ന്യൂ​ന​പ​ക്ഷ പ​ദ​വി​ക്ക് നി​യ​മ​ക്കു​രു​ക്ക്​ തേ​ടു​ന്നു

സു​പ്രീം​കോ​ട​തി​ക്ക് മ​റു​പ​ടി ന​ൽ​കു​ന്ന​തി​ൽ കേ​ന്ദ്ര​സ​ർ​ക്കാ​ർ വ​രു​ത്തു​ന്ന കാ​ല​വി​ളം​ബ​ത്തി​ൽ കോ​ട​തി നീ​ര​സം പ്ര​ക​ടി​പ്പി​ച്ച​ത്​ ശ്ര​ദ്ധേ​യ​മാ​ണ്. രാ​ജ്യ​ത്തെ ന്യൂ​ന​പ​ക്ഷ​ങ്ങ​ളെ നി​ർ​ണ​യി​ക്കു​ന്ന​ത് സം​സ്ഥാ​ന​ത​ല​ത്തി​ലോ അ​തോ ദേ​ശീ​യ​ത​ല​ത്തി​ലോ എ​ന്ന കാ​ര്യ​ത്തി​ൽ സം​സ്ഥാ​ന​ങ്ങ​ളു​ടെ അ​ഭി​പ്രാ​യം സ​മാ​ഹ​രി​ച്ച് ന​ൽ​കു​ന്ന​തി​നു താ​മ​സം നേ​രി​ട്ട​തി​ലാ​യി​രു​ന്നു ക​ഴി​ഞ്ഞ ചൊ​വ്വാ​ഴ്ച കോ​ട​തി അ​നി​ഷ്ടം തു​റ​ന്നു​പ​റ​ഞ്ഞ​ത്​.

ഹി​ന്ദു​ക്ക​ൾ ന്യൂ​ന​പ​ക്ഷ​മാ​യി ക​ഴി​യു​ന്ന സം​സ്ഥാ​ന​ങ്ങ​ളി​ൽ അ​വ​രെ ന്യൂ​ന​പ​ക്ഷ​മാ​യി പ്ര​ഖ്യാ​പി​ക്ക​ണം എ​ന്നാ​വ​ശ്യ​പ്പെ​ട്ട്​ ബി.​ജെ.​പി നേ​താ​വും അ​ഭി​ഭാ​ഷ​ക​നു​മാ​യ അ​ശ്വി​നി​കു​മാ​ർ ഉ​പാ​ധ്യാ​യ സ​മ​ർ​പ്പി​ച്ച ഹ​ര​ജി പ​രി​ഗ​ണി​ക്കു​ന്ന​തി​നി​ടെ​യാ​യി​രു​ന്നു ഇ​ത്. അ​ത്ത​രം പ​ല സം​സ്ഥാ​ന​ങ്ങ​ളി​ലും ആ പ​ദ​വി​യു​ള്ള മ​റ്റു സ​മു​ദാ​യ​ങ്ങ​ളാ​യ മു​സ്​​ലിം​ക​ളും ക്രി​സ്ത്യാ​നി​ക​ളും സി​ഖു​കാ​രു​മാ​ണ് ആ​നു​കൂ​ല്യ​ങ്ങ​ൾ ആ​സ്വ​ദി​ക്കു​ന്ന​തെ​ന്നും അ​ത് ഹി​ന്ദു​ക്ക​ൾ​ക്ക് അ​വ​കാ​ശ​പ്പെ​ട്ട​താ​ണെ​ന്ന​തു​മാ​യി​രു​ന്നു ഹ​ര​ജി​ക്കാ​ര​ന്‍റെ വാ​ദം.

