കെ-​റെ​യി​ൽ: ക​ന​ക്കു​ന്ന ആ​ശ​ങ്ക​ക​ൾ

നി​സ്സം​ശ​യം, കാ​ര്യ​ക്ഷ​മ​വും സു​ഗ​മ​വു​മാ​യ ക​ണ​ക്ടി​വി​റ്റി, മൊ​ബി​ലി​റ്റി സം​വി​ധാ​ന​ങ്ങ​ൾ നാ​ടി​ന്‍റെ വി​ക​സ​ന​ത്തി​ന് വ​ള​രെ അ​നി​വാ​ര്യ​മാ​ണ്. വേ​ഗത്തി​ലും എ​ളു​പ്പ​ത്തി​ലും വി​വ​രവി​നി​മ​യ​വും ച​ര​ക്കുകടത്തും സുഗമമായ സ​ഞ്ചാ​രസൗകര്യവും വി​ക​സ​ന​ത്തി​ന്‍റെ അ​ടി​സ്ഥാ​നോ​പാ​ധി​യാ​ണ്. അ​തു​കൊ​ണ്ടു​ത​ന്നെ, വരുംത​ല​മു​റ വി​ക​സ​ന​ത്തെക്കു​റി​ച്ച ഏ​ത് ആ​ലോ​ച​നയും ജ​ന​ങ്ങ​ളു​ടെ ച​ല​നാ​ത്മ​ക​ത (മൊ​ബി​ലി​റ്റി)​യി​ൽ കേ​ന്ദ്രീ​ക​രി​ക്കുക സ്വാഭാവികം. കേ​ര​ള​ത്തി​ലെ വി​ക​സ​ന​ത്തെക്കു​റി​ച്ചു​ള്ള ഏ​തു സം​വാ​ദ​വും യ​ഥാ​ർഥ​ത്തി​ൽ ആ​രം​ഭി​ക്കേ​ണ്ടി​യി​രു​ന്ന​ത് ലോ​ക​ത്തേ​ക്ക് പ​ട​രാ​നും ലോ​ക​ത്തെ ന​മ്മു​ടെ ദേ​ശ​ത്തി​ലേ​ക്ക് ചു​രു​ക്കാ​നും ക​ഴി​യു​ന്ന മൊ​ബി​ലി​റ്റി​യും ക​ണ​ക്ടി​വി​റ്റി​യും രൂ​പ​പ്പെ​ടു​ത്താ​ൻ ന​യ​രൂ​പ​വ​ത്​​ക​ര​ണ വി​ദ​ഗ്​ധ​ർ​ക്ക് സാ​ധി​ക്കു​ന്നു​ണ്ടോ എ​ന്ന അ​ന്വേ​ഷ​ണ​ത്തി​ൽനി​ന്നാ​ണ്; സി​ൽ​വ​ർലൈ​ൻ പ​ദ്ധ​തി കേ​ര​ള​ത്തി​നാ​വ​ശ്യ​മാ​യ ആ ​ച​ല​നാ​ത്മക​ത​യെ ശ​ക്തി​പ്പെ​ടു​ത്തു​മോ അ​ത​ല്ല, ത​ക​ർ​ക്കുമോ എ​ന്ന ചോ​ദ്യ​ത്തി​ൽനി​ന്നാ​ണ്.

രോ​ഷ​ത്തോ​ടെ പ​റ​യ​ട്ടെ, പ​രാ​ജ​യം അ​നി​വാ​ര്യ​മാ​യി​രു​ന്ന എ​ക്സ്പ്ര​സ് ​വേ ഇ​ല്ലാ​താ​യശേ​ഷം ര​ണ്ടു പ​തി​റ്റാ​ണ്ട് പി​ന്നി​ട്ട്​ സി​ൽ​വ​ർ​ലൈ​ൻ സെ​മി ഹൈ​സ്പീ​ഡ് റെ​യി​ൽ കോ​റി​ഡോ​റി​ൽ എ​ത്തു​മ്പോ​ഴും വി​ക​സ​ന​ത്തി​ന്‍റെ മു​ൻ​ഗ​ണ​ന​ക​ളെക്കു​റി​ച്ചോ പ​ര​സ്പ​രം അ​നു​പൂ​ര​ക​ങ്ങ​ളാ​യ ഗ​താ​ഗ​തസം​വി​ധാ​ന​ത്തെക്കു​റി​ച്ചോ ഏ​വ​രും യോ​ജി​ക്കു​ന്ന സ​മ​ഗ്ര​മാ​യ ഒ​രു ന​യം രൂ​പ​വ​ത്ക​രി​ക്കാൻ കേരളത്തിനാ​യി​ട്ടി​ല്ല. അ​ത്ത​ര​മൊ​രു ന​യ​രൂ​പവത്​​ക​ര​ണ​ത്തി​ന്‍റെ അ​നി​വാ​ര്യ​ത​ ന​മ്മു​ടെ രാ​ഷ്ട്രീ​യ​ക്കാ​ർ​ക്ക് ബോ​ധ്യ​മാ​യി​ട്ടു പോലു​മി​ല്ല.

