Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_rightല​ജ്ജാ​ക​രം ഈ...

ല​ജ്ജാ​ക​രം ഈ ​പ​ങ്കു​വെ​പ്പ്​ പ​രി​പാ​ടി

text_fields
bookmark_border
ല​ജ്ജാ​ക​രം ഈ ​പ​ങ്കു​വെ​പ്പ്​ പ​രി​പാ​ടി
cancel




കോ​​ട്ട​യം ജി​ല്ല​യി​ലെ ക​റു​ക​ച്ചാ​ൽ സ്വ​ദേ​ശി​യാ​യ യു​വ​തി​യു​ടെ പ​രാ​തി​യെ തു​ട​ർ​ന്ന്​ ഭ​ർ​ത്താ​വ​ട​ക്കം ആ​റു പേ​രെ ​പൊ​ലീ​സ്​ അ​റ​സ്റ്റ്​ ചെ​യ്ത്​ കേ​സ​ന്വേ​ഷ​ണ​വു​മാ​യി മു​ന്നോ​ട്ടു​പോ​വു​ക​യാ​ണെ​ന്ന വാ​ർ​ത്ത കേ​ര​ള​ത്തി​ന്‍റെ സാം​സ്കാ​രി​ക സ​ദാ​ചാ​ര ജീ​വി​തം അ​ധഃ​പ​ത​ന​ത്തി​ന്‍റെ പ​ടു​കു​ഴി​യി​ലെ​ത്തു​ന്ന​തി​ന്‍റെ നേ​ർ​സാ​ക്ഷ്യ​മാ​ണ്​ ന​ൽ​കു​ന്ന​ത്. സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പ​ങ്കാ​ളി​ക​ളെ കൈ​മാ​റു​ന്ന ല​ജ്ജാ​ക​ര​മാ​യ ഏ​ർ​പ്പാ​ടി​ൽ ആ​യി​ര​ക്ക​ണ​ക്കി​ന്​ കു​ടും​ബ​ങ്ങ​ൾ ബ​ന്ധ​പ്പെ​ട്ടതി​ന്‍റെ ചു​രു​ളു​ക​ളാണ്​ അ​ഴി​ഞ്ഞു​കൊ​ണ്ടി​രി​ക്കു​ന്ന​ത്. സു​ദീ​ർ​ഘ​മാ​യ പ്ര​ണ​യ​ബ​ന്ധ​ത്തി​നു​ശേ​ഷം വി​വാ​ഹി​ത​യാ​യ യു​വ​തി പെ​ൺ​കു​ഞ്ഞ്​ ജ​നി​ച്ച്​ മൂ​ന്നു വ​ർ​ഷം പി​ന്നി​ട്ട​ശേ​ഷ​മാ​ണ്​ ഭ​ർ​ത്താ​വി​ന്‍റെ നി​ർ​ബ​ന്ധംമൂ​ലം കപ്പി​​ൾ​സ്​ മീ​റ്റ്​ എ​ന്ന സ്വാ​പി​ങ്​ കെ​ണി​യി​ൽ അ​ക​പ്പെ​ട്ട​തെ​ന്ന്​ പ​രാ​തി​യി​ൽ പ​റ​യു​ന്നു.

ഭാ​ര്യ​മാ​രെ പ​ര​സ്പ​രം പ​ങ്കു​വെ​ക്കു​ന്ന പാ​ശ്ചാ​ത്യ സം​സ്കാ​രം സമൂ​ഹമാ​ധ്യ​മ​ങ്ങ​ൾ വ​ഴി കേ​ര​ള​ത്തി​ലും അ​തി​വേ​ഗം പ്ര​ച​രി​ക്കു​ക​യാ​ണെ​ന്ന്​ പ്രാ​ഥ​മി​കാ​ന്വേ​ഷ​ണ​ത്തി​ൽ പൊ​ലീ​സ്​ ക​ണ്ടെ​ത്തി​യി​ട്ടു​ണ്ട്. ബ​ലാ​ത്സം​ഗ​ത്തി​ന്‍റെ​യും പ്ര​കൃ​തി​വി​രു​ദ്ധ ലൈം​ഗി​കപീ​ഡ​ന​ങ്ങ​ളു​ടെ​യും ദു​ര​നു​ഭ​വ​ങ്ങ​ൾ സ​ഹി​ക്കാ​വു​ന്ന​തി​ല​പ്പു​റം ക​ട​ന്ന​പ്പോ​ഴാ​ണ്​ പ​രാ​തി​ക്കാ​രി​ക്ക്​ സ്വ​സ​ഹോ​ദ​ര​നോ​ടൊ​പ്പം പൊ​ലീ​സി​നെ സ​മീ​പി​ക്കേ​ണ്ടി​വ​ന്ന​ത്. പ​ക​ര​ക്കാ​രി​യെ അ​നു​ഭ​വി​ക്കാ​നു​ള്ള അ​വ​സ​രം മാ​ത്ര​മ​ല്ല, പ​ണ​വും ല​ഭി​ക്കു​ന്നു​വെ​ന്ന​താ​ണ​ത്രെ ഈ ​അ​റുവ​ഷ​ള​ൻ ഏ​ർ​പ്പാ​ടി​ന്​ ഭ​ർ​ത്താ​വെ​ന്നു​ പ​റ​യു​ന്ന ന​രാ​ധ​മ​ന്​ പ്രേ​ര​ണ​യാ​യ​ത്.

പ​ങ്കാ​ളി​ക​ളെ കൈ​മാ​റു​ന്ന​ത്​ വി​രു​ന്നി​നെ​ന്ന​പേ​രി​ൽ വീ​ടു​ക​ളി​ലെ​ത്തി​യ ​ശേ​ഷ​മാ​ണെ​ന്നും സ​കു​ടും​ബം എ​ത്തു​ന്ന​വ​രെ കു​ടും​ബസു​ഹൃ​ത്തു​ക്ക​ളെ​ന്നാ​ണ്​ അ​യ​ൽ​ക്കാ​ർ​ക്ക്​ പ​രി​ച​യ​പ്പെ​ടു​ത്തു​ന്ന​െതന്നും വാ​ർ​ത്ത​ക​ളി​ൽ പ​റ​യു​ന്നു. ആ​ഴ്ച​ക​ളു​ടെ​യും മാ​സ​ങ്ങ​ളു​ടെ​യും ഇ​ട​വേ​ള​ക​ളി​ൽ ഇ​ത്ത​രം വി​രു​ന്നു​ക​ൾ സം​ഘ​ടി​പ്പി​ക്കാ​റു​ണ്ട​ത്രെ. നി​ല​വി​ൽ ക​ണ്ടെ​ത്തി​യ സം​ഘം ര​ണ്ടു വ​ർ​ഷ​ത്തി​ല​ധി​ക​മാ​യി ഈ ​രം​ഗ​ത്ത്​ സ​ജീ​വ​മാ​ണെ​ന്ന്​ പൊ​ലീ​സ്​ ക​ണ്ടെ​ത്തി​യി​ട്ടു​ണ്ട്. സ​മൂ​ഹമാ​ധ്യ​മ​ങ്ങ​ളി​ലൂ​ടെ​യാ​ണ്​ സ്വാ​പി​ങ്​ ഗ്രൂ​പ്പു​ക​ളി​ൽ ആ​ളു​ക​ളെ ക​ണ്ടെ​ത്തു​ന്ന​തും ചേ​ർ​ക്കു​ന്ന​തും.

സം​ഘ​ത്തി​ൽ എ​ല്ലാ ജി​ല്ല​ക​ളി​ൽ​നി​ന്നു​ള്ള​വ​രു​ം പ്ര​വാ​സി​ക​ളും അം​ഗ​ങ്ങ​ളാ​ണ്. ന​ടേ​സൂ​ചി​പ്പി​ച്ച യു​വ​തി​യു​ടെ പ​രാ​തി​യി​ൽ പി​ടി​യി​ലാ​യ ഭ​ർ​ത്താ​വ്​ ദു​ബൈ​യി​ൽനി​ന്നെ​ത്തി​യശേ​ഷ​മാ​ണ്​ ഏ​ർ​പ്പാ​ട്​ തു​ട​ങ്ങി​യ​ത്. ഡോ​ക്ട​ർ​മാ​ർ, അ​ഭി​ഭാ​ഷ​ക​ർ തു​ട​ങ്ങി​യ മേ​ൽ​ത്ത​ട്ടി​ലു​ള്ള​വ​രും സം​ഘ​ത്തി​ൽ സ​ജീ​വ​മാ​ണ്. നി​ല​വി​ൽ 25 പേ​ർ ക​റു​ക​ച്ചാ​ൽ പൊ​ലീ​സി​ന്‍റെ നി​രീ​ക്ഷ​ണ​ത്തി​ലാ​ണ്​. കേ​സ​ന്വേ​ഷ​ണം എ​ത്ര കാ​ര്യ​ക്ഷ​മ​മാ​യാലും നി​ല​വി​ലെ നി​യ​മ​ങ്ങ​ളി​ൽ കു​റ്റ​വാ​ളി​ക​ൾ​ക്ക്​ ര​ക്ഷ​പ്പെ​ടാ​നു​ള്ള പ​ഴുതു​ക​ൾ വേ​ണ്ട​ത്ര​യു​ണ്ട്. പ്രാ​യ​പൂ​ർ​ത്തി​വ​ന്ന സ്ത്രീ-​പു​രു​ഷ​ന്മാ​ർ ഉ​ഭ​യ​ക​ക്ഷിസ​മ്മ​ത​ത്തോ​ടെ ഏ​ർ​പ്പെ​ടു​ന്ന ലൈം​ഗി​കബ​ന്ധം ഇ​ന്ത്യ​യി​ൽ കു​റ്റ​മ​ല്ലെ​ന്ന​തു​ത​ന്നെ ഒ​ന്നാ​മ​ത്തെ ത​ട​സ്സം.

ബ​ല​പ്ര​യോ​ഗം ന​ട​ന്നു എ​ന്ന്​ തെ​ളി​യി​ക്കു​ക അ​ങ്ങേ​യ​റ്റം ശ്രമ​ക​ര​മാ​ണു​താ​നും. രാ​ഷ്ട്രീ​യ​വും സാ​മ്പ​ത്തി​ക​വു​മാ​യ സ്വാ​ധീ​ന​മു​പ​യോ​ഗി​ച്ച്​ പ്ര​തി​ക​ൾ ര​ക്ഷ​പ്പെ​ടു​ന്ന​തും സാ​ധാ​ര​ണ സം​ഭ​വം മാ​ത്രം. വ​ർ​ഷ​ങ്ങ​ളോ​ളം നീ​ണ്ട പീ​ഡ​നം സ​ഹ​ന​ത്തി​ന്‍റെ എ​ല്ലാ സീ​മ​ക​ളും ലം​ഘി​ച്ച​പ്പോ​ഴാ​ണ്​ താ​ൻ പ​രാ​തി​പ്പെ​ടേ​ണ്ടിവ​ന്ന​തെ​ന്ന്​ ക​റു​ക​ച്ചാ​ലി​ലെ യു​വ​തി തു​റ​ന്നു​പ​റ​യു​ന്ന​ത്​ ശ്ര​ദ്ധേ​യ​മാ​ണ്. സ​ർ​വോ​പ​രി ഇ​പ്പോ​ൾ പ​ങ്കി​ട​ൽ പ​രി​പാ​ടി അ​നാ​വ​ര​ണം ചെ​യ്യ​പ്പെ​ട്ടി​രി​ക്കെ അ​തി​ൽ പ​ങ്കാ​ളി​ക​ളാ​കാ​ൻ വ​ഴി​യ​ന്വേ​ഷി​ച്ച്​ പു​റ​പ്പെ​ടു​ന്ന​വ​രും ഒ​ട്ടും കു​റ​വാ​കാ​നി​ട​യി​ല്ല.

