ബി​ഹാ​ർ വീണ്ടും വഴികാട്ടുമോ?

ബി​ഹാ​റി​ലെ രാ​ഷ്ട്രീ​യ​മാ​റ്റം ദേ​ശീ​യരാ​ഷ്ട്രീ​യ​ത്തി​ൽ വ​രാ​ൻ പോ​കു​ന്ന സ്ഫോ​ട​നാ​ത്മ​ക പ​രി​വ​ർ​ത്ത​ന​ങ്ങ​ളു​ടെ തു​ട​ക്ക​മാ​ണോ? അ​ങ്ങനെ സം​ഭ​വി​ക്ക​ട്ടെ എ​ന്ന് ആ​ഗ്ര​ഹി​ക്കു​ന്ന​വ​രും നി​തീ​ഷി​ന്‍റെ രാ​ഷ്ട്രീ​യ ജീ​വ​ച​രി​ത്രം അ​ത്ത​രം പ്ര​തീ​ക്ഷ​ക​ളെ പ്ര​ശോ​ഭി​ത​മാ​ക്കാ​ൻ മാ​ത്രം ജീ​വ​സ്സു​റ്റ​വ​യ​ എന്നു തിരിച്ചറിയുന്നുണ്ട്​. രണ്ടു പ​തി​റ്റാണ്ടാ​യി വ​ലി​യ പ്ര​ത്യാ​ശ​ക​ൾ സ​മ്മാ​നി​ച്ച് മ​ഹാ​സം​ഖ്യ​ങ്ങ​ൾ ത​ക​ർ​ത്താ​ടി ​വ​രു​ക​യും അ​തി​നേ​ക്കാ​ൾ വ​ലി​യ നി​രാ​ശ​ക​ൾ ന​ൽ​കി ത​ക​ർ​ന്ന​ടി​യു​ക​യും ചെ​യ്യു​ന്ന അ​വ​സ​ര​വാ​ദ രാ​ഷ്ട്രീ​യ​ത്തി​ന്‍റെ കൂ​ത്ത​ര​ങ്ങാ​ണ് ബിഹാ​ർ. നി​തീ​ഷ് കു​മാ​റാ​ക​ട്ടെ, ഇ​ത്ത​രം നാ​ട​ക​ങ്ങ​ളി​ലെ പ്ര​ധാ​ന വേ​ഷം​കെ​ട്ട​ലു​കാ​ര​നു​മാ​ണ്. പു​തി​യ രാ​ഷ്ട്രീ​യക്ക​ളി​യി​ലൂ​ടെ മു​ഖ്യ​മ​ന്ത്രി​യാ​യ അ​ദ്ദേ​ഹ​ത്തെ ഉ​പ​മു​ഖ്യ​മ​ന്ത്രി തേജ​സ്വി യാ​ദ​വ് ക​ളി​യാ​ക്കി വി​ളി​ച്ചി​രു​ന്ന​ത് 'യു ​ടേ​ൺ അ​മ്മാ​വ​ൻ' എ​ന്നാ​യി​രു​ന്നു. അ​തേ​സ​മ​യംത​ന്നെ ജ​ന​ങ്ങ​ളു​ടെ മി​ടി​പ്പ് തി​രി​ച്ച​റി​യു​ന്ന​തി​ൽ മി​ക​വു​റ്റ രാ​ഷ്ട്രീ​യത​ന്ത്ര​ജ്ഞ​നു​മാ​ണ്​ അ​ദ്ദേ​ഹം. അ​തു​കൊ​ണ്ടാ​ണ് അ​മി​ത് ഷാ​യു​ടെ ത​ന്ത്ര​ങ്ങ​ളെ ക​ട​ത്തി​വെ​ട്ടി പാ​ർ​ട്ടി​യി​ൽ ഒ​രു പി​ള​ർ​പ്പു​മി​ല്ലാ​തെ എ​ൻ.​ഡി.​എ​യെ ഉ​പേ​ക്ഷി​ക്കാ​നും പു​തി​യ സ​ഖ്യ​ത്തി​ൽ മു​ഖ്യ​മ​ന്ത്രി​യാ​യി തു​ട​രാ​നും നി​തീ​ഷി​ന് ക​ഴി​ഞ്ഞ​ത്. ഈ ​രാ​ഷ്ട്രീ​യ ക​ളം​മാ​റ്റം നിതീഷി​ന്‍റെ മു​ന്നി​ലെ ഉ​ദ്ധ​വി​ന്‍റെ ഗ​തി സം​ഭ​വി​ക്കാ​തി​രി​ക്കാ​നു​മു​ള്ള അ​വ​സാ​ന ര​ക്ഷാമാ​ർ​ഗ​മാ​യി​രു​ന്നു. ഒ​രി​ക്ക​ലേ​റ്റ രാ​ഷ്ട്രീ​യ തി​രി​ച്ച​ടി​യു​ടെ മു​റി​വും വേ​ദ​ന​യും പ​രി​ഗ​ണി​ക്കാ​തെ നി​തീ​ഷു​മാ​യി കൈ​കോ​ർ​ക്കാ​ൻ സ​ന്ന​ദ്ധ​നാ​യ തേ​ജ​സ്വി യാ​ദ​വി​ന്‍റെ വി​ട്ടു​വീ​ഴ്ച നി​ല​പാ​ടാ​ണ് മ​ഹാ​സ​ഖ്യ​ത്തി​ന് വീ​ണ്ടും സാ​ധ്യ​ത തെ​ളി​യി​ച്ച​ത്.

