Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_rightകുതിച്ചുയരുന്ന വില,...

കുതിച്ചുയരുന്ന വില, നട്ടെല്ലൊടിയുന്ന ജനം

text_fields
bookmark_border
കുതിച്ചുയരുന്ന വില, നട്ടെല്ലൊടിയുന്ന ജനം
cancel




ദ​രി​ദ്ര​രും സാ​ധാ​ര​ണ​ക്കാ​രും പ​രി​മി​ത വ​രു​മാ​ന​ക്കാ​രു​മ​ട​ങ്ങി​യ പൊ​തു​സ​മൂ​ഹ​ത്തെ സം​ബ​ന്ധി​ച്ചി​ട​ത്തോ​ളം സാ​മാ​ന്യ​ജീ​വി​തം അ​തി ദു​ഷ്ക​ര​മാ​യി​ക്കൊ​ണ്ടി​രി​ക്കു​ന്നു എ​ന്ന​താ​ണ്​ കേ​ാവി​ഡ്​ മ​ഹാ​മാ​രി​യു​ടെ വ്യാ​പ​നം നി​യ​ന്ത്രി​ത​മാ​വു​ക​യും വി​പ​ണി​ക​ൾ സ​ജീ​വ​മാ​വു​ക​യും ചെ​യ്ത​തി​നു​ശേ​ഷ​മു​ള്ള സ്ഥി​തി​വി​ശേ​ഷം. അ​രി​ക്കും പ​ച്ച​ക്ക​റി​ക​ൾ​ക്കും അ​നു​ബ​ന്ധ ഭ​ക്ഷ്യ​വ​സ്തു​ക്ക​ൾ​ക്കും താ​ങ്ങാ​നാ​വാ​ത്ത വി​ല​ക്ക​യ​റ്റ​മാ​ണ്​ സം​സ്ഥാ​ന​ത്ത്​ പൊ​തു​വെ അ​നു​ഭ​വ​പ്പെ​ട്ടു​കൊ​ണ്ടി​രി​ക്കു​ന്ന​ത്. കോ​വി​ഡ്​ 19ന്‍റെ മൂ​ന്നാം ത​രം​ഗം ഫെ​ബ്രു​വ​രി​യി​ൽ ആ​രം​ഭി​ക്കു​മെ​ന്ന പ്ര​വ​ച​നം ആ​ശ​ങ്ക ഉ​യ​ർ​ത്തു​ന്നു​ണ്ടെ​ങ്കി​ലും ജ​ന​ങ്ങ​ൾ പൊ​തു​വെ സാ​ധാ​ര​ണ​ജീ​വി​തം പു​ന​രാ​രം​ഭി​ച്ച​താ​യാ​ണ്​ അ​നു​ഭ​വം. അ​തു​പോ​ലെ, തീ​വ്ര​വ്യാ​പ​ന​ശേ​ഷി​യു​ള്ള ഒ​മി​ക്രോ​ണി​ന്‍റെ വ​ര​വ്​ സ്വാ​സ്ഥ്യം കെ​ടു​ത്തി​ക്കൊ​ണ്ടി​രി​ക്കെ​ത്ത​ന്നെ ജ​നം സ​മീ​പ​കാ​ല​ത്തൊ​ന്നും കാ​ണാ​ത്ത​വി​ധം പു​റ​ത്തി​റ​ങ്ങു​ക​യും കൂ​ട്ടം​കൂ​ടു​ക​യും സ​ഞ്ച​രി​ക്കു​ക​യു​മൊ​ക്കെ ചെ​യ്തു​കൊ​ണ്ടി​രി​ക്കു​ന്നു. ജാ​ഗ്ര​ത​യെ​ക്കു​റി​ച്ച്​ അ​ധി​കൃ​ത​രു​ടെ മു​ന്ന​റി​യി​പ്പൊ​ന്നും വേ​ണ്ട​ത്ര ഏ​ശി​യ​താ​യി​ തോ​ന്നു​ന്നി​ല്ല. അ​തേ​യ​വ​സ​രം, ജീ​വി​ത​ച്ചെ​ല​വു​ക​ളു​ടെ അ​മി​ത​ഭാ​രം ജ​ന​ങ്ങ​ളു​ടെ ന​ട്ടെ​ല്ലൊ​ടി​ക്കു​ക​യാ​ണ്. പ​ല​ത​രം പ്ര​ശ്ന​ങ്ങ​ളാ​ൽ പ്ര​വാ​സി​ക​ളി​ൽ വ​ലി​യൊ​രു വി​ഭാ​ഗ​ത്തി​ന്​ തി​രി​കെ പോ​വാ​നാ​യി​ട്ടി​ല്ല. പൂ​ട്ടി​ക്കി​ട​ന്ന പ​ല വ്യാ​പ​ാര സ്ഥാ​പ​ന​ങ്ങ​ളും തു​റ​ന്നി​ട്ടു​മി​ല്ല. നി​ർ​മാ​ണ​രം​ഗ​വും സാ​ധാ​ര​ണ​നി​ല പ്രാ​പി​ച്ചി​ട്ടി​ല്ല. വി​ദ്യാ​ഭ്യാ​സ സ്ഥാ​പ​ന​ങ്ങ​ളും മു​ൻ​നി​ല വീ​ണ്ടെ​ടു​ത്തി​ട്ടി​ല്ല. ഇ​വ്വി​ധം പ്ര​യാ​സ​ങ്ങ​ളും പ്ര​തി​സ​ന്ധി​ക​ളും തു​ട​രു​മ്പോ​ൾ ത​ന്നെ​യാ​ണ്​ സ​ർ​ക്കാ​റി​ന്‍റെ കി​റ്റു വി​ത​ര​ണം തെ​ര​ഞ്ഞെ​ടു​പ്പോ​ടെ നി​ർ​ത്തി​യ​ത്. കൊ​ടും വ​റു​തി​ക്കി​ട​യി​ൽ സാ​മാ​ന്യ​ജ​ന​ത്തി​ന്​ വ​ലി​യൊ​രാ​ശ്വാ​സ​മാ​യി​രു​ന്നു സ​ർ​ക്കാ​റി​ന്‍റെ ഏ​റ്റ​വും വ​ലി​യ ഒൗ​ദാ​ര്യ​മാ​യി ഘോ​ഷി​ക്ക​പ്പെ​ട്ട ഭ​ക്ഷ്യ​ക്കി​റ്റു​ക​ൾ. ത​ന്മൂ​ലം ഉ​പ്പുതൊ​ട്ട്​ ക​ർ​പ്പൂ​രം വ​രെ സ​​കല വ​സ്തു​ക്ക​ൾ​ക്കും പൊ​തു​വി​പ​ണി​യെ ആ​ശ്ര​യി​ക്കാ​ൻ നി​ർ​ബ​ന്ധി​ത​രാ​യി​രി​ക്കു​ക​യാ​ണ്​ ജ​ന​ങ്ങ​ൾ. ഈ ​സ​ന്ദി​ഗ്​​ധാ​വ​സ്ഥ​യി​ൽ ത​ന്നെ​യാ​ണ്​ റെ​ക്കോ​ഡ്​ ത​ക​ർ​ക്കു​ന്ന വി​ല​ക്ക​യ​റ്റ​വും. ഒ​രു​വ​ർ​ഷം കൊ​ണ്ട്​ കേ​ര​ള​ത്തി​ൽ അ​നു​ഭ​വ​പ്പെ​ടു​ന്ന​ത്​ അ​തി​രൂ​ക്ഷ വി​ല​ക്ക​യ​റ്റ​മാ​ണെ​ന്ന്​ ഔ​ദ്യോ​ഗി​ക​വൃ​ത്ത​ങ്ങ​ൾ ത​ന്നെ സ​മ്മ​തി​ക്കു​ന്നു. പ​ച്ച​ക്ക​റി​ക​ളു​ടെ വി​ല ഒ​ന്ന​ര ഇ​ര​ട്ടി​യോ അ​തി​ല​ധി​ക​മോ ആ​യി കു​തി​ച്ചു​യ​ർ​ന്നു​വെ​ന്ന​താ​ണ്​ അ​മ്പ​ര​പ്പി​ക്കു​ന്ന സ​ത്യം. 