ഉ​ദാ​ഹ​ര​ണ​ത്തി​ന്, 2011ലെ ​സെ​ൻ​സ​സ് അ​നു​സ​രി​ച്ച് മി​സോ​റം, നാ​ഗാ​ലാ​ൻ​ഡ്, മേ​ഘാ​ല​യ, ജ​മ്മു-​ക​ശ്മീ​ർ, അ​രു​ണാ​ച​ൽ​പ്ര​ദേ​ശ്, മ​ണി​പ്പൂ​ർ, ല​ക്ഷ​ദ്വീ​പ് എ​ന്നി​വി​ട​ങ്ങ​ളി​ൽ ഹി​ന്ദു​ക്ക​ൾ ന്യൂ​ന​പ​ക്ഷ​മാ​ണ്. അ​തി​നാ​ൽ അ​വ​ർ​ക്കാ​ണ് ന്യൂ​ന​പ​ക്ഷ​ത്തി​ന്റെ ആ​നു​കൂ​ല്യ​ങ്ങ​ൾ ല​ഭി​ക്കേ​ണ്ട​ത് എ​ന്നാ​യി​രു​ന്നു വാ​ദം. ജ​സ്റ്റി​സ് സ​ഞ്ജ​യ് കി​ഷ​ൻ കൗ​ൾ അ​ധ്യ​ക്ഷ​നാ​യ മൂ​ന്നം​ഗ ബെ​ഞ്ച് കേ​ന്ദ്ര സ​ർ​ക്കാ​റി​ന് ഒ​ര​വ​സ​രം​കൂ​ടി ന​ൽ​കി കേ​സ് മാ​ർ​ച്ച് 21ലേ​ക്ക്​ നി​ശ്ച​യി​ച്ചി​രി​ക്കു​ക​യാ​ണ്.

ന്യൂ​ന​പ​ക്ഷം എ​ന്ന​തി​നു ഭ​ര​ണ​ഘ​ട​ന​യി​ൽ വ്യ​ക്ത​മാ​യ നി​ർ​വ​ച​ന​മി​ല്ലെ​ങ്കി​ലും മു​പ്പ​താം ഖ​ണ്ഡി​ക മ​ത-​ഭാ​ഷാ ന്യൂ​ന​പ​ക്ഷ​ങ്ങ​ൾ​ക്ക് വി​ദ്യാ​ഭ്യാ​സ സ്ഥാ​പ​ന​ങ്ങ​ൾ ന​ട​ത്താ​നു​ള്ള അ​വ​കാ​ശം ഉ​റ​പ്പു​ന​ൽ​കു​ന്നു​ണ്ട്. 1992ലെ ​ദേ​ശീ​യ ന്യൂ​ന​പ​ക്ഷ ക​മീ​ഷ​ൻ ആ​ക്ട്, 2004ലെ ​ദേ​ശീ​യ ന്യൂ​ന​പ​ക്ഷ വി​ദ്യാ​ഭ്യാ​സ സ്ഥാ​പ​ന ആ​ക്ട് എ​ന്നി​വ​യി​ൽ മു​സ്​​ലിം, സി​ഖ്, ബു​ദ്ധ, പാ​ഴ്​​സി, ക്രൈ​സ്ത​വ മ​ത​വി​ഭാ​ഗ​ങ്ങ​ളെ​യാ​ണ് ന്യൂ​ന​പ​ക്ഷ​ങ്ങ​ളാ​യി എ​ണ്ണി​യി​ട്ടു​ള്ള​ത്. 2019ൽ ​ഉ​പാ​ധ്യാ​യ ഒ​രു ഹ​ര​ജി ന​ൽ​കി​യ​പ്പോ​ൾ സു​പ്രീം​കോ​ട​തി പ​റ​ഞ്ഞ​ത് മ​തം ദേ​ശീ​യ ജ​ന​സം​ഖ്യാ​ടി​സ്ഥാ​ന​ത്തി​ലും ഭാ​ഷ സം​സ്ഥാ​ന​ത​ല​ത്തി​ലും പ​രി​ഗ​ണി​ക്ക​ണ​മെ​ന്നാ​യി​രു​ന്നു.

