Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_rightശു​ദ്ധീ​ക​ര​ണം...

ശു​ദ്ധീ​ക​ര​ണം തേ​ടു​ന്ന നീ​തി​ന്യാ​യ വ്യ​വ​സ്​​ഥ

text_fields
bookmark_border
ശു​ദ്ധീ​ക​ര​ണം തേ​ടു​ന്ന നീ​തി​ന്യാ​യ വ്യ​വ​സ്​​ഥ
cancel




നീ​തി​യു​ടെ ബ​ലം ക്ഷ​യി​ച്ചു​പോ​യ ഇ​ട​വേ​ള​ക്കു​ശേ​ഷം ഇ​ന്ത്യ​യി​ൽ ജു​ഡീ​ഷ്യ​റി അ​തി​െ​ൻ​റ സ്വാ​ത​ന്ത്ര്യ​വും അ​ന്ത​സ്സും തി​രി​ച്ചു​പി​ടി​ക്കു​ന്നു എ​ന്ന നി​രീ​ക്ഷ​ണം പ​ല​രും പ്ര​ക​ടി​പ്പി​ച്ചു കാ​ണു​ന്നു​ണ്ട്. സു​പ്രീം​കോ​ട​തി​യി​ൽ ജ​സ്​​റ്റി​സ്​ എ​ൻ.​വി. ര​മ​ണ ചീ​ഫ്​ ജ​സ്​​റ്റി​സാ​യ​ശേ​ഷം സ്വീ​ക​രി​ച്ച നി​ല​പാ​ടു​ക​ൾ ഈ ​നി​രീ​ക്ഷ​ണ​ത്തെ സാ​ധൂ​ക​രി​ക്കു​ന്നു​മു​ണ്ട്. സ​ർ​ക്കാ​റി​നോ​ട്​ വി​ധേ​യ​ത്വം പു​ല​ർ​ത്തു​ക​യും സ​ർ​ക്കാ​ർ വെ​ച്ചു​നീ​ട്ടി​യ ആ​നു​കൂ​ല്യ​ങ്ങ​ൾ കൈ​പ്പ​റ്റു​ക​യും ചെ​യ്​​ത ചി​ല മു​ൻ ന്യാ​യാ​ധി​പ​രു​ടെ രീ​തി​ക​ൾ ക​ള​ങ്ക​പ്പെ​ടു​ത്തി​യ നീ​തി​യു​ടെ മു​ഖം വൃ​ത്തി​യാ​ക്കി​യെ​ടു​ക്കാ​ൻ സ​മീ​പ​കാ​ല തീ​ർ​പ്പു​ക​ളും കോ​ട​തി നി​രീ​ക്ഷ​ണ​ങ്ങ​ളും സ​ഹാ​യ​ക​മാ​യി​ട്ടു​ണ്ട്. ഈ ​ശു​ഭ​സൂ​ച​ന ഇ​രി​ക്കെ​ത​ന്നെ, ജു​ഡീ​ഷ്യ​റി ആ​ത്മ​പ​രി​ശോ​ധ​ന ന​ട​ത്തേ​ണ്ട ചി​ല സു​പ്ര​ധാ​ന മേ​ഖ​ല​ക​ൾ ഇ​പ്പോ​ഴും ബാ​ക്കി​യു​ണ്ട്. ഇ​ച്ഛാ​ശ​ക്​​തി​യോ​ടെ​യും നീ​തി​ബോ​ധ​ത്തോ​ടെ​യും ഭ​ര​ണ​ഘ​ട​നാ ബാ​ധ്യ​ത​ക​ൾ നി​റ​വേ​റ്റു​ന്ന ഒ​രു ജു​ഡീ​ഷ്യ​റി​ക്ക്​ സാ​ധി​ക്കേ​ണ്ട​തും സാ​ധി​ക്കു​ന്ന​തു​മാ​ണ്​ അ​വ. കൊ​ളീ​ജി​യം