Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightEditorialchevron_rightമാ​ധ്യ​മ​ധ്വം​സ​നം...

മാ​ധ്യ​മ​ധ്വം​സ​നം തു​ട​ർ​ക്ക​ഥ

text_fields
bookmark_border
മാ​ധ്യ​മ​ധ്വം​സ​നം തു​ട​ർ​ക്ക​ഥ
cancel

എ​ക്കാ​ല​ത്തെ​യും ഏ​കാ​ധി​പ​ത്യ-​സ​മ​ഗ്രാ​ധി​പ​ത്യ ഭ​ര​ണ​കൂ​ട​ങ്ങ​ൾ ഏ​റെ ഭ​യ​ന്ന​തും അ​തി​നാ​ൽ​ത​ന്നെ അ​ടി​ച്ച​മ​ർ​ത്താ​ൻ ശ്ര​മി​ച്ച​തും മാ​ധ്യ​മ​ങ്ങ​ളെ​യാ​ണ്. അ​വ​രു​ടെ ജ​ന​വി​രു​ദ്ധ ന​ട​പ​ടി​ക​ളും ഭീ​ക​ര​കൃ​ത്യ​ങ്ങ​ളും ഉ​പ​ജാ​പ​ങ്ങ​ളും ജ​ന​ങ്ങ​ളി​ലെ​ത്തി​ക്കു​ന്ന​ത് മാ​ധ്യ​മ​ങ്ങ​ളാ​ണ് എ​ന്ന​തു​ത​ന്നെ കാ​ര​ണം. ജ​നാ​ധി​പ​ത്യ ധ്വം​സ​ക​ർ വാ​ഴു​ന്ന കാ​ല​ത്തും ലോ​ക​ത്തും മാ​ധ്യ​മ മാ​ര​ണ നി​യ​മ​ങ്ങ​ൾ യ​ഥേ​ഷ്ടം ചു​ട്ടെ​ടു​ക്കു​ന്ന​തി​നു​പു​റ​മെ മ​റ്റു നി​യ​മ​ങ്ങ​ൾ ദു​ർ​വി​നി​യോ​ഗം ചെ​യ്തും മാ​ധ്യ​മ​പ്ര​വ​ർ​ത്ത​ക​രെ കാ​രാ​ഗൃ​ഹ​ങ്ങ​ളി​ൽ അ​നി​ശ്ചി​ത​കാ​ലം അ​ട​ച്ചും ചി​ല​പ്പോ​ൾ ത​ല​യെ​ടു​ത്തും ഡെ​മോ​ക്ര​സി​യു​ടെ നാ​ലാം​തൂ​ണാ​യ മാ​ധ്യ​മ​പ്ര​വ​ർ​ത്ത​ന​ത്തെ നി​ർ​വീ​ര്യ​വും നി​ശ്ചേ​ത​ന​വു​മാ​ക്കും.

ഇ​ന്ത്യ​യെ​പ്പോ​ലെ ജ​ന​ങ്ങ​ളാ​ൽ തെ​ര​ഞ്ഞെ​ടു​ക്ക​പ്പെ​ടു​ന്ന സ​ർ​ക്കാ​റു​ക​ൾ ഭ​രി​ക്കു​ന്ന രാ​ജ്യ​ങ്ങ​ളി​ൽ മാ​ധ്യ​മ​ധ്വം​സ​ന​ത്തി​ന് ക​രി​നി​യ​മ​ങ്ങ​ൾ ചു​ട്ടെ​ടു​ക്കു​ക എ​ളു​പ്പ​മ​ല്ല. ന​മ്മു​ടെ ഭ​ര​ണ​ഘ​ട​ന അ​നി​ഷേ​ധ്യ​മാ​യി ഉ​റ​പ്പു​ന​ൽ​കി​യ ആ​വി​ഷ്കാ​ര സ്വാ​ത​ന്ത്ര്യ​വും ത​ത്തു​ല്യ മൗ​ലി​കാ​വ​കാ​ശ​ങ്ങ​ളും അ​തി​ന് ത​ട​സ്സ​മാ​ണ്. എ​ന്നാ​ൽ, കു​റ്റ​കൃ​ത്യ​ങ്ങ​ൾ ത​ട​യാ​നും സ്വൈ​ര​ജീ​വി​തം ഉ​റ​പ്പു​വ​രു​ത്താ​നു​മു​ള്ള ശി​ക്ഷാ​നി​യ​മ​ങ്ങ​ളെ ദു​രു​പ​യോ​ഗ​പ്പെ​ടു​ത്തി മാ​ധ്യ​മ​ങ്ങ​ളെ ശ്വാ​സം​മു​ട്ടി​ക്കാ​നും മാ​ധ്യ​മ​പ്ര​വ​ർ​ത്ത​ക​രു​ടെ വാ​യ​മൂ​ടി​ക്കെ​ട്ടാ​നും അ​വ​ർ​ക്ക് സ്വാ​ഭാ​വി​ക നീ​തി നി​ഷേ​ധി​ക്കാ​നും ക​ഴി​യും.