50 നി​ത്യോ​പ​യോ​ഗ വ​സ്തു​ക്ക​ളി​ൽ 39 എ​ണ്ണ​ത്തി​നും വി​ല​ക​യ​റി. വെ​ള്ള​രി​ക്ക്​ ക​ഴി​ഞ്ഞ​വ​ർ​ഷം കി​ലോ​ഗ്രാ​മി​ന്​ 23.07 രൂ​പ​യാ​യി​രു​ന്നു​വെ​ങ്കി​ൽ ഇ​ക്കൊ​ല്ലം ഡി​സം​ബ​റി​ൽ 59.21 രൂ​പ​യാ​ണ്​ വി​ല. അ​താ​യ​ത്,​ വി​ല വ​ർ​ധ​ന​ 156.65 ശ​ത​മാ​നം. ബീ​റ്റ്​​റൂ​ട്ടി​ന്​ കൂ​ടി​യ​ത്​ 80 ശ​ത​മാ​നം. വെ​ണ്ട​ക്ക 35.43 രൂ​പ​യി​ൽ​നി​ന്ന്​ 79.50 ആ​യും ത​ക്കാ​ളി​ക്ക്​ കി​ലോ​​ഗ്രാ​മി​ന്​ 124.50 ശ​ത​മാ​ന​വും വി​ലവേ​ലി​യേ​റ്റം അ​ട​യാ​ള​പ്പെ​ടു​ത്തി. വ​ഴു​തന​ക്ക്​ കൂ​ടി​യ​ത്​ 94.4 ശ​ത​മാ​നം. പ​ച്ച​മു​ള​കി​ന്​ വ​ർ​ധി​ച്ച​ത്​ 64 ശ​ത​മാ​നം. അ​മ​ര 90.83, ബീ​ൻ​സ്​ 64.77, കാ​ബേ​ജ്​ 92.84, പാ​വ​ക്ക 59.15, കാ​ര​റ്റ്​ 34.15 എ​ന്നി​ങ്ങ​നെ​യാ​ണ് ​വ​ർ​ധ​ന. അ​രി, പ​ഞ്ച​സാ​ര, പാ​ൽ തു​ട​ങ്ങി​യ അ​വ​ശ്യ​സാ​ധ​ന​ങ്ങ​ൾ​ക്കു​മു​ണ്ട്​ വി​ല​ക്ക​യ​റ്റം. ആ​നു​പാ​തി​ക​മാ​യി സ​പ്ലൈ​കോ​യും വി​ല ക​യ​റ്റി. ഏ​റ്റ​വു​മൊ​ടു​വി​ൽ ത​ക്കാ​ളി വി​ല​ക്ക​യ​റ്റം പി​ടി​ച്ചു​നി​ർ​ത്താ​ൻ ഹോ​ർ​ട്ടികോ​ർ​പ്​ വ​ഴി 44.27 ട​ൺ ത​ക്കാ​ളി സം​ഭ​രി​ച്ചു കി​ലോ​ഗ്രാ​മി​ന്​ 45.50 രൂ​പ​ക്ക്​ വി​ൽ​ക്കാ​ൻ തു​ട​ങ്ങി​യ​തു മാ​ത്ര​മാ​ണ്​ നേ​രി​യ ആ​ശ്വാ​സം പ​ക​ർ​ന്നി​രി​ക്കു​ന്ന​ത്. പ​ക്ഷേ, വാ​ണം ക​ണ​ക്കെ ഉ​യ​ർ​ന്ന പ​ച്ച​ക്ക​റി വി​ല​ക​ൾ​ക്ക്​ മു​ന്നി​ൽ ഇ​തൊ​രാ​ശ്വാ​സ​മേ അ​ല്ല.

