Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightEditorialchevron_rightദേ​ശീ​യ...

ദേ​ശീ​യ രാ​ഷ്​ട്രീയത്തി​ലെ   നി​റ​പ്പ​ക​ർ​ച്ച​ക്ക​പ്പു​റം

text_fields
bookmark_border
editorial
cancel

പൊ​തു​തെ​ര​ഞ്ഞെ​ടു​പ്പി​ന് ഒ​രു വ​ർ​ഷം മാ​ത്രം ബാ​ക്കി​നി​ൽ​ക്കെ, ദേ​ശീ​യ​ത​ല​ത്തി​ൽ ഉ​രു​ത്തി​രി​ഞ്ഞു​വ​രു​ന്ന പു​തി​യ രാ​ഷ്​ട്രീയ സം​ഭ​വ​വി​കാ​സ​ങ്ങ​ളും വി​വി​ധ സം​സ്​​ഥാ​ന​ങ്ങ​ളി​ലെ പ്ര​വ​ണ​ത​ക​ളും ദേ​ശീ​യ​രാ​ഷ്​ട്രീയ ഭൂ​പ​ടം മാ​റ്റ​ത്തി​രു​ത്ത​ലു​ക​ൾ​ക്ക്  ​വിധേ​യ​മാ​യി​ക്കൊ​ണ്ടി​രി​ക്ക​യാ​ണെ​ന്ന സൂ​ച​ന​യാ​ണ് ന​ൽ​കു​ന്ന​ത്. ത്രി​പു​ര, മേ​ഘാ​ല​യ, നാ​ഗാ​ലാ​ൻ​ഡ് സം​സ്​​ഥാ​ന​ങ്ങ​ളി​ലെ നി​യ​മ​സ​ഭ​ക​ളി​ലേ​ക്ക് ന​ട​ന്ന തെ​ര​ഞ്ഞെ​ടു​പ്പ് ഫ​ലം നാ​ളെ പു​റ​ത്തു​വ​രാനിരിക്കെ, വ​ട​ക്കു​കി​ഴ​ക്ക​ൻ മേ​ഖ​ല സ്വാ​ത​ന്ത്ര്യ​ല​ബ്​ധ​ി​ക്കു ശേ​ഷം ഇ​തു​വ​രെ നി​ല​നി​ർ​ത്തി​യ രാ​ഷ്​ട്രീയ ചാ​യ്​വു​ക​ളി​ൽ​നി​ന്ന് മാ​റി, കാ​വി​വ​ത്ക​ര​ണ​ത്തി​ലേ​ക്ക് തി​രി​യു​ക​യാ​ണെ​ന്ന സൂ​ച​ന​ക​ളാ​ണ് എ​ക്സി​റ്റ് പോ​ൾ ഫ​ല​ങ്ങ​ൾ കൈ​മാ​റു​ന്ന​ത്. സി.​പി.​എ​മ്മിെ​ൻ​റ അം​ഗു​ലീ​പ​രി​മി​ത​മാ​യ സ്വാ​ധീ​ന കേ​ന്ദ്ര​ങ്ങ​ളി​ലൊ​ന്നാ​യ ത്രി​പു​ര ആ ​പാ​ർ​ട്ടി​ക്ക് ന​ഷ്​​ട​പ്പെ​ടു​ക​യാ​ണെ​ങ്കി​ൽ കേ​ര​ള​ത്തി​ൽ മാ​ത്ര​മൊ​തു​ങ്ങു​ന്ന പ്ര​തി​ഭാ​സ​മാ​യി പ​രി​ണ​മി​ക്കു​ന്ന​ത്, ഒ​രു​വേ​ള ലോ​ക്സ​ഭ​യി​ലെ പ്ര​തി​പ​ക്ഷ​ പാ​ർ​ട്ടി​യാ​യി പോ​ലും ശോ​ഭി​ച്ച ഒ​രു വി​പ്ല​വ​പ്ര​സ്​​ഥാ​ന​ത്തിെ​ൻ​റ പ​ക​ല​റു​തി​യു​ടെ തു​ട​ക്ക​മാ​യി പോ​ലും വി​ല​യി​രു​ത്ത​പ്പെ​ട്ടേ​ക്കാം. മ​ണി​ക് സ​ർ​ക്കാ​റി​നെ പോ​ലു​ള്ള സൗ​മ്യ, സം​ശു​ദ്ധ വ്യ​ക്തി​ത്വ​ത്തി​ന് പോ​ലും ‘മോ​ദി​ത​രം​ഗ’​ത്തി​ൽ പി​ടി​ച്ചു​നി​ൽ​ക്കാ​ൻ സാ​ധി​ക്കു​ന്നി​ല്ലെ​ങ്കി​ൽ അ​ത് ന​ൽ​കു​ന്ന മു​ന്ന​റി​യി​പ്പ് ഗൗ​ര​വമാ​ർ​ന്ന​താ​ണ്. മൂ​ല്യ​ങ്ങ​ൾ​ക്കോ ത​ത്ത്വാ​ധി​ഷ്ഠി​ത നി​ല​പാ​ടു​ക​ൾ​ക്കോ ‘പു​തി​യ ഇ​ന്ത്യ​യി​ൽ’ പ്ര​സ​ക്തി​യി​ല്ലെ​ന്നും കോ​ർ​പറേ​റ്റ് താ​ൽ​പ​ര്യ​ങ്ങ​ളും വ​ർ​ഗീ​യ–​വി​ഭാ​ഗീ​യ അ​ജ​ണ്ട​ക​ളു​മാ​ണ് രാ​ജ്യ​ത്തിെ​ൻ​റ സ​ഞ്ചാ​ര​ഗ​തി നി​ർ​ണ​യി​ക്കു​ന്ന​തെ​ന്നും സ​മ​ർ​ഥി​ക്ക​പ്പെ​ടു​മ്പോ​ൾ പ​രാ​ജ​യ​പ്പെ​ടു​ന്ന​ത് രാ​ഷ്​ട്ര​ശി​ൽ​പി​ക​ൾ വി​ഭാ​വ​ന ചെ​യ്ത, ഒ​രു​വേ​ള പാ​വ​ന​മാ​യി ക​രു​ത​പ്പെ​ട്ട രാ​ഷ്​ട്രീയ​സ​ങ്ക​ൽ​പ​ങ്ങ​ളും മൂ​ല്യ​വി​ചാ​ര​ങ്ങ​ളു​മാ​യി​രി​ക്കും. സ്വാ​ത​ന്ത്ര്യ​ല​ബ്​ധ​ി തൊ​ട്ട് ഇ​ന്ത്യ​ൻ നാ​ഷ​ന​ൽ കോ​ൺ​ഗ്ര​സിെ​ൻ​റ സ്വാ​ധീ​ന​മേ​ഖ​ല​യാ​യി അ​റി​യ​പ്പെ​ട്ട വ​ട​ക്കു​കി​ഴ​ക്ക​ൻ അ​തി​ർ​ത്തി സം​സ്​​ഥാ​ന​ങ്ങ​ൾ ബി.​ജെ.​പി​യെ പോ​ലു​ള്ള വി​ഭാ​ഗീ​യ ചി​ന്താ​ഗ​തി വെ​ച്ചു​പു​ല​ർ​ത്തു​ന്ന ഒ​രു ക​ക്ഷി​യു​ടെ കൈ​യി​ൽ​പെ​ട്ടാ​ൽ ഉ​ട​ലെ​ടു​ക്കാ​ൻ പോ​കു​ന്ന സാ​മൂ​ഹി​ക, സാം​സ്​​കാ​രി​ക പ്ര​ശ്ന​ങ്ങ​ൾ നി​സ്സാ​ര​മാ​യി​രി​ക്കി​ല്ല. ദേ​ശീ​യ ബോ​ധ​ത്തെ​ക്കാ​ൾ വം​ശീ​യ​വും ഗോ​ത്ര​പ​ര​വു​മാ​യ താ​ൽ​പ​ര്യ​ങ്ങ​ൾ ഉ​യ​ർ​ത്തി​പ്പി​ടി​ക്കാ​ൻ എ​ന്നും ആ​വേ​ശം കാ​ട്ടാ​റു​ള്ള ഒ​രു സ​മൂ​ഹ​ത്തെ വി​പ​ത്​ചി​ന്താ​ഗ​തി​ക​ളി​ലേ​ക്ക് ആ​ട്ടി​ത്തെ​ളി​ക്കു​ന്ന​ത് പൊ​തു​വെ പ്ര​ക്ഷു​ബ്​ധ​​മാ​യി തു​ട​രു​ന്ന ഒ​രു​ മേ​ഖ​ല​യെ പൊ​ട്ടി​ത്തെ​റി​യി​ലേ​ക്ക് ന​യി​ക്കാ​നാ​ണ് സാ​ധ്യ​ത. ത​ന്നെ​യു​മ​ല്ല, ത്രി​പു​ര​യി​ലും മ​റ്റും ഉ​രു​ത്തി​രി​ഞ്ഞു​വ​രു​ന്ന പു​തി​യ രാ​ഷ്​ട്രീയ സാ​ഹ​ച​ര്യം തൊ​ട്ടു​രു​മ്മിക്കി​ട​ക്കു​ന്ന പ​ശ്ചി​മ​ ബം​ഗാ​ളി​ലും അ​നു​ര​ണ​ന​ങ്ങ​ൾ സൃ​ഷ്​​ടി​ച്ചേ​ക്കാം. സി.​പി.​എ​മ്മിെ​ൻ​റ തി​രോ​ധാ​ന​ത്തോ​ടെ, ബം​ഗാ​ളി​ൽ രാ​ഷ്​ട്രീയ​വും അ​ധി​കാ​ര​വും കൈ​പ്പി​ടി​യി​ലൊ​തു​ക്കി​യ മ​മ​ത ബാ​ന​ർ​ജി ഹി​ന്ദു​ത്വ ശ​ക്തി​ക​ളു​ടെ മു​ന്നി​ൽ ക​ടു​ത്ത പ്ര​തി​രോ​ധം തീ​ർ​ക്കു​ന്ന​തി​ൽ ഇ​തു​വ​രെ വി​ജ​യി​ച്ചി​ട്ടു​ണ്ടെ​ങ്കി​ലും ത്രി​പു​ര കൂ​ടി ഇ​ട​തു​പ​ക്ഷ​ത്തി​ന് ന​ഷ്​​ട​പ്പെ​ടു​ന്ന പ​ക്ഷം വെ​ല്ലു​വി​ളി ക​ന​ത്ത​താ​കു​മെ​ന്ന് എ​ല്ലാ​വ​രെ​ക്കാ​ളും അ​വ​ർ മ​ന​സ്സി​ലാ​ക്കി​യി​ട്ടു​ണ്ടാ​വ​ണം.

ക​ഴി​ഞ്ഞ മാ​സം രാ​ജ​സ്​​ഥാ​നി​ലെ ഉ​പ​തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സു​ണ്ടാ​ക്കി​യ നേ​ട്ടം മ​ധ്യ​പ്ര​ദേ​ശി​ലും ഇ​പ്പോ​ൾ ആ​വ​ർ​ത്തി​ച്ച​ത് ഹി​ന്ദി​ബെ​ൽ​റ്റി​ലെ പു​തി​യ രാ​ഷ്​ട്രീയ പ്ര​വ​ണ​ത​ക​ളി​ലേ​ക്കാ​ണ് വി​ര​ൽചൂ​ണ്ടു​ന്ന​ത്. മ​ധ്യ​പ്ര​ദേ​ശി​ലെ ര​ണ്ടു മ​ണ്ഡ​ല​ങ്ങ​ൾ കോ​ൺ​ഗ്ര​സ്​ നി​ല​നി​ർ​ത്തി​യ​പ്പോ​ൾ ഒ​ഡി​ഷ​യി​ൽ ബി.​ജെ.​ഡി​ക്കാ​ണ് വി​ജ​യം. ബി.​ജെ.​പി ഭ​രി​ക്കു​ന്ന സം​സ്​​ഥാ​ന​ങ്ങ​ളി​ൽ നി​ല​നി​ൽ​ക്കു​ന്ന ക​ടു​ത്ത ഭ​ര​ണ​വി​രു​ദ്ധ വി​കാ​രം ഫ​ല​പ്ര​ദ​മാ​യി പ്ര​യോ​ജ​ന​പ്പെ​ടു​ത്താ​ൻ കോ​ൺ​ഗ്ര​സും മ​റ്റു പ്ര​തി​പ​ക്ഷ​ക​ക്ഷി​ക​ളും ശ്ര​മി​ക്കു​ക​യാ​ണെ​ങ്കി​ൽ ഹി​ന്ദു​ത്വ​മു​ന്നേ​റ്റ​ത്തി​ന് ത​ട​യി​ടാ​ൻ സാ​ധി​ക്കു​മെ​ന്നുത​ന്നെ​യാ​ണ് സ​മീ​പ​കാ​ല​ത്തെ തെ​ര​ഞ്ഞെ​ടു​പ്പ് ഫ​ല​ങ്ങ​ൾ തെ​ളി​യി​ക്കു​ന്ന​ത്. ഗു​ജ​റാ​ത്ത് അ​സം​ബ്ലി തെ​ര​ഞ്ഞെ​ടു​പ്പ് ഫ​ലം ന​ൽ​കി​യ ആ​ത്മ​വി​ശ്വാ​സം മു​ത​ൽ​ക്കൂ​ട്ടാ​ക്കി രാ​ഹു​ൽ ഗാ​ന്ധി​യു​ടെ കോ​ൺ​ഗ്ര​സും എ​ൻ.