Top
Begin typing your search above and press return to search.
keyboard_arrow_down
Login
exit_to_app
exit_to_app
ജനപ്രതിനിധികളിലെ ക്രിമിനലുകൾ
cancel
Homechevron_rightOpinionchevron_rightEditorialchevron_rightജനപ്രതിനിധികളിലെ...

ജനപ്രതിനിധികളിലെ ക്രിമിനലുകൾ

text_fields
bookmark_border

ക്രിമിനൽകേസുകളിൽ പ്രതികളായ ജനപ്രതിനിധികളെ അറസ്​റ്റ്​ ചെയ്​ത്​ വിചാരണക്ക്​ ഹാജരാക്കാൻ പൊലീസ്​ വിമുഖത കാണിക്കുന്നുവെന്ന്​ കേരള ഹൈകോടതി ചൂണ്ടിക്കാട്ടിയതായി സുപ്രീംകോടതിക്ക്​ അമിക്കസ്​ ക്യൂറി റിപ്പോർട്ട്​്. കേരളത്തിലെ കീഴ്​കോടതികളിൽ എം.പിമാരും എം.എൽ.എമാരും പ്രതികളായ 324 കേസുകൾ നടപടിയില്ലാതെ കിടക്കുന്നുണ്ട്​. എട്ടു കേസുകൾ സെഷൻസ്​ കോടതികളിലും ആറ്​ കേസുകൾ വിജിലൻസ്​ കോടതിയിലും 310 കേസുകൾ മജിസ്​ട്രേറ്റ്​ കോടതികളിലുമാണ്​. പുറമെ 12 കേസുകൾ ഹൈകോടതിയിലുമുണ്ട്​. ഇത്​ തീർപ്പാക്കാൻ പ്ര​േത്യക ബെഞ്ച്​ രൂപവത്​കരിച്ചിട്ടുണ്ട്​.

കേസുകളുടെ പുരോഗതി നിരീക്ഷിക്കുന്നതിന്​ സംവിധാനം ഏർപ്പെടുത്തിയിട്ടുണ്ടെന്നും സുപ്രീംകോടതി നിയോഗിച്ച അമിക്കസ്​ ക്യൂറി വിജയ്​ ഹൻസാരിയക്ക്​ മുമ്പാകെ ഹൈകോടതി വ്യക്തമാക്കിയിരിക്കുന്നു. രാജ്യത്ത്​ ജനപ്രതിനിധികൾ പ്രതികളായ കേസുകൾ നീളുന്നതിനെതിരെ ബി.ജെ.പി നേതാവ്​ അശ്വിനി ഉപാധ്യായ നൽകിയ പൊതുതാൽപര്യ ഹരജിയിലാണ്​ ജനപ്രതിനിധികൾ പ്രതികളായ കേസുകൾ വേഗത്തിൽ തീർപ്പാക്കണമെന്ന്​ ഹൈകോടതി ചീഫ്​ ജസ്​റ്റിസുമാരോട്​ കഴിഞ്ഞമാസം 16ന്​ സുപ്രീംകോടതി ആവശ്യപ്പെട്ടത്​. കാലവിളംബത്തിന്​ പരിഹാരമായി, സമൻസ്​ നൽകാനും വാറൻറ്​ നടപ്പാക്കാനും ഉന്നത പൊലീസ്​ ഉദ്യോഗസ്​ഥരെ നിയോഗിക്കണമെന്നാണ്​ കേരള ഹൈകോടതി നിർദേശിച്ചിരിക്കുന്നത്​.

