ജോലി ദുഃഖമാണുണ്ണീ യൂനിയനല്ലോ സുഖപ്രദം

കൊ​ല്ലം ജി​ല്ല​യി​ലെ പു​ന​ലൂ​ർ കെ.​എ​സ്.​ആ​ർ.​ടി.​സി ഡി​പ്പോ​യി​ൽ ഇ​ന്ന​ലെ​യു​ണ്ടാ​യ (ബു​ധ​നാ​ഴ്ച) സം​ഭ​വം കൗ​തു​ക​ക​ര​മാ​ണ്. സി.​പി.​എം അ​നു​ഭാ​വ േട്ര​ഡ് യൂ​നി​യ​നാ​യ സി.​ഐ.​ടി.​യു​വി​ൽ അ​ഫി​ലി​യേ​റ്റ് ചെ​യ്ത  കെ.​എ​സ്.​ആ​ർ.​ടി.​സി എം​പ്ലോ​യീ​സ്​ അ​സോ​സി​യേ​ഷ​​െൻറ യൂ​നി​റ്റ് സ​മ്മേ​ള​ന​മാ​യി​രു​ന്നു ഇ​ന്ന​ലെ. സ​മ്മേ​ള​നം ഗം​ഭീ​ര​മാ​യി ന​ട​ത്തു​ന്ന​തി​​െൻറ ഭാ​ഗ​മാ​യി ജീ​വ​ന​ക്കാ​ർ കൂ​ട്ട​ത്തോ​ടെ അ​വ​ധി​യെ​ടു​ത്തു. ആ ​ഒ​രൊ​റ്റ ഡി​പ്പോ​യി​ൽ ഇ​രു​പ​തി​ല​ധി​കം സ​ർ​വി​സു​ക​ളാ​ണ്  മു​ട​ങ്ങി​യ​ത്. ഫ​ലം, പ്ര​ധാ​ന​മാ​യും കെ.​എ​സ്.​ആ​ർ.​ടി.​സി ബ​സു​ക​ളെ മാ​ത്രം ആ​ശ്ര​യി​ക്കു​ന്ന ആ ​മേ​ഖ​ല​യി​ലെ യാ​ത്ര​ക്കാ​ർ ന​ടു​റോ​ഡി​ൽ. കെ.​എ​സ്.​ആ​ർ.​ടി.​സി​യെ സാ​മ്പ​ത്തി​ക​ഞെ​രു​ക്ക​ത്തി​ൽ​നി​ന്ന് ര​ക്ഷി​ക്കാ​ൻ സം​സ്​​ഥാ​ന ധ​ന​വ​കു​പ്പ് 130 കോ​ടി​യു​ടെ ആ​ശ്വാ​സ പാ​ക്കേ​ജ് പ്ര​ഖ്യാ​പി​ച്ച​തി​​െൻറ തൊ​ട്ട​ടു​ത്ത ദി​വ​സ​മാ​ണ് ഭ​ര​ണ​ക​ക്ഷി​യു​ടെ നി​യ​ന്ത്ര​ണ​ത്തി​ലു​ള്ള തൊ​ഴി​ലാ​ളി യൂ​നി​യ​ൻ സ്​​ഥാ​പ​ന​ത്തെ ത​ക​ർ​ക്കു​ന്ന​തും ജ​ന​ങ്ങ​ളെ ബു​ദ്ധി​മു​ട്ടി​ക്കു​ന്ന​തു​മാ​യ ഈ ​ന​ട​പ​ടി സ്വീ​ക​രി​ച്ച​ത്.

