Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightOpinionchevron_rightEditorialchevron_rightസ​ങ്കീ​ർ​ണ​മാ​വു​ന്ന...

സ​ങ്കീ​ർ​ണ​മാ​വു​ന്ന റോ​ഹി​ങ്ക്യ​ൻ പ്ര​തി​സ​ന്ധി

text_fields
bookmark_border
സ​ങ്കീ​ർ​ണ​മാ​വു​ന്ന റോ​ഹി​ങ്ക്യ​ൻ പ്ര​തി​സ​ന്ധി
cancel


റോ​ഹി​ങ്ക്യ​ക​ളെ തി​രി​​ച്ചെ​ടു​ക്കു​ന്ന പ്ര​ക്രി​യ ഫ​ല​പ്ര​ദ​മാ​ക്കാ​ൻ മ്യാ​ന്മ​ർ ഇ​ന്ത്യ​യു​ൾ​പ്പെ​ടെ​യു​ള്ള സു​ഹൃ​ദ്​​ രാ​ജ്യ​ങ്ങ​ളി​ൽനി​ന്നു​ള്ള സൈ​നി​കേ​ത​ര നി​രീ​ക്ഷ​ക​രെ ഇ​ട​പെ​ടീ​ക്ക​ണ​മെ​ന്ന്​ ബം​ഗ്ലാ​ദേ​ശ്​ വി​ദേ​ശ​കാ​ര്യ മ​ന്ത്രി എ.​കെ. മൂ​മി​ൻ ആ​സി​യാ​ൻ രാ​ഷ്​​ട്ര​ങ്ങ​ളു​ടെ 27ാമ​ത്​ മ​ന്ത്രി​ത​ല സ​മ്മേ​ള​ന​ത്തെ അ​ഭി​മു​ഖീ​ക​രി​ക്കെ ആ​വ​ശ്യ​പ്പെ​ട്ടി​രി​ക്കു​ന്നു.

ഈ ​മാ​നു​ഷി​ക പ്ര​ശ്​​നം പ​രി​ഹ​രി​ക്കു​ന്ന​തി​ലെ പ​രാ​ജ​യം മേ​ഖ​ല​യി​ലെ സ​മാ​ധാ​ന​വും സ്​​ഥി​ര​ത​യും ത​ക​ർ​ക്കു​ന്ന തീ​വ്ര​വാ​ദ​ത്തി​ലേ​ക്കും ഭീ​ക​ര​ത​യി​ലേ​ക്കു​മാ​ണ്​ ന​യി​ക്കു​ക എ​ന്ന്​ അ​​േ​ദ്ദ​ഹം മു​ന്ന​റി​യി​പ്പ്​ ന​ൽ​കി​യി​ട്ടു​ണ്ട്. ത​ങ്ങ​ളു​ടെ മാ​തൃ​രാ​ജ്യ​മാ​യ മ്യാ​ന്മ​റി​ലെ കൂ​ട്ട​ക്കൊ​ല​യു​ടെ ഫ​ല​മാ​യി പ​ലാ​യ​നം ചെ​യ്യേ​ണ്ടി വ​ന്ന 11 ല​ക്ഷം വ​രു​ന്ന റോ​ഹി​ങ്ക്യ​ക​ളെ സാ​മ്പ​ത്തി​ക, പാ​രി​സ്​​ഥി​തി​ക സാ​മൂ​ഹി​കപ്ര​ത്യാ​ഘാ​ത​ങ്ങ​ളെ വി​ല​വെ​ക്കാ​തെ കേ​വ​ലം മാ​നു​ഷി​ക പ​രി​ഗ​ണ​നവെ​ച്ചാ​ണ്​ ബം​ഗ്ലാ​ദേ​ശ്​ ഏ​റ്റെ​ടു​ക്കേ​ണ്ടി വ​ന്ന​തെ​ന്ന വ​സ്​​തു​ത അ​ദ്ദേ​ഹം ഓ​ർ​മി​പ്പി​ച്ചു.

