‘ഹി​ന്ദ്യ’​യ​ല്ല ഇ​ന്ത്യ

08:45 AM
16/09/2019
രാ​​ജ്യ​ത്തെ ഏ​കീ​ക​രി​ക്കാ​ൻ ഹി​ന്ദി​ഭാ​ഷ​ക്കു മാ​ത്ര​മേ ക​ഴി​യു​ക​യു​ള്ളൂ​വെ​ന്നും അ​തി​നാ​ൽ വി​ശ്വം മു​ഴു​വ​ൻ ഇ​ന്ത്യ​യെ അ​ട​യാ​ള​പ്പെ​ടു​ത്താ​ൻ ഒ​രൊ​റ്റ ഭാ​ഷ രാ​ജ്യ​മൊ​ന്ന​ട​ങ്കം സ്വീ​ക​രി​ക്ക​ണ​മെ​ന്നും കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത്​ ഷാ ​പ്ര​സ്​​താ​വി​ച്ച​ത്​ സ​ർ​വ​ത്ര വി​വാ​ദ​ത്തി​ന്​ തി​രി​കൊ​ളു​ത്തി​യി​രി​ക്കു​ന്നു. രാ​ജ്യ​ത്ത്​ 122 ഭാ​ഷ​ക​ളും 19,500 വാ​മൊ​ഴി​ക​ളു​മു​ണ്ടെ​ങ്കി​ലും ഏ​റ്റ​വും കൂ​ടു​ത​ൽ പേ​ർ സം​സാ​രി​ക്കു​ന്ന ഹി​ന്ദി​ക്കാ​ണ്​ ഇ​ന്ത്യ​യെ ഒ​ന്നി​പ്പി​ക്കാ​ൻ ക​ഴി​യു​ക. ശാ​സ്​​ത്ര സാ​േ​ങ്ക​തി​ക​ശാ​ഖ​ക​ളി​ലെ ഹി​ന്ദി ഉ​പ​യോ​ഗ​ത്തി​ൽ പാ​തി ജ​യം മാ​ത്ര​മേ നേ​ടാ​നാ​യു​ള്ളൂ എ​ന്നു ചൂ​ണ്ടി​ക്കാ​ട്ടി​യ അ​മി​ത്​ ഷാ ​സ്​​കൂ​ൾ വി​ദ്യാ​ർ​ഥി​ക​ളെ ഹി​ന്ദി സം​സാ​രി​പ്പി​ക്ക​ണ​മെ​ന്നും വി​ദേ​ശ​സ്വാ​ധീ​ന​ത്തി​ന്​ ഭാ​ഷ അ​ടി​പ്പെ​ട്ടാ​ൽ ന​മ്മു​ടെ സം​സ്​​കാ​ര​​​ത്തെ അ​ത്​ അ​പ​ക​ട​പ്പെ​ടു​ത്തു​മെ​ന്നും ഒാ​ർ​മി​പ്പി​ച്ചു. എ​ന്നാ​ൽ, എ​ല്ലാം ത​ങ്ങ​ളു​ടെ പ്ര​ത്യ​യ​ശാ​സ്​​ത്ര​ത്തി​െ​ൻ​റ ഒ​രൊ​റ്റ അ​ച്ചി​ൽ ഉ​ട​ച്ചു​വാ​ർ​ക്കാ​നു​ള്ള ബി.​ജെ.​പി​യു​ടെ നീ​ക്ക​മാ​ണ്​ ‘ഒ​രു രാ​ജ്യം, ഒ​രു ഭാ​ഷ’ എ​ന്ന ആ​ഹ്വാ​ന​മെ​ന്നും ഇ​ത്​ അ​നു​വ​ദി​ക്കി​ല്ലെ​ന്നും ശ​ക്ത​മാ​യ പ്ര​തി​ഷേ​ധ​വു​മാ​യി പ്ര​തി​പ​ക്ഷം ഒ​ന്ന​ട​ങ്കം രം​ഗ​ത്തു​വ​ന്നി​രി​ക്കു​ന്നു. ഭ​ര​ണ​ഘ​ട​ന ശി​ൽ​പി​ക​ൾ ‘അ​ട​ക്കി​നി​ർ​ത്തി​യ വൈ​കാ​രി​ക​വി​ഷ​യ​ങ്ങ​ൾ’ പി​ന്നെ​യും കു​ത്തി​പ്പൊ​ക്കു​ന്ന​തി​നെ കോ​ൺ​ഗ്ര​സ്​ എ​തി​ർ​ക്കു​േ​മ്പാ​ൾ  ഇ​ന്ത്യ, ‘ഹി​ന്ദ്യ’​യ​ല്ലെ​ന്നും ദേ​ശീ​യോ​ദ്​​ഗ്ര​ഥ​ന​ത്തി​ന്​ ക്ഷ​ത​മു​ണ്ടാ​ക്കു​ന്ന ആ​ഭ്യ​ന്ത​ര​മ​ന്ത്രി​യു​ടെ പ്ര​സ്​​താ​വ​ന പി​ൻ​വ​ലി​ക്ക​​ണ​മെ​ന്നു​മാ​ണ്​ ത​മി​ഴ്​​നാ​ട്ടി​ലെ ഡി.​എം.​കെ​യു​ടെ ആ​വ​ശ്യം. ഏ​ക​പ​ക്ഷീ​യ​മാ​യി ഹി​ന്ദി അ​ടി​ച്ചേ​ൽ​പി​ക്കാ​ൻ ശ്ര​മി​ച്ചാ​ൽ ത​മി​ഴ്​​നാ​ട്​ മാ​ത്ര​മ​ല്ല, ക​ർ​ണാ​ട​ക​യും ബം​ഗാ​ളും ആ​ന്ധ്ര​യു​മൊ​ക്കെ ഒ​രു​മി​ച്ചെ​തി​ർ​ക്കു​മെ​ന്നും ഡി.​എം.​കെ വ്യ​ക്ത​മാ​ക്കി. 

1949 സെ​പ്​​റ്റം​ബ​ർ 14ന്​ ​ഹി​ന്ദി​ക്കു​കൂ​ടി ഒൗ​ദ്യോ​ഗി​ക​ഭാ​ഷ പ​ദ​വി ന​ൽ​കാ​ൻ കോ​ൺ​സ്​​റ്റി​റ്റ്യു​വ​ൻ​റ്​ അ​സം​ബ്ലി തീ​രു​മാ​ന​മെ​ടു​ത്ത​തി​നെ അ​നു​സ്​​മ​രി​ച്ചാ​ണ്​​ 1953 മു​ത​ൽ പ്ര​സ്​​തു​ത ദി​വ​സം ഹി​ന്ദി ദി​ന​മാ​യി ആ​ച​രി​ച്ചു​വ​രു​ന്ന​ത്. ദേ​വ​നാ​ഗ​രി ലി​പി​​യി​ലെ​ഴു​തി​യ ഹി​ന്ദി​യെ ഭ​ര​ണ​ഘ​ട​ന​യു​ടെ ​എ​ട്ടാം ഷെ​ഡ്യൂ​ളി​ൽ ഉ​ൾ​പ്പെ​ടു​ത്തു​ക​യും ഇം​ഗ്ലീ​ഷി​​നൊ​പ്പം കേ​ന്ദ്ര ഗ​വ​ൺ​മെ​ൻ​റി​െ​ൻ​റ ഒൗ​ദ്യോ​ഗി​ക​ഭാ​ഷ​യാ​യി സ്വീ​ക​രി​ക്കു​ക​യു​മാ​യി​രു​ന്നു കോ​ൺ​​സ്​​റ്റി​റ്റ്യു​വ​ൻ​റ്​ അ​സം​ബ്ലി. 14 ഭാ​ഷ​ക​ളാ​യി​രു​ന്നു തു​ട​ക്ക​ത്തി​ൽ ഭ​ര​ണ​ഘ​ട​ന പ​ട്ടി​ക​യി​ൽ. പി​ന്നീ​ട്​ 1967, 1992, 2003 വ​ർ​ഷ​ങ്ങ​ളി​ലെ ​ഭേ​ദ​ഗ​തി​യി​ലൂ​ടെ എ​ണ്ണം 22 ആ​യി. എ​ട്ടാം ഷെ​ഡ്യൂ​ളി​ൽ ഇ​ടം നേ​ടാ​ൻ ഇ​നി​യും 44 ഭാ​ഷ​ക​ളു​ടെ അ​പേ​ക്ഷ​ക​ൾ​കൂ​ടി ആ​ഭ്യ​ന്ത​ര മ​ന്ത്രാ​ല​യ​ത്തി​െ​ൻ​റ മു​ന്നി​ലു​ണ്ട്. ഇ​തി​നു പു​റ​മെ സ​മ്പ​ന്ന​മാ​യ പൈ​തൃ​ക​വും സ്വ​ത​ന്ത്ര സ്വ​ഭാ​വ​വും മു​ൻ​നി​ർ​ത്തി ചി​ല ഭാ​ഷ​ക​ൾ​ക്ക്​ ക്ലാ​സി​ക്​ പ​ദ​വി​യും ഇ​ന്ത്യ ന​ൽ​കി​യി​ട്ടു​ണ്ട്. ക​ന്ന​ട, മ​ല​യാ​ളം, ഒ​ഡി​യ, സം​സ്​​കൃ​തം, ത​മി​ഴ്, തെ​ലു​ഗു ഭാ​ഷ​ക​ൾ​ക്കാ​ണ്​ ഇൗ ​പ​ദ​വി ല​ഭി​ച്ചി​രി​ക്കു​ന്ന​ത്​. ഇ​ങ്ങ​നെ വ​സ്​​തു​നി​ഷ്​​ഠ​മാ​യി പ​രി​േ​ശാ​ധി​ച്ചാ​ൽ നാ​നാ​ഭാ​ഷ​ക​ൾ സം​സാ​രി​ക്കു​ക​യും അ​തി​െ​ൻ​റ ചു​വ​ടൊ​പ്പി​ച്ചു​ള്ള വൈ​വി​ധ്യ​മാ​ർ​ന്ന സം​സ്​​കാ​രം ത​ല​മു​റ​ക​ളി​ലൂ​ടെ അ​നു​ശീ​ലി​ച്ചു​വ​രു​ക​യും ചെ​യ്യു​ന്ന ഇ​ന്ത്യ​ൻ പാ​ര​മ്പ​ര്യ​ത്തെ അം​ഗീ​ക​രി​ച്ച്​ രാ​ജ്യ​​ത്തി​െ​ൻ​റ ​െഎ​ക്യ​വും അ​ഖ​ണ്ഡ​ത​യും നി​ല​നി​ർ​ത്തി പു​രോ​ഗ​തി​യി​ലേ​ക്കു കു​തി​ക്കാ​നു​ള്ള വ​ഴി​ക​ളാ​ണ്​ രാ​ഷ്​​ട്ര​ശി​ൽ​പി​ക​ൾ ആ​ലോ​ചി​ച്ച​ത്. അ​തി​നാ​ണ്​ നാ​നാ​ത്വ​ത്തി​ലെ ഏ​ക​ത്വം എ​ന്ന, ലോ​ക​ത്തി​നു മു​ന്നി​ൽ ഇ​ന്ത്യ​യെ വി​സ്​​മ​യ​ത്തി​ൽ നി​ർ​ത്തു​ന്ന ക​രു​ത്തു​റ്റ ഘ​ട​ന അ​വ​ർ തി​ര​ഞ്ഞെ​ടു​ത്ത​ത്​. 2011ലെ ​സെ​ൻ​സ​സ്​ അ​നു​സ​രി​ച്ച്​ 43.63 ശ​ത​മാ​നം എ​ന്ന നി​ല​യി​ൽ ഏ​റ്റ​വും കൂ​ടു​ത​ൽ പേ​ർ സം​സാ​രി​ക്കു​ന്ന ഭാ​ഷ ഹി​ന്ദി​യാ​ണ്. പ​കു​തി​യി​ലേ​റെ​യും ആ ​ഭാ​ഷ​ക്കു പു​റ​ത്താ​ണ്​ എ​ന്ന​താ​ണ്​ അ​തി​െ​ൻ​റ മ​റു​വ​ശം. അ​തി​നാ​ൽ ഏ​റ്റ​വും കൂ​ടു​ത​ൽ പേ​ർ സം​സാ​രി​ക്കു​ന്ന ഭാ​ഷ​യാ​ണെ​ന്നു​വെ​ച്ച്​ അ​ത്​ രാ​ജ്യ​ത്തി​െ​ൻ​റ ഏ​ക ദേ​ശീ​യ​ഭാ​ഷ​യാ​യി അ​ട​ി​ച്ചേ​ൽ​പി​ക്ക​രു​തെ​ന്ന്​ രാ​ഷ്​​ട്ര​ശി​ൽ​പി​ക​ൾ തീ​രു​മാ​നി​ച്ചു. 

