ഹോ​േങ്കാങ് ​ജനത പൊരുതിനേടി

07:20 AM
10/07/2019

കോളനിവിമോചനത്തി​​െൻറ ഘട്ടത്തിൽ ഉറപ്പുലഭിച്ച സ്വയംനിർണയാവകാശങ്ങൾ കവർന്നെടുക്കാനുള്ള ചൈനയുടെ ശ്രമങ്ങൾക്കെതിരെ ഹോ​േങ്കാങ്​ ജനത നടത്തുന്ന സർക്കാർവിരുദ്ധ പ്രക്ഷോഭം മാസം പിന്നിട്ടശേഷം ജയം നേടിയെന്നു പറയാം. ‘ഹോ​േങ്കാങ്ങിനെ സ്വതന്ത്രമാക്കുക’ എന്ന മുദ്രാവാക്യമുയർത്തി ആയിരക്കണക്കിന്​ കരിങ്കുപ്പായക്കാർ ഇക്കണ്ട നാളുകളിൽ നടത്തിയ വൻ പ്രക്ഷോഭത്തിനൊടുവിൽ വിവാദ കുറ്റവാളി കൈമാറ്റ ബിൽ പൂർണമായും റദ്ദാക്കാൻ ഹോ​േങ്കാങ്​ പ്രാദേശികഭരണകൂടം തീരുമാനിച്ചു. ബ്രിട്ട​​െൻറ കോളനിയിൽനിന്നു ചൈനയുടെ ഭാഗമായി മാറിയ ഹോ​േങ്കാങ്​വാസികളെ ചൈനീസ്​ നിയമത്തിനു വിട്ടുകൊടുക്കാനുള്ള കുറ്റവാളി കൈമാറ്റ ബില്ലിനെതിരെ നടന്ന ​പ്രക്ഷോഭത്തിനുമുന്നിൽ ഭരണാധികാരി കാരി ലാം ചെങ്​യു ആൻജിയർ അടിയറവു പറയുന്നതായി സമ്മതിച്ചു. പ്രതിഷേധം കത്തിപ്പടർന്നതോടെ ഭരണകൂടം ബില്ലിൽ ഇളവുകൾ വരുത്താൻ നേരത്തേ അവർ തയാറായിരുന്നു. എന്നാൽ പുതിയ ബിൽ പൂർണമായി തള്ളിക്കളയുകയും ജനവിരുദ്ധ നിയമനിർമാണത്തിനു ശ്രമിച്ച പ്രാദേശിക ലജിസ്ലേച്ചർ അസംബ്ലിയുടെ ഭരണാധികാരി (ചീഫ്​ എക്​സിസ്യൂട്ടിവ്​) യായ കാരി ലാം രാജിവെക്കണമെന്നുമുള്ള ആവശ്യത്തിൽ സമരക്കാർ ഉറച്ചുനിൽക്കുകയായിരുന്നു​.  