സം​വി​ധാ​ന​ത്തി​െ​ൻ​റ ദോ​ഷ​ങ്ങ​ളാ​ണ്​ തി​രു​ത്ത​പ്പെ​ടേ​ണ്ട ഒ​ന്ന്. ജ​നാ​ധി​പ​ത്യ​ത്തി​ൽ എ​ല്ലാ രം​ഗ​ത്തും സു​താ​ര്യ​ത ആ​വ​ശ്യ​മാ​ണ്. എ​ന്നാ​ൽ, നി​യ​മ​ന​ങ്ങ​ളി​ലും സ്​​ഥ​ലം​മാ​റ്റ​ങ്ങ​ളി​ലും കൊ​ളീ​ജി​യം സം​വി​ധാ​നം കാ​ഴ്​​ച​വെ​ക്കു​ന്ന​ത്​ ന​ല്ല മാ​തൃ​ക​ക​ള​ല്ല. ആ ​സം​വി​ധാ​നം ഉ​ട​ച്ചു​വാ​ർ​ക്കേ​ണ്ട​തു​ണ്ട്. മ​റ്റൊ​ന്ന്, കേ​സ്​ ന​ട​പ​ടി​ക​ളി​ൽ ജാ​മ്യ​വു​മാ​യി ബ​ന്ധ​പ്പെ​ട്ടും മ​റ്റും പൊ​ലീ​സും ഭ​ര​ണ​കൂ​ട​വും ഫ​ല​ത്തി​ൽ ജു​ഡീ​ഷ്യ​റി​യു​ടെ അ​ധി​കാ​രം കൈ​യേ​റു​ന്നു എ​ന്ന​താ​ണ്.

കൊ​ളീ​ജി​യം പ്ര​വ​ർ​ത്ത​ന​ത്തി​ലെ സു​താ​ര്യ​ത​യി​ല്ലാ​യ്​​മ തെ​ളി​യി​ക്കു​ന്ന ര​ണ്ടു​ സം​ഭ​വ​ങ്ങ​ൾ സ​മീ​പ​കാ​ല​ത്തു​ണ്ടാ​യി. ഒ​ന്ന്, 2019ൽ, ​ര​ഞ്​​ജ​ൻ ഗൊ​ഗോ​യി ചീ​ഫ്​ ജ​സ്​​റ്റി​സാ​യി​രി​ക്കെ ന​ട​ന്ന​ത്​; മ​റ്റേ​ത്, ഈ​യി​ടെ ജ​സ്​​റ്റി​സ്​ ര​മ​ണ​യു​ടെ ത​ന്നെ നാ​യ​ക​ത്വ​ത്തി​ൽ ന​ട​ന്ന​ത്. 2019 സെ​പ്​​റ്റം​ബ​റി​ൽ ജ​സ്​​റ്റി​സ്​ വി​ജ​യ ത​ഹി​ൽ​ര​മ​ണി​യെ​യും ഇ​പ്പോ​ൾ ജ​സ്​​റ്റി​സ്​ സ​ഞ്​​ജീ​വ്​ ബാ​ന​ർ​ജി​യെ​യു​മാ​ണ്​ സ്​​ഥ​ലം മാ​റ്റി​യ​ത്. ഇ​രു​വ​രും മ​ദ്രാ​സ്​ ഹൈ​കോ​ട​തി ചീ​ഫ്​ ജ​സ്​​റ്റി​സ്​ പ​ദ​വി​യി​ൽ​നി​ന്ന്​ മേ​ഘാ​ല​യ ഹൈ​കോ​ട​തി ചീ​ഫ്​ ജ​സ്​​റ്റി​സ്​ പ​ദ​വി​യി​ലേ​ക്കാ​ണ്​ സ്​​ഥ​ലം മാ​റ്റ​പ്പെ​ട്ട​ത്. കോ​ട​തി​ക​ൾ ത​മ്മി​ൽ പ​ദ​വി ഭേ​ദ​മി​ല്ലെ​ങ്കി​ലും 75 ജ​ഡ്​​ജി​മാ​രു​ടെ നാ​യ​ക​ത്വ​ത്തി​ൽ​നി​ന്ന്​ നാ​ലു ജ​ഡ്​​ജി​മാ​രു​ടെ നാ​യ​ക​ത്വ​ത്തി​ലേ​ക്കു​ള്ള