വി​ദ്യാ​ഭ്യാ​സ​പ​ര​മാ​യും സാം​സ്കാ​രി​ക​മാ​യും രാ​ജ്യ​ത്തേ​റ്റ​വും മു​ൻ​നി​ര​യി​ലെ​ത്തി​യ കേ​ര​ള​ത്തി​ന്‍റെ നൈ​തി​ക-​ധാ​ർ​മി​ക പു​റം​തോ​ട്​ തീ​ർ​ത്തും പാ​പ്പ​രാ​ണെ​ന്ന​താ​ണ്​ യ​ഥാ​ർ​ഥ പ്ര​ശ്നം. മ​തോ​പ​ദേ​ശി​ക​ളും മ​ത​സം​ഘ​ട​ന​ക​ളും സ്ഥാ​പ​ന​ങ്ങ​ളും മ​റ്റ്​ ഏ​തു​ സം​സ്ഥാ​ന​ത്തേ​ക്കാ​ളും ഒ​രു​വേ​ള കൂ​ടു​ത​ലാ​ണെ​ങ്കി​ലും യു​വ​ത​ല​മു​റ​ക​ളി​ൽ ധാ​ർ​മി​ക സ്വാ​ധീ​നം അ​തീ​വ ദു​ർ​ബ​ല​മാ​ണെ​ന്ന സ​ത്യം നി​ഷേ​ധി​ച്ചി​ട്ട്​ കാ​ര്യ​മി​ല്ല. പ്ര​വാ​സി​ക​ളി​ലൂ​ടെ ഒ​ഴു​കു​ന്ന പ​ണ​വും വി​ക​സ​നനേ​ട്ട​ങ്ങ​ളു​മെ​ല്ലാം വി​ക​സി​ത രാ​ഷ്​​​ട്ര​ങ്ങ​ളോ​ടൊ​പ്പ​മെത്തി​ച്ചി​രി​ക്കാ​മെ​ങ്കി​ലും ജീ​വി​ത സം​ശു​ദ്ധി​യും മാ​ന​വി​കബോ​ധ​വും ക​ള​ഞ്ഞു​കു​ളി​ച്ചാ​ണ്​ മ​ല​യാ​ളി​സ​മൂ​ഹം മു​ന്നേ​റു​ന്ന​ത്.

പു​രോ​ഗ​മ​ന​ത്തി​ന്‍റെ​യും പ​രി​ഷ്കാ​ര​ത്തി​ന്‍റെ​യും പേ​രി​ലെ നാ​ട്യ​ങ്ങ​ൾ എ​ല്ലാ പ​രി​ധി​ക​ളെ​യും വി​ല​ക്കു​ക​ളെ​യും മ​റി​ക​ട​ന്ന്​ അ​രാ​ജ​ക​ജീ​വി​തം ന​യി​ക്കാ​നു​ള്ള തൃ​ഷ്ണ​യും താ​ൽ​പ​ര്യ​വും കേ​ര​ളീ​യ സ​മൂ​ഹ​ത്തി​ൽ അ​പ​ക​ട​ക​ര​മാം​വി​ധം ശ​ക്തി​പ്പെ​ടു​ക​യാ​ണെ​ന്ന യാ​ഥാ​ർ​ഥ്യം ക​ണ്ടി​ല്ലെ​ന്നു ന​ടി​ച്ചി​ട്ട്​ കാ​ര്യ​മി​ല്ല. സമൂ​ഹമാ​ധ്യ​മ​ങ്ങ​ളു​ടെ അ​പ്ര​തി​ഹ​ത​മാ​യ ക​ട​ന്നു​ക​യ​റ്റം ഈ ​പ്ര​ക്രി​യ​യെ ത്വ​രി​ത​പ്പെ​ടു​ത്തു​ന്നു​മു​ണ്ട്. നാ​സ്തി​ക​ത​യും മൂ​ല്യ​നി​രാ​സ​വും സ​ർ​വ​ത​ന്ത്ര സ്വ​ത​ന്ത്ര​ചി​ന്ത​യും എ​ല്ലാം ചേ​ർ​ന്ന്​ സൃ​ഷ്ടി​ക്കു​ന്ന വി​ഷ​മ​വൃ​ത്ത​ത്തി​ൽ​നി​ന്ന്​ പു​റ​ത്തു​ക​ട​ക്കാ​ൻ ഉ​ന്ന​ത വി​ദ്യാ​ഭ്യാ​സം നേ​ടി​യ​വ​ർ​ക്കു​പോ​ലും സാ​ധ്യ​മാ​വാ​തെ വ​രു​ക​യാ​ണ്.