1997ൽ 156 വർഷത്തെ കോളനിവാഴ്​ച അവസാനിപ്പിച്ച്​ ബ്രിട്ടൻ ഹോ​േങ്കാങ്ങിനെ ചൈനക്കു വിട്ടുകൊടുക്കു​േമ്പാൾ ‘ഒരു രാജ്യം, രണ്ടു വ്യവസ്​ഥ’ എന്ന നിലയിൽ അടുത്ത 50 വർഷത്തേക്ക്​ ഹോ​​േങ്കാങ്ങിന്​ നിലവിലെ നിയമംതന്നെ ബാധകമായിരിക്കും എന്നായിരുന്നു തീരുമാനം. ഇതനുസരിച്ച്​ ആവിഷ്​കാരസ്വാതന്ത്ര്യവും മുതലാളിത്ത സമ്പദ്​വ്യവസ്​ഥയും ഇംഗ്ലീഷ്​ പൊതുനിയമവും വകവെച്ചുകൊടുക്കുന്ന ​‘ഹയർ ഗ്രേഡ്​ സ്വയംഭരണ പദവി’യാണ്​ പ്രാദേശിക ഭരണകൂടത്തിന്​ നൽകിയത്​. എന്നാൽ, രണ്ടു വർഷം മുമ്പ്​ ചൈനയിലെ ഏകാധിപത്യം അരക്കിട്ടുറപ്പിച്ച ഭരണാധികാരി ഷി ജിൻ പിങ്​, രാജ്യതാൽപര്യത്തിനു വിരുദ്ധമായതൊന്നും ഹോ​േങ്കാങ്ങിലും അനുവദിക്കുകയില്ലെന്നു വ്യക്തമാക്കിയിരുന്നു. ഇത്​, ചൈനയുടെ ഡീപ്​ സ്​റ്റേറ്റി​​െൻറ ദംഷ്​ട്രകൾ ഹോ​േങ്കാങ്ങിലേക്കും നീട്ടുകയാണോ എന്ന ആശങ്ക ജനങ്ങളിലുയർത്തി. ചില ആക്​ടിവിസ്​റ്റുകളെ തെരഞ്ഞെടുപ്പിൽനിന്നു തടഞ്ഞും പ്രതിഷേധക്കാരുടെ നേതാക്കളെ പിടികൂടിയും സ്വാതന്ത്ര്യവാദി രാഷ്​ട്രീയസംഘടനയെ നിരോധിച്ചും ഹോ​േങ്കാങ്ങിൽ ഷി ജിൻ പിങ്​ തുടങ്ങിയ ഇടപെടലുകൾ ഇൗ ആശങ്ക ഉൗട്ടിയുറപ്പിക്കാൻ പോന്നതാണ്​. ചൈനയുടെ വിവിധ ഭാഗങ്ങളിൽ ​തൊഴിലെടുക്കുകയും ബിസിനസ്​ പങ്കാളിത്തം വഹിക്കുകയും ചെയ്യുന്ന ഹേ​ാേങ്കാങ്ങുകാർ ​ഒരേ സമയം ചൈനയുടെ സാമ്പത്തികശക്തിയുടെയും സ്വന്തം പ്രവിശ്യയിലെ സ്വാതന്ത്ര്യ, ജനാധിപത്യാവകാശങ്ങളുടെയും ആനുകൂല്യം അനുഭവിച്ചുവരുന്നുണ്ട്​. അത്​ ഇല്ലാതാക്കി ചൈനീസ്​ ഭരണകൂടത്തി​​െൻറ തീട്ടൂരത്തിനു കീഴിലേക്ക്​ തങ്ങളെക്കൂടി കൊണ്ടുപോയേക്കുമോ എന്ന ആശങ്കയാണ്​ വിട്ടുവീഴ്​ചയില്ലാത്ത പ്രക്ഷോഭത്തിലേക്ക്​ 75 ലക്ഷം ജനസംഖ്യയുള്ള ഹോ​േങ്കാങ്ങിനെ തള്ളിവിട്ടത്​. 

കഴിഞ്ഞ ഫെബ്രുവരിയിൽ പത്തൊമ്പതുകാരനായ ​ഹോ​േങ്കാങ്ങുകാരൻ, ഗർഭിണിയായ ഇരുപതുകാരി ഗേൾഫ്രണ്ടിനെ തായ്​വാനിലെ അവധിക്കാല ആഘോഷത്തിനിടെ കൊലപ്പെടുത്തിയതാണ്​ പുതിയ സംഭവവികാസങ്ങളുടെ തുടക്കം. കൊലയാളി തായ്​വാനിൽനിന്ന്​ ഒളിച്ചോടി സ്വദേശത്ത്​ തിരിച്ചെത്തിയപ്പോൾ കേസ്​ നടപടികൾക്കായി അയാളെ വിട്ടുകിട്ടണമെന്ന്​ തായ്​വാൻ അധികൃതർ ഹോ​േങ്കാങ്ങിനോട്​ ആവശ്യപ്പെട്ടു. കുറ്റവാളി കൈമാറ്റ നിയമം നിലവിലില്ലാത്തതിനാൽ ഹോ​േങ്കാങ്​ കൈമലർത്തി. അമേരിക്കയും ബ്രിട്ടനുമടക്കം 20 രാജ്യങ്ങളുമായി കൈമാറ്റ കരാർ നിലവിലു​െണ്ടങ്കിലും ചൈന മെയിൻ ലാൻഡുമായും തായ്​വാൻ, മക്കാവു ദേശങ്ങളുമായും ഇത്തരമൊരു കരാറിലെ​ത്താൻ രണ്ടു പതിറ്റാണ്ടായി തുടരുന്ന ചർച്ചകൾക്കുശേഷവും കഴിഞ്ഞിട്ടില്ല. എന്നിരിക്കെ ഫെബ്രുവരി സംഭവത്തി​​െൻറ പേരിൽ പെ​െട്ടന്ന്​ അടിച്ചേൽപിക്കപ്പെട്ട കരാർ ജനരോഷം ക്ഷണിച്ചുവരുത്തി. പ്രക്ഷോഭം കൈവിട്ടുപോകുകയും നിയമനിർമാണസഭയി​ലെ അടിച്ചുതകർക്കലിലേക്കും ശക്തമായ ​പൊലീസ്​ ആക്​ഷനിലേക്കും കാര്യങ്ങൾ ചെന്നെത്തുകയും ചെയ്​തതോടെ അധികൃതർ അയഞ്ഞു. നികുതിവെട്ടിപ്പ്​ അടക്കമുള്ള സാമ്പത്തികകുറ്റങ്ങളെ നിയമപരിധിയിൽനിന്നൊഴിവാക്കി. കൈമാറ്റ അഭ്യർഥന ഹോ​േങ്കാങ്​ കോടതിയുടെ തീർപ്പിനു വിധേയമായിരിക്കുമെന്നും പരമാവധി ഏഴു വർഷത്തിൽ കൂടുതൽ തടവുശിക്ഷ അനുവദിച്ചുകൊടുക്കുകയില്ലെന്നുമുള്ള ഭേദഗതികൾ എഴുതിച്ചേർത്തു. കൊല, ബലാത്സംഗം തുടങ്ങിയ ക്രിമിനൽകുറ്റങ്ങളിൽനിന്ന്​ ദേശത്തെ മുക്തമാക്കാൻ ബിൽ അനിവാര്യമാണെന്നായിരുന്നു അധികൃതരുടെ നിലപാട്​. എന്നാൽ, രാഷ്​ട്രീയ വിമതരെയും പൗരാവകാശപ്രവർത്തകരെയും ഇൗ പേരിൽ ചൈനയിലെ കമ്യൂണിസ്​റ്റ്​ ഭരണകൂടത്തിനു പിടികൂടാനുള്ള അവസരമൊരുക്കുകയാ​െണന്നായി​ വിമർശകരുടെ ആക്ഷേപം. ഹോ​േങ്കാങ്ങുകാർക്കു മാത്രമല്ല, അവിടെ താമസിക്കുന്ന വിദേശികൾക്ക​ും അതുവഴി കടന്നുപോകുന്ന ടൂറിസ്​റ്റുകൾക്കുമൊക്കെ ബാധകമാകുന്ന വിധമായിരുന്നു നിയമം.  

