ക്ക്​ നി​രാ​ശ​രാ​യി​ക്കൂ​ടാ. ജ​ന​കീ​യ​മാ​യ ചെ​റു​ത്തു​നി​ൽ​പ്പു​ക​ളി​ലൂ​ടെ ഈ ​ആ​ൾ​ക്കൂ​ട്ട​ത്തെ പി​ന്നാ​ക്കം​പാ​യി​ച്ച സ​ന്ദ​ർ​ഭ​ങ്ങ​ളും അ​പൂ​ർ​വ​മെ​ങ്കി​ലും ഈ ​കാ​ല​ത്തു​ത​ന്നെ ന​മു​ക്കു​ണ്ടാ​യി​ട്ടു​ണ്ട്. ക​ർ​ഷ​ക സ​മ​ര​ത്തി​ൻെറ മ​ഹ​ത്താ​യ വി​ജ​യ​മൊ​ക്കെ ജ​നാ​ധി​പ​ത്യ​വാ​ദി​ക​ളു​ടെ ശ​ബ്​​ദ​ങ്ങ​ൾ​ക്ക്​ ക​രു​ത്തു​പ​ക​രും. അ​തു​കൊ​ണ്ടു​ത​ന്നെ, പ്ര​തീ​ക്ഷ അ​സ്ത​മി​ച്ചി​ട്ടി​ല്ല. ക​രു​ത്തു​റ്റ പോ​രാ​ട്ട​ങ്ങ​ളി​ലൂടെ​യും സ​മ​ര​ങ്ങ​ളി​ലൂടെ​യും സം​വാ​ദ​ങ്ങ​ളി​ലൂ​ടെ​യും ഇ​ന്ത്യ​യെ തി​രി​ച്ചു​പി​ടി​ച്ചേ​ തീ​രൂ. പു​തു​വ​ർ​ഷ ദി​നം അ​തി​ൻെറ തു​ട​ക്ക​മാ​ക​ട്ടെ.

Show Full Article
TAGS:Madhyamam Editorial 
News Summary - Madhyamam Editorial 2022 January 1
Next Story