​​കോ​ൺ​ഗ്ര​സും ക​മ്യൂ​ണി​സ്റ്റ്​ പാ​ർ​ട്ടി​ക​ളും

ഇ​ന്ത്യ​ൻ നാ​ഷ​ന​ൽ കോ​ൺ​ഗ്ര​സി​നോട്​ പുലർത്തേണ്ട സ​മീ​പ​ന​ത്തെ​ച്ചൊ​ല്ലി ഇ​ന്ത്യ​യി​ലെ ക​മ്യൂണി​സ്റ്റ്​ പ്ര​സ്ഥാ​ന​ത്തി​ൽ ഉ​ട​ലെ​ടു​ത്ത ഭി​ന്ന​ത​ക​ൾ പാ​ർ​ട്ടി​യെ പി​ള​ർ​ക്കു​ന്ന​തി​ലേ​ക്കും അ​തേ തു​ട​ർ​ന്ന്​ ഒ​രു വി​ഭാ​ഗം കോ​ൺ​ഗ്ര​സി​നോ​ടൊ​പ്പം നി​ൽ​ക്കു​ന്ന​തി​ലേ​ക്കും മ​റു​വി​ഭാ​ഗം മു​ഖ്യ​ശ​ത്രു​വാ​യി കാ​ണു​ന്ന​തി​ലേ​ക്കും ന​യി​ച്ചി​ട്ട്​ പ​തി​റ്റാ​ണ്ടു​ക​ളാ​യി. ജ​വ​ഹ​ർ​ലാ​ൽ നെ​ഹ്​​റു​വി​ന്‍റെ നേ​തൃ​ത്വ​ത്തി​ൽ കോ​ൺ​ഗ്ര​സ്​ സ​ർ​ക്കാ​ർ സോ​വി​യ​റ്റ്​ പ​ക്ഷ​ത്തോ​ട്​ ആഭി​മു​ഖ്യം പു​ല​ർ​ത്തി​യ​പ്പോ​ൾ ഇ​ന്ത്യ​ൻ ക​മ്യൂ​ണി​സ്റ്റ്​ പാ​ർ​ട്ടി​യി​ലെ ഔ​ദ്യോ​ഗി​ക വി​ഭാ​ഗം ചെ​യ​ർ​മാ​ൻ എ​സ്.​എ. ഡാ​​ങ്കേ​യു​ടെ സാ​ര​ഥ്യ​ത്തി​ൽ അ​വ​രോ​ടൊ​പ്പ​മാ​ണ്​ നി​ല​യു​റ​പ്പി​ച്ച​ത്. ഈ '​വ​ല​തു​പ​ക്ഷ വ്യ​തി​യാ​ന'​ത്തെ ശ​ക്ത​മാ​യി എ​തി​ർ​ത്ത പി. ​സു​ന്ദ​ര​യ്യ, ബി.​ടി. ര​ണ​ദി​വെ, ഇ.​എം.​എ​സ്​. ന​മ്പൂ​തി​രി​പ്പാ​ട്, എ.​കെ. ഗോ​പാ​ല​ൻ, ജ്യോ​തി​ബ​സു മു​ത​ൽ ​പേ​ർ പാ​ർ​ട്ടി പി​ള​ർ​ത്തി രാ​ഷ്​​ട്രാ​ന്ത​രീ​യ ക​മ്യൂ​ണി​സ​​ത്തി​ലെ പി​ള​ർ​പ്പി​ൽ ചൈ​ന​യോ​ടൊ​പ്പം നി​ന്ന്​ കോ​ൺ​ഗ്ര​സ്​ വി​രു​ദ്ധ രാ​ഷ്ട്രീ​യ​വു​മാ​യി ക​മ്യൂ​ണി​സ്റ്റ്​ പാ​ർ​ട്ടി ഓ​ഫ്​ ഇ​ന്ത്യ (മാ​ർ​ക്സി​സ്റ്റ്) എ​ന്ന പേ​രി​ൽ പു​തി​യ പാ​ർ​ട്ടി രൂ​പ​വ​ത്​​ക​രി​ച്ച​ത്​ അ​ന​ന്ത​ര സം​ഭ​വ​മാ​ണ്.