ഇരുമ്പുമറ നിലനിൽക്കുന്ന ചൈനയിൽനിന്നു വ്യത്യസ്​തമായി സ്വാതന്ത്ര്യത്തി​​െൻറ സമൃദ്ധിയിൽ നിൽക്കുന്ന കൊച്ചു പ്രദേശത്തെകൂടി ബെയ്​ജിങ്ങി​​െൻറ നിയന്ത്രണത്തിലേക്കെടുക്കാനുള്ള നീക്കമായി അവർ പുതിയ ബില്ലിനെ കണ്ടു. ചൈനയുടെ ഇരുമ്പുമറക്കപ്പുറം തൊട്ടടുത്ത ഹോ​േങ്കാങ്ങിൽ നടക്കു​ന്ന പ്രക്ഷോഭത്തി​​െൻറ വിവരങ്ങൾ മറച്ചുവെക്കുന്നതു​ കണ്ട അവർ​ കഴിഞ്ഞ ദിവസം ജനലക്ഷങ്ങളുടെ സമാധാനപൂർവമായ മാർച്ച്​ ‘അതിർത്തി’ക്കപ്പുറം കടത്തി. 2003ൽ കരിക്കുലത്തിൽ ചൈനീസ്​ കമ്യൂണിസ്​റ്റ്​ പാർട്ടിയെ മഹത്ത്വവത്​കരിക്കുന്ന ഭാഗങ്ങൾ ഉൾപ്പെടുത്തിയതിനെതിരെ നടന്ന പ്രക്ഷോഭത്തെ തുടർന്ന്​ അന്നത്തെ ചീഫ്​ എക്​സിക്യൂട്ടിവ്​ തുങ്​ ഷി ഹുവക്ക്​ രാജി വെക്കേണ്ടിവന്നിരുന്നു. അതേസമയം, 2014ൽ തെരുവുകൾ കൈയടക്കുന്ന മറ്റൊരു വിദ്യാർഥിപ്രക്ഷോഭം 79 ദിനങ്ങൾക്കുശേഷം അടിയറ പറയുകയായിരുന്നു. എന്നാൽ ഇത്തവണ സ്വാതന്ത്ര്യത്തി​​െൻറ കാറ്റും വെളിച്ചവും അടച്ചുകളയാനുള്ള കമ്യൂണിസ്​റ്റ്​ ഏകാധിപത്യവാശിക്കു മുന്നിൽ ജനാധിപത്യാവകാശങ്ങൾ വിട്ടുകൊടുക്കാനാവില്ലെന്ന ഹോ​േങ്കാങ്​ ജനതയുടെ നിശ്ചയദാർഢ്യം  ജയം നേടിയിരിക്കുന്നു; അതെത്ര കാലത്തേക്ക്​ എന്ന്​ ഇപ്പോൾ പറയാനാവില്ലെങ്കിലും.

Loading...
COMMENTS