വ്യ​ത്യ​സ്​​ത ഭാ​ഷ​യും സം​സ്​​കാ​ര​ങ്ങ​ളും നി​ല​നി​ൽ​ക്കു​ന്ന ഇ​ന്ത്യ​ക്ക്​ ല​ളി​ത​വും സ​ർ​വ​സാ​ധാ​ര​ണ​വു​മാ​യ ഒ​രു പൊ​തു​ഭാ​ഷ ക​ണ്ടെ​ത്താ​നാ​വു​മോ എ​ന്ന ആ​ലോ​ച​ന​യി​ൽ​ 1936 ജൂ​ലൈ നാ​ലി​ന്​ ഗാ​ന്ധി​ജി​യു​ടെ​കൂ​ടി താ​ൽ​പ​ര്യ​ത്തി​ൽ വാ​ർ​ധ​യി​ൽ രൂ​പം​കൊ​ണ്ട രാ​ഷ്​​ട്ര​ഭാ​ഷ പ്ര​ചാ​ർ​സ​മി​തി​യു​ടെ ആ​വ​ശ്യ​മ​നു​സ​രി​ച്ചാ​ണ്​ 1953ൽ ​ഹി​ന്ദി ദി​നാ​ച​ര​ണം ഉ​ണ്ടാ​യ​ത്. എ​ന്നാ​ൽ, ഗാ​ന്ധി​ജി​ക്കു​ത​ന്നെ പി​ന്നീ​ട്​ അ​തി​െ​ൻ​റ അ​പ്രാ​യോ​ഗി​ക​ത ബോ​ധ്യ​പ്പെ​ട്ട​താ​ണ്​ ച​രി​ത്രം. സ്വ​ത​ന്ത്ര ഇ​ന്ത്യ​യു​ടെ പ്ര​ധാ​ന​മ​ന്ത്രി​പ​ദ​ത്തി​ലേ​ക്കു​ള്ള ച​ർ​ച്ച​യി​ൽ പ​േ​ട്ട​ലി​നേ​ക്കാ​ൾ നെ​ഹ്​​റു​വി​ന്​ ഗാ​ന്ധി ന​ൽ​കി​യ മു​ന്തി​യ പ​രി​ഗ​ണ​ന​ക്കു പി​ന്നി​ൽ ജ​വ​ഹ​ർ​ലാ​ലി​െ​ൻ​റ ഇം​ഗ്ലീ​ഷ്​ ഭാ​ഷാ​പ്രാ​വീ​ണ്യ​മാ​യി​രു​ന്നു​വെ​ന്നാ​ണ്​ ച​രി​ത്രം. ഇ​ന്ത്യ​യു​ടെ സം​സ്ഥാ​ന വി​ഭ​ജ​ന​ത്തി​ന്​ ഭാ​ഷ മാ​ന​ദ​ണ്ഡ​മാ​ക്കി​യ​തി​നെ​ക്കു​റി​ച്ച വി​വാ​ദ​ങ്ങ​ൾ ഇ​പ്പോ​ഴും ബാ​ക്കി​യാ​ണെ​ങ്കി​ലും പ്രാ​യോ​ഗി​ക​മാ​യി മ​റ്റു വ​ഴി​ക​െ​ളാ​ന്നു​മു​ണ്ടാ​യി​രു​ന്നി​ല്ല. ഭാ​ഷ​യും സം​സ്​​കാ​ര​വും ഏ​തു ജ​ന​ത​ക്കും പ്രാ​ണ​വാ​യു​വി​നു തു​ല്യ​മാ​ണ്. ഒാ​രോ ജ​ന​ത​ക്കും അ​വ​രു​ടെ സ്വ​യം അ​ട​യാ​ള​പ്പെ​ടു​ത്ത​ലാ​ണ്. അ​തി​ന്മേ​ലു​ള്ള