Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_rightചോരവീണ കാമ്പസ്​

ചോരവീണ കാമ്പസ്​

text_fields
bookmark_border
ചോരവീണ കാമ്പസ്​
cancel




'നാ​ൻ പെ​റ്റ മ​ക​നേ...' എ​ന്ന ആ ​മാ​തൃ​വി​ലാ​പം കേ​ര​ള​ത്തെ ഇ​പ്പോ​ഴും ഇ​ട​ത​ട​വി​ല്ലാ​തെ അ​ല​ട്ടി​ക്കൊ​ണ്ടി​രി​ക്കു​ന്നു​ണ്ട്. എ​റ​ണാ​കു​ളം മ​ഹാ​രാ​ജാ​സ്​ കോ​ള​ജി​ൽ രാ​ഷ്ട്രീ​യ​പ്ര​തി​യോ​ഗി​ക​ൾ നി​ഷ്ഠു​ര​മാ​യി കൊ​ല​ചെ​യ്ത അ​ഭി​മ​ന്യു​വി​ന്‍റെ അ​മ്മ​യു​ടെ ആ ​ദീ​ന​വി​ലാ​പ​ത്തി​ൽ ക​ര​ഞ്ഞു​ക​ല​ങ്ങി​യ കേ​ര​ളം മ​നു​ഷ്യ​ത്വ​ത്തി​ലേ​ക്കു തെ​ളി​ഞ്ഞു​വ​രും എ​ന്നു ക​രു​തി​യ​വ​ർ​ക്കു തെ​റ്റി. കാ​മ്പ​സ്​ രാ​ഷ്ട്രീ​യ​ത്തി​​ന്‍റെ ചൂ​രും ചൂ​ടും കു​റ​യ്ക്കാ​ൻ കോ​ട​തി ത​ന്നെ മു​ൻ​കൈ​യെ​ടു​ത്ത ശേ​ഷ​വും രാ​ഷ്ട്രീ​യ​ക്ക​ലി​ക്കു തെ​ല്ലും ശ​മ​ന​മാ​യി​ല്ല എ​ന്നു തെ​ളി​യി​ക്കു​ക​യാ​ണ്​ തി​ങ്ക​ളാ​ഴ്ച പ​ട്ടാ​പ്പ​ക​ൽ ഇ​ടു​ക്കി പൈ​നാ​വി​ലെ ഗ​വ.​എ​ൻ​ജി​നീ​യ​റി​ങ്​ കോ​ള​ജി​ൽ ന​ട​ന്ന അ​റു​കൊ​ല. കാ​മ്പ​സ്​ തെ​ര​ഞ്ഞെ​ടു​പ്പി​​നി​ടെ​യു​ണ്ടാ​യ സം​ഘ​ർ​ഷ​ത്തി​ൽ കു​ത്തേ​റ്റ്​ എ​സ്.​എ​ഫ്.​ഐ പ്ര​വ​ർ​ത്ത​ക​നാ​യ ക​ണ്ണൂ​ർ ത​ളി​പ്പ​റ​മ്പ്​ സ്വ​ദേ​ശി ധീ​ര​ജ്​ കൊ​ല്ല​പ്പെ​ട്ടു. തൃ​ശു​ർ സ്വ​ദേ​ശി അ​ഭി​ജി​ത്, അ​മ​ൽ എ​ന്നി​വ​ർ​ക്ക്​ ഗു​രു​ത​ര​മാ​യ പ​രി​ക്കു​ണ്ട്.