നി​തീ​ഷി​ന്‍റെ ചു​വ​ടു​മാ​റ്റം ബി.​ജെ.​പി ന​ട​പ്പാ​ക്കി​ക്കൊ​ണ്ടി​രി​ക്കു​ന്ന രാ​ഷ്ട്രീ​യ 'ദാ​ദാ​ഗി​രി'​ക്കു​ള്ള മു​ഖ​ത്ത​ടി​യാ​ണ് എ​ന്ന കാ​ര്യ​ത്തി​ൽ സം​ശ​യമി​ല്ല. ചി​രാ​ഗ് പാ​സ്വാ​നെ മു​ൻ​നി​ർ​ത്തി ബി​ഹാ​റി​ൽ ത​ന്‍റെ ശ​ക്തി ക്ഷ​യി​പ്പി​ക്കാ​നു​ള്ള ബി.​ജെ.​പിയു​ടെ ത​ന്ത്രം വി​ജ​യി​ച്ചു​വെ​ന്ന് 2020ലെ ​തെ​ര​ഞ്ഞെ​ടു​പ്പ് ഫ​ലം നി​തീ​ഷി​നെ ബോ​ധ്യ​പ്പെ​ടു​ത്തി​യി​രു​ന്നു. മു​ഖ്യ​മ​ന്ത്രിസ്ഥാ​ന​ത്തി​രു​ത്തി പാ​ർ​ട്ടി​യെ​യും ത​ന്നെ​യും രാ​ഷ്ട്രീ​യ ഗ​ള​ച്ഛേ​ദം വ​രു​ത്താ​നാ​ണ് ബി.​ജെ.​പി പ​ദ്ധ​തി​യൊ​രു​ക്കു​ന്ന​തെ​ന്ന് മ​ന​സ്സി​ലാ​ക്കാ​ൻ 1996 മു​ത​ൽ ബി.​ജെ.​പി ലാ​വ​ണ​ത്തി​ൽ അ​ടു​ത്തി​ട​പ​ഴ​കി​യ അ​നു​ഭ​വ​പ​രി​ജ്ഞാ​നം നി​തീ​ഷി​ന് ധാ​രാ​ള​മാ​യി​രു​ന്നു. മു​ൻ ദേ​ശീ​യ പ്ര​സി​ഡ​ന്റും മ​ന​സ്സാ​ക്ഷി സൂ​ക്ഷി​പ്പു​കാ​ര​നു​മാ​യി​രു​ന്ന ആ​ർ.​സി.​പി. സി​ങ്ങി​നെ ബി.​ജെ.​പി വി​ല​ക്കെ​ടു​ത്ത​ത് ആ ​ബോ​ധ്യ​ത്തെ അ​രക്കി​ട്ടു​റ​പ്പി​ക്കു​ക​യും ചെ​യ്തു. ബി.​ജെ.​പി​ക്കും നി​തീ​ഷി​നു​മി​ട​യി​ലെ വി​ള്ള​ലു​ക​ൾ അ​ധി​ക​രി​ക്കു​ന്ന​തി​ന്‍റെ ല​ക്ഷ​ണ​ങ്ങ​ളാ​യി​രു​ന്നു അ​ഗ്നി​പ​ഥ് പ്ര​ക്ഷോ​ഭ​ത്തി​ലും രാ​ഷ്ട്ര​പ​തി തെ​ര​ഞ്ഞെ​ടു​പ്പ് സ​ന്ദ​ർ​ഭ​ങ്ങ​ളി​ലും പ്ര​ക​ട​മാ​യ വി​രു​ദ്ധ നി​ല​പാ​ടു​ക​ൾ.

