ട്രം​പ്​ പ​ണി തു​ട​ങ്ങി

ര​ണ്ടാ​മൂ​ഴ​ത്തി​ലെ അ​ധി​കാ​രം കൈ​യി​ല​മ​രും മു​മ്പേ യു.​എ​സ്​ പ്ര​സി​ഡ​ന്‍റ്​ ഡോ​ണ​ൾ​ഡ്​ ട്രം​പ്​ പ​ണി തു​ട​ങ്ങി​യി​രി​ക്കു​ന്നു. ‘പി​ന്നേം ​അ​മേ​രി​ക്ക മു​ന്നം ന​ട​ക്ക​ണം’ എ​ന്ന മു​ദ്രാ​വാ​ക്യ​വു​മാ​യി ഭ​ര​ണ​ത്തി​ലേ​റി​യ അ​ദ്ദേ​ഹം അ​തി​ന്‍റെ ആ​ദ്യ​ചു​വ​ടാ​യി എ​ടു​ത്തു​പ​റ​ഞ്ഞ​താ​ണ്​ അ​ന​ധി​കൃ​ത കു​ടി​യേ​റ്റ​ക്കാ​രെ മു​ഴു​വ​ൻ അ​ടി​ച്ചു​തെ​ളി​ക്കു​മെ​ന്ന്. പ​ട്ടാ​ഭി​ഷേ​ക​നാ​ളി​ൽ ഒ​പ്പു​വെ​ച്ച ഭ​ര​ണ​നി​ർ​വ​ഹ​ണ ശാ​സ​ന​ങ്ങ​ളി​ൽ പ്ര​ഥ​മ​പ്ര​ധാ​ന​വും അ​താ​യി​രു​ന്നു. അ​ധി​കാ​രി ട്രം​പ്​ ആ​യ​തു​കൊ​ണ്ട്​ നീ​ക്ക​ങ്ങ​ൾ അ​പ്ര​തീ​ക്ഷി​ത​മെ​ന്നു പ​റ​യു​ന്ന​തു​ത​ന്നെ അ​സം​ബ​ന്ധം. ലോ​ക​ത്തി​ന്‍റെ ന​ട​പ്പു​രീ​തി​ക​ളി​ൽ നി​ന്നും സാ​മാ​ന്യ​മ​ര്യാ​ദ​ക​ളി​ൽ നി​ന്നും ട്രം​പ്​ എ​ത്ര​മേ​ൽ വേ​ലി​ചാ​ടു​ന്നു എ​ന്നേ നോ​ക്കാ​നു​ള്ളൂ. അ​ത്ത​ര​മൊ​രു അ​സം​ബ​ന്ധ നാ​ട​ക​ത്തി​നാ​ണ്​ അ​ന​ധി​കൃ​ത കു​ടി​യേ​റ്റ​ക്കാ​രു​ടെ പു​റ​ന്ത​ള്ള​ലി​ലൂ​ടെ അ​ദ്ദേ​ഹം തു​ട​ക്കം കു​റി​ച്ചി​രി​ക്കു​ന്ന​ത്.

