Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_right...

നി​യ​മ​പ്പെ​രു​ക്കം,നീ​തി​ക്ക​മ്മി

text_fields
bookmark_border
നി​യ​മ​പ്പെ​രു​ക്കം,നീ​തി​ക്ക​മ്മി
cancel


'സ​ത്യാ​ന്വേ​ഷ​ണ​ങ്ങ​ളു'​ടെ ബ​ല​ത്തി​ൽ, ജ​ന​പ​ക്ഷ​രാ​ഷ്ട്രീ​യ പ്ര​ക്ഷോ​ഭ​ങ്ങ​ളി​ലൂ​ടെ, നി​ല​വി​ൽ​വ​ന്ന രാ​ജ്യ​മാ​ണ് ന​മ്മു​ടേ​ത്. ഏ​തോ ഘ​ട്ട​ത്തി​ൽ സ​ത്യാ​ന്വേ​ഷ​ണം വ്യാ​ജ​ങ്ങ​ൾ​ക്കും ജ​ന​പ​ക്ഷ രാ​ഷ്ട്രീ​യം നി​ക്ഷി​പ്ത താ​ൽ​പ​ര്യ സം​ര​ക്ഷ​ണ​ത്തി​നും വ​ഴി​മാ​റി​പ്പോ​യ​തി​ന് രാ​ജ്യം വ​ലി​യ വി​ല ഒ​ടു​ക്കി​ക്കൊ​ണ്ടി​രി​ക്കു​ന്നു. വ​സ്തു​ത​ക​ളെ കീ​ഴ്മേ​ലാ​ക്കി അ​വ​ത​രി​പ്പി​ക്കു​ന്ന​താ​ണ് രാ​ഷ്ട്രീ​യ​മി​ടു​ക്ക്. ഭാ​ര​തീ​യ ജ​ന​ത പാ​ർ​ട്ടി ദേ​ശീ​യാ​ധ്യ​ക്ഷ​ൻ ജെ.​പി. ന​ഡ്ഡ പ​റ​യു​ന്ന​ത്, പ്ര​തി​പ​ക്ഷം പ്ര​ധാ​ന​മ​ന്ത്രി​ മോ​ദി​യെ എ​തി​ർ​ക്കു​ന്നു എ​ന്ന ഭാ​വേ​ന രാ​ജ്യ​ത്തെ​ത്ത​ന്നെ എ​തി​ർ​ക്കു​ക​യാ​ണ് എ​ന്നാ​ണ്. വ​സ്തു​ത​യെ​ന്താ​ണ്? മോ​ദി സ​ർ​ക്കാ​റി​ന്റെ വി​ക​ല​ന​യ​ങ്ങ​ളെ​യും വീ​ഴ്ച​ക​ളെ​യും വി​മ​ർ​ശി​ക്കു​ന്ന​തു​പോ​ലും രാ​ജ്യ​ദ്രോ​ഹ​മാ​യി ചി​ത്രീ​ക​രി​ക്ക​പ്പെ​ടു​ക​യാ​ണ്.

