Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightOpinionchevron_rightEditorialchevron_rightമധ്യപ്രദേശിലെ അട്ടിമറി

മധ്യപ്രദേശിലെ അട്ടിമറി

text_fields
bookmark_border
മധ്യപ്രദേശിലെ അട്ടിമറി
cancel

2018 ഡിസംബറിൽ നടന്ന മധ്യപ്രദേശ്​ നിയമസഭ തെരഞ്ഞെടുപ്പിൽ ബി.ജെ.പിയുടെ പ്രഗല്​ഭനായ മുഖ്യമന്ത്രി ശിവരാജ്​ സിങ്​ ചൗ ഹാ​​െൻറ കിരീടം തെറിപ്പിച്ച്​ കോൺ​ഗ്രസ്​ ചെറുപാർട്ടികളുടെയും സ്വതന്ത്രരുടെയും പിന്തു​ണയോടെ ഭരണം പിടിച്ചെ ടുത്തതു​ മുതൽ ആരംഭിച്ച പാർട്ടിയിലെ അധികാര വടംവലി നിർണായക ഘട്ടത്തിൽ എത്തിയിരിക്കുകയാണ്, ജ്യോതിരാദിത്യ സിന്ധ ്യയുടെ രാജിയോടെ. ത​​െൻറ രാജകീയ പാരമ്പര്യവും യുവജന സ്വാധീനവും മുൻനിർത്തി താനാണ്​ മുഖ്യമന്ത്രി പദത്തിന്​ എന്ത ുകൊണ്ടും അർഹൻ എന്ന്​ 49 കാരനായ ജ്യോതിരാദിത്യ സിന്ധ്യ കരുതിയതോടൊപ്പം ഡൂൺ സ്​കൂളിൽ സഹപാഠിയായിരുന്ന രാഹുൽ ഗാ ന്ധി ത​​െൻറ പക്ഷത്ത്​ ഉറച്ചുനിൽക്കും എന്ന്​ കണക്കുകൂട്ടുകയും ചെയ്​തിരുന്നു.

രാജമാതാ വിജയ്​ രാജെ​ സിന്ധ്യ യുടെ പൗത്രനും കോൺഗ്രസ​ി​​െൻറ കരുത്തനായ നേതാവ്​ മാധവറാവു സിന്ധ്യയുടെ മകനുമെന്ന നിലയിൽ താനൊരിക്കലും തഴയപ്പെടുമെന്ന്​ ജ്യോതിരാദിത്യ പ്രതീക്ഷിച്ചിരുന്നതല്ല. പക്ഷേ, തലമുതിർന്ന നേതാവ്​ കമൽനാഥ്​ അദ്ദേഹത്തി​​െൻറ മാർഗത്തിൽ തടസ്സമായി. വരാനിരിക്കുന്ന ലോക്​സഭ തെരഞ്ഞെടുപ്പിൽ താൻ പ്രധാനമന്ത്രി​യായി കോൺഗ്രസ്​ അധികാരത്തിലേറുമെന്ന്​ സ്വപ്​നംകണ്ട രാഹുൽ ഗാന്ധി മന്ത്രിസഭയിൽ ത​​െൻറ വല​ംകൈയായി സിന്ധ്യ ഉണ്ടാവുമെന്നുറപ്പ്​ നൽകിയ പശ്ചാത്തലത്തിലാവണം തൽക്കാലം അദ്ദേഹം അടങ്ങിയത്​. കോൺഗ്രസി​​െൻറ തിരിച്ചുവരവ്​ കേവലം നഷ്​ടസ്വപ്​നമായതോടെ മധ്യപ്രദേശിൽ ത​​െൻറ സാമ്രാജ്യം നിർമിച്ചെടുക്കാനുള്ള യത്​നത്തിൽ​ വീണ്ടും മുഴുകുകയല്ലാതെ ജ്യോതിരാദിത്യയുടെ മുന്നിൽ വഴിയുണ്ടായിരുന്നില്ല.

