Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_rightഭ​ര​ണ​ഘ​ട​ന​യാ​ണ്...

ഭ​ര​ണ​ഘ​ട​ന​യാ​ണ് ഉ​ത്ത​രം

text_fields
bookmark_border
ഭ​ര​ണ​ഘ​ട​ന​യാ​ണ് ഉ​ത്ത​രം
cancel

ലോ​ക​ത്തെ ഏ​റ്റ​വും വ​ലി​യ ജ​നാ​ധി​പ​ത്യ​രാ​ജ്യ​മാ​യ ന​മ്മു​ടെ ഇ​ന്ത്യ പ​ര​മാ​ധി​കാ​ര റിപ്പബ്ലിക്കാ​യി മാ​റി​യ​തി​ന്റെ 74ാം വാ​ർ​ഷി​കാഘോ​ഷ​ദി​ന​മാ​ണി​ന്ന്. ലോ​ക​ത്ത് അ​ധി​ക നാ​ടു​ക​ൾ​ക്ക് അ​വ​കാ​ശ​പ്പെ​ടാ​നാ​വാ​ത്ത​ത്ര സാം​സ്കാ​രി​ക സ​വി​ശേ​ഷ​ത​ക​ളും വൈ​വി​ധ്യ​ങ്ങ​ളും നി​റ​ഞ്ഞ​താ​ണ് ന​മ്മു​ടെ മ​ഹാ​രാ​ജ്യം. ല​ക്ഷ​ക്ക​ണ​ക്കി​ന് മ​നു​ഷ്യ​ർ മ​ത-​ജാ​തി ചി​ന്ത​ക​ൾ​ക്ക​തീ​ത​മാ​യി അ​ധി​നി​വേ​ശ ശ​ക്തി​ക​ൾ​ക്കെ​തി​രെ അ​ഹിം​സ എ​ന്ന വി​പ്ല​വാ​ത്മ​ക ആ​ദ​ർ​ശ​മു​യ​ർ​ത്തി പൊ​രു​തിനേ​ടി​യ സ്വാ​ത​ന്ത്ര്യ​ത്തി​ന്റെ ഗു​ണ​ഫ​ലം, ത​ല​മു​റ​ക​ൾ​ക്ക​പ്പു​റ​വും ഒ​രാ​ൾ​ക്കും അ​ന്യ​മാ​വ​രു​തെ​ന്ന, ന​വ​ഭാ​ര​ത ശി​ൽ​പി​ക​ൾ വി​ഭാ​വ​നം ചെ​യ്ത ല​ക്ഷ്യ​മാ​ണ് അ​തി​ന്റെ ഊ​ർ​ജം. മ​തേ​ത​ര​ത്വ​വും ജ​നാ​ധി​പ​ത്യ​വും അ​വ​സ​ര സ​മ​ത്വ​വു​മാ​ണ് ഈ ​പ​ര​മാ​ധി​കാ​ര റി​പ്പ​ബ്ലി​ക്കി​ന് ഏ​റ്റ​വും ശ​ക്തിപ​ക​രു​ന്ന മൂ​ല്യ​ങ്ങ​ൾ. അ​വ​ക്ക് ഏ​തെ​ങ്കി​ലും ത​ര​ത്തി​ൽ ഊ​നം ത​ട്ടു​ക​യെ​ന്നാ​ൽ രാ​ജ്യ​ത്തി​നും അ​തി​ന്റെ പ​ര​മാ​ധി​കാ​ര​ത്തി​നും ആ​ഘാ​ത​​മേ​ൽ​ക്കു​ന്നു​വെ​ന്നാ​ണ​ർ​ഥം.