നോ​ട്ടു​നി​രോ​ധ​ന​ക്കാ​ല​ത്തും ലോ​ക്ഡൗ​ൺ കാ​ല​ത്തും പൗ​ര​ത്വ​പ്ര​ക്ഷോ​ഭ​കാ​ല​ത്തു​മെ​ല്ലാം ഇ​ത് വ്യ​ക്ത​മാ​യി. വ​സ്തു​ത​ക​ളെ​യും വ്യാ​ജ​ങ്ങ​ളെ​യും ത​മ്മി​ൽ തി​രി​ച്ച​റി​യാ​നാ​വാ​ത്ത​വി​ധ​ത്തി​ൽ പ​ര​സ്പ​രം മാ​റ്റു​മ്പോ​ൾ സം​ഭ​വി​ക്കു​ന്ന​ത്, നീ​തി​യു​ടെ സം​ര​ക്ഷ​ക​രാ​കേ​ണ്ട നി​യ​മം നീ​തി​നി​ഷേ​ധ​ത്തി​ന്റെ ഉ​പ​ക​ര​ണ​മാ​കു​ന്നു എ​ന്ന​താ​ണ്. ഈ ​വി​രോ​ധാ​ഭാ​സ​ത്തി​ന്റെ ​പ്ര​ക​ട​മാ​യ ഉ​ദാ​ഹ​ര​ണ​മാ​യി​രു​ന്നു ഈ​യി​ടെ സു​പ്രീം​കോ​ട​തി ന​ൽ​കി​യ ഒ​രു വി​ധി​തീ​ർ​പ്പ്. ജ​ർ​മ​നി​യി​ലെ ഒ​രു വേ​ദി​യി​ൽ​വെ​ച്ച് ചീ​ഫ് ജ​സ്റ്റി​സ് ര​മ​ണ ഇ​ന്ത്യ​ൻ ജു​ഡീ​ഷ്യ​റി തീ​ർ​ത്തും സ്വ​ത​ന്ത്ര​വും നീ​തി​നി​ഷ്ഠ​വു​മാ​ണ് എ​ന്ന് പ്ര​സം​ഗി​ച്ച സ​മ​യ​ത്തു​ത​ന്നെ​യാ​ണ് ടീ​സ്റ്റ സെ​റ്റ​ൽ​വാ​ദി​നും മ​റ്റും എ​തി​രാ​യ പ​രാ​മ​ർ​ശ​ത്തോ​ടെ സ​കി​യ ജാ​ഫ​രി​യു​ടെ ഹ​ര​ജി​യി​ൽ കോ​ട​തി ന​ൽ​കി​യ വി​ധി വി​വാ​ദം സൃ​ഷ്ടി​ച്ച​ത്.

നീ​തി​നി​ഷേ​ധ​ത്തി​നെ​തി​രെ ഹ​ര​ജി ന​ൽ​കി​യ​വ​ർ​ക്കു​മേ​ൽ നി​യ​മ​പ്ര​കാ​രം നോ​ട്ടീ​സു​പോ​ലും ന​ൽ​കാ​തെ കു​റ്റം ചാ​ർ​ത്തി​​ക്കൊ​ണ്ടു​ള്ള വി​ധി​യു​ടെ തു​ട​ർ​ച്ച​യെ​ന്നോ​ണം ടീ​സ്റ്റ​ക്കും മ​റ്റു​മെ​തി​രെ നി​യ​മ​ന​ട​പ​ടി​ക​ൾ വ​ന്നു​കൊ​ണ്ടി​രി​ക്കു​ന്നു. കോ​ട​തി വി​ധി എ​ത്ര​ത​ന്നെ നി​യ​മാ​നു​സൃ​ത​മാ​യാ​ലും നീ​തി​യു​ടെ താ​ൽ​പ​ര്യ​ത്തെ ഹ​നി​ക്കു​ന്ന​താ​ണ് ഇ​വി​ടെ ക​ണ്ട​ത്. ഈ ​കേ​സി​ലെ വി​ധി, മ​റ്റൊ​രു കേ​സി​ലെ കോ​ട​തി പ​രാ​മ​ർ​ശ​വു​മാ​യി ത​ട്ടി​ച്ചു​നോ​ക്കാ​വു​ന്ന​താ​ണ്. നൂ​പു​ർ ശ​ർ​മ​യു​ടെ ഹ​ര​ജി​യി​ൽ, ഗു​രു​ത​ര​മാ​യ പ​രാ​മ​ർ​ശ​മാ​ണ് അ​വ​രു​ടെ ന​ബി​നി​ന്ദ​ക്കെ​തി​രെ സു​പ്രീം​കോ​ട​തി ന​ട​ത്തി​യ​ത്.