അ​താ​ണീ രാ​ജ്യ​ത്ത് ഹി​ന്ദു​ത്വ​വാ​ദി​ക​ൾ അ​ധി​കാ​ര​ത്തി​ലേ​റി​യ​ശേ​ഷം ന​ട​ക്കു​ന്ന​തെ​ന്ന് ആ​രെ​യും ബോ​ധ്യ​പ്പെ​ടു​ത്തേ​ണ്ട​തി​ല്ല. ലോ​ക​ത്തി​നും രാ​ജ്യ​ത്തി​നും പ​ക​ൽ​വെ​ളി​ച്ച​ത്തി​ൽ കാ​ണാ​വു​ന്ന ന​ഗ്ന​യാ​ഥാ​ർ​ഥ്യം ത​ന്നെ​യാ​ണ​ത്. മോ​ദി സ​ർ​ക്കാ​റി​ന്റെ ഓ​രോ ദി​വ​സ​വും പു​ല​രു​ന്ന​ത്, പൂ​ർ​വാ​ധി​കം ഭീ​ക​ര​മാ​യ മൗ​ലി​കാ​വ​കാ​ശ നി​ഷേ​ധ​വും മാ​ധ്യ​മ​സ്വാ​ത​ന്ത്ര്യ ധ്വം​സ​ന​വു​മാ​യാ​ണ്. ലോ​ക​ത്തി​ന്റെ മു​ന്നി​ൽ ന​രേ​ന്ദ്ര മോ​ദി​യു​ടെ ശി​ര​സ്സ് താ​ഴ്ത്താ​ൻ ഇ​ട​വ​രു​ത്തി​യ ബി.​ജെ.​പി ദേ​ശീ​യ വ​ക്താ​വ് നൂ​പു​ർ ശ​ർ​മ​യു​ടെ പ്ര​വാ​ച​ക​നി​ന്ദാ​പ​ര​മാ​യ ചാ​ന​ൽ​ച​ർ​ച്ച​യി​ലെ പ​രാ​മ​ർ​ശ​ങ്ങ​ൾ അ​നാ​വ​ര​ണം ചെ​യ്ത ആ​ൾ​ട്ട് ന്യൂ​സ് എ​ന്ന സ​മാ​ന്ത​ര മാ​ധ്യ​മ സ്ഥാ​പ​ന​ത്തി​ന്റെ സ​ഹ​സ്ഥാ​പ​ക​നാ​യ മു​ഹ​മ്മ​ദ് സു​ബൈ​റി​നെ മ​ത​വി​കാ​ര​ങ്ങ​ൾ വ്ര​ണ​പ്പെ​ടു​ത്തി എ​ന്ന കു​റ്റം ചു​മ​ത്തി ഡ​ൽ​ഹി പൊ​ലീ​സ് ജ​യി​ലി​ല​ട​ച്ച​താ​ണ് ഒ​ടു​വി​ല​ത്തെ സം​ഭ​വം.

