വി​ദ്വേ​ഷ പ്ര​സം​ഗ​ങ്ങ​ൾ കു​ത്ത​നെ ഉ​യ​രു​മ്പോ​ൾ

​ഇ​ന്ത്യ​യി​ൽ പൊ​തു​വി​ലും ബി.​ജെ.​പി ഭ​രി​ക്കു​ന്ന സം​സ്ഥാ​ന​ങ്ങ​ളി​ൽ വി​ശേ​ഷി​ച്ചും മ​ത​ന്യൂ​ന​പ​ക്ഷ​ങ്ങ​ൾ​ക്കു​നേ​രെ​യു​ള്ള വി​ദ്വേ​ഷ പ്ര​സം​ഗ​ങ്ങ​ൾ ആ​ശ​ങ്ക​ജ​ന​ക​മാ​യി വ​ർ​ധി​ച്ചു​വ​രു​ക​യാ​ണെ​ന്ന് വാ​ഷി​ങ്ട​ൺ കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന ഇ​ന്ത്യ ഹെ​യ്റ്റ് ലാ​ബ് എ​ന്ന സ്ഥാ​പ​നം പു​റ​ത്തു​വി​ട്ട റി​പ്പോ​ർ​ട്ട് വ്യ​ക്ത​മാ​ക്കു​ന്നു. 2023 ആ​ദ്യ​പ​കു​തി​യി​ൽ 225 വി​ദ്വേ​ഷ പ്ര​സം​ഗ​ങ്ങ​ളാ​ണ് രേ​ഖ​പ്പെ​ടു​ത്തി​യ​തെ​ങ്കി​ൽ ര​ണ്ടാം പ​കു​തി​യി​ൽ അ​ത് 75 ശ​ത​മാ​നം വ​ർ​ധി​ച്ച് 498 ആ​യി എ​ന്നാ​ണ് ലാ​ബ് വെ​ളി​പ്പെ​ടു​ത്തി​യി​രി​ക്കു​ന്ന​ത്. ബി.​ജെ.​പി ഭ​രി​ക്കു​ന്ന മ​ധ്യ​പ്ര​ദേ​ശ്, ഹ​രി​യാ​ന, മ​ഹാ​രാ​ഷ്ട്ര, യു.​പി മു​ത​ലാ​യ സം​സ്ഥാ​ന​ങ്ങ​ളി​ലും കേ​ന്ദ്ര സ​ർ​ക്കാ​ർ പൊ​ലീ​സ് നി​യ​ന്ത്ര​ണ​ത്തി​ലു​ള്ള ഡ​ൽ​ഹി​യി​ലു​മാ​ണ് വി​ദ്വേ​ഷ പ്ര​സം​ഗ​ങ്ങ​ളു​ടെ ആ​ധി​ക്യം കൂ​ടു​ത​ൽ റി​പ്പോ​ർ​ട്ട് ചെ​യ്യ​പ്പെ​ട്ട​ത്.

പ്ര​സം​ഗ​ങ്ങ​ളി​ൽ​ത​ന്നെ 238 സം​ഭ​വ​ങ്ങ​ൾ അ​ഥ​വാ 36 ശ​ത​മാ​നം മു​സ്‍ലിം ന്യൂ​ന​പ​ക്ഷ​ത്തി​നെ​തി​രെ അ​ക്ര​മ​ത്തി​ന് ആ​ഹ്വാ​നം ചെ​യ്യു​ന്ന​താ​യി​രു​ന്നു. രാ​ജ്യ​ത്തി​നെ​തി​രാ​യ ഗൂ​ഢാ​ലോ​ച​ന, ല​വ് ജി​ഹാ​ദ്, ഹ​ലാ​ൽ ജി​ഹാ​ദ്, ലാ​ൻ​ഡ് ജി​ഹാ​ദ്, പോ​പു​ലേ​ഷ​ൻ ജി​ഹാ​ദ് തു​ട​ങ്ങി​യ ആ​രോ​പ​ണ​ങ്ങ​ളാ​ണ് വി​ദ്വേ​ഷ പ്ര​സം​ഗ​ക​ർ കൂ​ടു​ത​ലാ​യി ഉ​പ​യോ​ഗി​ച്ച​ത്. 2023 ആ​ഗ​സ്റ്റ്-​ന​വം​ബ​ർ മാ​സ​ങ്ങ​ളി​ൽ നി​യ​മ​സ​ഭ തെ​ര​ഞ്ഞെ​ടു​പ്പു​ക​ൾ ന​ട​ന്ന രാ​ജ​സ്ഥാ​ൻ, മ​ധ്യ​പ്ര​ദേ​ശ്, ഛത്തി​സ്ഗ​ഢ്, തെ​ല​ങ്കാ​ന സം​സ്ഥാ​ന​ങ്ങ​ളി​ൽ വി​ദ്വേ​ഷ പ്ര​ചാ​ര​ണം വ​ർ​ധി​ച്ച ​തോ​തി​ലാ​യി​രു​ന്നു​വെ​ന്ന് ക​ണ​ക്കു​ക​ൾ സ​ഹി​തം ലാ​ബ് വ്യ​ക്ത​മാ​ക്കു​ന്നു.