ക​മ്യൂ​ണി​സ്റ്റ്​ പ്ര​സ്ഥാ​ന​ത്തി​ന്​ ഏ​റ്റ​വും സ്വാ​ധീ​ന​മു​ള്ള പ​ശ്ചി​മ​ബം​ഗാ​ളി​ലും കേ​ര​ള​ത്തി​ലും സി.​പി.​എ​മ്മും മ​റ്റി​ട​ങ്ങ​ളി​ൽ സി.​പി.​ഐ​യും പി​ടി​മു​റു​ക്കി​യെ​ങ്കി​ലും തൊ​ണ്ണൂ​റു​ക​ളി​ലെ രാ​ഷ്ട്രാ​ന്ത​രീ​യ ക​മ്യൂ​ണി​സ​ത്തി​ന്‍റെ പ​ത​ന​വും സോ​വി​യ​റ്റ്​ യൂ​നി​യ​ന്‍റെ തി​രോ​ധാ​ന​വും ക​മ്യൂ​ണി​സ്റ്റ്​ പാ​ർ​ട്ടി​ക​ളെ മൊ​ത്തം ത​ള​ർ​ത്തു​ക​യാ​ണു​ണ്ടാ​യ​ത്. തു​ട​ർ​ന്നി​ങ്ങോ​ട്ടു​ള്ള ദേ​ശീ​യ സാ​ഹ​ച​ര്യ​ങ്ങ​ളി​ൽ ര​ണ്ടു പാ​ർ​ട്ടി​ക​ളും ഇ​ട​തു​മു​ന്ന​ണി​യി​ൽ ഘ​ട​ക​ങ്ങ​ളാ​വു​ക​യും ബം​ഗാ​ളി​ലും കേ​ര​ള​ത്തി​ലും ഭ​ര​ണം പ​ങ്കി​ടു​ക​യും ചെ​യ്തു. അ​പ്പോ​ഴും ചി​ല പ്ര​ശ്ന​ങ്ങ​ളി​ലും സ​മസ്യകളി​ലും വ്യ​ത്യ​സ്ത സ​മീ​പ​ന​ങ്ങ​ൾ സ്വീ​ക​രി​ച്ചു. കോ​ൺ​ഗ്ര​സി​ന്‍റെ ഭ​ര​ണ​ക്കു​ത്ത​ക അ​വ​സാ​നി​പ്പി​ക്കു​ക എ​ന്ന നി​ല​പാ​ടി​ന്‍റെ ഭാ​ഗ​മാ​യി വി.​പി. സി​ങ്​ സ​ർ​ക്കാ​റി​നെ ഇ​ട​തു​മു​ന്ന​ണി പി​ന്താ​ങ്ങി​യ​പ്പോ​ഴും സി.​പി.​എം മ​ന്ത്രി​സ​ഭ​യി​ൽ ചേ​ർ​ന്നി​ല്ല; സി.​പി.​ഐ കി​ട്ടി​യ അ​വ​സ​രം പാ​ഴാ​ക്കി​യ​തു​മി​ല്ല. പ​രോ​ക്ഷ​മാ​യി ഈ ​കോ​ൺ​ഗ്ര​സ്​ വി​രു​ദ്ധ സ​മീ​പ​നം ബി.​ജെ.​പി​യെ ശ​ക്തി​പ്പെ​ടു​ത്താ​നാ​ണ്​ ഉ​ത​കി​യ​തെ​ന്ന്​ പി​ൽ​ക്കാ​ല സം​ഭ​വ​ഗ​തി​ക​ൾ തെ​ളി​യി​ച്ചു.