രാ​ജ്യ​സ്നേ​ഹ​ത്തി​ന്റെ അ​തി​രേ​കത്താ​ൽ പ്ര​ശ്ന​മേ​തു​മി​ല്ലെ​ന്ന് സ്വ​യം ആ​ശ്വ​സി​ക്കാ​ൻ നാം ​പ​ല​വു​രു ശ്ര​മി​ക്കു​ന്നു​ണ്ട്, ഇ​വി​ടെ​യെ​ല്ലാം ശു​ഭ​മെ​ന്ന് വി​ശ്വ​സി​പ്പി​ക്കാ​നു​റ​ച്ച് ഭ​ര​ണ​കൂ​ടം പ​ല​തും മ​റ​ച്ചു​പി​ടി​ക്കാ​നും നോ​ക്കു​ന്നു​ണ്ട്. എ​ത്ര ശ​ക്തി​യോ​ടെ നി​ഷേ​ധി​ച്ചാ​ലും ജ​നാ​ധി​പ​ത്യ​വും മ​തേ​ത​ര​ത്വ​വും സ​മ​ത്വ​വും പ​ല കോ​ണു​ക​ളി​ൽ നി​ന്ന് ശ​ക്ത​മാ​യ വെ​ല്ലു​വി​ളി​ക​ളും ഭീ​ഷ​ണി​യും നേ​രി​ടു​ന്നു​വെ​ന്ന​തും അ​ത് പ​ര​മാ​ധി​കാ​ര​ത്തെ അ​പാ​യ​ത്തി​ലേ​ക്ക് ത​ള്ളി​വി​ടു​ന്നു​വെ​ന്ന​തും വ​ർ​ത്ത​മാ​ന ഇ​ന്ത്യ​യി​ലെ പ​ച്ച​യാ​യ സ​ത്യ​മാ​ണ്.

ക​ഴി​ഞ്ഞ റി​പ്പ​ബ്ലി​ക് ദി​നം മു​ത​ൽ 365 ദി​വ​സ​ത്തെ ക​ണ​ക്കെ​ടു​ത്താ​ൽ മാ​ത്രം കാ​ണാ​നാ​വും ഭീ​തി​ദമാ​യ ഈ ​ഭീ​ഷ​ണി​യു​ടെ എ​ത്ര​യോ ന​ടു​ക്കു​ന്ന ചി​ത്ര​ങ്ങ​ൾ. മ​ത വി​ശ്വാ​സ​പ്ര​കാ​ര​മു​ള്ള ശി​രോ​വ​സ്ത്രം ധ​രി​ച്ചെ​ത്തി​യ വി​ദ്യാ​ർ​ഥി​നി​ക​ളെ വി​ദ്യാ​ല​യ​ങ്ങ​ളി​ൽ നി​ന്ന് ആ​ട്ടി​യോ​ടി​ക്കു​ക​യും പ​രീ​ക്ഷ​യെ​ഴു​തു​ന്ന​തി​ൽ നി​ന്ന് പോ​ലും ത​ട​യു​ക​യും ചെ​യ്ത​ത്, ഉ​ത്സ​വ ഘോ​ഷ​യാ​ത്ര​ക്കി​ടെ ആ​രാ​ധ​നാ​ല​യ​ങ്ങ​ളി​ൽ ക​ട​ന്നുക​യ​റി കൈ​യേ​റ്റം ന​ട​ത്തി​യ​ത്, അ​തേ​ച്ചൊ​ല്ലി​യു​ണ്ടാ​യ സം​ഘ​ർ​ഷ​ത്തി​ൽ ഒ​രു സ​മു​ദാ​യ​ത്തി​ലെ മ​നു​ഷ്യ​രെ മാ​ത്രം പ്ര​തി​ചേ​ർ​ക്കു​ക​യും നീ​തി​പീ​ഠ​ത്തെ​പ്പോ​ലും നോ​ക്കു​കു​ത്തി​യാ​ക്കി അ​വ​രു​ടെ വീ​ടും വ​സ്തു​വ​ക​ക​ളും ബു​ൾ​ഡോ​സ​ർ ക​യ​റ്റി ത​ക​ർ​ത്ത​ത്, കേ​സു​ക​ൾ കെ​ട്ടി​ച്ച​മ​ച്ച് മാ​ധ്യ​മ പ്ര​വ​ർ​ത്ത​ക​രെ ജ​യി​ലി​ല​ട​ച്ച​ത്, എ​തി​ർ നി​ല​പാ​ട് സ്വീ​ക​രി​ക്കു​ന്ന മാ​ധ്യ​മ​ങ്ങ​ളെ​യും മ​നു​ഷ്യാ​വ​കാ​ശ പ്ര​വ​ർ​ത്ത​ക​രെ​യും നി​യ​മ​ങ്ങ​ൾ ദു​രു​പ​യോ​ഗം ചെ​യ്ത് കു​രു​ക്കി​ലാ​ക്കു​ന്ന​ത്, ജാ​തി​യു​ടെ​യും മ​ത​ത്തി​ന്റെ​യും പേ​രി​ൽ കു​ടി​വെ​ള്ളം മു​ത​ൽ അ​ധി​കാ​ര പ്രാ​തി​നി​ധ്യം വ​രെ നി​ഷേ​ധി​ക്കു​ന്ന​ത്, മ​തേ​ത​ര രാ​ജ്യ​ത്തെ മ​താ​ത്മ​ക രാ​ജ്യ​മാ​ക്കി മാറ്റാ​നും രാ​ജ്യ​ത്തെ ജ​ന​ങ്ങ​ളെ വം​ശ​ഹ​ത്യ​ക്കി​ര​യാ​ക്കാ​നും ആ​ഹ്വാ​നം മു​ഴ​ക്കു​ന്ന​ത്, ബ​ലാ​ത്സം​ഗ​ക്കേ​സി​ൽ ശി​ക്ഷി​ക്ക​പ്പെ​ട്ട പ്ര​തി​ക​ളെ മോ​ചി​പ്പി​ച്ച് ആ​ദ​രി​ക്കു​ക​യും ഇ​ര​ക​ളു​ടെ ജീ​വി​തം ഭീ​തി​യി​ൽ മു​ക്കി​ത്താ​ഴ്ത്തു​ക​യും ചെ​യ്ത​ത് എ​ന്നി​ങ്ങ​നെ എ​ണ്ണി​ത്തി​ട്ട​പ്പെ​ടു​ത്ത​ൽ എ​ളു​പ്പ​മ​ല്ലാ​ത്ത എ​ത്ര​യോ അ​വ​കാ​ശലം​ഘ​ന​ങ്ങ​ൾ. ഏ​താ​നും വ്യ​ക്തി​ക​ളോ​ടോ, സ​മു​ദാ​യ​ത്തോ​ടോ സ​മൂ​ഹ​ത്തോ​ടോ മാ​ത്ര​മ​ല്ല, ഒ​രു രാ​ജ്യ​ത്തി​നു നേ​രെ ന​ട​ക്കു​ന്ന അ​തി​ക്ര​മ​ങ്ങ​ളാ​യി വേ​ണം ഇ​വ ഓ​രോ​ന്നി​നെ​യും കാ​ണാ​ൻ.