​ഡി.​എ​ക്ക് പു​റ​ത്തു​ള്ള ക​ക്ഷി​ക​ളും മ​തേ​ത​ര വോ​ട്ടിെ​ൻ​റ ഏ​കീ​ക​ര​ണ​ത്തി​ന്​ എ​ന്തു ത​ന്ത്ര​മാ​ണ് പ​യ​റ്റു​ന്ന​ത് എ​ന്നാ​ണ് ജ​നം സാ​കൂ​തം നി​രീ​ക്ഷി​ക്കു​ന്ന​ത്. തെ​ര​ഞ്ഞെ​ടു​പ്പിെ​ൻ​റ പാ​ദ​പ​ത​ന​ങ്ങ​ൾ കേ​ട്ടു​തു​ട​ങ്ങി​യി​ട്ടും ഈ ​ദി​ശ​യി​ൽ മൂ​ർ​ത്ത​മാ​യ ഒ​രു ചു​വ​ടു​വെ​പ്പും ഉ​ണ്ടാ​യി​ട്ടി​ല്ല എ​ന്നുത​ന്നെ​യാ​ണ് വി​ല​യി​രു​ത്തേ​ണ്ട​ത്. മു​മ്പ് ബിഹാ​റി​ൽ വി​ജ​യ​പ്ര​ദ​മാ​യി പ​രീ​ക്ഷി​ച്ച വി​ശാ​ല മ​തേ​ത​ര സ​ഖ്യ​ത്തെക്കു​റി​ച്ചു​ള്ള ച​ർ​ച്ച ഉ​ത്ത​ർപ്ര​ദേ​ശ് പോ​ലു​ള്ള സം​സ്​​ഥാ​ന​ങ്ങ​ളി​ൽ​നി​ന്ന് കേ​ൾ​ക്കാ​ൻ കൊ​തി​ക്കു​ന്ന​വ​രു​ണ്ടെ​ങ്കി​ലും അ​തി​നു​ള്ള സാ​ഹ​ച​ര്യം ഒ​രു​ങ്ങി​വ​രു​ന്നി​ല്ല എ​ന്ന​താ​ണ് സ​ങ്ക​ട​ക​രം. 

മൂ​ന്നു വ​ട​ക്കു​കി​ഴ​ക്ക​ൻ സം​സ്​​ഥാ​ന​ങ്ങ​ളി​ൽ ബി.​ജെ.​പി​യോ സ​ഖ്യ​ക​ക്ഷി​ക​ളോ ഭ​ര​ണ​ത്തി​ലേ​റു​ക​യാ​ണെ​ങ്കി​ൽ ദേ​ശീ​യ രാ​ഷ്​ട്രീയ ഭൂ​പ​ടം നി​റ​പ്പ​ക​ർ​ച്ച​യി​ലൂ​ടെ ഭീ​ക​ര​രൂ​പം പ്രാ​പി​ക്കു​മെ​ന്നു​റ​പ്പാ​ണ്. 22 സം​സ്​​ഥാ​ന​ങ്ങ​ൾ ഹി​ന്ദു​ത്വ​യു​ടെ കാ​ലി​നു കീ​ഴി​ൽ വ​രു​ക എ​ന്ന​ത് മ​റ്റു രാ​ഷ്​ട്രീയ​ പാ​ർ​ട്ടി​ക​ളു​ടെ നി​ല​നി​ൽ​പുത​ന്നെ​യാ​വും ചോ​ദ്യംചെ​യ്യു​ക. അ​ധി​കാ​രം പി​ടി​ച്ചെ​ടു​ത്ത​തിെ​ൻ​റ വീ​ര​ക​ഥ പ​റ​യു​ന്ന​ത​ല്ലാ​തെ, ഏ​ത് മാ​ർ​ഗേ​ണ​യാ​ണ് അ​ത് സാ​ധ്യ​മാ​ക്കി​യ​തെ​ന്ന് ഒ​രി​ക്ക​ലും പ​രി​ശോ​ധി​ക്ക​പ്പെ​ടാ​റി​ല്ല. 