അ​ഭ​യാ​ർ​ഥി​ക​ളെ തി​രി​ച്ച​യ​ക്കാ​നു​ള്ള മൂ​ന്ന്​ ഉ​ട​മ്പ​ടി​ക​ൾ സു​ഹൃ​ദ്​​​രാ​ജ്യ​മാ​യ മ്യാ​ന്മ​റു​മാ​യി ബം​ഗ്ലാ​ദേ​ശ്​ ഒ​പ്പി​ട്ടി​രു​ന്ന​താ​ണ്. പ​രി​ശോ​ധ​ന​ക്കു​ശേ​ഷം അ​വ​രെ തി​രി​ച്ചെ​ടു​ക്കാ​മെ​ന്ന്​ മ്യാ​ന്മ​ർ സ​മ്മ​തി​ച്ച​തു​മാ​ണ്. തി​രി​ച്ചു​വ​ര​വി​ന്​ അ​നു​യോ​ജ്യ​മാ​യ സാ​ഹ​ച​ര്യം സൃ​ഷ്​​ടി​ക്കു​മെ​ന്നും കുടിയൊഴി​പ്പി​ക്ക​പ്പെ​ട്ട ജ​ന​ങ്ങ​ൾ​ക്ക്​ സു​ര​ക്ഷ ഒ​രു​ക്കാ​മെ​ന്നും മ്യാ​ന്മ​ർ സ​മ്മ​തി​ച്ചി​രു​ന്നു. പ​ക്ഷേ, നി​ർ​ഭാ​ഗ്യ​വ​ശാ​ൽ ഒ​രാ​ളും തി​രി​ച്ചു​പോ​യി​ല്ല; പ​ക​രം രാ​ഖൈ​ൻ പ്ര​വി​ശ്യ​യി​ൽ വെ​ടി​വെ​പ്പും ​െഷ​ല്ലാ​ക്ര​മ​ണ​വു​മാ​ണ്​ തു​ട​രു​ന്ന​തെ​ന്നും എ.​കെ. മൂ​മി​ൻ ചൂ​ണ്ടി​ക്കാ​ട്ടി.

ന​മ്മു​ടെ കാ​ല​ഘ​ട്ട​ത്തി​ലെ അ​ത്യ​ന്തം വേ​ദ​നജ​ന​ക​മാ​യ മാ​നു​ഷി​ക ദു​ര​ന്ത​ങ്ങ​ളി​ലൊ​ന്നാ​ണ്​ മ്യാ​ന്മ​റി​ൽ നി​ന്നു​ള്ള ​േറാ​ഹി​ങ്ക്യ​ൻ മു​സ്​​ലിം​ക​ളു​ടെ കൂ​ട്ട​പ്പലാ​യ​നം. ര​ണ്ടു നൂ​റ്റാ​ണ്ടു​ക​ൾ​ക്കുമു​മ്പ്​ ത​ങ്ങ​ളു​ടെ സ്വ​ന്തം നാ​ടാ​യി ക​ണ്ട രാ​ഖൈ​ൻ പ്ര​വി​ശ്യ​യി​ൽ സ്​​ഥി​ര​താ​മ​സ​മാ​ക്കി​യ റോ​ഹി​ങ്ക്യ​ക​ൾ കൃ​ഷി​യി​ലും മ​റ്റു തൊ​ഴി​ലു​ക​ളി​ലും ഏ​ർ​പ്പെ​ട്ടു ക​ഴി​യ​വെ, മ്യാ​ന്മ​ർ എ​ന്നു പേ​ര്​ മാ​റി​യ ബ​ർ​മ​യി​ലെ ബു​ദ്ധി​സ്​​റ്റ്​ ഭൂ​രി​പ​ക്ഷം ര​ണോ​ത്സു​ക​രാ​യി നി​ര​ന്ത​രം ന​ട​ത്തി​യ ആക്ര​മ​ണ​ങ്ങ​ളു​ടെ ഫ​ല​മാ​യാ​ണ്​ സ​ർ​വ​സ്വം ന​ഷ്​​ട​പ്പെ​ട്ട്​ കൂ​ട്ട​പ്പലാ​യ​നം ചെ​യ്യേ​ണ്ടി​വ​ന്ന​ത്​ എ​ന്ന​ത്​ ലോ​ക​ത്തി​നാ​കെ ബോ​ധ്യ​പ്പെ​ട്ട വ​സ്​​തു​ത​യാ​ണ്.