ക​ണ്ണും കാ​തു​മു​ള്ള ആ​ർ​ക്കും കാ​ണാ​നും കേ​ൾ​ക്കാ​നും ക​ഴി​യു​ന്ന​വി​ധം ദൃ​ശ്യ​ചാ​ന​ലി​ലൂ​ടെ, മ​ഹാ​നാ​യ പ്ര​വാ​ച​ക​നെ നി​ന്ദി​ച്ച നൂ​പു​ർ ശ​ർ​മ എ​ന്ന ബി.​ജെ.​പി വ​ക്താ​വി​ന്റെ വി​ദ്വേ​ഷ പ്ര​ക​ട​നം സ​ർ​ക്കാ​റി​ന്റെ ദൃ​ഷ്ടി​യി​ൽ ഇ​പ്പോ​ഴും ജ​യി​ലി​ല​ട​ക്കേ​ണ്ട കു​റ്റ​കൃ​ത്യ​മാ​യി അം​ഗീ​ക​രി​ക്ക​പ്പെ​ട്ടി​ട്ടി​ല്ലെ​ന്നോ​ർ​ക്ക​ണം. ഗ​ൾ​ഫ് രാ​ജ്യ​ങ്ങ​ൾ ഉ​ൾ​പ്പെ​ടെ ലോ​ക​ത്തി​ന്റെ മു​സ്‍ലിം നാ​ടു​ക​ളി​ലെ ഭ​ര​ണ​കൂ​ട​ങ്ങ​ളും മ​റ്റ് ഉ​ത്ത​ര​വാ​ദ​പ്പെ​ട്ട​വ​രും പ്ര​തി​ഷേ​ധി​ക്കു​ക​യും അ​ത് ഇ​ന്ത്യ​യു​ടെ രാ​ഷ്ട്രീ​യ-​സാ​മ്പ​ത്തി​ക താ​ൽ​പ​ര്യ​ങ്ങ​ളെ പ്ര​തി​കൂ​ല​മാ​യി ബാ​ധി​ച്ചേ​ക്കാ​വു​ന്ന പ​ത​ന​ത്തി​ലെ​ത്തു​ക​യും ചെ​യ്ത​പ്പോ​ഴാ​ണ് പ്ര​സ്തു​ത കാ​വി​ക്കാ​രി​യെ ത​ൽ​ക്കാ​ലം പാ​ർ​ട്ടി വ​ക്താ​വ് സ്ഥാ​ന​ത്തു​നി​ന്ന് മാ​റ്റി​നി​ർ​ത്തി​യ​ത്.

കേ​സെ​ടു​ക്ക​ണ​മെ​ന്ന നി​ർ​ബ​ന്ധം വ​ന്ന​പ്പോ​ൾ വി​ഷ​യ​വു​മാ​യി ഒ​രു​ബ​ന്ധ​വും ഇ​ല്ലാ​ത്ത മ​റ്റു മു​പ്പ​തോ​ളം വ്യ​ക്തി​ക​ളു​ടെ പേ​രി​ൽ​കൂ​ടി കൂ​ട്ടാ​യി കേ​സ് ചു​മ​ത്തി​ക്കൊ​ണ്ടാ​ണ് അ​തു​പോ​ലും ചെ​യ്തെ​ന്നു വ​രു​ത്തി​യ​ത്. അ​തേ​സ​മ​യം, മു​ഖ്യ​ധാ​ര മാ​ധ്യ​മ​ങ്ങ​ൾ മ​റ​ച്ചു​വെ​ച്ച​തും വ​സ്തു​താ വി​രു​ദ്ധ​മാ​യി റി​പ്പോ​ർ​ട്ട് ചെ​യ്ത​തു​മാ​യ വാ​ർ​ത്ത​ക​ളു​ടെ നി​ജഃ​സ്ഥി​തി പു​റ​ത്തു​കൊ​ണ്ടു​വ​രാ​ൻ പ്ര​തീ​ക് സി​ൻ​ഹ​യു​മൊ​ത്ത് 2017ൽ ​ആ​ൾ​ട്ട് ന്യൂ​സ് എ​ന്ന മാ​ധ്യ​മ​സ്ഥാ​പ​ന​ത്തി​ന് തു​ട​ക്കം കു​റി​ച്ച മു​ഹ​മ്മ​ദ് സു​ബൈ​റി​നെ നാ​ലു​കൊ​ല്ലം മു​മ്പ​ത്തെ ഒ​രു ട്വി​റ്റ​ർ പോ​സ്റ്റി​ന്റെ പേ​രി​ലാ​ണ് ഇ​പ്പോ​ൾ പൊ​ലീ​സ് പൊ​ക്കി​യി​രി​ക്കു​ന്ന​ത്.

