ഒ​രു മ​സ്ജി​ദ് ത​ർ​ക്ക ​മ​ന്ദി​ര​മാ​കും ​വി​ധം

ഇ​ന്ത്യ​യി​ൽ ച​രി​ത്ര​ പ്ര​ധാ​ന​മാ​യൊ​രു മ​സ്ജി​ദ്​ കൂ​ടി ‘ത​ർ​ക്കമ​ന്ദി​രം’​ ആയി മാറുകയാണ്​. അ​ഞ്ഞൂ​റാ​മാ​ണ്ടി​ലേ​ക്ക് പ്ര​വേ​ശി​ക്കു​ന്ന, യു.​പി​യി​ലെ സം​ഭ​ൽ ഷാ​ഹി ജ​മാ മ​സ്ജി​ദി​നെ​യാ​ണ് ബാ​ബ​രി പ​ള്ളി​ക്കും ഗ്യാ​ൻ​വ്യാ​പി​ക്കും ​ശേ​ഷം ത​ർ​ക്ക മ​ന്ദി​ര​മാ​യി പ്ര​ഖ്യാ​പി​ച്ചി​രി​ക്കു​ന്ന​ത്. 1526ൽ, ​ആ​ദ്യ മു​ഗ​ൾ ച​ക്ര​വ​ർ​ത്തി ബാ​ബ​ർ നി​ർ​മി​ച്ച​താ​ണ് ഷാ​ഹി ജമാ മ​സ്ജി​ദ്. അ​ഞ്ച് വ​ർ​ഷം മു​മ്പു​വ​രെ​ ആ ​ച​രി​ത്രവ​സ്തു​ത​യി​ൽ ആ​രും സം​ശ​യം പ്ര​ക​ടി​പ്പി​ച്ചി​രു​ന്നി​ല്ല. എ​ന്നാ​ൽ, ബാ​ബ​രി ഭൂ​മി​യി​ൽ രാ​മ​ക്ഷേ​ത്രം പ​ണി​യാ​ൻ അ​നു​വ​ദി​ച്ച് 2019ൽ ​സു​പ്രീം​കോ​ട​തി വി​ധി പു​റ​പ്പെ​ടു​വി​ച്ച​തോ​ടെ, കേ​ന്ദ്ര​ത്തി​ലെ ഹി​ന്ദു​ത്വ ഭ​ര​ണ​കൂ​ട​ത്തി​ന്‍റെ ത​ണ​ലി​ൽ ചി​ല വ്യ​ക്തി​ക​ളും പ്ര​സ്ഥാ​ന​ങ്ങ​ളും ന്യൂ​ന​പ​ക്ഷ​ങ്ങ​ളു​ടെ ആ​രാ​ധ​നാ​ല​യ​ങ്ങ​ൾ​ക്കും ഭൂ​മി​ക്കും ​മേ​ൽ അ​വ​കാ​ശ​വാ​ദ​വു​മാ​യി രം​ഗ​ത്തു​ വ​രി​ക​യാ​യി​രു​ന്നു. അ​ങ്ങ​നെ​യാ​ണ് ര​ണ്ട് പ​തി​റ്റാ​ണ്ടു​ക​ൾ​ക്കു​ശേ​ഷം യു.​പി​യി​ലെ ഗ്യാ​ൻ​വ്യാ​പി മ​സ്ജി​ദ് ത​ർ​ക്കമ​ന്ദി​ര​മാ​യ​ത്. അ​തി​ന്‍റെ തു​ട​ർ​ച്ച​യി​ലാ​ണ് സം​ഭ​ലി​ലും ഹി​ന്ദു​ത്വ​വാ​ദി​ക​ൾ അ​വ​കാ​ശ​വാ​ദം ഉ​ന്ന​യി​ച്ച് കോ​ട​തി​യെ സ​മീ​പി​ച്ച​ത്.