പെ​ട്ടി​യും ച​ട്ടി​യും കു​ട്ടി​ക​ളു​മാ​യി നാ​ടു​വി​ടേ​ണ്ടി വ​ന്ന​വ​രി​ൽ ഒ​ട്ടു വ​ള​രെ​പേ​ർക്ക്​ ഉ​ൾ​ക്കൊ​ള്ളാ​വു​ന്ന​തി​െ​ൻ​റ എ​ത്ര​യോ ഇ​ര​ട്ടി ക​യ​റിപ്പറ്റി​യ​പ്പോ​ൾ ബോ​ട്ടു​ക​ൾ മ​റി​ഞ്ഞ്​ ജീ​വ​ഹാ​നി നേ​രി​ട്ട ക​ഥ​ക​ൾ മാ​ധ്യ​മ​ങ്ങ​ളി​ലൂ​ടെ പു​റം​ലോ​കം അ​റി​ഞ്ഞു. ത​ങ്ങ​ളു​ടെ തീ​ര​ത്ത​ണ​ഞ്ഞ​വ​രി​ൽ കു​റെ പേ​രെ മ​​േ​ല​ഷ്യ​യും താ​യ്​​ല​ൻ​ഡും സ​മീ​പ​സ്​​ഥ രാ​ജ്യ​ങ്ങ​ളും ഏ​റ്റെ​ടു​ത്ത​പ്പോ​ൾ ഭൂ​രി​പ​ക്ഷ​വും മ്യാ​ന്മ​റു​മാ​യി അ​തി​ർ​ത്തി പ​ങ്കി​ടു​ന്ന ബം​ഗ്ലാ​ദേ​ശി​ലാ​ണ്​ അ​ഭ​യം പ്രാ​പി​ച്ച​ത്.