എ​ന്തു​ വി​ല​കൊ​ടു​ത്തും സി​ൽ​വ​ർലൈ​ൻ ന​ട​പ്പാ​ക്കു​മെ​ന്ന വാ​ശി​യി​ലാ​ണ് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. പ​ദ്ധ​തി​യു​ടെ സാ​ധു​ത​യി​ൽ സം​ശ​യ​മു​ന്ന​യി​ക്കു​ന്ന​വ​രെ വ​ർ​ഗീ​യ​വാ​ദി​ക​ളും തീ​വ്ര​വാ​ദി​ക​ളു​മാ​യി പൈ​ശാ​ചി​ക​വ​ത്ക​രി​ക്കാ​നാ​ണ് അ​ദ്ദേ​ഹ​വും പാ​ർ​ട്ടി​യും ധിറുതിപ്പെടു​ന്ന​ത്. ഇ​ട​തു​പ​ക്ഷ​ത്തോ​ട് ചേ​ർ​ന്നുനി​ൽ​ക്കു​ന്ന കേരള ശാ​സ്ത്ര​സാ​ഹി​ത്യ​ പ​രി​ഷ​ത്തും യു​വ​ക​ലാ​ സാ​ഹി​തി​യു​മ​ട​ക്കം ധാ​രാ​ളം സം​ഘ​ട​ന​ക​ളും അ​ക്കാ​ദ​മി​ക വ്യ​ക്തി​ത്വ​ങ്ങ​ളും കെ-റെ​യി​ലി​നെതിരെ വി​മ​ർ​ശ​ന​മു​ന്ന​യി​ക്കു​ന്നി​ല്ലേ എ​ന്ന ചോ​ദ്യ​ത്തെ​പ്പോ​ലും സ​ഹി​ഷ്ണു​ത​യോ​ടെ ഉ​ൾ​ക്കൊ​ള്ളാ​നാ​കാ​ത്ത വൈ​ര​നി​ര്യാ​ത​ന ശാ​ഠ്യം ഭ​ര​ണ​കൂ​ട​ത്തി​നും സി.​പി.​എ​മ്മി​നും സം​ഭ​വി​ച്ചു​വെ​ന്ന​ത് ഞെ​ട്ടി​പ്പി​ക്കു​ന്ന​താ​ണ്. ഭ​ര​ണാ​ധി​കാ​രി​ക​ളി​ൽനി​ന്നും ഭ​രി​ക്കു​ന്ന പാ​ർ​ട്ടി​യി​ൽനി​ന്നും ജനങ്ങൾ പ്ര​തീ​ക്ഷി​ക്കു​ന്ന​ത് ഗ​ർ​വും അ​ഹ​ന്ത​യും മു​റ്റി​നി​ൽ​ക്കു​ന്ന ചാ​പ്പ​യ​ടി​ക​ള​ല്ല, വി​മ​ർ​ശ​ന​ങ്ങ​ൾ കേ​ൾ​ക്കാ​നും വ​സ്തു​ത​ക​ൾ ഉ​ൾ​ക്കൊ​ള്ളാ​നും സ​ന്ന​ദ്ധ​ത​യു​ള്ള ജ​നാ​ധി​പ​ത്യ​പ​ര​മാ​യ മ​നോ​ഭാ​വ​മാ​ണ്. പ്ര​തി​പ​ക്ഷ​വും പൗ​ര രാ​ഷ്ട്രീ​യ സം​ഘ​ങ്ങ​ളും ഉ​ന്ന​യി​ക്കു​ന്ന വി​മ​ർ​ശ​ന​ങ്ങ​ളെ സാ​കൂ​തം കേ​ൾ​ക്കാ​നു​ള്ള വി​വേ​ക​വും വി​ശാ​ല​തയും ഭ​ര​ണ​കൂ​ട​ത്തി​ൽനി​ന്ന് പ്രാ​ഥ​മി​ക​മാ​യി ഏ​വ​രും ആ​ഗ്ര​ഹി​ക്കു​ന്നു​ണ്ട്.