ത​ങ്ങ​ൾ യാ​ഥാ​സ്ഥി​തി​ക​രും പി​ന്തി​രി​പ്പ​ന്മാ​രും പ​രി​ഷ്കൃ​ത സ​മൂ​ഹ​ത്തോ​ടൊ​പ്പം ച​ലി​ക്കാ​ൻ അ​യോ​ഗ്യ​രു​മാ​യി മു​ദ്ര​കു​ത്ത​പ്പെ​ടു​മോ എ​ന്ന ഭീ​തി​യും അ​പ​ക​ർ​ഷ​ബോ​ധ​വു​മാ​ണ്​ വ​ലി​യൊ​രു വി​ഭാ​ഗ​ത്തെ ന​യി​ക്കു​ന്ന​ത്. വ​ൻ പു​രോ​ഗ​മ​ന​വും സ്വാ​ധീ​ന​വും വി​പ്ല​വവീര്യവും അ​വ​കാ​​ശ​പ്പെ​ടു​ന്ന വി​ദ്യാ​ർ​ഥി-​യു​വ​ജ​ന പ്ര​സ്ഥാ​ന​ങ്ങ​ൾ പൂ​ർണ ന​ഗ്​​ന​താചി​ത്ര​ങ്ങ​ൾ പ്ര​ദ​ർ​ശി​പ്പി​ച്ച്​ ന​വാ​ഗ​ത​രെ കാ​മ്പ​സു​ക​ളി​ലേ​ക്ക്​ സ്വാ​ഗ​തംചെ​യ്യു​ന്ന​ത്​ രോ​ഗ​മാ​യ​ല്ല, രോ​ഗ​ല​ക്ഷണ​മാ​യാ​ണ്​ കാ​ണേ​ണ്ട​ത്. മേ​മ്പൊ​ടി​യെ​ന്നോ​ണം ക​വ​ല​ക​ൾതോ​റും ബാ​ർ ഹോ​ട്ട​ലു​ക​ളും ല​ഹ​രി​വി​ൽ​പ​നകേ​ന്ദ്ര​ങ്ങ​ളും വ്യാ​പ​ക​മാ​യി​ക്കൊ​ണ്ടി​രി​ക്കു​ന്നു.

മ​ദ്യ​പ​ർ​ക്ക്​ സ്വ​സ്ഥ​മാ​യി​രു​ന്നു ല​ഹ​രി​സേ​വ ന​ട​ത്താ​ൻ വേ​ണ്ട​ത്ര സൗ​ക​ര്യ​മി​ല്ലാ​ത്ത​തി​ലാ​ണ്​ കോ​ട​തി​ക​ൾ​ക്കു​പോ​ലും കു​ണ്ഠി​തം! പ്ര​ശ്ന​ത്തി​ന്​ സ​ത്വ​ര പ​രി​ഹാ​രം കാ​ണാ​ൻ അ​ടി​യ​ന്ത​ര ന​ട​പ​ടി​ക​ളെ​ടു​ക്കു​ക​യാ​ണ്​ സ​ർ​ക്കാ​റും. വി​നാ​ശ​ക​ര​മാ​യ ഈ ​പോ​ക്കി​നെ​തി​രെ വി​ര​ൽ​ചൂ​ണ്ടു​ന്ന​വ​രെ 'മ​ത​മൗ​ലി​ക​വാ​ദി​ക​ളും തീ​വ്ര​വ​ർ​ഗീ​യ​വാ​ദി​ക​ളു​മാ​യി' മു​ദ്ര​കു​ത്തി സാ​മൂ​ഹി​ക അ​ക​ലം പാ​ലി​ക്ക​ണ​മെ​ന്ന നി​ര​ന്ത​ര ഉ​ദ്​​ബോ​ധ​ന​ങ്ങ​ളും മു​റ​ക്ക്​ ന​ട​ക്കു​ന്നു​ണ്ട്. പ​ക്ഷേ, സാം​സ്കാ​രി​ക​വും ധാ​ർ​മി​ക​വു​മാ​യ ഈ ​കൂ​ട്ട ആ​ത്മ​ഹ​ത്യ​ക്കെ​തി​രാ​യ ക​രു​ത​ലും പോ​രാ​ട്ട​വും എ​ന്തു വി​ല​കൊ​ടു​ത്തും മ​നു​ഷ്യസ്​​നേ​ഹി​ക​ൾ തു​ട​ര​ണ​മെ​ന്നേ സാ​മാ​ന്യ ബു​ദ്ധി​യു​ള്ള​വ​ർ​ക്ക്​ ചി​ന്തി​ക്കാ​നും പ​റ​യാ​നു​മാ​വൂ.


Show Full Article
TAGS:editorial madhyamam editorial Partner swapping 
News Summary - jan 12th editorial on partner swapping
Next Story