രാജിവെച്ച രാഹുൽ ഗാന്ധിയുടെ പകരക്കാരനായി എ.ഐ.സി.സി പ്രസിഡൻറ്​ സ്​ഥാനത്തേക്ക്​ അദ്ദേഹത്തി​​െൻറ പേർ ഉയർന്നുവന്നുവെങ്കിലും അക്കാര്യവും അനിശ്ചിതമായി നീണ്ടു. കോൺഗ്രസുകാരിയായി രംഗപ്രവേശം ചെയ്​ത രാജ്​മാത ഭാരതീയ ജനസംഘത്തിലെത്തിപ്പെട്ടപോലെ ഒടുവിലിതാ പേരമകൻ ജ്യോതിരാദിത്യയും ബി.​െജ.പിയുടെ പടിവാതിൽക്കൽ എത്തിച്ചേർന്നിരിക്കുന്നു. 22 എ.എൽ.എമാരുടെ പിന്തുണ ഇതിനകം ഉറപ്പാക്കിയ അദ്ദേഹത്തെ മുഖ്യമന്ത്രിപദത്തിലിരിക്കാൻ ശിവരാജ്​സിങ്​ ചൗഹാൻ അനുവദിച്ചില്ലെങ്കിലും രാജ്യസഭയിലൂടെ പാർലമ​െൻറിലെത്തി കേന്ദ്ര മന്ത്രിസഭയിൽ ഇടംനേടാനാണത്രെ ഓഫർ.

ഒരുവശത്ത്​ ശതകോടികളിറക്കിയും പദവികൾ വെച്ചുനീട്ടിയും എം.എൽ.എമാരെ ചാക്ക​ിലേറ്റാൻ ബി.ജെ.പി തുനിഞ്ഞിറങ്ങിയിരിക്കെ ലഘുവായ പ്രതിരോധം തീർക്കാൻപോലും കോൺഗ്രസിനൊരു നേതാവില്ല. ഒടുവിലത്തെ ലോക്​സഭ തെരഞ്ഞെടുപ്പിൽ നേരിട്ട കനത്ത പരാജയത്തി​​െൻറ ഉത്തരവാദിത്തം ഏറ്റെടുത്തു പ്രസിഡൻറ്​ രാഹുൽ ഗാന്ധി തദ്​സ്​ഥാനം രാജിവെച്ചതിനെ തുടർന്ന്​ ത​​െൻറ തീരുമാനം പുനഃപരിശോധിക്കാനുള്ള ഹൈകമാൻഡി​​െൻറയും പ്രവർത്തക സമിതിയുടെയും സർവവിധ സമ്മർദങ്ങളെയും അദ്ദേഹം തട്ടിമാറ്റുകയാണ്​ ചെയ്​തിരിക്കുന്നത്​.

അസുഖബാധിതയായ അമ്മ സോണിയ ഗാന്ധി പാർട്ടി അധ്യക്ഷസ്​ഥാനം താൽക്കാലികമായി ഏറ്റെടുത്തു കടുത്ത പ്രതിസന്ധിയിൽനിന്ന്​ കോൺഗ്രസിനെ ​രക്ഷിച്ചെങ്കിലും മാസങ്ങളായിട്ടും തൽസ്​ഥിതി​ തുടരുന്നത്​ തികഞ്ഞ അനിശ്ചിതത്വത്തിലേക്കാണ്​ സംഘടനയെ തള്ളിവിട്ടിരിക്കുന്നത്​. സ്വതേ അനൈക്യവും ഗ്രൂപ്പിസവും കാലുമാറ്റവും വാർത്ത പോലുമല്ലാതായ ഈ ആൾക്കൂട്ട പാർട്ടിയിൽ, രാജ്യത്തി​​െൻറ ഭരണഘടനതന്നെ അട്ടിമറിക്കാനുള്ള ആസൂത്രിതനീക്കം അതി​​െൻറ പാരമ്യതയിലേക്ക്​ കുതിക്കെ ഒരു വീണ്ടെടുപ്പിനുള്ള ശ്രമം എവിടെയും ദൃശ്യമല്ലെന്നത്​ മതനിരപേക്ഷ ഇന്ത്യയുടെ ഭാവിയിൽ ആശങ്കാകുലരായ എല്ലാവരെയും അസ്വസ്​ഥരാക്കുന്നുണ്ട്​. നെഹ്​റു കുടുംബത്തിൽനിന്നുതന്നെ വേണം കോൺഗ്രസി​​െൻറ സാരഥി എന്ന ശാഠ്യവും എന്നാൽ, അങ്ങനെയൊരു ശാഠ്യത്തിന്​ വഴങ്ങാനാവില്ലെന്ന ഇളമുറക്കാര​​െൻറ വാശിയുമാണ്​ നേതൃ പ്രതിസന്ധിക്ക്​ പരിഹാരം കാണുന്നതിൽ പ്രധാന തടസ്സമെങ്കിലും പാർട്ടി പിരിച്ചുവിടാൻ തീരുമാനിക്കാത്തിടത്തോളം കാലം അതിനൊരു നേതാവ്​ കൂട​ിയേ തീരൂ.

