Top
Begin typing your search above and press return to search.
keyboard_arrow_down
Login
exit_to_app
exit_to_app
കോവിഡിനെതിരെ വാതിൽ അടഞ്ഞിരിക്ക​െട്ട
cancel

കോവിഡ്​-19 കേരളത്തിൽ ആഭ്യന്തരമായിത്തന്നെ പടരുന്നതി​​​െൻറ അടയാളങ്ങൾ കണ്ടു എന്നത്​ അധികൃതരുടെയും സമൂഹത്തി​​ ​െൻറയും മാത്രമല്ല, വ്യക്തികളുടെയും ജാഗ്രത ഒന്നുകൂടി ശക്തിപ്പെടുത്തണമെന്നാണ്​ ഒാർമിപ്പിക്കുന്നത്​. കൊറോണ വൈറസ്​ ആദ്യം കണ്ടെത്തിയ ചൈനയിലും അവിടെനിന്ന്​ പുറത്തേക്കും രോഗാണു പടർന്നത്​ തുടക്കത്തിൽ സംഭവിച്ച അലംഭാവം ക ൊണ്ടാണെന്ന്​ ലോകം മനസ്സിലാക്കുന്നു. അതിവേഗം പടരാനുള്ള കഴിവാണ്​ കൊറോണ വൈറസിനെ ആപത്​കാരിയാക്കുന്നത്​. പക ർച്ച തടയാനുള്ള ശ്രമങ്ങൾ തുടങ്ങിയ മുറക്ക്​ ചൈനയിൽ അത്​ കുറഞ്ഞു.

എന്നാൽ ലോകത്തി​​​െൻറ വിവിധ രാജ്യങ്ങളിൽ അത്​ വ്യാപിച്ചുകൊണ്ടിരിക്കുന്നു. 92 രാജ്യങ്ങളിൽ കോവിഡ്​-19 എത്തിയതായിട്ടാണ്​ റിപ്പോർട്ട്​; ഒപ്പം നിയന്ത്രണങ്ങളും. ഗൾഫ്​ രാജ്യങ്ങളിലടക്കം യാത്രാ നിയന്ത്രണങ്ങൾ ഏർപ്പെടുത്തിയിരിക്കുന്നു. രാജ്യാന്തര തീർഥാടനങ്ങൾക്ക്​ താൽക്കാലിക വിലക്കുമുണ്ട്​. ഇന്ത്യയിൽ 34 പേർക്ക്​ കോവിഡ്​-19 ബാധ സ്​ഥിരീകരിച്ചു. ചില മേഖലകളിൽ വിദ്യാലയങ്ങൾ അടച്ചിരിക്കുന്നു. കേരളത്തിലാണ്​ ഇന്ത്യയിലെ ആദ്യത്തെ കൊറോണ ബാധ സ്​ഥിരീകരിച്ചതെങ്കിലും നിരീക്ഷണവും പരിചരണവും അധികൃതരുടെ ജാഗ്രതയും വഴി സംസ്​ഥാനം അതിജയിച്ചു. എന്നാൽ, സൂക്ഷ്​മതയുടെ കുറവുകൊണ്ടുകൂടിയാവാം, വീണ്ടും ഇവിടെ രോഗബാധ ഉണ്ടായിരിക്കുന്നു. കോവിഡിനുപുറമെ കോഴിക്കോട്ട്​ പക്ഷിപ്പനിയും തിരിച്ചെത്തിയിരിക്കുന്നു. വയനാട്ടിൽ കുരങ്ങുപനി ഭീഷണിയുമുണ്ട്​. പുതിയ പകർച്ച രോഗങ്ങൾക്കെതിരെ ഫലപ്രദമായ അധികൃത ഇടപെടൽകൊണ്ട്​ ശ്രദ്ധനേടിയ ‘കേരള മോഡൽ’, പക്ഷേ, തളർന്നുപോകാൻ ഏതാനും ചിലരുടെ അലംഭാവം മതി. പ്രതിരോധ ചിട്ടകളെപ്പറ്റിയുള്ള അറിവില്ലായ്​മ മുതൽ, ​നിയമമെന്നാൽ ഇഷ്​ടമുണ്ടെങ്കിൽ മാത്രം പാലിക്കാനുള്ളതാണെന്ന ​പൊതുബോധംവരെ പ്രശ്​നം സൃഷ്​ടിക്കുന്നുണ്ട്​.