ദ​രി​ദ്ര​രാ​ജ്യ​മാ​യ ബം​ഗ്ലാ​ദേ​ശി​ന്​ പ​ത്തു​ല​ക്ഷം പേ​രെ അ​ധി​വ​സി​പ്പി​ക്കാ​നോ തീ​റ്റി​പ്പോ​റ്റാ​നോ അ​ശേ​ഷം ശേ​ഷി​യി​ല്ലെ​ങ്കി​ലും ഐ​ക്യ​രാ​ഷ്​​ട്ര​സ​ഭ​യും സ​മ്പ​ന്ന രാ​ജ്യ​ങ്ങ​ളും അ​യ​ൽ​നാ​ടു​ക​ളും പ്ര​ശ്​​ന​പ​രി​ഹാ​ര​ത്തി​ന്​ ശ്ര​മി​ക്കു​മെ​ന്ന പ്ര​തീ​ക്ഷ​യി​ലാ​ണ്​ ബം​ഗ്ലാ​ദേ​ശ്​ മാ​നു​ഷി​കദൗ​ത്യം ഏ​റ്റെ​ടു​ത്ത​ത്. മ്യാ​ന്മ​റു​മാ​യു​ള്ള സൗ​ഹൃ​ദം ത​ക​രാ​തി​രി​ക്കാ​ൻ പ​ര​മാ​വ​ധി സൂ​ക്ഷ്​​മ​ത പാ​ലി​ച്ചു​കൊ​ണ്ടുത​ന്നെ റോ​ഹി​ങ്ക്യ​ക​ളു​ടെ തി​രി​ച്ചു​പോ​ക്കി​ന്​ സാ​ഹ​ച​ര്യ​മൊ​രു​ക്കു​ക​യാ​യി​രു​ന്നു ബം​ഗ്ലാ​ദേ​ശി​െ​ൻ​റ അ​ജ​ണ്ട. ആ ​രാ​ജ്യ​ത്തി​െ​ൻ​റ വി​ദേ​ശ​കാ​ര്യ മ​ന്ത്രി ആ​സി​യാ​ൻ ഉ​ച്ച​കോ​ടി​യി​ൽ വ്യ​ക്ത​മാ​ക്കി​യ​തു​പോ​ലെ മ്യാ​ന്മ​റി​ന്​ സ്വീ​കാ​ര്യ​മാ​യ ഉ​പാ​ധി​ക​ളോ​ടെ ഇ​രുരാ​ജ്യ​ങ്ങ​ളും ഒ​പ്പി​ട്ട ക​രാ​ർ റോ​ഹി​ങ്ക്യ​ക​ളു​ടെ ആ​വ​ശ്യ​ങ്ങ​ൾ​ക്കും പ​രാ​തി​ക​ൾ​ക്കും തൃ​പ്​​തി​ക​ര​മാ​യ പ​രി​ഹാ​ര​മ​ല്ലാ​തി​രു​ന്നി​ട്ടു​കൂ​ടി ക​രാ​ർ ന​ട​പ്പാ​ക്കു​ന്ന​തി​ൽ ​ക്രി​യാ​ത്​​മ​ക​മാ​യ ഒ​രു കാ​ൽ​വെ​പ്പും മ്യാ​ന്മ​റി​െ​ൻ​റ ഭാ​ഗ​ത്തുനി​ന്നു​ണ്ടാ​യി​ല്ല.

ത​ന്നെ​യു​മ​ല്ല, രാ​ഖൈ​ൻ പ്ര​വി​ശ്യ​യി​ൽ പ​ട്ടാ​ള​വും ബു​ദ്ധി​സ്​​റ്റു​ക​ളും റോ​ഹി​ങ്ക്യ​ൻവേ​ട്ട ക​ണ്ണി​ൽ ചോ​ര​യി​ല്ലാ​തെ തു​ട​രു​കത​ന്നെ​യാ​ണ്. പ​തി​റ്റാ​ണ്ടു​ക​ൾ നീ​ണ്ട പ​ട്ടാ​ള വാ​ഴ്​​ച ഒ​രു​വി​ധം അ​വ​സാ​നി​ച്ച്​ ഒ​ാ​​ങ്​​സാ​ൻ സൂ​ചി​യു​ടെ നേ​തൃ​ത്വ​ത്തി​ൽ നാ​ഷ​ന​ൽ ലീ​ഗ്​ ഫോ​ർ ഡെ​മോ​ക്ര​സി അ​ധി​കാ​ര​ത്തി​ൽ വ​ന്നി​ട്ടു​പോ​ലും മു​സ്​​ലിം ന്യൂ​ന​പ​ക്ഷ​ത്തോ​ടു​ള്ള സ​മീ​പ​ന​ത്തി​ൽ ഒ​രു മാ​റ്റ​വും സം​ഭ​വി​ച്ചി​ല്ല. ഇ​ന്ത്യ​യി​ൽ ഇ​പ്പോ​ൾ സം​ഭ​വി​ക്കു​ന്ന​പോ​ലെ ന്യൂ​ന​പ​ക്ഷ പ്രീ​ണ​നാ​രോ​പ​ണം ഭൂ​രി​പ​ക്ഷ​ത്തെ പ്ര​കോ​പി​പ്പി​ക്കു​മെ​ന്ന ഭ​യ​മാ​ണ്​ ത​നി​ക്ക്​ ല​ഭി​ച്ച സ​മാ​ധാ​ന​ത്തി​നു​ള്ള പ​ല പു​ര​സ്​​കാ​ര​ങ്ങ​ളും ദാ​താ​ക്ക​ൾ പി​ൻ​വ​ലി​ച്ചി​ട്ടു​പോ​ലും സൂ​ചി​യെ മൗ​നി​യാ​ക്കു​ന്ന​ത്.