ഇക്കാര്യത്തിൽ ഒരു സത്വര തീരുമാനം വേണമെന്ന മുതിർന്ന പാർട്ടി അംഗവും യു.പി.എ സർക്കാറിലെ മുൻ മന്ത്രിയുമായ ശശി തരൂരി​​െൻറ അഭിപ്രായപ്രകടനത്തെ പോലും നല്ല കണ്ണോടെ കാണാൻ പല നേതാക്കൾക്കും കഴിയാതെ പോവുന്നതാണ്​ വിചിത്രമായിരിക്കുന്നത്. സമയം വരു​േമ്പാൾ രാഹുൽ തന്നെ വഴങ്ങുമെന്ന പ്രതീക്ഷയിലാണ്​ ചിലർ. മറ്റു​ ചിലരാക​ട്ടെ, പ്രിയങ്ക ഗാന്ധിയെ കാത്തിരിക്കുകയാണ്​. മൂന്നാമതൊരാളെ നിർദേശിക്കാൻ ആരും ധൈര്യപ്പെടുന്നേയില്ല. അഥവാ, അതിലേക്ക്​ വാതിൽ തുറന്നാൽ സ്​ഥാനമോഹികളുടെ എണ്ണം അനിയന്ത്രിതമായിരിക്കും എന്നാണ്​ കരുതേണ്ടത്​. ഇതിനെല്ലാം മൗലികമായ കാരണം ജവഹർലാൽ നെഹ്​റുവിനുശേഷം പ്രത്യയശാസ്​ത്രപരമായ അടിത്തറ കോൺഗ്രസിന്​ നഷ്​ടപ്പെടുകയും അ​ദ്ദേഹം മുറുകെ പിടിച്ചിരുന്ന ജനാധിപത്യം, മതേതരത്വം, സോഷ്യലിസം, എന്നീ തത്ത്വങ്ങളിൽനിന്ന്​ പാർട്ടി ബഹുദൂരം അകന്ന്​ അവസരവാദികളുടെയും സ്​ഥാനമോഹികളുടെയും മക്കൾ രാഷ്​ട്രീയക്കാരുടെയും ക​േമ്പാസ്​റ്റ്​ കുഴിയായി പാർട്ടി രൂപാന്തരപ്പെടുകയും ചെയ്​തതാണ്​.

നടേപറഞ്ഞ മൂന്ന്​ മൗലിക തത്ത്വങ്ങൾ ഭേദഗതിയിലൂടെ ഇന്ത്യൻ ഭരണഘടനയിൽ എഴുതിച്ചേർക്കാൻ സഫലശ്രമം നടത്തിയ ഇന്ദിര ഗാന്ധി പോലും ഏകാധിപത്യത്തി​​െൻറ വഴി ​തിരഞ്ഞെടുത്തത്​ മായ്​ക്കാനോ മറക്കാനോ കഴിയാത്ത പാതകമായി നിലനിൽക്കുന്നു. എന്നാൽപോലും ഹിന്ദുത്വ ഫാഷിസത്തിനു മുന്നിൽ മുട്ടുമടക്കാൻ തയാറില്ലാത്ത പലരും കോൺഗ്രസി​​െൻറ നേതൃനിരയിലുണ്ട്​. അവരിലൊരാളായി രാഹുൽ ഗാന്ധിയെ എണ്ണാവുന്നതേയുള്ളൂ. പക്ഷേ, രാഹുലി​​െൻറ വഴി തടഞ്ഞതും മനംമടുപ്പിച്ചതും ആ​രാണെന്ന ചർച്ച ഇപ്പോഴും കൃത്യമായ ഉത്തരമില്ലാതെ തുടരുന്നു. അനുദിനം ശോഷിച്ചുകൊണ്ടിരിക്കുന്ന മതനിരപേക്ഷ ജനാധിപത്യചേരിക്ക്​ പു​തുജീവൻ നൽകാനും കാളരാത്രിയിൽ വെളിച്ചം പ്രസരിപ്പിക്കാനും ഇച്ഛാശക്തിയുള്ള ഒരു നേതൃത്വം കോൺഗ്രസിനുണ്ടാവണമെന്നത്​ രാജ്യത്തി​​െൻറയും ഭരണഘടനയുടെയും നന്മ ആഗ്രഹിക്കുന്ന എല്ലാവരുടെയും ആഗ്രഹമാണ്​, പ്രാർഥനയാണ്​. അതു​ കണ്ടില്ലെന്ന്​ നടിച്ച്​ ജനാഭിലാഷം പുറംകാലുകൊണ്ട്​ തട്ടിമാറ്റാനുള്ള ധാർഷ്​ട്യം ഉത്തരവാദപ്പെട്ടവർക്കുണ്ടാവില്ല എന്ന്​ പ്രതീക്ഷിക്കുക.

Show Full Article
TAGS:Madhya Pradesh Political Crisis Jyotiraditya Sindhya kamalnath Malayalam Article 
Next Story