താ​ഴ്ന്ന ജാ​തി​യി​ൽ ജ​നി​ച്ചു എ​ന്ന​ത് പൊ​തു​ടാ​പ്പി​ൽ നി​ന്ന് വെ​ള്ള​മെ​ടു​ത്ത് കു​ടി​ക്കു​ന്ന​തി​ന് ഇ​ന്നും അ​യോ​ഗ്യ​ത​യാ​യി കാ​ണു​ക​യും അ​തി​ന്റെ പേ​രി​ൽ അ​ടി​ച്ചു കൊ​ല്ലു​ക​യും ചെ​യ്ത നി​ഷ്ഠുര സം​ഭ​വം ന​മ്മു​ടെ ക​ൺ​മു​ന്നി​ലാ​ണ് ന​ട​മാ​ടി​യ​ത്. രാ​ജ്യം ഒ​രു മ​ന​സ്സോ​ടെ മു​ന്നി​ട്ടി​റ​ങ്ങാ​തെ ജാ​തി​യു​ടെ​യും മ​ത​ത്തി​ന്റെ​യും പേ​രി​ലെ ധ്രു​വീ​ക​ര​ണ​വും ക​ലാ​പ​ങ്ങ​ളും ഇ​ല്ലാ​താ​ക്കാ​നാ​വി​ല്ല, അ​വ ഏ​ൽപി​ക്കു​ന്ന ആ​ഴ​മേ​റി​യ മു​റി​വു​ക​ളെ ഉ​ണ​ക്കാ​നു​മാ​വി​ല്ല.