സം​ഭ​വ​ത്തി​ൽ യൂ​ത്ത്​ കോ​ൺ​ഗ്ര​സ്​ മ​ണ്ഡ​ലം പ്ര​സി​ഡ​ന്‍റ്​ അ​ട​ക്കം പി​ടി​യി​ലാ​യി​ട്ടു​ണ്ട്. മ​നു​ഷ്യ​ത്വ​മു​ള്ള​യാ​ർ​ക്കും ഈ ​ഹീ​ന​കൃ​​ത്യ​ത്തെ അ​പ​ല​പി​ക്കാ​തി​രി​ക്കാ​നാ​വി​ല്ല. അ​തേ​സ​മ​യം, ഉ​റ്റ​വ​രു​ടെ​യും ഉ​ട​യ​വ​രു​ടെ​യും ക​ണ്ണീ​ർ തോ​ർ​ത്താ​നും ഇ​നി​യും ഇ​ങ്ങ​നെ ചോ​ര​യും ക​ണ്ണീ​രും വീ​ഴ്​​ത്താ​തി​രി​ക്കാ​നും എ​ന്തു വ​ഴി എ​ന്ന ആ​ലോ​ച​ന​യാ​ണ്​ പ്ര​ധാ​നം. ഇ​തു​വ​രെ കാ​മ്പ​സു​ക​ളി​ൽ വീ​ണ ചോ​ര​യി​ൽ​നി​ന്നു പാ​ർ​ട്ടി​ക​ൾ​ക്കു മു​ത​ലെ​ടു​പ്പി​നു​ള്ള ര​ക്ത​സാ​ക്ഷി​ക​ളെ കി​ട്ടി​യ​തു മി​ച്ചം എ​ന്ന​ല്ലാ​തെ സ​മൂ​ഹ​മ​ന​സ്സ്​ വ​ല്ല​തും പ​ഠി​ച്ചെ​ടു​ത്തോ എ​ന്ന ചോ​ദ്യ​വും നാം ​സ്വ​യം ചോ​ദി​ക്കേ​ണ്ടി വ​രും.

മ​നു​ഷ്യ​പ്പ​റ്റും മാ​ന​വി​ക​ബോ​ധ​വു​മു​ള്ള നേ​താ​ക്ക​ളാ​ണ്​ കാ​മ്പ​സു​ക​ളെ ന​യി​ക്കു​ന്ന​തെ​ങ്കി​ൽ കേ​ര​ള​ത്തി​ലെ ക​ലാ​ല​യ​രാ​ഷ്ട്രീ​യം ശു​ഭ​ക​ര​മാ​യ മ​റ്റൊ​രു ദി​ശ​യി​ലേ​ക്കാ​കും നീ​ങ്ങു​ക എ​ന്ന്​ അ​ഭി​മ​ന്യു കൊ​ല്ല​പ്പെ​ട്ട അ​ഭി​ശ​പ്ത​നി​മി​ഷ​ങ്ങ​ളി​ൽ ഞ​ങ്ങ​ൾ ചൂ​ണ്ടി​ക്കാ​ണി​ച്ച​താ​ണ്. എ​ന്നാ​ൽ,​ അ​നു​ഭ​വ​ങ്ങ​ളി​ൽ​നി​ന്നു പ​ഠി​ക്കു​ന്ന ഗു​രു​ത്വ​മ​ല്ല, അ​തി​നെ അ​വ​ഗ​ണി​ച്ചു പാ​ട്ടി​നു നീ​ങ്ങു​ന്ന ഗു​രു​ത്വ​ക്കേ​ടാ​ണ്​ രാ​ഷ്ട്രീ​യ​നേ​തൃ​ത്വ​വും അ​വ​രു​ടെ കാ​മ്പ​സ്​ പ്ര​തി​രൂ​പ​ങ്ങ​ളും കാ​ഴ്ച​വെ​ക്കു​ന്ന​ത്. അ​താ​ണി​പ്പോ​ൾ മ​റ്റൊ​രു യു​വ​ജീ​വ​നെ കൂ​ടി ക​വ​ർ​ന്നെ​ടു​ക്കു​ന്ന ക്രൂ​ര​ത​യി​ലെ​ത്തി​യി​രി​ക്കു​ന്ന​ത്. കാ​മ്പ​സു​ക​ളി​ൽ ജ​നാ​ധി​പ​ത്യം വി​രി​​യി​ക്കേ​ണ്ട തെ​ര​ഞ്ഞെ​ടു​പ്പി​ന്‍റെ പ്ര​വ​ർ​ത്ത​ന​ങ്ങ​ൾ​ക്കി​ട​യി​ലാ​ണ്​ അ​തി​നു ക​ട​ക​വി​രു​ദ്ധ​മാ​യ അ​ക്ര​മ​ത്തി​നു തി​രി​കൊ​ളു​ത്തി​യ​ത്​ എ​ന്ന​തു എ​ത്ര വി​രോ​ധാ​ഭാ​സ​മ​ല്ല!​