ഹ​​​രി​​​ഹ​​​ർ മ​​​ന്ദി​​​ർ എ​​​ന്ന ക്ഷേ​​​ത്രം ത​​​ക​​​ർ​​​ത്താ​​​ണ് ബാ​ബ​ർ സം​​​ഭ​ലി​ൽ ഷാ​​​ഹി ജ​​​മാ മ​​​സ്ജി​​​ദ് നി​​​ർ​​​മി​​​ച്ച​​​തെ​​​ന്ന് അ​​​വ​​​കാ​​​ശ​​​പ്പെ​​​ട്ട് അ​​​ഡ്വ. ഹ​​​രി​​​ശ​​​ങ്ക​​​ർ ജ​​​യി​​​ൻ എ​ന്ന അ​ഭി​ഭാ​ഷ​ക​ൻ മു​ഖേ​ന വി​ഷ്ണു ശ​ങ്ക​ർ എ​ന്ന​യാ​ൾ പ്രാ​ദേ​ശി​ക കോ​​​ട​​​തി​​​യെ സ​​​മീ​​​പി​​​ച്ച​​​തോ​​​ടെ​​​യാ​​​ണ് പു​തി​യൊ​രു വ്യ​വ​ഹാ​ര​ത്തി​ന് തു​ട​ക്ക​മാ​കു​ന്ന​ത്. തു​​​ട​​​ർ​​​ന്ന്, കോ​​​ട​​​തി നി​​​ർ​​​ദേ​​​ശ​​​പ്ര​​​കാ​​​രം ആ​​​ർ​​​ക്കി​​​യോ​​​ള​​​ജി​​​ക്ക​​​ൽ സ​​​ർ​​​വേ ഓ​ഫ് ഇ​ന്ത്യ (എ.​എ​സ്.​ഐ) ഉ​​​ദ്യോ​​​ഗ​​​സ്ഥ​​​ർ മ​​​സ്ജി​​​ദി​​​ൽ പൊ​​​ലീ​​​സ് സ​​​ന്നാ​​​ഹ​​​ത്തോ​​​ടെ സ​​​ർ​​​വേ​​​ക്കെ​​​ത്തി​യ​തോ​ടെ സ്ഥി​തി സം​ഘ​ർ​ഷഭ​രി​ത​മാ​യി; ​​പ്ര​​​തി​​​ഷേ​​​ധി​​​ച്ച​​​വ​​​ർ​​​ക്കു നേ​​​രെ​​​യു​​​ണ്ടാ​​​യ വെ​​​ടി​​​വെ​​​പ്പി​​​ൽ അ​​​ഞ്ചു​​​പേ​​​ർ കൊ​​​ല്ല​​​പ്പെ​​​ടു​​​ക​​​യും ചെ​​​യ്തു. വി​ഷ​യ​ത്തി​ൽ സു​പ്രീം​കോ​ട​തി ഇ​ട​പെ​ട്ട്, ത​ൽ​ക്കാ​ല​ത്തേ​ക്ക് പ്രാ​ദേ​ശി​ക കോ​ട​തി​യു​ടെ ന​ട​പ​ടി​ക​ൾ നി​ർ​ത്തി​വെ​പ്പി​ച്ച​തോ​ടെ​യാ​ണ് പ്ര​ശ്ന​ങ്ങ​ൾ​ക്ക് അ​ൽ​പ​മെ​ങ്കി​ലും ശ​മ​ന​മാ​യ​ത്.

