സം​വ​ര​ണം: സു​പ്രീംകോ​ട​തി വി​ധി​യു​ടെ മാ​ന​ങ്ങ​ൾ

പി​ന്നാ​ക്ക സ​മൂ​ഹ​ങ്ങ​ളു​ടെ സാ​മൂ​ഹി​ക ഉ​ന്ന​മ​ന​ത്തി​നു​വേ​ണ്ടി വി.​പി. സിങ്​ സ​ർ​ക്കാ​ർ ന​ട​പ്പാ​ക്കി​യ മ​ണ്ഡ​ൽ ക​മീ​ഷ​നി​ലെ സം​വ​ര​ണ വ്യ​വ​സ്ഥ ചോ​ദ്യംചെ​യ്ത് ഇ​ന്ദി​ര സാ​ഹ്​നി സമർപ്പിച്ച ഹ​ര​ജി സു​പ്രീംകോ​ട​തി ഒ​മ്പ​തം​ഗ ഭ​ര​ണ​ഘ​ട​നാ ബെ​ഞ്ച് 1992 ന​വം​ബ​റി​ൽ തീ​ർ​പ്പാ​ക്കി വിധിപുറപ്പെടുവിക്കവെ, സം​വ​ര​ണം ന​ട​പ്പാ​ക്കു​മ്പോ​ൾ ചി​ല അ​ടി​സ്ഥാ​ന ത​ത്ത്വങ്ങ​ൾ പാ​ലി​ക്ക​ണ​മെ​ന്ന് നി​ഷ്ക​ർ​ഷി​ച്ചി​രു​ന്നു. 50 ശ​ത​മാ​ന​ത്തി​ന് മു​ക​ളി​ലാ​ക​രു​ത് സം​വ​ര​ണം; അ​തിെ​ൻ​റ പ​രി​ഗ​ണ​നാ വി​ഷ​യം സാ​മ്പ​ത്തി​കാ​വ​സ്ഥ​യ​ല്ല, സാ​മൂ​ഹി​ക, സാം​സ്കാ​രി​ക പി​ന്നാ​ക്കാ​വ​സ്ഥ​യാ​ണ്; സം​വ​ര​ണ​ത്തി​ൽ ജ​ന​സം​ഖ്യാ​നു​പാ​തി​ക​ പ്രാ​തി​നി​ധ്യമി​ല്ല എ​ന്നി​വയൊക്കെയായിരുന്നു അതിൽ പ്രധാനപ്പെട്ടവ. സാ​മ്പ​ത്തി​ക സം​വ​ര​ണം ന​ട​പ്പാ​ക്കാ​നു​ള്ള ന​ര​സിം​ഹ​റാ​വു സ​ർ​ക്കാ​റിെ​ൻ​റ തീ​രു​മാ​നം ഭ​ര​ണ​ഘ​ട​നാ വി​രു​ദ്ധ​മാ​ണെ​ന്നു വ്യ​ക്ത​മാ​ക്കി​യ ബെ​ഞ്ച് പി​ന്നാ​ക്ക​ക്കാ​രു​ടെ സം​വ​ര​ണ​ത്തി​ന് ക്രീമി​​െല​യ​ർ എ​ന്ന സാ​മ്പ​ത്തി​ക വ്യ​വ​സ്ഥ ഏ​ർ​പ്പെ​ടു​ത്തി എ​ന്ന​താ​യി​രു​ന്നു ആ ​വി​ധി​യി​ലെ വൈ​രു​ധ്യം. മ​ണ്ഡ​ൽ ക​മീ​ഷ​ൻ റി​പ്പോ​ർ​ട്ടി​ൽ ലി​സ്​റ്റ്​ ചെ​യ്ത പി​ന്നാ​ക്ക സ​മൂ​ഹ​ങ്ങ​ളെ സ​മ്പ​ത്തിെ​ൻ​റ അ​ടി​സ്ഥാ​ന​ത്തി​ൽ പാ​വ​പ്പെ​ട്ട​വ​രെ​ന്നും അ​ല്ലാ​ത്ത​വ​രെ​ന്നും വി​ഭ​ജി​ക്കു​ന്ന​ത് ഭ​ര​ണ​ഘ​ട​ന​യു​ടെ 16(4) വ​കു​പ്പിെ​ൻ​റ ലം​ഘ​ന​മാ​ണ​്​. എന്നിട്ടും, ജ​സ്​റ്റിസ് ര​ത്ന​വേ​ൽ പാ​ണ്ഡ്യ​​െൻറ സാ​മൂ​ഹി​ക നീ​തി​യു​ടെ പ​ക്ഷ​ത്തു​നി​ൽ​ക്കു​ന്ന വി​ധി​ക്ക് ഭൂ​രി​പ​ക്ഷ​ത്തിെ​ൻ​റ പി​ന്തു​ണ ല​ഭി​ക്കാ​ത്ത​തി​നാ​ൽ നി​യ​മ സാ​ധൂ​ക​ര​ണ​മി​ല്ലാ​തെ പോ​യി.

പി​ന്നാ​ക്ക സ​മൂ​ഹ​ങ്ങ​ളു​ടെ സം​വ​ര​ണ അ​ട്ടി​മ​റി​ക്ക് ക്രീ​മി​​െല​യ​ർ ഒ​രു ഉ​പ​ക​ര​ണമാ​യി വി​ക​സി​ച്ചു എ​ന്ന​തി​ന് ഇ​ന്ദി​ര സാ​ഹ്​നിക്കു​ശേ​ഷ​മു​ള്ള സം​വ​ര​ണ ച​രി​ത്രം സാ​ക്ഷി​യാ​ണ്. അ​തോ​ടെ, സാ​മ്പ​ത്തി​കാ​വ​സ്ഥ​കൂടി സം​വ​ര​ണ​ത്തി​ന് പ​രി​ഗ​ണി​ക്ക​ണ​മെ​ന്ന ആ​വ​ശ്യം ശ​ക്ത​മാ​കാ​ൻ തു​ട​ങ്ങി. മ​ണ്ഡ​ലാ​ന​ന്ത​രം, പി​ന്നാ​ക്ക സ​മൂ​ഹ​ങ്ങ​ളു​ടെ ദൃ​ശ്യ​ത അ​ധി​കാ​ര​മേ​ഖ​ല​ക​ളി​ലും ഉ​ന്ന​ത വി​ഭ്യാ​ഭ്യാ​സ രം​ഗ​ത്തും കൂ​ടു​ത​ൽ പ്ര​ക​ട​മാ​കു​ന്ന​തി​ലൂ​ടെ രൂ​പ​പ്പെ​ട്ട ജാ​തി​വെ​റി​യും ആ​ഗോ​ള​ീക​ര​ണ​മു​ണ്ടാ​ക്കി​യ സാ​മ്പ​ത്തി​ക ആ​ഘാ​ത​ത്തി​ൽ ഉ​ല​ഞ്ഞു​പോ​യ വ​രേ​ണ്യ​സ​മു​ദാ​യ​ങ്ങ​ളു​ടെ അ​ധി​കാ​ര​പ​ര​മാ​യ ആ​കു​ല​ത​ക​ളും സ​മ്മേ​ളി​ച്ച​തോ​ടെ അ​വ​ർ​ക്കി​ട​യി​ൽ സം​വ​ര​ണ​ത്തി​നു​വേ​ണ്ടി​യു​ള്ള മു​റ​വി​ളി​യും പ്ര​ക്ഷോ​ഭ​ങ്ങ​ളും പൊ​ട്ടി​പു​റ​പ്പെ​ടാ​ൻ തു​ട​ങ്ങി. ഗു​ജ​റാ​ത്തി​ലെ പ​ട്ടേ​ലു​ക​ൾ, മ​ഹാ​രാ​ഷ്​ട്ര​യി​ലെ മ​റാ​ത്ത​ക​ൾ, കേ​ര​ള​ത്തി​ലെ നാ​യ​ന്മാ​ർ തു​ട​ങ്ങി​യ മേ​ൽ​ജാ​തി സ​മൂ​ഹ​ങ്ങ​ളു​ടെ പ്ര​ധാ​നാ​വ​ശ്യ​മാ​യി സാ​മ്പ​ത്തി​ക സം​വ​ര​ണം. നി​യ​മ​പ​ര​മാ​യും രാ​ഷ്​ട്രീ​യ​പ​ര​മാ​യും അ​വ​രു​ടെ സ​മ​ർഥ​മാ​യ ക​രു​നീ​ക്ക​ങ്ങ​ളു​ടെ വി​ജ​യ​മാ​യി​രു​ന്നു, 2019 ജ​നു​വ​രി 14ന് ​ന​രേ​ന്ദ്ര മോ​ദി