ടീ​സ്റ്റ​ക്കെ​തി​രാ​യ പ​രാ​മ​ർ​ശം വി​ധി​യു​ടെ ഭാ​ഗ​വും തു​ട​ർ​ന്നു​ള്ള ഭ​ര​ണ​കൂ​ട​വേ​ട്ട​ക്ക് നി​മി​ത്ത​വു​മാ​യെ​ങ്കി​ൽ, നൂ​പു​റി​നെ​തി​രാ​യ​ത് ('നി​ങ്ങ​ൾ മാ​പ്പു​പ​റ​യേ​ണ്ട​താ​യി​രു​ന്നു' എ​ന്ന​ത്) ആ​നു​ഷം​ഗി​ക പ​രാ​മ​ർ​ശം മാ​ത്ര​മാ​യി​രു​ന്നു. അ​തി​ന്മേ​ൽ അ​റ​സ്റ്റ് ന​ട​പ​ടി​യൊ​ന്നു​മു​ണ്ടാ​യി​ല്ല. കോ​ട​തി​തീ​ർ​പ്പു​ക​ളും ഭ​ര​ണ​കൂ​ട ന​ട​പ​ടി​ക​ളും നി​യ​മ​പ​ര​മാ​യി​രി​ക്കെ​ത​ന്നെ നീ​തി​യു​ടെ താ​ൽ​പ​ര്യം സം​ര​ക്ഷി​ക്ക​പ്പെ​ടു​ന്നു​​ണ്ടോ എ​ന്ന് നി​യ​മ​ജ്ഞ​രും രാ​ഷ്ട്രീ​യ നേ​തൃ​ത്വ​ങ്ങ​ളും പ​രി​ശോ​ധി​​ക്കേ​ണ്ട​തു​ണ്ട് എ​ന്നാ​ണ് ഇ​തെ​ല്ലാം ഓ​ർ​മി​പ്പി​ക്കു​ന്ന​ത്.

നി​യ​മാ​നു​സൃ​ത​മാ​യി​രി​ക്കെ​ത​ന്നെ ക​ടു​ത്ത അ​നീ​തി​യാ​യി​രു​ന്ന പ​ല​തും വി​വി​ധ രാ​ജ്യ​ങ്ങ​ൾ​ക്ക് തി​രു​ത്തേ​ണ്ടി​വ​ന്നി​ട്ടു​ണ്ട്. ദ​ക്ഷി​ണാ​ഫ്രി​ക്ക​യി​ൽ വ​ർ​ണ​വി​വേ​ച​നം നി​യ​മാ​നു​സൃ​ത​മാ​യി​രു​ന്നു. നി​യ​മ​പ്ര​കാ​ര​മാ​ണ് നാ​സി ജ​ർ​മ​നി ജൂ​ത​വം​ശ​ഹ​ത്യ ന​ട​ത്തി​യ​ത്. ബ്രി​ട്ടീ​ഷ് സാ​മ്രാ​ജ്യ​ത്വം അ​തി​ന്റെ 'നി​യ​മ'​മ​നു​സ​രി​ച്ചു​ള്ള​താ​യി​രു​ന്നു. ഇ​ന്ന് ഇ​​സ്രാ​യേ​ലി വം​ശീ​യ​ത​യും അ​ങ്ങ​നെ​ത​ന്നെ. നി​യ​മം അ​ധി​കാ​ര​ത്തി​ന്റെ ഭാ​ഷ​യും ആ​യു​ധ​വു​മാ​ണ് -അ​ത് നീ​തി​യു​മാ​യി യോ​ജി​ക്കു​മ്പോ​ഴേ മ​നു​ഷ്യ​ത്വ​പ​ര​മാ​കൂ. ഇ​ന്ത്യ​യി​ൽ ഇ​ന്ന് അ​നേ​കം കേ​സു​ക​ളി​ൽ ഭ​ര​ണ​കൂ​ടം നി​യ​മ​ത്തെ ദു​രു​പ​യോ​ഗി​ക്കു​ക​യും ആ​യു​ധ​വ​ത്ക​രി​ക്കു​ക​യും ചെ​യ്യു​ന്നു​ണ്ട്.