വാജ്​പേയിയുടെ നേതൃത്വത്തിലെ എൻ.ഡി.എ സർക്കാറിന്‍റെ ഭരണത്തുടർച്ച തടഞ്ഞ്​ 2004ൽ നിലവിൽ വന്ന കോ​ൺ​ഗ്ര​സ്​ ന​യി​ച്ച യു.​പി.​എ​ സർക്കാറിൽ ര​ണ്ടു ക​മ്യൂ​ണി​സ്റ്റ്​ പാ​ർ​ട്ടി​ക​ളും ഉ​ൾ​പ്പെ​ട്ടി​രു​ന്നു. ഒന്നാം മൻമോഹൻ സർക്കാറിന്‍റെ ഗുണകാംക്ഷികളും ക്രിയാത്​മക വിമർശകരുമായി നിലകൊണ്ട ഇരു പാർട്ടികളും ഇന്ത്യ-അ​മേ​രി​ക്ക​ ആണവ ക​രാ​റി​ൽ പ്ര​തി​ഷേ​ധി​ച്ച്​ 2008ൽ പിന്തുണ പിൻവലിച്ചു. യു.പി.എക്ക്​ ഒരു ഊഴം കൂടി ലഭിച്ചെങ്കിലും ആ കാലയളവിൽ​ ന​ട​ന്ന സമരപരമ്പരകൾ ന​രേ​ന്ദ്ര മോ​ദി​യു​ടെ നേതൃത്വത്തിലെ തീ​വ്ര ഹി​ന്ദു​ത്വ സ​ർ​ക്കാറിന്​ നിലമൊരുക്കുന്നതിലേക്കാണ്​ നയിച്ചത്​. അ​താ​യ​ത്,​ കോ​ൺ​ഗ്ര​സി​നെ അ​ധി​കാ​ര​ഭ്ര​ഷ്ട​മാ​ക്കാ​നു​ള്ള ഏ​തു​ പടയൊരുക്കവും കാ​വി​പ്പ​ട​ക്ക്​ ഗു​ണ​ക​ര​മാ​വു​ന്ന ദു​ര​നു​ഭ​വ​ങ്ങ​ളി​ലാ​ണ്​ ക​ലാ​ശി​ച്ച​ത്.

ഇ​പ്പോ​ൾ പാ​ർ​ട്ടി കോ​ൺ​ഗ്ര​സു​ക​ൾ ന​ട​ക്കാ​ൻ പോ​കു​ന്ന ഘ​ട്ട​ത്തി​ൽ സി.​പി.​ഐ​യും സി.​പി.​എ​മ്മും ഒ​രി​ക്ക​ൽകൂ​ടി കോ​ൺ​ഗ്ര​സി​നോ​ടു​ള്ള സ​മീ​പ​ന​ത്തെ​ച്ചൊ​ല്ലി കൊ​മ്പുകോ​ർ​ക്കു​ക​യാ​ണ്. മു​ൻ​കാ​ല​ങ്ങ​ളി​ൽനി​ന്നു​ള്ള വ്യ​ത്യാ​സം ബം​ഗാ​ൾ ക​മ്യൂ​ണി​സ്റ്റ്​ പാ​ർ​ട്ടി​ക​ളെ ഏ​റ​ക്കു​റെ പൂ​ർ​ണ​മാ​യി നി​രാ​ക​രി​ക്കു​ക​യും കേ​ര​ളം മാ​ത്രം പി​ടി​ച്ചു​നി​ൽ​ക്കാ​ൻ അ​വ​സ​ര​മൊ​രു​ക്കു​ക​യും ചെ​യ്തി​രി​ക്കു​ന്ന സാ​ഹ​ച​ര്യ​മാ​ണ്. കേ​ര​ള​ത്തി​ൽ കോ​ൺ​ഗ്ര​സ്​ ന​യി​ക്കു​ന്ന യു.​ഡി.​എ​ഫാ​ണ്​ അ​ധി​കാ​ര​ത്തി​ന്‍റെ കാ​ര്യ​ത്തി​ൽ മു​ഖ്യ​ശ​ത്രു എ​ന്ന​തു​കൊ​ണ്ട്​ ഇ​വി​ടെ എ​ന്തു​ ചെ​യ്യ​ണ​മെ​ന്ന​ കാ​ര്യ​ത്തി​ൽ ഇ​ട​ത്​-​വ​ല​ത്​ ക​മ്യൂ​ണി​സ്​​റ്റ്​ ​ പാ​ർ​ട്ടി​ക​ൾ​ക്കി​ട​യി​ൽ ഭി​ന്ന​ത​യി​ല്ല.