രാ​ഷ്ട്രീ​യ ധാ​ർ​മി​ക​ത​യെക്കു​റി​ച്ച് വി​ല​പി​ക്കാ​ൻ അ​ർ​ഹ​ത​യു​ള്ള ഒ​രു പാ​ർ​ട്ടി​യും രാ​ജ്യ​ത്ത് നി​ല​വി​ലി​ല്ലാ​ത്ത സാ​ഹ​ച​ര്യ​ത്തി​ൽ ബി​ഹാ​റി​ലെ ഈ ​കൂ​റു​മാ​റ്റ​ങ്ങ​ളെ നൈ​തി​ക​ത​യു​ടെ ക​ണ്ണി​ലൂ​ടെ മാ​ത്രം​ നോ​ക്കി​ക്കാ​ണാ​ൻ ശ്ര​മി​ക്കു​ന്ന​ത് ആ​ത്യ​ന്തി​ക​മാ​യി ബി.​ജെ.​പി​യു​ടെ ഇ​ച്ഛാ​ഭം​ഗ​ത്തി​ന് സ​മാ​ശ്വാ​സം ന​ൽ​കാ​നേ ഉ​പ​ക​രി​ക്കൂ. യ​ഥാ​ർ​ഥ​ത്തി​ൽ മ​ഹാ​രാ​ഷ്ട്ര​യി​ലെ​യും ബിഹാ​റി​ലെ​യും രാ​ഷ്ട്രീ​യമാ​റ്റ​ങ്ങ​ൾ വെ​ളി​ച്ചംവീ​ശു​ന്ന​ത് ശ​ത്രു​വാ​യ ബി.​ജെ.​പി​യേ​ക്കാ​ൾ അ​പ​ക​ട​കാ​രി​യാ​ണ് മി​ത്ര​മാ​യ ബി.​ജെ.​പി എ​ന്ന വ​സ്തു​ത​യി​ലേ​ക്കാ​ണ്. സു​ഹൃ​ത്തു​ക്ക​ളു​ടെ​യും ശ​ത്രു​ക്ക​ളു​ടെ​യും ചെ​ല​വി​ൽ ത​ങ്ങ​ളു​ടെ അ​ടി​ത്ത​റ വി​പു​ല​പ്പെ​ടു​ത്താ​നാ​ണ് ബി.​ജെ.​പി ല​ക്ഷ്യ​മി​ടു​ന്ന​തെ​ന്ന് തെ​ളി​യു​ന്ന​ത് പു​തു​താ​യി സ​ഖ്യ​ക​ക്ഷി​ക​ളാ​കാ​ൻ മോ​ഹി​ക്കു​ന്ന​വ​രെ തെ​ല്ലൊ​ന്നു​മാ​യി​രി​ക്കി​ല്ല അ​ലോ​സ​ര​പ്പെ​ടു​ത്തു​ക. ക​ഴി​ഞ്ഞ എ​ട്ടു വ​ർ​ഷ​ത്തി​നി​ട​യി​ൽ പ​ന്ത്ര​ണ്ടോ​ളം പാ​ർ​ട്ടി​ക​ൾ എ​ൻ.​ഡി.​എ വി​ട്ട​ത് സൈ​ദ്ധാ​ന്തി​ക കാ​ര​ണ​ങ്ങ​ളാ​ലാ​യി​രു​ന്നി​ല്ല​ല്ലോ.

ജ​ന​താ​ദ​ൾ-യു​വി​ന്‍റെ ചേ​രി​മാ​റ്റം പ്ര​തി​പ​ക്ഷനി​ര​ക്ക് ചെ​റുപ്ര​തീ​ക്ഷ ന​ൽ​കാ​നും ഉ​പ​ക​രി​ച്ചി​ട്ടു​ണ്ട്. അ​ഖി​ലേ​ഷ് യാ​ദ​വി​ന്‍റെ​യും ശ​ര​ദ് പ​വാ​റി​ന്‍റെ​യും പ്ര​സ്താ​വ​ന​ക​ൾ അ​താ​ണ് വ്യ​ക്ത​മാ​ക്കു​ന്ന​ത്. 2024ലെ ​ദേ​ശീ​യ പൊ​തു​തെ​ര​ഞ്ഞെ​ടു​പ്പ് ഏ​ക​പ​ക്ഷീ​യ​മാ​യി​രി​ക്കു​മെ​ന്ന ധാ​ര​ണ​യി​ൽ ഇ​ള​ക്ക​മു​ണ്ടാ​ക്കാ​നും ബി​ഹാ​റി​ലെ അ​ധി​കാ​ര​മാ​റ്റം സ​ഹാ​യ​ക​ര​മാ​യി​ട്ടു​ണ്ട്. ഈ ​സ​ഖ്യം കെ​ട്ടു​റ​പ്പോ​ടെ ഇ​ത​ര