കൊറോണ വൈറസ്​ വാഹകരായിരിക്കാൻ സാധ്യതയുണ്ടായിരുന്ന ചിലർ അധികൃത നിർദേശം വകവെക്കാതെ വിദേശത്തേക്ക്​ കടന്നതായി മുമ്പ്​ റിപ്പോർട്ടുണ്ടായിരുന്നു. ഇപ്പോൾ, ഇറ്റലിയിലെ വൈറസ്​ ബാധിത മേഖലയിൽനിന്ന്​ കേരളത്തിലെത്തിയ ചിലർ അക്കാര്യം അറിയിക്കാതിരുന്നതിനാൽ ബന്ധുക്കളിലേക്ക്​ പടർന്നുവെന്ന്​ ആരോഗ്യ മന്ത്രി ചൂണ്ടിക്കാട്ടുന്നു. രോഗം പടരാതെ നോക്കുക മാത്രമാണ്​ അതിനെ അതിജയിക്കാനുള്ള വഴി എന്നിരിക്കെ മുന്നറിയിപ്പുകളും ചിട്ടകളും ശ്രദ്ധിക്കാതിരിക്കുന്നത്​ തികഞ്ഞ ഉത്തരവാദിത്തമില്ലായ്​മയാണ്​. ഇതിനെക്കുറിച്ച ബോധവത്​കരണം വീടകങ്ങളിൽതന്നെ നടക്കേണ്ടതുണ്ട്​. നൂറിൽ 99 പേരും സൂക്ഷ്​മത പുലർത്തിയാലും ജാഗ്രത കൈവിട്ട ഒരാൾ മതി രോഗത്തിന്​ വാതിൽ തുറന്നുകൊടുക്കാൻ. ഇക്കാര്യത്തിൽ ചിട്ടകൾ പാലിക്കുന്നതിലെ അമാന്തം കടുത്ത സമൂഹദ്രോഹമാണെന്ന തിരിച്ചറിവാണ്​ ആളുകൾക്കുണ്ടാകേണ്ടത്​. രാജ്യാന്തര സഞ്ചാരങ്ങൾ മുതൽ സാമൂഹികചടങ്ങുകൾ വരെ ​അണുപ്പകർച്ചക്ക്​ സൗകര്യമുണ്ടാക്കാം. കേരളീയരാക​െട്ട, സാമൂഹികജീവിതത്തിലും പ്രവാസയാത്രകളിലും മുന്നിലാണു താനും. അതുകൊണ്ടുതന്നെ, ചെറിയ അസൗകര്യങ്ങൾ നേരിടേണ്ടിവന്നാലും ചിട്ടകൾക്കും നിയന്ത്രണങ്ങൾക്കും വഴങ്ങുക എന്നത്​ പൗരധർമമാകുന്നു. ലോകാരോഗ്യ സംഘടന ഇതുസംബന്ധിച്ച്​ വിശദമായ മാർഗരേഖകൾ രണ്ടുമാസം മുമ്പ്​ ഇറക്കിയിട്ടുണ്ട്​. ജോലിസ്​ഥലത്ത്​, പൊതുചടങ്ങുകളിൽ, യാത്രയിൽ എല്ലാം പാലിക്കേണ്ട അവശ്യമര്യാദകളെപ്പറ്റി ജനങ്ങൾ മുഴുവൻ അറിഞ്ഞുവെന്ന്​ ഉറപ്പുവരുത്തേണ്ടത്​ അധികൃതരാണ്​. സഹചാരികളിൽ രോഗബാധ ഉണ്ടായാൽ പാലിക്കേണ്ട കാര്യങ്ങളും അറിയണം. രോഗബാധ ഉള്ളവരും ഉള്ളതായി സംശയിക്കുന്നവരും അത്​ അധികൃതരെ അറിയിക്കാതിരുന്നതാണ്​ ഇത്തരം പകർച്ച രോഗങ്ങൾ വ്യാപിക്കാനുള്ള ആദ്യകാരണമെന്ന ചരിത്രപാഠം നമുക്കു മുന്നിലുണ്ട്​.