മു​സ്‍ലിം​ക​ൾ​ക്കെ​തി​രെ സാ​മൂ​ഹി​ക-​സാ​മ്പ​ത്തി​ക ബ​ഹി​ഷ്ക​ര​ണം ആ​വ​ശ്യ​പ്പെ​ട്ടു​ള്ള പ്ര​ചാ​ര​ണ​ങ്ങ​ളാ​ണ് ഇ​വ​യി​ൽ ഏ​റെ​യും. വി​ശ്വ​ഹി​ന്ദു പ​രി​ഷ​ത്തും യു​വ​ജ​ന വി​ഭാ​ഗ​മാ​യ ബ​ജ്റങ്​ദ​ളും ചി​ല പ്രാ​ദേ​ശി​ക ഹി​ന്ദു​ത്വ സം​ഘ​ട​ന​ക​ളു​മാ​ണ് വി​ദ്വേ​ഷ​ത്തി​ന്റെ പ്ര​ധാ​ന വ്യാ​പാ​രി​ക​ൾ. ബി.​ജെ.​പി പാ​ർ​ല​മെ​ന്റ് അം​ഗ​ങ്ങ​ളും നി​യ​മ​സ​ഭ അം​ഗ​ങ്ങ​ളും വി​ദ്വേ​ഷ പ്ര​സം​ഗ​ങ്ങ​ളി​ൽ ശ്ര​ദ്ധേ​യ​മാ​യ പ​ങ്കു​വ​ഹി​ക്കു​ന്നു​വെ​ന്ന് അ​ത്ത​ര​ക്കാ​രു​ടെ പേ​രു​ക​ൾ വെ​ളി​പ്പെ​ടു​ത്തി​ പ​ഠ​ന​കേ​ന്ദ്രം വ്യ​ക്ത​മാ​ക്കു​ന്നു. ടി. ​രാ​ജ​സി​ങ്, നി​തേ​ഷ് റാ​ണെ തു​ട​ങ്ങി​യ പേ​രു​ക​ൾ​ക്കൊ​പ്പം അ​ന്താ​രാ​ഷ്ട്രീ​യ ഹി​ന്ദു പ​രി​ഷ​ത്ത് മേ​ധാ​വി പ്ര​വീ​ൺ തൊ​ഗാ​ഡി​യ, സു​ദ​ർ​ശ​ൻ ന്യൂ​സി​ന്റെ മു​ത​ലാ​ളി സു​രേ​ഷ് ച​വാ​​ങ്കെ, ഹി​ന്ദു​ത്വ നേ​താ​ക്ക​ളാ​യ യ​തി ന​ര​സിം​ഹാ​ന​ന്ദ്, കാ​ളി​ച​ര​ൺ മ​ഹാ​രാ​ജ് തു​ട​ങ്ങി​യ​വ​രു​മു​ണ്ട്.