തി​രു​വ​ന​ന്ത​പു​രം മു​ത​ൽ കാ​സ​ർ​കോ​ടുവ​രെ നീ​ളു​ന്ന സി​ൽ​വ​ർലൈ​ൻ പ​ദ്ധ​തി ധാ​രാ​ളം ആ​ശ​ങ്ക​ക​ൾ സ​മൂ​ഹ​ത്തി​ൽ ഉ​യ​ർ​ത്തി​യി​ട്ടു​ണ്ട് എന്ന്​ പ്രതിഷേധങ്ങൾ തെളിയിക്കുന്നു. ഇ​പ്പോ​ൾത​ന്നെ മൂ​ന്നു ല​ക്ഷം ​കോ​ടി​യി​ല​ധി​കം ക​ട​ബാ​ധ്യ​ത​യു​ള്ള സം​സ്ഥാ​നം ഒ​രു ല​ക്ഷം കോ​ടി​യി​ല​ധി​കം ചെ​ല​വ് വ​രു​മെ​ന്ന് അ​നു​മാ​നി​ക്ക​പ്പെ​ടു​ന്ന പ​ദ്ധ​തി​ക്ക് ത​ല​വെ​ക്കു​ന്ന​ത് ബു​ദ്ധി​പ​ര​മാ​ണോ, സാ​മ്പ​ത്തി​ക​മാ​യി ഇ​ത് വി​ജ​യ​ക​ര​മാ​കു​മോ, ഭാ​വി ത​ല​മു​റ​യു​ടെ മു​തു​കി​നെ ഞെ​രു​ക്കുംവി​ധ​ത്തി​ൽ സം​സ്ഥാ​ന​ത്തി​ന്‍റെ വ​രു​മാ​ന​ത്തി​ന്‍റെ സിം​ഹ​ഭാ​ഗ​വും വാ​യ്പാ തി​രി​ച്ച​ട​വാ​യി ന​ൽ​കാ​ൻ നി​ർ​ബ​ന്ധി​ത​മാ​കു​മോ തു​ട​ങ്ങി സാ​മ്പ​ത്തി​ക​മാ​യ സം​ശ​യ​ങ്ങ​ൾ അ​വ​യി​ൽ പ്ര​ധാ​ന​മാ​ണ്. പാ​ര​ിസ്ഥി​തി​ക​ാവ​ബോ​ധ​ത്തെ മു​ൻ​നി​ർ​ത്തി​യു​ള്ള ആ​ഴ​മു​ള്ള ബേ​ജാ​റു​ക​ളും ശ​ക്ത​മാ​ണ്. ന​മ്മു​ടെ ഗ​താ​ഗ​തവി​കാ​സ​ത്തി​ന്‍റെ ശ​രി​യാ​യ മു​ൻ​ഗ​ണ​ന ഇ​താ​ണോ, സാ​ധാ​ര​ണ​ക്കാ​ർ​ക്ക് ഏ​റെ പ്ര​യോ​ജ​ന​ക​ര​മാ​കു​ന്ന യാ​ത്രാസം​വി​ധാ​ന​ങ്ങ​ളെ ഇ​ത് അ​ട്ടി​മ​റി​ക്കു​മോ എ​ന്നു​ തു​ട​ങ്ങി​യ രാ​ഷ്ട്രീ​യ, സാ​മൂ​ഹി​ക സം​ശ​യ​ങ്ങ​ൾ വേ​റെ​യു​മു​ണ്ട്.

അ​ഴി​മ​തി, ക​മീ​ഷ​ൻ, റി​യ​ൽ എ​സ്റ്റേ​റ്റ്-കോ​ർ​പ​റേ​റ്റ് താ​ൽ​പ​ര്യ​ങ്ങ​ൾ തു​ട​ങ്ങി എ​ല്ലാ വ​ൻ​കി​ട​ പ​ദ്ധ​തി​ക​ളെ​യും ചൂ​ഴ്ന്നുനി​ൽ​ക്കു​ന്ന ഒ​ളി​യ​ജ​ണ്ട​ക​ളെ​ക്കു​റി​ച്ചു​ള്ള ആ​രോ​പ​ണ​ങ്ങ​ൾ ഇ​വക്കു പു​റ​ത്താ​ണ്. സ്റ്റാ​ന്‍ഡേ​ഡ്​ ഗേ​ജി​ലു​ള്ള കെ-​റെ​യി​ൽ നി​ല​വി​ലെ റെ​യി​ൽ​വേ വി​ക​സ​ന പ​ദ്ധ​തി​ക​ൾ ആ​സൂ​ത്ര​ണം ചെ​യ്തി​ട്ടു​ള്ള ബ്രോ​ഡ്ഗേ​ജു​മാ​യി ചേ​ര്‍ന്നു​പോ​കി​ല്ലെ​ന്നു തു​ട​ങ്ങി ഉ​പ​യോ​ഗി​ക്കാ​ൻ തീ​രു​മാ​നി​ച്ചി​ട്ടു​ള്ള സാ​ങ്കേ​തി​കവി​ദ്യ​യു​മാ​യി ബ​ന്ധ​പ്പെ​ട്ട ഉ​ൾ​പ്പി​രി​വു​ക​ളെക്കു​റി​ച്ചു​ള്ള സം​വാ​ദ​ങ്ങ​ളും വേ​ണ്ട​ത്ര​യു​ണ്ട്. അ​തി​നൊ​ക്കെ​ പു​റ​മെ, കേ​ന്ദ്രസ​ർ​ക്കാ​ർ ഈ ​പ​ദ്ധ​തി അ​ശാ​സ്ത്രീ​യ​വും അ​പ്രാ​യോ​ഗി​ക​വു​മാ​ണെ​ന്ന ക​ടു​ത്ത നി​ല​പാ​ടി​ലു​മാ​ണ്. എ​ല്ലാ ആ​ശ​ങ്ക​ക​ൾ​ക്കും അ​റു​തിവ​രു​ത്തി​യാ​ലും സം​സ്ഥാ​നത്തിന​ക​ത്തു മാ​ത്രം സ​ഞ്ച​രി​ക്കാ​വു​ന്ന ഒ​റ്റ​പ്പെ​ട്ട പാ​ത​യാ​യി ഒ​ടു​ങ്ങാ​നാ​ണ് സി​ൽ​വ​ർലൈ​നി​ന്‍റെ വി​ധി​യെ​ന്നാ​ണ് അ​തി​ന​ർഥം.