2014ന് ​മു​മ്പ് ഹ​ണി​മൂ​ൺ എ​ന്നു പേ​രു​ള്ള ഹോ​ട്ട​ൽ 2014നു ​ശേ​ഷം ഹ​നു​മാ​ൻ ഹോ​ട്ട​ലാ​യെ​ന്ന് ട്വി​റ്റ​ർ പോ​സ്റ്റി​ട്ട​ത് ത​ന്റെ വി​കാ​രം വ്ര​ണ​പ്പെ​ടു​ത്തി എ​ന്ന് ഒ​രു ഹ​നു​മാ​ൻ 'ഭ​ക്ത' പ​രാ​തി​പ്പെ​ട്ട​തി​ന്റെ പേ​രി​ലാ​ണ​ത്രെ മ​ത​വി​കാ​ര​ങ്ങ​ൾ വ്ര​ണ​പ്പെ​ടു​ത്തി​യ​തി​നു​ള്ള കു​റ്റം ചു​മ​ത്തി ഇ​പ്പോ​ൾ ഡ​ൽ​ഹി പൊ​ലീ​സ് മു​ഹ​മ്മ​ദ് സു​ബൈ​റി​നെ പി​ടി​കൂ​ടി​യി​രി​ക്കു​ന്ന​ത്. 2020ൽ ​ഡ​ൽ​ഹി ഹൈ​കോ​ട​തി സു​ബൈ​റി​ന് പ്രൊ​ട്ട​ക്ഷ​ൻ ന​ൽ​കി​യ കേ​സാ​ണി​തെ​ന്ന് അ​ദ്ദേ​ഹ​ത്തി​ന്റെ സ​ഹ​പ്ര​വ​ർ​ത്ത​ക​ൻ പ്ര​തീ​ക് സി​ൻ​ഹ ചൂ​ണ്ടി​ക്കാ​ട്ടു​ന്നു.

പ്ര​സി​ദ്ധ മ​നു​ഷ്യാ​വ​കാ​ശ പ്ര​വ​ർ​ത്ത​ക​യാ​യ ടീ​സ്റ്റ സെ​റ്റ​ൽ​വാ​ദി​നെ​യും പൊ​ലീ​സ് ഉ​ദ്യോ​ഗ​സ്ഥ​ൻ ആ​ർ.​ബി. ശ്രീ​കു​മാ​റി​നെ​യും 2002 ഫെ​ബ്രു​വ​രി​യി​ലെ കു​പ്ര​സി​ദ്ധ ഗു​ജ​റാ​ത്ത് വം​ശീ​യ​ക​ലാ​പ​ത്തി​ൽ ഇ​ര​ക​ളു​ടെ പ​ക്ഷം​ചേ​ർ​ന്ന​തി​ന്റെ പേ​രി​ൽ, സു​പ്രീം​കോ​ട​തി വി​ധി​യു​ടെ മ​റ​വി​ൽ കാ​രാ​ഗൃ​ഹ​ത്തി​ല​ട​ച്ച ഗു​ജ​റാ​ത്ത് പൊ​ലീ​സി​നെ​തി​രെ ഐ​ക്യ​രാ​ഷ്ട്ര​സ​ഭ​യ​ട​ക്കം പ്ര​തി​ഷേ​ധി​ക്കു​ന്ന സ​മ​യ​മാ​ണി​തെ​ന്നോ​ർ​ക്ക​ണം.