വ്യക്തി ശുചിത്വവും പരിസര ശുചിത്വവും ഇവിടെ പരമ പ്രധാനമാണ്​. തൊടുന്നതിലൂടെയാണ്​ ഏറെയും രോഗപ്പകർച്ച എന്നതിനാൽ കൈകൾ അണുനാശിനി കൊണ്ട്​ ഇടക്കിടെ നന്നായി കഴുകണമെന്ന്​ ലോകാരോഗ്യ സംഘടന നിർദേശിക്കുന്നു. പ്രതിരോധത്തിലൂടെ തോൽപിക്കാൻ എളുപ്പമുള്ളതും എന്നാൽ, പ്രതിരോധത്തി​​​െൻറ അഭാവത്തിൽ അതിവേഗം പടരുന്നതുമാണ്​ ഇൗ വൈറസ്​ എന്നതുകൊണ്ടാണ്​ അണുബാധക്ക്​ സാധ്യതയുള്ളവർ (അവർ രോഗികളായിട്ടില്ലെങ്കിലും) അധികൃതരെ അറിയിക്കണമെന്ന്​ പറയുന്നത്​. ഇൗ ചിട്ട ലംഘിച്ചതാണ്​ കേരളത്തിൽ രോഗം തിരിച്ചെത്താൻ കാരണമായിരിക്കുന്നത്​. വ്യക്തികളുടെ അലംഭാവം സമൂഹത്തെ അപായപ്പെടുത്തും. അതേസമയം, ദീർഘകാലാടിസ്​ഥാനത്തിൽ സർക്കാറുകൾ പിന്തുടരേണ്ട പരിസ്​ഥിതിപരമായ ചിട്ടകളും അപ്രധാനമല്ല. രോഗം വരു​േമ്പാൾ ബോധവത്​കരണവുമായി ഇറങ്ങുന്ന അതേ ജാഗ്രതയോടെ അധികാരികൾ പരിസ്​ഥിതി ശുചിത്വത്തിനും ശ്രദ്ധ നൽകണം. അന്തരീക്ഷം, ജലം, മണ്ണ്​, മനുഷ്യരുപയോഗിക്കുന്ന പ്രതലങ്ങൾ തുടങ്ങിയവക്ക്​ വൈറസ്​ പ്രസരണത്തിൽ വലിയ പങ്കുണ്ടെന്ന്​ വിദഗ്​ധർ ചൂണ്ടിക്കാട്ടുന്നു. മൃഗങ്ങളിൽനിന്ന്​ മനുഷ്യരിലേക്കും മനുഷ്യർ തമ്മിലും വൈറസ്​ പടരുന്നതിനെക്കുറിച്ച്​ നിരന്തരം പറയാറുണ്ട്​ നാം. എന്നാൽ, പുതിയ രോഗാണുക്കളുടെ വരവിനും പകർച്ചക്കും പശ്ചാത്തലമൊരുക്കുന്ന പരിസ്​ഥിതി നമ്മുടെ അടിയന്തര ശ്രദ്ധക്കും ജാഗ്രതക്കും പുറത്തായിപ്പോയിരിക്കുന്നു. പരിസ്​ഥിതിയിലെ പലതരം ജീർണതകൾ രോഗാണുജനകമായി മാറുന്നുണ്ട്. മനുഷ്യരോ മൃഗങ്ങളോ ആയ വാഹകരില്ലാതെയും നിലനിൽക്കാൻ കഴിയുന്നവയാണ്​ പല വൈറസുകളും. അന്തരീക്ഷ താപനില മുതൽ സൂര്യപ്രകാശത്തിലെ അൾട്രാവയലറ്റ്​ രശ്​മിയുടെ തോതു വരെ അവക്ക്​ അതിജീവനം സാധ്യമാക്കാം. കൊറോണ വൈറസ്​ കുടുംബത്തിലെ ചില അണുക്കൾ മനുഷ്യശരീരത്തി​നു പുറത്തുള്ള പ്രതലങ്ങളിൽ ഒരാഴ്​ചവരെ ജീവിക്കും. ‘സാർസ്​’ വൈറസ്​ രണ്ടാഴ്​​ച വായുവിൽ അതിജീവിക്കും. നിത്യജീവിതത്തിൽ ശുചിത്വത്തിന്​ പ്രാധാന്യം വർധിക്കുകയാണ്​. തൊഴിലിടങ്ങളിലും വീടകങ്ങളിലും പുതു വൈറസുകൾക്കെതിരെ പാലിക്കേണ്ട മര്യാദകളെക്കുറിച്ച്​ പഠനങ്ങൾ നടക്കുന്നു. ഇതുവരെയുള്ള പഠനങ്ങൾ കർക്കശമായി നിർദേശിക്കുന്നത്​ ശുചിത്വവും ജാഗ്രതയുമാണ്​. അക്കാര്യത്തിൽ ഉപേക്ഷ ഇല്ലാതിരിക്കാൻ അധികൃതർ മാത്രമല്ല, ജനങ്ങളും ശ്രദ്ധിച്ചേ പറ്റൂ.

Latest Video
Show Full Article
TAGS:corona covid madhyamam editorial malayalam Editorial 
Next Story