ഇ​പ്പോ​ഴി​താ, അ​ല​ഹബാ​ദ് ഹൈ​കോ​ട​തി ഷാ​ഹി മ​സ്ജി​ദി​നെ ‘ത​ർ​ക്ക മ​ന്ദി​ര’​മെ​ന്ന് വി​ശേ​ഷി​പ്പി​ച്ചി​രി​ക്കു​ന്നു. മ​സ്ജി​ദ് ശു​ചീ​ക​ര​ണ​വു​മാ​യി ബ​ന്ധ​പ്പെ​ട്ടൊ​രു നി​യ​മ​ന​ട​പ​ടി​യി​ലാ​ണ് നീ​തി​പീ​ഠ​ത്തി​ന്റെ വി​ചി​ത്ര തീ​രു​മാ​നം. പ​ള്ളി ശു​ചീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് മ​സ്ജി​ദ് ക​മ്മി​റ്റി​യാ​ണ് ഹൈ​കോ​ട​തി​യെ സ​മീ​പി​ച്ച​ത്. ആ​വ​ശ്യം പ​രി​ഗ​ണി​ച്ച കോ​ട​തി, ഫെ​ബ്രു​വ​രി 28ന് ​അ​തി​ന്റെ ചു​മ​ത​ല ആ​ർ​ക്കി​യോ​ള​ജി​ക്ക​ൽ സ​ർ​വേ ഓ​ഫ് ഇ​ന്ത്യ​യെ ഏ​ൽ​പി​ച്ചു. ഈ ​വി​ഷ​യ​ത്തി​ൽ മ​സ്ജി​ദ് ക​മ്മി​റ്റി​യു​ടെ ആ​വ​ശ്യം പ​രി​ഗ​ണി​ക്ക​രു​ത് എ​ന്ന വാ​ദ​വു​മാ​യി അ​​​ഡ്വ. ഹ​​​രി​​​ശ​​​ങ്ക​​​ർ ജ​​​യി​​നും സം​ഘ​വും കോ​ട​തി​യി​ൽ എ​ത്തി. ഷാ​ഹി മ​സ്ജി​ദി​നെ ‘മ​സ്ജി​ദ്’ എ​ന്ന് രേ​ഖ​പ്പെ​ടു​ത്ത​രു​ത് എ​ന്നാ​യി​രു​ന്നു എ​തി​ർ​പ​ക്ഷ​ത്തി​ന്റെ പ്ര​ധാ​ന വാ​ദ​ങ്ങ​ളി​ലൊ​ന്ന്. പ​ക​രം, കേ​സ് രേ​ഖ​ക​ളി​ലെ​ല്ലാം ‘ത​ർ​ക്ക മ​ന്ദി​രം’ എ​ന്നെ​ഴു​ത​ണം.

കേ​സ് പ​രി​ഗ​ണി​ച്ച ജ​ഡ്ജി ഈ ​ആ​വ​ശ്യം പ​രി​ഗ​ണി​ക്കു​ക മാ​ത്ര​മ​ല്ല, ഇ​നി​മു​ത​ൽ കേ​സ് രേ​ഖ​ക​ളി​ലും മ​റ്റും മ​സ്ജി​ദ് എ​ന്ന​തി​ന് പ​ക​ര​മാ​യി ത​ർ​ക്ക മ​ന്ദി​ര​മെ​ന്ന് രേ​ഖ​പ്പെ​ടു​ത്താ​ൻ നി​ർ​ദേ​ശി​ക്കു​ക​യും ചെ​യ്തു. പ​തി​റ്റാ​ണ്ടു​ക​ൾ​ക്ക് മു​മ്പ്, ബാ​ബ​രി മ​സ്ജി​ദ് കേ​സി​ൽ സം​ഭ​വി​ച്ച​തി​ന്റെ ത​നി​യാ​വ​ർ​ത്ത​ന​മെ​ന്ന് ഈ ​ന​ട​പ​ടി​യെ നി​രീ​ക്ഷി​ക്കാം. ഇ​നിമു​ത​ൽ, നി​യ​മവ്യ​വ​ഹാ​ര​ങ്ങ​ളി​ലും ഔ​ദ്യോ​ഗിക രേ​ഖ​ക​ളി​ലു​മെ​ല്ലാം ഷാ​ഹി മ​സ്ജി​ദ് എ​ന്ന പ്ര​യോ​ഗം പോ​ലു​മു​ണ്ടാ​കി​ല്ല; പ​ക​രം അ​ത് രാ​ജ്യ​ത്തെ ര​ണ്ട് മ​ത​വി​ഭാ​ഗ​ങ്ങ​ൾ ഒ​രു​പോ​ലെ അ​വ​കാ​ശ​വാ​ദ​മു​ന്ന​യി​ക്കു​ന്നൊ​രു വ്യ​വ​ഹാ​ര​ഭൂ​മി​യും കെ​ട്ടി​ട​വും മാ​ത്ര​മാ​യി​രി​ക്കും. ഭാ​വി​യി​ൽ ന​മ്മു​ടെ ച​രി​ത്ര​വും ച​രി​ത്ര​കാ​ര​ന്മാ​രും അ​തു​ത​ന്നെ രേ​ഖ​പ്പെ​ടു​ത്തു​ന്ന​തോ​ടെ മു​ഗ​ൾ കാ​ല​ഘ​ട്ട​ത്തി​ന്റെ വ​ലിയൊ​രു സ്മാ​ര​കം ത​ന്നെ​യും പി​ഴു​തു​മാ​റ്റ​പ്പെ​ടും.