മാ​റ്റം ത​രം​താ​ഴ്​​ത്ത​ലാ​യി​ട്ടാ​ണ്​ മ​ന​സ്സി​ലാ​ക്ക​പ്പെ​ടാ​റു​ള്ള​ത്. മ​ദ്രാ​സ്​ ഹൈ​കോ​ട​തി​യി​ൽ പ്രാ​ക്​​ടി​സ്​ ചെ​യ്​​തി​രു​ന്ന ര​ണ്ട്​ അ​ഭി​ഭാ​ഷ​ക​രെ ജ​ഡ്​​ജി​മാ​രാ​യി നി​യ​മി​ക്കാ​നു​ള്ള കൊ​ളീ​ജി​യം ശി​പാ​ർ​ശ​യെ ത​ഹി​ൽ​ര​മ​ണി എ​തി​ർ​ത്തി​രു​ന്നു. അ​തി​നു​ള്ള ശി​ക്ഷ​യാ​യി​ട്ടാ​ണ്​ അ​വ​രു​ടെ സ്​​ഥ​ലം മാ​റ്റ​ത്തെ നി​യ​മ​വൃ​ത്ത​ങ്ങ​ൾ ക​ണ്ട​ത്​ -മ​റി​ച്ചൊ​രു വി​ശ​ദീ​ക​ര​ണ​വും കൊ​ളീ​ജി​യം ന​ൽ​കു​ക​യു​മു​ണ്ടാ​യി​ല്ല. ത​ത്ത്വാ​ധി​ഷ്​​ഠി​ത നി​ല​പാ​ടി​െ​ൻ​റ പേ​രി​ൽ സ്​​ഥ​ലം മാ​റ്റ​പ്പെ​ട്ട ജ​സ്​​റ്റി​സ്​ ത​ഹി​ൽ​ര​മ​ണി രാ​ജി​വെ​ക്കു​ക​യാ​യി​രു​ന്നു. ഇ​പ്പോ​ൾ സ്​​ഥ​ലം മാ​റ്റ​പ്പെ​ട്ട സ​ഞ്​​ജീ​വ്​ ബാ​ന​ർ​ജി​യു​ടെ കാ​ര്യ​ത്തി​ലും കൊ​ളീ​ജി​യ​മോ ചീ​ഫ്​ ജ​സ്​​റ്റി​സോ കാ​ര​ണം വി​ശ​ദീ​ക​രി​ച്ചി​ട്ടി​ല്ല; ജ​സ്​​റ്റി​സ്​ സ​ഞ്​​ജീ​വ്​ തെ​ര​ഞ്ഞെ​ടു​പ്പ്​ ക​മീ​ഷ​നെ​തി​രെ ന​ട​ത്തി​യ രൂ​ക്ഷ​പ്ര​തി​ക​ര​ണ​ങ്ങ​ളാ​ണ്​ യ​ഥാ​ർ​ഥ കാ​ര​ണ​മെ​ന്ന്​ ഊ​ഹി​ക്ക​പ്പെ​ടു​ന്നു. ഭ​ര​ണ​കൂ​ട​ത്തി​ൽ​നി​ന്നും ഭ​ര​ണ​ഘ​ട​നാ സ്​​ഥാ​പ​ന​ങ്ങ​ളി​ൽ​നി​ന്നും ഉ​ത്ത​ര​വാ​ദി​ത്ത​പൂ​ർ​ണ​മാ​യ സ​മീ​പ​നം ആ​വ​ശ്യ​പ്പെ​ടു​ന്ന​ത്​ ശ​രി​യ​ല്ലെ​ന്ന സ​ന്ദേ​ശം ഇ​ത്​ ജ​ഡ്​​ജി​മാ​ർ​ക്ക്​ ന​ൽ​കു​ന്നി​ല്ലേ? കാ​​മ്പ​യി​ൻ ഫോ​ർ ജു​ഡീ​ഷ്യ​ൽ അ​ക്കൗ​ണ്ട​ബി​ലി​റ്റി ആ​ൻ​ഡ്​ റി​ഫോം എ​ന്ന സം​ഘ​ട​ന ഈ ​സ്​​ഥ​ലം മാ​റ്റം പി​ൻ​വ​ലി​ക്ക​ണ​മെ​ന്ന്​ ആ​വ​ശ്യ​പ്പെ​ട്ടി​ട്ടു​ണ്ട്.