ജ​നാ​ധി​പ​ത്യ​ത്തി​ന്റെ തൂ​ണു​ക​ളെ പ​ണ​വും സ്വാ​ധീ​ന​വും ഭീ​ഷ​ണി​യും ഉ​പ​യോ​ഗ​പ്പെ​ടു​ത്തി ദു​ർ​ബ​ല​പ്പെ​ടു​ത്താ​ൻ ആ​സൂ​​ത്രി​ത ഗൂ​ഢാ​ലോ​ച​ന​ക​ൾ ന​ട​ക്കു​ന്നു. ജ​ന​പ്ര​തി​നി​ധി​ക​ളെ​യും സ​ർ​ക്കാ​റി​നെ​യും പ​ണം ഉ​പ​യോ​ഗി​ച്ച് മാ​റ്റി​മ​റി​ക്കാ​നാ​കു​മെ​ന്ന് വ​ന്നാ​ൽ സ​മ്മ​തി​ദാ​നാ​വ​കാ​ശം എ​ന്ന ജ​നാ​ധി​പ​ത്യ​ത്തി​ലെ മൂ​ല്യ​മേ​റി​യ വാ​ക്കാ​ണ് വെ​ല്ലു​വി​ളി​ക്ക​പ്പെ​ടു​ന്ന​ത്. ഫെ​ഡ​റ​ൽ മൂ​ല്യ​ങ്ങ​ളെ ത​കി​ടം മ​റി​ച്ച് സം​സ്ഥാ​ന​ങ്ങ​ളു​ടെ അ​വ​കാ​ശ​ങ്ങ​ൾ ക​വ​ർ​ന്നെ​ടു​ക്കു​ന്ന ന​ട​പ​ടി​ക​ളും ആ​വോ​ളം ന​ട​ക്കു​ന്നു. എ​തി​ര​ഭി​പ്രാ​യ​ക്കാ​രു​ടെ വീ​ടു​ക​ളി​ലേ​ക്ക് ഇ​രച്ചുക​യ​റാ​നു​ള്ള കൂ​ലി​പ്പ​ട​യെ​പ്പോ​ലെ അ​ന്വേ​ഷ​ണ ഏ​ജ​ൻ​സി​ക​ളെ ദു​രു​പ​​യോ​ഗം ചെ​യ്യു​ന്നു. ഇ​പ്പോ​ഴി​താ നീ​തി​പീ​ഠ​ങ്ങ​ളെ​യും വ​രു​തി​യി​ലാ​ക്കാ​ൻ വ​ഴി​വി​ട്ട നീ​ക്ക​ങ്ങ​ൾ തു​ട​ങ്ങി​യി​രി​ക്കു​ന്നു. പ​ര​മോ​ന്ന​ത നീ​തി​പീ​ഠ​ത്തി​ന്റെ തീ​രു​മാ​ന​ങ്ങ​ളും നി​ല​പാ​ടു​ക​ളും വി​മ​ർ​ശ​നാ​തീ​ത​മ​ല്ല. എ​ന്നാ​ൽ, സു​​പ്രീം​കോ​ട​തി​യോ​ട് ഭീ​ഷ​ണി​യു​ടെ ഭാ​ഷ​യി​ൽ സം​സാ​രി​ക്കാ​ൻ ആ​ർ​ക്കു​മി​ല്ല അ​ധി​കാ​രം.

ആ​ശ​ങ്ക​ജ​ന​ക​മാ​യ ഇ​ത്ത​രം ശ്ര​മ​ങ്ങ​ൾ ജ​ന​ങ്ങ​ളു​ടെ മ​ന​സ്സി​ൽ ഒ​ട്ടേ​റെ ചോ​ദ്യ​ങ്ങ​ളു​യ​ർ​ത്തു​ന്നു​ണ്ട്. ഈ ​ചോ​ദ്യ​ങ്ങ​ൾ​ക്കെ​ല്ലാ​മു​ള്ള ഉ​ത്ത​ര​മാ​വ​ട്ടെ രാ​ജ്യ​ത്തി​ന്റെ പ്രൗ​ഢ​മാ​യ, പ്ര​ബ​ല​മാ​യ ഭ​ര​ണ​ഘ​ട​ന​യാ​ണ്. രാ​ഷ്ട്ര​പ​തി മു​ത​ൽ ഏ​റ്റ​വും ദു​ർ​ബ​ല​രാ​യ പൗ​ര​ർ​ക്ക് വ​രെ തു​ല്യാ​വ​കാ​ശ​വും തു​ല്യാ​ധി​കാ​ര​വും വാ​ഗ്ദാ​നം ചെ​യ്യു​ന്ന ഭ​ര​ണ​ഘ​ട​ന​യെ സം​ര​ക്ഷി​ച്ച് നി​ർ​ത്തു​ക​യും അ​തി​ലെ നി​ർ​ദേ​ശ​ങ്ങ​ൾ​ക്ക​നു​സൃ​ത​മാ​യി രാ​ഷ്ട്ര​നി​ർ​മാ​ണ​ത്തി​ൽ പ​ങ്കു​ചേ​രു​ക​യും ചെ​യ്യു​ക എ​ന്ന​താ​ണ് ഇ​ക്കാ​ല​ത്തെ ഏ​റ്റ​വും വ​ലി​യ രാ​ഷ്ട്ര​സേ​വ​.

Show Full Article
TAGS:constitution 
News Summary - constitution is the key
Next Story