സം​സ്ഥാ​ന​ങ്ങ​ളി​ലേ​ക്ക് വ്യാ​പി​പ്പി​ക്കാ​നാ​കു​മോ അ​ത​ല്ല അ​ധി​കാ​രതാ​ൽ​പ​ര്യ​ങ്ങ​ളി​ൽ വേ​ഗ​ത്തി​ൽ ഛിന്ന​ഭി​ന്ന​മാ​കു​മോ തു​ട​ങ്ങി​യ സം​ശ​യ​ങ്ങ​ൾ ഉയരുക സ്വാ​ഭാ​വി​കം. അതിന്​ വി​ശ്വ​സ​നീ​യ​മാ​യ പ്രാ​യോ​ഗി​ക നീ​ക്ക​ങ്ങ​ളി​ലൂ​ടെ ഉ​ത്ത​രം കി​ട്ടു​മ്പോ​ഴാ​ണ് ജ​ന​ങ്ങ​ളു​ടെ പ്ര​തീ​ക്ഷ​ക​ൾ​ക്ക് നി​റം ല​ഭി​ക്കു​ക. സ്ഥി​ര​ത​യു​ള്ള സ​ർ​ക്കാ​റി​ന് ബി.​ജെ.​പി മാ​ത്രമല്ലെ​ന്ന് രാ​ജ്യം അ​റി​യു​മ്പോ​ഴാ​ണ് ജ​ന​ങ്ങ​ളു​ടെ വി​ശ്വാ​സം തി​രി​ച്ചു​പി​ടി​ക്കാ​നാ​കു​ക. അ​തി​ന് പ്ര​തി​പ​ക്ഷ​ത്തി​ന് ശ​ക്ത​വും വ്യ​ക്ത​വു​മാ​യ ആ​സൂ​ത്ര​ണ​ങ്ങ​ളും വേ​ഗ​മാ​ർ​ന്ന പ​രി​പാ​ടി​ക​ളും വേ​ണ്ട​തു​ണ്ട്. 2024നു​മു​മ്പ് സു​ചി​ന്തി​ത രാ​ഷ്ട്രീ​യ നി​ല​പാ​ടു​ക​ളും പ്രാ​യോ​ഗി​ക ന​ട​പ​ടി​ക​ളും മ​ഹാസ​ഖ്യ​ത്തി​ന് സ്വീ​ക​രി​ക്കാ​നാ​യാ​ൽ അ​തി​ന്‍റെ പ്ര​തി​ഫ​ല​ന​ങ്ങ​ൾ ബിഹാ​റി​ന​പ്പു​റ​വും അ​നു​ഭ​വ​പ്പെ​ടും. അ​തി​ലൊ​രു പ്ര​ധാ​ന നീ​ക്കം ബി​ഹാ​റി​ൽ ജാ​തി സെ​ൻ​സ​സി​ന് ഉ​ത്ത​ര​വി​ടു​ക എ​ന്ന​താ​ണ്. ജാ​തി​ക​ളും ഉ​പ​ജാ​തി​ക​ളു​മാ​യി പ​ട​ർന്നുകി​ട​ക്കു​ന്ന ബി​ഹാ​റി​ൽ അ​തു​ണ്ടാ​ക്കു​ന്ന ഉ​ണ​ർ​വ് പ​ക​രംവെ​ക്കാ​നാ​വാ​ത്ത​താ​കും. ഇ​ന്ത്യ​ൻ രാ​ഷ്ട്രീ​യ​ത്തി​ൽ വ​ലി​യ പ്ര​ക​മ്പ​ന​ങ്ങ​ൾക്ക്​ അ​ത് വ​ഴി​യൊ​രു​ക്കും. മ​ണ്ഡ​ലു​ണ്ടാ​ക്കി​യ​തി​നേ​ക്കാ​ൾ വ​ലി​യ സാ​മൂ​ഹി​ക പ​രി​ഷ്ക​ര​ണ​ത്തി​ലേ​ക്ക​ത് രാ​ജ്യ​ത്തെ ന​യി​ക്കു​ക​യും ചെ​യ്യും. ബിഹാ​ർ ഒ​രി​ക്ക​ൽ​ക്കൂ​ടി രാ​ജ്യ​ത്തി​ന് ദി​ശ നി​ർ​ണ​യി​ക്കും. ചു​രു​ങ്ങി​യ​പ​ക്ഷം, നി​തീ​ഷി​ന്‍റെ ര​ണ്ടു പ​തി​റ്റാ​ണ്ടു​കാ​ല​ത്തെ അ​ധാ​ർ​മി​ക അ​ധി​കാ​ര സ​ഹ​ശ​യ​ന​ങ്ങ​ൾ​ക്ക് ഒ​രു പ്രാ​യ​ശ്ചി​ത്ത​മാ​യെ​ങ്കി​ലും അ​ത് മാ​റും.