പ​ച്ച​ക്ക​റി​യു​ടെ വി​ല​ക്ക​യ​റ്റം സ്വാ​ഭാ​വി​ക​മാ​യും വെ​ജ്​ റ​സ്​​റ്റാറ​ന്‍റു​ക​ളെ​യും ബാ​ധി​ച്ചി​രി​ക്കു​ന്നു. ഊ​ണി​ന്​ 10 മു​ത​ൽ 15 വരെ രൂ​പയാ​ണ്​ വി​ല​ക്ക​യ​റ്റം. ചാ​യ​ക്കും പ​ല​ഹാ​ര​ങ്ങ​ൾ​ക്കു​മൊ​ക്കെ വി​ല ക​യ​റി​യി​ട്ടു​ണ്ട്. സാ​ധ​നവി​ല വീ​ർ​പ്പി​നു​ പു​റ​മേ ഇ​ന്ധ​ന​വി​ല കൂ​ടി ക​മ്പ​നി​ക​ൾ ക​ണ്ണി​​ൽ​ചോ​ര​യി​ല്ലാ​തെ വ​ർ​ധി​പ്പി​ച്ച​താ​ണ്​ ഹോ​ട്ട​ൽ വ്യ​വ​സാ​യ​ത്തെ ത​ള​ർ​ത്തു​ന്ന​ത്. ത​ന്മൂ​ലം ഊ​ൺ വി​ൽ​പ​ന​യേ വേ​ണ്ടെ​ന്നുവെ​ച്ചി​രി​ക്കു​ക​യാ​ണ്​ ചി​ല റ​സ്​​റ്റാ​റ​ന്‍റ്​ ഉ​ട​മ​ക​ൾ. മാം​സ-​മ​ത്സ്യ ഭ​ക്ഷ​ണ​ത്തി​നും വി​ല കൂ​ടാ​തി​രി​ക്കു​ന്നി​ല്ല. കോ​വി​ഡ്​ കാ​ല​ത്ത്​ അ​ട​ച്ചി​ടേ​ണ്ടി​വ​ന്ന​തു​മൂ​ല​മു​ണ്ടാ​യ ന​ഷ്ടം നി​ക​ത്താ​ൻ ഭോ​ജ​ന​ശാ​ല ഉ​ട​മ​ക​ൾ അ​വ​സ​ര​മു​പ​യോ​ഗി​ക്കു​ന്നു​വെ​ന്ന​തും വാ​സ്ത​വ​മാ​ണ്. ഇ​തോ​ടൊ​പ്പം ബ​സ്​ ചാ​ർ​ജ്​ വ​ർ​ധി​പ്പി​ക്കാ​ൻ സ​ർ​ക്കാ​ർ സ​മ്മ​തി​ച്ച​തും കൂ​ലി വ​ർ​ധ​ന​വി​നാ​യി ഓ​ട്ടോ, ടാ​ക്സി ഉ​ട​മ​ക​ൾ വ്യാ​ഴാ​ഴ്ച പ​ണി​മു​ട​ക്ക്​ പ്ര​ഖ്യാ​പി​ച്ച​തും സാ​ധാ​ര​ണ​ക്കാ​ര​നെ കാ​ത്തി​രി​ക്കു​ന്ന പ്ര​ഹ​ര​മാ​ണ്. ടെ​ക്സ്​​റ്റൈ​ൽ, പാ​ദ​ര​ക്ഷ ഉ​ൽ​പ​ന്ന​ങ്ങ​ളു​ടെ ജി.​എ​സ്.​ടി 12 ശ​ത​മാ​ന​മാ​ക്കി ഉ​യ​ർ​ത്താ​നു​ള്ള കേ​ന്ദ്ര​സ​ർ​ക്കാ​ർ തീ​രു​മാ​നം പു​തു​വ​ർ​ഷ​പ്പു​ല​രി​യി​ൽ രാ​ജ്യ​ത്തി​ന്​ മൊ​ത്തം ക​രു​തി​വെ​ച്ച സ​മ്മാ​ന​മാ​ണ്! ചു​രു​ക്ക​ത്തി​ൽ, ജീ​വി​ത​ത്തി​നും മ​ര​ണ​ത്തി​നു​മി​ട​യി​ലു​ള്ള ഒ​ര​ഭ്യാ​സ​മാ​യി മാ​റു​ക​യാ​ണ്​ ബ​ഹു​ഭൂ​രി​പ​ക്ഷം ഇ​ന്ത്യ​ക്കാ​രു​ടെയും നാ​ളു​ക​ൾ. ഇ​തേ കു​റി​ച്ചു​ള്ള ഉ​ത്​​ക​ണ്ഠ​യോ എ​ന്തു വി​ലകൊ​ടു​ത്തും സാ​മാ​ന്യ ജീ​വി​തം പ്ര​യാ​സ​ര​ഹി​ത​മാ​ക്കാ​നു​ള്ള ദൃ​ഢ​നി​ശ്ച​യ​മോ ഫ​ല​പ്ര​ദ​മാ​യ ന​ട​പ​ടി​ക​ളോ കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ളു​ടെ ഭാ​ഗ​ത്തു​നി​ന്ന്​ കാ​ൺ​മാ​നി​ല്ലെ​ന്ന​താ​ണ്​ വേ​ദ​നജ​ന​ക​മാ​യ യാ​ഥാ​ർ​ഥ്യം. കേ​ന്ദ്രം ഒ​രു​ഭാ​ഗ​ത്ത്​ ഇ​ന്ധ​ന​വി​ല കൂ​ട്ടി​ക്കൂ​ട്ടി ആ​റു ല​ക്ഷം തോ​ക്കു​ക​ളു​ടെ ഇ​റ​ക്കു​മ​തി​യും പു​തി​യ പാ​ർ​ല​മെ​ന്‍റ്​ ​കെ​ട്ടി​ട​ത്തി​ന്‍റെ നി​ർ​മാ​ണ​വും ഇ​തി​ഹാ​സ ക​ഥാ​പാ​ത്ര​ങ്ങ​ളു​ടെ പ്ര​തി​മ സ്ഥാ​പ​ന​വു​മൊ​ക്കെ​യാ​യി മു​ന്നേ​റു​മ്പോ​ൾ സം​സ്ഥാ​ന സ​ർ​ക്കാ​ർ മ​ദ്യം വെ​ള്ളം​പോ​ലെ ഒ​ഴു​ക്കി കെ- ​റെ​യി​ൽ മാഹാത്മ്യമാണ്​ വീ​ടു​തോ​റും വി​ത​ര​ണം ചെ​യ്യു​ന്ന​ത്. പ​ണ​ക്കാ​ർക്കും വ്യ​വ​സാ​യ പ്ര​ഭു​ക്ക​ൾ​ക്കും അ​തി​​ശീ​ഘ്രം ല​ക്ഷ്യ​സ്​​ഥാ​ന​ത്തെ​ത്താ​ൻ അ​തി​വേ​ഗ പാ​ത തു​റ​ക്കു​ക​യാ​ണ്​ വി​ക​സ​ന​ത്തി​ന്‍റെ ഒ​ന്നാ​മ​ത്തെ അ​ജ​ണ്ട​യെ​ന്നും ആ ​മു​ൻ​ഗ​ണ​ന​ക്ര​മം ചോ​ദ്യം ചെ​യ്യു​ന്ന​വ​​​​െരയൊക്കെ വ​ർ​ഗീ​യ-​തീ​വ്ര​വാ​ദി പ​ട്ടി​ക​യി​ൽ പെ​ടു​ത്തേ​ണ്ട​വ​രാ​ണെ​ന്നും നാം ​സ​മ്മ​തി​ക്ക​ണം​പോ​ൽ. ബ​ലേ ഭേ​ഷ്​!

Show Full Article
TAGS:editorial madhyamam editorial 
News Summary - dec 29th editorial on price hike
Next Story