അ​ന​ധി​കൃ​ത കു​ടി​യേ​റ്റ​ത്താ​ൽ പൊ​റു​തി​മു​ട്ടു​ന്ന ആ​ദ്യ​രാ​ജ്യ​മ​ല്ല അ​മേ​രി​ക്ക. നി​ര​വ​ധി രാ​ജ്യ​ങ്ങ​ളെ പ്ര​തി​സ​ന്ധി​യി​ലേ​ക്കു ത​ന്നെ ത​ള്ളു​ന്ന ഈ ​പ്ര​തി​ഭാ​സ​ത്തെ രാ​ഷ്​​ട്രാ​ന്ത​രീ​യ മ​ര്യാ​ദ​യു​ടെ ചി​ട്ട​വ​ട്ട​ങ്ങ​ൾ പാ​ലി​ച്ചു​കൊ​ണ്ടു പ​രി​ഹ​രി​ക്കാ​നു​ള്ള ശ്ര​മ​മാ​ണ്​ രാ​ഷ്ട്ര​ങ്ങ​ൾ ന​ട​ത്തി​വ​രു​ന്ന​ത്. എ​ന്നാ​ൽ, തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​ലേ​ക്കു ക​ട​ക്കു​മ്പോ​ൾ ത​ന്നെ കു​ടി​യേ​റ്റ​ക്കാ​ർ​ക്കെ​തി​രെ വം​ശ​വെ​റി​യി​ലൂ​ന്നി​യ വെ​ള്ള​പ്ര​മാ​ണി​ത്ത​ത്തി​ന്‍റെ ധാ​ർ​ഷ്ട്യ​ത്തോ​ടെ​യാ​ണ്​ ട്രം​പ്​ സം​സാ​രി​ച്ചു​വ​ന്ന​ത്. അ​ധി​കാ​ര​മേ​റു​ന്ന​തോ​ടെ ഇ​വ​രെ ഒ​റ്റ​യ​ടി​ക്ക്​ പു​റ​ന്ത​ള്ളു​മെ​ന്നാ​യി​രു​ന്നു അ​ദ്ദേ​ഹ​ത്തി​ന്‍റെ മി​ന്നു​ന്ന വാ​ഗ്​​ദാ​ന​ങ്ങ​ളി​ൽ ഒ​ന്ന്. വി​ജ​യ​മു​റ​ച്ച​പ്പോ​ൾ സ്ഥാ​നാ​രോ​ഹ​ണ​ത്തി​നു മു​മ്പേ​ത​ന്നെ അ​തി​നു പ​ഴു​ത​ട​ച്ച വ​കു​പ്പും സം​വി​ധാ​നി​ച്ചു.

ഭ​ര​ണ​ത്തി​ലേ​റി നാ​ളു​ക​ൾ​ക്കു​ള്ളി​ൽ അ​ത്​ ന​ട​പ്പാ​ക്കി​ത്തു​ട​ങ്ങു​മ്പോ​ൾ ഇ​ന്നോ​ളം ട്രം​പ്​ വ​ലി​യ വാ​യി​ൽ പ്ര​സം​ഗി​ച്ചു​വ​ന്ന അ​ന​ധി​കൃത കു​ടി​യേ​റ്റ​ക്കാ​ർ​ക്കെ​തി​രാ​യ വി​ദ്വേ​ഷ​വ​മ​ന​ത്തി​ന്‍റെ അ​ച്ച​ട്ടാ​യ ന​ട​പ​ടി​ക്ര​മ​മാ​യി അ​തു മാ​റു​ക​യാ​ണ്. തൊ​ഴി​ൽ തേ​ടി ഇ​ത​ര​രാ​ജ്യ​ങ്ങ​ളി​ൽ നി​ന്നു ക​ട​ന്നു​വ​രു​ന്ന​വ​രെ പു​റ​ത്താ​ക്കു​ന്ന​തി​ന്​ ഏ​റ്റ​വും