അ​ല​ഹബാ​ദ് ഹൈ​കോ​ട​തി​​യു​ടെ ഈ ​ന​ട​പ​ടി​യി​ലൂ​ടെ ഷാ​ഹി മ​സ്ജി​ദി​ന്റെയും ഭാ​വി എ​ന്താ​യി​രി​ക്കു​മെ​ന്ന​തി​ന്‍റെ സൂ​ച​ന​ക​ൾ കൃ​ത്യ​മാ​യി ത​ന്നെ​യു​ണ്ട്. ആ​രാ​ധ​നാ​ല​യ നി​യ​മ​ത്തി​ന്റെ സാ​ധു​ത സം​ബ​ന്ധി​ച്ച്, ക​ഴി​ഞ്ഞ ഡി​സം​ബ​റി​ൽ സു​പ്രീം​കോ​ട​തി പു​റ​പ്പെ​ടു​വി​ച്ച നി​ർ​ണാ​യ​ക​മാ​യ ഉ​ത്ത​ര​വി​നെതു​ട​ർ​ന്ന് ഷാ​ഹി മ​സ്ജി​ദ് അ​ട​ക്ക​മു​ള്ള വി​ഷ​യ​ങ്ങ​ൾ ഒ​ര​ൽ​പം കെ​ട്ട​ട​ങ്ങി​യി​രി​ക്കു​ക​യാ​യി​രു​ന്നു. ഗ്യാ​​ൻ​​വാ​​പി മ​​സ്ജി​​ദ്, മ​​ഥു​​ര​​യി​​ലെ ശാ​​ഹി ഈ​​ദ് ഗാ​​ഹ്, സം​​ഭ​​ൽ ശാ​​ഹി ജ​​മാ മ​​സ്ജി​​ദ്, രാ​​ജ​​സ്ഥാ​​നി​​ലെ അ​​ജ്മീ​​ർ ദ​​ർ​​ഗ തു​​ട​​ങ്ങി​​യ ആ​​രാ​​ധ​​നാ​​ല​​യ​​ങ്ങ​​ളു​​ടെ മേ​​ൽ അ​​വ​​കാ​​ശ​​വാ​​ദ​​മു​​ന്ന​​യി​​ച്ച് ബി.​​ജെ.​​പി നേ​​താ​​ക്ക​​ളും മ​​റ്റു ഹി​​ന്ദു​​ത്വ​​വാ​​ദി​​ക​​ളും രാ​ജ്യ​ത്തി​ന്‍റെ വി​വി​ധ കോ​ട​തി​ക​ളി​ലാ​യി നി​ര​വ​ധി ഹ​ര​ജി​ക​ൾ സ​മ​ർ​പ്പി​ച്ചി​ട്ടു​ണ്ട്.