2019 സെ​പ്​​റ്റം​ബ​റി​ൽ യു.​എ​ൻ ജ​ന​റ​ൽ അ​സം​ബ്ലി​യും 2019 ന​വം​ബ​റി​ൽ ചേ​രിചേ​രാ ഉ​ച്ച​കോ​ടി​യും ഏ​ക​ക​ണ്​​ഠ​മാ​യി ആ​വ​ശ്യ​പ്പെ​ട്ടി​ട്ടും ബ​ധി​ര​ക​ർ​ണ​ങ്ങ​ളി​ലാ​ണ്​ അ​തൊ​ക്കെ പ​തി​ച്ച​ത്. മ്യാ​ന്മ​ർ വ​ള​രെ ഏ​റെ ആ​ശ്ര​യി​ക്കു​ന്ന ചൈ​ന മാ​ധ്യ​സ്​​ഥ​ത​ക്ക്​ സ​ന്ന​ദ്ധ​മാ​യി മു​ന്നോ​ട്ടു​വ​ന്നി​ട്ടു​ണ്ടെ​ങ്കി​ലും അ​തി​െ​ൻ​റ ഫ​​ല​പ്രാ​പ്​​തി​യെ​പ്പ​റ്റി പ്ര​തീ​ക്ഷ​യി​ല്ല. കാ​ര​ണം, മ​റ്റേ​ത്​ മാ​നു​ഷി​കപ്ര​ശ്​​ന​ങ്ങ​ളേ​ക്കാ​ളും സ്വ​ന്തം താ​ൽ​പ​ര്യ​ങ്ങ​ൾ​ക്കാ​ണ്​ ചൈ​ന​യു​ടെ പ്ര​ഥ​മ പ​രി​ഗ​ണ​ന. സി​ൻജ്യാങ്ങി​ൽ മു​സ്​​ലിം​ക​ൾ​​ക്കു നേ​രെ ചൈ​ന​യു​ടെ സ​മീ​പ​നം മ്യാ​ന്മ​റി​േ​ൻ​റ​തി​ൽ നി​ന്ന്​ ഏ​റെ വ്യ​ത്യ​സ്​​ത​മ​ല്ല എ​ന്ന​തും ഒ​രു കാ​ര​ണ​മാ​ണ്.

ഇ​വ്വി​ധ​ത്തി​ൽ ന​ഷ്​​ട​പ്പെടാ​ൻ ജീ​വ​ന​ല്ലാ​തെ ഒ​ന്നും ബാ​ക്കി​യി​ല്ലാ​ത്ത ഒ​രു ജ​ന​ത, രാ​ജ്യ​ത്തി​െ​ൻ​റ സു​ര​ക്ഷ​ക്കു ത​ന്നെ ഭീ​ഷ​ണി​യാ​വു​ന്ന​തും ക​ള്ള​ക്ക​ട​ത്തും മ​യ​ക്കു​മ​രു​ന്ന്​ ക​ട​ത്തും ഉ​ൾ​പ്പെ​ടെ​യു​ള്ള സാ​മ്പ​ത്തി​ക കു​റ്റ​കൃ​ത്യ​ങ്ങ​ളു​ടെ ഉ​പ​ക​ര​ണ​ങ്ങ​ളാ​യി മാ​റു​ന്ന​തും ഭീ​ക​രപ്ര​സ്​​ഥാ​ന​ങ്ങ​ളു​ടെ റി​ക്രൂ​ട്ട്​​മെ​ൻ​റ്​ കേ​​ന്ദ്ര​ങ്ങ​ളാ​യി പ​രി​ണ​മി​ക്കു​ന്ന​തും സ്വാ​ഭാ​വി​ക പ്ര​ത്യ​ാഘാ​ത​ങ്ങ​ളാ​ണ്.