മ​നു​ഷ്യ​ത്വ​ര​ഹി​ത​മാ​യ ന​ട​പ​ടി​ക്ര​മ​ങ്ങ​ളാ​ണ്​ ട്രം​പ്​ ഭ​ര​ണ​കൂ​ടം സ്വീ​ക​രി​ച്ചി​രി​ക്കു​ന്ന​ത്. തെ​​ക്കേ അ​​മേ​രി​ക്ക​ൻ രാ​ഷ്ട്ര​ങ്ങ​ളാ​യ കൊ​ളം​ബി​യ, ബ്ര​സീ​ൽ എ​ന്നി​വി​ട​ങ്ങ​ളി​ൽ നി​ന്നു​ള്ള പൗ​ര​​രെ സൈ​നി​ക​വി​മാ​ന​ങ്ങ​ളി​ൽ ത​ള്ളി​ക്ക​യ​റ്റി, ക്രി​മി​ന​ലു​ക​ളെ​യെ​ന്ന വ​ണ്ണം സ്വ​ദേ​ശ​ങ്ങ​ളി​ൽ കൊ​ണ്ടു​ത​ള്ളു​ക​യാ​ണ്​ യു.​എ​സ്. ക​ഴി​ഞ്ഞ വെ​ള്ളി​യാ​ഴ്ച ബ്ര​സീ​ലി​ൽ നി​ന്നു​ള്ള 88 ​പേ​രെ കൈ​വി​ല​ങ്ങു​ക​ളും കാ​ൽ​ച​ങ്ങ​ല​ക​ളു​മ​ണി​യി​ച്ച്, കു​ടി​വെ​ള്ളം പോ​ലും ന​ൽ​കാ​തെ, ശു​ചി​മു​റി ഉ​പ​യോ​ഗം പോ​ലും വി​ല​ക്കി​യാ​ണ്​ നാ​ലു മ​ണി​ക്കൂ​ർ പ​റ​ത്തി നാ​ട്ടി​ലെ​ത്തി​ച്ച​ത്.പ​ല​പ്പോ​ഴും എ.​സി​യും പ്ര​വ​ർ​ത്തി​പ്പി​ച്ചി​ല്ല. സ​ഹാ​യ​ത്തി​നു യാ​ചി​ച്ച​വ​രോ​ട്​ ക്രൂ​ര​മാ​യ പ്ര​തി​ക​ര​ണ​മാ​യി​രു​ന്നു​വെ​ന്നും പ​റ​യു​ന്നു. സം​ഭ​വം ലാ​റ്റി​ന​മേ​രി​ക്ക​ൻ രാ​ജ്യ​ങ്ങ​ളി​ൽ വ​മ്പി​ച്ച പ്ര​തി​ഷേ​ധ​ത്തി​നു വ​ഴി​വെ​ച്ചി​രി​ക്കു​ക​യാ​ണ്. മ​നു​ഷ്യ​പ്പ​റ്റു തീ​ണ്ടാ​ത്ത ഈ ​ചെ​യ്തി​ക്കെ​തി​രെ ബ്ര​സീ​ൽ പ്ര​സി​ഡ​ന്‍റ്​ ലൂ​യി ലു​ല ഡ ​സി​ൽ​വ, അ​മേ​രി​ക്ക​യു​ടെ വി​​ശ​ദീ​ക​ര​ണം തേ​ടു​മെ​ന്ന​റി​യി​ച്ചു. അ​ന്താ​രാ​ഷ്ട്ര ധാ​ര​ണ​ക​ൾ എ​ന്ന​ല്ല, സാ​മാ​ന്യ മാ​നു​ഷി​ക​മ​ര്യാ​ദ​ക​ൾ പോ​ലും അ​സം​ബ​ന്ധ​മാ​യി ക​രു​തു​ന്ന വം​ശീ​യ​വെ​റി​യും അ​ധി​കാ​ര​ദു​ര​യും ​മൂ​ത്ത ട്രം​പി​ന്​ അ​ത്​ ഏ​ശു​മോ എ​ന്ന​ത്​ മ​റ്റൊ​രു കാ​ര്യം.