സാ​മൂ​ഹി​ക​മാ​യും സാ​മ്പ​ത്തി​ക​മാ​യും പാ​രി​സ്ഥി​തി​ക​മാ​യു​മെ​ല്ലാം വ​മ്പി​ച്ച ബാ​ധ്യ​ത ചു​മ​ക്കേ​ണ്ടിവ​രുമെന്നു ആക്ഷേപമുയർ​ന്ന പ​ദ്ധ​തി​യു​ടെ വി​ശ​ദാം​ശ​ങ്ങ​ൾ നി​യ​മ​സ​ഭ പ്ര​ത്യേ​കം ചേ​ർ​ന്ന് വി​പു​ല​മാ​യി ച​ർ​ച്ചചെ​യ്യേ​ണ്ട​തു​ണ്ട്. സി​ൽ​വ​ർലൈ​ൻ പ​ദ്ധ​തി ഭാ​വി കേ​ര​ള​ത്തി​ന് ഏ​റ്റ​വും അ​നി​വാ​ര്യ​മാ​യ മൊ​ബി​ലി​റ്റി, ക​ണ​ക്ടി​വി​റ്റി സം​വി​ധാ​ന​മാ​ണെ​ന്ന് രേ​ഖ​ക​ളു​ടെ പി​ൻ​ബ​ല​ത്തോ​ടെ യു​ക്തി​ഭ​ദ്ര​വും ശാ​സ്ത്രീ​യ​വു​മാ​യി ജ​ന​സ​മ​ക്ഷം സ​മ​ർ​പ്പി​ക്കാ​ൻ ഇ​ത്ര​യും വി​വാ​ദ​മാ​യ പ​ശ്ചാ​ത്ത​ല​ത്തി​ൽ സ​ർ​ക്കാ​റി​ന് ബാ​ധ്യ​ത​യു​ണ്ട്. അ​തി​നു​ശേ​ഷം മാ​ത്ര​മേ പ​ദ്ധ​തി​യു​മാ​യി സ​ർ​ക്കാ​ർ മു​ന്നോ​ട്ടുപോ​കാവൂ. ദുരഭിമാനം കൈയൊ​ഴി​ച്ച്, കേ​ര​ള​ത്തി​ലെ വി​വി​ധ ഗ​താ​ഗ​തസൗ​ക​ര്യ​ങ്ങ​ളെ ശാ​ക്തീ​ക​രി​ക്കു​ന്ന​തും രാ​ജ്യ​ത്തി​ന്‍റെ ഇ​ത​ര​ഭാ​ഗ​ങ്ങ​ളെ കൂടി ബന്ധിപ്പിക്കു​ന്ന​തു​മാ​യ മൊ​ബി​ലി​റ്റി സം​വി​ധാ​ന​ങ്ങ​ള​ട​ങ്ങി​യ സ​മ​ഗ്ര​പ​ദ്ധ​തി​യാ​ണ് സ​ർ​ക്കാ​ർ സ​മ​ർ​പ്പി​ക്കേ​ണ്ട​ത്. ​അ​വ്വി​ധ​മൊ​രു ഉ​ദ്യ​മംകൊ​ണ്ടു മാ​ത്ര​മേ കേ​ര​ള​ത്തി​ന്‍റെ നാ​ളെ​യി​ലേ​ക്കു​ള്ള കു​തി​പ്പി​ന്​ ഗ​തി​വേ​ഗ​മേ​റ്റാ​ൻ ക​ഴി​യു​ക​യു​ള്ളൂ​.