ജനപ്രതിനിധികൾ പ്രതികളായി രാജ്യത്ത്​ മൊത്തം 48,589 കേസുകളുണ്ട്​. യു.പിയിലാണ്​ ഏറ്റവും കൂടുതൽ -1374. കേരളം 336 കേസുകളുമായി ആറാം സ്​ഥാനത്താണ്​. ക്രിമിനൽ പ്രതികളെ തെരഞ്ഞെടുപ്പുകളിൽ രാഷ്​ട്രീയപാർട്ടികൾ മത്സരരംഗത്തിറക്കുന്നതും അവരിൽ വളരെ പേർ മസിൽപവറും മണിപവറുംകൊണ്ട്​ ജയിച്ച്​ നിയമസഭാംഗങ്ങ​േളാ പാർലമെൻറംഗങ്ങളോ തുടർന്ന്​ മന്ത്രിമാർ പോലുമോ ആവുന്നതും രാജ്യത്ത്​ പുതിയ സംഭവമല്ല. ഓരോ തെരഞ്ഞെടുപ്പിലും ഈ പ്രവണത ശക്തിപ്പെടുന്നതല്ലാതെ ഒട്ടും കുറയുന്നില്ല. ഇതിനെതിരെ നിയമനിർമാണം നടത്തണമെന്ന്​ ഇലക്​ഷൻ കമീഷൻ പലതവണ ആവശ്യ​​പ്പെട്ടതാണെങ്കിലും സർക്കാറി​െൻറ ഭാഗത്തു​നിന്നോ രാഷ്​ട്രീയ പാർട്ടികളുടെ ഭാഗത്തുനിന്നോ അനുകൂല പ്രതികരണം ഉണ്ടായിട്ടില്ല. കാരണം ലളിതം. നല്ല പങ്കും ക്രിമിനലുകളടങ്ങിയ പാർലമെൻറ​ാണല്ലോ ഇലക്​ഷൻ ചട്ടങ്ങൾ ഭേദഗതി ചെയ്​തുകൊണ്ട്​ നിയമനിർമാണം നടത്തേണ്ടത്​. തെരഞ്ഞെടുപ്പിലും രാഷ്​ട്രീയത്തിലും ശുദ്ധീകരണത്തിനു​വേണ്ടി പ്രവർത്തിക്കുന്ന അസോസിയേഷൻ ഓഫ്​ ഡെമോക്രാറ്റിക്​ റിഫോംസ്​ (എ.ഡി.ആർ) എന്ന സന്നദ്ധസംഘടന പുറത്തുവിട്ട കണക്കുക​ൾ പ്രകാരം കഴിഞ്ഞ 15 വർഷങ്ങളിൽ ക്രിമിനൽകേസുകളിൽ പ്രതികളായ എം.പിമാരുടെ എണ്ണം കുത്തനെ കൂടിവരുകയാണ്​.

ഇലക്​ഷൻകമീഷ​െൻറ ചട്ടപ്രകാരം സ്​ഥാനാർഥികൾ നാമനിർദേശപത്രികകൾ സമർപ്പിക്കു​േമ്പാൾ ഏതെങ്കിലും കേസുകളിൽ പ്രതികളാണെങ്കിൽ ആ വിവരം വെളിപ്പെടുത്തേണ്ടതുണ്ട്​. നാമനിർദേശ പത്രിക തള്ളപ്പെടാതിരി​ക്കാനോ പിന്നീട്​ ഇലക്​ഷൻ അഴിമതിക്കേസുകളിൽ അകപ്പെടാതിരിക്കാനോ ആവാം വിവിധ പാർട്ടികളുടെ സ്​ഥാനാർഥികൾ സാമാന്യേന ഈ ചട്ടം പാലിക്കാറുമുണ്ട്​. ഉദാഹരണത്തിന്​ 2014ലെ ലോക്​സഭ തെരഞ്ഞെടുപ്പിൽ കന്യാകുമാരി മണ്ഡലത്തിൽനിന്ന്​ ആം ആദ്​മി പാർട്ടി ടിക്കറ്റിൽ മത്സരിച്ച എസ്​.പി. ഉദയകുമാർ ത​െൻറ പേരിൽ, ജനകീയസമരങ്ങളിലെ പങ്ക്​ അടക്കമുള്ള 382 ക്രിമിനൽ കേസുകളുണ്ടെന്ന്​ വെളിപ്പെടുത്തിയിരുന്നു. ഏറ്റവും ഒടുവിൽ ഇടുക്കിയിൽനിന്ന്​ കോൺഗ്രസ്​ ടിക്കറ്റിൽ ജയിച്ച പാർലമെൻറ്​ അംഗമായ ഡീൻ കുര്യാക്കോസ്​ ത​െൻറ പേരിൽ 204 ക്രിമിനൽ കേസുകൾ നിലവിലുണ്ടെന്ന്​ വ്യക്തമാക്കിയിരുന്നതാണ്​. 2019 തെരഞ്ഞെടുപ്പിൽ ജയിച്ചുകയറിയ എം.പിമാരിൽ ബി.ജെ.പിക്കാർ 38.7 ശതമാനവും​ ഡി.എം.കെ, വൈ.എസ്​.ആർ കോൺഗ്രസ്​ പാർട്ടികളുടെ എം.പിമാരിൽ 40 ശതമാനത്തിലധികവുമുണ്ട്​ ക്രിമിനൽ പ്രതികൾ. ജനപ്രതിനിധികളുടെ പേരിലുള്ള കേസുകളിൽ ഒരു വർഷത്തിനകം തീർപ്പുകൽപിക്കണമെന്ന്​ 2014ൽ സുപ്രീംകോടതി ഉത്തരവിട്ടിരുന്നതാണ്​. 2017ൽ സുപ്രീംകോടതി പ്രത്യേക കോടതികൾ ഏർപ്പെടുത്തി രാഷ്​ട്രീയപാർട്ടി സ്​ഥാനാർഥികളുടെയും ജനപ്രതിനിധികളുടെയും പേരിലുള്ള കേസുകൾ തീർപ്പാക്കാൻ ഒരു പദ്ധതി തയാറാക്കണമെന്ന്​ കേന്ദ്രസർക്കാറിനോട്​ ആവശ്യപ്പെടുകയുണ്ടായി. 1951ലെ ജനപ്രാതിനിധ്യ നിയമഭേദഗതി ചെയ്​തുവേണം ക്രിമിനലുകൾക്കു​നേരെ നിയമനിർമാണസഭകളുടെ വാതിലുകൾ കൊട്ടിയടക്കാൻ. അത്തരമൊരു ഭേദഗതി കൊണ്ടുവരാൻ പാർലമെൻറിൽ മൃഗീയഭൂരിപക്ഷമുള്ള ബി.ജെ.പി നേതൃത്വങ്ങളിലെ എൻ.ഡി.എക്കു പോലും താൽപര്യമില്ലെന്നതാണ്​ വസ്​തുത.