അ​തി​േ​ല​ക്കാ​ണ്​ ബം​ഗ്ലാ​ദേ​ശ്​ വി​േ​ദ​ശ​കാ​ര്യ മ​ന്ത്രി വി​ര​ൽ​ചൂ​ണ്ടി​യി​രി​ക്കു​ന്ന​ത്. അ​തു​ സം​ഭ​വി​ച്ചു​ക​ഴി​ഞ്ഞാ​ൽ പി​ന്നെ പ​ര​സ്​​പ​രം കു​റ്റ​പ്പെ​ടു​ത്തി​യി​ട്ട്​ പ്ര​യോ​ജ​ന​മൊ​ന്നു​മു​ണ്ടാ​വി​ല്ല. ഇ​ന്ത്യ​യി​ലു​മു​ണ്ട്​ അ​ര​ല​ക്ഷ​േ​ത്താ​ളം റോ​ഹി​ങ്ക്യ​ൻ അ​ഭ​യാ​ർ​ഥി​ക​ൾ. പൗ​ര​ത്വ​മോ പാ​ർ​പ്പി​ട​മോ റേ​ഷ​നോ കു​ട്ടി​ക​ൾ​ക്ക്​ വി​ദ്യാ​ഭ്യാ​സ സൗ​ക​ര്യ​ങ്ങ​ളോ ഒ​ന്നു​മി​ല്ലാ​തെ മ​നു​ഷ്യ​ത്വം തീ​രെ മ​ര​വി​ച്ചു​പോ​യി​ട്ടി​ല്ലാ​ത്ത​വ​രു​ടെ ഔ​ദാ​ര്യ​ത്തി​ൽ ജീ​വി​തം ത​ള്ളി​നീ​ക്കു​ന്ന ഈ ​ഹ​ത​ഭാ​ഗ്യ​രെ രാ​ജ്യ​ത്തു​നി​ന്ന്​ പു​റ​ത്താ​ക്കു​ക​യെ​ന്ന​താ​ണ്​ മോ​ദി സ​ർ​ക്കാ​റി​െ​ൻ​റ പ്ര​ഖ്യാ​പി​ത ന​യം. തി​രി​ച്ച​യ​ക്കേ​ണ്ട​ത്​ മ്യാ​ന്മ​റി​ലേ​ക്കാ​ണ്.

ആ ​അ​യ​ൽ​രാ​ജ്യ​വു​മാ​യു​ള്ള ഇ​ന്ത്യ​യു​ടെ ബ​ന്ധം സൗ​ഹാ​ർ​ദ​പ​ര​വു​മാ​ണ്. ഈ ​സാ​ഹ​ച​ര്യ​ത്തി​ൽ പ്ര​ശ്​​ന​ത്തി​ന്​ മാ​നു​ഷി​ക​മാ​യൊ​രു പ​രി​ഹാ​രം കാ​ണാ​ൻ ബം​ഗ്ലാ​ദേ​ശു​മാ​യി ചേ​ർ​ന്ന്​ ന​യ​ത​ന്ത്ര മാ​ർ​ഗ​ങ്ങ​ളി​ലൂ​ടെ യ​ത്​​നി​ക്കു​ക​യ​ല്ലേ ക​ര​ണീ​യ​മാ​യി​ട്ടു​ള്ള​തെ​ന്ന്​ മോ​ദി-​അ​മി​ത്​ ഷാ ​ടീം ആ​ലോ​ചി​ക്കേ​ണ്ട സ​മ​യം വൈ​കി.

Show Full Article
TAGS:Rohingyan madhyamam editorial 
Next Story