വി​ദ്വേ​ഷ പ്ര​സം​ഗ​ങ്ങ​ളെ​ക്കു​റി​ച്ച പ​രാ​തി​ക​ൾ സു​പ്രീം​കോ​ട​തി​യി​ലെ​ത്തി​യ​പ്പോ​ഴൊ​ക്കെ അ​ത് ത​ട​യാ​നും വി​ദ്വേ​ഷ പ്ര​സം​ഗ​ക​ർ​ക്കെ​തി​രെ ക​ർ​ശ​ന ന​ട​പ​ടി​ക​ളെ​ടു​ക്കാ​നും ബ​ന്ധ​പ്പെ​ട്ട ബെ​ഞ്ചു​ക​ളി​ലെ ന്യാ​യാ​ധി​പ​ന്മാ​ർ ഉ​ത്ത​ര​വി​ട്ട​താ​ണ്. 2023 ആ​ഗ​സ്റ്റി​ൽ ജ​സ്റ്റി​സ് സ​ഞ്ജീ​വ് ഖ​ന്ന​യും എ​സ്.​വി.​എ​ൻ. ഭാ​ട്ടി​യു​മ​ട​ങ്ങു​ന്ന ബെ​ഞ്ച് ന​ൽ​കി​യ ഉ​ത്ത​ര​വ് അ​തി​ന് ഉ​ദാ​ഹ​ര​ണ​മാ​ണ്. ഹ​രി​യാ​ന​യി​ൽ വ​ർ​ഗീ​യാ​ക്ര​മ​ണ​ങ്ങ​ൾ​ക്ക് വ​ഴി​മ​രു​ന്നി​ട്ട വി​ദ്വേ​ഷ പ്ര​സം​ഗ​ങ്ങ​ളാ​യി​രു​ന്നു പ​ശ്ചാ​ത്ത​ലം. പ​ക്ഷേ, ഇ​ത്ത​രം വി​ധി​ക​ൾ​​ക്കോ ഉ​ത്ത​ര​വു​ക​ൾ​ക്കോ ഒ​രു ഫ​ല​വും പ്ര​തീ​ക്ഷി​ക്കേ​ണ്ട​തി​ല്ലെ​ന്ന​താ​ണ് ന​മ്മു​ടെ ദൈ​നം​ദി​നാ​നു​ഭ​വ​ങ്ങ​ൾ; അ​തു​ത​ന്നെ​യാ​ണി​പ്പോ​ൾ വാ​ഷി​ങ്ട​ണി​ലെ ഇ​ന്ത്യ ഹെ​യ്റ്റ് ലാ​ബി​ന്റെ ക​ണ​ക്കു​ക​ൾ അ​നാ​വ​ര​ണം ചെ​യ്തി​രി​ക്കു​ന്ന സ​ത്യ​വും.

അ​ടി​സ്ഥാ​ന കാ​ര​ണം ഹി​ന്ദു​ത്വ സം​ഘ​ട​ന​ക​ൾ​ക്കും സ​ർ​ക്കാ​റു​ക​ൾ​ക്കും ഭൂ​രി​പ​ക്ഷ സ​മു​ദാ​യ​ത്തെ ഇ​ള​ക്കി​വി​ടാ​നും വോ​ട്ടു നേ​ടാ​നും അ​ന്ധ​വും നി​ന്ദ്യ​വു​മാ​യ അ​ന്യ​മ​ത വി​ദ്വേ​ഷ പ്ര​ചാ​ര​ണ​മ​ല്ലാ​തെ മ​റ്റൊ​രു മാ​ർ​ഗ​വു​മി​ല്ല എ​ന്ന സ​ത്യ​മാ​ണ്. അ​ല്ലെ​ങ്കി​ൽ ദ​ശ​വ​ത്സ​ര​ക്കാ​ലം നി​ർ​വി​ഘ്നം രാ​ജ്യം ഭ​രി​ക്കാ​ൻ സ​ർ​വ​വി​ധ സാ​ഹ​ച​ര്യ​ങ്ങ​ളും അ​നു​കൂ​ല​മാ​യി​ട്ടും വീ​ണ്ടും വീ​ണ്ടും മു​സ്‍ലിം വി​ദ്വേ​ഷ പ്ര​ചാ​ര​ണം ജ​ന​പി​ന്തു​ണ​ക്കാ​യു​ധ​മാ​ക്കേ​ണ്ട ഗ​തി​കേ​ട് എ​ന്തു​കൊ​ണ്ടു​ണ്ടാ​വു​ന്നു എ​ന്ന് ചോ​ദി​ക്കേ​ണ്ട​തു​ണ്ട്.