ഭ​ര​ണ​ഘ​ട​ന​യു​മാ​യി ബ​ന്ധ​പ്പെ​ടു​ത്തി​ക്കൊ​ണ്ട് ന​ൽ​കു​ന്ന വ്യാ​ഖ്യാ​ന​ങ്ങ​ളി​ലൂ​​ടെ കോ​ട​തി​ക​ൾ​ക്ക് അ​ത് തി​രു​ത്താ​ൻ ക​ഴി​യേ​ണ്ട​തു​ണ്ട്. രാ​ജ്യ​​ദ്രോ​ഹ​ക്കേ​സു​ക​ളു​ടെ കാ​ര്യ​ത്തി​ൽ അ​ത്ത​ര​മൊ​രു ഇ​ട​പെ​ട​ൽ ജു​ഡീ​ഷ്യ​റി ഈ​യി​ടെ ന​ട​ത്തി. രാ​ജ്യ​ദ്രോ​ഹ​നി​യ​മം സ്റ്റേ ​ചെ​യ്തു. അ​തേ​സ​മ​യം, ഇ​ല​ക്ട​റ​ൽ ബോ​ണ്ട് സ​മ്പ്ര​ദാ​യ​ത്തി​ലെ പ്ര​ക​ട​മാ​യ അ​ന്യാ​യ​വും അ​ഴി​മ​തി​യും നി​ല​നി​ൽ​ക്കെ​ത​ന്നെ അ​ത് പ​രി​ശോ​ധി​ക്കു​ന്ന​തി​ൽ കോ​ട​തി വ​രു​ത്തു​ന്ന കാ​ല​താ​മ​സം രാ​ഷ്ട്രീ​യ​ത്തെ കൂ​ടു​ത​ൽ ദു​ഷി​പ്പി​ച്ചു​കൊ​ണ്ടി​രി​ക്കു​ന്നു. പ്രോ​സി​ക്യൂ​ഷ​നി​ലെ വി​വേ​ച​ന​വും നീ​തി​നി​ർ​വ​ഹ​ണ​ത്തെ പ്ര​ഹ​സ​ന​മാ​ക്കു​ന്നു​ണ്ട്. ഭ​ര​ണ​കൂ​ട​ത്തി​ന്റെ താ​ൽ​പ​ര്യ​ങ്ങ​ൾ കേ​സെ​ടു​ക്കു​ന്ന​തി​ലും കേ​സ് ന​ട​ത്തി​പ്പി​ലും വ​ർ​ധി​ത​മാ​യ തോ​തി​ൽ ക​ണ്ടു​വ​രു​ന്നു​ണ്ട് -കേ​​ന്ദ്ര​ത്തി​ലും സം​സ്ഥാ​ന​ങ്ങ​ളി​ലും. ഇ​വി​ടെ​യും നി​യ​മം ഭാ​ഗി​ക​മാ​യി ന​ട​പ്പാ​ക്കു​​മ്പോ​ൾ നീ​തി തോ​ൽ​ക്കു​ന്നു.

പ​ഴ​​യൊ​രു സി​നി​മാ​ദൃ​ശ്യം ട്വീ​റ്റ് ചെ​യ്ത​തി​ന്റെ പേ​രി​ൽ ഒ​രു വ്യാ​ജ ട്വി​റ്റ​ർ അ​ക്കൗ​ണ്ടി​ൽ​നി​ന്നു വ​ന്ന പ​രാ​തി​യാ​ണ് ഫാ​ക്ട് ചെ​ക്ക​ർ മു​ഹ​മ്മ​ദ് സു​ബൈ​റി​നെ വേ​ട്ട​യാ​ടാ​ൻ ഭ​ര​ണ​കൂ​ട​ത്തി​ന് ആ​യു​ധ​മാ​യ​ത്. ദു​രു​പ​യോ​ഗ​പ്പെ​ടു​ത്താ​ൻ പാ​ക​ത്തി​ൽ ധാ​രാ​ളം ച​ട്ട​ങ്ങ​ളും നി​യ​മ​ങ്ങ​ളു​മു​ണ്ട്. സ​ഞ്ജ​യ് ഭ​ട്ടി​നും ആ​ർ.​ബി. ശ്രീ​കു​മാ​റി​നു​മെ​തി​രെ​യും നി​യ​മ​ങ്ങ​ൾ ദു​രു​പ​യോ​ഗ​പ്പെ​ടു​ത്ത​പ്പെ​ടു​ന്നു. മ​റു​പു​റ​ത്ത്, ആ​ൾ​ക്കൂ​ട്ട ആ​​ക്ര​മ​ണ​ങ്ങ​ൾ​ക്കെ​തി​രെ ന​ട​പ​ടി​ക​ൾ നി​ർ​ദേ​ശി​ച്ച് 2018ൽ ​സു​പ്രീം​കോ​ട​തി ഒ​രു വി​ധി പു​റ​പ്പെ​ടു​വി​ച്ചി​രു​ന്നു.