സം​സ്ഥാ​ന​ങ്ങ​ൾ ഭാ​ഷാ​ടി​സ്ഥാ​ന​ത്തി​ലും മ​ത​വി​ഭാ​ഗ​ങ്ങ​ൾ ദേ​ശീ​യ​ത​ല​ത്തി​ലു​മാ​ണ് എ​ന്ന​താ​ണ്​ അ​തി​ന്റെ യു​ക്തി. അ​തി​നു​ശേ​ഷം 2020ൽ ​ഉ​പാ​ധ്യാ​യ വീ​ണ്ടും ന​ൽ​കി​യ ഹ​ര​ജി​യാ​ണ് ഇ​പ്പോ​ൾ കോ​ട​തി​യു​ടെ മു​ന്നി​ലു​ള്ള​ത്. ഒ​രു ഘ​ട്ട​ത്തി​ൽ ന്യൂ​ന​പ​ക്ഷ​മാ​രെ​ന്നു തീ​രു​മാ​നി​ക്കു​ന്ന​ത് കോ​ട​തി​യു​ടെ പ​ണി​യ​ല്ല എ​ന്നും ഏ​തെ​ങ്കി​ലും വി​ഭാ​ഗ​ത്തി​ന് അ​വ​കാ​ശം നി​ഷേ​ധി​ച്ചി​ട്ടു​ണ്ടെ​ങ്കി​ൽ അ​താ​ണ് കോ​ട​തി​യു​ടെ വി​ഷ​യ​മെ​ന്നും നീ​തി​പീ​ഠം അ​ഭി​പ്രാ​യ​പ്പെ​ട്ടി​രു​ന്നു.

ദേ​ശീ​യ ന്യൂ​ന​പ​ക്ഷ ക​മീ​ഷ​ൻ രൂ​പ​വ​ത്​​ക​രി​ച്ച​തു വ​ഴി കേ​ന്ദ്ര സ​ർ​ക്കാ​റി​ന് അ​നി​യ​ന്ത്രി​ത അ​ധി​കാ​രം കൈ​വ​രു​ന്നു​വെ​ന്നാ​യി​രു​ന്നു ഹ​ര​ജി​യി​ലെ ഒ​രു വാ​ദം. സ​മാ​വ​ർ​ത്തി പ​ട്ടി​ക​യി​ൽ​പെ​ട്ട ഈ ​വി​ഷ​യ​ത്തി​ൽ കേ​ന്ദ്ര​ത്തി​നും സം​സ്ഥാ​ന​ങ്ങ​ൾ​ക്കും നി​യ​മം നി​ർ​മി​ക്കാ​മെ​ന്നും വേ​ണ​മെ​ങ്കി​ൽ സം​സ്ഥാ​ന​ങ്ങ​ൾ​ക്കും ന്യൂ​ന​പ​ക്ഷ പ​ട്ടി​ക ത​യാ​റാ​ക്കാ​മെ​ന്നു​മാ​യി​രു​ന്നു കേ​ന്ദ്ര നി​ല​പാ​ട്. മ​ഹാ​രാ​ഷ്ട്ര സ​ർ​ക്കാ​ർ യ​ഹൂ​ദ​രെ ന്യൂ​ന​പ​ക്ഷ​വി​ഭാ​ഗ​മാ​യി അം​ഗീ​ക​രി​ച്ച​ത്​ ഉ​ദാ​ഹ​ര​ണം.

ഇ​തി​ൽ ഒ​രു അ​വ്യ​ക്ത​ത വ​ന്ന​ത് 2002ലെ ​ടി.​എം.​എ. പൈ ​കേ​സി​ൽ ഖ​ണ്ഡി​ക 30 അ​നു​സ​രി​ച്ച്​ വി​ദ്യാ​ഭ്യാ​സ സ്ഥാ​പ​നാ​വ​കാ​ശ​ത്തി​നു ന്യൂ​ന​പ​ക്ഷ​ങ്ങ​ളെ സം​സ്ഥാ​ന​ത​ല​ത്തി​ൽ നി​ർ​ണ​യി​ക്കാ​മെ​ന്ന വി​ധി കാ​ര​ണ​മാ​ണ്. പ​ക്ഷേ, 2019ൽ ​ഉ​പാ​ധ്യാ​യ​യു​ടെ ഹ​ര​ജി​യി​ൽ കോ​ട​തി മ​ത​ന്യൂ​ന​പ​ക്ഷ നി​ർ​ണ​യം അ​ഖി​ലേ​ന്ത്യാ​ടി​സ്ഥാ​ന​ത്തി​ൽ ആ​ക​ണ​മെ​ന്ന് തീ​ർ​പ്പു​ക​ൽ​പി​ച്ചി​രു​ന്നു. ഈ ​പ​ശ്ചാ​ത്ത​ല​ത്തി​ൽ പു​തി​യ ഹ​ര​ജി​യെ​ക്കു​റി​ച്ച് കോ​ട​തി കേ​ന്ദ്ര​ത്തി​നോ​ട് അ​ഭി​പ്രാ​യം തേ​ടി. ഇ​തി​ൽ സം​സ്ഥാ​ന​ങ്ങ​ളു​ടെ അ​ഭി​പ്രാ​യം​കൂ​ടി സ​മാ​ഹ​രി​ച്ച് മ​റു​പ​ടി ന​ൽ​കാ​മെ​ന്ന് കേ​ന്ദ്രം മ​റു​പ​ടി ന​ൽ​കി.