ആ​രാ​ധ​നാ​ല​യ നി​യ​മ​ത്തി​ന്‍റെ സാ​ധു​ത പ​രി​ശോ​ധി​ച്ച് തീ​ർ​പ്പ് ക​ൽ​പി​ക്കും​വ​രെ കേ​സു​ക​ളി​ൽ തു​ട​ർ​ന​ട​പ​ടി​ക​ളു​ണ്ടാ​വ​രു​തെ​ന്നാ​യി​രു​ന്നു സു​പ്രീം​കോ​ട​തി വി​ധി​ച്ച​ത്. ഇ​തോ​ടെ, ത​ൽ​ക്കാ​ല​ത്തേ​ക്കെ​ങ്കി​ലും വ്യ​വ​ഹാ​ര​ങ്ങ​ൾ നി​ർ​ത്തി​വെ​ക്കാ​ൻ ഹി​ന്ദു​ത്വ​വാ​ദി​ക​ൾ സ​ന്ന​ദ്ധ​രാ​കേ​ണ്ടി​വ​ന്നു. അ​യോ​ധ്യ പ്ര​ക്ഷോ​ഭ​കാ​ല​ത്ത് പ്ര​ഖ്യാ​പി​ച്ച ഏ​താ​നും ആ​രാ​ധ​നാ​ല​യ​ങ്ങ​ളു​ടെ മേ​ൽ അ​വ​കാ​ശവാ​ദം ഉ​ന്ന​യി​ക്കു​ക മാ​ത്ര​മ​ല്ല കേ​ന്ദ്ര ഭ​ര​ണ​ത്തി​ന്‍റെ ത​ണ​ലി​ൽ ഹി​ന്ദു​ത്വ​വാ​ദി​ക​ൾ ചെ​യ്തു​പോ​ന്ന​ത്; മ​റി​ച്ച്, രാ​ജ്യ​ത്ത് ന്യൂ​ന​പ​ക്ഷ​ങ്ങ​ളു​ടെ ആ​രാ​ധ​നാ​ല​യ​ങ്ങ​ൾ​ക്ക് സു​ര​ക്ഷ പ്ര​ദാ​നം ചെ​യ്യു​ന്ന ആ​രാ​ധ​നാ​ല​യ നി​യ​മ​ത്തി​ന്‍റെ പ്ര​സ​ക്തി​വ​രെ ചോ​ദ്യം ചെ​യ്യു​ക​യാ​യി​രു​ന്നു അ​വ​ർ. ഈ ​സാ​ഹ​ച​ര്യ​ത്തി​ലാ​ണ് പ​ര​മോ​ന്ന​ത നീ​തി​പീ​ഠ​ത്തി​ന് ഇ​ക്കാ​ര്യ​ത്തി​ൽ ഇ​ട​പെ​ടേ​ണ്ടി​വ​ന്ന​ത്. അ​പ്പോ​ഴും പ്ര​ശ്ന​ങ്ങ​ൾ അ​വ​സാ​നി​ച്ചി​ട്ടി​ല്ലെ​ന്നു​ത​ന്നെ​യാ​ണ് അ​ല​ഹാ​ബാ​ദ് ഹൈ​കോ​ട​തി​യു​ടെ ന​ട​പ​ടി​ക​ൾ വ്യ​ക്ത​മാ​ക്കു​ന്ന​ത്. നീ​തി​പീ​ഠ​ങ്ങ​ൾ പി​ന്നെ​യും ഗ്യാ​ൻ​വ്യാ​പി​ക്കും ബാ​ബ​രി​ക്കു​മെ​ല്ലാം സാ​ക്ഷി​യാ​വു​ക​യാ​ണ്. ഒ​​രു സ്ഥ​​ല​​ത്തി​​ന്റെ​​യോ വ​​സ്തു​​വി​​ന്റെ​​യോ മ​​ത​​പ​​ര​​മാ​​യ സ്വ​​ഭാ​​വം പ​​രി​​ശോ​​ധി​​ക്കു​​ന്ന​​തി​​നെ ആ​​രാ​​ധ​​നാ​​ല​​യ നി​​യ​​മം ചോ​​ദ്യം ചെ​​യ്യു​​ന്നി​​ല്ലെ​​ന്ന് ചൂ​ണ്ടി​ക്കാ​ട്ടി​യാ​ണ് അ​​ന്ന​​​ത്തെ സു​​​പ്രീം​​കോ​​ട​​തി ജ​​സ്റ്റി​​സ് ഡി.​​വൈ. ച​​ന്ദ്ര​​ചൂ​​ഡ് ഗ്യാ​ൻ​വ്യാ​പി​യി​ൽ സ​ർ​വേ​ക്ക് അ​നു​മ​​തി ന​ൽ​കി​യ​ത്.