ക​ഴി​ഞ്ഞ മാ​ർ​ച്ചി​ൽ, ഇ​തേ പു​ന​ലൂ​ർ ഡി​പ്പോ​യി​ൽ​ത​ന്നെ ഇ​തേ സി.​ഐ.​ടി.​യു യൂ​നി​യ​​െൻറ മീ​റ്റി​ങ്ങി​ൽ പ​ങ്കെ​ടു​ക്കാ​ൻ​വേ​ണ്ടി അ​വ​ധി​യെ​ടു​ത്ത തൊ​ഴി​ലാ​ളി നേ​താ​ക്ക​ൾ അ​ടു​ത്ത ദി​വ​സം ഹാ​ജ​ർ രേ​ഖ​പ്പെ​ടു​ത്തി​യ​ത് വാ​ർ​ത്ത​യും വി​വാ​ദ​വു​മാ​യി​രു​ന്നു. ക​ഴി​ഞ്ഞ ഏ​പ്രി​ൽ 30ന്  ​പു​ന​ലൂ​ർ ഡി​പ്പോ​യി​ൽ സി.​ഐ.​ടി.​യു യൂ​നി​യ​​െൻറ ജ​ന​റ​ൽ ബോ​ഡി മീ​റ്റി​ങ്ങി​​െൻറ ഭാ​ഗ​മാ​യി 26 സ​ർ​വി​സു​ക​ളാ​ണ് മു​ട​ങ്ങി​യ​ത്. കൊ​ല്ലം ജി​ല്ല​യി​ലെ​ത​ന്നെ ചാ​ത്ത​ന്നൂ​ർ ഡി​പ്പോ​യി​ൽ ക​ഴി​ഞ്ഞ വ​ർ​ഷം സി.​ഐ.​ടി.​യു യൂ​നി​യ​​െൻറ സ​മ്മേ​ള​ന​ത്തി​​െൻറ ഭാ​ഗ​മാ​യി ജീ​വ​ന​ക്കാ​ർ കൂ​ട്ട അ​വ​ധി​യെ​ടു​ത്ത​തി​നെ തു​ട​ർ​ന്ന് 45 സ​ർ​വി​സു​ക​ൾ റ​ദ്ദാ​യ സം​ഭ​വ​മു​ണ്ടാ​യി​രു​ന്നു. ഇ​ത് റി​പ്പോ​ർ​ട്ട് ചെ​യ്ത ദൃ​ശ്യ​മാ​ധ്യ​മ​പ്ര​വ​ർ​ത്ത​ക​നെ ആ​ക്ര​മി​ച്ചു​കൊ​ണ്ടാ​ണ് തൊ​ഴി​ലാ​ളി യൂ​നി​യ​ൻ ‘പൊ​തു​മേ​ഖ​ല സ്​​നേ​ഹം’ പ്ര​ക​ടി​പ്പി​ച്ച​ത്! ഇ​ത് കൊ​ല്ലം ജി​ല്ല​യി​ലോ സി.​ഐ.​ടി.​യു നേ​തൃ​ത്വ​ത്തി​ലോ മാ​ത്രം സം​ഭ​വി​ക്കു​ന്ന കാ​ര്യ​മ​ല്ല. ഏ​റി​യോ കു​റ​ഞ്ഞോ അ​ള​വി​ൽ ഏ​താ​ണ്ടെ​ല്ലാ യൂ​നി​യ​നു​ക​ളും ഈ ​മ​ട്ടി​ലാ​ണ് ത​ങ്ങ​ളു​ടെ മ​ഹ​ത്താ​യ ‘തൊ​ഴി​ലാ​ളി​ക്ഷേ​മ പ്ര​വ​ർ​ത്ത​ന​ങ്ങ​ൾ’ മു​ന്നോ​ട്ടു​കൊ​ണ്ടു​പോ​വു​ന്ന​ത്. അ​വ​ധി​യെ​ടു​ക്കു​ക​യെ​ന്ന​ത് തൊ​ഴി​ലാ​ളി​യു​ടെ വ്യ​ക്​​തി​പ​ര​മാ​യ സ്വാ​ത​ന്ത്ര്യ​മാ​ണ്. പ​ക്ഷേ, ഒ​രു പ്ര​ത്യേ​ക ദി​വ​സം പ്ര​ത്യേ​ക ഡി​പ്പോ​യി​ൽ​നി​ന്ന് ആ​ളു​ക​ൾ കൂ​ട്ട​ത്തോ​ടെ അ​വ​ധി​യെ​ടു​ക്കു​മ്പോ​ൾ അ​ത് സ്​​ഥാ​പ​ന​ത്തി​​െൻറ പ്ര​വ​ർ​ത്ത​ന​ത്തെ ബാ​ധി​ക്കു​മെ​ന്ന​തി​നാ​ൽ അ​വ​ധി നി​ര​സി​ക്കാ​നും ദൈ​നം​ദി​ന​പ്ര​വ​ർ​ത്ത​ന​ത്തെ ബാ​ധി​ക്കാ​തി​രി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്കാ​നും മേ​ലു​ദ്യോ​ഗ​സ്​​ഥ​ർ​ക്ക് ഉ​ത്ത​ര​വാ​ദി​ത്ത​മു​ണ്ട്. എ​ന്നാ​ൽ, അ​ങ്ങ​നെ ഉ​ത്ത​ര​വാ​ദി​ത്ത​ബോ​ധ​ത്തോ​ടെ ക​ട​മ നി​ർ​വ​ഹി​ക്കാ​നും അ​വ​ധി നി​ഷേ​ധി​ക്കാ​നും മേ​ലു​ദ്യോ​ഗ​സ്​​ഥ​ർ​ക്ക് സാ​ധി​ക്കാ​ത്ത​വി​ധം ഭീ​ക​ര​മാ​ണ് പൊ​തു​മേ​ഖ​ല സ്​​ഥാ​പ​ന​ങ്ങ​ളി​ലെ യൂ​നി​യ​ൻ ആ​ധി​പ​ത്യം. ഇ​ട​തു​പ​ക്ഷം ഭ​രി​ക്കു​മ്പോ​ൾ സി.​ഐ.​ടി.​യു​ക്കാ​രെ മു​ഷി​പ്പി​ക്കു​ന്ന തീ​രു​മാ​ന​മെ​ടു​ക്കാ​ൻ ഒ​രു ഉ​ദ്യോ​ഗ​സ്​​ഥ​നും ധൈ​ര്യം വ​രി​ല്ല എ​ന്ന​ത് ല​ളി​ത​മാ​യ കാ​ര്യം. അ​തി​നി​ട​യി​ൽ ജ​ന​ങ്ങ​ൾ ബു​ദ്ധി​മു​ട്ടി​ലാ​കു​ന്ന​തോ സ്​​ഥാ​പ​ന​ത്തി​ന് ല​ക്ഷ​ങ്ങ​ളു​ടെ ന​ഷ്​​ടം വ​രു​ന്ന​തോ പ​രി​ഗ​ണ​നാ​വി​ഷ​യ​മേ ആ​വു​ന്നി​ല്ല.

 കെ.​എ​സ്.​ആ​ർ.​ടി.​സി​യെ മെ​ച്ച​പ്പെ​ടു​ത്തു​ക​യെ​ന്ന​ത് എ​ൽ.​ഡി.​എ​ഫ് സ​ർ​ക്കാ​റി​​െൻറ ന​യ​മാ​ണ്. മൂ​ന്നു വ​ർ​ഷ​ത്തി​നു​ള്ളി​ൽ സ്​​ഥാ​പ​ന​ത്തെ ലാ​ഭ​ത്തി​ലാ​ക്കു​ന്ന ത​ര​ത്തി​ൽ പു​ന​രു​ദ്ധാ​ര​ണ പ​ദ്ധ​തി​ക​ൾ ന​ട​പ്പാ​ക്കു​മെ​ന്നാ​ണ് ധ​ന​മ​ന്ത്രി തോ​മ​സ്​ ഐ​സ​ക് പ്ര​സ്​​താ​വി​ച്ച​ത്. കൊ​ൽ​ക്ക​ത്ത ഇ​ന്ത്യ​ൻ ഇ​ൻ​സ്​​റ്റി​റ്റ്യൂ​ട്ട് ഓ​ഫ് മാ​നേ​ജ്മ​െൻറി​ലെ പ്ര​ഫ. സു​ശീ​ൽ ഖ​ന്ന​യെ പു​ന​രു​ദ്ധാ​ര​ണ പാ​ക്കേ​ജ് സ​മ​ർ​പ്പി​ക്കാ​നാ​യി നി​യോ​ഗി​ക്കു​ക​യും ചെ​യ്തി​ട്ടു​ണ്ട്. 2016 ഡി​സം​ബ​ർ അ​വ​സാ​ന​ത്തോ​ടെ റി​പ്പോ​ർ​ട്ട് സ​മ​ർ​പ്പി​ക്കു​മെ​ന്നാ​ണ് പ​റ​ഞ്ഞി​രു​ന്ന​തെ​ങ്കി​ലും അ​ന്തി​മ റി​പ്പോ​ർ​ട്ട് ഇ​തു​വ​രെ​യും വ​ന്നി​ട്ടി​ല്ല. കെ.​എ​സ്.​ആ​ർ.​ടി.​സി​യെ ര​ക്ഷ​പ്പെ​ടു​ത്താ​ൻ സ​മ​ർ​പ്പി​ക്ക​പ്പെ​ട്ട റി​പ്പോ​ർ​ട്ടു​ക​ൾ തൂ​ക്കി​വി​റ്റാ​ൽ​ത​ന്നെ വ​ൻ​തു​ക ല​ഭി​ക്കു​മെ​ന്നാ​ണ് ദോ​ഷൈ​ക​ദൃ​ക്കു​ക​ൾ പ​രി​ഹാ​സ​വാ​ക്ക് പ​റ​യാ​റു​ള്ള​ത്.  സു​ശീ​ൽ ഖ​ന്ന എ​ന്ത് മാ​ന്ത്രി​ക​വി​ദ്യ​യാ​ണ് മു​ന്നോ​ട്ടു​വെ​ക്കാ​ൻ പോ​കു​ന്ന​തെ​ന്നും എ​ന്തു ന​ട​പ​ടി​യാ​ണ് സ​ർ​ക്കാ​ർ സ്വീ​ക​രി​ക്കാ​ൻ പോ​കു​ന്ന​തെ​ന്ന​തും കാ​ത്തി​രു​ന്ന്​ കാ​ണേ​ണ്ട​താ​ണ്. 