എ​ന്നാ​ൽ, ദേ​ശീ​യ​ത​ല​ത്തി​ൽ കോ​ൺ​ഗ്ര​സ്​ ത​ക​ർ​ന്നാ​ൽ ആ ​വി​ട​വ്​ നി​ക​ത്താ​നു​ള്ള ക​ഴി​വ്​ ഇ​ട​തു​പ​ക്ഷ​ത്തി​നി​​ല്ലെ​ന്ന്​ സി.​പി.​ഐ നേ​താ​വ്​ ബി​നോ​യ്​ വി​ശ്വം എം.​പി തു​റ​ന്നു​പ​റ​ഞ്ഞ​ത്​ വി​വാ​ദ വി​ധേ​യ​മാ​യി​രി​ക്കു​ക​യാ​ണ്. 'ഇ​ന്ന​ത്തെ ഇ​ന്ത്യ​ൻ രാ​ഷ്ട്രീ​യ​ത്തി​ൽ ബി.​ജെ.​പി-​ആ​ർ.​എ​സ്.​എ​സ്​ സം​ഘ​ട​ന​ക​ൾ ഉ​യ​ർ​ത്തു​ന്ന വെ​ല്ലു​വി​ളി​ക്കു​ മു​ന്നി​ൽ കോ​ൺ​ഗ്ര​സ്​ ത​ക​ർ​ന്നാ​ലു​ണ്ടാ​കാ​ൻ പോ​കു​ന്ന ശൂ​ന്യ​ത​യെ​പ്പ​റ്റി ബോ​ധ്യ​മു​ള്ള ഇ​ട​തു​പ​ക്ഷ​ക്കാ​രാ​ണ്​ ഞ​ങ്ങ​ൾ. അ​തു​കൊ​ണ്ട്​ പ​റ​യു​ക​യാ​ണ്; കേ​ര​ള​ത്തി​ലെ ത​ർ​ക്ക​ങ്ങ​ളെ​ല്ലാം ഇ​രി​ക്കെ​ത്ത​ന്നെ ഞാ​ൻ പ​റ​യു​ന്നു, കോ​ൺ​ഗ്ര​സ്​ ത​ക​ർ​ന്നാ​ൽ ആ ​ശൂ​ന്യ​ത നി​ക​ത്താ​നു​ള്ള കെ​ൽ​പ്​ ഇ​ന്ന്​ ഇ​ന്ത്യ​യി​ൽ ഇ​ട​തു​പ​ക്ഷ​ത്തി​നി​ല്ല. അ​തി​നാ​ൽ നെ​ഹ്​​റു​വി​നെ ഓ​ർ​ത്തു​കൊ​ണ്ട്​ കോ​ൺ​ഗ്ര​സ്​ ത​ക​രാ​തി​രി​ക്കാ​ൻ ശ്ര​മി​ക്ക​ണ​മെ​ന്നാ​ണ്​ ഞാ​ൻ ചി​ന്തി​ക്കു​ന്ന​ത്' -ഇ​താ​ണ്​ ബി​നോ​യ്​ വി​ശ്വ​ത്തി​ന്‍റെ വാ​ക്കു​ക​ൾ.