ഒ​രു വ​ർ​ഷം ക​ഴി​ഞ്ഞ്, സം​സ്ഥാ​ന ഭ​ര​ണ​കൂ​ട​ങ്ങ​ൾ ആ ​മാ​ർ​ഗ​നി​ർ​ദേ​ശ​ങ്ങ​ൾ ന​ട​പ്പാ​ക്കി​യി​ല്ലെ​ന്നു കാ​ണി​ച്ച് സു​പ്രീം​കോ​ട​തി​യി​ൽ ​കോ​ട​തി​യ​ല​ക്ഷ്യ ഹ​ര​ജി​ക​ൾ ഫ​യ​ൽ ചെ​യ്യ​പ്പെ​ട്ടു. പ​ക്ഷേ, മൂ​ന്നു വ​ർ​ഷ​മാ​യി​ട്ടും അ​വ പ​രി​ഗ​ണ​ന​ക്കെ​ടു​ത്തി​ല്ല. കൂ​ട​ക്കൂ​ടെ റി​പ്പോ​ർ​ട്ട് ചെ​യ്യ​പ്പെ​ടു​ന്ന വ്യാ​ജ ഏ​റ്റു​മു​ട്ട​ൽ കൊ​ല​ക​ളും 'കാ​ണാ​താ​ക്ക'​ലും വ​ർ​ഷ​ങ്ങ​ളാ​യി അ​ന്യാ​യ​ത്ത​ട​ങ്ക​ലി​ലു​ള്ള വി​ചാ​ര​ണ​ത്ത​ട​വു​കാ​രും ന​മ്മു​ടെ നി​യ​മ​വ്യ​വ​സ്ഥ​യു​ടെ അ​നീ​തി​ക്ക് തെ​ളി​വു​ക​ളാ​ണ്. പൗ​രാ​വ​കാ​ശ​ങ്ങ​ളും മ​നു​ഷ്യാ​വ​കാ​ശ​ങ്ങ​ളും നി​ഷേ​ധി​ക്കാ​ൻ ഉ​പ​ക​ര​ണ​ങ്ങ​ളാ​യി ധാ​രാ​ളം നി​യ​മ​ങ്ങ​ൾ ന​മു​ക്കു​ണ്ട്; പ​ക്ഷേ, നീ​തി ഉ​റ​പ്പാ​ക്കാ​ൻ ക​ഴി​യു​ന്ന സം​വി​ധാ​ന​ങ്ങ​ൾ കു​റ​ഞ്ഞു​വ​രു​ന്നു. നീ​തി​യി​ലെ ഈ ​ക​മ്മി​ (Justice deficit) രാ​ജ്യ​ത്തി​ന്റെ ഭ​ദ്ര​ത​ക്കു​ത​ന്നെ ഭീ​ഷ​ണി​യാ​ണ്. ന​മ്മു​ടെ പ​രി​ശോ​ധ​ന​യും കോ​ട​തി​യു​ടെ ജാ​ഗ്ര​ത​യും അ​താ​വ​ശ്യ​പ്പെ​ടു​ന്നു.

Show Full Article
TAGS:law Court 
News Summary - law and order in India Madhyamam Editorial
Next Story