എ​ന്തു​ത​ന്നെ​യാ​യാ​ലും കെ.​എ​സ്.​ആ​ർ.​ടി.​സി ഇ​ന്ന് ഒ​ട്ടും ജ​ന​പ്രി​യ​മാ​യ സ്​​ഥാ​പ​ന​മ​ല്ല. അ​തി​നെ ഇ​ങ്ങ​നെ​യാ​ക്കു​ന്ന​തി​ൽ മാ​റി​മാ​റി​വ​ന്ന സ​ർ​ക്കാ​റു​ക​ൾ​ക്കെ​ന്ന​പോ​ലെ തൊ​ഴി​ലാ​ളി യൂ​നി​യ​നു​ക​ൾ​ക്കും ന​ല്ല പ​ങ്കു​ണ്ട്. ബ​സു​ക​ളു​ടെ എ​ണ്ണ​വും ജീ​വ​ന​ക്കാ​രു​ടെ അ​നു​പാ​ത​വും എ​ടു​ത്താ​ൽ ഏ​റ്റ​വും ഉ​യ​ർ​ന്ന ദേ​ശീ​യ ശ​രാ​ശ​രി കെ.​എ​സ്.​ആ​ർ.​ടി.​സി​യു​ടേ​താ​ണ്. താ​ൽ​ക്കാ​ലി​ക ജീ​വ​ന​ക്കാ​രെ​ക്കൂ​ടി പ​രി​ഗ​ണി​ച്ചാ​ൽ ഒ​രു ബ​സി​ന് ഒ​മ്പ​ത് ജീ​വ​ന​ക്കാ​രാ​ണു​ള്ള​ത്. എ​ന്നി​ട്ടും ര​ണ്ടാ​ളെ​വെ​ച്ച് ഓ​ടി​ക്കു​ന്ന സ്വ​കാ​ര്യ ബ​സു​കാ​ർ ന​ൽ​കു​ന്ന സേ​വ​ന​ത്തി​​െൻറ പ​കു​തി​പോ​ലും ന​ൽ​കാ​ൻ അ​വ​ർ​ക്കാ​വു​ന്നി​ല്ല. ജീ​വ​ന​ക്കാ​രു​ടെ സം​ഘ​ട​ന​ക​ൾ​ക്ക് അ​തി​നാ​ൽ​ത​ന്നെ ഇ​ക്കാ​ര്യ​ത്തി​ൽ വ​ലി​യ ഉ​ത്ത​ര​വാ​ദി​ത്ത​മു​ണ്ട്. സി.​പി.​എം അ​നു​കൂ​ല േട്ര​ഡ് യൂ​നി​യ​നാ​ണ് സ്​​ഥാ​പ​ന​ത്തി​ലെ ഏ​റ്റ​വും പ്ര​ബ​ല സം​ഘ​ട​ന. സി.​പി.​എം നേ​തൃ​ത്വ​ത്തി​ലു​ള്ള സ​ർ​ക്കാ​ർ അ​ധി​കാ​ര​ത്തി​ലി​രി​ക്കെ, അ​വ​രു​ടെ േട്ര​ഡ് യൂ​നി​യ​ന് ആ​ധി​പ​ത്യ​മു​ള്ള ഒ​രു പൊ​തു​മേ​ഖ​ല സ്​​ഥാ​പ​ന​ത്തെ ര​ക്ഷ​പ്പെ​ടു​ത്താ​ൻ അ​വ​ർ അ​ൽ​പം ക​വി​ഞ്ഞ ഉ​ത്ത​ര​വാ​ദി​ത്തം കാ​ണി​ക്കേ​ണ്ട​താ​യി​രു​ന്നു. അ​തു​ണ്ടാ​വു​ന്നി​ല്ലെ​ന്ന് മാ​ത്ര​മ​ല്ല, സ്​​ഥാ​പ​ന​ത്തെ ത​ക​ർ​ക്കു​ക​യും ജ​ന​ങ്ങ​ളെ ക​ഷ്​​ട​പ്പെ​ടു​ത്തു​ക​യും ചെ​യ്യു​ന്ന​തി​ലാ​ണ് അ​വ​ർ​ക്ക് താ​ൽ​പ​ര്യം എ​ന്നാ​ണ് തോ​ന്നു​ന്ന​ത്.