ട്രം​പി​ന്‍റെ കി​രാ​ത​നി​യ​മ​ത്തി​ന്‍റെ പ​ണി​കി​ട്ടി​യ മ​റ്റൊ​രു രാ​ജ്യം കൊ​ളം​ബി​യ​യാ​ണ്. മെ​ക്സി​കോ​യും കാ​ന​ഡ​യു​മൊ​ക്കെ​യാ​വും ആ​ദ്യ ഇ​ര എ​ന്നു ക​രു​തി​യി​ട​ത്താ​ണ് ശ​ത്രു​ത​യി​ൽ അ​ത്ര​ടം എ​ത്താ​ത്ത​ കൊ​ളം​ബി​യ​യി​ലേ​ക്ക്​ കൊ​ള്ളി​യെ​റി​ഞ്ഞ​ത്. ​പ​ക​ച്ചു​പോ​യ പ്ര​സി​ഡ​ന്‍റ്​ പ​ക്ഷേ, കു​ടി​യേ​റ്റ​ക്കാ​രെ ചു​മ​ന്നു​വ​ന്ന ര​ണ്ടു അ​മേ​രി​ക്ക​ൻ വി​മാ​ന​ങ്ങ​ളെ ഇ​റ​ങ്ങാ​ൻ അ​നു​വ​ദി​ച്ചി​ല്ല. ക്രു​ദ്ധ​നാ​യ യു.​എ​സ്​ പ്ര​സി​ഡ​ന്‍റി​ന്‍റെ പ്ര​തി​കാ​രം ഉ​ട​നെ വ​ന്നു- കൊ​ളം​ബി​യ​യി​ൽ നി​ന്നു​ള്ള ഇ​റ​ക്കു​മ​തി ഉ​ൽ​പ​ന്ന​ങ്ങ​ൾ​ക്കെ​ല്ലാം 25 ശ​ത​മാ​നം ഇ​റ​ക്കു​മ​തി തീ​രു​വ ചു​മ​ത്തി. യാ​ത്രാ നി​രോ​ധ​ന​വും കൊ​ളം​ബി​യ​ൻ ഗ​വ​ൺ​മെ​ന്‍റ്​ ഉ​ദ്യോ​ഗ​സ്ഥ​രു​ടെ വി​സ റ​ദ്ദാ​ക്ക​ലു​മ​ട​ക്ക​മു​ള്ള വി​ര​ട്ടും കാ​ട്ടി. അ​തി​ൽ പി​ന്നെ​ തി​രി​ച്ചെ​ത്തു​ന്ന​വ​രെ സ്വീ​ക​രി​ക്കാ​ൻ കൊ​ളം​ബി​യ ത​യാ​റാ​യി, അ​മേ​രി​ക്ക ഇ​റ​ക്കു​മ​തി തീ​രു​വ പി​ൻ​വ​ലി​ച്ചു.

അ​മേ​രി​ക്ക​യു​ടെ ഏ​റ്റ​വും വ​ലി​യ വ്യാ​പാ​ര പ​ങ്കാ​ളി​ക​ളി​ലൊ​ന്നാ​യ കൊ​ളം​ബി​യ 53.5 ബി​ല്യ​ൺ യു.​എ​സ്​ ഡോ​ള​റി​ന്‍റെ വ്യാ​പാ​ര​മാ​ണ്​ 2022ൽ ​ന​ട​ത്തി​യ​ത്. ക്രൂ​ഡ്​ ഓ​യി​ലി​നും കാ​പ്പി​ക്കും പ​ഴ​ങ്ങ​ൾ​ക്കും പൂ​ക്ക​ൾ​ക്കു​മെ​ല്ലാം കൊ​ളം​ബി​​യ​യെ​യാ​ണ്​ അ​മേ​രി​ക്ക ആ​ശ്ര​യി​ക്കു​ന്ന​ത്. ഈ ​നി​ത്യോ​പ​യോ​ഗ സാ​ധ​ന​ങ്ങ​ൾ​ക്കു വി​ല​വ​ർ​ധി​ക്കു​ന്ന​ത്​ സ്വ​ന്തം ജ​ന​ത​യി​ൽ എ​ന്തു പ്ര​തി​ക​ര​ണ​മു​ള​വാ​ക്കും എ​ന്ന​തൊ​ന്നും ട്രം​പ്​ ആ​ലോ​ചി​ച്ചി​ട്ടി​ല്ല. ശ​ത്രു​ക്ക​ളോ​ടും മി​ത്ര​ങ്ങ​ളോ​ടു​മൊ​ക്കെ അ​ദ്ദേ​ഹ​ത്തി​ന്​ ഒ​ന്നേ പ​റ​യാ​നു​ള്ളൂ-‘​സ​ഹ​ക​രി​ക്കു​ന്നോ, കൊ​ള്ളാം. ഇ​ല്ലെ​ങ്കി​ൽ ത​ള്ളും’. മു​ൻ​പി​ൻ​ നോ​ട്ട​മി​ല്ലാ​തെ ഈ ​ന​യ​പ​രി​പാ​ടി ഏ​റെ മു​ന്നോ​ട്ടു കൊ​ണ്ടു​പോ​കാ​നാ​വി​ല്ലെ​ന്നാ​ണ്​ അ​മേ​രി​ക്ക​യു​ടെ വ​ർ​ത്ത​മാ​ന​സ്ഥി​തി​യ​റി​യു​ന്ന​വ​രെ​ല്ലാം പ​റ​യു​ന്ന​ത്. എ​ന്നാ​ൽ, സാ​മാ​ന്യ​ത​ത്ത്വ​ങ്ങ​ളൊ​ന്നും ബാ​ധ​ക​മാ​കാ​ത്ത ട്രം​പി​ന്‍റെ എ​ടു​ത്തു​ചാ​ട്ട​ങ്ങ​ളി​ൽ ബ്രി​ട്ട​നെ പോ​ലു​ള്ള ആ​ജ​ന്മ​സ​ഖ്യ​ക്കാ​ർ പോ​ലും ആ​ശ​ങ്ക​പ്പെ​ടു​ന്നു​മു​ണ്ട്.