കൈ​യേ​റ്റം ഒ​രു ജ​ന​ത​യും പൊ​റു​ക്കി​ല്ല. ഇൗ ​ശ​ക്​​ത​മാ​യ വി​കാ​രം ഹി​ന്ദി​യു​ടെ വ്യാ​പ​ന​ത്തി​ന്​ വാ​ദി​ക്കു​ന്ന അ​മി​ത്​ ഷാ​യു​ടെ​യും അ​ത്​ അ​ടി​ച്ചേ​ൽ​പി​ക്കു​ന്ന​തി​നെ എ​തി​ർ​ക്കു​ന്ന​വ​രു​ടെ​യും വാ​ക്കു​ക​ളി​ൽ ഒ​രു​പോ​ലെ തു​ടി​ക്കു​ന്നു​ണ്ട്​. ഹി​ന്ദി​ഭാ​ഷ​യെ​യും അ​ത്​ സം​സാ​രി​ക്കു​ന്ന​വ​രെ​യും മാ​നി​ക്കു​ന്നു​വെ​ന്നും എ​ന്നാ​ൽ, ത​ത്തു​ല്യ ഭാ​ഷ​ക്കാ​ർ​ക്കു സ​മാ​ന പ​രി​ഗ​ണ​ന ന​ൽ​കാ​തെ ഹി​ന്ദി അ​ടി​ച്ചേ​ൽ​പി​ക്കു​ന്ന പ്ര​വ​ണ​ത​യോ​ടാ​ണ്​ എ​തി​ർ​പ്പെ​ന്നും ഹി​ന്ദി ബെ​ൽ​റ്റി​നു പു​റ​ത്തു​ള്ള​വ​ർ എ​ല്ലാ​യ്പോ​ഴും വ്യ​ക്​​ത​മാ​ക്കു​ന്ന​താ​ണ്. ഒ​രു രാ​ജ്യം, ഒ​രു ഭാ​ഷ, ഒ​രു മ​തം, ഒ​രു സം​സ്​​കാ​രം, ഒ​രു നേ​താ​വ്, ഒ​രു തെ​ര​ഞ്ഞെ​ടു​പ്പ്​ എ​ന്ന മ​ട്ടി​ൽ രാ​ജ്യ​ത്തെ ഒ​റ്റ​വാ​ർ​പ്പി​ൽ ത​ള​ക്കാ​നു​ള്ള നീ​ക്കം വി​ജ​യി​ക്കു​ക​യി​ല്ലെ​ന്ന​ല്ല, വി​പ​രീ​ത​ത്തി​ലേ​ക്കാ​യി​രി​ക്കും രാ​ജ്യ​ത്തെ കൊ​ണ്ടു​െ​ച​ന്നെ​ത്തി​ക്കു​ക. ജ​ന​വി​കാ​ര​ത്തെ ഭ​ര​ണ​ബ​ലം​കൊ​ണ്ട്​ നേ​രി​ടാ​ൻ എ​ത്ര സാ​ഹ​സ​പ്പെ​ടേ​ണ്ടി വ​രും എ​ന്ന്​ കേ​ന്ദ്ര​ത്തി​െ​ൻ​റ ക​ശ്​​മീ​ർ ഇ​ട​പെ​ട​ൽ ബോ​ധ്യ​പ്പെ​ടു​ത്തു​ന്നു​ണ്ട​ല്ലോ. എ​ന്നാ​ൽ, ഹി​ന്ദു​രാ​ഷ്​​ട്ര​ത്തി​നു​ ത​​ത്ര​പ്പെ​ടു​ന്ന സം​ഘ്​​പ​രി​വാ​ർ നേ​തൃ​ത്വ​ത്തി​ന് ഇൗ ​യാ​ഥാ​ർ​ഥ്യ​ബോ​ധ​ത്തി​െ​ൻ​റ നി​ർ​ബ​ന്ധ​മൊ​ന്നു​മി​ല്ല. അ​വ​രു​ടെ പൊ​തു​ഭാ​ഷാ​ശാ​ഠ്യം ഹി​ന്ദി​യി​ൽ അ​വ​സാ​നി​ക്കു​ന്നു​മി​ല്ല. പൊ​തു​ഭാ​ഷ​യു​ടെ സ്ഥാ​നം സം​സ്​​കൃ​തം ഏ​റ്റെ​ടു​ക്കു​ന്ന​തു​വ​രെ അ​തി​ൽ​നി​ന്നു​ട​ലെ​ടു​ത്ത​തും കൂ​ടു​ത​ൽ ജ​നം സം​സാ​രി​ക്കു​ന്ന​തു​മെ​ന്ന സൗ​ക​ര്യം മു​ൻ​നി​ർ​ത്തി ഹി​ന്ദി​ക്ക്​ മു​ൻ​ഗ​ണ​ന ന​ൽ​കു​ക​യാ​ണെ​ന്നും ഹി​ന്ദി മാ​ത്ര​മാ​ണ്​ രാ​ഷ്​​ട്ര​ഭാ​ഷ, പ​ഴ​ക്കം ചെ​ന്ന ഏ​റ്റ​വും സ​മ്പ​ന്ന​ഭാ​ഷ എ​ന്നൊ​ന്നും ഇ​തി​ന​ർ​ഥ​മി​ല്ലെ​ന്നും സം​ഘ്​ താ​ത്ത്വി​ക​ൻ ഗോ​ൾ​വ​ൽ​ക​ർ ‘വി​ചാ​ര​ധാ​ര’​യി​ൽ വ്യ​ക്ത​മാ​ക്കി​യ​താ​ണ്. ഹി​ന്ദി​യെ വെ​ല്ലു​ന്ന ത​മി​ഴി​െ​ൻ​റ പ​ഴ​മ​യും പാ​ര​മ്പ​ര്യ​വും അം​ഗീ​ക​രി​ക്കു​ന്നു​മു​ണ്ട് അ​ദ്ദേ​ഹം. അ​പ്പോ​ൾ ഹി​ന്ദി​യോ​ടു​ള്ള അ​ദ​മ്യ​സ്​​നേ​ഹ​മ​ല്ല, ഒ​രൊ​റ്റ സം​സ്​​കാ​ര​ത്തി​ലേ​ക്ക്​ രാ​ജ്യ​ത്തെ വ​ലി​ച്ചുെ​ക​ട്ടി ത​ള​ക്കാ​നു​ള്ള അ​മി​താ​വേ​ശ​മാ​ണ്​ അ​മി​ത്​ ഷാ ​പ്ര​ക​ടി​പ്പി​ക്കു​ന്ന​ത്. അ​ത്​ യ​ഥാ​വി​ധി തി​രി​ച്ച​റി​ഞ്ഞു​വെ​ന്നാ​ണ്​ അ​തി​നെ​തി​രാ​യ പ്ര​തി​ഷേ​ധ​ങ്ങ​ൾ തെ​ളി​യി​ക്കു​ന്ന​ത്. ഡി.​എം.​കെ നേ​താ​വ്​ എം.​കെ. സ്​​റ്റാ​ലി​ൻ പ​റ​ഞ്ഞ​തു​ത​ന്നെ ശ​രി; ‘ഹി​ന്ദ്യ’​യ​ല്ല ഇ​ന്ത്യ.
Loading...
COMMENTS