യു.​എ​ന്നും ഹ്യൂ​മ​ൻ​റൈ​റ്റ്സ് ക​ല​ക്ടി​വും രാ​ജ്യ​ത്തെ 2250 പൗ​ര​പ്ര​മു​ഖ​രും സെ​ക്കു​ല​ർ പാ​ർ​ട്ടി​ക​ളും ഒ​രേ​സ്വ​ര​ത്തി​ൽ ഈ ​ന​ഗ്ന​മാ​യ മു​ന​ഷ്യാ​വ​കാ​ശ ലം​ഘ​ന​ത്തി​നെ​തി​രെ ശ​ബ്ദ​മു​യ​ർ​ത്തി​ക്ക​ഴി​ഞ്ഞു. പ​ക്ഷേ, അ​തൊ​ന്നും ത​ങ്ങ​ളെ ബാ​ധി​ക്കി​ല്ലെ​ന്ന ഉ​റ​ച്ച ബോ​ധ്യ​ത്തി​ലാ​ണ് ഹി​ന്ദു​ത്വ സ​ർ​ക്കാ​റി​ന്റെ ഓ​രോ നീ​ക്ക​വും. ഫാ​ഷി​സ്റ്റ് ശൈ​ലി തു​ട​രാ​മെ​ന്നു​വെ​ച്ചാ​ൽ പി​ന്നെ ഹി​റ്റ്ല​റും മു​സോ​ളി​നി​യു​മെ​ക്കെ​യാ​ണ​ല്ലോ മാ​തൃ​ക​യാ​വേ​ണ്ട​ത്.

നേ​ര​ത്തേ പ്ര​വാ​ച​ക​നി​ന്ദ​യി​ൽ ആ​ശ​ങ്ക പ്ര​ക​ടി​പ്പി​ച്ച യു.​എ.​ഇ​യി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി എ​ത്ര ആ​വേ​ശ​ഭ​രി​ത​നാ​യാ​ണി​പ്പോ​ൾ സ​ന്ദ​ർ​ശ​നം ന​ട​ത്തു​ന്ന​തെ​ന്നോ​ർ​ക്കു​ക. പ​ക്ഷേ, ത​ങ്ങ​ളു​ടെ പ്രൊ​പ​ഗ​ണ്ട മാ​ത്ര​മ​ല്ല, ലോ​കം ശ്ര​ദ്ധി​ക്കു​ന്ന​തെ​ന്നും സ​ത്യം പു​റ​ത്തു​കൊ​ണ്ടു​വ​രു​ന്ന മ​നു​ഷ്യ​സ്നേ​ഹി​ക​ളും ലോ​ക​ത്തു​ണ്ടെ​ന്നും രാ​ജ്യ​ത്തെ തീ​വ്ര​വ​ല​തു​പ​ക്ഷം ഓ​ർ​ത്തി​രി​ക്കു​ന്ന​ത് ന​ല്ല​താ​ണ്.

ആ​ഗോ​ള​ത​ല​ത്തി​ൽ മാ​ധ്യ​മ​സ്വാ​ത​ന്ത്ര്യം പു​ല​രു​ന്ന രാ​ജ്യ​ങ്ങ​ളു​ടെ പ​ട്ടി​ക വ​ർ​ഷ​ന്തോ​റും പു​റ​ത്തു​വി​ടു​ന്ന 'റി​പ്പോ​ട്ടേ​ഴ്സ് വി​ത്തൗ​ട്ട് ബോേ​ഡ​ഴ്സ്' എ​ന്ന വി​ഖ്യാ​ത കൂ​ട്ടാ​യ്മ​യു​ടെ ഏ​റ്റ​വും പു​തി​യ മാ​ധ്യ​മ സ്വാ​ത​ന്ത്ര്യ പ​ട്ടി​ക​യി​ൽ 150 ആ​ണ് ജ​നാ​ധി​പ​ത്യ ഇ​ന്ത്യ​യു​ടെ സ്ഥാ​നം! മൊ​ത്തം 180 രാ​ജ്യ​ങ്ങ​​ളേ പ​ട്ടി​ക​യി​ലു​ള്ളൂ. ക​ഴി​ഞ്ഞ വ​ർ​ഷം 142ാം സ്ഥാ​ന​ത്തു​നി​ന്നാ​ണ് ന​മ്മു​ടെ നാ​ട് 150ലേ​​ക്ക് വീ​ണി​രി​ക്കു​ന്ന​ത്. എ​ന്തൊ​ര​ധഃ​പ​ത​നം നാ​ട്ടു​കാ​രേ!

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:altnewsmedia elimination
News Summary - Continuation of media elimination
Next Story