അ​മേ​രി​ക്ക​യെ മ​ഹ​ത്ത​ര​മാ​ക്കാ​ൻ ര​ണ്ടാം​വ​ട്ടം ഇ​റ​ങ്ങി​ത്തി​രി​ച്ച​താ​ണ്​ ​ഡോ​ണ​ൾ​ഡ്​ ട്രം​പ്. അ​ശ​ര​ണ​രാ​യ കു​ടി​യേ​റ്റ​ക്കാ​രെ ച​ങ്ങ​ല​യി​ൽ പൂ​ട്ടി വെ​ള്ളം​തൊ​ടീ​ക്കാ​തെ അ​തി​ർ​ത്തി​ക്ക​പ്പു​റം ത​ള്ളു​ന്ന​താ​ണ്​ അ​ദ്ദേ​ഹ​ത്തി​ന്‍റെ ‘മ​ഹ​ത്താ​യ’ ആ​ദ്യ​പ​രി​ഷ്ക​ര​ണം. അ​മേ​രി​ക്ക​യു​ടെ ത​ന്നെ ‘മ​ഹ​ത്താ​യ’ യു​ദ്ധ​ത്തി​നി​ര​ക​ളാ​യ ഗ​സ്സ​ക്കാ​ർ ത​ട​വി​ൽ പി​ടി​ച്ച​വ​രെ ഉ​പ​ഹാ​ര​ങ്ങ​ളും ഉ​പ​ചാ​ര​ങ്ങ​ളും ന​ൽ​കി ആ​ഘോ​ഷ​പൂ​ർ​വം വി​ട്ട​യ​ക്കു​ന്ന നേ​ര​ത്താ​ണ്​ കോ​ള​നി​വാ​ഴ്ച​ക്കാ​ല രീ​തി​യി​ലു​ള്ള ഈ ​അ​തി​ർ​ത്തി ക​ട​ത്ത​ൽ. അ​ധി​കാ​ര​വീ​ര്യ​വും ആ​യു​ധ​പ്പെ​രു​മ​യു​മ​ല്ല, മ​നു​ഷ്യ​പ്പ​റ്റും വി​വേ​ക​വു​മാ​ണ്​ വ്യ​ക്തി​ക​ളെ​യും രാ​ഷ്ട്ര​ങ്ങ​ളെ​യും മ​ഹ​ത്ത​ര​മാ​ക്കു​ന്ന​ത്. ധാ​ർ​മി​ക​ത​യു​ടെ​യും മാ​ന​വി​ക​ത​യു​ടെ​യും മ​നോ​ബ​ല​ത്തി​ലാ​ണ് രാ​ഷ്ട്ര​ങ്ങ​ളും ജ​ന​ത​തി​ക​ളും നി​ല​നി​ൽ​ക്കു​ന്ന​ത്. പ​റ​ഞ്ഞി​ട്ടെ​ന്ത്, പ​ര​പ്പ​ക​യു​ടെ പു​ര​പ്പു​റം ക​യ​റി നെ​ഞ്ചു​വി​രി​ക്കു​ന്ന​വ​രു​ണ്ടോ ഇ​തൊ​ക്കെ തി​രി​ച്ച​റി​യു​ന്നു!​