'നി​യ​മ​വി​ധേ​യ​മാ​യി ഭ​രി​ക്ക​ലും' (rule of law) 'നി​യ​മം ഉ​പ​യോ​ഗി​ച്ച്​ ഭ​ര​ണം ന​ട​ത്ത​ലും' (rule by law) ത​മ്മി​ലു​ള്ള അ​ന്ത​ര​ത്തെ​പ്പ​റ്റി ഓ​ർ​മി​പ്പി​ക്കാ​റു​ള്ള ജ​സ്​​റ്റി​സ്​ ര​മ​ണ​യു​ടെ ശ്ര​ദ്ധ ആ​വ​ശ്യ​പ്പെ​ടു​ന്ന മ​റ്റൊ​ന്നാ​ണ്, നി​യ​മ​ത്തി​െ​ൻ​റ പ​ഴു​തു​ക​ളും ജു​ഡീ​ഷ്യ​ൽ ന​ട​പ​ടി​ക​ളി​ലെ കാ​ല​വി​ളം​ബ​വും മു​ത​ലെ​ടു​ത്ത്​ നി​ര​പ​രാ​ധി​ക​ളെ വ​ർ​ഷ​ങ്ങ​ളോ​ളം ജാ​മ്യം​പോ​ലും കി​ട്ടാ​ത്ത​ത​ര​ത്തി​ൽ ത​ട​ങ്ക​ലി​ലി​ടു​ന്ന പൊ​ലീ​സ്​ മു​റ. ഗു​ജ​റാ​ത്തി​ൽ 19 വ​ർ​ഷം വി​ചാ​ര​ണ​ക്ക്​ വി​ധേ​യ​രാ​യ മു​സ്​​ലിം പ​ണ്ഡി​ത​രും പ്ര​വ​ർ​ത്ത​ക​രു​മ​ട​ങ്ങു​ന്ന 127 പേ​രെ കോ​ട​തി കു​റ്റ​മു​ക്​​ത​രാ​ക്കി​യ​ത്​ ക​ഴി​ഞ്ഞ മാ​ർ​ച്ചി​ലാ​ണ്. അ​ഞ്ചു​പേ​ർ അ​തി​ന​കം മ​രി​ച്ചു. ര​ണ്ടു പ​തി​റ്റാ​ണ്ടി​ൽ ഏ​താ​നും വ​ർ​ഷം ത​ട​ങ്ക​ലി​ലും ജാ​മ്യം കി​ട്ടി​യ​ശേ​ഷം ഭീ​ക​ര​മു​ദ്ര പേ​റി​യും അ​വ​ർ ക​ഴി​യേ​ണ്ടി​വ​ന്നു. യു.​എ.​പി.​എ കേ​സ്​ ചു​മ​ത്തി​യ​തു​കൊ​ണ്ടു​ മാ​ത്രം ജാ​മ്യം നി​ഷേ​ധി​ക്ക​പ്പെ​ടു​ന്ന​തി​നാ​ൽ, ആ ​വ​കു​പ്പ്​ ചു​മ​ത്തു​ന്ന​തു​വ​ഴി പൊ​ലീ​സി​ന്​ ആ​രെ​യും ശി​ക്ഷി​ക്കാ​ൻ ക​ഴി​യു​ന്നു. പൊ​ലീ​സി​െ​ൻ​റ 'വി​ധി​തീ​ർ​പ്പ്​' കാ​ര​ണം ത​ട​ങ്ക​ലി​ൽ ക​ഴി​യു​ന്ന​വ​രും അ​വി​ടെ മ​രി​ക്കു​ന്ന സ്​​റ്റാ​ൻ സ്വാ​മി​മാ​രും കോ​ട​തി​യു​ടെ അ​ടി​യ​ന്ത​ര