ആ​സ​ന്ന​മാ​യ തെ​ര​ഞ്ഞെ​ടു​പ്പി​ൽ 400 സീ​റ്റ് നി​സ്സം​ശ​യം എ​ൻ.​ഡി.​എ നേ​ടു​മെ​ന്ന് ആ​വ​ർ​ത്തി​ക്കു​ന്ന പ്ര​ധാ​ന​മ​ന്ത്രി ന​രേ​ന്ദ്ര മോ​ദി എ​ന്തു​കൊ​ണ്ട് സ​മാ​ധാ​നം പാ​ലി​ക്കാ​നും എ​ല്ലാ ജ​ന​വി​ഭാ​ഗ​ങ്ങ​ളെ​യും കൂ​ടെ കൂ​ട്ടാ​നും ക്രി​യാ​ത്മ​ക​മാ​യി ചി​ന്തി​ക്കാ​നും സ്വ​ന്തം അ​നു​യാ​യി​ക​ളെ ഉ​ദ്ബോ​ധി​പ്പി​ക്കു​ന്നി​ല്ല? ബി.​എ​സ്.​പി പാ​ർ​ല​മെ​ന്റ്​ അം​ഗം ഡാ​നി​ഷ് അ​ലി​യെ കേ​ട്ടാ​ല​റ​ക്കു​ന്ന ഭാ​ഷ​യി​ൽ വം​ശീ​യാ​ധി​ക്ഷേ​പം ന​ട​ത്തി​യ ബി.​ജെ.​പി എം.​പി​യെ നി​ശ്ശ​ബ്ദ​നാ​ക്കാ​ൻ​പോ​ലും മ​ന്ത്രി​മാ​രോ പാ​ർ​ല​മെ​ന്റ​റി പാ​ർ​ട്ടി​യോ ത​യാ​റാ​വാ​തി​രു​ന്ന​ത് എ​ന്തു​കൊ​ണ്ട്? നീ​തി​യു​ടെ​യും മ​നു​ഷ്യ​സ്നേ​ഹ​ത്തി​ന്റെ​യും വി​ശ്വ​മാ​തൃ​ക​യാ​യി ശ്രീ​രാ​മ​നെ അ​വ​ത​രി​പ്പി​ച്ചാ​രാ​ധി​ക്കു​ന്ന​വ​രും സ​​ഹ​സ്ര​കോ​ടി​ക​ൾ ചെ​ല​വി​ട്ട് രാ​മ​ക്ഷേ​ത്രം പ​ണി​ത​പ്പോ​ഴും ഉ​ദ്ഘാ​ട​ന​ത്തി​ന് കാ​ർ​മി​ക​ത്വം വ​ഹി​ച്ച​പ്പോ​ഴും ഭ​ഗ​വാ​നു​ണ്ടാ​യി​രു​ന്നു​വെ​ന്ന് പ​റ​യു​ന്ന ഒ​രു ഗു​ണ​വും സ്വാ​യ​ത്ത​മാ​ക്കാ​ൻ ശ്ര​മി​ക്കാ​ത്ത​തെ​ന്തു​കൊ​ണ്ട്? എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന​താ​ണ് ത​ന്റെ ന​യ​മെ​ന്ന് സ്വ​ദേ​ശ​ത്തും വി​ദേ​ശ​ത്തും ഉ​ദ്ഘോ​ഷി​ക്കു​ന്ന പ്ര​ധാ​ന​മ​ന്ത്രി​ക്ക് രാ​ജ്യ​ത്തെ 20 കോ​ടി വ​രു​ന്ന മു​സ്‍ലിം ന്യൂ​ന​പ​ക്ഷ​ത്തെ വേ​ട്ട​യാ​ടാ​നും മാ​ന​സി​ക​മാ​യും ശാ​രീ​രി​ക​മാ​യും പീ​ഡി​പ്പി​ക്കാ​നു​മു​ള്ള നി​ര​ന്ത​ര​യ​ത്ന​ത്തി​ൽ​നി​ന്ന് അ​നു​യാ​യി​ക​ളെ പി​ന്തി​രി​പ്പി​ക്കാ​ൻ എ​ന്തു​കൊ​ണ്ട് സാ​ധി​ക്കാ​തെ പോ​വു​ന്നു? പ​ര​മോ​ന്ന​ത കോ​ട​തി​യു​ടെ ഉ​ത്ത​ര​വു​ക​ൾ​പോ​ലും ബി.​ജെ.​പി​യു​ടെ സം​സ്ഥാ​ന സ​ർ​ക്കാ​റു​ക​ൾ കാ​റ്റി​ൽ​പ​റ​ത്തു​ന്ന​തി​ന് ത​ട​യി​ടാ​ൻ കേ​ന്ദ്ര സ​ർ​ക്കാ​റി​ന് സാ​ധി​ക്കി​ല്ല എ​ന്നാ​ണോ? രാ​ജ്യ​ത്തി​ന്റെ പ്ര​തി​ച്ഛാ​യ​ത​ന്നെ വ​ഷ​ളാ​ക്കു​ന്ന മേ​ലു​ദ്ധ​രി​ച്ച പ​ഠ​ന റി​പ്പോ​ർ​ട്ടു​ക​ളെ പ്ര​തി​കാ​ര ന​ട​പ​ടി​ക​ളി​ലൂ​ടെ​യ​ല്ല പ​രി​ഹാ​ര ന​ട​പ​ടി​ക​ളി​ലൂ​ടെ വേ​ണം നേ​രി​ടേ​ണ്ട​ത് എ​ന്നു​മാ​ത്രം ഓ​ർ​മി​പ്പി​ക്ക​ട്ടെ.