കേ​ന്ദ്ര​ത്തി​നു കി​ട്ടി​യ 24 സം​സ്ഥാ​ന​ങ്ങ​ളു​ടെ പ്ര​തി​ക​ര​ണം ബെ​ഞ്ചി​നു മു​മ്പാ​കെ സ​മ​ർ​പ്പി​ച്ചെ​ങ്കി​ലും ഇ​നി​യും മ​റു​പ​ടി ന​ൽ​കാ​ത്ത നാ​ലു സം​സ്ഥാ​ന​ങ്ങ​ളും ര​ണ്ടു കേ​ന്ദ്ര​ഭ​ര​ണ​പ്ര​ദേ​ശ​ങ്ങ​ളും ബാ​ക്കി​യു​ള്ള​തി​നാ​ൽ മ​റു​പ​ടി അ​പൂ​ർ​ണ​മാ​യി​രി​ക്കു​ക​യാ​ണ്. ബി.​ജെ.​പി ഭ​രി​ക്കു​ന്ന സം​സ്ഥാ​ന​ങ്ങ​ളും കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളു​മാ​ണ്​ അ​തെ​ല്ലാം. ബി.​ജെ.​പി​ത​ന്നെ ഭ​രി​ക്കു​ന്ന ഉ​ത്ത​രാ​ഖ​ണ്ഡ്, അ​സം എ​ന്നി​വ​യും ത​മി​ഴ്നാ​ട്, പ​ശ്ചി​മ ബം​ഗാ​ൾ എ​ന്നി​വ​യും ന്യൂ​ന​പ​ക്ഷ​ങ്ങ​ളെ സം​സ്ഥാ​ന​ത​ല​ത്തി​ൽ നി​ർ​ണ​യി​ക്കാ​മെ​ന്നാ​ണ് അ​ഭി​പ്രാ​യ​പ്പെ​ട്ട​ത്. കേ​ര​ളം നി​ല​വി​ലെ അ​വ​സ്ഥ തു​ട​ര​ണ​മെ​ന്നും.

യു​ക്തി​പ​ര​മാ​യി നോ​ക്കി​യാ​ൽ ഇ​തി​ലൊ​രു പു​തി​യ ത​ർ​ക്കം ഉ​യ​ർ​ന്നു​വ​രേ​ണ്ട​ത​ല്ല. ന്യൂ​ന​പ​ക്ഷം എ​ന്ന​തി​ന് പു​തു​താ​യി ഒ​രു നി​ർ​വ​ച​നം ക​ണ്ടെ​ത്തു​ക നി​യ​മ​ത്തി​ന്റെ ഉ​ദ്ദേ​ശ്യം നി​ർ​ണ​യി​ക്കു​ന്ന പ്ര​ക്രി​യ​യാ​ണ്. അ​ത​നു​സ​രി​ച്ച് ഏ​തെ​ങ്കി​ലും വി​ഭാ​ഗ​ത്തി​ന് ആ​നു​കൂ​ല്യ​ങ്ങ​ൾ ല​ഭി​ക്കു​ക​യോ ന​ഷ്ട​പ്പെ​ടു​ക​യോ ചെ​യ്യു​ന്ന തീ​രു​മാ​ന​മെ​ടു​ക്കാ​ൻ നി​യ​മ​നി​ർ​മാ​ണ​സ​ഭ​ക​ൾ​ക്കു ക​ഴി​യും. ന്യൂ​ന​പ​ക്ഷ​ങ്ങ​ളെ സം​സ്ഥാ​ന​ത​ല​ത്തി​ൽ തീ​രു​മാ​നി​ക്ക​ണ​മെ​ന്ന ദേ​ശീ​യ ന്യൂ​ന​പ​ക്ഷ ക​മീ​ഷ​ൻ ന​ൽ​കി​യ മ​റു​പ​ടി കേ​ന്ദ്ര സ​ർ​ക്കാ​റി​നു​ത​ന്നെ ഭാ​ര​മാ​വാ​നാ​ണി​ട.