ബിഹാ​റി​ൽ മു​ൻ മു​ഖ്യ​മ​ന്ത്രി ജി​ത​ൻ​ റാം ​മാ​ഞ്ചി​യു​ടെ നേ​തൃ​ത്വ​ത്തി​ലു​ള്ള ഹി​ന്ദു​സ്​​ഥാ​നി അ​വാം മോ​ർ​ച്ച ബി.​ജെ.​പി സ​ഖ്യം വി​ട്ട​ത് രാ​ഷ്​ട്രീയ​പ​ര​മാ​യി വ​ലി​യ സം​ഭ​വ​മൊ​ന്നു​മ​ല്ലെ​ങ്കി​ലും അ​തി​നു പ്ര​തീ​കാ​ത്​മക പ്രാ​ധാ​ന്യ​മു​ണ്ട്. നി​തീ​ഷ് കു​മാ​ർ എ​ൻ.​ഡി.​എ പ​ക്ഷ​ത്ത് നി​ല​യു​റ​പ്പി​ച്ച​തോ​ടെ അ​വാം മോ​ർ​ച്ച​ക്ക് അ​വി​ടെ പ്ര​സ​ക്തി​യൊ​ന്നു​മി​ല്ല എ​ന്ന ല​ളി​ത സ​ത്യ​മാ​വാം മാ​ഞ്ചി​യെ മാ​റി​ച്ചി​ന്തി​ക്കാ​ൻ േപ്ര​രി​പ്പി​ച്ച​തും ആ​ർ.​ജെ.​ഡി–​കോ​ൺ​ഗ്ര​സ്​ വി​ശാ​ല​സ​ഖ്യ​ത്തി​ലേ​ക്ക് ആ​ക​ർ​ഷി​ക്ക​പ്പെ​ട്ട​തും. 2015ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ അ​വാം മോ​ർ​ച്ച​ക്ക് 2.5 ശ​ത​മാ​നം വോ​ട്ടേ നേ​ടാ​നായി​ട്ടു​ള്ളൂവെ​ങ്കി​ലും മാ​ഞ്ചി​യു​ടെ സാ​ന്നി​ധ്യം  ജാ​തി സ​മ​വാ​ക്യ​ങ്ങ​ൾ തെ​റ്റി​ക്കാ​നും കൂ​ടു​ത​ൽ എ​ൻ.​ഡി.​എ വി​രു​ദ്ധ വോ​ട്ട് സ്വ​രൂപി​ക്കാ​നും വ​ഴി​തു​റ​ക്കു​മെ​ന്നാ​ണ് നി​രീ​ക്ഷ​ക​ർ ക​ണ​ക്കു​കൂ​ട്ടു​ന്ന​ത്. ഒ​രു​വ​ർ​ഷ​ത്തി​നി​ട​യി​ൽ പൂ​ർ​ത്തീ​ക​രി​ക്ക​പ്പെ​ടു​ന്ന ഇ​മ്മ​ട്ടി​ലു​ള്ള സം​ഭ​വ​വി​കാ​സ​ങ്ങ​ളാ​യി​രി​ക്കും 2019ലെ ​പൊ​തു​തെ​ര​ഞ്ഞെ​ടു​പ്പിെ​ൻ​റ ഗ​തി നി​യ​ന്ത്രി​ക്കാ​ൻ പോ​കു​ന്ന​ത്. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:madhyamam editorialarticlemalayalam news
News Summary - Color Change in National Politics - Article
Next Story