പി​റ്റേ​ദി​വ​സം സി.​പി.​ഐ സം​സ്ഥാ​ന സെ​ക്ര​ട്ട​റി കാ​നം രാ​ജേ​ന്ദ്ര​ൻ അ​ദ്ദേ​ഹ​ത്തെ പൂ​ർ​ണ​മാ​യി പി​ന്താ​ങ്ങു​ക​യും ചെ​യ്തു. എ​ന്നാ​ൽ, സി.​പി.​എം സം​സ്ഥാ​ന സെ​ക്ര​ട്ട​റി കോ​ടി​യേ​രി ബാ​ല​കൃ​ഷ്ണ​ൻ ഇ​തോ​ട്​ വ്യ​ക്ത​മാ​യ വി​യോ​ജി​പ്പാ​ണ്​ രേ​ഖ​പ്പെ​ടു​ത്തി​യി​രി​ക്കു​ന്ന​ത്. രാ​ജ്യ​ത്ത്​ ഹി​ന്ദു​ത്വ വ​ർ​ഗീ​യ​ത​യെ നേ​രി​ടാ​ൻ കോ​ൺ​ഗ്ര​സി​നാ​വി​ല്ലെ​ന്ന വി​ല​യി​രു​ത്ത​ലാ​ണ്​ 23ാം പാ​ർ​ട്ടി കോ​ൺ​ഗ്ര​സി​ൽ അ​വ​ത​രി​പ്പി​ക്കേ​ണ്ട രാ​ഷ്ട്രീ​യ പ്ര​മേ​യ​ത്തി​ന്‍റെ ക​ര​ടുരേ​ഖ​യി​ൽ. പി​ന്നീ​ടെ​ന്ത്​ വേ​ണ​മെ​ന്ന​തി​നെ​ക്കു​റി​ച്ച്​ സി.​പി.​എ​മ്മി​ന്​ വ്യ​ക്ത​ത​യി​ല്ല. ഇ​ട​തു​മു​ന്ന​ണി​യെ ശ​ക്തി​പ്പെ​ടു​ത്ത​ണ​മെ​ന്ന്​ നൂ​റ്റൊ​ന്നാ​വ​ർ​ത്തി​ച്ച​തു​കൊ​ണ്ട്​ ഒ​ന്നും നേ​ടാ​നാ​വി​ല്ല. ബം​ഗാ​ളി​ലാ​വ​ട്ടെ കോ​ൺ​ഗ്ര​സി​നോ​ടു​ള്ള ധാ​ര​ണ​പോ​ലും ഫ​ലംചെ​യ്യാ​ത്ത അ​നു​ഭ​വ​മാ​ണു​ള്ള​ത്.

കേ​ര​ള​ത്തി​ൽത​ന്നെ​യും കോ​ൺ​ഗ്ര​സി​നെ തീ​ർ​ത്തും അ​പ്ര​സ​ക്ത​മാ​ക്കി​ക്കൊ​ണ്ടു​ള്ള നീ​ക്ക​ങ്ങ​ൾ അ​ന്തി​മ​മാ​യി ബി.​ജെ.​പി​ക്കാ​വും ഗു​ണം ചെ​യ്യു​ക എ​ന്ന തി​രി​ച്ച​റി​വ്​ ഇ​ട​തു​മു​ന്ന​ണി​ക്കു​ണ്ടാ​യി​​ല്ലെ​ങ്കി​ൽ ഭ​വി​ഷ്യ​ത്ത്​ ശു​ഭ​ക​ര​മാ​വി​ല്ല. കോ​ൺ​ഗ്ര​സി​നെ​യും മു​സ്​​ലിം ലീ​ഗി​നെ​യും രാ​ഷ്ട്രീ​യ ചി​ത്ര​ത്തി​ലെ​ങ്ങു​മി​ല്ലാ​ത്ത ജ​മാ​അ​ത്തെ ഇ​സ്​​ലാ​മി​യെ​യും കൂ​ട്ടി​ക്കെ​ട്ടി സി.​പി.​എം ന​ട​ത്തി​ക്കൊ​ണ്ടി​രി​ക്കു​ന്ന പ്ര​ചാ​ര​ണം സം​ഘ്​​പ​രി​വാ​റി​നാ​ണ്​ അ​ന്തി​മ​മാ​യി ഗു​ണം​ചെ​യ്യു​ക എ​ന്ന്​ അ​ധി​കാ​രല​ഹ​രി​യി​ൽ പാ​ർ​ട്ടി മ​റ​ക്കു​ക​യാ​ണ്. ല​ഹ​രി​യി​ൽ​നി​ന്ന്​ മു​ക്ത​മാ​വു​മ്പോ​ഴേ​ക്ക്​ കാ​ര്യം കൈ​വി​ട്ടി​രി​ക്കും.