ഗ്യാ​​ൻ​​വ്യാ​​പി​​യി​​ൽ പി​​ന്നീ​​ടെ​​ന്ത് സം​​ഭ​​വി​​ച്ചു​​വെ​​ന്ന​​ത് നാം ​​ക​​ണ്ടു: മ​​​സ്ജി​​​ദി​​​ന് താ​​​ഴെ ക്ഷേ​​​ത്രാ​​​വ​​​ശി​​​ഷ്ട​​​ങ്ങ​​​ളു​​​ണ്ടാ​​​യി​​​രു​​​ന്നു​​​വെ​​​ന്നാ​​യി​​രു​​ന്നു എ.​​എ​​സ്.​​ഐ റി​​പ്പോ​​ർ​​ട്ട്. വാ​​രാ​​ണ​​സി ജി​​ല്ലാ കോ​​ട​​തി ഗ്യാ​​ൻ​​വ്യാ​​പി​​യി​​ൽ പൂ​​ജ​​ക്ക് അ​​നു​​മ​​തി ന​​ൽ​​കു​​ക​​യും ചെ​​യ്തു. സ​​മാ​​ന​​വ​​ഴി​​ക​​ളു​​ടെ സൂ​​ച​​ന​​ത​​ന്നെ​​യാ​​ണി​​പ്പോ​​ൾ സം​​ഭ​​ലി​​ലും. സു​പ്രീംകോ​ട​തി​യു​ടെ താ​ൽ​ക്കാ​ലി​ക ക​ടി​ഞ്ഞാ​ണു​ണ്ടെ​ങ്കി​ലും അ​തി​നെ എ.​എ​സ്.​ഐ വ​ഴി മ​റി​ക​ട​ക്കാ​നു​ള്ള സ​ർ​വ ത​ന്ത്ര​ങ്ങ​ളും ഹൈ​കോ​ട​തി​യി​ൽ ഹി​ന്ദു​ത്വ​ർ പ​യ​റ്റു​ന്നു​ണ്ട്. അ​തി​ന്റെ ആ​ദ്യ ക​ട​മ്പ അ​വ​ർ വി​ജ​യ​ക​ര​മാ​യി പി​ന്നി​ട്ടി​രി​ക്കു​ന്നു. ഇ​പ്പോ​ൾ സം​ഭ​ൽ ഒ​രു ത​ർ​ക്ക​ഭൂ​മി​യും ത​ർ​ക്ക മ​ന്ദി​ര​വു​മാ​ണ്. ബാ​ബ​രി​യി​ലെ​ന്ന​പോ​ലെ, ഗ്യാ​ൻ​വ്യാ​പി​യി​ൽ സം​ഭ​വി​ച്ചു​കൊ​ണ്ടി​രി​ക്കു​ന്ന​തു​പോ​ലെ സം​ഭ​ലി​ൽ അ​വ​കാ​ശ​വാ​ദം ‘സ്ഥാ​പി​ക്കാ​ൻ’ അ​വ​ർ​ക്ക് ഇ​നി അ​ധി​കകാ​ലം വേ​ണ്ടി​വ​രി​ല്ല.