തെ​ര​ഞ്ഞെ​ടു​പ്പ് ന​ട​ക്കാ​നി​രി​ക്കു​ന്ന വ​ട​ക്കു​കി​ഴ​ക്ക​ൻ സം​സ്ഥാ​ന​ങ്ങ​ളി​ൽ ക്രി​സ്ത്യ​ൻ ഭൂ​രി​പ​ക്ഷ​ത്തി​നു ഹി​ത​ക​ര​മാ​വാ​ത്ത ത​ര​ത്തി​ൽ ന്യൂ​ന​പ​ക്ഷ പ​ദ​വി ഇ​ല്ലാ​താ​വു​ക​യും അ​ത് പ​ക​രം ഹി​ന്ദു സ​മു​ദാ​യ​ത്തി​ന്​ വ​ക​വെ​ച്ചു​കൊ​ടു​ക്കു​ക​യും ചെ​യ്‌​താ​ലു​ണ്ടാ​വു​ന്ന രാ​ഷ്ട്രീ​യ ലാ​ഭ​ചേ​ത​ങ്ങ​ൾ നോ​ക്കു​മ്പോ​ൾ വി​ശേ​ഷി​ച്ചും.

നി​യ​മ​പീ​ഠ​ത്തി​ലൂ​ടെ ഹി​ന്ദു സ​മു​ദാ​യ​ത്തി​നു കൂ​ടു​ത​ൽ ആ​നു​കൂ​ല്യ​ങ്ങ​ൾ നേ​ടി​യെ​ടു​ക്കാ​നും ഒ​പ്പം ന്യൂ​ന​പ​ക്ഷ​ങ്ങ​ളു​ടെ മാ​ർ​ഗ​ത്തി​ൽ കൂ​ടു​ത​ൽ പ്ര​തി​ബ​ന്ധ​ങ്ങ​ൾ സൃ​ഷ്ടി​ക്കാ​നു​മു​ള്ള ഒ​രു ശ്ര​മ​മാ​യി മാ​ത്ര​മേ ഇ​തി​നെ കാ​ണാ​ൻ ക​ഴി​യൂ. ന്യൂ​ന​പ​ക്ഷ​മെ​ന്ന പ​രി​ഗ​ണ​ന​യി​ൽ വ​രു​ന്ന​താ​ണ് ഇ​തു​സം​ബ​ന്ധ​മാ​യ ഭ​ര​ണ​ഘ​ട​ന വ​കു​പ്പു​ക​ളും സം​വി​ധാ​ന​ങ്ങ​ളും എ​ന്ന​ത് സു​ത​രാം വ്യ​ക്ത​മാ​യി​രി​ക്കെ, കോ​ട​തി​യെ ഉ​പ​യോ​ഗി​ച്ച് അ​തി​നെ ഇ​ല്ലാ​താ​ക്കാ​നു​ള്ള ഒ​രു ഉ​ദ്യ​മ​മാ​ണി​ത്‌. പ​ര​മോ​ന്ന​ത കോ​ട​തി ഈ ​നീ​ക്ക​ത്തെ എ​ങ്ങ​നെ വി​ല​യി​രു​ത്തു​ന്നു എ​ന്ന​ത് അ​തി​നാ​ൽ​ത​ന്നെ നി​ർ​ണാ​യ​ക​മാ​ണ്.