ഈ ​അ​വി​​വേ​ക​ത്തെ ത​ള്ളി​പ്പ​റ​യു​ക​യും പു​തു​ത​ല​മു​റ​യെ തി​രു​ത്തി​നു പ്രേ​രി​പ്പി​ക്കു​ക​യും ചെ​യ്ത്​ അ​ക്ര​മ​ത്തീ അ​ണ​ക്കു​ന്ന​തി​നു​പ​ക​രം പ​ക​യും പ്ര​തി​കാ​ര​ചി​ന്ത​യും ഊ​തി​പ്പെ​രു​പ്പി​ക്കു​ന്ന ത​ര​ത്തി​ൽ ആ​രോ​പ​ണ​പ്ര​ത്യാ​രോ​പ​ണ​ങ്ങ​ൾ​ക്കാ​ണ്​​ രാ​ഷ്ട്രീ​യ​നേ​തൃ​ത്വം തി​ടു​ക്ക​പ്പെ​ടു​ന്ന​ത്. സം​ഭ​വ​ത്തി​നു പി​ന്നാ​ലെ കാ​മ്പ​സു​ക​ളി​ല​ട​ക്കം സം​സ്ഥാ​ന​ത്തി​ന്‍റെ പ​ല ഭാ​ഗ​ത്തും സം​ഘ​ർ​ഷാ​വ​സ്ഥ നി​ല​നി​ൽ​ക്കു​ന്നു​ണ്ട്. കാ​ര്യ​ങ്ങ​ൾ കൈ​വി​ട്ടു​പോ​കാ​തെ സൂ​ക്ഷി​ക്കാ​ൻ എ​ല്ലാ രാ​ഷ്​​ട്രീ​യ​പാ​ർ​ട്ടി​ക​ൾ​ക്കും ബാ​ധ്യ​ത​യു​ണ്ട്. ഭ​ര​ണ​കൂ​ടം ഇ​ക്കാ​ര്യ​ത്തി​ൽ കൂ​ടു​ത​ൽ ജാ​ഗ്ര​ത പു​ല​ർ​ത്തേ​ണ്ടി​യി​രി​ക്കു​ന്നു.

റാ​ഗി​ങ്​ മു​ത​ൽ കു​ത്തും കൊ​ല​യു​മ​ട​ക്ക​മു​ള്ള വി​ധ്വം​സ​ക പ്ര​വ​ർ​ത്ത​ന​ത്തി​ലെ വ​മ്പാ​ണ്​ കാ​മ്പ​സ്​ ക​രു​ത്തി​ന്‍റെ അ​ട​യാ​ള​മെ​ന്നു ക​രു​തു​ന്ന​വ​രാ​ണ്​ രാ​ഷ്ട്രീ​യ​പാ​ർ​ട്ടി​ക​ൾ. കാ​മ്പ​സി​ലെ അ​ക്ര​മ​പ്ര​വ​ർ​ത്ത​ന​ങ്ങ​ൾ​ക്കു പു​റ​മെ​നി​ന്നു പോ​ഷ​ക​ഘ​ട​ക​ങ്ങ​ളെ നി​യോ​ഗി​ച്ച്​ കൈ​യ​യ​ച്ച്​ സ​ഹാ​യം ചെ​യ്യു​ന്ന സം​ഘ​ട​ന​ക​ളു​ണ്ട്. അ​ഭി​മ​ന്യു വ​ധ​ത്തി​​ലെ​ന്ന​പോ​ലെ തി​ങ്ക​ളാ​ഴ്ച ഇ​ടു​ക്കി​യി​ൽ ന​ട​ന്ന കൊ​ല​പാ​ത​ക​ത്തി​ലും ഇ​ത്ത​രം പു​റം​സം​ഘ​ങ്ങ​ളു​ണ്ടെ​ന്ന ആ​രോ​പ​ണ​മു​യ​ർ​ന്നി​ട്ടു​ണ്ട്. കാ​മ്പ​സു​ക​ളി​ൽ ആ​വ​ർ​ത്തി​ക്കു​ന്ന കൊ​ല​പാ​ത​ക​ങ്ങ​ൾ ക​ലാ​ല​യ​രാ​ഷ്ട്രീ​യ​ത്തോ​ടു​ത​ന്നെ പൊ​തു​ജ​ന​ങ്ങ​ളി​ൽ വി​പ്ര​തി​പ​ത്തി ജ​നി​പ്പി​ക്കാ​ൻ ഇ​ട​യാ​ക്കി​യി​ട്ടു​ണ്ട്. ഇ​താ​ക​ട്ടെ, കാ​മ്പ​സി​ൽ രാ​ഷ്ട്രീ​യ​മേ വേ​ണ്ട എ​ന്ന അ​രാ​ഷ്ട്രീ​യ നി​ല​പാ​ടി​ന്​ ആ​വേ​ശം പ​ക​രു​ന്നു.​