പ​രി​ഗ​ണ​ന​യി​ൽ വ​രേ​ണ്ട​തു​ണ്ട്. ജാ​മ്യ​മോ പ​രോ​ളോ ഇ​ല്ലാ​തെ 23 വ​ർ​ഷം ജ​യി​ലി​ൽ കി​ട​ന്ന​ശേ​ഷം രാ​ജ​സ്​​ഥാ​ൻ ഹൈ​കോ​ട​തി വെ​റു​തെ​വി​ട്ട ആ​റു​പേ​ർ​ക്ക്​ ഭ​ര​ണ​ഘ​ട​നാ​ദ​ത്ത​മാ​യ മൗ​ലി​കാ​വ​കാ​ശം നി​ഷേ​ധി​ക്ക​പ്പെ​ട്ട​തി​ന്​ ഒ​രാ​ൾ​പോ​ലും ഉ​ത്ത​ര​വാ​ദി​യാ​യി​ല്ലെ​ന്ന്​ ജ​സ്​​റ്റി​സ്​ ലോ​കു​ർ ചൂ​ണ്ടി​ക്കാ​ട്ടു​ന്നു. ക​ള്ള​ക്കേ​സെ​ടു​ത്ത്​ ആ​രു​ടെ​യും ജീ​വി​തം ത​ക​ർ​ക്കാ​ൻ പൊ​ലീ​സി​ന്​ എ​ളു​പ്പ​മാ​ണെ​ന്ന്​ വ​ന്നി​രി​ക്കു​ന്നു. ജാ​മ്യം അ​നു​വ​ദി​ക്കു​ന്ന​തി​ലെ വ​ർ​ഗീ​യ വി​വേ​ച​ന​മാ​ണ്​ മ​റ്റൊ​രു പ്ര​ശ്​​നം. സ​മു​ദാ​യം നോ​ക്കി പൊ​ലീ​സ്​ ജാ​മ്യ​പേ​ക്ഷ​ക​ളെ അ​നു​കൂ​ലി​ക്കു​ക​യോ എ​തി​ർ​ക്കു​ക​യോ ചെ​യ്യു​ന്ന അ​നേ​കം ഉ​ദാ​ഹ​ര​ണ​ങ്ങ​ളു​ണ്ട്. ഇ​വി​ടെ​യും കോ​ട​തി കാ​ഴ്​​ച​ക്കാ​ര​ൻ മാ​ത്രം. ഏ​റെ​ക്കാ​ലം ജ​യി​ലി​ലു​ള്ള​വ​ർ​ക്ക്​ ജാ​മ്യം ന​ൽ​കു​ന്ന കാ​ര്യം സു​പ്രീം​കോ​ട​തി പ​രി​ശോ​ധി​ക്കു​ന്നു​ണ്ട്​; ജാ​മ്യ​നി​ർ​ണ​യ​ത്തി​ൽ പൊ​ലീ​സി​െ​ൻ​റ ക​ള്ള​ക്ക​ളി​ക​ളും പ​രി​ശോ​ധി​ക്കേ​ണ്ട​താ​ണ്. സ്വ​ത​ന്ത്ര ജു​ഡീ​ഷ്യ​റി എ​ന്ന പ​ദ​വി തി​രി​ച്ചു​പി​ടി​ക്കാ​ൻ സു​പ്രീം​കോ​ട​തി​ക്ക്​ ക​ഴി​യു​മെ​ന്ന്​ രാ​ജ്യം പ്ര​തീ​ക്ഷി​ക്കു​ന്നു.

Show Full Article
TAGS:editorial madhyamam editorial 
News Summary - judiciary seeks purification
Next Story