സ​ർ​ക്കാ​ർ പാ​സാ​ക്കി​യ 103ാം ഭ​ര​ണ​ഘ​ട​നാ ഭേ​ദ​ഗ​തി​യി​ലൂ​ടെ സാ​മ്പ​ത്തി​കാ​ടി​സ്ഥാ​ന​ത്തി​ലു​ള്ള സം​വ​ര​ണ​ത്തി​ന് കേ​ന്ദ്ര​ത്തി​നും സം​സ്ഥാ​ന​ങ്ങ​ൾ​ക്കും ന​ൽ​കി​യ അ​നു​മ​തി. അ​തോ​ടൊ​പ്പം ഭ​ര​ണ​ഘ​ട​ന​യു​ടെ 102ാം ഭേ​ദ​ഗ​തി നി​യ​മ​ത്തി​ലൂ​ടെ പി​ന്നാ​ക്ക വി​ഭാ​ഗ​ങ്ങ​ൾ​ക്കാ​യു​ള്ള ദേ​ശീ​യ ക​മീഷ​ന് ഭ​ര​ണ​ഘ​ട​നാ പ​ദ​വി ന​ൽ​കു​ക​യും പി​ന്നാ​ക്ക സ​മു​ദാ​യം ഏ​താ​​െണ​ന്ന് നി​ശ്ച​യി​ക്കാ​നു​ള്ള അ​ധി​കാ​രം രാഷ്​ട്ര​പ​തി​യി​ൽ നി​ക്ഷി​പ്ത​മാ​ക്കു​ക​യും ചെ​യ്തു. ബി.​ജെ.​പി​യു​ടെ തീ​വ്ര വ​ല​തു​പ​ക്ഷ രാഷ്​ട്ര​ീ​യ​ത്തിെ​ൻ​റ നി​യ​മ​പ​ര​മാ​യ മേ​ലൊ​പ്പു​ക​ളാ​യി​രു​ന്നു ആ ​ര​ണ്ടു ഭേ​ദ​ഗ​തി​ക​ളും. ഭ​ര​ണ​ഘ​ട​ന​യു​ടെ വ​ള​രെ പ്ര​ധാ​ന​പ്പെ​ട്ട ര​ണ്ടു മൂ​ല്യ​ങ്ങ​ൾ സം​വ​ര​ണ വി​ഷ​യ​ത്തി​ൽ -സാ​മൂ​ഹി​ക നീ​തി​യും ഫെ​ഡ​റ​ലി​സ​വും- റ​ദ്ദു ചെ​യ്യ​പ്പെ​ട്ട​ത് തെ​രു​വി​ൽ വ​ലി​യ പ്ര​ക്ഷോ​ഭ​ങ്ങ​ളൊ​ന്നും സൃ​ഷ്​ടി​ച്ചി​ല്ല എ​ന്ന​ത് അ​ത്ഭു​താ​വ​ഹ​മാ​ണ്. അ​തു​പോ​ലെ, ഇ​ന്ത്യ​യി​ലാ​ദ്യ​മാ​യി ഈ ​പ്ര​തി​ലോ​മ നി​യ​മ​ഭേ​ദ​ഗ​തി ന​ട​പ്പാ​ക്കി​യ​ത് കേ​ര​ള​ത്തി​ലാ​​െണ​ന്ന​ത് മ​റ്റൊ​രു വൈ​പ​രീ​ത്യം. 2020 ഒ​ക്ടോ​ബ​ർ 23ന് ​പ​ത്തു ശ​ത​മാ​നം സാ​മ്പ​ത്തി​ക സം​വ​ര​ണം ഏ​ർ​പ്പെ​ടു​ത്തിക്കൊണ്ട്​ പിണറായി സർക്കാർ ഉത്തരവിറക്കി.