പ്രതിയോഗികൾ കള്ളക്കേസുകളിൽ കുടുക്കി രാഷ്​ട്രീയ പാർട്ടികളുടെ പ്രമുഖരെ മത്സരരംഗത്തുനിന്ന്​ തടയുമെന്നതാണ്​ ഇതിനെതിരെ ഉന്നയിക്കപ്പെടുന്ന ഒരു ന്യായം. കൊലപാതകം, ബലാത്സംഗം, ഭീമമായ തട്ടിപ്പുകൾ, വൻ അഴിമതി തുടങ്ങിയ പ്രമാദമായ കേസുകളിൽ സുപ്രീംകോടതി നിർദേശിച്ചപോലെ ബന്ധപ്പെട്ട കോടതികൾ ഒരുവർഷത്തിനകം വിധിപറഞ്ഞാൽ അത്തരം വ്യക്തികളെ സ്​ഥാനാർഥികളാക്കാതിരിക്കാൻ പാർട്ടികൾ നിർബന്ധിതരാവും. രാഷ്​ട്രീയം, അങ്ങേയറ്റം വഷളാവുകയും മൂല്യബോധം വെറുക്കപ്പെട്ട പ്രയോഗമായി മാറുകയും ചെയ്​തിരിക്കുന്ന വർത്തമാനകാലത്ത്​ ജനങ്ങളുടെ മനോഭാവത്തിൽ വന്ന മാറ്റവും സഗൗരവമായ ശ്രദ്ധയർഹിക്കുന്നു. കുറ്റകൃത്യങ്ങളിൽ മുഴുകിയാലും അഴിമതി കാട്ടിയാലും അത്തരക്കാരാണ്​ തങ്ങൾക്കു​ വേണ്ടി വല്ലതും ചെയ്യുന്നവർ, അതുകൊണ്ട്​ അവർക്കുതന്നെ കിടക്ക​ട്ടെ വോട്ട്​ എന്ന്​ സമ്മതിദായകർ പരസ്യമായി പ്രതികരിക്കുന്നേടത്ത്​ എത്തിയിരിക്കുന്നു നമ്മുടെ മൂല്യമുക്ത രാഷ്​ട്രീയം. എന്നിരിക്കെ നിയമപരിഷ്​കരണങ്ങളോടൊപ്പം ജനങ്ങളെ പ്രബുദ്ധരാക്കുന്ന യത്​നവും കൃത്യമായി നടന്നാൽ മാത്രമേ നിയമനിർമാണസഭകളെയും ഭരണകൂടങ്ങളെയും നേർവഴി നടത്താൻ സാധ്യത തെളിയൂ. അല്ലാതെ, കേസ്​ കൈകാര്യം ചെയ്യുന്നത്​ ഉന്നത പൊലീസുദ്യോഗസ്​ഥരായതു കൊണ്ടുമാത്രം അത്ഭുതമൊന്നും സംഭവിക്കുകയില്ല.

Show Full Article
TAGS:Criminals House of Representatives Madhyamam editorilas 
Web Title - Criminals in the House of Representatives
Next Story