കാ​മ്പ​സ്​ പ​ഠി​ക്കാ​നു​ള്ള​താ​ണ്, രാ​ഷ്ട്രീ​യ​പ്ര​വ​ർ​ത്ത​ന​ത്തി​നു​ള്ള​ത​ല്ല എ​ന്ന തീ​ർ​പ്പി​ലേ​ക്ക്​ കോ​ട​തി​യെ വ​രെ എ​ത്തി​ക്കു​ന്ന​തി​ന്​ ഇ​തു കാ​ര​ണ​മാ​യി. വാ​സ്ത​വ​ത്തി​ൽ അ​ക്ര​മ​രാ​ഷ്ട്രീ​യം അ​തി​നു തു​നി​യു​ന്ന​വ​രു​ടെ കൈ​ക്കു പി​ടി​ച്ചേ ത​ട​യേ​ണ്ട​താ​ണ്. രാ​ഷ്ട്രീ​യ​സം​ഘ​ർ​ഷ​ങ്ങ​ൾ നി​ര​ന്ത​രം ന​ട​ന്നു​വ​ന്നി​ട്ടും അ​ക്ര​മ​രാ​ഷ്ട്രീ​യം ക്ലാ​സ്റൂ​മി​ൽ വ​രെ ക​യ​റി​യി​ട്ടും കേ​ര​ള​ത്തി​ൽ രാ​ഷ്ട്രീ​യ​പ്ര​വ​ർ​ത്ത​ന നി​രോ​ധം എ​ന്ന ആ​ശ​യം ആ​രും മു​ന്നോ​ട്ടു​വെ​ച്ചി​ട്ടി​ല്ല. മാ​ത്ര​മ​ല്ല, കോ​ട​തി​യു​ടെ നി​ര​ന്ത​ര​മാ​യ ഇ​ട​പെ​ട​ലി​നെ തു​ട​ർ​ന്നു ധാ​രാ​ളം മാ​റ്റ​ങ്ങ​ൾ​ക്കും തി​രു​ത്തു​ക​ൾ​ക്കും വി​ധേ​യ​മാ​യ പ​രി​മി​ത​മാ​യ വി​ദ്യാ​ർ​ഥി​രാ​ഷ്ട്രീ​യ​പ്ര​വ​ർ​ത്ത​ന​മാ​ണ്​ ഇ​പ്പോ​ൾ നി​ല​വി​ലു​ള്ള​ത്. എ​ന്നാ​ൽ, അ​വി​ടെ​യും അ​ക്ര​മി​ക​ൾ​ക്ക്​ അ​ഴി​ഞ്ഞാ​ടാ​ൻ ഒ​രു പ​രി​ധി​യു​മി​ല്ല എ​ന്നാ​ണ്​ എ​റ​ണാ​കു​ളം മ​ഹാ​രാ​ജാ​സ്, ഇ​ടു​ക്കി എ​ൻ​ജി.​കോ​ള​ജ്​ അ​നു​ഭ​വ​ങ്ങ​ൾ തെ​ളി​യി​ക്കു​ന്ന​ത്.

അ​ങ്ങ​നെ വ​രു​മ്പോ​ൾ ചി​കി​ത്സ വേ​ണ്ട​ത്​ വി​ദ്യാ​ർ​ഥി​രാ​ഷ്ട്രീ​യ​ത്തി​ന​ല്ല, ന​മ്മു​ടെ രാ​ഷ്ട്രീ​യ​സം​സ്കാ​ര​ത്തി​നാ​ണ്. തി​ള​യ്ക്കു​ന്ന യു​വ​ത്വ​ത്തു​ടി​പ്പി​നെ ത​ങ്ങ​ളു​ടെ നി​ക്ഷി​പ്ത താ​ൽ​പ​ര്യ​ങ്ങ​ളു​ടെ ചു​ടു​ചോ​റു മാ​ന്തി​ക്കു​ന്ന ത​രം​താ​ണ പ്ര​വ​ർ​ത്ത​ന​ങ്ങ​ളി​ൽ​നി​ന്നു ക​ക്ഷി രാ​ഷ്ട്രീ​യ​ക്കാ​ർ വി​ട്ടു​നി​ൽ​ക്ക​ണം. വി​ദ്യാ​ർ​ഥി​ക​ൾ​ക്ക്​ ആ​ശ​യ​പ​ര​മാ​യി സം​വ​ദി​ക്കാ​നും വി​യോ​ജി​പ്പു​ക​ളും വി​മ​ർ​ശ​ന​ങ്ങ​ളും ഉ​ന്ന​യി​ക്കാ​നും പ്ര​തി​ക​ര​ണ​ങ്ങ​ളും പ്ര​തി​ഷേ​ധ​ങ്ങ​ളും രേ​ഖ​പ്പെ​ടു​ത്താ​നു​മു​ള്ള ​പൊ​തു ഇ​ട​ങ്ങ​ളി​ൽ പ്ര​മു​ഖ​മാ​ണ്​ കാ​മ്പ​സു​ക​ൾ. സ​മൂ​ഹ​പ​രിഛേ​ദ​മാ​യ അ​വി​ടെ നി​ന്നാ​ണ്​ ജ​നാ​ധി​പ​ത്യ​ചി​ന്ത​യും ബ​ഹു​സ്വ​ര സം​സ്കാ​ര​വും കു​ട്ടി​ക​ൾ പ​ഠി​​ച്ചെ​ടു​ക്കേ​ണ്ട​ത്. നാ​ടി​ന്‍റെ ഭാ​വി​ഭാ​ഗ​ധേ​യം നി​ർ​ണ​യി​ക്കാ​നു​ള്ള പ്ര​വ​ർ​ത്ത​ന​ങ്ങ​ളി​ൽ മാ​ർ​ഗ​ദ​ർ​ശ​നം പ​ക​രു​ന്ന സ​ർ​ഗാ​ത്മ​ക അ​നു​ഭ​വ​ങ്ങ​ൾ മു​ത​ൽ​ക്കൂ​ട്ടു​വാ​നു​ള്ള അ​വ​സ​ര​മാ​യി കാ​മ്പ​സ്​ ജീ​വി​ത​ത്തെ മാ​റ്റി​യെ​ടു​ക്കാ​ൻ രാ​ഷ്ട്രീ​യ​നേ​തൃ​ത്വ​ത്തി​ന്​ ഇഛാ​ശ​ക്തി​യു​​ണ്ടെ​ങ്കി​ൽ ക​ഴി​യും.

നേ​ർ​വി​പ​രീ​ത​മാ​യി, ഫാ​ഷി​സ്റ്റു​രീ​തി​ക​ളി​ലൂ​ടെ കാ​മ്പ​സു​ക​ളി​ൽ ഏ​കഛ​ത്രാ​ധി​പ​ത്യം സ്ഥാ​പി​ച്ചെ​ടു​ക്കാ​നും അ​പ​ര​രെ പൈ​ശാ​ചി​ക​വ​ത്​​ക​രി​ച്ച്​ പ​ക​യും വി​ദ്വേ​ഷ​വും സൃ​ഷ്ടി​ച്ച്​ സം​ഹാ​ര​രാ​ഷ്ട്രീ​യം പ​രി​ശീ​ലി​പ്പി​ക്കാ​നും ക​ഴി​യും. നി​ർ​ഭാ​ഗ്യ​വ​ശാ​ൽ ഈ ​നി​ഷേ​ധാ​ത്മ​ക​രീ​തി​യി​ലേ​ക്ക്​ ക​ലാ​ല​യ കൗ​മാ​ര​ങ്ങ​ളെ ആ​ട്ടി​ത്തെ​ളി​ക്കു​ന്ന​താ​ണ്​​ കേ​ര​ള​ത്തി​ൽ ക​ണ്ടു​വ​രു​ന്ന​ത്. സ്വാ​ത​ന്ത്ര്യ​ത്തി​നും ജ​നാ​ധി​പ​ത്യ​ത്തി​നും​വേ​ണ്ടി മു​ദ്രാ​വാ​ക്യം മു​ഴ​ക്കു​ന്ന​വ​ർ അ​തി​ന്‍റെ ബാ​ല​പാ​ഠ​ങ്ങ​ൾ പ​ഠി​ക്കാ​നും പ​രി​ശീ​ലി​ക്കാ​നു​മു​ള്ള ഇ​ട​ങ്ങ​ളാ​ക്കി കാ​മ്പ​സു​ക​ളെ മാ​റ്റി​യെ​ടു​ക്കു​ക​യാ​ണ്​ ക​ലാ​ല​യ​ങ്ങ​ളെ സം​ഘ​ർ​ഷ​മു​ക്ത​മാ​ക്കാ​നു​ള്ള ആ​ദ്യ​ചു​വ​ട്.

Show Full Article
TAGS:Dheeraj Murder 
News Summary - Dheeraj Murder Editorial
Next Story