2018ൽ ​ഫ​ഡ്​നാ​വ​ിസിെ​ൻ​റ മ​ഹാ​രാഷ്​ട്ര​ സ​ർ​ക്കാ​ർ കൊ​ണ്ടു​വ​ന്ന മ​റാ​ത്തി​ക​ൾ​ക്ക് ജോ​ലി​യി​ലും വി​ദ്യാ​ഭ്യാ​സ​ത്തി​ലും സം​വ​ര​ണം ഏ​ർ​പ്പെ​ടു​ത്തി​യ നി​യ​മം ഇ​ന്ദി​ര സാ​ഹ്നി കേ​സി​ലെ വി​ധി​ന്യാ​യ​ങ്ങ​ളെ ശ​രി​വെ​ച്ചു​കൊ​ണ്ട് ഇ​പ്പോ​ൾ സു​പ്രീംകോ​ട​തി റ​ദ്ദാ​ക്കി​യി​രി​ക്കു​ന്നു. അ​ത്യ​പൂ​ർ​വ സാ​ഹ​ച​ര്യ​ങ്ങ​ളി​ല​ല്ലാ​തെ ആ​കെ സം​വ​ര​ണം 50 ശ​ത​മാ​നം ക​വി​യാ​ൻ പാ​ടി​ല്ലെ​ന്ന മു​ൻ​കാ​ല വി​ധി​ക​ളെ അ​ര​ക്കെ​ട്ടു​റ​പ്പി​ച്ച ജ​സ്​റ്റി​സ് അ​ശോ​ക് ഭൂ​ഷ​ൺ അ​ധ്യ​ക്ഷ​നാ​യ അ​ഞ്ചം​ഗ ബെ​ഞ്ചിെ​ൻ​റ വി​ധി സം​വ​ര​ണ​ത്തിെ​ൻ​റ അ​ടി​സ്ഥാ​നം സാ​മൂ​ഹി​കാ​വ​സ്ഥ​യാ​​െണ​ന്ന് ഒ​രി​ക്ക​ൽ​ക്കൂ​ടി കൃ​ത്യ​തപ്പെ​ടു​ത്തു​ക​യാ​ണ്. സാ​മ്പ​ത്തി​ക സം​വ​ര​ണം നി​യ​മ​പ​ര​മാ​ക്കി​യ 103 ാം ഭ​ര​ണ​ഘ​ട​നാ ഭേ​ദ​ഗ​തി​യുടെ നി​യ​മ​സാ​ധു​ത​യെ അ​തു​കൊ​ണ്ടു​ത​ന്നെ ഈ ​വി​ധി ചോ​ദ്യം ചെ​യ്യു​ന്നു​ണ്ട്. സാ​മ്പ​ത്തി​ക സം​വ​ര​ണം ന​ട​പ്പാ​ക്കി​യ കേ​ര​ള​ത്തി​ലെ ഇ​ട​തു സ​ർ​ക്കാ​റി​നെ സ്വാ​ഭാ​വി​ക​മാ​യും ഈ ​വി​ധി പ്ര​തി​ക്കൂട്ടി​ൽ നി​ർ​ത്തു​ക​യും ചെ​യ്യു​ന്നു. എ​ന്നാ​ൽ, 2018ൽ ​കൊ​ണ്ടു​വ​ന്ന 102ാം ഭ​ര​ണ​ഘ​ട​ന ഭേ​ദ​ഗ​തി ശ​രി​വെ​ച്ച​തോ​ടെ സം​വ​ര​ണ സ​മു​ദാ​യ​ങ്ങ​ളെ നി​ശ്ച​യി​ക്കാ​നു​ള്ള അ​വ​കാ​ശം കേ​ന്ദ്ര​ത്തി​ൽ നി​ക്ഷി​പ്ത​മാ​കു​ക​യാ​ണ്. വം​ശീ​യ വെ​റി​യി​ൽ ആ​ണ്ടു​കി​ട​ക്കു​ന്ന കേ​ന്ദ്ര സ​ർ​ക്കാ​റിന് സം​വ​ര​ണ സ​മു​ദാ​യ​ങ്ങ​ളെ കൂ​ട്ടി​ച്ചേ​ർ​ക്കാ​നും വെ​ട്ടി​യി​ല്ലാ​താ​ക്കാ​നും നി​രു​പാ​ധി​കം അ​ധി​കാ​രം ല​ഭി​ച്ചാ​ൽ എ​ന്താ​ണ് സം​ഭ​വി​ക്കു​ക എ​ന്ന് ഊ​ഹി​ക്കാ​വു​ന്ന​തേ​യു​ള്ളൂ.

'ക്രീ​മി​​െല​യ​ർ ഭ​ര​ണ​ഘ​ട​ന​യു​ടെ അ​ന്ത​ഃസ​ത്ത​ക്ക് വി​രു​ദ്ധം​'എന്ന ജ​സ്​റ്റിസ്​ പാ​ണ്ഡ്യ​ൻ നടത്തിയ നിരീക്ഷണം പോലെ ത​ങ്ക​ലി​പി​ക​ളി​ൽ രേ​ഖ​പ്പെ​ടു​ത്തേ​ണ്ട​താ​ണ്, 102ാം ഭ​ര​ണ​ഘ​ട​നാ ഭേ​ദ​ഗ​തി​യി​ലൂ​ടെ കൊ​ണ്ടു​വ​ന്ന 342-എ ​വ​കു​പ്പ് പി​ന്നാ​ക്ക​വി​ഭാ​ഗ​ങ്ങ​ളെ തീ​രു​മാ​നി​ക്കാ​നു​ള്ള സം​സ്ഥാ​ന​ങ്ങ​ളു​ടെ അ​ധി​കാ​രം എ​ടു​ത്തു​ക​ള​യു​ന്ന​ത​ല്ല എ​ന്ന ജ​സ്​റ്റിസു​മാ​രാ​യ അ​ശോ​ക് ഭൂ​ഷ​ൺ, അ​ബ്​ദുൽ ന​സീ​ർ എ​ന്നി​വ​രു​ടെ വി​യോ​ജ​ന​വും. പ​ക്ഷേ, ജ​സ്​റ്റി​സു​മാ​രാ​യ നാ​ഗേ​ശ്വ​ര റാ​വു, ഹേ​മ​ന്ദ് ഗു​പ്ത, എ​സ്. ര​വീ​ന്ദ്ര ഭ​ട്ട് എ​ന്നിവരുടെ ഭൂ​രി​പ​ക്ഷ​വി​ധി 102ാം ഭേ​ദ​ഗ​തി​യെ ശ​രി​വെ​ച്ചി​രി​ക്കു​ന്നു. രാഷ്​ട്രീ​​യ, സാ​മൂ​ഹി​ക മേ​ഖ​ല​ക​ളി​ൽ വ​ലി​യ പ്ര​ത്യാ​ഘാ​ത​മു​ണ്ടാ​ക്കു​ന്ന ഈ ​വി​ധി ആ​ത്യ​ന്തി​ക​മാ​യി പി​ന്നാ​ക്ക വി​ഭാ​ഗ​ങ്ങ​ളെ വി​ഭ​ജി​ക്കു​ക​യും അ​വ​രു​ടെ അ​വ​കാ​ശ​ങ്ങ​ൾ ഹ​നി​ക്കാൻ നി​മി​ത്ത​മാ​കു​ക​യും ചെ​യ്തേ​ക്കും. മോ​ദി സ​ർ​ക്കാ​ർ കൊ​ണ്ടു​വ​ന്ന 102,103 ഭ​ര​ണ​ഘ​ട​നാ ഭേ​ദ​ഗ​തി​ക​ൾ​ക്ക് നി​യ​മ​സാ​ധു​ത​യു​ണ്ടോ എ​ന്ന സു​പ്രീംകോ​ട​തി​യു​ടെ മു​ന്നി​ലെ ഹ​ര​ജി​ക​ളു​ടെ തീ​ർ​പ്പാ​യി​രി​ക്കും സം​വ​ര​ണീ​യ സ​മൂ​ഹ​ങ്ങ​ളു​ടെ ഭ​ര​ണ​ഘ​ട​നാ​വ​കാ​ശ​ങ്ങ​ൾ രാ​ജ്യ​ത്ത് എ​ത്ര​കാ​ലം നി​ല​നി​ൽ​ക്കു​മെ​ന്ന് ഉ​റ​പ്പി​ക്കു​ക.